EN
Leit
Þjónustuvefur
  1. Forsíða
  2. Kirkjan
  3. Almanak

Almanak

Í almanakinu er ein síða fyrir hvern dag ársins. Hér finnur þú lestra dagsins, sálmvers og bænir auk fróðleiks.

Fyrri
Seinni

18. október 2017

Morgunlestur: Matt 5.23-26

Vertu skjótur til sátta við andstæðing þinn meðan þú ert enn á vegi með honum til þess að hann selji þig ekki dómaranum í hendur og dómarinn þjóninum og þér verði varpað í fangelsi. Sannlega segi ég þér: Eigi munt þú komast út þaðan fyrr en þú hefur borgað síðasta eyri.

Kvöldlestur: Ef 6.1-9

Börn, hlýðið foreldrum ykkar vegna Drottins því að það er rétt. "Heiðra föður þinn og móður" – það er hið fyrsta boðorð með fyrirheiti: "til þess að þér vegni vel og þú verðir langlífur á jörðinni". Og feður, reitið ekki börn ykkar til reiði heldur alið þau upp með aga og fræðslu um Drottin.

Bæn dagsins

Eilífi Guð og faðir. þú hefur skapað mig og annast mig frá móðurlífi, við hvert fótmál og andartak, í vöku og svefni, er hönd þín yfir mér, skapandi, hjálpsöm og góð. Lát líf mitt lofa þig. Fyrirgef allt sem ég brýt gegn þér. Ég fel mig miskunn þinni og bið þig að lýsa mér, þegar ég vaki og varðveita mig er ég sef, svo að ég sé þinn á nóttu sem degi, í lífi og dauða. Fyrir Jesú Krist, Drottin minn og frelsara. Amen. (Sigurbjörn Einarsson)

Sálmur (sb. 196)

Veit, að það, sem heimur heldur heill, ei dragi mig frá þér. Það, sem fyrir gott hann geldur, gjarnan spott og vanþökk er, en það sælu æðstu veldur, ef vér, Drottinn, hlýðnumst þér. (Jón Espólín)

Minnisvers vikunnar

19. október 2017

Morgunlestur: Jak 2.1-8

Bræður mínir og systur, þið sem trúið á Jesú Krist, dýrðardrottin okkar, farið ekki í manngreinarálit. Nú kemur maður inn í samkundu ykkar með gullhring á hendi og í skartlegum klæðum og jafnframt kemur inn fátækur maður í óhreinum fötum. Ef öll athygli ykkar beinist að þeim sem skartklæðin ber og þið segið: "Settu þig hérna í gott sæti!" en segið við fátæka manninn: "Stattu þarna eða settu þig á gólfið við fótskör mína," hafið þið þá ekki mismunað mönnum og orðið dómarar með illum hvötum?

Kvöldlestur: Post 5.1-11

En maður nokkur, Ananías að nafni, seldi ásamt Saffíru, konu sinni, eign og dró undan af verðinu með vitund konu sinnar en kom með nokkuð af því og lagði fyrir fætur postulanna. En Pétur mælti: "Ananías, hví fyllti Satan hjarta þitt svo að þú laugst að heilögum anda og dróst undan af verði lands þíns? Var landið ekki þitt meðan þú áttir það og var ekki andvirði þess á þínu valdi? Hvernig gastu þá látið þér hugkvæmast slíkt tiltæki? Ekki hefur þú logið að mönnum heldur Guði."

Bæn dagsins

Almáttugi Guð, þú skapaðir jörðina fyrir manninn og oss þér til dýrðar, veit oss af náð þinni, að jörðin gefi ávöxt sinn, og að vér megum nota og skipta þeim gjöfum af sanngirni nafni þínu til dýrðar og náunganum til blessunar, fyrir Jesú Krist, Drottin vorn. Amen. (úr Book of Common Prayer)

Sálmur (sb. 196)

Þá skal trú mín, þýði Herra, þægan ávöxt bera sinn, Drottins ætíð dýrðin vera, dug og kraft er efldi minn, fasta vörn skal fyrir bera, freistar mín ef heimurinn. (Jón Espólín)

Minnisvers vikunnar

20. október 2017

Morgunlestur: Matt 22.34-46

"Meistari, hvert er hið æðsta boðorð í lögmálinu?" Jesús svaraði honum: "Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er hliðstætt þessu: Þú skalt elska náunga þinn eins og sjálfan þig. Á þessum tveimur boðorðum hvílir allt lögmálið og spámennirnir."

Kvöldlestur: Róm 14.19-15.3

Keppum þess vegna eftir því sem til friðar heyrir og eflir samfélagið. Brjóttu ekki niður verk Guðs vegna matar. Allt er að sönnu hreint en allt verður samt illt þeim manni sem etur öðrum til falls. Það er rétt að eta hvorki kjöt né drekka vín eða gera neitt það annað sem kemur illa við bróður þinn eða systur.

Bæn dagsins

Drottinn, vér biðjum þig fyrir öllum sem standa í stríði við freistingar og hugleysi, fyrir öllum sem syrgja og þjást, fyrir öllum sem eiga í baráttu við efasemdir, fyrir öllum sem vér höfum brotið gegn, fyrir öllum sem gjört hafa á hluta vorn, fyrir öllum sem líða vegna ranglætis. Miskunna þú oss öllum, Drottinn, sakir eilífrar náðar þinnar í Jesú Kristi. Amen. (Hanns Lilje)

Sálmur (sb. 196)

Heyrir þú mitt hróp, ég treysti, Herra, þér, og stenst ég þá. Þótt mín syndir þráfalt freisti, þú mér aldrei víkur frá, en mér sendir sanna hreysti, sigri frægum loks að ná. (Jón Espólín)

Minnisvers vikunnar

21. október 2017

Morgunlestur: Mrk 10.17-27

Þá leit Jesús í kring og sagði við lærisveina sína: "Hve torvelt verður þeim sem auðinn hafa að ganga inn í Guðs ríki." Lærisveinunum brá mjög við orð Jesú en hann sagði aftur við þá: "Börn, hve torvelt er að komast inn í Guðs ríki. Auðveldara er úlfalda að fara gegnum nálarauga en auðmanni að komast inn í Guðs ríki." En þeir urðu steini lostnir og sögðu sín á milli: "Hver getur þá orðið hólpinn?" Jesús horfði á þá og sagði: "Menn hafa engin ráð til þessa en Guði er ekkert um megn."

Kvöldlestur: Jak 2.8-13

Ef þið uppfyllið hið konunglega boðorð Ritningarinnar: "Þú skalt elska náunga þinn eins og sjálfan þig," þá gerið þið vel. En ef þið farið í manngreinarálit þá drýgið þið synd og lögmálið sannar upp á ykkur að þið séuð brotamenn.

Bæn dagsins

Guð, faðir á himnum. Lof og þökk sé þér fyrir hvíld næturinnar. Lof og þökk sé þér fyrir nýjan dag. Lof og þökk sé þér fyrir alla ást þína, alla gæfu og trúfesti sem ég nýt í lífi mínu. Þú hefur gefið mér svo margt gott, láttu mig einnig þiggja hið erfiða úr hendi þinni. Þú leggur ekki meira á mig en ég fæ borið. Þú lætur allt samverka börnum þínum til góðs. (Bonhoeffer)

Sálmur (sb. 1)

Sé Drottni lof og dýrð, hans dásemd öllum skýrð, hann lofi englar allir og æðstu ljóssins hallir, hann lofi hnatta hjólin og heiðri tungl og sólin. (Matthías Jochumsson)

Minnisvers vikunnar

22. október 2017

Morgunlestur: Jóh 9.1-11

Jesús svaraði: "Hvorki er það af því að hann hafi syndgað eða foreldrar hans heldur til þess að verk Guðs verði opinber á honum. Okkur ber að vinna verk þess er sendi mig meðan dagur er. Það kemur nótt þegar enginn getur unnið. Meðan ég er í heiminum er ég ljós heimsins."

Kvöldlestur: Slm 30.2-6

Ég lofa þig, Drottinn, því að þú dróst mig upp úr djúpinu og lést óvini mína ekki hlakka yfir mér. Drottinn, Guð minn, ég hrópaði til þín og þú læknaðir mig.

Bæn dagsins

Drottinn Guð, þú gefur kjark og ráð til að gjöra það sem rétt er. Kenndu okkur að lifa samkvæmt boðum þínum og fullgjöra það sem er þér til dýrðar og til eflingar ríki þínu. Fyrir Jesú Krist lausnara okkar og bróður.

Sálmur (sb. 190)

Lát opnast augu mín, minn ástvin himnum á, svo ástarundur þín mér auðnist skýrt að sjá: hið fríða foldarskraut, hinn fagra stjarnaher á loftsins ljómabraut og ljóssins dýrð hjá þér. (Valdimar Briem)

Minnisvers vikunnar

26. október 2017

Morgunlestur: 4Mós 12.1-15

Þá steig Drottinn niður í skýstólpa, tók sér stöðu við tjalddyrnar og kallaði á Aron og Mirjam. Þau gengu þá bæði fram og hann sagði:
Hlýðið á orð mín.
Sé spámaður meðal yðar
birtist ég honum í sýn,
tala við hann í draumi.
Þannig fer ég ekki að við Móse, þjón minn,
sem er trúað fyrir allri þjóð minni.
Ég tala við hann augliti til auglitis
en ekki í gátum,
hann fær að sjá mynd Drottins.

Kvöldlestur: 1Mós 15.1-6

Þá kom orð Drottins aftur til Abrams: "Ekki mun hann erfa þig heldur sá sem af þér mun getinn verða. Hann skal erfa þig." Þá leiddi hann Abram út fyrir og mælti: "Líttu til himins og teldu stjörnurnar ef þú getur." Og hann sagði: "Svo margir munu niðjar þínir verða." Og Abram trúði Drottni og hann reiknaði honum það til réttlætis.

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir. (Sigurbjörn Einarsson)

Sálmur (sb. 190)

Lát opnast himins hlið,
þá héðan burt ég fer,
mitt andlát vertu við
og veit mér frið hjá þér.
Þá augun ekkert sjá
og eyrun heyra' ei meir
og tungan mæla' ei má,
þá mitt þú andvarp heyr.

(Valdimar Briem)

Minnisvers vikunnar

27. október 2017

Morgunlestur: 2Mós 15.22-27

Móse lét nú Ísrael leggja af stað frá Sefhafinu. Þeir héldu út í Súreyðimörkina og gengu í þrjá daga um hana án þess að finna vatn. Þegar þeir komu til Mara gátu þeir ekki drukkið vatnið þar því að það var rammt. Þess vegna nefnist staðurinn Mara. Þá möglaði fólkið gegn Móse og spurði: "Hvað eigum við að drekka?" Hann hrópaði á hjálp til Drottins og Drottinn sýndi honum tré. Móse kastaði því í vatnið og þá varð það ferskt.

Kvöldlestur: Jak 5.13-16

Líði nokkrum illa ykkar á meðal, þá biðji hann. Liggi vel á einhverjum, þá syngi hann lofsöng. Sé einhver sjúkur ykkar á meðal, þá kalli hann til sín öldunga safnaðarins og þeir skulu smyrja hann með olíu í nafni Drottins og biðja fyrir honum. Trúarbænin mun gera hinn sjúka heilan og Drottinn mun reisa hann á fætur. Þær syndir, sem hann kann að hafa drýgt, verða honum fyrirgefnar.

Bæn dagsins

Vísa mér veg þinn, Drottinn, og ger mig fúsa að fara hann. (Heilög Birgitta)

Sálmur (sb. 192)

Á meðan engin mætir neyð, á meðan slétt er ævileið, vér göngum þrátt með létta lund og leitum ei á Jesú fund. (Valdimar Briem)

Minnisvers vikunnar

28. október 2017

Morgunlestur: Júd 1.20-25

En þið elskuðu, byggið ykkur sjálf upp í helgustu trú ykkar. Biðjið í heilögum anda. Látið kærleika Guðs varðveita ykkur sjálf og bíðið eftir að Drottinn vor Jesús Kristur sýni ykkur náð og veiti ykkur eilíft líf.

Kvöldlestur: 1Mós 9.8-17

Og Guð sagði: "Þetta er tákn sáttmálans fyrir allar ókomnar aldir sem ég stofna til milli mín og ykkar og allra lifandi skepna sem hjá ykkur eru. Boga minn hef ég sett í skýin. Hann skal vera tákn sáttmálans milli mín og jarðarinnar. Þegar ég færi ský yfir jörðina og boginn sést í skýjunum mun ég minnast sáttmálans milli mín og ykkar og allra lifandi skepna, alls holds, og aldrei framar skal vatnið verða að flóði sem tortímir öllu lífi.

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen. (Sigurbjörn Einarsson)

Sálmur (sb. 192)

En þegar kemur hregg og hríð og hrelling þjakar, neyð og stríð, í dauðans angist daprir þá vér Drottinn Jesú köllum á. (Valdimar Briem)

Minnisvers vikunnar

01. nóvember 2017

Morgunlestur: Mal 2.13-16

Hafi einhver andúð á konu sinni og sendi hana frá sér, segir Drottinn, Guð Ísraels, þá flekkar hann klæði sín með ranglæti, segir Drottinn hersveitanna. Gætið ykkar því á meðan þið lifið og bregðið ekki trúnaði. 

Kvöldlestur: Jóh 15.1-8

Ef þér eruð í mér og orð mín eru í yður, þá biðjið um hvað sem þér viljið og yður mun veitast það. Með því vegsamast faðir minn að þér berið mikinn ávöxt og verðið lærisveinar mínir.

Bæn dagsins

Lát eyrun daufu opnast þér,
ljúk upp þeim hug, sem byrgður er,
svo hjartað finni frelsi sitt
og friðinn eina, ríki þitt.
(Sigurbjörn Einarsson)

Sálmur (sb. 729)

Lát eyrun daufu opnast þér,
ljúk upp þeim hug, sem byrgður er,
svo hjartað finni frelsi sitt
og friðinn eina, ríki þitt.
(Sigurbjörn Einarsson) 

Minnisvers vikunnar

02. nóvember 2017

Morgunlestur: Fílm 1-22

Ég bið að það sem þú átt og gefur í trúnni styrki þig til þess að skilja allt hið góða sem veitist í Kristi. Mikla gleði og uppörvun hef ég þegið sakir kærleika þíns því að þú, bróðir, hefur endurnært hjörtu heilagra. 

Kvöldlestur: 1Tím 3.1-13

Það orð er satt. Sækist einhver eftir biskupsstarfi þá girnist hann göfugt hlutverk. Biskup á að vera óaðfinnanlegur, einkvæntur, bindindissamur, hóglátur, háttprúður, gestrisinn, góður fræðari, ekki drykkfelldur, ekki ofsafenginn, heldur gæfur, ekki deilugjarn, ekki fégjarn. Hann á að vera maður sem veitir góða forstöðu heimili sínu og venur börn sín á hlýðni og alla prúðmennsku. 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir. (Sigurbjörn Einarsson)

Sálmur (sb. 729)

Gef blindum augum bót og sýn,
að birtist öllum náðin þín,
ger alla menn að einni hjörð
í einni trú á nýrri jörð. 
(Sigurbjörn Einarsson)

Minnisvers vikunnar

03. nóvember 2017

Morgunlestur: Ef 5.21, 25-32

Enginn hefur nokkru sinni hatað eigið hold heldur elur hann það og annast eins og Kristur kirkjuna því við erum limir á líkama hans.
"Þess vegna skal maður yfirgefa föður og móður og búa við eiginkonu sína og munu þau tvö verða einn maður." Þetta er mikill leyndardómur. Ég hef í huga Krist og kirkjuna.

Kvöldlestur: 1Tím 5.3-8

Heiðra ekkjur sem í raun og veru eru ekkjur. En ef einhver ekkja á börn eða barnabörn, þá læri þau fyrst og fremst að sýna rækt eigin heimili og endurgjalda foreldrum sínum því að það er Guði þóknanlegt.
Sú sem er ekkja í raun og veru og á engan að festir von sína á Guð og ákallar hann stöðugt og biður nótt og dag.

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir. (Gömul bæn)

Sálmur (sb. 729)

Svo verði allir eitt í þér,
sem allra synd og raunir ber,
eins hér á jörð sem himnum á,
þú hjartans sanna von og þrá.
(Sigurbjörn Einarsson)

Minnisvers vikunnar

04. nóvember 2017

Morgunlestur: 1Pét 2.5-10

Látið sjálf uppbyggjast sem lifandi steinar í andlegt hús til heilags prestdóms, til að bera fram andlegar fórnir fyrir Jesú Krist, Guði velþóknanlegar. Því að svo stendur í Ritningunni:
Sjá, ég set hornstein í Síon,
valinn og dýrmætan.
Sá sem trúir á hann mun alls eigi verða til skammar. 

Kvöldlestur: Opb 19.6-9a

Og ég heyrði raddir sem frá miklum mannfjölda og sem nið margra vatna og sem gný frá sterkum þrumum. Þær sögðu: "Hallelúja, Drottinn Guð vor, hinn alvaldi, er konungur orðinn. Gleðjumst og fögnum og vegsömum hann því að komið er að brúðkaupi lambsins og brúður hans hefur búið sig.

Bæn dagsins

Guð gef mér æðruleysi til að sætta mig við það sem ég fæ ekki breytt, kjark til að breyta því sem ég get breytt, og vit til að greina þar á milli.

Sálmur (sb. 753)

Bíðið hér og vakið með mér,
vakið og biðjið, vakið og biðjið.

Minnisvers vikunnar

05. nóvember 2017

Morgunlestur: Slm 91.1-4

Sá er situr í skjóli Hins hæsta
og dvelst í skugga Hins almáttka
segir við Drottin:
"Hæli mitt og háborg,
Guð minn, er ég trúi á." 
 

Kvöldlestur: Jóh 4.34-38

Segið þið ekki: Enn eru fjórir mánuðir, þá kemur uppskeran? En ég segi ykkur: Lítið upp og horfið á akrana, þeir eru fullþroskaðir til uppskeru. Sá sem upp sker tekur þegar laun og safnar ávexti til eilífs lífs. Þá getur sá sem sáir samfagnað þeim sem upp sker. Hér sannast orðtakið: Einn sáir og annar upp sker. Ég sendi ykkur að skera upp það sem þið hafið ekki unnið við. Aðrir hafa erfiðað en þið njótið erfiðis þeirra." 

Bæn dagsins

Drottinn Guð, þú lætur sól þína renna upp yfir góða og vonda og villt að við elskum óvini okkar og andstæðinga. Gef okkur anda þinn, að við sigrum hið illa með góðu og dveljum í friði þínum í hverskyns átökum, fyrir Jesú Krist.

Sálmur (sb. 32)

Upp hef ég augu mín
alvaldi Guð, til þín.
Náð þinni' er ljúft að lýsa,
lofa þitt nafn og prísa.
(Herdís Andrésdóttir)

Minnisvers vikunnar

06. nóvember 2017

Morgunlestur: Matt 15.1-11a, 18-20

Og Jesús kallaði til sín mannfjöldann og sagði: "Heyrið og skiljið.  Ekki saurgar það manninn sem inn fer í munninn, hitt saurgar manninn sem út fer af munni." 

Kvöldlestur: 1Kor 9.13-19

Þótt ég sé að boða fagnaðarerindið, þá gefur það mér enga ástæðu til að miklast af því. Ég er knúinn til þess. Vei mér ef ég boða það ekki. Geri ég þetta af frjálsum vilja ber mér að fá laun. En finni ég mig til þess knúinn hefur Guð falið mér ráðsmennsku. Hver eru þá laun mín? Þau að ég boða fagnaðarerindið án endurgjalds og hagnýti mér ekki það sem ég á rétt á. 

Bæn dagsins

Megi styrkur Guðs leiða okkur. Megi kraftur Guðs umfaðma okkur. Megi viska Guðs leiðbeina okkur. Megi hönd Guðs vernda okkur. Megi vegur Guðs leiða okkur. Og megi skjöldur Guðs verja okkur nú og að eilífu. Amen.

Sálmur (sb. 32)

Allt er að þakka þér
það gott, sem hljótum vér
um allar aldaraðir,
eilífi ljóssins faðir. 
(Herdís Andrésdóttir)

Minnisvers vikunnar

07. nóvember 2017

Morgunlestur: 2Kor 10.1-6

Þótt ég sé maður berst ég ekki á mannlegan hátt - því að vopnin, sem ég nota, eru ekki jarðnesk heldur máttug vopn Guðs til að brjóta niður vígi. Ég brýt niður hugsmíðar og allt sem hreykir sér gegn þekkingunni á Guði og hertek hverja hugsun til hlýðni við Krist.

Kvöldlestur: 2Tím 2.1-5

Þú barnið mitt, Tímóteus, ver styrkur í náðinni sem veitist í Kristi Jesú. Það sem þú heyrðir mig tala í margra votta viðurvist skalt þú fá í hendur trúum mönnum sem líka munu færir um að kenna öðrum. <br/>
Þú skalt og að þínu leyti illt þola eins og góður hermaður Krists Jesú

Bæn dagsins

Drottinn, Jesús Kristur, þú nálgast okkur á svo óvæntan hátt og talar við okkur í gegn um fólk sem hefur annan bakgrunn og annað útlit en við sjálf. Hjálpa okkur að hlusta með virðingu á reynslu þeirra og að hugleiða þeirra innsæi. Frelsa okkur frá stolti svo að við megum finna sæmd þína og nálægð hvar sem þú ert. (Maureen Edwards)

Sálmur (sb. 32)

Vér erum gleymskugjörn,
gálaus og fávís börn,
en þú, sem aldrei sefur,
á öllum gætur hefur.
(Herdís Andrésdóttir)

Minnisvers vikunnar

08. nóvember 2017

Morgunlestur: 1Mós 13.7-18

Er Lot hafði skilið við Abram sagði Drottinn við Abram: "Hef upp augu þín frá þeim stað þar sem þú býrð og horfðu til norðurs, suðurs, austurs og vesturs.  Allt landið, sem þú sérð, mun ég gefa þér og niðjum þínum að eilífu.  Ég mun gera niðja þína sem duft jarðar. Geti nokkur talið duftkorn jarðar þá má einnig koma tölu á niðja þína.

Kvöldlestur: Matt 10.32-39

Hvern þann sem kannast við mig fyrir mönnum mun og ég við kannast fyrir föður mínum á himnum.  En þeim sem afneitar mér fyrir mönnum mun og ég afneita fyrir föður mínum á himnum. 

Bæn dagsins

Jesús, vinur minn og bróðir, vertu með mér í dag, fylgdu mér eftir hvert einasta fótstig mitt svo að ég megi hvert einasta andartak dagsins hafa þig að leiðarljósi. Hnipptu í mig ef ég er að fara ranga leið, ýttu við mér ef ég er um það bil að fara að gera öðrum rangt. Vaktu yfir mér svo að ég valdi frekar gleði en sorg í lífi annarra. Vertu með mér Jesús og hjálpa mér að vera lifandi ljós þér til dýrðar. Amen.

Sálmur (sb. 32)

Eg veit, að aldrei dvín
ástin og mildin þín,
því fel ég mig og mína,
minn Guð, í umsjá þína.
(Herdís Andrésdóttir)

Minnisvers vikunnar

09. nóvember 2017

Morgunlestur: 1Kor 12.12-14, 26-27

Því að eins og líkaminn er einn og hefur marga limi en allir limir líkamans, þótt margir séu, eru einn líkami, þannig er og Kristur. Í einum anda vorum við öll skírð til að vera einn líkami, hvort sem við erum Gyðingar eða Grikkir, þrælar eða frjálsir, og öll fengum við einn anda að drekka. 

Kvöldlestur: Tít 2.1-10

Svo skalt þú og brýna fyrir ungum mönnum að vera hóglátir. Vertu sjálfur fyrirmynd í góðum verkum. Vertu grandvar í fræðslu þinni og heilhuga svo hún verði heilnæm og óaðfinnanleg og andstæðingurinn fyrirverði sig þegar hann hefur ekkert illt um okkur að segja. 

Bæn dagsins

Drottinn gjör mig boðbera friðar þíns.

Sálmur (sb. 2)

Lof sé þér um ár og öld,
mikli Drottinn dýrðarinnar,
dýrðar vil ég minnast þinnar,
þér sé vegsemd þúsundföld.
Kynslóð eftir kynslóð lofar
kærleik þinn og speki' og mátt,
þú, sem ríkir öllu ofar,
allt þú blessar, stórt og smátt.
(Valdimar Briem)

Minnisvers vikunnar

10. nóvember 2017

Morgunlestur: Lúk 22.31-38

Þá sagði hann við þá: "En nú skal sá er pyngju hefur taka hana með sér og eins sá er mal hefur og hinn sem ekkert á selji yfirhöfn sína og kaupi sverð. Því ég segi yður að þessi ritning á að rætast á mér: Með illvirkjum var hann talinn. Og nú er að fullnast það sem um mig er ritað."

Kvöldlestur: Jóh 15.9-17

Ég hef elskað yður eins og faðirinn hefur elskað mig. Verið stöðug í elsku minni. Ef þér haldið boðorð mín verðið þér stöðug í elsku minni, eins og ég hef haldið boðorð föður míns og er stöðugur í elsku hans. <br/>
Þetta hef ég talað til yðar til þess að fögnuður minn sé í yður og fögnuður yðar sé fullkominn. Þetta er mitt boðorð, að þér elskið hvert annað eins og ég hef elskað yður. 

Bæn dagsins

Ég hef elskað yður eins og faðirinn hefur elskað mig. Verið stöðug í elsku minni. Ef þér haldið boðorð mín verðið þér stöðug í elsku minni, eins og ég hef haldið boðorð föður míns og er stöðugur í elsku hans. Þetta hef ég talað til yðar til þess að fögnuður minn sé í yður og fögnuður yðar sé fullkominn. Þetta er mitt boðorð, að þér elskið hvert annað eins og ég hef elskað yður.

Sálmur (sb. 2)

Miskunnsamur mjög þú ert,
ó, hve þú, minn Guð, ert góður,
gæskuríkur, þolinmóður,
öll þín verk það vitna bert.
Öll þín verk þitt veldi róma,
vegsama þitt dýrðarráð,
öll þín verk þó einkum hljóma
um þinn kærleik, líkn og náð.
(Valdimar Briem)

Minnisvers vikunnar

11. nóvember 2017

Morgunlestur: 1Pét 2.5-10

Látið sjálf uppbyggjast sem lifandi steinar í andlegt hús til heilags prestdóms, til að bera fram andlegar fórnir fyrir Jesú Krist, Guði velþóknanlegar. Því að svo stendur í Ritningunni:
Sjá, ég set hornstein í Síon,
valinn og dýrmætan.
Sá sem trúir á hann mun alls eigi verða til skammar.

Kvöldlestur: Opb 19.6-9a

Og ég heyrði raddir sem frá miklum mannfjölda og sem nið margra vatna og sem gný frá sterkum þrumum. Þær sögðu: „Hallelúja, Drottinn Guð vor, hinn alvaldi, er konungur orðinn. Gleðjumst og fögnum og vegsömum hann því að komið er að brúðkaupi lambsins og brúður hans hefur búið sig.

Bæn dagsins

Guð gef mér æðruleysi til að sætta mig við það sem ég fæ ekki breytt, kjark til að breyta því sem ég get breytt, og vit til að greina þar á milli.

Sálmur (sb. 284)

Vor Guð er borg á bjargi traust,
hið besta sverð og verja,
hans armi studdir óttalaust
vér árás þolum hverja.
Nú geyst, því gramur er,
hinn gamli óvin fer,
hans vald er vonsku nægð,
hans vopn er grimmd og slægð,
á oss hann hyggst að herja.
(Lúther - Sb. 1584 - Helgi Hálfdánarson)

Minnisvers vikunnar

12. nóvember 2017

Morgunlestur: Matt 18.15-20

Enn segi ég yður: Ef tveir yðar verða einhuga hér á jörð í bæn sinni mun faðir minn á himnum veita þeim allt sem þeir biðja um. Því að hvar sem tveir eða þrír eru saman komnir í mínu nafni þar er ég mitt á meðal þeirra."

Kvöldlestur: Mík 6.6-8

Maður, þér hefur verið sagt hvað gott er<br/>
og hvers Drottinn væntir af þér:<br/>
þess eins að þú gerir rétt,<br/>
ástundir kærleika<br/>
og þjónir Guði í hógværð.<br/>

Bæn dagsins

Heilagi Guð, kærleikur þinn vinnur bug á valdi hins illa. Við biðjum þig: hjálpa okkur að breytast og batna, svo að við elskum hvert annað eins og þú elskar okkur, að við fyrirgefum hvert öðru, eins og þú fyrirgefur okkur, og styðjum hvert annað eins og þú styður okkur, til þess að fyrirgefningin megi móta heiminn. Þér sé lof að eilífu. Amen.

Sálmur (sb. 187)

Ó, skapari, hvað skulda ég?
Ég skulda fyrir vit og mál.
Mín skuld er stór og skelfileg,
ég skulda fyrir líf og sál.
(Matthías Jochumsson)

Minnisvers vikunnar

13. nóvember 2017

Morgunlestur: Matt 7.1-5

Hví sér þú flísina í auga bróður þíns en tekur ekki eftir bjálkanum í auga þínu? Eða hvernig fær þú sagt við bróður þinn: Lát mig draga flísina úr auga þér? Og þó er bjálki í auga þínu. Hræsnari, drag fyrst bjálkann úr auga þér og þá sérðu glöggt til að draga flísina úr auga bróður þíns. 

Kvöldlestur: Mrk 11.24-25

Fyrir því segi ég ykkur: Ef þið biðjið Guð um eitthvað og treystið því að þið öðlist það, þá mun hann veita ykkur það. Og þegar þið eruð að biðja, þá fyrirgefið þeim sem hafa gert eitthvað á hlut ykkar til þess að faðir ykkar á himnum fyrirgefi einnig ykkur misgjörðir ykkar.

Bæn dagsins

Sálmur (sb. 187)

Ég skulda fyrir öll mín ár
og allar gjafir, fjör og dáð,
í skuld er lán, í skuld er tár,
í skuld er, Drottinn, öll þín náð.
(Matthías Jochumsson)

Minnisvers vikunnar

19. nóvember 2017

Morgunlestur: Jes 66.10-13

Eins og móðir huggar barn sitt, <br/>
eins mun ég hugga yður, <br/>
í Jerúsalem verðið þér huggaðir. <br/>

Kvöldlestur: Matt 11.25-30

Komið til mín, öll þér sem erfiðið og þunga eruð hlaðin, og ég mun veita yður hvíld.  Takið á yður mitt ok og lærið af mér því að ég er hógvær og af hjarta lítillátur og þá munuð þér finna hvíld sálum yðar.  Því að mitt ok er ljúft og byrði mín létt." 

Bæn dagsins

Drottinn, hjálpa mér að efast ekki um að þú ert Guð - að Jesús er frelsari minn - að þú ert hjá mér með heilögum anda þínum. Amen.

Sálmur (sb. 204)

Fyrir þá alla, er fá nú hvíld hjá þér,
en forðum trúarstyrkir börðust hér,
þér vegsemd, Jesús, þökk og heiður ber.
Hallelúja, hallelúja.
(How - Valdimar V. Snævarr)

Minnisvers vikunnar

20. nóvember 2017

Morgunlestur: Lúk 19.11-28

Konungur svaraði: Ég segi ykkur: Hverjum sem hefur mun gefið verða og frá þeim sem eigi hefur mun tekið verða jafnvel það sem hann hefur. 

