Hjálparstarfið stendur vaktina
Hjálparstarf kirkjunnar starfar allan ársins hringHjálparstarf kirkjunnar aðstoðar fólk sem býr við efnislegan skort í desember og hefur jólasöfnun
Í desember aðstoðar Hjálparstarf kirkjunnar fólk sem býr við fátækt svo það geti gert sér dagamun yfir hátíðirnar. Stuðningurinn tekur mið af aðstæðum hvers og eins og er fyrst og fremst í formi inneignarkorta í matvöruverslunum sem verða gefin út eigi síðar en 18. desember. Foreldrum sem búa við kröpp kjör býðst auk þess jólafatnaður og jólagjafir fyrir börnin.
Tekið verður á móti umsóknum frá barnafjölskyldum í Reykjavík á skrifstofu Hjálparstarfs kirkjunnar, Háaleitisbraut 66, neðri hæð, 1., 2., 3. og 4. desember kl. 11.00 - 15.00.
Á Suðurnesjum verður tekið á móti umsóknum í Keflavíkurkirkju 1., 3. og 8. desember klukkan 9 – 11 og í Ytri-Njarðvíkurkirkju 2., 3., og 9. desember klukkan 9.00 – 11.00.
Einnig er hægt að sækja um aðstoð á heimasíðu Hjálparstarfs kirkjunnar til 11. desember.
Samvinna er við önnur hjálparsamtök víðs vegar um landið og fólk á landsbyggðinni getur einnig leitað til presta í heimasókn fyrir 8. desember næstkomandi.
„Frá því í byrjun mars og til októberloka á þessu ári fjölgaði þeim sem sækja sér efnislega aðstoð hjá Hjálparstarfi kirkjunnar um 42% miðað við sama tímabil í fyrra. Á fyrstu átta mánuðum ársins 2019 leituðu samtals 743 fjölskyldur til Hjálparstarfsinsum aðstoð en 1057 á sama tímabili núlíðandi árs. Við búumst við því að það fjölgi enn frekar nú í desember,“ segir Bjarni Gíslason framkvæmdastjóri Hjálparstarfs kirkjunnar.
Hjálparstarf kirkjunnar hefur jafnframt hafið fjársöfnun fyrir verkefnum innanlands og utan með því að senda valgreiðslu í heimabanka landsmanna að upphæð 2.500 krónur.
Nánari upplýsingar veitir Kristín Ólafsdóttir, fræðslufulltrúi Hjálparstarfs kirkjunnar, í síma 5284406, kristin@help.is.
kó/hsh
