Organisti óskast

6. október 2020

Organisti óskast

Húsavíkurkirkja 6. október 2020. Listaverkið til vinstri er eftir Hallstein Sigurðsson, myndhöggvara, og heitir Ægir. Reist til minningar um látna sjómenn á Húsavík.

Fullt starf organista er laust við Húsavíkurkirkju, (60%) og Skútustaðaprestakall (20%) og Grenjaðarstaðaprestakall (20%).

Best væri að hinn nýi organisti hæfi störf sem allra fyrst. Þetta er nýtt starf og verður mótað í samráði við nýja organistann.

Umsækjendur skulu hafa kirkjutónlistarmenntun frá Tónskóla þjóðkirkjunnar eða sambærilega menntun. Námsvottorð og ferilskrá fylgi umsókninni.

Launakjör eru samkvæmt samningum við FÍH (Félags íslenskra organleikara og þjóðkirkjunnar).

Organistinn stýrir tónlistarstarfi safnaðanna. Hann spilar við helgihald kirknanna og stjórnar kirkjukórunum. Þá tekur hann þátt í safnaðarstarfi eftir því sem aðstæður leyfa.

Umsóknarfrestur um organistastarfið er til 1. nóvember 2020. Umsóknum skal skila til formanns sóknarnefndar Húsavíkurkirkju, Helgu Kristinsdóttur. Netfang hennar: hkjg5252@gmail.com eða í pósti: Helga Kristinsdóttir, Uppsalavegi 33, 640, Húsavík. Helga veitir einnig nánari upplýsingar um starfið í síma 893-2130.

hsh


  • Frétt

  • Menning

  • Safnaðarstarf

  • Samfélag

  • Samstarf

  • Sóknarnefndir

  • Starf

  • Starfsumsókn

  • Tónlist

  • Auglýsing

Þegar barn er skírt er nafn þess gjarnan nefnt upphátt í fyrsta sinn - en skírn er þó ekki nafngjöf - skírnarfontur í Grindavíkurkirkju eftir Ásmund Sveinsson, Guðsteinn Eyjólfsson frá Krosshúsum gaf

Vinsælustu nöfnin 2020

21. jan. 2021
...hvar eru Jón og Guðrún?
Frá Indlandi - kristið fólk er ofsótt þar - skjáskot: Kristeligt Dagblad

Ofsóknir hafa aukist

20. jan. 2021
...kórónuveiran skálkaskjól
Kirkja í Færeyjum - Saksun - vígð 1858

Kórónuveiran í Færeyjum

19. jan. 2021
...rætt við Færeyjabiskup