Messa í Krýsuvíkurkirkju

14. september 2022

Messa í Krýsuvíkurkirkju

Krýsuvíkurkirkja er fallegt guðshús í látleysi sínu - mynd: Jónatan Garðarsson

Messa verður í hinni nýju Krísuvíkurkirkju nú um helgina 18.september kl. 14:00. Til stendur að messa í kirkjunni einu sinni að hausti og einu sinni að vori auk einnar sumarmessu. Sr. Jónína Ólafsdóttir sóknarprestur í Hafnarfjarðarkirkju messar, Guðmundur Sigurðsson leikur á ferðaorgel og Þórunn Vala Valdimarsdóttir syngur.

Kirkjan var vígð hinn 5. júní s.l. af sr.Kristjáni Val Ingólfssyni fyrrum vígslubiskupi í Skálholti.

Engin messuskylda er í Krýsuvík þar sem ekkert sóknarbarn er búsett þar en prestar Hafnarfjarðarkirkju vilja engu að síður halda uppi helgihaldi þar.

Auk messuhalds fara þar fram athafnir, eins og skírnir og hjónavígslur.

Allar upplýsingar um messuhald í Krýsuvíkurkirkju má finna á heimasíðu Hafnarfjarðrkirkju hafnarfjardarkirkja.is eða á facebook síðu kirkjunnar.

Auglýsingaskilti hefur nýlega verið komið upp fyrir framan Hafnarfjarðarkirkju þar sem allar messuauglýsingar birtast. Þá fá öll sóknarbörn Hafnarfjarðarsóknar einnig sent safnaðarblað í heimahús nú í september.


slg


  • Kirkjustarf

  • Messa

  • Viðburður

  • Kirkjustaðir

Bústaðakirkja - mynd: hsh

Bleikur október í Bústaðakirkju

29. sep. 2022
.........október er listamánaður 2022 í Bústaðakirkju.
Sr. Jóhanna I. Sigmarsdóttir

Andlátsfregn

29. sep. 2022
.......sr. Jóhanna Ingibjörg Sigmasdóttir er látin
Fermingarbörn í Þorgeirskirkju

Afar fjölmennt fermingarbarnamót

29. sep. 2022
......haldið á Stórutjörnum