Kvöldlestur: Lúk 16.1-9

Og húsbóndinn hrósaði svikula ráðsmanninum fyrir að hafa breytt kænlega. Því að börn þessa heims eru kænni í skiptum við sína kynslóð en börn ljóssins. <br/>
Og ég segi ykkur: Notið hinn rangláta mammón til þess að eignast vini sem taki við ykkur í eilífar tjaldbúðir þegar hann er uppurinn. 

Bæn dagsins

Og húsbóndinn hrósaði svikula ráðsmanninum fyrir að hafa breytt kænlega. Því að börn þessa heims eru kænni í skiptum við sína kynslóð en börn ljóssins. Og ég segi ykkur: Notið hinn rangláta mammón til þess að eignast vini sem taki við ykkur í eilífar tjaldbúðir þegar hann er uppurinn.

Sálmur (sb. 204)

Þú varst þeim sjálfur varnarskjólið traust,
á voðans stund þeir heyrðu þína raust,
og geisli frá þér gegnum sortann braust.
Hallelúja, hallelúja.
(Valdimar V. Snævarr)

Minnisvers vikunnar

21. nóvember 2017

Morgunlestur: 1Mós 19.12-29

En Lot sagði við þá: "Nei, herra minn. Þjónn þinn hefur fundið náð fyrir augum þínum og þú hefur sýnt mér mikla miskunnsemi að láta mig halda lífi en ég get ekki flúið til fjalla. Þar mun ógæfa koma yfir mig og ég mun deyja.  Sjáið, þarna er lítið þorp rétt hjá okkur að flýja til. Það er svo lítið. Flýjum þangað. Er það ekki lítið? Þar get ég haldið lífi."
Engillinn svaraði: "Þessa bæn mun ég einnig veita þér. Ég mun ekki eyða þorpinu sem þú talaðir um.  Flýttu þér. Forðaðu þér. Ég get ekkert aðhafst fyrr en þú ert kominn þangað."
Vegna þessa nefna menn borgina Sóar. 

Kvöldlestur: Heb 10.26-31

Því að ef við syndgum af ásettu ráði, eftir að hafa öðlast þekkingu á sannleikanum, þá er úr því enga fórn að fá fyrir syndirnar heldur er það óttaleg bið eftir dómi og heitum eldi sem eyða mun andstæðingum Guðs. 

Bæn dagsins

Drottinn, hjálpa mér að muna að ekkert það mun henda í dag sem þú og ég getum ekki ráðið við í félagi.

Sálmur (sb. 204)

Ó, mættum vér gegn heimi heyja stríð,
sem helgir vottar þínir fyrr og síð,
og öðlast krónu lífs, er lýkur hríð.
Hallelúja, hallelúja. 
(Valdimar V. Snævarr)

Minnisvers vikunnar

22. nóvember 2017

Morgunlestur: Róm 2.1-11

Því hefur þú, maður, sem dæmir, enga afsökun hver sem þú ert. Um leið og þú dæmir annan dæmir þú sjálfan þig því að þú, sem dæmir, fremur hið sama.  Við vitum að Guð dæmir þá með réttu sem slíkt fremja.  Hyggur þú, maður, sem dæmir þá er þvílíkt fremja og gerir sjálfur hið sama, að þú munir umflýja dóm Guðs?  Eða forsmáir þú hans miklu gæsku, þolinmæði hans og biðlund og lætur þér ekki skiljast að gæska Guðs vill leiða þig til afturhvarfs?

Kvöldlestur: Lúk 13.1-9

Þá sagði Jesús þeim þessa dæmisögu: "Maður nokkur átti fíkjutré gróðursett í víngarði sínum. Hann kom og leitaði ávaxtar á því og fann ekki. Hann sagði þá við víngarðsmanninn: Í þrjú ár hef ég nú komið og leitað ávaxtar á fíkjutré þessu og ekki fundið. Högg það upp. Hví á það að vera engum til gagns? En hann svaraði honum: Herra, lát það standa enn þetta ár þar til ég hef grafið um það og borið að áburð. Má vera að það beri ávöxt síðan. Annars skaltu höggva það upp." 

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 204)

Þótt hugdirfð bregðist, hjartans kólni glóð,
ó, heyr! Í fjarska óma sigurljóð,
sem hjörtun styrkja, hressa dapran móð. 
Hallelúja, hallelúja.
(Valdimar V. Snævarr)

Minnisvers vikunnar

23. nóvember 2017

Morgunlestur: Sír 17.16-24

Drottinn metur miskunnsemi manns sem innsiglishring, hann gætir góðvildar manns sem sjáaldurs augans.

Kvöldlestur: Lúk 21.11-19

En festið það vel í huga að vera ekki fyrir fram að hugsa um hvernig þér eigið að verjast því ég mun gefa yður orð og visku sem engir mótstöðumenn yðar fá staðið í gegn né hrakið. Jafnvel foreldrar, systkin, frændfólk og vinir munu framselja yður og sumir yðar munu líflátnir. Og allir munu hata yður af því að þér trúið á mig en ekki mun týnast eitt hár á höfði yðar. Verið þrautseigir, með því munuð þér ávinna lífið. 

Bæn dagsins

Vertu, Guð faðir, faðir minn, í frelsarans Jesú nafni. Hönd þín leiði mig út og inn, svo allri synd ég hafni. Amen.

Sálmur (sb. 204)

Í vestri kvöldsins bjarmi boðar frið, 
og brátt fær hvíld hið þreytta, trúa lið, 
og Paradísar heilagt opnast hlið. 
Hallelúja, hallelúja. 
(Valdimar V. Snævarr)

Minnisvers vikunnar

24. nóvember 2017

Morgunlestur: Opb 2.8-11

Kvíð þú ekki því sem þú átt að líða. Djöfullinn mun varpa nokkrum yðar í fangelsi til þess að reyna yður og þér munuð þola þrengingu í tíu daga. Vertu trúr allt til dauða og ég mun gefa þér kórónu lífsins.
Hver sem eyra hefur hann heyri hvað andinn segir söfnuðunum. Þeim er sigrar mun sá annar dauði ekki granda. 

Kvöldlestur: 2Þess 1.3-10

Þetta verður á þeim degi er Drottinn kemur til að opinbera sínum heilögu dýrð sína og vegsamast af öllum sem trú hafa tekið. Og þið eruð meðal þeirra sem trúað hafa þeim vitnisburði sem ég flutti ykkur. 

Bæn dagsins

Góði Guð, varðveit mig sem sjáldur augans, fel mig í skugga vængja þinna. Amen.

Sálmur (sb. 204)

Og sjá - þá aftur dýrri dagur skín, 
er Drottinn kallar trúu börnin sín 
til lífs í sælu, sem ei framar dvín. 
Hallelúja, hallelúja. 
(Valdimar V. Snævarr)

Minnisvers vikunnar

25. nóvember 2017

Morgunlestur: Opb 20.11-15

Og ég sá mikið hvítt hásæti og þann sem í því sat. Frá augliti hans flúðu himinn og jörð en fundu engan stað. Og ég sá þá dauðu, stóra og smáa, standa frammi fyrir hásætinu og bókunum var lokið upp. Þá var annarri bókinni lokið upp, það var lífsins bók. Og hinir dauðu voru dæmdir eftir verkum sínum eins og ritað var í bókunum. 

Kvöldlestur: 2Kor 5.1-10

Við vitum að þótt jarðnesk tjaldbúð okkar verði rifin niður þá höfum við hús frá Guði, eilíft hús á himnum sem eigi er með höndum gert. Á meðan andvörpum við og þráum að íklæðast húsi okkar frá himnum. Þegar við íklæðumst því munum við ekki standa uppi nakin. En á meðan við erum í tjaldbúðinni stynjum við mædd. Við viljum ekki afklæðast forgengilegum líkama okkar heldur íklæðast óforgengilegum líkama til þess að dauðleg tilvera okkar umbreytist og verði eilíf

Bæn dagsins

Ó, Guð allra. Þú sem skapaðir allar þjóðir í þinni mynd með stórkostlegri fjölbreytni í tungumálum og menningu. Frelsa okkur frá fordómum og ótta svo að við fáum séð andlit þitt í andlitum fólks um heim allan. Fyrir Jesús Krist, Amen. (Koinonia)

Sálmur (sb. 44)

Með Jesú byrja ég,
með Jesú vil ég enda,
og æ um æviveg
hvert andvarp honum senda.
Hann er það mark og mið,
er mæni' eg sífellt á.
Með blessun, bót og frið
hann býr mér ætíð hjá.
(Valdimar Briem)

Minnisvers vikunnar

26. nóvember 2017

Morgunlestur: Job 14.1-6

Hver getur leitt hreint af óhreinu?
Ekki nokkur maður.

Kvöldlestur: Jóh 5.24-27

Sannlega, sannlega segi ég yður: Sú stund kemur og er þegar komin að hinir dauðu munu heyra raust Guðs sonarins og þeir sem heyra munu lifa. Eins og faðirinn hefur líf í sjálfum sér þannig hefur hann og veitt syninum að hafa líf í sjálfum sér.  

Bæn dagsins

Drottinn Jesus Kristur upprisinn frá dauðum, ekkert getur skilið okkur frá þér. Hjálpa þú okkur í óttanum við lífið, hjálpa þú okkur í óttanum við dauðann, og gef okkur hlutdeild í þínu lífi sem jafnvel dauðinn gat ekki eytt. Þess biðjum við þig sem með föðurnum og heilögum anda lifir og ríkir að eilífu. Amen.

Sálmur (sb. 64)

Þú Jerúsalem, borg Guðs brátt.
Hyggin vert og hugsa eigi,
að hér til hvíldar bjóða megi,
þótt yfir standi aldimm nátt.
Sjá, Herrann kemur nær,
kom, brúður, honum nær.
Blys lát brenna
og gleðst í lund,
á Guðs þíns fund
hann leiðir þig við ljúfa mund. 
(Stefán Thorarensen)

Minnisvers vikunnar

27. nóvember 2017

Morgunlestur: Lúk 12.42-48

Sá þjónn sem veit vilja húsbónda síns og hirðir ekki um að hlýða honum mun barinn mörg högg. En hinn sem veit ekki hvað húsbóndi hans vill en vinnur til refsingar mun barinn fá högg. Hver sem mikið er gefið verður mikils krafinn og af þeim verður meira heimtað sem meira er léð. 

Kvöldlestur: Lúk 12.35-40

Það skiljið þér að húsráðandi léti ekki brjótast inn í hús sitt ef hann vissi á hvaða stundu þjófurinn kæmi. Verið þér og viðbúnir því að Mannssonurinn kemur á þeirri stundu sem þér ætlið eigi." 

Bæn dagsins

Þakka þér þennan nýja dag, lát mig færa honum eitthvað gott. Lát mig gera úr honum eitthvað gott. Lát mig þiggja af honum eitthvað gott. Amen.

Sálmur (sb. 64)

Síon hljóminn helga nemur,
sig hún skyndi býr og kemur
og ástvin breiðir arma mót.
Sjá, hann birtist, son Guðs fríður,
í sannleiksvaldi, náðarblíður,
sú morgunstjarna´og meinabót.
þú, Herra´, ens hæsta son,
vor huggun, gleði´og von.
Hósíanna!
Með fögnuð vér
nú fylgjum þér
í himnadýrð, sem eilíf er.
(Stefán Thorarensen)

Minnisvers vikunnar

28. nóvember 2017

Morgunlestur: Heb 12.12-17

Réttið því úr máttvana höndum og magnþrota knjám. Látið fætur ykkar feta beinar brautir til þess að hið fatlaða vindist ekki úr liði en verði heilt. 

Kvöldlestur: Lúk 13.22-30

Þá munu menn koma frá austri og vestri, frá norðri og suðri og sitja til borðs í Guðs ríki. Þá geta síðastir orðið fyrstir og fyrstir síðastir.“ 

Bæn dagsins

Góði Guð, það er auðveldara að trúa að þú sért hér þegar allt er hljótt. Hjálpaðu okkur að vita að þú ert hér, líka í ys og þys dagsins.

Sálmur (sb. 64)

Eilíft lof með einum rómi
þér inna skal, Guðs dýrðarljómi,
með englum sælum uppi þar,
þar sem lífsins geislar glitra
frá guðdómstóli hins alvitra,
sem með sér ann oss eilífðar.
Hvað auga aldrei sá.
og eyra mátti' ei ná,
vér nú sjáum.
Ó, Herra, þér,
sem hjörtum sér,
um eilífð syngjum vegsemd vér.
(Stefán Thorarensen)

Minnisvers vikunnar

29. nóvember 2017

Morgunlestur: Heb 12.22-29

Þar sem við því fáum ríki, sem ekki getur bifast, skulum við þakka það og þjóna Guði, svo sem honum þóknast, með lotningu og ótta. 

Kvöldlestur: Mrk 13.3-37

En á þeim dögum, eftir þrenging þessa,
mun sólin sortna
og tunglið hætta að skína.
Stjörnurnar munu hrapa af himni
og festingin riðlast.
Þá munu menn sjá Mannssoninn koma í skýjum með miklum mætti og dýrð. Og hann mun senda út englana og safna sínum útvöldu úr áttunum fjórum, frá skautum jarðar til himinskauta. 

Bæn dagsins

Úr þeim yndisheimi, sem enginn maður sér, andinn helgi líður lýsir mér og þér.

Sálmur (sb. 65)

Ó, blessaði dagur, sem víst er í vændum,
er veröldin orðin er Guðs ríki' um síð.
Og mannkynið frelsun og frið hefur unnið
og frelsarinn tignast af gjörvöllum lýð,
er syndin er afmáð og dauðinn er dauður
og dýrðarsól eilífðar skín yfir hauður.
(Friðrik Friðriksson)

Minnisvers vikunnar

30. nóvember 2017

Morgunlestur: Esk 43.17a

Ég heyrði að einhver ávarpaði mig innan úr húsinu, á meðan maðurinn stóð við hlið mér, og sagði við mig: Mannssonur, þetta er staður hásætis míns og skör fóta minna. Hér mun ég ævinlega búa á meðal Ísraelsmanna.

Kvöldlestur: Heb 4.3-11

Enn stendur þá til boða sabbatshvíld fyrir lýð Guðs. Því að sá sem gengur inn til hvíldar hans fær hvíld frá verkum sínum eins og Guð hvíldist eftir sín verk. Kostum því kapps um að ganga inn til þessarar hvíldar til þess að enginn óhlýðnist eins og þeir og falli. 

Bæn dagsins

Varðveit mig, Guð, þér treysti ég. Þú verndar mig.

Sálmur (sb. 65)

Hann kemur, hann kemur, sá dýrlegi dagur,
hans dagsbrún vér heilsum með fagnaðargný,
þótt niðdimmt sé ennþá í eymdanna dölum,
frá eilífðartindum samt roðar á ský.
Hann kemur og græðir öll syrgjenda sárin
og sefar með vonfylling heilagra tárin.
(Friðrik Friðriksson)

Minnisvers vikunnar

01. desember 2017

Morgunlestur: Heb 10.19-23

Vegna þess að Jesús úthellti blóði sínu megum við nú, systkin,
  með djörfung ganga inn í hið heilaga. Þangað vígði hann okkur veginn, nýjan veg lífsins inn í gegnum fortjaldið sem er líkami hans. Við höfum mikinn prest yfir húsi Guðs. Göngum því fram fyrir Guð með einlægum hjörtum, í öruggu trúartrausti, með hjörtum sem hreinsuð hafa verið og eru laus við meðvitund um synd, og með líkömum sem laugaðir hafa verið í hreinu vatni.  

Kvöldlestur: Heb 10.23-25

Höldum fast við játningu vonar okkar án þess að hvika því að trúr er sá sem fyrirheitið hefur gefið. Gefum gætur hvert að öðru og hvetjum hvert annað til kærleika og góðra verka. Vanrækið ekki safnaðarsamkomur ykkar eins og sumra er siður heldur uppörvið hvert annað og það því fremur sem þið sjáið að dagurinn færist nær. 

Bæn dagsins

Guð vors lands, vér þökkum þér fyrir landið, sem þú hefur gefið oss. Vér þökkum þér auðlegð landsins gæða, frjósama mold og fengsæl mið, tign og fegurð í stormum vetrar og blíðu sumars, ægikrafta elds og ísa, manndóm og menningu íslenskrar þjóðar. Vér þökkum þér að þú hefur vakað yfir þjóð vorri um aldir og gefið oss frelsi og fullveldi. Blessa oss gjafir þínar, hjálpa oss að varðveita þær og ávaxta oss til blessunar og niðjum vorum til heilla, í trúmennsku og ábyrgð. Ver þú ávallt Guð vors lands og faðir og frelsari allra landsins barna, í frelsarans Jesú nafni. Amen. (Karl Sigurbjörnsson)

Sálmur (sb. 519)

Upp, þúsund ára þjóð,
með þúsund radda ljóð.
Upp allt, sem er og hrærist
og allt, sem lífi nærist.
Upp, harpa Guðs, þú heimur.
Upp, haf og landageimur.
(Matthías Jochumsson)

Minnisvers vikunnar

02. desember 2017

Morgunlestur: 2Pét 3.3-13

Ekki er Drottinn seinn á sér með fyrirheitið þótt sumir álíti það seinlæti, heldur er hann langlyndur við ykkur þar eð hann vill ekki að neinn glatist heldur að allir komist til iðrunar. 

Kvöldlestur: Opb 22.1-5

Engin bölvun mun framar til vera. Og hásæti Guðs og lambsins mun vera í borginni og þjónar hans munu þjóna honum. Þeir munu sjá ásjónu hans og nafn hans mun vera á ennum þeirra. Nótt mun ekki framar til vera og þeir þurfa hvorki lampaljós né sólarljós því að Drottinn Guð skín á þá og þeir munu ríkja um aldir alda. 

Bæn dagsins

Góði Guð, um veturinn sjáum við veröldina í svörtu og hvítu. Verndaðu lífið, vermdu hið kalda, vertu mér hjá.

Sálmur (sb. 119)

Þótt holdið liggi lágt og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

03. desember 2017

Morgunlestur: Matt 21.1-9

Lærisveinarnir fóru og gerðu sem Jesús hafði boðið þeim, komu með ösnuna og folann og lögðu á þau klæði sín en Jesús steig á bak. Fjöldamargir breiddu klæði sín á veginn en aðrir hjuggu greinar af trjánum og lögðu á veginn. Og múgur sá sem á undan fór og eftir fylgdi hrópaði: "Hósanna syni Davíðs! Blessaður sé sá sem kemur í nafni Drottins! Hósanna í hæstum hæðum!"

Kvöldlestur: Jer 23.5-6

Sjá, þeir dagar koma, segir Drottinn, að ég mun láta réttlátan kvist vaxa af ætt Davíðs. Hann mun ríkja sem konungur, breyta viturlega og iðka rétt og réttlæti í landinu. Um hans daga verður Júda bjargað og Ísrael mun búa óhultur. Þetta er nafnið sem honum verður gefið: "Drottinn er réttlæti vort."

Bæn dagsins

Undursamlegi Guð, þú kemur til okkar í syni þínum Jesú Kristi ekki í valdi og krafti, heldur auðmjúkur og allslaus og ert þó sterkari en alt vald á jörðu. Gef öllum mönnum og þjóðum náð til að þekkja þig og að taka eftir syni þínum þegar hann kemur, svo að nóttin okkar verði björt eins og dagur í ljósi hans. Amen.

Sálmur (sb. 57)

Slá þú hjartans hörpu strengi,
hrær hvern streng sem ómað fær.
Hljómi skært og hljómi lengi
hósíanna nær og fjær.
Hvert þitt innsta æðarslag
ómi' af gleði þennan dag.
Konungurinn konunganna
kemur nú til sinna manna.
(Valdimar Briem)

Minnisvers vikunnar

04. desember 2017

Morgunlestur: Lúk 1.67-79

Og þú, sveinn, munt nefndur verða spámaður Hins hæsta
því að þú munt ganga fyrir Drottni að greiða vegu hans
og veita lýð hans þekkingu á hjálpræðinu
sem er fyrirgefning synda þeirra.
Þessu veldur hjartans miskunn Guðs vors.
Hún lætur upp renna sól af hæðum að vitja vor
og lýsa þeim sem sitja í myrkri og skugga dauðans
og beina fótum vorum á friðar veg.

Kvöldlestur: Hab 2.1-4

því að spáð er fyrir um ákveðinn tíma,
traustur vitnisburður gefinn um ókomna tíð.
Þótt töf verði á skaltu bíða engu að síður
því að þetta rætist vissulega og án tafar.

Bæn dagsins

Faðir minn á himnum, þú veist hvaða verkefni ég á í vændum í dag. Þótt ég kunni að gleyma þér, þá gleymdu mér ekki. (Gömul bæn)

Sálmur (sb. 57)

Ríki hans um allar álfur<br/>
ómælanda geimsins nær.<br/>
Hásætið er himinn sjálfur,<br/>
hallarprýði sólin skær,<br/>
fótskör hans hin fagra jörð,<br/>
fylgdin hans er englahjörð.<br/>
Skrúða ljóssins skrýddur er hann,<br/>
skíra lífsins krónu ber hann. <br/>
(Valdimar Briem)

Minnisvers vikunnar

05. desember 2017

Morgunlestur: Mík 2.1-5, 12-13

Ég mun safna yður öllum saman,
Jakobs ætt,
og smala saman sauðum Ísraels eins og sauðfé í rétt,
eins og hjörð í haga,
og þá verður kliðurinn mikill af mannmergðinni.
Fyrir þeim fer brautryðjandinn,
þeir ryðjast út um hliðið.
Fremstur fer konungur þeirra
og Drottinn í broddi fylkingar.

Kvöldlestur: Kól 1.9-14

Hann styrki ykkur á allar lundir með dýrðarmætti sínum svo að þið fyllist þolgæði í hvívetna og umburðarlyndi og getið með gleði þakkað og getið þakkað föðurnum sem hefur gert ykkur fært að fá arfleifð heilagra í ljósinu. Hann hefur frelsað okkur frá valdi myrkursins og flutt okkur yfir í ríki síns elskaða sonar. Í honum eigum við endurlausnina, fyrirgefningu synda okkar. 

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir. (Gömul bæn)

Sálmur (sb. 57)

Hann, þótt æðst í hátign ljómi,
hógvær kemur als staðar.
Hjarta þitt að helgidómi
hann vill gjöra' og búa þar.
Opna glaður hjartans hús,
hýs hinn tigna gestinn fús.
Getur nokkuð glatt þig fremur:
Guð þinn sjálfur til þín kemur.
(Valdimar Briem)

Minnisvers vikunnar

06. desember 2017

Morgunlestur: Opb 22.12-13, 17.20-21

Sjá, ég kem skjótt og launin hef ég með mér til að gjalda hverjum og einum eins og verk hans er. Ég er Alfa og Ómega, hinn fyrsti og hinn síðasti, upphafið og endirinn. 

Kvöldlestur: 1Mós 49.8-10

Hvorki mun veldissprotinn víkja frá Júda
né stafurinn frá fótum hans. 
Honum verður sýnd lotning 
og þjóðirnar ganga honum á hönd. 

Bæn dagsins

Drottinn, ef ég má biðja um eitt kraftaverk, gjör mig þá að góðum manni. (Ansgar)

Sálmur (sb. 57)

Líknarár hann enn þá gefur,
ár, sem háð ei breyting er,
ár, er sumar ávallt hefur,
ávöxt lífs að færa þér.
Vetur, sumar, vor og haust
votti þakkir endalaust
konunginum konunganna,
krýndum vegsemd. Hósíanna. 
(Valdimar Briem)

Minnisvers vikunnar

07. desember 2017

Morgunlestur: Heb 10.19-23

Vegna þess að Jesús úthellti blóði sínu megum við nú, systkin, með djörfung ganga inn í hið heilaga. Þangað vígði hann okkur veginn, nýjan veg lífsins inn í gegnum fortjaldið sem er líkami hans. Við höfum mikinn prest yfir húsi Guðs. Göngum því fram fyrir Guð með einlægum hjörtum, í öruggu trúartrausti, með hjörtum sem hreinsuð hafa verið og eru laus við meðvitund um synd, og með líkömum sem laugaðir hafa verið í hreinu vatni. 

Kvöldlestur: Heb 10.23-25

Höldum fast við játningu vonar okkar án þess að hvika því að trúr er sá sem fyrirheitið hefur gefið. Gefum gætur hvert að öðru og hvetjum hvert annað til kærleika og góðra verka. Vanrækið ekki safnaðarsamkomur ykkar eins og sumra er siður heldur uppörvið hvert annað og það því fremur sem þið sjáið að dagurinn færist nær. 

Bæn dagsins

Guð gef mér æðruleysi til að sætta mig við það sem ég fæ ekki breytt, kjark til að breyta því sem ég get breytt og vit til að greina þar á milli.

Sálmur (sb. 58)

Þú, brúður Kristi kær,
ó, kom, þín heill er nær.
Þig nálgast góður gestur,
þinn Guð og vinur bestur.
Hósanna, dýrð sé Drottni,
hans dýrðin aldrei þrotni.
(Danskur höfundur ókunnur -
Páll J. Vídalín - Stefán Thorarensen)

Minnisvers vikunnar

08. desember 2017

Morgunlestur: Jóh 18.33-38

Þá segir Pílatus við hann: "Þú ert þá konungur?"
Jesús svaraði: "Rétt segir þú. Ég er konungur.
  Til þess er ég fæddur og til þess er ég kominn í heiminn að ég beri sannleikanum vitni. Hver sem er sannleikans megin heyrir mína rödd." 

Kvöldlestur: Matt 23.34-39

Ég segi yður: Héðan af munuð þér eigi sjá mig fyrr en þér segið: Blessaður sé sá sem kemur í nafni Drottins." 

Bæn dagsins

Drottinn minn og Guð minn. Ég þakka þér að þú hefur leyft mér að lifa enn einn dag. Ég fel þér hann og allt mitt líf og hagi alla. Blessa það allt, Drottinn. Nú vil ég minnast fyrir augliti þínu allra sem þjást og allra sem líða. Ver huggun þeirra og styrkur, Drottinn. Lát þjáning þeirra ekki verða þeim um megn. Amen.

Sálmur (sb. 58)

Frá inni út þér flýt
og elskhuga þinn lít.
Veit lávarð þínum lotning
með lofgjörð, Síons drottning.
Hósanna dýrð sé drottni,
hans dýrðin aldrei þrotni.
(Danskur höfundur ókunnur -
Páll J. Vídalín - Stefán Thorarensen)

Minnisvers vikunnar

09. desember 2017

Morgunlestur: Opb 5.1-14

Hver sem eyra hefur hann heyri hvað andinn segir söfnuðunum. Þeim er sigrar mun ég gefa að eta af lífsins tré sem er í Paradís Guðs. 

Kvöldlestur: Sef 3.14-17

Drottinn, Guð þinn, er hjá þér,
hin frelsandi hetja.
Hann mun fagna og gleðjast yfir þér,
hann mun hrópa af fögnuði þín vegna eins og á hátíðisdegi
og hugga með kærleika sínum

Bæn dagsins

Hjartað bæði og húsið mitt heimili veri, Jesús, þitt ... (Hallgrímur Pétursson)

Sálmur (sb. 58)

Í hjarta hógværð býr,
hann hóglega' að þér snýr
og gjafir helgar hefur,
er heitmey sinni' hann gefur.
Hósanna, dýrð sé Drottni,
hans dýrðin aldrei þrotni.
(Danskur höfundur ókunnur -
Páll J. Vídalín - Stefán Thorarensen)

Minnisvers vikunnar

10. desember 2017

Morgunlestur: Róm 15.4-7, 13

Allt það sem áður er ritað er ritað okkur til fræðslu til þess að við héldum von okkar vegna þess þolgæðis og uppörvunar sem ritningarnar gefa. En Guð, sem veitir þolgæðið og hugrekkið, gefi ykkur að vera samhuga að vilja Krists Jesú til þess að þið einum huga og einum munni vegsamið Guð, föður Drottins vors Jesú Krists.

Takið því hvert annað að ykkur eins og Kristur tók ykkur að sér Guði til dýrðar.

Kvöldlestur: Jes 63.15-19, 64.1-3

Líttu niður frá himni og horfðu
frá þínum heilaga og dýrlega bústað.
Hvar er ákafi þinn og afl,
meðaumkun hjarta þíns og miskunn?
Vertu mér ekki fjarri
því að þú ert faðir vor.

Bæn dagsins

Drottinn Jesús Kristur, í heiminum er ótti og þjáning. Við þráum réttlæti og frið. Kom þú skjótt, endurnýja sköpun þína, svo að að óp örvæntingarinnar og stunur hræðslunnar megi breytast í lofsöng. Um það biðjum við, og á þig vonum við, um tíma og eilífð. Amen.

Sálmur (sb. 62)

Sól og tungl mun sortna hljóta,
sérhver blikna stjarna skær,
öldur hafs í æði þjóta,
angist ríkja fjær og nær,
alls kyns neyð og eymdir rísa,
enginn þeirri býsn kann lýsa.
Svo fer dagur dóms í hönd,
dynur skelfing yfir lönd.
(Valdimar Briem)

Minnisvers vikunnar

11. desember 2017

Morgunlestur: Heb 6.9-12

Gerist ekki sljó. Breytið heldur eftir þeim sem trúa og eru stöðuglynd og erfa það sem Guð hefur heitið. 

Kvöldlestur: Jes 26.1-12

Ljúkið upp hliðum
svo að réttlát þjóð, sem varðveitir trúnað,
megi inn ganga, <br/>
þjóð sem hefur stöðugt hugarfar.
Þú varðveitir heill hennar
því að hún treystir þér.
Treystið Drottni um aldur og ævi
því að Drottinn er eilíft bjarg.

Bæn dagsins

Aðventa. Við tendrum ljós og teljum dagana. Senn kemur þú, Drottinn minn og Guð minn! Þakka þér fyrir að þú gefur okkur tíma til að undirbúa okkur, tíma til að þrá og vona, og þakka. Amen.

Sálmur (sb. 62)

En er kraftar himna hrærast,
heilög sjón mun ljóma brátt,
hún á skýjum skjótt mun færast
skærri sól um loftið blátt.
Hátign með og miklu veldi
mannsins son, er dauðann felldi,
kemur degi dómsins á
dýrðarsölum himins frá.
(Valdimar Briem)

Minnisvers vikunnar

12. desember 2017

Morgunlestur: Opb 2.1-7

Hver sem eyra hefur hann heyri hvað andinn segir söfnuðunum. Þeim er sigrar mun ég gefa að eta af lífsins tré sem er í Paradís Guðs. 

Kvöldlestur: Opb 2.12-17

Hver sem eyra hefur hann heyri hvað andinn segir söfnuðunum. Þeim er sigrar mun ég gefa af hinu hulda manna og ég mun gefa honum hvítan stein og á steininn ritað nýtt nafn sem enginn þekkir nema sá er við tekur. 

Bæn dagsins

Guð, tendra ljós öllum sem eru í myrkri. (Martin Lönnebo)

Sálmur (sb. 62)

Lítið upp sem lútið niður,
lítið upp er slíkt að ber,
skelfi neyð þá engin yður,
yðar lausn því nálæg er.
Horfið upp frá höfum nauða,
horfið upp frá gröfum dauða,
horfið upp frá harmi og sorg,
horfið upp í lífsins borg.
(Valdimar Briem)

Minnisvers vikunnar

13. desember 2017

Morgunlestur: Opb 3.7-13

Ég þekki verkin þín. Ég hef látið dyr standa opnar fyrir þér sem enginn getur lokað. Þú hefur lítinn mátt en hefur þó varðveitt orð mitt og ekki afneitað mér. Ég skal láta lygarana af samkundu Satans, sem segjast vera Gyðingar en eru það ekki, koma og kasta sér fyrir fætur þér og láta þá vita að ég elska þig. 

