Berglind Hönnudóttir ráðin

22. maí 2020

Berglind Hönnudóttir ráðin

Berglind Hönnudóttir, nýr starfsmaður í Austurlandsprófastsdæmi

Biskup Íslands auglýsti fyrir nokkru laust til umsóknar starf í Austurlandsprófastsdæmi og rann umsóknarfrestur út 5. maí s.l. Tvær sóttu um starfið. Starfið er tímabundið í eitt ár.

Berglind Hönnudóttir, æskulýðsfulltrúi, hefur verið ráðin. Hún mun hefja störf í sumar.

Starfsvettvangur er Egilsstaða-, Hofs- og Austfjarðaprestaköll í Austurlandsprófastsdæmi og er hann fjölbreytilegur og margþættur. Áhersla er lögð á barna- og æskulýðsstarf í prófastsdæminu og verða verkefni starfsmannsins mjög svo tengd fræðslumálum.

Starfsmaðurinn í Austurlandsprófastsdæmi  Berglind er fædd í Reykjavík 1994. Hún lauk stúdentsprófi frá Menntaskólanum Hraðbraut 2012 og BA-prófi í guðfræði frá Háskóla Íslands 2017. Hún hefur margvíslega reynslu af æskulýðsmálum innan þjóðkirkjunnar og utan. Berglind hefur verið æskulýðsfulltrúi við Lágafellskirkju í Mosfellsbæ frá 2018. Hún hefur setið á kirkjuþingi sem fulltrúi kirkjuþings unga fólksins, verið í stjórn ÆSKÞ og ÆSKR. Berglind hefur áhuga á söng, handavinnu, tónlist, ferðalögum og lestri. Sambýlismaður hennar er Baldur Þór Bjarnason og eiga þau tvö börn.

hsh

 

 


  • Barnastarf

  • Biskup

  • Frétt

  • Menning

  • Safnaðarstarf

  • Starf

  • Æskulýðsmál

Siglufjarðarkirkja - bekkir verða vel setnir í dag þegar nýja hljóðkerfið verður tekið í notkun
31
maí

Vegleg gjöf

Tvöföld hátíð
Hvítasunnudagur.jpg - mynd
31
maí

Gleðilegan hvítasunnudag!

Hvítasunnan er auk páska og jóla ein af sameiginlegum höfuðhátíðum kristinnar kirkju. Hátíðin markaði upphaflega lok páskatímans sem stóð í 50 daga, en varð síðar að sjálfstæðum minningardegi um það sem kallað er...
Lágafellskirkja - á morgun verða þar þrjár fermingarguðsþjónustur
30
maí

Helgihald tekur kipp

Allt er að koma til baka