Bætist í græna hópinn
Afhending viðurkenningarskjals um að Víðistaðasöfnuður sé orðinn grænn - frá vinstri sr. Axel Árnason Njarðvík, Benedikt Sigurðsson og sr. Bragi J. Ingibergsson - mynd: VíðistaðakirkjaNýlega bættist Víðistaðasókn í Hafnarfirði í hóp grænna safnaða. Eru þeir nú orðnir sjö að tölu. Á grænni leið eru fjórtán söfnuðir.
Verkefnið hefur staðið yfir í nokkur ár og mjakast hægt og örugglega áfram. Það eru á þriðja hundrað sóknir (söfnuðir) í landinu og þær eru misfjölmennar.
Verkefnið Græna kirkjan er nú í höndum sr. Axels Árnasonar Njarðvík, héraðsprests.
Að efla vitund sóknarbarna um grænar áherslur í kirkjustarfi.
Að efla vistvæna þætti í rekstri safnaða, kirkju og safnaðarheimila.
Að efla jákvæða umræðu um umhverfismálin.
Að huga að umhverfisstefnu þjóðkirkjunnar.
Til að hljóta viðurkenninguna kirkja á grænni leið þurfa söfnuðir að uppfylla a.m.k. átta atriði af fjörutíu á gátlista umhverfisstarfs þjóðkirkjunnar sem ber heitið Græni söfnuðurinn okkar.
Viðkomandi söfnuður þarf að tileinka sér umhverfisstefnu þjóðkirkjunnar. Söfnuðurinn þarf að spyrja sig hvar hann geti komið að umhverfisvænum innkaupum í öllum rekstri sínum. Þetta nær líka til alls starfsins í kirkjunum, boðunar og fræðslu. Með því móti getur söfnuðurinn gengið í takt við samfélag sitt.
1. Árbæjarsókn
2. Breiðholtssókn
3. Seltjarnarnessókn
4. Grafarvogssókn
5. Hallgrímssókn
6. Stykkishólmssókn
7. Víðistaðasókn.
1. Ástjarnarsókn
2. Bessastaðasókn
3. Digranessókn
4. Garðasókn
5. Glerársókn
6. Hjallasókn
7. Kársnessókn
8. Keflavíkursókn
9. Langholtssókn
10. Lágafellssókn
11. Nessókn í Reykjavík
12. Háteigssókn
13. Selfosssókn
14. Seljasókn.
Í þessum hópi er einnig Biskupsstofa
Nú þurfa söfnuðir sem ekki hafa hugað að þessu að bretta upp ermar og hefjast handa um að koma sér á hina grænu leið eða vinda sér í einu vetfangi í hóp grænna kirkna.
Aths. Telji einhver safnaðar ógetið sem er grænn eða á grænni leið óskast upplýsingar um það sendar á: hreinn@biskup.is og verður fréttin þá uppfærð.
hsh