Kvöldlestur: Sak 2.14-17

Syngdu fagnaðarsöng, dóttirin Síon.
Sjá, ég kem
og mun dveljast með þér,
segir Drottinn.

Bæn dagsins

Ég þakka þér, Guð á aðventu, fyrir hinn undursamlega boðskap aðventunnar, að þú sem ert mikill vildir verða mannsbarn, eins og ég. Amen.

Sálmur (sb. 62)

Aftur sé ég unga rísa
endurborna jörðu þá,
aftur sé ég ljósin lýsa
ljóssins skæru hvelfing á,
Endurleyst er allt úr dróma,
endurreist í nýjum blóma,
nýjan himin, nýja jörð
nú má byggja Drottins hjörð.
(Valdimar Briem)

Minnisvers vikunnar

14. desember 2017

Morgunlestur: Mrk 13.5-13

En Jesús tók að segja þeim: "Varist að láta nokkurn leiða yður í villu. Margir munu koma í mínu nafni og segja: Það er ég! og marga munu þeir leiða í villu.

Kvöldlestur: Hag 2.1, 3-9

Hver er nú eftir meðal ykkar sem hefur séð þetta hús í fyrri vegsemd sinni? Hvernig virðist ykkur það nú? Er það ekki einskis vert að sjá? En hertu upp hugann, Serúbabel, segir Drottinn, hertu upp hugann, Jósúa Jósadaksson, æðsti prestur. Hertu upp hugann, landslýður, segir Drottinn. Vinnið, því að ég er með ykkur, segir Drottinn allsherjar, samkvæmt sáttmálanum sem ég gerði við ykkur þegar þið fóruð frá Egyptalandi. Andi minn er enn meðal ykkar. Óttist ekki.

Bæn dagsins

Jesús, mér fylg í friði með fögru englaliði. (Hallgrímur Pétursson)

Sálmur (sb. 62)

Sól og tungl mun sortna hljóta
sérhver blikna stjarna skær.
Aldrei slokkna, aldrei þrjóta
orðsins ljós, er Guð oss ljær.
Jörð og himinn fyrirfarast
fyrr en nokkur maður varast.
Orðsins ljós þó aldrei dvín,
eilíft það í heiði skín.
(Valdimar Briem)

Minnisvers vikunnar

15. desember 2017

Morgunlestur: Opb 3.14-22

Ég stend við dyrnar og kný á. Ef einhver heyrir raust mína og lýkur upp dyrunum mun ég fara inn til hans og neyta kvöldverðar með honum og hann með mér. Þann er sigrar mun ég láta sitja hjá mér í hásæti mínu eins og ég sjálfur sigraði og settist hjá föður mínum í hásæti hans. 

Kvöldlestur: Heb 10.32-39

Varpið því eigi frá ykkur djörfung ykkar. Hún mun hljóta mikla umbun. Þolgæðis hafið þið þörf, til þess að þið gerið Guðs vilja og öðlist fyrirheitið. 

Bæn dagsins

Vek oss Drottinn Guð, svo að vér verðum reiðubúnir að taka á móti syni þínum með hreinum hjörtum, þegar hann kemur. Í hans blessaða nafni, sem með þér lifir og ríkir um aldir. Amen.

Sálmur (sb. 66)

Hefjum upp augu' og hjörtu með,
hjálpræðisstund vor er nærri.
Jesú vér fáum sjálfan séð,
sorg öll og kvíði' er fjarri.
Senn kemur eilíf sumartíð,
sólunni fegri', er ljómar blíð
Drottins í dýrðinni skærri.
(Valdimar Briem)

Minnisvers vikunnar

16. desember 2017

Morgunlestur: Matt 24.1-14

En sá sem staðfastur er allt til enda verður hólpinn. Fagnaðarerindið um ríkið verður prédikað um alla heimsbyggðina til þess að allar þjóðir fái að heyra það. Og þá mun endirinn koma. 

Kvöldlestur: Jes 35.3-10

Hinir endurkeyptu Drottins hverfa aftur
og koma fagnandi til Síonar,
eilíf gleði fer fyrir þeim,
fögnuður og gleði fylgja þeim
en sorg og mæða flýja.

Bæn dagsins

Guð, fyll oss með orði vonarinnar, boðskap frelsunarinnar og heilagri eftirvæntingu, lát ljós dýrðar þinnar lýsa hjörtum vorum og eyða öllu myrkri.

Sálmur (sb. 59)

Gjör dyrnar breiðar, hliðið hátt.
Þú, Herrans kristni, fagna mátt,
því kóngur dýrðar kemur hér
og kýs að eiga dvöl hjá þér.
(Helgi Hálfdánarson)

Minnisvers vikunnar

17. desember 2017

Morgunlestur: Matt 11.2-11

Jesús svaraði þeim: "Farið og kunngjörið Jóhannesi það sem þið heyrið og sjáið: Blindir fá sýn og haltir ganga, líkþráir hreinsast og daufir heyra, dauðir rísa upp og fátækum er flutt fagnaðarerindi. Og sæll er sá sem ekki hneykslast á mér." 

Kvöldlestur: Jes 40.1-8 (9-11)

"Allt hold er gras
og allur yndisleikur þess sem blóm vallarins.
Grasið visnar, blómin fölna
þegar Drottinn andar á þau.
Sannlega eru mennirnir gras.
Grasið visnar, blómin fölna
en orð Guðs vors varir að eilífu."

Bæn dagsins

Drottinn Guð, þú kemur til okkar. Þú ert á leiðinni. Við viljum koma til móts við þig og mæta þér þegar þú kemur, en það er svo margt í veginum sem truflar ferð hins góða til þín. Sigra það sem skilur okkur frá þér svo að við megum mæta þér. Um það biðjum við þig, sem kemur til okkar í Jesú Kristi og vilt vera hjá okkur með anda þínum að eilífu. Amen.

Sálmur (sb. 69)

Upp, gleðjist allir, gleðjist þér,
í Guði vorum fagna ber,
vort hjálpráð nú er nærri,
Ó, heyrið blíðan boðskap þann,
að borinn er í manndóm hann,
sem Guð er, himnum hærri.
(Helgi Hálfdánarson.)

Minnisvers vikunnar

18. desember 2017

Morgunlestur: Matt 11.11-15

Sannlega segi ég yður: Enginn er sá af konu fæddur sem meiri sé en Jóhannes skírari. En hinn minnsti í himnaríki er honum meiri. Frá dögum Jóhannesar skírara og til þessa er ríki himnanna valdi beitt og árásarmenn reyna að hremma það. Spámennirnir allir og lögmálið, allt fram að Jóhannesi, sögðu fyrir um þetta. Og ef þér viljið við því taka þá er hann Elía, sá sem koma skyldi. Hver sem eyru hefur hann heyri. 

Kvöldlestur: Lúk 1.5-25

En engillinn sagði við hann: "Óttast þú eigi, Sakaría, því að bæn þín er heyrð. Elísabet kona þín mun fæða þér son og þú skalt láta hann heita Jóhannes. Og þér mun veitast gleði og fögnuður og margir munu gleðjast vegna fæðingar hans því að hann mun verða mikill fyrir augliti Drottins. Aldrei mun hann drekka vín né áfengan drykk en fyllast heilögum anda þegar frá móðurlífi. Og mörgum Ísraelsmönnum mun hann snúa til Drottins, Guðs þeirra. 

Bæn dagsins

Guð, við þökkum þér að við fáum að horfa fram til jóla og fæðingarhátíðar frelsarans Krists. Gjör okkur opin og móttækileg fyrir návist þinni er þú veitir okkur af náð. Lát kærleika þinn verma hjörtu okkar, svo að við sjáum hvert annað og hversu háð við erum hvert öðru. Lát kærleika þinn verða líf í lífi okkar. Amen. (KS)

Sálmur (sb. 69)

Burt, hryggð, úr allra hjörtum nú,
kom, heilög gleði, svo í trú
vér Jesú faðmað fáum,
og elskan heit af hjartans rót
þeim himingesti taki mót
með lofsöngs hljómi háum.
(Helgi Hálfdánarson)

Minnisvers vikunnar

19. desember 2017

Morgunlestur: Matt 3.1-12

Á þeim dögum kemur Jóhannes skírari fram og prédikar í óbyggðum Júdeu með þessum orðum: "Takið sinnaskiptum, himnaríki er í nánd." Nú rættist það sem Jesaja spámaður segir:
Rödd hrópanda í eyðimörk:
Greiðið veg Drottins,
gerið beinar brautir hans.

Kvöldlestur: Opb 3.1-6

Minnst þú þess sem þú hefur numið og heyrt og varðveit það og bæt ráð þitt. Ef þú vakir ekki mun ég koma eins og þjófur og þú munt alls ekki vita á hverri stundu ég kem yfir þig. 

Bæn dagsins

Láttu aðventu og jólaljósin bera mér birtu frá þér og minna á ljósið og gleðina sem framundan er þegar ríkið þitt kemur og vilji þinn verður, lifandi Drottinn. Amen.

Sálmur (sb. 69)

Ó, virstu, góði Guð, þann frið,
sem gleðin heims ei jafnast við,
í allra sálir senda,
og loks á himni lát oss fá
að lifa jólagleði þá,
sem tekur aldrei enda.
(Helgi Hálfdánarson)

Minnisvers vikunnar

20. desember 2017

Morgunlestur: Lúk 3.1-4

Á fimmtánda stjórnarári Tíberíusar keisara, þegar Pontíus Pílatus var landstjóri í Júdeu en Heródes fjórðungsstjóri í Galíleu, Filippus, bróðir hans, í Ítúreu og Trakónítishéraði og Lýsanías í Abílene, í æðstapreststíð Annasar og Kaífasar, kom orð Guðs til Jóhannesar Sakaríasonar í óbyggðinni. Og hann fór um alla Jórdanbyggð og boðaði mönnum að taka sinnaskiptum og láta skírast til fyrirgefningar synda, eins og ritað er í bók Jesaja spámanns:
Rödd hrópanda í eyðimörk:
Greiðið veg Drottins,
gerið beinar brautir hans.

Kvöldlestur: Lúk 3.15-20

Jóhannes vítti Heródes fjórðungsstjóra vegna Heródíasar, konu bróður hans, og fyrir allt hið illa sem hann hafði gert. Þá bætti Heródes einnig því ofan á allt annað að hann varpaði Jóhannesi í fangelsi. 

Bæn dagsins

Góði Guð, öllum áhyggjum mínum vil ég varpa á þig, sem berð umhyggju fyrir mér, í Jesú nafni. Amen.

Sálmur (sb. 68)

Skaparinn stjarna, Herra hreinn,
sem hverri sálu lýsir einn,
Kristur, sem allan leystir lýð,
líknsamur vorum bænum hlýð.
(Sigurbjörn Einarsson)

Minnisvers vikunnar

21. desember 2017

Morgunlestur: Bar 5.1-9

því að Guð mun veita þér að eilífu nafnið:
"Friður vegna réttlætis, dýrð sakir guðrækni." 

Kvöldlestur: Hós 14.6-10

Ég verð Ísrael sem dögg,
hann mun blómgast eins og lilja,
skjóta rótum eins og trén í Líbanon.
Greinar hans munu breiða úr sér
og krónan verður eins og á ólífutré,
og hann mun ilma eins og skógurinn í Líbanon.
Þeir sem búa í skugga Drottins
munu rækta korn
og blómgast sem vínviður.

Bæn dagsins

Guð, gef að ljós og hljómar aðventu og jóla veki í mér von og gleði og löngun til að lifa í þér, frelsari minn og Drottinn. Amen.

Sálmur (sb. 68)

Mæddi þinn hug vor mikla neyð,
með oss þín heilög elska leið,
þú vildir frelsa veröld þá,
er villt og sek í myrkri lá.
(Sigurbjörn Einarsson)

Minnisvers vikunnar

22. desember 2017

Morgunlestur: Mrk 1.14-15

Þegar Jóhannes hafði verið tekinn höndum kom Jesús til Galíleu, prédikaði fagnaðarerindi Guðs og sagði: "Tíminn er fullnaður og Guðs ríki í nánd. Takið sinnaskiptum og trúið fagnaðarerindinu." 

Kvöldlestur: 2Tím 4.5-8

 ver þú algáður í öllu, þol illt, ger verk fagnaðarboða, fullna þjónustu þína. Nú er svo komið að mér verður fórnfært og tíminn er kominn að ég taki mig upp. Ég hef barist góðu baráttunni, hef fullnað skeiðið, hef varðveitt trúna. Og nú er mér geymdur sveigur réttlætisins sem Drottinn, hinn réttláti dómari, mun gefa mér á þeim degi. Og ekki einungis mér heldur og öllum sem þráð hafa endurkomu hans.

Bæn dagsins

Guð, láttu friðinn þinn, sem er æðri öllum skilningi, varðveita hjarta mitt og hugsanir í Kristi Jesú, Drottni mínum. Amen.

Sálmur (sb. 68)

Þú komst með dögun, Drottinn hár.
Sem dimman flýr við morgunsár,
eins breiddist ljós þitt bjart um heim,
brosir allt líf í geisla þeim.
(Sigurbjörn Einarsson)

Minnisvers vikunnar

23. desember 2017

Morgunlestur: Matt 24.42-47

Hver er sá trúi og hyggni þjónn sem húsbóndinn hefur sett yfir hjú sín að gefa þeim mat á réttum tíma? Sæll er sá þjónn er húsbóndinn finnur breyta svo er hann kemur. Sannlega segi ég yður: Hann mun setja hann yfir allar eigur sínar.

Kvöldlestur: Heb 13.7-17

Því að hér höfum við ekki borg er stendur heldur leitum við hinnar komandi. Með hjálp Jesú skulum við því án afláts færa Guði lofgjörðarfórn, ávöxt vara er játa nafn hans. En gleymið ekki velgjörðaseminni og hjálpseminni því að slíkar fórnir eru Guði þóknanlegar.

Bæn dagsins

Miskunnsami Guð, lít í náð þinni til kirkju þinnar hér á jörðu. Styrk söfnuð þinn og gef kirkjunni eindrægni og frið. Kenn leiðtogum kirkjudeildanna að taka saman höndum yfir hindranir og múra. Leiðbein þeim sem freistast og vísa villráfandi á rétta leið. Styrk með huggun þinni þau sem líða skort til lífs eða sálar.Lát söfnuð þinn undirbúa í einlægni og trúartrausti hina helgu hátíð er þú kemur til mannanna lítið barn á jólum. Þess biðjum við í nafni Jesú Krists. Amen.

Sálmur (sb. 59)

Gjör dyrnar breiðar, hliðið hátt
þig, hjarta, prýð sem best þú mátt,
og trúarlampann tendra þinn,
og til þín bjóð þú Jesú inn.
(Helgi Hálfdánarson)

Minnisvers vikunnar

24. desember 2017

Morgunlestur: Lúk 2.1-14

Og engill Drottins stóð hjá þeim og dýrð Drottins ljómaði kringum þá. Þeir urðu mjög hræddir en engillinn sagði við þá: "Verið óhræddir, því, sjá, ég boða yður mikinn fögnuð sem veitast mun öllum lýðnum: Yður er í dag frelsari fæddur, sem er Kristur Drottinn, í borg Davíðs. Og hafið þetta til marks: Þér munuð finna ungbarn reifað og liggjandi í jötu."
Og í sömu svipan var með englinum fjöldi himneskra hersveita sem lofuðu Guð og sögðu:
Dýrð sé Guði í upphæðum
og friður á jörðu og velþóknun Guðs yfir mönnum.

Kvöldlestur: Jes 9.1-7

Sú þjóð, sem í myrkri gengur,
sér mikið ljós.
Yfir þá sem búa í landi náttmyrkranna
skín ljós.

Bæn dagsins

Drottinn Guð, gjafari allra góðra hluta, og upphaf gleðinnar. Með fæðingu Jesúbarnsins sendir þú bjartan geisla inn í myrkur jarðar. Gef að þetta ljós lýsi einnig hjá okkur. Lát það geisla í öllu sem við gerum, svo að við megum tigna þig og tilbiðja að eilífu. Amen.

Sálmur (sb. 73)

Í Betlehem er :,: barn oss fætt. :,:
Því fagni gjörvöll Adams ætt.
:,: Hallelúja. :,:
(Valdimar Briem)

Minnisvers vikunnar

25. desember 2017

Morgunlestur: Jóh 1.1-14

Og Orðið varð hold, hann bjó með oss, fullur náðar og sannleika og vér sáum dýrð hans, dýrð sem sonurinn eini á frá föðurnum.

Kvöldlestur: Tít 3.4-7

En er gæska Guðs, frelsara vors, birtist og elska hans til mannanna, þá frelsaði hann okkur, ekki vegna réttlætisverkanna, sem við höfðum unnið, heldur frelsaði hann okkur af miskunn sinni. Það gerði hann í þeirri laug endurfæðingar og endurnýjunar heilags anda sem hann lét ríkulega yfir okkur streyma sakir Jesú Krists, frelsara vors. Þannig erum við réttlætt fyrir náð hans og urðum í voninni erfingjar eilífs lífs. 

Bæn dagsins

Guð, sem ert ljós í myrkri. Þetta er dagurinn sem þú hefur gjört. Dagur hinnar miklu gleði. Þú kemur á móti okkur þar sem við þreifum okkur áfram í myrkrinu, og sýnir okkur Jesú Krist sem er fagnaðarboði þessa heims og ljós huggunarinnar augum okkar að eilífu. Amen.

Sálmur (sb. 82)

Heims um ból helg eru jól, <br/>
signuð mær son Guðs ól,<br/>
frelsun mannanna, frelsisins lind,<br/>
frumglæði ljóssins, en gjörvöll mannkind<br/>
:,:meinvill í myrkrunum lá. :,:<br/>
(Sveinbjörn Egilsson)

Minnisvers vikunnar

26. desember 2017

Morgunlestur: Matt 1.18-25

Fæðing Jesú Krists varð á þennan hátt: María, móðir hans, var föstnuð Jósef. En áður en þau komu saman reyndist hún þunguð af heilögum anda. Jósef, festarmaður hennar, sem var valmenni, vildi ekki gera henni opinbera minnkun og hugðist skilja við hana í kyrrþey.

Kvöldlestur: Jes 9.1-7

Því að barn er oss fætt, <br/>
sonur er oss gefinn. <br/>
Á hans herðum skal höfðingjadómurinn hvíla, <br/>
hann skal nefndur: <br/>
Undraráðgjafi, Guðhetja, <br/>
Eilífðarfaðir, Friðarhöfðingi. <br/>
Mikill skal höfðingjadómurinn verða <br/>
og friðurinn engan enda taka <br/>
á hásæti Davíðs <br/>
og í ríki hans. <br/>

Bæn dagsins

Á helgum jólum biðjum við þig fyrir þeim sem eru fjarri ástvinum um þessi jól, þeim sem sakna heimilis, ástvina, fjölskyldu. Lát þau finna að þú yfirgefur þau ekki. Minnstu sérstaklega þeirra sem sorgin sækir heim mitt í gleði aðventu og jóla. Guð, láttu ekki jólagleði okkar verða sjálflæga og sjálfselska. Hjálpa okkur að tendra ljós þar sem þess er þörf, í skugga og myrkri. Amen.

Sálmur (sb. 78)

Í dag er glatt í döprum hjörtum,
því Drottins ljóma jól.
Í niðamyrkrum nætursvörtum
upp náðar rennur sól.
Er vetrar geisar stormur stríður,
þá stendur hjá oss friðarengill blíður
og þegar ljósið dagsins dvín,
:,: oss Drottins birta kringum skín. :,:
(Valdimar Briem)

Minnisvers vikunnar

27. desember 2017

Morgunlestur: Lúk 2.33-40

Faðir hans og móðir undruðust það er sagt var um hann. En Símeon blessaði þau og sagði við Maríu móður hans: "Þessi sveinn er settur til falls og til viðreisnar mörgum í Ísrael. Hann verður tákn sem menn munu rísa gegn.
Sjálf munt þú sverði níst í sálu þinni. Þannig munu hugsanir margra hjartna verða augljósar." 

Kvöldlestur: Jes 49.13-16

En Síon segir: "Drottinn hefur yfirgefið mig,
Guð hefur gleymt mér."
Hvort fær kona gleymt brjóstbarni sínu
að hún miskunni eigi lífsafkvæmi sínu?
Og þó að þær gætu gleymt
þá gleymi ég þér samt ekki.
Ég hef rist þig í lófa mér,
múra þína hef ég sífellt fyrir augum.

Bæn dagsins

Eilífi Guð, miskunnsami faðir, þú leyfðir öldungnum Símeoni að sjá frelsarann og kenndir honum eins og ekkjunni Önnu orð til að lofa lausnarann. Opna augu okkar, að við sjáum geislandi birtu kærleika þíns í syni þínum Jesú Kristi sem með þér og heilögum anda lifir og ríkir að eilífu. Amen.

Sálmur (sb. 421)

Brátt líður lífs á daginn,
mín lífssól dregst í æginn,
er varir mig þess minnst.
Dagsmörkin ég veit eigi.
Mun eigi halla degi<br/>
og komið nærri kvöldið hinst.?

(Stefán Thorarensen)

Minnisvers vikunnar

28. desember 2017

Morgunlestur: Matt 2.13-18

Þegar þeir voru farnir, þá vitrast engill Drottins Jósef í draumi og segir: Rís upp, tak barnið og móður þess og flý til Egyptalands. Þar skaltu vera, uns ég segi þér, að Heródes mun leita barnsins til að fyrirfara því.

Hann vaknaði, tók barnið og móður þess um nóttina og fór til Egyptalands.Þar dvaldist hann þangað til Heródes var allur. Það sem Drottinn sagði fyrir munn spámannsins, skyldi rætast: Frá Egyptalandi kallaði ég son min

Kvöldlestur: Opb 14.1-3a, 5

Enn sá ég sýn: Lambið stóð á Síonfjalli og með því hundrað fjörutíu og fjórar þúsundir, sem höfðu nafn þess og nafn föður þess skrifað á ennum sér.Og ég heyrði rödd af himni sem nið margra vatna og sem gný mikillar þrumu, og röddin, sem ég heyrði, var eins og hörpuhljómur hörpuleikara, sem slá hörpur sínar.Og þeir syngja nýjan söng frammi fyrir hásætinu og frammi fyrir verunum fjórum og öldungunum. Og í munni þeirra var enga lygi að finna, þeir eru lýtalausir

Bæn dagsins

Litla Jesúbarn, þú ert barn sem ég. Þess vegna elska ég þig og vil gefa þér hjarta mitt. Tak á móti því, góði Guð, að það sé ekki lengur mitt, heldur þitt.

Sálmur (sb. 570)

Í Rama heyrðist harmakvein
og hertekinna sorgar vein.
Þeir grétu sárt af sínum hag.
Við sama stendur enn í dag,
því grimmdarstríð og styrjöld hörð
er stöðugt enn á vorri jörð.
(Helgi Hálfdánarson)
 

Minnisvers vikunnar

29. desember 2017

Morgunlestur: Jóh 3.16-21

Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf. Guð sendi ekki soninn í heiminn til að dæma heiminn heldur til þess að frelsa hann.

Kvöldlestur: Jóh 3.31-36

Sá sem kemur að ofan er yfir öllum. Sá sem er af jörðu, hann er af jörðu og talar eins og menn. Sá sem kemur af himni er yfir öllum og vitnar um það sem hann hefur séð og heyrt og enginn tekur á móti vitnisburði hans. En sá sem hefur tekið á móti vitnisburði hans hefur staðfest að Guð sé sannorður.

Bæn dagsins

Guð, í lotningu og tilbeiðslu lútum við höfðum fyrir barninu í jötunni og færum því gjafir okkar. Við berum fram reynslu okkar, minningar, sorgir og sársauka og biðjum um blessun, og að við fáum að verða til blessunar.

Sálmur (sb. 570)

Sem Heródes er heimurinn,
svo herradóm hann elskar sinn,
að sakleysið og sannleikann
hann sviptir lífi, nær sem kann,
og til þess vald sitt viðhaldist,
hann vill, ef gæti, deyða Krist.
(Helgi Hálfdánarson)

Minnisvers vikunnar

30. desember 2017

Morgunlestur: 1Jóh 3.1-6

Sjáið hvílíkan kærleika faðirinn hefur auðsýnt okkur, að við skulum kallast Guðs börn. Og það erum við. Heimurinn þekkir okkur ekki vegna þess að hann þekkti hann ekki. Þið elskuðu, nú þegar erum við Guðs börn og það er enn þá ekki orðið bert hvað við munum verða. Við vitum að þegar hann birtist, þá verðum við honum lík því að við munum sjá hann eins og hann er.

Kvöldlestur: 1Tím 3.14-16

Og víst er leyndardómur trúarinnar mikill:
Hann birtist í manni,
sannaðist í anda,
opinber englum,
var boðaður þjóðum,
trúað í heimi,
hafinn upp í dýrð.

Bæn dagsins

Eilífi, almáttugi Guð og faðir, þú sem leiðir þennan dag til lykta og hylur hinn ókomna, og af náð þinni gefur oss aðeins eitt andartak í senn. Vér þökkum þér árið sem senn er liðið, fyrir gleði þess og sorgir, allt sem það gaf og tók. Fyrirgef oss vorar skuldir, synd, afbrot, vanrækslu alla. Lát engan líða vor vegna, heldur opna fyrir oss leiðir til að bæta fyrir það sem vér hörum gert rangt, eða látið ógert. Leys oss frá gremju yfir því sem að baki er og kvíða fyrir komandi degi. Kenn oss að nota rétt hverja stund sem þú gefur. í þínar hendur felum vér árið liðna og í trausti til handleiðslu þinnar höldum vér inn um dyr hins nýja. Vísa oss vegu þína, Drottinn, og leið oss gegnum skammdegi lífsins, að vér námum því marki sem þú hefur sett jarðlífsgöngu vorri. (O. Krook)

Sálmur (sb. 570)

Sem Rakel kristin kirkja þrátt
enn kveinar mædd og grætur hátt;
þótt sjaldan böðla sverðin reidd
hún sjái nú og börn sín deydd,
má hún þó óttast illan heim,
því enn þá vill hann granda þeim.
(Helgi Hálfdánarson)

Minnisvers vikunnar

31. desember 2017

Morgunlestur: Lúk 13.6-9

En hann sagði þessa dæmisögu: Maður nokkur átti fíkjutré gróðursett í víngarði sínum. Hann kom og leitaði ávaxtar á því og fann ekki. Hann sagði þá við víngarðsmanninn: Í þrjú ár hef ég nú komið og leitað ávaxtar á fíkjutré þessu og ekki fundið. Högg það upp. Hví á það að spilla jörðinni? En hann svaraði honum: Herra, lát það standa enn þetta ár, þar til ég hef grafið um það og borið að áburð. Má vera að það beri ávöxt síðan. Annars skaltu höggva það upp.

Kvöldlestur: Hlj 3.21- 26, 40- 41

Þetta vil ég hugfesta, þess vegna vil ég vona: Náð Drottins er ekki þrotin, miskunn hans ekki á enda, hún er ný á hverjum morgni, mikil er trúfesti þín!

Drottinn er hlutdeild mín, segir sál mín, þess vegna vil ég vona á hann. Góður er Drottinn þeim er á hann vona, og þeirri sál er til hans leitar. Gott er að bíða hljóður eftir hjálp Drottins.

Rannsökum breytni vora og prófum og snúum oss til Drottins.
Fórnum hjarta voru og höndum til Guðs í himninum.

Bæn dagsins

Enn líður ár, hjálpa okkur að horfa ekki um öxl í söknuði og reiði, og fram á við í kvíða og áhyggjum, heldur horfa jafnan til beggja hliða í kærleika, eilífi Guð og faðir. Amen.

Sálmur (sb. 98)

Nú árið er liðið í aldanna skaut
og aldrei það kemur til baka,
nú gengin er sérhver þess gleði og þraut,
það gjörvallt er runnið á eilífðar braut,
en minning þess víst skal þó vaka.
(Valdimar Briem)
 

Minnisvers vikunnar

01. janúar 2018

Morgunlestur: Lúk 2.21

Þegar átta dagar voru liðnir skyldi umskera hann og var hann látinn heita Jesús eins og engillinn nefndi hann áður en hann var getinn í móðurlífi.

Kvöldlestur: Slm 90.1-4, 12

Því að þúsund ár eru í þínum augum
sem dagurinn í gær, þegar hann er liðinn,
já, eins og næturvaka.

Kenn oss að telja daga vora,
að vér megum öðlast viturt hjarta.

Bæn dagsins

Við þökkum þér, Guð, fyrir mynstur og hrynjandi lífsins, fyrir árstíðirnar, fyrir undur endurfæðingarinnar, fyrir kraftaverk upprisunnar, fyrir fæðing, vöxt og þroska til uppskeru aldurs og elli. Veit okkur skilning og þroska til að skynja þig að verki á lífsferð okkar, og finna handleiðslu þína gegnum dauða til lífs og eilífrar gleði, þú gjafari allra góðra hluta. Amen.

Sálmur (sb. 105)

Í Jesú nafni áfram enn
með ári nýju, kristnir menn,
það nafn um árs- og ævispor
sé æðsta gleði' og blessun vor.
(Valdimar Briem)

Minnisvers vikunnar

02. janúar 2018

Morgunlestur: Matt 2.19-23

Þegar Heródes var dáinn þá vitrast engill Drottins Jósef í draumi í Egyptalandi og segir: "Rís upp, tak barnið og móður þess og far til Ísraelslands. Nú eru þeir dánir sem sátu um líf barnsins." Jósef tók sig upp og fór til Ísraelslands með barnið og móður þess. 

Kvöldlestur: 2Mós 2.1-10

Þegar hún opnaði körfuna sá hún grátandi dreng í henni. Hún vorkenndi honum og sagði: "Þetta er einn af hebresku drengjunum." Þá spurði systir hans dóttur faraós: "Á ég að fara og kalla á hebreska brjóstmóður fyrir þig?" Dóttir faraós svaraði: "Já, gerðu það." Stúlkan fór og kallaði á móður drengsins. Dóttir faraós sagði við hana: "Farðu með þennan dreng og hafðu hann á brjósti fyrir mig og ég skal launa þér það." Konan fór með drenginn og hafði hann á brjósti. 

Bæn dagsins

Drottinn, varðveit þú inngöngu okkar og útgöngu, héðan í frá og að eilífu. Amen.

Sálmur (sb. 105)

Í nafni hans æ nýtt er ár,
því nafni', er græðir öll vor sár,
í nafni hans fá börnin blíð
Guðs blessun fyrst á ævitíð.
(Valdimar Briem)

Minnisvers vikunnar

03. janúar 2018

Morgunlestur: Jes 43.16-19

Minnist hvorki hins liðna
né hugleiðið það sem var.
Nú hef ég nýtt fyrir stafni,
nú þegar vottar fyrir því,
sjáið þér það ekki?
Ég geri veg um eyðimörkina
og fljót í auðninni.

Kvöldlestur: 5Mós 33.26-29

Heill þér, Ísrael. Hver er sem þú?
Þjóðin sem Drottinn frelsaði.
Hann er skjöldurinn sem ver þig,
sverðið sem veitir þér sigur.
Fjandmenn þínir munu skríða fyrir þér,
þú munt traðka á baki þeirra.
 

