Framkvæmdastjóri Skálholts

21. október 2020

Framkvæmdastjóri Skálholts

Herdís Friðriksdóttir, framkvæmdastjóri Skálholtsstaðar

Fyrir nokkru auglýsti Skálholtsstaður eftir framkvæmdastjóra og rann umsóknarfrestur út 30. september s.l. Alls sóttu 36 um starfið. 

Stjórn Skálholts ákvað að ráða Herdísi Friðriksdóttur í stöðu framkvæmdastjóra Skálholtsstaðar. Hún er fædd í Stykkishólmi árið 1969. Herdís er skógfræðingur að mennt bæði frá Noregi og Danmörku. Auk þess hefur hún lokið meistaranámi í verkefnisstjórnun frá Háskólanum í Reykjavík. 

Frá 2017 hefur Herdís rekið eigið fyrirtæki, Understand Iceland sem framkvæmdastjóri. Fyrirtækið sérhæfir sig í fræðsluferðum fyrir háskólanemendur og fróðleiksfúsa N-Ameríkana.

Þar á undan starfaði Herdís sem verkefnastjóri Sesseljuhúss, umhverfisseturs á Sólheimum, og fyrr sem sérfræðingur hjá Orkuveitu Reykjavíkur.

Herdís er gift Einari Á. E. Sæmundsen, þjóðgarðsverði á Þingvöllum, og eiga þau tvær dætur.

Herdís og Einar eru sveitungar Skálholtsstaðar og búa með fjölskyldu sinni í Reykholti.

hsh
  • Menning

  • Samfélag

  • Samstarf

  • Starf

  • Trúin

  • Frétt

Kópavogskirkja - málverk eftir Sigfús Halldórsson (1920-1996) í safnaðarheimilinu Borgum  - mynd: hsh

Kópavogskirkja fær gjafir

31. júl. 2021
...kirkjusaga á Borgarholtinu
Reykholtskirkja hin nýja, vígð 28. júlí 1996, og hin eldri, vígð 31. júlí 1887 - mynd: hsh

Tvöfalt afmæli í Reykholti

22. júl. 2021
...Reykholtskirkja og Reykholtshátíð 25 ára
Hóladómkirkja - glæsileg dagskrá Hólahátiðar helgina 14. -15. ágúst - mynd: hsh

Hólahátíð er engri lík

20. júl. 2021
14.-15. ágúst 2021