Bleikur október í Bústaðakirkju

29. september 2022

Bleikur október í Bústaðakirkju

Bústaðakirkja - mynd: hsh

Októbermánuður verður listamánuður í Bústaðakirkju í Reykjavík.

Hádegistónleikar verða alla miðvikudaga í október kl. 12:05-12:30.
Aðgangur er ókeypis. Að tónleikunum loknum er boðið upp á léttan hádegisverð gegn vægu gjaldi í safnaðarheimili kirkjunnar.

Fjöldi listamanna munu koma fram á hádegistónleikunum, sem einnig munu koma fram í sunnudagshelgihaldi kirkjunnar í október.

Sigurður Flosason, saxafónleikari, Kristján Jóhannsson, tenór, Jóhann Friðgeir Valdimarsson, tenór, Matthías Stefánsson, fiðluleikari, Benedikt Kristjánsson, tenór, ásamt Jónasi Þóri kantor og kammerkór Bústaðakirkju munu leika og syngja á tónleikunum, en hér neðst á síðunni má líta dagskrá hátíðarinnar.

Margrét Bóasdóttir söngmálastjóri þjóðkirkjunnar mun kynna nýja sálmabók og fylgja henni úr hlaði með hádegiserindi sunnudaginn 2. október.
Í helgihaldinu þann dag mun séra Kristján Valur Ingólfsson fyrrum vígslubiskup í Skálholti prédika.

Tónlistin í sunnudagshelgihaldi októbermánaðar verður fjölbreytt, þar sem nýir sálmar verða í fyrirrúmi.

Þann 9. október verður bandarísk tónlist, sálmar, gospel og blús á efnisskránni í Bolvíkingamessu.

Norskir sálmar og tónlist eftir Grieg, Kverno, Lövland og fleiri, verða á oddinum 16. október.

Bítlalög og ljóð verða síðan í boði 23. október.

Mozart verður í bleiku síðasta sunnudag októbermánaðar, þann 30. október.

Kammerkór Bústaðakirkju ber uppi þessa fjölbreyttu dagskrá, ásamt kantor kirkjunnar, Jónasi Þóri.

Bleikur október styður Ljósið.

Tónleikagestum á hádegistónleikum í október gefst kostur á að leggja mikilvægu starfi Ljóssins lið.
Dagskrána í heild sinni má finna hér fyrir neðan.


slg



Myndir með frétt

  • List og kirkja

  • Menning

  • Safnaðarstarf

  • Samfélag

  • Kirkjustarf

Jóladagatalið Gefum gæðastund í skóinn.jpg - mynd

Samverustundir í skóinn

09. des. 2022
.........“sjáðu mig!“
Svalbarðskirkja flutt fyrir 50 árum -mynd akureyri.net

Kirkjur á ferð og flugi

08. des. 2022
..........50 ár frá flutningi Svalbarðskirkju
Sr. Ragnheiður, Margrét og sr. Gísli -mynd Þuríður Kristjana Þorbergsdóttir

Mikilvægt að kirkjan þjóni Íslendingum erlendis

06. des. 2022
.......sr. Gísli Gunnarsson heimsækir söfnuðinn á Spáni