Bæn dagsins

Við biðjum fyrir nýju ári, um frið og réttlæti fyrir alla, kraft og hugrekki fyrir veika, samúð og visku fyrir sterka, aukna samkennd alls sem lifir, og við biðjum um nærveru þína í lífi allra. Amen.

Sálmur (sb. 105)

Í nafni hans sé niður sáð<br/>
með nýju vori´ í þiðnað láð,<br/>
í nafni hans Guðs orði á<br/>
á æskuvori snemma´að sá. <br/>
(Valdimar Briem)

Minnisvers vikunnar

04. janúar 2018

Morgunlestur: 2Kor 6.14-16

Hvernig getur musteri Guðs þolað skurðgoð? Við erum musteri lifanda Guðs eins og Guð hefur sagt: 
Ég mun búa meðal þeirra og dveljast hjá þeim 
og ég mun vera Guð þeirra 
og þeir munu vera lýður minn. 
 

Kvöldlestur: 4Mós 13 og 14

Þannig sögðu þeir Móse frá: "Við komum til landsins sem þú sendir okkur til. Það flýtur sannarlega í mjólk og hunangi og hérna eru ávextir þess.

Bæn dagsins

Við þökkum þér fyrir lífið. Fyll hvern dag af kærleika. Hjálpa okkur að sinna störfum okkar dag hvern - í dag, á morgun og árið á enda. Amen.

Sálmur (sb. 105)

Í nafni hans sé starf og stríð,
er stendur hæst um sumartíð,
í nafni hans sé lögð vor leið
um lífsins starfs- og þroskaskeið.
(Valdimar Briem)

Minnisvers vikunnar

05. janúar 2018

Morgunlestur: Fil 4.10-20

En Guð minn mun uppfylla allar ykkar þarfir og láta Krist Jesú veita ykkur af dýrlegum auðæfum sínum. Guði og föður vorum sé dýrðin um aldir alda. Amen. 
 

Kvöldlestur: Heb 13.8-9b

Jesús Kristur er í gær og í dag hinn sami og um aldir. Látið ekki ýmiss konar framandi kenningar afvegaleiða ykkur.

Bæn dagsins

Drottinn, dýpka trú mína, dag frá degi. Amen.

Sálmur (sb. 105)

Í nafni hans, þótt haust sé kalt,
vér horfum glaðir fram á allt,
í nafni hans, er þróttur þver,
vér þráum líf, sem betra er.
(Valdimar Briem)

Minnisvers vikunnar

05. janúar 2018

Morgunlestur: Fil 4.10-20

En Guð minn mun uppfylla allar ykkar þarfir og láta Krist Jesú veita ykkur af dýrlegum auðæfum sínum. Guði og föður vorum sé dýrðin um aldir alda. Amen. 
 

Kvöldlestur: Heb 13.8-9b

Jesús Kristur er í gær og í dag hinn sami og um aldir. Látið ekki ýmiss konar framandi kenningar afvegaleiða ykkur.

Bæn dagsins

Drottinn, dýpka trú mína, dag frá degi. Amen.

Sálmur (sb. 105)

Í nafni hans, þótt haust sé kalt,
vér horfum glaðir fram á allt,
í nafni hans, er þróttur þver,
vér þráum líf, sem betra er.
(Valdimar Briem)

Minnisvers vikunnar

06. janúar 2018

Morgunlestur: Matt 2.1-12

Þegar þeir sáu stjörnuna glöddust þeir harla mjög, þeir gengu inn í húsið og sáu barnið og Maríu, móður þess, féllu fram og veittu því lotningu. Síðan luku þeir upp fjárhirslum sínum og færðu því gjafir, gull, reykelsi og myrru.

Kvöldlestur: 1Kon 10.1-9

Sælir eru menn þínir, sælir hirðmenn þínir, sem sífellt eru hjá þér og hlýða á speki þína. Lofaður sé Drottinn, Guð þinn, sem hafði velþóknun á þér svo að hann setti þig í hásæti Ísraels. Drottinn gerði þig að konungi til þess að ástunda rétt og réttlæti af því að hann elskar Ísrael ævinlega."

Bæn dagsins

Drotinn Guð, þú sem lést stjörnu vísa vitringunum um langan veg að jötu sonar þíns. Öll viska mannanna, já, trú og siðir, verða um síðir að lúta honum, sem kom til að frelsa heiminn. Gef að allar þjóðir, allir menn, fái að heyra um hann og lúta honum í trú og kærleika, Jesú Kristi, frelsara mínum og Drottni. Amen.

Sálmur (sb. 568)

Með gleðiraust og helgum hljóm
þig herra Jesú Kristi,
heiðri fagnandi' og hvellum róm
hópur þinn endurleysti;
úr himnadýrð þú ofan stést
á jörð til vor, því sunginn best
sé þínu nafni sóminn,
það von og fögnuð góðan gaf,
gjörvallt mannkynið syndum af
að frelsa ertu kominn.
(Magnús Stephensen)

Minnisvers vikunnar

06. janúar 2018

Morgunlestur: Matt 2.1-12

Þegar þeir sáu stjörnuna glöddust þeir harla mjög, þeir gengu inn í húsið og sáu barnið og Maríu, móður þess, féllu fram og veittu því lotningu. Síðan luku þeir upp fjárhirslum sínum og færðu því gjafir, gull, reykelsi og myrru.

Kvöldlestur: 1Kon 10.1-9

Sælir eru menn þínir, sælir hirðmenn þínir, sem sífellt eru hjá þér og hlýða á speki þína. Lofaður sé Drottinn, Guð þinn, sem hafði velþóknun á þér svo að hann setti þig í hásæti Ísraels. Drottinn gerði þig að konungi til þess að ástunda rétt og réttlæti af því að hann elskar Ísrael ævinlega."

Bæn dagsins

Drotinn Guð, þú sem lést stjörnu vísa vitringunum um langan veg að jötu sonar þíns. Öll viska mannanna, já, trú og siðir, verða um síðir að lúta honum, sem kom til að frelsa heiminn. Gef að allar þjóðir, allir menn, fái að heyra um hann og lúta honum í trú og kærleika, Jesú Kristi, frelsara mínum og Drottni. Amen.

Sálmur (sb. 568)

Með gleðiraust og helgum hljóm
þig herra Jesú Kristi,
heiðri fagnandi' og hvellum róm
hópur þinn endurleysti;
úr himnadýrð þú ofan stést
á jörð til vor, því sunginn best
sé þínu nafni sóminn,
það von og fögnuð góðan gaf,
gjörvallt mannkynið syndum af
að frelsa ertu kominn.
(Magnús Stephensen)

Minnisvers vikunnar

07. janúar 2018

Morgunlestur: Lúk 2.41-52

Eftir þrjá daga fundu þau hann í helgidóminum. Þar sat hann mitt á meðal lærifeðranna, hlýddi á þá og spurði þá. En alla, sem heyrðu til hans, furðaði stórum á skilningi hans og andsvörum. Og er þau sáu hann þar brá þeim mjög og móðir hans sagði við hann: "Barn, hví gerðir þú okkur þetta? Við faðir þinn höfum leitað þín harmþrungin."
Og hann sagði við þau: "Hvers vegna voruð þið að leita að mér? Vissuð þið ekki að mér ber að vera í húsi föður míns?" En þau skildu ekki það er hann talaði við þau.
Og Jesús fór heim með þeim og kom til Nasaret og var þeim hlýðinn. En móðir hans geymdi allt þetta í hjarta sér. Og Jesús þroskaðist að visku og vexti og náð hjá Guði og mönnum.

Kvöldlestur: Rut 1.15-19a

En Rut svaraði: "Reyndu ekki að telja mig á að yfirgefa þig og hverfa frá þér því að hvert sem þú ferð þangað fer ég, og hvar sem þú náttar þar nátta ég. Þitt fólk er mitt fólk og þinn guð er minn guð. Þar sem þú deyrð þar dey ég og þar vil ég verða grafin. Drottinn gjaldi mér nú og framvegis ef annað en dauðinn aðskilur okkur."

Bæn dagsins

Guð ljóssins, við þökkum þér fyrir komu Jesú Krists í heiminn, hann sem er ljós heimsins takmark þess sem leitar, og vegvísir hins villta. Við þökkum þér að við megum koma til hans með börnin okkar og okkur sjálf, og þiggja blessun hans í heilagri skírn, hlýða á hann og fylgja honum að eilífu Amen.

Sálmur (sb. 250)

Til mín skal börnin bera
svo býður lausnarinn,
þeim athvarf vil ég vera
og veita kærleik minn.
Ég fæddist fátækt i
sem barn, að börn þess njóti
og blessun alla hljóti
af ástarundri því.
(Helgi Hálfdánarson)

Minnisvers vikunnar

08. janúar 2018

Morgunlestur: Mrk 1.1-8

En Jóhannes var í klæðum úr úlfaldahári, með leðurbelti um lendar sér og át engisprettur og villihunang. Hann prédikaði svo: "Sá kemur eftir mig sem mér er máttugri og er ég ekki verður þess að krjúpa niður og leysa skóþveng hans. Ég hef skírt ykkur með vatni en hann mun skíra ykkur með heilögum anda." 

Kvöldlestur: 1Jóh 4.9-16a

Í því birtist kærleikur Guðs til okkar að Guð hefur sent einkason sinn í heiminn til þess að hann skyldi veita okkur nýtt líf. Þetta er kærleikurinn: Ekki að við elskuðum Guð heldur að hann elskaði okkur og sendi son sinn til að vera friðþæging fyrir syndir okkar. 

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 250)

Vor Jesús börnin blíður
að brjósti leggur sér
og þeim hið besta býður,
það borgarréttur er,
með himins helgri þjóð,
hann erfð þeim æðsta veitir
og allri sælu heitir
sitt fyrir blessaða blóð.
(Helgi Hálfdánarson)

Minnisvers vikunnar

09. janúar 2018

Morgunlestur: Mrk 1.9-15

Svo bar við á þeim dögum að Jesús kom frá Nasaret í Galíleu og Jóhannes skírði hann í Jórdan. Um leið og hann sté upp úr vatninu sá hann himnana ljúkast upp og andann stíga niður yfir sig eins og dúfu. Og rödd kom af himnum: "Þú ert minn elskaði sonur, á þér hef ég velþóknun."

Kvöldlestur: Mrk 1.21-28

Jesús hastaði þá á hann og mælti: "Þegi þú og far út af honum."
Þá teygði óhreini andinn manninn, rak upp hljóð mikið og fór út af honum. Sló felmtri á alla og hver spurði annan: "Hvað er þetta? Hann kennir á nýjan hátt. Það er eins og hann búi yfir guðlegum mætti! Hann skipar jafnvel óhreinum öndum og þeir hlýða honum." Og orðstír hans barst þegar um alla Galíleu. 

Bæn dagsins

Umlyk mig á allar hliðar. Leyf mér að hvíla í hendi þinni. Amen.

Sálmur (sb. 250)

Til Krists því koma látið,
þér kristnir, börnin smá
og hæsta heill það játið
að hans þau fundi ná.
Ó, berið börn til hans,
hann virðist við þeim taka
þau voði má ei saka
í faðmi frelsarans.
(Helgi Hálfdánarson)

Minnisvers vikunnar

10. janúar 2018

Morgunlestur: Jóh 1.35-42

Annar þessara tveggja, sem heyrðu orð Jóhannesar og fóru á eftir Jesú, var Andrés, bróðir Símonar Péturs. Hann finnur fyrst bróður sinn, Símon, og segir við hann: "Við höfum fundið Messías!" en Messías þýðir Kristur, Hinn smurði. Hann fór með hann til Jesú. Jesús horfði á hann og sagði: "Þú ert Símon Jóhannesson, þú skalt heita Kefas," en Kefas, Pétur, þýðir klettur. 

Kvöldlestur: Jóh 1.43-51

Þá segir Natanael: "Rabbí, þú ert sonur Guðs, þú ert konungur Ísraels."
Jesús spyr hann: "Trúir þú af því að ég sagði við þig: Ég sá þig undir fíkjutrénu? Þú munt sjá það sem þessu er meira." Og hann segir við hann: "Sannlega, sannlega segi ég yður: Þér munuð sjá himininn opinn og engla Guðs stíga upp og stíga niður yfir Mannssoninn." 

Bæn dagsins

Drottinn minn og Guð minn. þú veist hvað bíður mín á þessum degi. Allt það fel ég þér í trausti til náðar þinnar og handleiðslu. Gef mér þann styrk sem ég þarfnast til að mæta því sem að höndum ber og vinna störf mín af alúð og gleði. Upplýs mig, að ég sjái þig í þeim sem á vegi mínum verða í dag, og geti orðið þeim lífsmark frá þér. Og Drottinn, þótt ég í önnum dagsins gleymi þér, gleymdu þá ekki mér. Vernda og blessa hvert fótmál mitt, andartak og æðaslag. Fyrir Jesú Krist, Drottin minn og frelsara. Amen.

Sálmur (sb. 255)

Ég grundvöll á, sem get ég treyst,
því Guð minn lagt hann hefur
af elsku' og náð, sem ei fær breyst
og óverðskuldað gefur.
Að boði hans ég borinn var
að bjartri laug og skírður þar
af orði hans og anda.
(Bjarni Eyjólfsson)

Minnisvers vikunnar

11. janúar 2018

Morgunlestur: Matt 4.12-17

Sú þjóð sem í myrkri gengur sér mikið ljós. Yfir þau sem búa í skuggalandi dauðans skín ljós. 
 

Kvöldlestur: Matt 4.18-25

Jesús gekk með fram Galíleuvatni og sá tvo bræður, Símon, sem kallaður var Pétur, og Andrés, bróður hans, vera að kasta neti í vatnið en þeir voru fiskimenn. Hann sagði við þá: "Komið og fylgið mér og mun ég láta ykkur menn veiða." Og þegar í stað yfirgáfu þeir netin og fylgdu honum. 
 

Bæn dagsins

Guð, styrkur þeirra sem treysta á þig: Gef oss trú til að leggja allt í þínar hendur og lát oss minnast þess í öllum vandræðum og erfiðleikum, að þeim sem þig elska, samverkar allt til góðs. Fyrir Jesú Krist, Drottin vorn. Amen. (Handbók kirkjunnar)

Sálmur (sb. 255)

Á höfuð mitt og hjarta var
hans helgi kross þá ristur
sem augljóst tákn þess, að mig þar
til eignar tæki Kristur,
því keypt hann hefði' á krossi mig
og knýtt með þeirri fórn við sig
og nú á ný mig fæddi.
(Bjarni Eyjólfsson)

Minnisvers vikunnar

12. janúar 2018

Morgunlestur: Heb 2.14-18

Þar sem nú börnin eru af holdi og blóði þá varð hann sjálfur maður, til þess að hann með dauða sínum gæti að engu gert þann sem hefur mátt dauðans, það er að segja djöfulinn, og frelsað alla þá sem lifðu allan sinn aldur undir ánauðaroki af ótta við dauðann. Því að víst er um það að ekki tekur hann að sér englana en hann tekur að sér niðja Abrahams.

Kvöldlestur: Jóh 10.31-38

Jesús svaraði þeim: "Er ekki skrifað í lögmáli yðar: Ég hef sagt: Þér eruð guðir? – og ritningin verður ekki felld úr gildi. Ef lögmálið nefnir þá guði sem Guðs orð kom til segið þér þá við mig, sem faðirinn helgaði og sendi í heiminn, að ég guðlasti af því ég sagði: Ég er sonur Guðs? Ef ég vinn ekki verk föður míns skuluð þér ekki trúa mér en ef ég vinn þau þá trúið verkunum þótt þér trúið mér ekki svo að þér skiljið og vitið að faðirinn er í mér og ég í föðurnum."

Bæn dagsins

Drottinn, kenn oss að skilja, að eins og stjörnur himins sjást aðeins í kyrrð næturinnar, þannig er það aðeins í kyrrð sálarinnar sem undur þín birtast. Gef að vér í kyrrð hjartans getum séð hið minnsta strá í alheimsgeimi umlukt elsku þinni. (Frá Indlandi)

Sálmur (sb. 255)

Hve gott að eiga grundvöll þann,
þá guðlaus vantrú hræðir,
að sjálfur Drottinn verkið vann,
sem veikan endurfæðir.
Ég, allslaust barn, gat ekki neitt,
en eilíft líf af náð var veitt,
mitt nafn í lífsbók letrað.
(Bjarni Eyjólfsson)

Minnisvers vikunnar

13. janúar 2018

Morgunlestur: Jóh 5.19-24

Þessu svaraði Jesús og sagði við þá: "Sannlega, sannlega segi ég yður: Ekkert getur sonurinn gert af sjálfum sér. Hann gerir það eitt sem hann sér föðurinn gera. Því hvað sem hann gerir, gerir sonurinn einnig. Faðirinn elskar soninn og sýnir honum allt sem hann gerir sjálfur. Hann mun sýna honum meiri verk en þessi svo að þér verðið furðu lostnir.

Kvöldlestur: Lúk 10.21-24

Á sömu stundu fylltist Jesús af fagnandi gleði heilags anda og sagði: "Ég vegsama þig, faðir, Drottinn himins og jarðar, að þú hefur hulið þetta spekingum og hyggindamönnum en opinberað það smælingjum. Já, faðir, svo var þér þóknanlegt. 
Allt hefur faðir minn falið mér og enginn veit hver sonurinn er nema faðirinn né hver faðirinn er nema sonurinn og sá sem sonurinn vill opinbera hann." 
 

Bæn dagsins

Guð minn, kom til mín í myrkrinu og umlyk mig náð. Þú ert mitt skjól, óbifanlegt athvarf í heiminum. Hjá þér er ég aftur barn, sem borið er hverja stund. Hugsanirnar hljóðna hjá þér og hjartað finnur hvíld. (M.Melin)

Sálmur (sb. 248)

Héðan burt vér göngum glaðir,
Guð, úr þínu húsi nú,
allt vér þökkum, elsku faðir,
enn er hér oss veittir þú:
lífsins orða ljósið bjarta,
læknismeðal sjúku hjarta,
endurnæring, hressing, hlíf,
huggun, svölun, kraft og líf.
(Valdimar Briem)

Minnisvers vikunnar

14. janúar 2018

Morgunlestur: Matt 8.1-13

Þá sagði hundraðshöfðinginn: "Drottinn, ég er ekki verður þess að þú gangir inn undir þak mitt. Mæl þú aðeins eitt orð og mun sveinn minn heill verða. Því að sjálfur er ég maður sem verð að lúta valdi og ræð yfir hermönnum og ég segi við einn: Far þú, og hann fer, og við annan: Kom þú, og hann kemur, og við þjón minn: Ger þetta, og hann gerir það."
Þegar Jesús heyrði þetta undraðist hann og mælti við þau sem fylgdu honum: "Sannlega segi ég ykkur, þvílíka trú hef ég ekki fundið hjá neinum í Ísrael.

Kvöldlestur: Jes 49.1-6

Hlýðið á mig, eylönd,
hyggið að, fjarlægu þjóðir.
Drottinn hefur kallað mig allt frá móðurlífi,
nefnt mig með nafni frá því ég var í móðurkviði.
Hann gerði munn minn sem beitt sverð
og huldi mig í skugga handar sinnar.
Hann gerði mig að hvassri ör
og faldi mig í örvamæli sínum.

Bæn dagsins

Miskunnsami Guð í kærleika þínum er kraftur til umbreytingar. Leyfðu okkur að komast að raun um, að þú getur látið gleði vaxa upp úr sorginni, frið og sátt verða milli þeirra sem deila, öruggt traust fæðast í vonleysinu og fyrirgefningu í sektinni. Gef okkur styrk trúarinnar að við treystum því að líf okkar beri ávöxt. Þess biðjum við í nafni Jesú Krists sem vitjar barna sinna. Amen.

Sálmur (sb. 113)

Hve sælt hvert hús, er sinna meðal gesta
þér sífellt býður heim, ó, Jesús kær.
Í húsi því er hátíð æ hin besta,
er heimsókn þína dag hvern öðlast fær.
(Helgi Hálfdánarson)

Minnisvers vikunnar

15. janúar 2018

Morgunlestur: Mrk 2.18-22

Lærisveinar Jóhannesar og farísear héldu nú föstu. Þá koma menn til Jesú og spyrja hann: "Hví fasta lærisveinar Jóhannesar og lærisveinar farísea en þínir lærisveinar fasta ekki?"
Jesús svaraði þeim: "Hvort geta brúðkaupsgestir fastað meðan brúðguminn er hjá þeim? Alla þá stund sem brúðguminn er hjá þeim geta þeir ekki fastað. En koma munu þeir dagar er brúðguminn verður frá þeim tekinn, þá munu þeir fasta á þeim degi. 

Kvöldlestur: Jer 14.2-9

Þó að syndir vorar vitni gegn oss, 
láttu samt til þín taka vegna nafns þíns, Drottinn.
Svik vor eru margvísleg,
vér höfum syndgað gegn þér.
Þú, von Ísraels,
frelsari hans á neyðartímum.
Hvers vegna ertu eins og aðkomumaður í landinu,
eins og ferðamaður sem tjaldar til einnar nætur?
Hvers vegna ertu eins og ruglaður maður,
eins og hermaður sem ekki getur sigrað?
Þú ert þó sjálfur á meðal vor,
Drottinn, vér erum kenndir við þig,
yfirgef oss ekki. 

Bæn dagsins

Drottinn, sem gafst sjálfan þig á krossi til að sameina mannkynið, við afneitum þín vegna rangsnúnu eðli okkar, eigingirni, hroka, hégóma og reiði. Drottinn, gleym ekki þeim kúguðu, þeim sem þjáðir eru af margkonar ofbeldi, reiði og hatri, fórnarlömb kaldhæðinnar sannfæringar og andstæðra hugmyndakerfa. Drottinn, kom til okkar með samúð og berðu umhyggju fyrir fólki þínu, svo að við megum njóta friðar og gleði sem er fólgin í skikkan sköpunar þinnar. Drottinn, lát allt kristið fólk vinna saman með því að koma á réttlæti þínu frekar en okkar. Veit okkur kjark til að bera krossinn með öðrum frekar en að leggja okkar kross á þeirra herðar. Drottinn, kenndu okkur af visku þinna að umgangast óvini okkar með kærleika í stað haturs. Amen.

Sálmur (sb. 113)

Hve sælt hvert hús, ef hjón þar saman búa
í helgri trú og von og kærleik eitt
og sífellt augum sálna til þín snúa,
um samfylgd þína biðja þrátt og heitt.
(Helgi Hálfdánarson)

Minnisvers vikunnar

16. janúar 2018

Morgunlestur: Mrk 3.1-6

Öðru sinni gekk Jesús í samkunduhús. Þar var maður með visna hönd og höfðu þeir nánar gætur á Jesú hvort hann læknaði hann á hvíldardegi. Þeir hugðust kæra hann. Og Jesús segir við manninn með visnu höndina: "Statt upp og kom hér fram!" Síðan spyr hann þá: "Hvort er heldur leyfilegt að gera gott eða gera illt á hvíldardegi, bjarga lífi eða deyða?"
En þeir þögðu.

Kvöldlestur: Jer 17.13-17

En ef þér hlýðið á mig með athygli, segir Drottinn, og flytjið ekkert inn um hlið þessarar borgar á hvíldardegi, heldur haldið hann heilagan með því að vinna ekkert verk, þá munu konungar, sem sitja í hásæti Davíðs, koma inn um hlið þessarar borgar. Þeir koma akandi í vögnum og ríðandi á hestum, þeir sjálfir og hirðmenn þeirra, Júdamenn og Jerúsalembúar. Þá verður þessi borg ævinlega í byggð.

Bæn dagsins

Réttláti Guð, hér í heimi eru staðir með gnægtir matar en aðrir þar sem er skortur, þar eru margir hungraðir og sjúkir. Friðarins Guð, hér eru þeir sem auðgast á ofbeldi og stríði en aðrir sem vegna stríðs og ofbeldis eru neyddir til að leggja á flótta frá heimilum sínum. Miskunnsami Guð, hjálpa okkur að skilja að við lifum ekki á peningum einum saman, heldur gefur orðið þitt líf. Við biðjum í nafni Jesús Krists, Drottins okkar. Amen.

Sálmur (sb. 113)

Hve sælt hvert hús, er ber á bænarörmum
sín börn til þín í hjartans ást og trú
og felur þínum faðmi kærleiksvörmum
þau fögur vorblóm, svo þeim hjúkrir þú.
(Helgi Hálfdánarson)

Minnisvers vikunnar

17. janúar 2018

Morgunlestur: Matt 19.3-9

Þeir segja við Jesú: "Hvers vegna bauð Móse þá að gefa konu skilnaðarbréf og skilja svo við hana?"
Hann svarar: "Móse leyfði ykkur að skilja við konur ykkar vegna þverúðar ykkar en frá upphafi var þetta eigi þannig. Ég segi ykkur: Sá sem skilur við konu sína, nema sakir hórdóms, og kvænist annarri drýgir hór." 

Kvöldlestur: Matt 17.24-27

Pétur kvað svo vera.
En er hann kom inn tók Jesús fyrr til máls og mælti: "Hvað líst þér, Símon? Af hverjum heimta konungar jarðarinnar toll eða skatt? Af börnum sínum eða vandalausum?"
"Af vandalausum," sagði Pétur.
Jesús mælti: "Þá þurfa börnin ekki að greiða skatt. En til þess við hneykslum þá ekki skaltu fara niður að vatni og renna öngli, taktu síðan fyrsta fiskinn, sem þú dregur, opna munn hans og muntu finna pening. Tak hann og greið þeim fyrir mig og þig."

Bæn dagsins

Guð, skapari okkar, heimurinn var skapaður með orði þínu og þú sást að hann var góður. Í dag völdum við dauða og eyðileggingu á umhverfi okkar. Gef að við iðrumst græðgi okkar. Hjálpa okkur að bera umhyggju fyrir öllu sem þú hefur skapað. Saman þráum við að vernda sköpunarverk þitt. Amen.

Sálmur (sb. 113)

Hve sælt hvert hús, er lætur unga læra
þitt lífsins orð, sem næring sálar er,
og kennir þeim þér hlýðnisfórn að færa
og fagurt lof af ást að gjalda þér.
(Helgi Hálfdánarson)

Minnisvers vikunnar

18. janúar 2018

Morgunlestur: Matt 5.17-20

Ætlið ekki að ég sé kominn til að afnema lögmálið eða spámennina. Ég kom ekki til að afnema heldur uppfylla. Sannlega segi ég yður: Þar til himinn og jörð líða undir lok mun ekki einn smástafur eða stafkrókur falla úr lögmálinu uns allt er komið fram. Hver sem því brýtur eitt af þessum minnstu boðum og kennir öðrum það mun kallast minnstur í himnaríki en sá sem heldur þau og kennir mun mikill kallast í himnaríki.

Kvöldlestur: 5Mós 4.5-13

Þá stóð ég á milli Drottins og ykkar til að flytja ykkur ræðu Drottins því að þið höfðuð ekki gengið á fjallið af ótta við eldinn. Drottinn sagði:
"Ég er Drottinn, Guð þinn, sem leiddi þig út úr Egyptalandi, út úr þrælahúsinu. 

Bæn dagsins

Drottinn, hjálpaðu okkur til að koma auga á óréttlæti og útilokun sem skemmir samfélag okkar. Beindu sjónum okkar að eigin fordómum og leiðbeindu okkur í átt til umburðarlyndis. Kenndu okkur að vísa freistingum á bug og skynja gleðina í því að lifa í einingu samfélagsins. Amen.

Sálmur (sb. 113)

Hve sælt hvert húsið, þar sem athöfn alla
þér allir helga' og gjörvallt dagfar sitt.
Þú síðar þá til samvistar munt kalla
í sæluríka dýrðarhúsið þitt.
(Helgi Hálfdánarson)

Minnisvers vikunnar

19. janúar 2018

Morgunlestur: 1Kor 2.1-5

Þegar ég kom til ykkar, systkin, og boðaði ykkur leyndardóm Guðs gerði ég það ekki með háfleygri mælsku eða spekiorðum. Þegar ég var með ykkur ásetti ég mér að hafa ekkert í huga annað en Jesú Krist og hann krossfestan.

Kvöldlestur: 1Kor 2.6-10

Ég tala speki meðal hinna fullkomnu, þó ekki speki þessarar aldar eða höfðingja þessarar aldar sem eiga að líða undir lok, heldur tala ég leynda speki Guðs sem hulin hefur verið en Guð hefur frá eilífð fyrirhugað okkur til dýrðar sinnar.

Bæn dagsins

Drottinn, hjálpaðu okkur til að koma auga á óréttlæti og útilokun sem skemmir samfélag okkar. Beindu sjónum okkar að eigin fordómum og leiðbeindu okkur í átt til umburðarlyndis. Kenndu okkur að vísa freistingum á bug og skynja gleðina í því að lifa í einingu samfélagsins. Amen.

Sálmur (sb. 114)

Hjartað bæði og húsið mitt
heimili veri, Jesús, þitt,
hjá mér þigg hvíld hentuga,
þó þú komir með krossinn þinn,
kom þú blessaður til mín inn,
fagna' ég þér fegins huga.
(Hallgrímur Pétursson)

Minnisvers vikunnar

20. janúar 2018

Morgunlestur: Róm 3.19-22

Við vitum að allt, sem lögmálið segir, er þeim ætlað sem fengu lögmálið til þess að sérhver munnur þagni og allur heimur verði að svara til saka fyrir Guði. Enginn maður réttlætist fyrir Guði með verkum í hlýðni við lögmálið en lögmálið kennir hvað sé synd. 

Kvöldlestur: Heb 12.12-25a

Réttið því úr máttvana höndum og magnþrota knjám. Látið fætur ykkar feta beinar brautir til þess að hið fatlaða vindist ekki úr liði en verði heilt. 

Bæn dagsins

Guð, heyrðu fólkið sem hrópar til þín í þjáningunni. Mættu hinir hraustu þakka þér heilsu sína og þjóna hinum sjúku með kærleik í hjarta og mildi með höndum sínum.Guð, gefðu að við mættum öll lifa í þinni náð og umhyggju og verða líknandi samfélag þar sem við lofum þig einum huga og einni sál. Amen.

Sálmur (sb. 115)

Ó, Guð, þín náð vort geymi láð
og gæti landsins barna,
veit hjálp og lið, veit heill og frið
og hrjáðum skjóls ei varna,
lát eflast dyggð, lát blómgast byggð,
lát blessun allt oss færa,
þíns sonar borð og sannleiksorð
lát sálir endurnæra.
(Helgi Hálfdánarson)

Minnisvers vikunnar

21. janúar 2018

Morgunlestur: Matt 17.1-9

Meðan Pétur var enn að tala skyggði yfir þá bjart ský og rödd úr skýinu sagði: "Þessi er minn elskaði sonur sem ég hef velþóknun á. Hlýðið á hann!"
Þegar lærisveinarnir heyrðu þetta féllu þeir fram á ásjónur sínar og hræddust mjög. Jesús gekk til þeirra, snart þá og mælti: "Rísið upp og óttist ekki." En er þeir hófu upp augu sín sáu þeir engan nema Jesú einan. 

Kvöldlestur: 2Mós 3.1-6

Þegar Drottinn sá að hann gekk nær til að virða þetta fyrir sér kallaði Guð til hans úr miðjum runnanum og sagði: "Móse, Móse." Hann svaraði: "Hér er ég." Drottinn sagði: „Komdu ekki nær, drag skó þína af fótum þér því að staðurinn, sem þú stendur á, er heilög jörð." Og hann bætti við: "Ég er Guð föður þíns, Guð Abrahams, Guð Ísaks og Guð Jakobs." Þá huldi Móse andlit sitt því að hann óttaðist að líta Guð. 

