Börn fengu að að spila á Klais orgelið

Orgelnemendur við Klais orgelið

Þann 12. og 13. desember sl. fóru fram jólatónleikar Tónskóla þjóðkirkjunnar.

Hinir fyrri voru haldnir í Hallgrímskirkju þar sem orgelnemendur skólans á aldrinum 7 ára til rúmlega þrítugs fengu að spila á stóra Klais orgel kirkjunnar.

Daginn eftir héldu kórstjórnarnemendur Tónskólans og Listaháskóla Íslands tónleika í Háteigskirkju þar sem flutt var falleg og jólaleg efnisskrá með lögum úr ýmsum áttum.

Að sögn Guðnýjar Einarsdóttur söngmálastjóra þjóðkirkjunnar og skólastjóra Tónskólans þá er óhætt að segja að báðir þessir tónleikar hafi verið glæsilegir og komið öllum viðstöddum í jólaskap!

„Allir nemendur stóðu sig með mikilli prýði“ segir Guðný og bætir við:

„Tónskólinn óskar nemendum, kennurum og öðrum velunnurum gleðilegra jóla með kærri þökk fyrir gott samstarf á liðnu ári!“

slg

Myndir með frétt