Græna leiðin
Viðurkenningin afhent. Frá vinstri: Axel Njarðvík, kirkjuráðsmaður, sr. Stefanía Steinsdóttir, sr. Halldór Reynisson, verkefnastjóri umhverfismála þjóðkirkjunnar, og sr. Sindri Geir Óskarsson.Sumarið vekur alla til vitundar um umhverfið og áhrif þess á mannfólkið. Kannski þarf ekki að spyrja um áhrif fólks á umhverfið – þau eru öllum ljós.
En sumarið, fallegt og langþráð, og umhverfið minnir á umhverfisstefnu þjóðkirkjunnar. Og grænu kirkjuna, grænu leiðina.
Til að hljóta viðurkenninguna kirkja á grænni leið þurfa söfnuðir að uppfylla a.m.k. átta atriði af fjörutíu á gátlista umhverfisstarfs þjóðkirkjunnar sem ber heitið Græni söfnuðurinn okkar.
Fyrir nokkru tóku prestar Glerárkirkju við viðurkenningu frá umhverfisnefnd þjóðkirkjunnar en söfnuðurinn er nú kominn á græna leið.
Hvað þýðir það?
Viðkomandi söfnuður þarf að tileinka sér umhverfsstefnu þjóðkirjkunnar. Söfnuðurinn þarf að spyrja sig hvar hann geti komið að umhverfisvænum innkaupum í öllum rekstri sínum. Þetta nær líka til alls starfsins í kirkjunum, boðunar og fræðslu. Með því móti getur söfnuðurinn gengið í takt við samfélag sitt.
Það eru 263 sóknir (söfnuðir) í landinu og þær eru misfjölmennar.
Nú hafa 15 sóknir hafið hina grænu vegferð og tvær þeirra eru komnar í mark, eru græn kirkja. Enn er augljóslega langt í land og nú verða sóknir að taka sig á. Að auki er Biskupsstofa á grænni leið, ein af starfsstöðvum kirkjunnar, eins og sagt er.
Þessar sóknir hafa náð í mark: Árbæjarsókn og Grafarvogssókn.
Þessar eru á grænni leið:
Bessastaðasókn
Breiðholtssókn
Digranessókn
Glerársókn
Hallgrímssókn
Háteigssókn
Hjallasókn
Keflavíkursókn
Kópavogssókn
Langholtssókn
Lágafellssókn
Nessókn
Kópavogssókn
Selfosssókn
Vídalínssókn
Biskupsstofa.
Kirkjuþing og umhverfismálin
Lýsa ber yfir viðbragðsástandi í loftslagsmálum
Orkuskipti í samgöngumálum á vegum starfsfólks kirkjunnar
Umhirða jarða þjóðkirkjunnar
hsh