Bæn dagsins

Drottinn Jesús Kristur, send ljóma dýrðar þinnar í hjörtu okkar svo að við getum borið vitni um ljós þitt í miðju myrkri þessa heims. Því að þú lifir og ríkir með föður og anda og hefur á öllu vald til eilífðar. Amen.

Sálmur (sb. 119)

Þótt holdið liggi lágt
og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

22. janúar 2018

Morgunlestur: Matt 17.1-9

Meðan Pétur var enn að tala skyggði yfir þá bjart ský og rödd úr skýinu sagði: "Þessi er minn elskaði sonur sem ég hef velþóknun á. Hlýðið á hann!"
Þegar lærisveinarnir heyrðu þetta féllu þeir fram á ásjónur sínar og hræddust mjög. Jesús gekk til þeirra, snart þá og mælti: "Rísið upp og óttist ekki." En er þeir hófu upp augu sín sáu þeir engan nema Jesú einan. 

Kvöldlestur: 2Mós 3.1-6

Þegar Drottinn sá að hann gekk nær til að virða þetta fyrir sér kallaði Guð til hans úr miðjum runnanum og sagði: "Móse, Móse." Hann svaraði: "Hér er ég." Drottinn sagði: „Komdu ekki nær, drag skó þína af fótum þér því að staðurinn, sem þú stendur á, er heilög jörð." Og hann bætti við: "Ég er Guð föður þíns, Guð Abrahams, Guð Ísaks og Guð Jakobs." Þá huldi Móse andlit sitt því að hann óttaðist að líta Guð. 

Bæn dagsins

Drottinn Jesús Kristur, send ljóma dýrðar þinnar í hjörtu okkar svo að við getum borið vitni um ljós þitt í miðju myrkri þessa heims. Því að þú lifir og ríkir með föður og anda og hefur á öllu vald til eilífðar. Amen.

Sálmur (sb. 119)

Þótt holdið liggi lágt
og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

23. janúar 2018

Morgunlestur: Jóh 12.34-41

Mannfjöldinn svaraði honum: "Lögmálið segir okkur að Kristur muni verða til eilífðar. Hvernig getur þú sagt að Mannssonurinn eigi að verða upp hafinn? Hver er þessi Mannssonur?"
Þá sagði Jesús: "Skamma stund er ljósið enn á meðal yðar. Gangið meðan þér hafið ljósið svo að myrkrið hremmi yður ekki. Sá sem gengur í myrkri veit ekki hvert hann fer. Trúið á ljósið meðan þér hafið ljósið svo að þér verðið börn ljóssins." 

Kvöldlestur: Post 26.1-3, 12-23

Þá er ég var á leið til Damaskus slíkra erinda með vald og umboð frá æðstu prestunum sá ég, konungur, á veginum um miðjan dag ljós af himni sólu bjartara leiftra um mig og þá sem mér voru samferða. Við féllum allir til jarðar og ég heyrði rödd er sagði við mig á hebresku: Sál, Sál, hví ofsækir þú mig? Erfitt verður þér að spyrna móti broddunum. En ég sagði: Hver ert þú, herra? Og Drottinn sagði: Ég er Jesús sem þú ofsækir. Rís nú upp og statt á fætur. Ég birtist þér til þess að þú þjónir mér og segir frá því að þú hefur séð mig bæði nú og síðar er ég mun birtast þér.

Bæn dagsins

Leið mig, ljóssins faðir, í ljósi þínu, í birtu dags og myrkri nætur. Í Jesú nafni. Amen.

Sálmur (sb. 119)

Hér niðri' í djúpum dal
er dimman svarta,
þar uppi' í svölum sal
skín sólin bjarta.
Þar er svo bjart,
að birtast huldir vegir,
í gegnum grafarhúm,
í gegnum tíma' og rúm
þá augað eygir. 
(Valdimar Briem)

Minnisvers vikunnar

24. janúar 2018

Morgunlestur: Jóh 1.43-51

Jesús spyr hann: "Trúir þú af því að ég sagði við þig: Ég sá þig undir fíkjutrénu? Þú munt sjá það sem þessu er meira." Og hann segir við hann: "Sannlega, sannlega segi ég yður: Þér munuð sjá himininn opinn og engla Guðs stíga upp og stíga niður yfir Mannssoninn." 

Kvöldlestur: 2Mós 13.20-22

Drottinn gekk fyrir þeim í skýstólpa á daginn til að vísa þeim veginn og í eldstólpa um nætur til að lýsa þeim svo að þeir gætu ferðast nótt sem dag. Skýstólpinn vék hvorki úr augsýn fólksins á daginn né eldstólpinn um nætur. 

Bæn dagsins

Vertu, Drottinn, hirðir minn, hjálp mín og huggun. Í Jesú nafni. Amen.

Sálmur (sb. 119)

Ó, hér er hark og stríð
og hávær glaumur,
en þar er þögn svo blíð
sem þögull draumur.
að hverfur tímans niður,
Guðs hjarta heyrist slá,
í hjarta mínu þá
býr fró og friður.
(Valdimar Briem)

Minnisvers vikunnar

25. janúar 2018

Morgunlestur: 2Mós 24.1-2, 9-11, 15-18

Guð sagði við Móse: "Gakk upp til Drottins, þú sjálfur, Aron, Nadab, Abíhú og sjötíu af öldungum Ísraels. Þið skuluð falla fram álengdar. Móse einn skal nálgast Drottin en hinir skulu ekki nálgast hann og fólkið má ekki fara upp með honum." 

Kvöldlestur: Kól 1.24-29

Guð vildi opinbera þeim hvílíkan dýrðarríkdóm heiðnar þjóðir eiga í þessum leyndardómi sem er Kristur meðal ykkar, von dýrðarinnar.<br/>
Hann boða ég, áminni og fræði hvern mann með allri speki að ég megi leiða alla fram fullkomna í Kristi.

Bæn dagsins

Guð minn, þakka þér þennan dag. Ég veit ekki hvað bíður mín, en ég vil treysta þér í Jesú nafni. Amen.

Sálmur (sb. 119)

Þar tignartindi á
ég tjald vil gera,
þar góðum Guði hjá
er gott að vera
og ummyndast
og búast björtum klæðum
og öðlast eilíft skart,
með andlit sólarbjart,
á helgum hæðum.
(Valdimar Briem)

Minnisvers vikunnar

26. janúar 2018

Morgunlestur: Matt 16.24-28

Þá mælti Jesús við lærisveina sína: "Hver sem vill fylgja mér afneiti sjálfum sér, taki kross sinn og fylgi mér. Því að hver sem vill bjarga lífi sínu mun týna því og hver sem týnir lífi sínu mín vegna mun finna það. Hvað stoðar það manninn að eignast allan heiminn og glata sálu sinni? Eða hvað gæti maður látið til endurgjalds fyrir sálu sína?

Kvöldlestur: Jóh 7.25-30

Þá sögðu nokkrir Jerúsalembúar: "Er þetta ekki sá sem þeir sitja um að lífláta? Og nú er hann að tala á almannafæri og þeir segja ekkert við hann. Skyldu nú höfðingjarnir hafa komist að raun um að hann sé Kristur? Nei, við vitum hvaðan þessi maður er. Þegar Kristur kemur veit enginn hvaðan hann er."

Bæn dagsins

Góði Guð, ég vil hvíla í hendi þinni, ég í þér og þú í mér, þú sem ert allt í öllu, eilífi, góði Guð. Amen.

Sálmur (sb. 119)

Ég bjart lít blika ský
á banadegi,
raust heyri eg þar í:
“Minn elskulegi"!
Þá skyggir dauðans
ský á lífsins blóma,
mig enginn ótti slær,
mér einn er Jesús nær
í ljóssins ljóma.
(Valdimar Briem)

Minnisvers vikunnar

27. janúar 2018

Morgunlestur: Fil 3.20-4.1

En föðurland okkar er á himni og frá himni væntum við frelsarans, Drottins Jesú Krists. Hann mun breyta veikum og forgengilegum líkama okkar svo að hann fái sömu mynd og dýrðarlíkami hans því hann hefur kraftinn til að leggja allt undir sig. 

Kvöldlestur: Opb 1.9-18

Þegar ég sá hann féll ég fyrir fætur honum sem dauður væri. Og hann lagði hægri hönd sína yfir mig og sagði: Vertu ekki hræddur, ég er hinn fyrsti og hinn síðasti og hinn lifandi. Ég dó en nú lifi ég um aldir alda og ég hef lykla dauðans og heljar.

Bæn dagsins

Guð minn, gef mér að þiggja sem gjöf frá þér það allt sem dagurinn geymir mér. Amen.

Sálmur (sb. 164)

Að biðja sem mér bæri
mig brestur stórum á.
Minn Herra, Kristur kæri,
æ, kenn mér íþrótt þá.
Gef yndi mitt og iðja
það alla daga sé
með bljúgum hug að biðja
sem barn við föður kné.
(Björn Halldórsson)

Minnisvers vikunnar

28. janúar 2018

Morgunlestur: Matt 20.1-16

Hann sagði þá við einn þeirra: Vinur, ekki geri ég þér rangt til, sömdum við ekki um einn denar? Taktu þitt og farðu leiðar þinnar. Ég vil gjalda þessum síðasta eins og þér. Er ég ekki sjálfur fjár míns ráðandi? Eða sérðu ofsjónum yfir því að ég er góðgjarn?

Þannig verða hinir síðustu fyrstir og hinir fyrstu síðastir."

Kvöldlestur: Dan 9.18, 20-24

Hann sagði þá við einn þeirra: Vinur, ekki geri ég þér rangt til, sömdum við ekki um einn denar? Taktu þitt og farðu leiðar þinnar. Ég vil gjalda þessum síðasta eins og þér. Er ég ekki sjálfur fjár míns ráðandi? Eða sérðu ofsjónum yfir því að ég er góðgjarn?

Þannig verða hinir síðustu fyrstir og hinir fyrstu síðastir."

Bæn dagsins

Drottinn Guð, í mildi þinni gefur þú okkur meir en við höfum til unnið. Því biðjum við þig: Hjálpa okkur að vera góðgjörn eins og þú og gleðjast yfir því sem þú gefur öðrum. Þess biðjum við í nafni bróður okkar Jesú Krists. Amen.

Sálmur (sb. 121)

Lærdómstími ævin er.
Ó, minn drottinn, veit ég geti,
numið allt sem þóknst þér,
þína speki dýrast meti.
Gef ég sannleiks gulli safni,
gef í visku og náð ég dafni.
(Helgi Hálfdánarson)

Minnisvers vikunnar

29. janúar 2018

Morgunlestur: 1Sam 15.35b-16.13

Þegar þeir komu og Samúel sá Elíab hugsaði hann: "Hér stendur Drottins smurði áreiðanlega frammi fyrir honum." En Drottinn sagði við Samúel: "Horfðu ekki á hæð hans og glæsileik því að ég hef hafnað honum. Guð lítur ekki á það sem maðurinn lítur á. Maðurinn sér hið ytra en Drottinn horfir á hjartað."

Kvöldlestur: Matt 9.9-13

Jesús heyrði þetta og sagði: "Ekki þurfa heilbrigðir læknis við heldur þeir sem sjúkir eru. Farið og nemið hvað þetta merkir: Miskunnsemi vil ég, ekki fórnir. Ég er ekki kominn til að kalla réttláta heldur syndara." 

Bæn dagsins

Vertu, Drottinn, hirðir minn, hjálp mín og huggun. Í Jesú nafni. Amen.

Sálmur (sb. 121)

Vinnutími ævin er.
Ár og síð á lifstíð minni.
Drottinn minn, til dýrðar þér
dyggilega gef ég vinni.
Gef mín störf til góðs æ leiði,
gef þau út þitt ríki breiði.
(Helgi Hálfdánarson)

Minnisvers vikunnar

30. janúar 2018

Morgunlestur: Fil 1.27-30

En hvað sem öðru líður, þá hegðið ykkur eins og samboðið er fagnaðarerindinu um Krist. Hvort sem ég kem og heimsæki ykkur eða ég er fjarverandi vil ég fá að heyra um ykkur að þið standið stöðug í einum anda, berjist með einni sál fyrir trúnni á fagnaðarerindið og látið aldrei mótstöðumenn skelfa ykkur í neinu.

Kvöldlestur: Róm 9.14-24

Eða hefur ekki leirkerasmiðurinn leirinn á valdi sínu svo að hann megi úr sama deigi gera viðhafnarker og annað til hversdagsnota? 
Hafi Guð viljað sýna reiði sína og birta mátt sinn hefur hann samt af mikilli þolinmæði umborið þau ker sem vöktu reiði hans og áttu fyrir sér að fara forgörðum. Hann ætlaði með því að sýna hve ómælanleg dýrð hans er við þá sem hann miskunnar
  og útvelur til dýrðar. Þetta á við okkur,
  sem hann hefur kallað, ekki aðeins úr flokki Gyðinga heldur og úr flokki heiðingja.

Bæn dagsins

Við þökkum þér fyrir lífið. Fyll hvern dag af kærleika. Hjálpa okkur að sinna störfum okkar dag hvern - í dag, á morgun og árið á enda. Amen.

Sálmur (sb. 121)

Reynslutími ævin er.
Ó, minn Guð, mig veikan leiddu,
gegnum böl sem mætir mér,
mína leið til heilla greiddu.
Veit í trú ég vakað fái,
veit ég sigri góðum nái. 
(Helgi Hálfdánarson)

Minnisvers vikunnar

31. janúar 2018

Morgunlestur: 1Mós 6.9-22

En ég mun stofna til sáttmála við þig. Þú skalt ganga í örkina, þú og synir þínir, kona þín og tengdadætur þínar með þér. Láttu ganga með þér í örkina tvennt af hverju, karlkyns og kvenkyns, af öllum lífverum til þess að þær haldi lífi með þér. Til þín skulu þau ganga, af fuglunum eftir þeirra tegundum, af búfénu eftir þeirra tegundum og af skriðdýrum jarðarinnar eftir þeirra tegundum, tvennt af öllu, til þess að þau megi lífi halda.

Kvöldlestur: Matt 19.27-30

Og hver sem hefur yfirgefið heimili, bræður eða systur, föður eða móður, börn eða akra sakir nafns míns, mun fá allt hundraðfalt aftur og öðlast eilíft líf. En margir hinir fyrstu verða síðastir og hinir síðustu fyrstir." 

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 121)

Náðartími ævin er.
Að því, Drottinn, lát mig hyggja,
sú að nauðsyn mest er mér
miskunn þína í tíma að þiggja.
Yfirbótar unn mér, Herra,
ævidagar fyrr en þverra. 
(Helgi Hálfdánarson)

Minnisvers vikunnar

01. febrúar 2018

Morgunlestur: 1Kor 3.5-10

Hvað er þá Apollós? Já, hvað er þá Páll? Þjónar sem hafa leitt ykkur til trúar og það eins og Drottinn hefur gefið hvorum um sig. Ég gróðursetti, Apollós vökvaði en Guð gaf vöxtinn. Þannig skiptir það engu hver gróðursetur eða hver vökvar. Það er Guð sem skiptir máli, hann gefur vöxtinn. Sá sem gróðursetur og sá sem vökvar eru eitt.

Kvöldlestur: Róm 4.1-5

Sá sem vinnur verk fær ekki laun fyrir það af náð. Hann fær það sem hann á rétt á. En sá hins vegar sem engu afkastar en treystir þeim sem réttlætir óguðlegan fær trú sína metna sér til réttlætis.

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 122)

Það er svo oft í dauðans skuggadölum,
að dregur myrkva fyrir lífsins sól,
mér sýnist lokað ljóssins gleðisölum,
öll lokin sund og fokið hvert í skjól.
Ó, Guð, lát enn þó ætíð skína
mér opinn himin þinn, að dýrð ég sjái þína.
(Valdimar Briem)

Minnisvers vikunnar

02. febrúar 2018

Morgunlestur: Matt 10.38-42

Sá sem tekur við yður tekur við mér og sá sem tekur við mér tekur við þeim er sendi mig. Sá sem tekur við spámanni, vegna þess að hann er spámaður, mun fá spámanns laun og sá sem tekur við réttlátum manni, vegna þess að hann er réttlátur, mun fá laun réttláts manns. Og hver sem gefur einum þessara smælingja svaladrykk vegna þess eins að hann er lærisveinn, sannlega segi ég yður, hann mun alls ekki missa af launum sínum." 

Kvöldlestur: 1Mós 7.17-24

Allt líf á jörðinni var afmáð, bæði menn og dýr, skriðdýr og fuglar himins. Þau voru máð af jörðinni. En Nói varð einn eftir og þau sem með honum voru í örkinni.<br/>
Vötnin mögnuðust á jörðinni í hundrað og fimmtíu daga. 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir.

Sálmur (sb. 122)

Það er svo oft á þröngum lífsins brautum,
að þróttinn vantar til að hjálpa sér,
ég kemst ei fram úr freistingum og þrautum,
ég fell, ég hníg, ef þú ei bjargar mér.
Ó, Guð, lát andann ofan stíga
og anda styrkja minn, þá niður vill hann hníga.
(Valdimar Briem)

Minnisvers vikunnar

03. febrúar 2018

Morgunlestur: Lúk 17.7-10

Og er hann þakklátur þjóni sínum fyrir að gera það sem boðið var? Eins skuluð þér segja, þá er þér hafið gert allt sem yður var boðið: Ónýtir þjónar erum vér. Vér höfum gert það eitt sem oss bar að gera." 

Kvöldlestur: Mal 3.13 - 4.2a

En sól réttlætisins mun rísa yfir ykkur, sem virðið nafn mitt, og vængir hennar færa lækningu. Þá munuð þið koma út, stökkva eins og kálfar sem hleypt er úr fjósi. Þið munuð traðka óguðlega niður svo að þeir verða að ryki undir iljum ykkar daginn sem ég hefst handa, segir Drottinn hersveitanna. 

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir.

Sálmur (sb. 122)

Það er svo oft í háum heimsins glaumi,
að heyrist ekki lífsins friðar mál.
Það heyrist ógnar ys í tímans straumi,
en engin rödd, er friði hrellda sál.
Ó, Guð, lát hljóm þinn hærra gjalla,
að heyri' eg þína raust mig elsku barn þitt kalla.
(Valdimar Briem)

Minnisvers vikunnar

04. febrúar 2018

Morgunlestur: Lúk 8.4-15

Nú var mikill fjöldi saman kominn og menn komu til Jesú úr hverri borg af annarri. Þá sagði hann þessa dæmisögu: "Sáðmaður gekk út að sá sæði sínu. Og þá er hann sáði féll sumt hjá götunni og varð fótum troðið og fuglar himins átu það upp. Sumt féll á klöpp. Það spratt en skrælnaði af því að það hafði ekki raka. Og sumt féll meðal þyrna og þyrnarnir spruttu einnig og kæfðu það. En sumt féll í góða jörð, óx upp og bar hundraðfaldan ávöxt." Að svo mæltu hrópaði Jesús: "Hver sem eyru hefur að heyra hann heyri."
En lærisveinar hans spurðu Jesú hvað þessi dæmisaga þýddi. Hann sagði: "Ykkur er gefið að þekkja leynda dóma Guðs ríkis, hinir fá þá í dæmisögum að sjáandi sjái þeir ekki og heyrandi skilji þeir ekki.
En dæmisagan þýðir þetta: Sæðið er Guðs orð. Það er féll hjá götunni merkir þá sem heyra orðið en síðan kemur djöfullinn og tekur það burt úr hjarta þeirra til þess að þeir trúi ekki og verði hólpnir. Það er féll á klöppina merkir þá sem taka orðinu með fögnuði er þeir heyra það en hafa enga rótfestu. Þeir trúa um stund en falla frá á reynslutíma. Það er féll meðal þyrna merkir þá er heyra en kafna síðan undir áhyggjum, auðæfum og nautnum lífsins og bera ekki þroskaðan ávöxt. En það er féll í góða jörð merkir þá sem heyra orðið og geyma það í göfugu, góðu hjarta og bera ávöxt með stöðuglyndi. 

Kvöldlestur: Róm 10.8b-18

"Nálægt þér er orðið, í munni þínum, í hjarta þínu." Það er: Orð trúarinnar sem við prédikum. Ef þú játar með munni þínum: Jesús er Drottinn, og trúir í hjarta þínu að Guð hafi upp vakið hann frá dauðum verður þú hólpinn. Með hjartanu er trúað til réttlætis, með munninum játað til hjálpræðis. Ritningin segir: Hver sem á hann trúir verður aldrei til vansæmdar. Í þessu er enginn munur á Gyðingum og Grikkjum. Hinn sami er Drottinn allra, fullríkur fyrir alla sem ákalla hann því að „hver sem ákallar nafn Drottins verður hólpinn“.

En hvernig eiga menn að geta ákallað þann sem þeir trúa ekki á? Og hvernig eiga þeir að trúa á þann sem þeir hafa ekki heyrt um? Og hvernig eiga þeir að heyra án þess að einhver prédiki? Og hver getur prédikað nema hann sé sendur? Svo er og ritað: "Hversu fagurt er fótatak þeirra sem boða fagnaðarerindið um hið góða."

En ekki tóku allir við fagnaðarerindinu. Jesaja segir: "Drottinn, hver trúði því sem við boðuðum?" Trúin kemur þannig af því að heyra. Og það sem heyrt er byggist á orðum Krists.
En ég spyr: Hafa þeir ekki heyrt? Jú, vissulega, "boðskapur þeirra hefur borist út um alla jörð og orð þeirra til endimarka heimsbyggðarinnar".

Bæn dagsins

Eilífi Guð, Leiddu mig að vinjum þíns eilífa Orðs Leiddu mig út úr eyðimörk örlaga og böls Hjálpa mér að vera vakandi í þolinmæði og trúfesti Kenndu mér tungumálið svo að ég skilji hvað þú segir mér. Leiddu mig til baka að vinjum orðs þíns, svo að ég sé hjá þér og lofi þig að eilífu.

Sálmur (sb. 117)

Góðan ávöxt Guði berum,
gróður settir hans af náð
þessa heims í akri erum,
æðra lífs þó til var sáð.
Góðan jarðveg gaf oss Drottinn,
góð svo jurt hér yrði sprottin.

Minnisvers vikunnar

05. febrúar 2018

Morgunlestur: Matt 13.10-17

Þá komu lærisveinarnir til hans og spurðu: "Hvers vegna talar þú til fólksins í dæmisögum?"
Hann svaraði: "Ykkur er gefið að þekkja leynda dóma himnaríkis, öðrum er það ekki gefið. Því að þeim sem hefur mun gefið verða og hann mun hafa gnægð en frá þeim sem eigi hefur mun tekið verða jafnvel það sem hann hefur. Þess vegna tala ég til þeirra í dæmisögum að sjáandi sjá þau ekki og heyrandi heyra þau ekki né skilja. 

Kvöldlestur: 5Mós 32.44-47

Þegar Móse hafði lokið við að flytja öll þessi ákvæði fyrir öllum Ísrael sagði hann: "Leggið ykkur á hjarta öll þau orð sem ég hef flutt ykkur í dag. Brýnið fyrir börnum ykkar að halda öll ákvæði þessara laga og framfylgja þeim. Þau eru ekki innantóm orð sem engu skipta, þau eru sjálft líf ykkar því að sakir þessara orða verðið þið langlíf í landinu sem þið haldið nú inn í yfir Jórdan til að taka það til eignar."

Bæn dagsins

Drottinn, hjálpa mér að efast ekki um að þú ert Guð - að Jesús er frelsari minn - að þú ert hjá mér með heilögum anda þínum. Amen.

Sálmur (sb. 177)

Lífdögg hann oss sendi sína:
sinnar skírnar vatnið tært.
Ljósið sitt hann lét oss skína:
lífsins orða blysið skært.
Náðargeisla himins hlýja
hann oss jafnan sendi nýja.
(Valdimar Briem)

Minnisvers vikunnar

06. febrúar 2018

Morgunlestur: Mrk 11.15-19

Þeir komu til Jerúsalem og Jesús gekk í helgidóminn og tók að reka út þá sem voru að selja þar og kaupa og hratt um borðum víxlaranna og stólum dúfnasalanna. Og engum leyfði hann að bera neitt um helgidóminn. Og hann kenndi þeim og sagði: "Er ekki ritað: Hús mitt á að vera bænahús fyrir allar þjóðir? En þið hafið gert það að ræningjabæli." 

Kvöldlestur: Mrk 11.27-33

Jesús sagði við þá: "Ég vil leggja eina spurningu fyrir ykkur. Svarið henni og ég mun segja ykkur með hvaða valdi ég geri þetta. Hver fól Jóhannesi að skíra, var það Guð eða voru það menn? Svarið mér!" 
Þeir ráðguðust hver við annan um þetta og sögðu: "Ef við svörum: Það var Guð, spyr hann: Hví trúðuð þið honum þá ekki? Eða ættum við að svara: Það voru menn?" – Það þorðu þeir ekki fyrir fólkinu því allir töldu að Jóhannes hefði verið sannur spámaður. Þeir svöruðu Jesú: "Við vitum það ekki." 
Jesús sagði við þá: "Ég segi ykkur þá ekki heldur hver fól mér að gera þetta."

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 117)

Góðan ávöxt Guði berum,
góðan ávöxt sjálfum oss,
eigi lengur visnir verum,
vöxum upp við Jesú kross.
Lát oss þar við lífstréð rétta,
lífsins faðir, ávallt spretta.
(Valdimar Briem)

Minnisvers vikunnar

07. febrúar 2018

Morgunlestur: Mrk 6.1-6

Þá sagði Jesús: "Hvergi er spámaður minna metinn en í landi sínu, með frændfólki sínu og heimamönnum." Og hann gat ekki gert þar neitt kraftaverk nema hann lagði hendur yfir nokkra sjúka og læknaði þá. Og hann undraðist vantrú þeirra. 

Kvöldlestur: Matt 13.31-35

Aðra dæmisögu sagði Jesús þeim: "Líkt er himnaríki mustarðskorni sem maður tók og sáði í akur sinn. Smæst er það allra sáðkorna en nær það vex er það öllum jurtum meira, það verður tré, og fuglar himins koma og hreiðra sig í greinum þess." 

Aðra dæmisögu sagði Jesús þeim: "Líkt er himnaríki súrdeigi er kona tók og fól í þrem mælum mjöls uns það sýrðist allt." 

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði. Amen.

Sálmur (sb. 118)

Minn Jesús, kunnugt það er þér,
hve þrátt sá óvin ræðst að mér,
er vill í glötun svíkja sál,
frá sannleiks orðum beygja mál,
frá verki réttu hefta hönd
og hneppa líf í synda bönd.
(Helgi Hálfdánarson)

Minnisvers vikunnar

08. febrúar 2018

Morgunlestur: Mrk 4.26-29

Þá sagði Jesús: "Svo er Guðs ríki sem maður sái sæði í jörð. Hann sefur síðan og vakir, nætur og daga, en sæðið grær og vex, hann veit ekki með hverjum hætti. Sjálfkrafa ber jörðin ávöxt, fyrst stráið, þá axið og síðan fullvaxið hveiti í axinu. En þá er ávöxturinn er fullþroska lætur hann þegar bera út sigðina því að uppskeran er komin." 

Kvöldlestur: Post 16.8-15

Hvíldardaginn gengum við út fyrir hliðið að á einni en þar hugðum við vera bænastað. Settumst við niður og töluðum við konurnar sem voru þar saman komnar. Kona nokkur úr Þýatíruborg, sem sótti samkundu Gyðinga, Lýdía að nafni, er verslaði með purpura, hlýddi á. Opnaði Drottinn hjarta hennar og hún tók við því sem Páll sagði. Hún var skírð og heimili hennar og hún bað okkur: "Gangið inn í hús mitt og dveljist þar fyrst þið teljið mig trúa á Drottin." Þessu fylgdi hún fast fram. 

Bæn dagsins

Drottinn, hjálpa mér að muna að ekkert það mun henda í dag sem þú og ég getum ekki ráðið við í félagi.

Sálmur (sb. 118)

Lát hann ei geta hindrað mig,
ó, herra, frá að lofa þig,
lát aldrei því fá hamlað hann,
að heyrt ég geti sannleikann,
lát hann ei blekkja sálarsjón
og svik hans önd ei búa tjón.
(Helgi Hálfdánarson)

Minnisvers vikunnar

09. febrúar 2018

Morgunlestur: 2Kor 12.1-10

Og hann hefur svarað mér: "Náð mín nægir þér því að mátturinn fullkomnast í veikleika." Því vil ég helst hrósa mér af veikleika mínum til þess að kraftur Krists megi taka sér bústað í mér. Þess vegna uni ég mér vel í veikleika, í misþyrmingum, í nauðum, í ofsóknum, í þrengingum vegna Krists. Þegar ég er veikur þá er ég máttugur. 

Kvöldlestur: Heb 3.12-4.1

Gætið þess, bræður og systur, að hafa ekkert illt í hjarta og láta engar efasemdir bægja ykkur frá lifanda Guði. Uppörvið heldur hvert annað hvern dag á meðan enn heitir "í dag“, til þess að enginn forherðist af táli syndarinnar. Því að við erum orðin hluttakar Krists svo framarlega sem við treystum honum staðfastlega allt til enda eins og í upphafi.

Bæn dagsins

Drottinn, vér biðjum ekki um friðsæld eða að andstreymið hverfi, vér biðjum um anda þinn og um kærleika þinn, að þú veitir oss styrk og náð til að sigrast á mótlætinu. Amen.

Sálmur (sb. 118)

Ef fellir hann mig, fljótt mig reis,
ef fjötrar hann mig, brátt mig leys,
ef villir hann mig, blítt mér bend,
ef blindar hann mig, ljós mér send,
ef skelfir hann mig, legg mér lið,
ef lokkar hann mig, þú mig styð.
(Helgi Hálfdánarson)

Minnisvers vikunnar

10. febrúar 2018

Morgunlestur: Heb 6.4-8

Ef menn hafa eitt sinn verið upplýstir og notið hinnar himnesku gjafar, fengið hlutdeild í heilögum anda, reynt Guðs góða orð og fundið krafta komandi aldar en hafa síðan fallið frá, er ógerlegt að láta þá snúa við og iðrast. Þeir eru að krossfesta son Guðs að nýju og smána hann fyrir allra augum. 

Kvöldlestur: Jes 28.23-29

Sólselja er ekki þreskt með þreskisleða 
né vagnhjóli velt yfir kúmen
heldur er sólseljufræ slegið úr með staf
og kúmen með stöng.
Er brauðkorn mulið í duft?
Nei, ekki er það þreskt án afláts,
vagnhjól og hestar fara ekki yfir það,
það er ekki mulið í duft.
Einnig þetta kemur frá Drottni allsherjar,
hann er undursamlegur í ráðum
og mikill að visku.

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 118)

Ó, lækna, Jesús, líf mitt allt,
ó, lát það vermast, sem er kalt,
það vökva fá, sem visna fer,
það verða hreint, sem flekkað er,
það auðgast, sem er aumt og snautt,
það endurlifna, sem er dautt.
(Helgi Hálfdánarson)

Minnisvers vikunnar

11. febrúar 2018

Morgunlestur: Matt 3.13-17

En þegar Jesús hafði verið skírður sté hann jafnskjótt upp úr vatninu. Og þá opnuðust himnarnir og hann sá anda Guðs stíga niður eins og dúfu og koma yfir sig. Og rödd kom af himnum: „Þessi er minn elskaði sonur sem ég hef velþóknun á."

