Aftur kominn djákni í Skálholt

23. september 2024

Aftur kominn djákni í Skálholt

Djákni, sóknarprestur og prófastur

Sunnudaginn 22. september setti sr. Halldóra J. Þorvarðardóttir prófastur Suðurprófastsdæmis Bergþóru Ragnarsdóttur í embætti djákna og sr. Kristínu Þórunni Tómasdóttur í embætti sóknarprests í Skálholtsprestakalli.

Við fjölsótta guðsþjónustu þjónuðu líka Herdís Friðriksdóttir framkvæmdastjóri Skálholts og Vigdís Fjóla Þórarinsdóttir fermingarbarn, auk sr. Óskars Hafsteins Óskarssonar, sem mun taka við prófastsembætti af Halldóru þann 1. nóvember n.k. og sr. Kristjáns Björnssonar vígslubiskups, sem lýsti blessun.

Jón Bjarnason lék á orgel og leiddi Skálholtskórinn í sálmasöng.

Þess má geta að Jón er eignmaður Bergþóru djákna.

Messukaffi var í Skálholtsskóla þar sem vígslubiskup ávarpaði samkomuna.

Kristín Þórunn segir að á þessum gleðidegi hafi verið sérstaklega ánægjulegt að sjá aftur djákna í þjónustu við Skálholtsstað, en djákni hefur ekki verið á staðnum síðan fyrir siðbót.

Þess má geta að Kristín Þórunn er dóttir sr. Tómasar Sveinssonar og Unnar Halldórsdóttur, fyrsta djáknans sem menntuð var sem slík og var vígð djáknavígslu árið 1965 af dr. Sigurbirni Einarssyni þáverandi biskupi Íslands.

Í prédikun sinni minnti sr. Kristín Þórunn á það að djákni hafi ekki verið starfandi í Skálholti í 500 ár og sagði að nú yrði ekki leiðinlegt fyrir neinn að vera í Skálholti, eins og sagt var um þá daga þegar Þorlákur helgi sat staðinn.


slg



Myndir með frétt

  • Kirkjustarf

  • Leikmenn

  • Prestar og djáknar

  • Prófastur

  • Safnaðarstarf

  • Samfélag

  • Samstarf

  • Kirkjustaðir

Frá vígslu Ólafíustofu í Osló

Laust starf prests

04. feb. 2025
...við íslenska söfnuðinn í Noregi
Bústaðakirkja í kvöldsólinni

Ástin og lífið í Bústaðakirkju

31. jan. 2025
... í tali, tónum og ljóðum í febrúar
Plakat-Eyþór.jpg - mynd

Hádegistónleikar í Hallgrímskirkju

30. jan. 2025
...laugardaginn 1. febrúar kl. 12:00