Alþjóðlegur forvarnadagur sjálfsvíga

10. september 2021

Alþjóðlegur forvarnadagur sjálfsvíga

Ljós lífsins eru fjölbreytileg - kveikjum á kerti og setjum út í glugga í kvöld - mynd: hsh

Í dag er alþjóðlegur forvarnadagur sjálfsvíga.

Markmiðið með deginum er að stuðla að forvörnum sjálfsvíga og minnast þeirra sem fallið hafa fyrir eigin hendi. Í tilefni dagsins verða samverustundir víðsvegar um landið.

Samverustund verður í dag í Dómkirkjunni í Reykjavík kl. 18.00. Þá verða um helgina minningarstundir í nokkrum kirkjum, eins og í Keflavíkurkirkju, Hveragerðiskirkju, Akureyrarkirkju, Húsavíkurkirkju og Egilsstaðakirkju. 

Stuðningur í kjölfar sjálfsvígs er mjög mikilvægur liður í sjálfsvígsforvörnum. Alþjóða heilbrigðismálastofnunin hefur samþykkt stuðning í kjölfar sjálfsvígs (e. postvention) sem mikilvægan lið í sjálfsvígsforvörnum.

Tvennt er nú viðurkennt sem mikilvægir þættir í sjálfsvígsforvörnum. Annars vegar forvarnir sem hafa það að markmiði að koma í veg fyrir sjálfsvíg, og hins vegar stuðningur við aðstandendur sem felst meðal annars í því að gæta sérstaklega að heilsu þeirra.

Á heimasíðu Alþjóðadags sjálfsvígsforvarna er fólk hvatt til að kveikja á kerti og setja út í glugga í kvöld, 10. september, kl. 20.00.

Ljós í glugga er til þess að:
minnast þeirra sem fallið hafa fyrir eigin hendi
styrkja fólk og gefa von andspænis sárum veruleika
sýna stuðning við forvarnir gegn sjálfsvígum

Eftirtaldir aðilar eru bakhjarlar alþjóðlega forvarnadags sjálfsvíga: Embætti landlæknis, Geðhjálp, Geðsvið Landspítala, Heilsugæslan, Minningarsjóður Orra Ómarssonar, Píeta-samtökin Rauði krossi Íslands, Sorgarmiðstöð og Þjóðkirkjan.

hsh
  • Fræðsla

  • Frétt

  • Sálgæsla

  • Samfélag

  • Samstarf

  • Trúin

  • Forvarnir

Sr. Anne Burghardt, kemur frá Eistlandi og er nýr framkvæmadstjóri Lútherska heimssambandsins - mynd: LWF

Gegnum glerþakið

17. sep. 2021
...kirkjan.is ræðir við nýjan framkvæmdastjóra Lútherska heimssambandsins
Gunnar Kvaran er mannvinur og trúmaður - mynd: hsh

Mannvinur gefur út bók

15. sep. 2021
„Erfiðasta hljóðfærið að leika á er hljóðfæri guðs, lífið sjálft.“