Kvöldlestur: Jes 58.1-9a

Þá brýst ljós þitt fram sem morgunroði
og sár þín gróa skjótt,
réttlæti þitt fer fyrir þér
en dýrð Drottins fylgir eftir. 
Þá muntu kalla og Drottinn svara,
biðja um hjálp og hann mun segja: "Hér er ég."

Bæn dagsins

Miskunnsami Guð, þú sýndir öllum heimi kærleika þinn og gjörðist hluttakandi í þjáningu heimsins þegar sonur þinn Drottinn Jesús Kristur gaf sjálfan sig til dauða á krossi Við biðjum þig: Opna þú augu okkar að við sjáum leyndardóminn bak við þjáningu hans og dauða. Gef okkur kraft til að fylgja honum í hlýðni og í kærleika í þjónustunni við þau sem hungrar og þyrstir eftir réttlæti og eftir lausn frá böli og þunga í sínu daglega lífi. Fyrir þann sama Son þinn Jesús, bróður okkar og frelsara. Amen.

Sálmur (sb. 251)

Andi Guðs sveif áður fyrr
yfir vatna djúpi.
Upp þá lukust ljóssins dyr,
létti af myrkrahjúpi.
Upp reis jörðin ung og ný,
árdagsgeislum böðuð í,
þá úr dimmu djúpi. 
(Sb. 1886 - Valdimar Briem)

Minnisvers vikunnar

12. febrúar 2018

Morgunlestur: Lúk 13.31-35

Og Jesús sagði við þá: „Farið og segið ref þeim: Í dag og á morgun rek ég út illa anda og lækna og á þriðja degi mun ég marki ná. En mér ber að halda áfram ferð minni í dag og á morgun og næsta dag því að eigi hæfir að spámaður bíði dauða annars staðar en í Jerúsalem. 

Kvöldlestur: Mrk 4.21-25

Og Jesús sagði við þá: „Ekki bera menn inn ljós og setja það undir mæliker eða bekk. Er það ekki sett á ljósastiku? Því að ekkert er hulið að það verði eigi gert opinbert né leynt að það komi ekki í ljós.

Bæn dagsins

Vertu, Guð faðir, faðir minn, í frelsarans Jesú nafni. Hönd þín leiði mig út og inn, svo allri synd ég hafni. Amen.

Sálmur (sb. 251)

Andi Guðs sveif annað sinn<br/>
yfir vatni köldu,<br/>
þegar lét sig lausnarinn<br/>
lauga í Jórdans öldu.<br/>
Opnast himinn, eins og nýtt<br/>
upp rann náðar ljósið blítt<br/>
dauða' úr djúpi köldu. <br/>
(Sb. 1886 - Valdimar Briem)

Minnisvers vikunnar

13. febrúar 2018

Morgunlestur: Lúk 5.33-39

En farísearnir og fræðimennirnir sögðu við Jesú: "Lærisveinar Jóhannesar fasta oft og fara með bænir og eins lærisveinar okkar en þínir eta og drekka." 
Jesús sagði við þá: "Hvort getið þið ætlað brúðkaupsgestum að fasta meðan brúðguminn er hjá þeim? En koma munu þeir dagar er brúðguminn verður frá þeim tekinn, þá munu þeir fasta á þeim dögum." 

Kvöldlestur: Matt 11.16-19

Jóhannes kom, át hvorki né drakk, og menn segja: Hann hefur illan anda. Mannssonurinn kom, át og drakk, og menn segja: Hann er mathákur og vínsvelgur, vinur tollheimtumanna og bersyndugra! En spekin sannast af verkum sínum." 

Bæn dagsins

Guð þú laðar oss í kærleika þínum til að trúa því að þú sért vor sanni faðir og vér þín sönnu börn. Gef að vér biðjum þig í öryggi og trausti sem elskuleg börn elskulegan föður. Fyrir son þinn, Jesú Krist, Drottin vorn. Amen.

Sálmur (sb. 251)

Andinn svífur enn sem fyrr
yfir vatni tæru,
opnast himins dýrðardyr
Drottins börnum kæru.
Eftir skírnar blessað bað
blómið upp vex nýdöggvað
lífs í ljósi skæru.
(Sb. 1886 - Valdimar Briem)

Minnisvers vikunnar

14. febrúar 2018

Morgunlestur: 2Kor 5.20b-6.2

Ég bið í orðastað Krists: Látið sættast við Guð. Guð dæmdi Krist, sem þekkti ekki synd, sekan í okkar stað til þess að hann gerði okkur réttlát í Guðs augum. 

Kvöldlestur: Matt 6.16-21

Safnið yður ekki fjársjóðum á jörðu þar sem mölur og ryð eyðir og þjófar brjótast inn og stela. Safnið yður heldur fjársjóðum á himni þar sem hvorki eyðir mölur né ryð og þjófar brjótast ekki inn og stela. Því hvar sem fjársjóður þinn er þar mun og hjarta þitt vera. 

Bæn dagsins

Nú er fasta, heilög föstutíð. Við þörfnumst ekki aðeins matar til að lifa, við þörfnumst einnig kærleika. Hjálpa okkur að láta af því sem er óþarft og sinna um það sem mestu máli skiptir. Lofaður sért þú, Drottinn.

Sálmur (sb. 253)

Guð faðir sé vörður og verndari þinn,
svo veröld ei megi þér granda,
hvert fet þig hann leiði við föðurarm sinn
og feli þig sér milli handa.
(Sb. 1886 - Valdimar Briem)

Minnisvers vikunnar

15. febrúar 2018

Morgunlestur: Sak 7.1-13

Orð Drottins kom þá til Sakaría: Svo segir Drottinn allsherjar:
Fellið réttláta dóma
og sýnið hver öðrum miskunnsemi og samúð.
Níðist hvorki á ekkjum, munaðarleysingjum,
aðkomumönnum né fátæklingum
og hyggið ekki á ill ráð
hver gegn öðrum í hjarta yðar.

Kvöldlestur: Kól 3.5-11

Ljúgið ekki hvert að öðru því þið hafið afklæðst hinum gamla manni með gjörðum hans og íklæðst hinum nýja sem Guð er að skapa að nýju í sinni mynd til þess að þið fáið gjörþekkt hann. Þar er hvorki grískur maður né Gyðingur, umskorinn né óumskorinn, útlendingur, Skýti, þræll né frjáls maður, þar er Kristur allt og í öllum. 

Bæn dagsins

Drottinn Guð, þú skapaðir oss í þinni mynd og tókst inn í sáttmála náðar þinnar í heilagri skírn, til þess að við mættum vera þín börn og erfingjar fyrirheita þinna. Vér þökkum þér fyrir undur miskunanr þinnar og biðjum þig: Stjórna oss með anda þínum svo að vér þekkjum þig réttilega, elskum þig af öllu hjarta og þjónum þér í friði þínum, uns vér fullkomnumst fyrir augliti þinu, eins og þú hefur heitið oss.

Sálmur (sb. 253)

Guðs andi sé hjálpari' og huggari þinn,
í heimi þín vegferðarstjarna,
hann hjálpi þér síðan í himininn inn,
að hljótir þú frelsi Guðs barna.
(Valdimar Briem)

Minnisvers vikunnar

16. febrúar 2018

Morgunlestur: Jóh 8.21-30

En hann sagði við það: "Þér eruð neðan að, ég er ofan að. Þér eruð af þessum heimi, ég er ekki af þessum heimi. Þess vegna sagði ég yður að þér munduð deyja í syndum yðar. Því ef þér trúið ekki að ég sé sá sem ég er munuð þér deyja í syndum yðar." 

Kvöldlestur: Róm 7.14-25a

Ég veit að ekki býr neitt gott í mér, það er í spilltu eðli mínu.
Að vilja veitist mér auðvelt en mig skortir alla getu til góðs. Hið góða, sem ég vil, geri ég ekki en hið vonda, sem ég vil ekki, það geri ég. En ef ég geri það sem ég vil ekki, þá er það ekki lengur ég sjálfur sem framkvæmi það heldur syndin sem í mér býr. 
Þannig reynist mér það sem regla að þótt ég vilji gera hið góða er hið illa mér tamast.

Bæn dagsins

Vér biðjum fyrir öllum þeim sem bera kross og þrautir vegna nafns þíns. Vér felum þér þau öll sem þjást undir byrði síns eigin lífs. Vér felum þér þau sem eru sjúk, sorgmædd og deyjandi. Minnstu þeirra sem eru einmana, yfirgefin og uppgefin, og þeirra sem stríða við freistingar og óvissu. Sýn þeim öllum hjálpræðið í krossi þínum og gef þeim frið þinn.

Sálmur (sb. 253)

Guðs andi sé hjálpari' og huggari þinn,
í heimi þín vegferðarstjarna,
hann hjálpi þér síðan í himininn inn,
að hljótir þú frelsi Guðs barna.
(Valdimar Briem)

Minnisvers vikunnar

17. febrúar 2018

Morgunlestur: Dan 5.1-7, 17-30

Konungur, hinn æðsti Guð veitti Nebúkadnesari föður þínum konungdæmi, vald, vegsemd og tign. En vegna valdsins, sem hann hafði veitt honum, hræddust hann menn af öllum þjóðum og tungum og stóð þeim beygur af honum. Hann tók þá af lífi eftir geðþótta og lét þá lífi halda eftir geðþótta. Hann hóf þá til metorða eftir geðþótta og niðurlægði þá eftir geðþótta. En hjarta hans ofmetnaðist og hrokinn náði tökum á huga hans. Og þá var hann sviptur hásæti sínu og tign.

Kvöldlestur: 5Mós 8.11-18

Þú skalt ekki hugsa með þér: "Ég hef aflað þessara auðæfa með eigin afli og styrk handar minnar." Minnstu heldur Drottins, Guðs þíns, því að það var hann sem gaf þér styrk til að afla auðs til þess að standa við sáttmálann sem hann sór feðrum þínum eins og hann gerir enn í dag. 

Bæn dagsins

Vér felum þér öll hin einmana og yfirgefnu, hin þreyttu og uppgefnu og þau sem bera þungar byrðar lífs síns. Fyll þau öll með von eilífs lífs og hjálpa þeim að bíða í rósemi dags þíns.

Sálmur (sb. 254)

Til þín ég leita, lausnarinn minn góði,
sem leystir mig með þínu hjartablóði
og mínar syndir vildir burtu bera,
svo barn þitt ég um eilífð mætti vera.
(Kristján A. Hjartarson)

Minnisvers vikunnar

18. febrúar 2018

Morgunlestur: Matt 4.1-11

Þá leiddi andinn Jesú út í óbyggðina til þess að djöfullinn gæti freistað hans. Þar fastaði Jesús fjörutíu daga og fjörutíu nætur og var þá orðinn hungraður. Þá kom djöfullinn og sagði við hann: "Ef þú ert sonur Guðs þá bjóð þú að steinar þessir verði að brauðum."
Jesús svaraði: "Ritað er: Eigi lifir maðurinn á einu saman brauði heldur á hverju því orði sem fram gengur af Guðs munni." 

Kvöldlestur: 2Þess 3.1-5

En trúr er Drottinn og hann mun styrkja ykkur og vernda fyrir hinum vonda. En ég ber það traust til ykkar vegna Drottins að þið bæði gerið og munið gera það sem ég legg fyrir ykkur. 
En Drottinn leiði hjörtu ykkar til kærleika Guðs og þolgæðis Krists.

Bæn dagsins

Drottinn Guð, vilji þinn og vegur þinn er okkur einatt ókunnugur. Því að þú ert órannsakanlegur. Þú gerir okkur oft erfitt fyrir þegar við leitum sannleikans. Gefðu okkur skíra sjón og skarpan skilning til þekkja það sem er rétt og kjark til að hafna því sem er rangt og falskt. Þú sendir son þinn í heiminn til að sigra vald hins illa. Láttu ekki viðgangast að við forðumst að taka ákvarðanir og afstöðu. Leiðbeindu okkur á þinum vegi að takmarkinu sem þú setur. Lofaður sért þú að eilífu.

Sálmur (sb. 124)

Við freistingum gæt þín og falli þig ver,
því freisting hver unnin til sigurs þig ber.
Gakk öruggur rakleitt mót ástríðu her,
en ætíð haf Jesú í verki með þér.
(Palmer - Sb. 1886 - Matthías Jochumsson)

Minnisvers vikunnar

19. febrúar 2018

Morgunlestur: 1Jóh 3.7-11

Hver sem af Guði er fæddur syndgar ekki því að það sem Guð hefur í hann sáð varir í honum. Hann getur ekki syndgað af því að hann er fæddur af Guði. Af þessu má greina að börn Guðs og börn djöfulsins. Sá sem iðkar ekki réttlæti og elskar ekki bróður sinn heyrir ekki Guði til. 

Kvöldlestur: Jóh 8.37-45

Jesús svaraði: "Ef Guð væri faðir yðar munduð þér elska mig því að frá Guði er ég út genginn og kominn. Ekki hef ég sent mig sjálfur. Það er hann sem sendi mig. Hví skiljið þér ekki mál mitt? Af því að þér getið ekki hlustað á orð mitt. Þér eigið djöfulinn að föður og viljið gera það sem faðir yðar girnist. Hann var manndrápari frá upphafi og hefur aldrei þekkt sannleikann því í honum finnst enginn sannleikur. Þegar hann lýgur fer hann að eðli sínu því hann er lygari og lyginnar faðir. En af því að ég segi sannleikann trúið þér mér ekki.

Bæn dagsins

Hve hár ert þú í upphæðum, hve djúpur í djúpunum! Og aldrei snýr þú þér frá oss, og þó er oss tregt að snúa til þín. Kom þú, Drottinn, vinn þitt verk, vek oss og kalla oss aftur, tendra og hríf, fyll oss glóð þinni og gleði! Lát oss elska, hverfa án dvalar til þín. (Ágústínus)

Sálmur (sb. 124)

Hinn vonda soll varast, en vanda þitt mál,
og geymdu nafn Guðs þíns í grandvarri sál,
ver dyggur, ver sannur, því Drottinn þig sér,
haf daglega Jesú í verki með þér. 
(Palmer - Sb. 1886 - Matthías Jochumsson)

Minnisvers vikunnar

20. febrúar 2018

Morgunlestur: Job 1.1-22

Þá reis Job á fætur, reif klæði sín og skar hár sitt. Því næst lét hann fallast á jörðina og baðst fyrir með þessum orðum:
Nakinn kom ég af móðurskauti
og nakinn hverf ég þangað aftur,
Drottinn gaf og Drottinn tók,
lofað veri nafn Drottins.
Þrátt fyrir allt þetta syndgaði Job ekki og álasaði Guði ekki. 

Kvöldlestur: Mrk 14.17-31

Þá sagði Pétur: "Þótt allir hafni þér geri ég það aldrei." 
Jesús sagði við hann: "Sannlega segi ég þér: Nú í nótt, áður en hani galar tvisvar, muntu afneita mér þrisvar."
En Pétur kvað enn fastar að: "Þó að ég ætti að deyja með þér þá mun ég aldrei afneita þér."
Eins töluðu þeir allir. 
 

Bæn dagsins

Lát mig minnast, góði Guð, að ekkert fær skilið mig frá kærleika þínum. þú sem ert skapari minn og frelsari heldur heimi öllum í hendi þér.

Sálmur (sb. 124)

Hver sá, er hér sigrar, skal sigurkrans fá,
í trúnni vér vinnum, þótt verði margt á,
því sá, er oss hjálpar, við hrösun oss ver.
Ó, hafðu þinn Jesú í verki með þér.
(Palmer - Sb. 1886 - Matthías Jochumsson)

Minnisvers vikunnar

21. febrúar 2018

Morgunlestur: 1Kor 10.9-13

Þið hafið ekki reynt nema það sem menn geta þolað. Guð er trúr og lætur ekki reyna ykkur um megn fram heldur mun hann, þegar hann reynir ykkur, einnig sjá um að þið fáið staðist. 

Kvöldlestur: 1Sam 18.6-12

Þegar herinn sneri heim, eftir að Davíð hafði fellt Filisteann, fóru konur úr öllum borgum Ísraels á móti Sál konungi. Þær sungu og dönsuðu fagnandi og léku á bumbur og symbala. Konurnar léku og sungu:
Sál felldi sín þúsund 
en Davíð sín tíu þúsund. 

Bæn dagsins

Algóði faðir á himnum, vér þökkum þér að þú tengir oss saman í kærleika þínum. Vér þökkum þér fyrir þau öll sem þú hefur trúað oss fyrir og gjört oss dýrmæt. Vér þökkum þér að vér megum þjóna hvert öðru. Helga ástina sem vér berum í brjósti. Helga þjónustu vora. Hjálpa oss að vísa hvert öðru til vegar svo að vér verðum sendiboðar sannleika þíns. Lát ást vora vera vitnisburð vorn um þitt heilaga nafn.

Sálmur (sb. 125)

Víst er ég veikur að trúa, 
veistu það, Jesús, best, 
frá syndum seinn að snúa, 
svoddan mig angrar mest. 
Þó framast það ég megna 
þínum orðum ég vil 
treysta og gjarnan gegna,
gef þú mér náð þar til.
(Hallgrímur Pétursson)

Minnisvers vikunnar

22. febrúar 2018

Morgunlestur: Jak 4.1-10

En því meiri er náðin sem hann gefur. Þess vegna segir Ritningin: "Guð stendur í gegn dramblátum en auðmjúkum veitir hann náð." 
Gefið ykkur því Guði á vald, standið gegn djöflinum og þá mun hann flýja ykkur. Nálægið ykkur Guði og þá mun hann nálgast ykkur.
Hreinsið hendur ykkar, þið syndarar, og gerið hjörtun flekklaus, þið tvílyndu.

Kvöldlestur: 1Þess 3.1-8

En nú er Tímóteus aftur kominn til mín frá ykkur og hefur borið mér gleðifregn um trú ykkar og kærleika. Hann segir að þið minnist mín ávallt með hlýjum hug og ykkur langi til að sjá mig, eins og mig líka til að sjá ykkur. Sökum þessa hef ég, systkin, 
hlotið huggun í neyð minni og þrengingu vegna trúar ykkar. Nú lifi ég fyrst þið standið stöðug í trúnni á Drottin

Bæn dagsins

Guð, gef ég megi vera öðrum blessun frá þér. Amen.

Sálmur (sb. 130)

Upp, upp, mín sál og allt mitt geð, 
upp mitt hjarta og rómur með, 
hugur og tunga hjálpi til, 
Herrans pínu ég minnast vil. 
(Hallgrímur Pétursson (Ps. 1))

Minnisvers vikunnar

23. febrúar 2018

Morgunlestur: Heb 2.11-18

Þar sem nú börnin eru af holdi og blóði þá varð hann sjálfur maður, til þess að hann með dauða sínum gæti að engu gert þann sem hefur mátt dauðans, það er að segja djöfulinn, og frelsað alla þá sem lifðu allan sinn aldur undir ánauðaroki af ótta við dauðann. Því að víst er um það að ekki tekur hann að sér englana en hann tekur að sér niðja Abrahams. Því var það að hann í öllum greinum átti að verða líkur systkinumsínum svo að hann yrði miskunnsamur og trúr æðsti prestur í þjónustu fyrir Guði og gæti friðþægt fyrir syndir lýðsins. Sjálfur hefur hann þjáðst og hans verið freistað. Þess vegna er hann fær um að hjálpa þeim er verða fyrir freistingu. 

Kvöldlestur: Róm 6.12-18

Látið því ekki syndina ríkja í dauðlegum líkama ykkar svo að þið hlýðnist girndum hans. Ljáið ekki heldur syndinni limi ykkar sem ranglætisvopn. Nei, ljáið heldur Guði sjálf ykkur lifnuð frá dauðum og limi ykkar sem réttlætisvopn. Synd skal ekki ríkja yfir ykkur þar eð þið eruð ekki undir lögmálinu heldur undir náðinni. 
 

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði.

Sálmur (sb. 130)

Ljúfan Jesú til lausnar mér 
langaði víst að deyja hér. 
Mig skyldi' og lysta að minnast þess 
mínum Drottni til þakklætis. 
(Hallgrímur Pétursson (Ps. 1))

Minnisvers vikunnar

24. febrúar 2018

Morgunlestur: Opb 20.1-6

Sælir og heilagir eru þeir sem eiga hlut í fyrri upprisunni. Yfir þeim hefur hinn annar dauði ekki vald heldur munu þeir vera prestar Guðs og Krists og ríkja með honum um þúsund ár. 
 

Kvöldlestur: 1Sam 4.1-11

Filistear heyrðu ópið og sögðu: "Hvers vegna eru þessi miklu fagnaðaróp í herbúðum Hebrea?" Þá fréttu Filistear að örk Drottins væri komin í herbúðirnar. Þeir urðu felmtri slegnir og sögðu: "Guð er kominn í herbúðirnar," og þeir hrópuðu: "Vei okkur! Annað eins hefur aldrei gerst. 

Bæn dagsins

Góði Guð, varðveit mig sem sjáldur augans, fel mig í skugga vængja þinna. Amen.

Sálmur (sb. 130)

Innra mig loksins angrið sker, 
æ, hvað er lítil rækt í mér, 
Jesús er kvalinn í minn stað, 
of sjaldan hef ég minnst á það. 
(Hallgrímur Pétursson (Ps. 1))

Minnisvers vikunnar

25. febrúar 2018

Morgunlestur: Matt 15.21-28

Konan kom, laut honum og sagði: "Drottinn, hjálpa þú mér!"
Hann svaraði: "Ekki sæmir að taka brauð barnanna og kasta því fyrir hundana."
Hún sagði: "Satt er það, Drottinn, þó eta hundarnir mola þá sem falla af borðum húsbænda þeirra."
Þá mælti Jesús við hana: "Kona, mikil er trú þín. Verði þér sem þú vilt." Og dóttir hennar varð heil frá þeirri stundu. 

Kvöldlestur: 2Mós 33.12-23

Hafi ég nú fundið náð fyrir augum þínum skýrðu mér þá frá vegum þínum svo að ég megi þekkja þig og hljóta náð fyrir augum þínum. Minnstu þess að þetta fólk er þjóð þín.“ Drottinn svaraði: "Auglit mitt mun fara með þér og ég mun veita þér hvíld."

Bæn dagsins

Drottinn Guð, minnstu miskunnar þinnar sem þú hefur auðsýnt börnum þínum frá upphafi. Lát okkur eigi gjalda þess er við treystum á eigin mátt og gleymum þér. Opna eyru okkar svo að við heyrum þegar þú talar og kunngjörum verk þín til björgunar sem þú sýnir okkur í syni þínum Jesú Kristi sem tekur að sér málefni okkar nú og að eilífu.

Sálmur (sb. )

„Þín trú er mikil“ mælti hann, 
sem meinin þyngstu bæta kann, 
,,því skal sú hjálpin hlotnast þér, 
sem hjartans ósk þín kærust er". 
Um aldir streymir náð, æ ný, 
frá náðarorði dýru því, 
að hugga sálir hörmum í.
(N.F.S. Grundtvig - Helgi Hálfdanarson. (Sb 1886/1945))

Minnisvers vikunnar

26. febrúar 2018

Morgunlestur: Heb 11.8-10

Fyrir trú hlýddi Abraham, er hann var kallaður, og fór burt til staðar sem hann átti að fá til eignar. Hann fór burt og vissi ekki hvert leiðin lá. 

Kvöldlestur: Jóh 7.14-18

Jesús svaraði þeim: "Kenning mín er ekki mín heldur hans er sendi mig. Sá sem vill gera vilja hans mun komast að raun um hvort kenningin er frá Guði eða ég tala af sjálfum mér. Sá sem talar af sjálfum sér leitar eigin heiðurs, en sá sem leitar heiðurs þess er sendi hann er sannorður og í honum ekkert ranglæti.

Bæn dagsins

Góði Guð, láttu mig heyra þig hvísla í blíðum vindblænum.

Sálmur (sb. )

Hið sama jafnan orð hans er, 
ef öflga trú í brjósti sér 
og hjarta manns svo auðmjúkt, að 
sér enga læging heldur það 
að tína minnstu mola þá, 
er miskunn hans það lætur fá 
til blessunar hans borði frá.  
(N.F.S. Grundtvig - Helgi Hálfdanarson. (Sb 1886/1945))

Minnisvers vikunnar

27. febrúar 2018

Morgunlestur: Job 2.1-10

Þá sagði kona hans við hann: "Ertu enn staðfastur í ráðvendni þinni? Formæltu Guði og farðu að deyja." Hann svaraði henni: "Þú talar eins og fávís kona. Ættum við að þiggja það sem er gott frá Guði en ekki það sem er illt?"
Þrátt fyrir allt þetta syndgaði Job ekki með vörum sínum. 

Kvöldlestur: Mrk 14.32-42

Þá gekk Jesús lítið eitt áfram, féll til jarðar og bað að þessi stund færi fram hjá sér ef þess væri kostur. Hann sagði: "Abba, faðir! allt megnar þú. Tak þennan kaleik frá mér! Þó ekki sem ég vil heldur sem þú vilt." 
Jesús kemur aftur og finnur þá sofandi. Þá sagði hann við Pétur: "Símon, sefur þú? Gastu ekki vakað eina stund? Vakið og biðjið svo að þið fallið ekki í freistni. Andinn er reiðubúinn en holdið veikt."

Bæn dagsins

Eilifi almáttugi Guð.Við biðjum fyrir kirkju þinni og fyrir þjóðum heims , fyrir góðum og vondum, fyrir réttlátum og óréttlátum, fyrir þeim sem lúta þér í lotningu og fyrir þeim sem ekkert er heilagt. Drottinn, miskunna þú oss. Amen.

Sálmur (sb. )

Af brauði lífs í heimi hér 
frá himni gnóttir öðlumst vér, 
er sjúkum létta sálum neyð, 
og syndir lækna' og bægja deyð. 
Ef trúarhönd þeim tekur mót, 
vér tímans stöndumst öldurót 
og beitt ei hræðumst banaspjót.  
(N.F.S. Grundtvig - Helgi Hálfdanarson. (Sb 1886/1945))

Minnisvers vikunnar

28. febrúar 2018

Morgunlestur: Jóh 8.21-30

Fólkið skildi ekki að hann var að tala við þá um föðurinn. Því sagði Jesús: "Þegar þér hefjið upp Mannssoninn munuð þér skilja að ég er sá sem ég er og að ég geri ekkert einn og sér heldur tala ég það eitt sem faðirinn hefur kennt mér. Og sá sem sendi mig er með mér. Hann hefur ekki látið mig einan því ég geri ætíð það sem honum þóknast." Þegar hann mælti þetta fóru margir að trúa á hann. 

Kvöldlestur: Post 5.17-29

"Við bönnuðum ykkur stranglega að kenna í þessu nafni og nú hafið þið fyllt Jerúsalem með kenningu ykkar og viljið að blóð þessa manns bitni á okkur." En Pétur og hinir postularnir svöruðu: "Framar ber að hlýða Guði en mönnum.

Bæn dagsins

Guð. Við biðjum fyrir hinum voldugu og miklu þessarar jarðar sem láta þjóðirnar skelfast og eru þó aðeins duft eitt sem aðrir. Lát þau minnast þess eins og ábyrgðar sinnar. Drottinn, miskunna þú oss. Amen.

Sálmur (sb. )

Vor góði Jesús óskar, að 
vér allir höndlað fáum það, 
sem allra gæða er æðst og best 
og allra heillir styður mest. 
Hann býður sjálfan sig, það brauð, 
er sálna bætir hungursnauð. 
Það lífsbrauð hjörtu lífgar dauð. 
(N.F.S. Grundtvig - Helgi Hálfdanarson. (Sb 1886/1945))

Minnisvers vikunnar

01. mars 2018

Morgunlestur: 2Kor 13.3-6

Hann var krossfestur af því að hann var veikur en Guð er máttugur og lætur hann lifa. Og einnig ég er veikur eins og hann en Guð veitir mér kraft og ég mun lifa með Kristi. 

Kvöldlestur: Jes 49.7-13

Lofsyngið himnar, fagna þú jörð,
þér fjöll, hefjið gleðisöng
því að Drottinn hughreystir þjóð sína
og sýnir miskunn sínum þjáðu. 

Bæn dagsins

Miskunnsami Guð. Við biðjum fyrir hinum ofsóttu og fyrir þeim sem ofsækja, fyrir hinum píndu og fyrir þeim sem pína, fyrir öllum sem hæðast að, spotta og lastmæla og fyrir þeim sem verða fyrir áreitni þeirra. Drottinn, miskunna þú oss. Amen.

Sálmur (sb. 217)

Sunnudagur Drottins er 
dagur lífs til hvíldar mönnum, 
lífsins orð hann blessuð ber, 
boðin Jesú vinum sönnum. 
Drottins kirkja' um veröld víða 
vill þann dag með lofsöng prýða. 
(Friðrik Friðriksson)

Minnisvers vikunnar

02. mars 2018

Morgunlestur: Gal 4.12-20

Það er ávallt gott að láta sér annt um það sem gott er og ekki aðeins meðan ég er hjá ykkur, börn mín, sem ég að nýju el með harmkvælum þangað til Kristur er myndaður í ykkur! 

Kvöldlestur: Heb 5.4-10

Á dögum jarðvistar sinnar bar Jesús með sárum andvörpum og tárum bænir fram fyrir þann sem megnaði að frelsa hann frá dauða og hann var bænheyrður sakir trúar sinnar. Þótt hann væri sonur Guðs lærði hann að hlýða með því að þjást.

Bæn dagsins

Drottinn Guð, við biðjum fyrir þeim sem líða hungur og þorsta, hungrar eftir brauði, þyrstir í kærleika, þyrstir í frelsi. Við biðjum fyrir heimilislausum og flóttamönnum , fyrir þeim sem tapað hafa virðingu sinni og verið gjörð ærulaus og fyrir þeim sem njóta ekki mannréttinda. Drottinn, miskunna þú oss. Amen.

Sálmur (sb. 217)

Yfir vatna ógnageim 
orð Guðs leið á sunnudegi: 
"Verði ljós!" - og vítt um heim 
varð þá bjart sem elding fleygi 
fram úr myrkra heljar hjúpi, 
hrærast tók þá líf í djúpi. 
(Friðrik Friðriksson)
 

Minnisvers vikunnar

03. mars 2018

Morgunlestur: Matt 12.38-42

Jónas var í kviði stórhvelisins þrjá daga og þrjár nætur og eins mun Mannssonurinn vera þrjá daga og þrjár nætur í skauti jarðar. Nínívemenn munu koma fram í dóminum ásamt kynslóð þessari og sakfella hana því að þeir tóku sinnaskiptum við prédikun Jónasar og hér er meira en Jónas.

Kvöldlestur: Jes 49.7-13

Svo segir Drottinn: 
Á tíma náðarinnar bænheyri ég þig,
á degi hjálpræðisins hjálpa ég þér,
ég myndaði þig og gerði þig að sáttmála fyrir þjóðina
til þess að reisa við landið
og úthluta eyddum erfðalöndum, 
9til að segja við hina fjötruðu: "Gangið út,"
og við þá sem í myrkri sitja: "Komið fram í dagsbirtuna." 
Á öllum fjöllumverða þeir á beit <br/>
og finna haglendi á hverri gróðurvana hæð. 

Bæn dagsins

Heilagi Guð, vér biðjum fyrir öllum þeim sem eru óttaslegin og áhyggjufull, fyrir þeim sem óttast um líf ástvinar eða sakna látins , fyrir öllum þeim sem sofnuð eru og fyrir oss öllum á hinstu stundu lífs vors . Drottinn, miskunna þú oss. Amen.

Sálmur (sb. 217)

Velti stórum steini' af gröf 
sterk Guðs hönd á sunnudegi, 
lýsti yfir lönd og höf 
ljósið Guðs á sigurvegi. 
Sunnudags í roða rauðum 
reis Guðs sonur upp frá dauðum. 
(Friðrik Friðriksson)

Minnisvers vikunnar

04. mars 2018

Morgunlestur: Lúk 11.14-28

Er Jesús mælti þetta hóf kona ein í mannfjöldanum upp rödd sína og sagði við hann: "Sæll er sá kviður er þig bar og þau brjóst er þú mylktir."  
Jesús svaraði: "Já, því sælir eru þeir sem heyra Guðs orð og varðveita það."
 

Kvöldlestur: Matt 19.16-26

Þá sagði ungi maðurinn: "Alls þessa hef ég gætt. Hvers er mér enn vant?" 
Jesús sagði við hann: "Ef þú vilt vera fullkominn skaltu fara, selja eigur þínar og gefa fátækum og þú munt fjársjóð eiga á himnum. Kom síðan og fylg mér."

Bæn dagsins

Guð, uppspretta ljóssins. Þú opnar augu okkar svo að við getum séð í gegn um hið óútskýrða og þorum að trúa þrátt fyrir allt óöryggið. Hjálpa þú okkur að taka eftir ljósinu sem lýsir okkur í Jesú Kristi og hrekur hverkyns nótt á brott. Því að hann er ljósið okkar að eilífu.

Sálmur (sb. )

Minn Jesús, kunnugt það er þér, 
hve þrátt sá óvin ræðst að mér, 
er vill í glötun svíkja sál, 
frá sannleiks orðum beygja mál, 
frá verki réttu hefta hönd 
og hneppa líf í synda bönd. 
(Sb. 1886 - Helgi Hálfdánarson)

Minnisvers vikunnar

05. mars 2018

Morgunlestur: 1Pét 1.13-21

Gerið því hugi ykkar viðbúna og verið vakandi. Bindið alla von ykkar við þá náð sem ykkur mun veitast við opinberun Jesú Krists. Verið eins og hlýðin börn og látið líferni ykkar ekki framar mótast af þeim girndum er þið áður létuð stjórnast af í vanvisku ykkar. Verðið heldur sjálf heilög í öllu dagfari ykkar eins og sá er heilagur sem ykkur hefur kallað. Ritað er: "Verið heilög því ég er heilagur." 

Kvöldlestur: Jóh 1.29-37

Og Jóhannes vitnaði: "Ég sá andann koma af himni ofan eins og dúfu og hann nam staðar yfir honum. Sjálfur þekkti ég hann ekki en sá er sendi mig að skíra með vatni sagði mér: Sá sem þú sérð andann koma yfir og nema staðar á, hann er sá sem skírir með heilögum anda. Þetta sá ég og ég vitna að hann er sonur Guðs." 

Bæn dagsins

Guð faðir á himnum. Í dag bið ég fyrir hinum ungu í blóma lífs síns og fyrir hinum öldnu sem þroskast til uppskerutímans. Ég bið fyrir öllum dögum og stundum sem Drottinn gefur mér að lifa og að ég læri að helga honum tíma minn. Drottinn, miskunna þú oss. Amen.

Sálmur (sb. )

Lát hann ei geta hindrað mig, 
ó, herra, frá að lofa þig, 
lát aldrei því fá hamlað hann, 
að heyrt ég geti sannleikann, 
lát hann ei blekkja sálarsjón 
og svik hans önd ei búa tjón.  
(Sb. 1886 - Helgi Hálfdánarson)

Minnisvers vikunnar

06. mars 2018

Morgunlestur: Opb 21.3-7

Ég er Alfa og Ómega, upphafið og endirinn. Ég mun gefa þeim ókeypis, sem þyrstur er, af lind lífsins vatns. Sá er sigrar mun erfa þetta og ég mun vera hans Guð og hann mun vera mitt barn.

Kvöldlestur: Lúk 1.26-38

En María varð hrædd við þessi orð og hugleiddi hvað þessi kveðja ætti að merkja. Og engillinn sagði við hana: "Óttast þú eigi, María, því að þú hefur fundið náð hjá Guði. Þú munt þunguð verða og son ala og þú skalt láta hann heita JESÚ. Hann mun verða mikill og kallaður sonur Hins hæsta. Drottinn Guð mun gefa honum hásæti Davíðs föður hans og hann mun ríkja yfir ætt Jakobs að eilífu og á ríki hans mun enginn endir verða."

Bæn dagsins

Eilífi Guð, þú sem forðum sendir engil þinn til Maríu til að boða henni að fyrir hana skyldi þitt eilífa Orð verða maður til þess að við mættum frelsast. Gef þú okkur eins og Maríu að mega taka á móti náð þinni og kærleika í auðmýkt og í trausti til þín svo að veröldin öll megi þekkja þig og frelsara sinn, Drottin Jesú Krist. Við biðjum í hans nafni. Amen.

Sálmur (sb. 573)

Nú gleðifregn oss flutt er ný 
úr fögrum himinsölum: 
Sá Guð, er hæst býr hæðum í, 
vill hér í jarðardölum 
oss búa hjá; um blessun þá 
og birta leyndardóma 
Guðs engla raddir óma. 
(Valdimar Briem þýddi)

Minnisvers vikunnar

07. mars 2018

Morgunlestur: Mrk 6.7-13

Og hann kallaði þá tólf til sín, tók að senda þá út, tvo og tvo, og gaf þeim vald yfir óhreinum öndum. Hann bauð þeim að taka ekkert til ferðarinnar annað en staf, ekki brauð, mal né peninga í belti. Þeir skyldu hafa skó á fótum en ekki tvo kyrtla. Og hann sagði við þá: "Hvar sem þið fáið inni, þar sé aðsetur ykkar uns þið leggið upp að nýju. En hvar sem ekki er tekið við ykkur né á ykkur hlýtt, þaðan skuluð þið fara og hrista dustið af fótum ykkar þeim til viðvörunar." 

Kvöldlestur: Post 8.1-8

Filippus fór norður til höfuðborgar Samaríu og prédikaði Krist þar. Menn hlýddu með athygli á orð Filippusar þegar þeir heyrðu hann tala og sáu táknin sem hann gerði. Margir höfðu óhreina anda og fóru þeir út af þeim með ópi miklu. Margir lama menn og haltir voru læknaðir. Mikill fögnuður varð í þeirri borg. 

Bæn dagsins

Algóði Guð. Við biðjum þig fyrir þeim sem mikið hafa orðið að reyna , fyrir þeim sem lífið er þraut, fyrir þeim sem áttu draum sem ekki rættist og grófu vonir sínar, og fyrir þeim sem eiga þrá en enga von , að þau verði ekki beisk og harðúðug. Drottinn, miskunna þú oss. Amen.

Sálmur (sb. )

Ó, lækna, Jesús, líf mitt allt, 
ó lát það vermast, sem er kalt, 
það vökva fá, sem visna fer, 
það verða hreint, sem flekkað er, 
það auðgast, sem er aumt og snautt, 
það endurlifna, sem er dautt.  
(Sb. 1886 - Helgi Hálfdánarson)

Minnisvers vikunnar

08. mars 2018

Morgunlestur: Lúk 4.38-44

Úr samkundunni fór Jesús í hús Símonar. En tengdamóðir Símonar var altekin sótthita og báðu þeir hann að hjálpa henni. Jesús gekk að, laut yfir hana og hastaði á sótthitann og fór hann úr henni. En hún reis jafnskjótt á fætur og gekk þeim fyrir beina. 

Kvöldlestur: Post 18.1-11

En Drottinn sagði við Pál um nótt í sýn: "Óttast þú eigi, haltu ótrauður áfram að tala, þagna ekki. Ég er með þér. Enginn skal ráðast að þér og vinna þér mein því að ég á margt fólk í þessari borg." Hann var þar um kyrrt þrjú misseri og kenndi þeim orð Guðs. 

Bæn dagsins

Almáttugi Guð. Við biðjum fyrir hinum sterku sem hafa stjórn á lífi sínu og virðast ráða örlögum sínum, fyrir þeim sem eru heppin og ná árangri og fyrir þeim sem eru eitthvað sérstakt sjálfum sér og öðrum , og fyrir sálu þeirra að hún spillist ekki. Drottinn, miskunna þú oss. Amen.

Sálmur (sb. 346)

Frá þér er, faðir, þrek og vit, 
öll þekking, ást og trú. 
Kenn oss að þakka einum þér 
það allt, sem gefur þú. 
(Sigurbjörn Einarsson)

Minnisvers vikunnar

09. mars 2018

Morgunlestur: 1Kor 4.9-16

Enda þótt þið hefðuð tíu þúsund fræðara í kristinni trú þá hafið þið þó eigi marga feður. Með því að flytja ykkur fagnaðarerindið hef ég fætt ykkur og gert ykkur að hluttakendum í samfélagi Krists Jesú.

Kvöldlestur: Jer 11.18-20

Drottinn skýrði mér frá því svo að ég vissi það. Þú gerðir mér ljóst hvað þeir höfðu fyrir stafni. Sjálfur var ég eins og grunlaust lamb sem er leitt til slátrunar. Ég skildi ekki að þeir brugguðu ráð gegn mér: "Vér skulum eyða trénu í blóma þess. Vér skulum eyða honum úr landi lifenda svo að nafns hans verði ekki minnst framar." 

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 346)

Og allt, sem hver úr býtum ber, 
er bróðurskerfur hans, 
sem bæta skal, í þökk til þín, 
úr þörfum annars manns. 
(Sigurbjörn Einarsson)

Minnisvers vikunnar

10. mars 2018

Morgunlestur: Jes 49.1-6

En nú segir Drottinn,
hann sem myndaði mig í móðurlífi
til að vera þjónn sinn,
til að ég sneri Jakobi aftur til sín
og til að Ísrael yrði safnað saman hjá honum.
Ég er dýrmætur í augum Drottins
og Guð minn varð minn styrkur.
Hann segir: Það er of lítið að þú sért þjónn minn
til að endurreisa ættbálka Jakobs
og leiða þá aftur heim
sem varðveist hafa af Ísrael.
Ég geri þig að ljósi fyrir þjóðirnar
svo að hjálpræði mitt nái allt til endimarka jarðar.

Kvöldlestur: Opb 5.11-14

Þá heyrði ég að allt sem skapað er á himni og jörðu, undir jörðunni og á hafinu, og allt sem í þeim er, tók undir og sagði:
Honum, sem í hásætinu situr, og lambinu,
sé lof og heiður, dýrð og kraftur um aldir alda. 

Bæn dagsins

Heilagi Guð. Við biðjum fyrir samstarfsfólki og vinnufélögum og fyrir öllum þeim sem vinna að sömu málum og við. Sérstaklega biðjum við fyrir öllum þeim sem eru á leið til gleðistunda eða sorgarstunda og eru þó alein því að enginn hirðir um annan í sjálfselsku sinni. Drottinn, miskunna þú oss. Amen.

Sálmur (sb. 346)

En lát þann dag oss ljóma brátt, 
er losna böndin hörð, 
og réttur þinn og ríki fær 
öll ráð á vorri jörð. 
(Sigurbjörn Einarsson)

Minnisvers vikunnar

11. mars 2018

Morgunlestur: Jóh 6.1-15

Jesús sagði: "Látið fólkið setjast niður." Þarna var gras mikið. Menn settust nú niður, um fimm þúsund karlmenn að tölu. Nú tók Jesús brauðin, gerði þakkir og skipti þeim út til þeirra sem þar sátu og eins af fiskunum, svo mikið sem þeir vildu. Þegar fólkið var orðið mett segir Jesús við lærisveina sína: "Safnið saman leifunum svo ekkert spillist." Þeir söfnuðu þeim saman og fylltu tólf körfur með leifum byggbrauðanna fimm sem af gengu hjá þeim er neytt höfðu.

Kvöldlestur: Jes 52.7-10

Hefjið upp fagnaðarsöng allar í einu, 
rústir Jerúsalem, 
því að Drottinn hefur huggað þjóð sína, 
endurleyst Jerúsalem.

Bæn dagsins

Gleðjast skulu þau öll í þér, Drottinn Guð, þau sem tilheyra þér. Gef þú okkur saðningu með brauði lífsins, svo að við lifum í krafti sonar þíns og mætum hvert öðru í kærleika. Þess biðjum við í nafni Jesú Krists. Amen.

Sálmur (sb. 340)

Enn í trausti elsku þinnar, 
er með guðdóms ljóma skín 
fyrir sjónum sálar minnar, 
sonur Guðs, ég kem til þín. 
Líkn ég þrái, líkn ég þrái, 
líttu því í náð til mín.
(Sb. 1871 - Páll Jónsson)

Minnisvers vikunnar

12. mars 2018

Morgunlestur: Jóh 6.22-29

Jesús svaraði þeim: "Sannlega, sannlega segi ég yður: Þér leitið mín ekki af því að þér sáuð tákn, heldur af því að þér átuð af brauðunum og urðuð mettir. Aflið yður eigi þeirrar fæðu sem eyðist heldur þeirrar fæðu sem varir til eilífs lífs og Mannssonurinn mun gefa yður. Því að faðirinn, sjálfur Guð, hefur veitt honum vald sitt." 
Þá sögðu þeir við hann: "Hvað eigum við að gera svo að við vinnum verk Guðs?" 
Jesús svaraði þeim: "Það er verk Guðs að þér trúið á þann sem hann sendi." 

Kvöldlestur: 2Mós 16.2-7a,13-15

Þá sagði Drottinn við Móse: "Nú ætla ég að láta brauði rigna af himni handa ykkur. Fólkið á að ganga út og safna saman dag hvern því sem það þarf fyrir daginn. Þannig get ég reynt það og séð hvort það fylgir lögum mínum eða ekki. En þegar þeir mæla það sem þeir koma með heim á sjötta degi verður það helmingi meira en það sem þeir safna hina dagana." 

Bæn dagsins

Guð, vertu hjá mér í dag. Gættu mín og minna. Amen.

Sálmur (sb. 340)

Eg þig tilbið, eg þín leita, 
ómaklegan þó mig finn. 
Æ, virst þú mér aumum veita 
endurnæring, Drottinn minn. 
Til þín mæni' eg, til þín mæni' eg, 
taktu mig í faðminn þinn. 
(Sb. 1871 - Páll Jónsson)

Minnisvers vikunnar

13. mars 2018

Morgunlestur: Job 9.14-23,32-35

Guð er ekki maður eins og ég, að ég geti svarað honum 
og við mæst fyrir rétti.
Enginn er til sem getur skorið úr málum vorum
og lagt hönd sína yfir oss báða.
 

Kvöldlestur: Mrk 14.53-65

Þá stóð æðsti presturinn upp og spurði Jesú: "Svarar þú því engu sem þessir vitna gegn þér?"
En hann þagði og svaraði engu. Enn spurði æðsti presturinn hann: "Ertu Kristur, sonur hins blessaða?"
Jesús sagði: "Ég er sá og þið munuð sjá Mannssoninn sitja til hægri handar Hins almáttuga og koma í skýjum himins."

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 340)

Mitt af syndum særða hjarta 
sundurkramið meðtak þú, 
lát þinn ástarljómann bjarta 
lífga það og styrkja nú. 
Lækna sárin, lát mín tárin 
ljóma' af elsku' og sannri trú. 
(Sb. 1871 - Páll Jónsson)

Minnisvers vikunnar

14. mars 2018

Morgunlestur: 1Kon 19.1-8

Þá kom engill Drottins öðru sinni, snerti hann og sagði: "Rís upp og matast. Annars reynist þér leiðin of löng." Hann reis upp, át og drakk. Endurnærður af máltíðinni gekk hann í fjörutíu daga og fjörutíu nætur þar til hann kom að Hóreb, fjalli Guðs

Kvöldlestur: Jóh 6.30-35

Þá sögðu þeir við hann: "Drottinn, gef okkur ætíð þetta brauð."
Jesús sagði þeim: "Ég er brauð lífsins. Þann mun ekki hungra sem til mín kemur og þann aldrei þyrsta sem á mig trúir. 

Bæn dagsins

Drottinn, vér biðjum þig fyrir öllum sem standa í stríði við freistingar og hugleysi, fyrir öllum sem syrgja og þjást, fyrir öllum sem eiga í baráttu við efasemdir, fyrir öllum sem vér höfum brotið gegn, fyrir öllum sem gjört hafa á hluta vorn, fyrir öllum sem líða vegna ranglætis. Miskunna þú oss öllum, Drottinn, sakir eilífrar náðar þinnar í Jesú Kristi. Amen.

Sálmur (sb. 340)

Allar nægtir æðstu gæða 
eg, minn Jesús, fæ hjá þér, 
himnesk orð þín hugga' og fræða, 
himnesk náð þín líknar mér. 
Hold og blóð þitt, hold og blóð þitt 
himnesk lífsins fæða er.
(Sb. 1871 - Páll Jónsson)

Minnisvers vikunnar

15. mars 2018

Morgunlestur: Jóh 6.47-59

Sannlega, sannlega segi ég yður: Sá sem trúir hefur eilíft líf. Ég er brauð lífsins. Feður ykkar átu manna í eyðimörkinni en þeir dóu. Þetta er brauðið sem niður stígur af himni. Sá sem etur af því deyr ekki. Ég er hið lifandi brauð sem steig niður af himni. Hver sem etur af þessu brauði mun lifa að eilífu. Og brauðið er líkami minn sem ég gef heiminum til lífs." 

Kvöldlestur: Jóh 6.60-65

Það er andinn sem lífgar, maðurinn án hans megnar ekkert. Orðin sem ég hef talað til yðar, þau eru andi og þau eru líf. En hér á meðal eru nokkrir sem ekki trúa." Jesús vissi frá upphafi hverjir þeir voru sem trúðu ekki og hver sá var sem mundi svíkja hann. Og hann bætti við: "Vegna þess sagði ég við yður: Enginn getur komið til mín nema faðirinn veiti honum það." 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir.

Sálmur (sb. 340)

Særða' og nakta sálu mína 
sjálfur helgiskarti bú, 
láttu hennar skrúða skína 
skært í þinni augsýn nú. 
Ástarþýðum augum blíðum, 
ó, minn Jesús, til mín snú.  
(Sb. 1871 - Páll Jónsson)

Minnisvers vikunnar

16. mars 2018

Morgunlestur: Jóh 12.20-26

Sannlega, sannlega segi ég yður: Ef hveitikornið fellur ekki í jörðina og deyr verður það áfram eitt. En ef það deyr ber það mikinn ávöxt. Sá sem elskar líf sitt glatar því en sá sem hatar líf sitt í þessum heimi mun varðveita það til eilífs lífs. Sá sem þjónar mér fylgi mér eftir og hvar sem ég er, þar mun og þjónn minn vera. Þann sem þjónar mér mun faðirinn heiðra. 

Kvöldlestur: 2Kor 4.7-14

Vegna Jesú lifi ég jafnan í hættu á að deyja til þess að jarðneskt líf mitt sýni að Jesús lifir. Þannig er dauðinn að verki í mér en lífið í ykkur. Í Ritningunni stendur: "Ég trúði, þess vegna talaði ég." Ég hef sama anda og tala af því að ég trúi.

Bæn dagsins

Guð birtunnar. Þú sýnir okkur veginn sem við eigum að ganga. Og þegar við ákveðum og framkvæmum í samræmi við vilja þinn þá hjálpaðu okkur að ganga hann kjarkmiklum skrefum, fyrir Jesú Krist sem er upphaf og fullkomnun trúarinnar.

Sálmur (sb. 340)

Þér ég fórna, þér nú gef ég, 
þér ég vígi hjarta mitt, 
í þinn faðminn inn mig vef ég, 
æ, við blessað hjartað þitt 
unn mér þreyja, unn mér deyja, 
öll mín brot þá verða kvitt. 
(Sb. 1871 - Páll Jónsson)

Minnisvers vikunnar

17. mars 2018

Morgunlestur: Jóh 8.21-30

En hann sagði við það: "Þér eruð neðan að, ég er ofan að. Þér eruð af þessum heimi, ég er ekki af þessum heimi. Þess vegna sagði ég yður að þér munduð deyja í syndum yðar. Því ef þér trúið ekki að ég sé sá sem ég er munuð þér deyja í syndum yðar." 

Kvöldlestur: Am 8.11-12

Sjá, þeir dagar koma, segir Drottinn Guð,
að ég sendi hungur til landsins, 
hvorki hungur eftir brauði né þorsta eftir vatni, 
heldur eftir orði Drottins. 

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 340)

Kom þú, minn Jesús, kom til mín, 
kom þú með ásjón hýrri. 
Því aðeins kann ég koma til þín, 
að komir þú til mín fyrri. 
Kom þú og svala mæddum mér, 
ég margs kyns synda okið ber. 
Endurnær mig náð nýrri. 
(Sb. 1871 - Páll Jónsson)

Minnisvers vikunnar

18. mars 2018

Morgunlestur: Lúk 1.26-38

Og engillinn sagði við hana: "Heilagur andi mun koma yfir þig og kraftur Hins hæsta mun yfirskyggja þig. Þess vegna verður barnið heilagt, sonur Guðs. Elísabet, frændkona þín, er einnig orðin þunguð að syni í elli sinni og þetta er sjötti mánuður hennar sem kölluð var óbyrja en Guði er enginn hlutur um megn."

Kvöldlestur: 1Mós 22.1-13

Nú komu þeir á staðinn sem Guð hafði talað um. Þar reisti Abraham altari, lagði viðinn á, batt Ísak son sinn og lagði hann á altarið ofan á viðinn. Þá tók Abraham hnífinn í hönd sér til þess að slátra syni sínum. En engill Drottins kallaði til hans af himni og mælti: "Abraham! Abraham!" 
Og hann svaraði: "Hér er ég." 
Engillinn sagði: "Leggðu ekki hönd á sveininn og gerðu honum ekkert því að nú veit ég að þú óttast Guð. Þú hefur jafnvel ekki synjað mér um son þinn, einkason þinn."

Bæn dagsins

Eilífi Guð, þú sem forðum sendir engil þinn til Maríu til að boða henni að fyrir hana skyldi þitt eilífa Orð verða maður til þess að við mættum frelsast. Gef þú okkur eins og Maríu að mega taka á móti náð þinni og kærleika í auðmýkt og í trausti til þín svo að veröldin öll megi þekkja þig og frelsara sinn, Drottin Jesú Krist. Við biðjum í hans nafni. Amen.

Sálmur (sb. 573)

Nú gleðifregn oss flutt er ný 
úr fögrum himinsölum. 
Sá Guð, er hæst býr hæðum í, 
vill hér í jarðardölum 
oss búa hjá; um blessun þá 
og birta leyndardóma 
Guðs englaraddir óma. 

Minnisvers vikunnar

19. mars 2018

Morgunlestur: Heb 7.24-27

Slíks æðsta prests höfðum við þörf sem er heilagur, svikalaus, óflekkaður, greindur frá syndurum og orðinn himnunum hærri. Hann þarf ekki daglega, eins og hinir æðstu prestarnir, fyrst að bera fram fórnir fyrir eigin syndir, síðan fyrir syndir lýðsins. Það gerði hann í eitt skipti fyrir öll er hann fórnfærði sjálfum sér.

Kvöldlestur: Heb 8.1-4, 6-13

Þannig er sáttmálinn sem ég mun gera við Ísraelsmenn
þegar þessir dagar eru liðnir, segir Drottinn:
Ég mun leggja lög mín í hugskot þeirra 
og rita þau á hjörtu þeirra. 
Ég mun vera Guð þeirra  
og þeir vera fólk mitt. 

Bæn dagsins

Hjálpsami Guð. Þú kennir okkur að biðja fyrir öllum. Á fyrsta degi þessarar vinnuviku biðjum við fyrir öllu vinnandi fólki, að það haldi vinnunni, hafi góða verkstjóra og ánægju af starfi sínu.

Sálmur (sb. 573)

Ein kyrrlát mær þá kveðju fær, 
sem kætir bæði' og hræðir, 
að hennar sonur hjartakær, 
er hún á síðan fæðir, 
það veldi fær, er voldugt nær 
um víðar heimsins álfur 
og hærra' en himinn sjálfur.
(Valdimar Briem þýddi)

Minnisvers vikunnar

20. mars 2018

Morgunlestur: 4Mós 21.4-9

Þá sendi Drottinn eitraða höggorma gegn fólkinu. Þeir bitu fólkið og margir Ísraelsmenn dóu. Fólkið kom þá til Móse og sagði: "Við höfum syndgað vegna þess að við höfum talað gegn Drottni og þér. Bið þú til Drottins svo að hann sendi höggormana burt frá okkur. Þá bað Móse fyrir fólkinu og Drottinn sagði við Móse: "Gerðu höggorm og settu hann á stöng. Sérhver sem hefur verið bitinn skal horfa til hans og halda lífi."
Móse bjó þá til eirorm og setti á stöng. Þegar höggormur beit mann og maðurinn horfði til eirormsins hélt hann lífi. 

Kvöldlestur: Jer 15.10, 15-20

Ég geri þig að rammbyggðum eirvegg  
til að verjast þessu fólki.
Þeir munu ráðast á þig en ekki sigra þig
því að ég er með þér,
ég hjálpa þér og frelsa þig, segir Drottinn.

Bæn dagsins

Vísa mér veg þinn, Drottinn, lát mig ganga í sannleika þínum. Gef mér heilt hjarta, að ég tigni nafni þitt. Amen.

Sálmur (sb. 573)

Við mey þá engill mæla réð: 
„Þú munt af himnum þiggja 
Guðs anda gjöf; þig mun þar með 
Guðs máttur yfirskyggja. 
Og lífs þíns von, þinn ljúfa son, 
þú lausnara skalt kalla, 
hann endurleysir alla.“
(Valdimar Briem þýddi)

Minnisvers vikunnar

21. mars 2018

Morgunlestur: Mrk 14.66-72

En Pétur sór og sárt við lagði: "Ég þekki ekki þennan mann sem þið talið um."
Um leið gól haninn annað sinn og Pétur minntist þess er Jesús hafði mælt við hann: "Áður en hani galar tvisvar muntu afneita mér þrisvar." Þá fór hann að gráta. 

Kvöldlestur: Job 19.21-27

Ég veit að lausnari minn lifir
og hann mun síðastur ganga fram á foldu.
Eftir að þessi húð mín er sundurtætt
og allt hold er af mér mun ég líta Guð.
Ég mun líta hann mér til góðs,
augu mín munu sjá hann og engan annan.
Hjartað brennur af þrá í brjósti mér.

Bæn dagsins

Drottinn minn og Guð minn. Kenndu mér að lifa eftir þínum vilja, því að þú ert minn Guð. Láttu þinn góða anda leiða mig um réttan veg til eilífs lífs. Amen.

Sálmur (sb. 573)

Lát kraft þinn, Jesú, Jesú minn, 
mig jafnan yfirskyggja, 
og lát þitt orð og anda þinn 
mér æ í hjarta byggja, 
svo ég sé þinn og þú sért minn 
og þinn æ minn sé vilji 
og ekkert okkur skilji.
(Valdimar Briem þýddi)

Minnisvers vikunnar

22. mars 2018

Morgunlestur: 2Kor 1.3-11

Eins og ég tek í ríkum mæli þátt í þjáningum Krists, þannig uppörvar Kristur mig einnig í ríkum mæli. En ef ég sæti þrengingum, þá er það til þess að þið öðlist kjark og frelsist og ef ég er vongóður, þá er það til þess að þið verðið vongóð og öðlist kjark og kraft til að standast þær þjáningar sem ég einnig líð.

Kvöldlestur: Heb 9.16-21

Þess vegna var ekki heldur hinn fyrri sáttmáli settur án blóðs. Þegar Móse hafði kunngjört gjörvöllum lýðnum öll boðorð lögmálsins, þá tók hann blóð kálfanna og hafranna, ásamt vatni og skarlatsrauðri ull og ísópi, og stökkti bæði á sjálfa bókina og allan lýðinn og mælti: "Þetta er blóð sáttmálans sem Guð gerði við yður."

Bæn dagsins

Guð. Í deginum búa væntingar og vonir okkar. Guð gefðu okkur kjark og styrk svo væntingarnar verði að veruleika og vonir okkar alltaf Guði faldar. Amen.

Sálmur (sb. 573)

Þitt himnaríki' í hjarta mér 
þinn helgur andi búi, 
svo hafni' eg því, sem holdlegt er, 
en hjarta til þín snúi, 
uns englum jafnt þitt Jesúnafn 
fæ ég með þeim að róma 
hjá þér í lífsins ljóma.
(Valdimar Briem þýddi)

Minnisvers vikunnar

23. mars 2018

Morgunlestur: Jóh 11.47-54

En einn þeirra, Kaífas, sem það ár var æðsti prestur, sagði við þá: "Þið vitið ekkert og hugsið ekkert um það að ykkur er betra að einn maður deyi fyrir lýðinn en að öll þjóðin tortímist." Hann tók þetta ekki upp hjá sjálfum sér en þar sem hann var æðsti prestur það ár gat hann mælt af spámannlegri andagift að Jesús mundi deyja fyrir þjóðina og ekki fyrir þjóðina eina heldur og til að safna saman í eitt dreifðum börnum Guðs. Upp frá þeim degi voru þeir ráðnir í að taka hann af lífi. 

Kvöldlestur: Heb 9.15, 24-28

Þess vegna er hann meðalgangari nýs sáttmála. Hann dó og bætti að fullu fyrir afbrotin undir fyrri sáttmálanum til þess að þau sem Guð hafði kallað mættu öðlast hina eilífu arfleifð sem heitið var. 

Bæn dagsins

Kæri Guð. Hafsjór tilfinninga, gleði og kvíði fylgja komu nýs dags, vaktu yfir mér í erli dagsins, bæði í meðbyr og mótbyr. Amen.

Sálmur (sb. 126)

Þú, sem andinn yfirskyggði,
unga mærin, forðum daga,
og á Drottins orði byggðir,
eilíf blessun varð þín saga.
Heil vert þú, sem nýtur náðar Guðs.
(Sigurjón Guðjónsson)

Minnisvers vikunnar

24. mars 2018

Morgunlestur: Heb 10.1-10

Fyrst segir hann: "Fórnir og gjafir og brennifórnir og syndafórnir hefur þú eigi viljað og eigi geðjaðist þér að þeim." En það eru einmitt þær sem fram eru bornar samkvæmt lögmálinu. Síðan segir hann: "Sjá, ég er kominn til að gera vilja þinn." Hann afnemur hið fyrra og staðfestir hið síðara. Þannig gerði hann það sem Guð vildi og þess vegna erum við helguð orðin að hann fórnaði sjálfum sér í eitt skipti fyrir öll. 

Kvöldlestur: Heb 10.11-18

Síðan segir hann: <br/>
Ég mun aldrei framar minnast synda þeirra eða lögmálsbrota. <br/>
En þar sem syndirnar eru fyrirgefnar þarf ekki framar fórn fyrir synd. 

Bæn dagsins

Kærleiksríki Guð. Í þögninni á ég engin orð aðeins hugsanir sem leita til þín Þú einn þekkir hugsanir mínar. Þökk almáttugi Guð. Amen.

Sálmur (sb. 126)

Hugsun Guðs er allri ofar
ályktun og dómi manna.
Vegu hans, sem verkin lofa,
verður oss ei leyft að kanna.
Heil vert þú, sem nýtur náðar Guðs. 
(Sigurjón Guðjónsson)

Minnisvers vikunnar

25. mars 2018

Morgunlestur: Jóh 12.1-16

Fólk tók þá pálmagreinar, fór út á móti honum og hrópaði:
"Hósanna!
Blessaður sé sá sem kemur í nafni Drottins,
konungur Ísraels!"
Jesús fann ungan asna og settist á bak honum, eins og skrifað er:
Óttast ekki, dóttir Síon.
Konungur þinn kemur
og ríður ösnufola.

Kvöldlestur: Jóh 17.1-8

Þetta talaði Jesús, hóf augu sín til himins og sagði: "Faðir, stundin er komin. Ger son þinn dýrlegan til þess að sonurinn geri þig dýrlegan. Þú gafst honum vald yfir öllum mönnum að hann gefi eilíft líf öllum þeim sem þú hefur gefið honum. En það er hið eilífa líf að þekkja þig, hinn eina sanna Guð, og þann sem þú sendir, Jesú Krist.

Bæn dagsins

Drottinn Jesús Kristur. Fólkið kom á móti þér með fagnaðarópum og hyllti þig. Samt skildi það þig eftir einan. svo að þú yrðir pyntaður og deyddur. Við erum hrædd við dökku hliðarnar á mannlífinu, hrædd við skuggana, hrædd við möguleika illskunnar í mannfólkinu, - í okkur sjálfum. Gefðu okkur náð til að þekkja okkur sjálf og að sjá hvað í okkur sjálfum býr. Hjálpa þú okkur að koma með það allt til þín að þú blessir það og bætir það með kærleika þínum. Amen.

Sálmur (sb. 128)

Ó, kom í hátign, Herra minn.
Þér heilsar allur lýðurinn
og klæðum lagða braut þér býr,
með blessun þér á móti snýr. 
(Stefán Thorarensen)

Minnisvers vikunnar

26. mars 2018

Morgunlestur: Róm 5.6 –11

En Guð auðsýnir kærleika sinn til okkar í því að Kristur dó fyrir okkur þegar við vorum enn syndarar. Því fremur mun hann nú frelsa okkur frá reiðinni þar sem við erum réttlætt fyrir blóð Krists. Hafi Guð, þegar við vorum óvinir hans, tekið okkur í sátt með dauða sonar síns, mun hann því fremur nú, þegar hann hefur sætt okkur við sig, frelsa okkur með lífi hans.

Kvöldlestur: Matt 26.6–13

Jesús varð þess vís og sagði við þá: "Hvað eruð þið að angra konuna? Gott verk gerði hún mér. Fátæka hafið þið jafnan hjá ykkur en mig hafið þið ekki ávallt. Þegar hún hellti þessum smyrslum yfir líkama minn var hún að búa mig til greftrunar. Sannlega segi ég ykkur: Hvar um heim sem fagnaðarerindi þetta verður flutt mun þess getið sem hún gerði og hennar minnst."

Bæn dagsins

Eilífi Guð. Sonur þinn Jesús Kristur gaf sig í dauðann á krossi af því að hann elskaði þennan heim. Leyfðu okkur að dvelja í elsku hans og sækja þangað kraft og líf. Við biðjum þig í nafni Jesú Krists, bróður okkar og Drottins. Amen.

Sálmur (sb. 133)

Jesús eymd vora alla sá,
ofan kom til vor jörðu á,
hæðum himna upprunninn af,
undir lögmálið sig hann gaf.

(Hallgrímur Pétursson (Ps. 43))

Minnisvers vikunnar

27. mars 2018

Morgunlestur: Mrk 15.1-20

Pílatus spurði hann: "Ert þú konungur Gyðinga?"
Jesús svaraði: "Það eru þín orð."
En æðstu prestarnir báru á hann margar sakir. Pílatus spurði hann aftur: "Svarar þú engu? Þú heyrir hve þungar sakir þeir bera á þig."
En Jesús svaraði engu framar og undraðist Pílatus það. 

Kvöldlestur: Job 38.1-11, 42.1-6

Þá svaraði Drottinn Job úr storminum og sagði:
Hver er sá sem hylur ráðsályktunina myrkri
með innihaldslausum orðavaðli?
Gyrtu lendar þínar eins og manni sæmir,
nú ætla ég að spyrja þig en þú skalt svara.
Hvar varstu þegar ég grundvallaði jörðina?
Segðu það ef þú veist það og skilur.
Hver ákvað umfang hennar, veist þú það,
eða hver þandi mælivað yfir henni?
Á hvað var sökklum hennar sökkt
eða hver lagði hornstein hennar
þegar morgunstjörnurnar sungu saman gleðisöng
og allir synir Guðs fögnuðu?

Bæn dagsins

Miskunnsami, eilífi Guð. Þú gafst son þinn í dauða á krossi fyrir okkur öll. Gef að við megum meðtaka þann boðskap af öllu hjarta og bregðast aldrei í nokkurri freistni heldur standast fyrir kraft trúarinnar. Þess biðjum við í nafni Jesú Krist, bróður okkar og Drottins. Amen.

Sálmur (sb. 143)

Ég kveiki á kertum mínum
við krossins helga tré.
Í öllum sálmum sínum
hinn seki beygir kné.
Ég villtist oft af vegi.
Ég vakti oft og bað.
Nú hallar helgum degi
á Hausaskeljastað. 

(Davíð Stefánsson frá Fagraskógi)

Minnisvers vikunnar

28. mars 2018

Morgunlestur: Lúk 22.1-6

    Nú fór í hönd hátíð ósýrðu brauðanna, sú er nefnist páskar. Og æðstu prestarnir og fræðimennirnir leituðu fyrir sér hvernig þeir gætu ráðið Jesú af dögum því að þeir voru hræddir við fólkið.

    Þá fór Satan í Júdas sem kallaður var Ískaríot og var í tölu þeirra tólf. Hann fór og ræddi við æðstu prestana og varðforingjana um það hvernig hann skyldi framselja þeim Jesú. Þeir urðu glaðir við og hétu honum fé fyrir. Hann gekk að því og leitaði færis að framselja hann þeim þegar fólkið væri fjarri.
 

Kvöldlestur: Míka 3.9-12

Heyrið þetta, leiðtogar Jakobs ættar,
höfðingjar Ísraels ættar,
þér sem hafið andstyggð á réttlæti
og hallið hverju því sem rétt er,
þér sem byggið Síon með blóði
og Jerúsalem með ódæðisverkum.

Bæn dagsins

Guð gæskunnar og miskunnsemdanna. Sonur þinn Jesús Kristur þoldi þjáningu og dauða til þess að við mættum eignast hlutdeild í þínu lífi. Gef okkur að hugleiða fórn hans á þessum dögum kyrruvikunnar og styrkjast í samfélaginu við hann , sem er bróðir okkar og Drottinn. Amen.

Sálmur (sb. 41)

Víst ertu, Jesús, kóngur klár,
kóngur dýrðar um eilíf ár
kóngur englanna, kóngur vor,
kóngur almættis tignarstór 
(Hallgrímur Pétursson (Ps. 27))

Minnisvers vikunnar

29. mars 2018

Morgunlestur: Lúk 22.7-13

Því að ég hef meðtekið frá Drottni það sem ég hef kennt ykkur: Nóttina, sem Drottinn Jesús var svikinn, tók hann brauð, gerði þakkir, braut það og sagði: "Þetta er líkami minn. Gjörið þetta í mína minningu." Sömuleiðis tók hann og bikarinn eftir kvöldmáltíðina og sagði: "Þessi bikar er hinn nýi sáttmáli í mínu blóði. Gjörið þetta, svo oft sem þér drekkið, í mína minningu."

Kvöldlestur: 1Kor 11.23-29

Jesús Kristur, brauð lífsins. Í brauði og víni gefur þú okkur hlutdeild í guðlegum leyndardómi lífs þíns,
yfirbugar aðskilnaðinn sem synd okkar veldur og tekur okkur með þína leið, þinn veg, fórnar og þjáningar til eilífs lífs svo að við séum hjá þér eins og þú ert hjá okkur að eilífu. Amen.

Bæn dagsins

Jesús Kristur, brauð lífsins. Í brauði og víni gefur þú okkur hlutdeild í guðlegum leyndardómi lífs þíns, yfirbugar aðskilnaðinn sem synd okkar veldur og tekur okkur með þína leið, þinn veg, fórnar og þjáningar til eilífs lífs svo að við séum hjá þér eins og þú ert hjá okkur að eilífu. Amen.

Sálmur (sb. 228)

Tunga mín af hjarta hljóði
helgan leyndardóm um þann,
líkam Krists og blessað blóðið,
bót sem öllum heimi vann,
konungs þjóða þá hins góða
það á krossi' úr æðum rann.
(Aquinas - Sb. 1589 - Stefán Thorarensen)

Minnisvers vikunnar

30. mars 2018

Morgunlestur: Jes 53.1-12

Hann var fyrirlitinn og menn forðuðust hann,
harmkvælamaður og kunnugur þjáningum,
líkur manni sem menn byrgja augu sín fyrir,
fyrirlitinn og vér mátum hann einskis.
En vorar þjáningar voru það sem hann bar
og vor harmkvæli er hann á sig lagði.

Kvöldlestur: Jóh 19.16-30

Jesús vissi að allt var þegar fullkomnað. Þá sagði hann til þess að ritningin rættist: "Mig þyrstir."

Þar stóð ker fullt af ediki. Hermennirnir vættu njarðarvött í ediki, settu hann á ísópslegg og báru að munni honum.

Þegar Jesús hafði fengið edikið sagði hann: "Það er fullkomnað." Þá hneigði hann höfuðið og gaf upp andann.

Bæn dagsins

Jesús Kristur, ég virði fyrir mér krossinn þinn, tákn neyðarinnar, tákn óréttlætisins, tákn eyðileggingarinnar, í skelfingu en um leið í undrun, því að vegur þinn endar ekki þar. Krossinn þinn er tákn um von og sigur, af þvi að þú lifir og ríkir um eilífð. Amen.

Sálmur (sb. 145)

Ó, höfuð dreyra drifið,
er drúpir smáð og pínt,
af höndum þræla þrifið
og þyrnum sárum krýnt,
ó, heilagt höfuð fríða,
er himnesk lotning ber,
en háðung hlaust að líða,
mitt hjarta lýtur þér.
(Helgi Hálfdánarson)

Minnisvers vikunnar

31. mars 2018

Morgunlestur: Matt 27.62-66

Næsta dag, hvíldardaginn, gengu æðstu prestarnir og farísearnir saman fyrir Pílatus og sögðu: "Herra, við minnumst þess að svikari þessi sagði í lifanda lífi: Eftir þrjá daga rís ég upp. Bjóð því að grafarinnar sé vandlega gætt allt til þriðja dags, ella gætu lærisveinar hans komið og stolið honum og sagt fólkinu: Hann er risinn frá dauðum. Þá verða síðari svikin verri hinum fyrri." 
Pílatus sagði við þá: "Hér hafið þið varðmenn, farið og búið svo tryggilega um sem best þið kunnið." 
Þeir fóru og gengu tryggilega frá gröfinni og innsigluðu steininn með aðstoð varðmannanna. 

Kvöldlestur: 1Pét 3.18-22

Kristur dó fyrir syndir í eitt skipti fyrir öll, réttlátur fyrir rangláta, til þess að geta leitt ykkur til Guðs. Hann var deyddur að líkamanum til en lifandi ger í anda. Þannig steig hann niður til andanna í varðhaldi og prédikaði fyrir þeim. Þeir höfðu óhlýðnast fyrrum, á dögum Nóa, þegar Guð sýndi biðlund og beið meðan örkin var í smíðum. Í henni frelsuðust fáeinar - það er átta - sálir í vatni. Þetta er fyrirmyndan skírnarinnar sem nú frelsar ykkur. Hún er ekki hreinsun óhreininda á líkamanum heldur bæn til Guðs um góða samvisku fyrir upprisu Jesú Krists sem steig upp til himna, situr Guði á hægri hönd, og englar, völd og kraftar eru undir hann lagðir. 

Bæn dagsins

Drottinn Jesús Kristur, þú sem ert dáinn og grafinn fyrir okkur. Þú ert stiginn niður til Heljar, niður í ríki dauðans, til sigra dauðann að eilífu. Við sem erum skírð til dauða þíns. biðjum þig: Ver þú kraftur í okkur til þess hið spillta, synduga eðli deyji daglega og megum fyrir gröf þína og dauða þinn megum eignast með þér sigur upprisinnar. Þig lofum við að eilífu. Amen.

Sálmur (sb. 278)

Góði Jesús fyrir greftran þín
gefðu síðasta útför mín
verði friðsöm og farsæl mér,
frelsuð sál nái dýrð hjá þér. 
(Hallgrímur Pétursson (Ps. 49))

Minnisvers vikunnar

01. apríl 2018

Morgunlestur: Mrk 16.1-7

En hann sagði við þær: "Skelfist eigi. Þér leitið að Jesú frá Nasaret, hinum krossfesta. Hann er upp risinn, hann er ekki hér. Sjáið þarna staðinn þar sem þeir lögðu hann. En farið og segið lærisveinum hans og Pétri: Hann fer á undan yður til Galíleu. Þar munuð þér sjá hann eins og hann sagði yður." 

Kvöldlestur: Slm 118.14-24

Drottinn er styrkur minn og lofsöngur,
hann varð mér til hjálpræðis. 
Fagnaðar- og siguróp kveða við í tjöldum réttlátra: 
"Hægri hönd Drottins vinnur máttarverk, 
hægri hönd Drottins er upphafin, 
hægri hönd Drottins vinnur stórvirki." 
Ég mun eigi deyja heldur lifa 
og kunngjöra dáðir Drottins. 
Drottinn hefur hirt mig harðlega 
en eigi ofurselt mig dauðanum. 

Bæn dagsins

Lifandi Drottinn, með upprisu Sonar þíns hefur þú tekið allan mátt frá dauðanum, og lætur kunngjöra öllum heimi fagnaðarboðskapinn um hjálpræðið í Jesú Kristi. Sendu okkur styrk og kraft trúarinnar og sigra efann. Leyfðu okkur öllum að taka með fögnuði undir lofsöng páskanna,með öllum þeim sem bera vitni um að Kristur er risinn upp frá dauðum og lifir og ríkir að eilífu. Amen.

Sálmur (sb. 148)

Í austri rís upp ársól skær,
í austri sólin, Jesús kær,
úr steinþró djúpri stígur,
sú páskasólin björt og blíð,
er birtist öllum kristnum lýð
og aldrei aftur hnígur.
Jesús, Jesús,
sigu'r er unninn, sól upp runnin
sannrar gleði
vina þinna grátnu geði.
(Valdimar Briem)

Minnisvers vikunnar

02. apríl 2018

Morgunlestur: Lúk 24.13-35

Og svo bar við, er hann sat til borðs með þeim, að hann tók brauðið, þakkaði Guði, braut það og fékk þeim. Þá opnuðust augu þeirra og þeir þekktu hann en hann hvarf þeim sjónum. Og þeir sögðu hvor við annan: "Brann ekki hjartað í okkur meðan hann talaði við okkur á veginum og lauk upp fyrir okkur ritningunum?"

Kvöldlestur: Post 2.22-32

Jesús frá Nasaret var maður sem kom til ykkar frá Guði. Guð sannaði ykkur það með því að láta hann gera kraftaverk, undur og tákn meðal ykkar eins og þið vitið sjálfir. Hann fenguð þið framseldan eins og Guð vissi fyrir og felldi að áætlun sinni og þið létuð lögleysingja negla hann á kross og taka af lífi. En Guð leysti hann úr dauðans böndum og reisti hann upp, enda gat það aldrei orðið að dauðinn fengi haldið honum

Bæn dagsins

Guð, þú ert grundvöllurinn og styrkurinn, Hjá þér getum við hrasað og dottið, og þú grípur okkur. Uggur og ótti, ógn og kvíði halda okkur oft í greipum sér. Þau beygja okkur og slá okkur með blindu og málhelti, eins og við værum líflaus og önduð. Hjá þér, Guð, breytist allt, þú lífgar hið dauða, þú gefur nýtt líf, þú, Guð, sem ert grundvöllur og styrkur, og gefur líf í miðjum dauða.

Sálmur (sb. 147)

Sigurhátíð sæl og blíð
ljómar nú og gleði gefur,
Guðs son dauðann sigrað hefur,
nú er blessuð náðartíð.
Nú er fagur dýrðardagur,
Drottins ljómar sigurhrós,
nú vor blómgast náðarhagur,
nú sér trúin eilíft ljós.
(Páll Jónsson)

Minnisvers vikunnar

30. september 2018

Morgunlestur: Mrk 12.28-34

Jesús svaraði: "Æðst er þetta: Heyr, Ísrael! Drottinn, Guð vor, hann einn er Drottinn. Og þú skalt elska Drottin, Guð þinn, af öllu hjarta þínu, allri sálu þinni, öllum huga þínum og öllum mætti þínum. Annað er þetta: Þú skalt elska náunga þinn eins og sjálfan þig. Ekkert boðorð annað er þessum meira."
 

Kvöldlestur: 3Mós 19.1-3, 9-18

Þú skalt hvorki féfletta náunga þinn né ræna hann. Laun daglaunamanns skulu ekki vera í þinni vörslu næturlangt til næsta morguns. <br/>
Þú mátt hvorki formæla heyrnarlausum manni né setja hindrun í veg fyrir blindan. Þú skalt bera lotningu fyrir Guði þínum. Ég er Drottinn. 

Bæn dagsins

Einföld og skír eru boð þín Drottinn. Þú hefur boðið okkur að elska þig af öllu hjarta og náungann eins og okkur sjálf. Hjálpa þú okkur að lifa samkvæmt leiðsögn kærleika þíns í krafti anda þíns. Amen.

Sálmur (sb. 196)

Á þig, Jesú Krist, ég kalla, 
kraft mér auka þig ég bið. 
Hjálpa þú mér ævi alla, 
að ég haldi tryggð þig við. 
Líkna mér og lát mér falla 
ljúft að stunda helgan sið. 
(Jón Espólín)

Minnisvers vikunnar

01. október 2018

Morgunlestur: Ef 5.15-21

Verið því ekki óskynsöm heldur reynið að skilja hver sé vilji Drottins. Drekkið ykkur ekki drukkin af víni, það leiðir aðeins til spillingar. Fyllist heldur andanum og ávarpið hvert annað með sálmum, lofsöngvum og andlegum ljóðum. Syngið og lofið Drottin af öllu hjarta og þakkið jafnan Guði, föðurnum, fyrir alla hluti í nafni Drottins vors Jesú Krists.
Sýnið Kristi lotningu og hvert öðru auðsveipni:

Kvöldlestur: Matt 5.17-22

Ætlið ekki að ég sé kominn til að afnema lögmálið eða spámennina. Ég kom ekki til að afnema heldur uppfylla. Sannlega segi ég yður: Þar til himinn og jörð líða undir lok mun ekki einn smástafur eða stafkrókur falla úr lögmálinu uns allt er komið fram. Hver sem því brýtur eitt af þessum minnstu boðum og kennir öðrum það mun kallast minnstur í himnaríki en sá sem heldur þau og kennir mun mikill kallast í himnaríki. 

Bæn dagsins

Drottinn Guð og faðir, veit okkur þá náð að elska hvern þann sem á vegi okkar verður. Við áköllum miskunn þína og biðjum fyrir öllum, sérstaklega þeim, sem þú hefur gefið okkurtil samfylgdar í lífinu. Gef þeim, Drottinn, langt umfram allt sem við kunnum að biðja eða hugsa. Lát þau ávallt vera í vernd þinni og handleiðslu. Hjálpa þeim að elska þig og lát þau að lokum eignast lífið eilífa, óforgengilega. Þér sé dýrð að eilífu. Amen. (Anselm)

Sálmur (sb. 196)

Eg svo hlýði ætíð þínum
elskuboðum, Herra minn,
votti trú í verkum mínum,
vel að reki' eg feril þinn,
þinni raust með sannleik sínum
sífellt gegni varfærinn.
(Jón Espólín)

Minnisvers vikunnar

02. október 2018

Morgunlestur: 1Tím 1.5-9a

Markmið fræðslunnar er að vekja kærleika af hreinu hjarta, góðri samvisku og hræsnislausri trú.

Kvöldlestur: 1Þess 4.9-12

Um bróðurkærleikann þarf ég ekki að skrifa ykkur því Guð hefur sjálfur kennt ykkur að elska hvert annað. Og þið auðsýnið líka öllum trúsystkinum í allri Makedóníu sama kærleika. En ég hvet ykkur, systkin, að taka enn meiri framförum. Leggið metnað ykkar við að lifa kyrrlátu lífi og stunda hvert sitt starf og vinna með höndum ykkar eins og ég hef boðið ykkur. 

Bæn dagsins

Algóði Guð, ég fel mig þinni föðurvernd og legg mig allan á þitt vald, líkama minn og sál, vilja minn og áform, hugsun mína og gjörðir, lán mitt og líf. Ég fel þér ástvini mína og og bið þig að gæta þeirra og blessa þá. Ver þú mér og þeim eilíft athvarf, náðugur og miskunnsamur faðir í lífi og dauða. Sakir sonar þíns, Jesú Krists. Amen. (Sigurbjörn Einarsson)

Sálmur (sb. 196)

Fullkomnun, sem fyr'ir mig lagðir,
framt ástunda gef þú mér,
þá að elska, sem þú sagðir,
samt af alhug varast hér
neinn að fleka fölsku bragði,
fyrst að bræður erum vér.
(Jón Espólín)

Minnisvers vikunnar

03. október 2018

Morgunlestur: Matt 5.23-26

Sértu því að færa fórn þína á altarið og minnist þess þar að bróðir þinn hefur eitthvað á móti þér þá skaltu skilja gjöf þína eftir fyrir framan altarið, fara fyrst og sættast við bróður þinn, koma síðan og færa fórn þína.

Kvöldlestur: Ef 6.1-9

Ekki með augnaþjónustu eins og þeir er mönnum vilja þóknast heldur eins og þjónar Krists er gera vilja Guðs af heilum huga. Þjónið eins og Drottinn ætti í hlut og ekki menn. Þið vitið og sjálfir að sérhver mun fá aftur af Drottni það góða sem hann gerir, hvort sem hann er þræll eða frjáls maður. 

Bæn dagsins

Eilífi Guð og faðir. þú hefur skapað mig og annast mig frá móðurlífi, við hvert fótmál og andartak, í vöku og svefni, er hönd þín yfir mér, skapandi, hjálpsöm og góð. Lát líf mitt lofa þig. Fyrirgef allt sem ég brýt gegn þér. Ég fel mig miskunn þinni og bið mig að lýsa mér, þegar ég vaki og varðveita mig er ég sef, svo að ég sé þinn á nóttu sem degi, í lífi og dauða. Fyrir Jesú Krist, Drottin minn og frelsara. Amen. (Sigurbjörn Einarsson)

Sálmur (sb. 196)

Veit, að það, sem heimur heldur
heill, ei dragi mig frá þér.
Það, sem fyrir gott hann geldur,
gjarnan spott og vanþökk er,
en það sælu æðstu veldur,
ef vér, Drottinn, hlýðnumst þér.
(Jón Espólín)

Minnisvers vikunnar

04. október 2018

Morgunlestur: Jak 2.1-8

Ef þið uppfyllið hið konunglega boðorð Ritningarinnar: „Þú skalt elska náunga þinn eins og sjálfan þig,“ þá gerið þið vel.

Kvöldlestur: Post 5.1-11

Pétur mælti þá við hana: „Hvernig gátuð þið komið ykkur saman um að storka anda Drottins? Þú heyrir við dyrnar fótatak þeirra sem greftruðu mann þinn. Þeir munu bera þig út.“ Jafnskjótt féll hún niður við fætur hans og gaf upp öndina. Ungu mennirnir komu inn, fundu hana andaða, báru út og jörðuðu hjá manni hennar. Og miklum ótta sló á allan söfnuðinn og alla sem heyrðu þetta. 

Bæn dagsins

Almáttugi Guð, þú skapaðir jörðina fyrir manninn og oss þér til dýrðar, veit oss af náð þinni, að jörðin gefi ávöxt sinn, og að vér megum nota og skipta þeim gjöfum af sanngirni nafni þínu til dýrðar og náunganum til blessunar, fyrir Jesú Krist, Drottin vorn. Amen. (úr Book of Common Prayer)

Sálmur (sb. 196)

Þá skal trú mín, þýði Herra,
þægan ávöxt bera sinn,
Drottins ætíð dýrðin vera,
dug og kraft er efldi minn,
fasta vörn skal fyrir bera,
freistar mín ef heimurinn.
(Jón Espólín)

Minnisvers vikunnar

05. október 2018

Morgunlestur: Matt 22.34-46

Þegar farísear heyrðu að Jesús hafði gert saddúkea orðlausa komu þeir saman. Og einn þeirra, sem var lögvitringur, vildi reyna hann og spurði: "Meistari, hvert er hið æðsta boðorð í lögmálinu?" <br/>
Jesús svaraði honum: "Elska skalt þú Drottin, Guð þinn, af öllu hjarta þínu, allri sálu þinni og öllum huga þínum. Þetta er hið æðsta og fremsta boðorð. Annað er hliðstætt þessu: Þú skalt elska náunga þinn eins og sjálfan þig. Á þessum tveimur boðorðum hvílir allt lögmálið og spámennirnir." 
 

Kvöldlestur: Róm 14.19-15.3

Keppum þess vegna eftir því sem til friðar heyrir og eflir samfélagið. Brjóttu ekki niður verk Guðs vegna matar. Allt er að sönnu hreint en allt verður samt illt þeim manni sem etur öðrum til falls. Það er rétt að eta hvorki kjöt né drekka vín eða gera neitt það annað sem kemur illa við bróður þinn eða systur. Haltu fast við trúna sem þú átt með sjálfum þér frammi fyrir Guði. Sæll er sá sem þarf ekki að áfella sig fyrir það sem hann telur vera rétt.

Bæn dagsins

Drottinn, vér biðjum þig fyrir öllum sem standa í stríði við freistingar og hugleysi, fyrir öllum sem syrgja og þjást, fyrir öllum sem eiga í baráttu við efasemdir, fyrir öllum sem vér höfum brotið gegn, fyrir öllum sem gjört hafa á hluta vorn, fyrir öllum sem líða vegna ranglætis. Miskunna þú oss öllum, Drottinn, sakir eilífrar náðar þinnar í Jesú Kristi. Amen. (Hanns Lilje)

Sálmur (sb. 196)

Heyrir þú mitt hróp, ég treysti,
Herra, þér, og stenst ég þá.
Þótt mín syndir þráfalt freisti,
þú mér aldrei víkur frá,
en mér sendir sanna hreysti,
sigri frægum loks að ná.
(Jón Espólín)

Minnisvers vikunnar

06. október 2018

Morgunlestur: Mrk 10.17-27

Lærisveinunum brá mjög við orð Jesú en hann sagði aftur við þá: "Börn, hve torvelt er að komast inn í Guðs ríki. Auðveldara er úlfalda að fara gegnum nálarauga en auðmanni að komast inn í Guðs ríki."
En þeir urðu steini lostnir og sögðu sín á milli: "Hver getur þá orðið hólpinn?"
Jesús horfði á þá og sagði: "Menn hafa engin ráð til þessa en Guði er ekkert um megn."

Kvöldlestur: Jak 2.8-13

Talið því og breytið eins og þeir er dæmast eiga eftir lögmáli frelsisins. Því að þeim sem ekki auðsýndi miskunn verður ekki sýnd nein miskunn í dóminum. Í dóminum má miskunnsemin sín mest. 

Bæn dagsins

Guð, faðir á himnum. Lof og þökk sé þér fyrir hvíld næturinnar. Lof og þökk sé þér fyrir nýjan dag. Lof og þökk sé þér fyrir alla ást þína, alla gæfu og trúfesti sem ég nýt í lífi mínu. þú hefur gefið mér svo margt gott, láttu mig einnig þiggja hið erfiða úr hendi þinni. þú leggur ekki meira á mig en ég fæ borið. þú lætur allt samverka börnum þínum til góðs. (Bonhoeffer)

Sálmur (sb. 33)

Ég fel mig þinni föðurnáð,
minn faðir elskulegi,
mitt líf og eign og allt mitt ráð
og alla mína vegi.
Þú ræður öllu' og ræður vel
af ríkdóm gæsku þinnar.
Þín stjórn nær jafnt um himins hvel
og hjólið auðnu minnar.
(Valdimar Briem)

Minnisvers vikunnar

07. október 2018

Morgunlestur: Matt 9.1-8

En Jesús þekkti hugsanir þeirra og sagði: "Hví hugsið þið illt í hjörtum ykkar? Hvort er auðveldara að segja: Syndir þínar eru fyrirgefnar, eða: Statt upp og gakk? En til þess að þið vitið að Mannssonurinn hefur vald á jörðu að fyrirgefa syndir þá segi ég þér," -; og nú talar hann við lama manninn: "Statt upp, tak rekkju þína og far heim til þín!"

Kvöldlestur: 2Mós 34.4-10

Drottinn sagði: "Nú geri ég sáttmála. Ég ætla að gera þau kraftaverk frammi fyrir þjóð þinni sem aldrei áður hafa verið gerð í neinu landi eða hjá neinni annarri þjóð. Allt fólkið, sem með þér er, skal sjá verk Drottins. Það sem ég ætla nú að gera fyrir þig er ógnvekjandi.

Bæn dagsins

Drottinn Guð, þú gefur kjark og ráð til að gjöra það sem rétt er. Kenndu okkur að lifa samkvæmt boðum þínum og fullgjöra það sem er þér til dýrðar og til eflingar ríki þínu. Fyrir Jesú Krist lausnara okkar og bróður.

Sálmur (sb. )

Þá lýsa fer af ljósum degi,
og liðin svarta nóttin er,
statt upp og gakk á Guðs þíns vegi,
og Guð mun sjálfur fylgja þér.
Statt upp og gakk, því gull í mund
þér gefur sérhver morgunstund.
(Valdimar Briem (Sálmabók 1886/1945))

Minnisvers vikunnar

08. október 2018

Morgunlestur: Mrk 1.32-39

Þegar kvöld var komið og sólin sest færðu menn til hans alla þá er sjúkir voru og haldnir illum öndum og allur bærinn var saman kominn við dyrnar. Jesús læknaði marga er þjáðust af ýmsum sjúkdómum og rak út marga illa anda en illu öndunum bannaði hann að tala því að þeir vissu hver hann var. 

Kvöldlestur: Fil 2.12-13

Þess vegna, mín elskuðu, sem ætíð hafið verið hlýðin, vinnið nú að sáluhjálp ykkar með ugg og ótta eins og þegar ég var hjá ykkur, því fremur nú þegar ég er fjarri. Því að það er Guð sem verkar í ykkur bæði að vilja og að framkvæma sér til velþóknunar. 

Bæn dagsins

Guð, skapari vor við þökkum fyrir haustið með hreint loft, fagra, dýrlega liti, upskeru akranna og fullþroskaða ávexti. Þú ert hinn sami, vor og haust. Hjálpa okkur að þroskast í trú, styrkjast í von, og dýpka í kærleika, til þín og til hvers annars. Og þegar við eldumst, visnum og deyjum, gef oss þá hlutdeild í lífinu sem aldrei deyr. Amen.

Sálmur (sb. )

Ó, þú, er fast í syndum sefur
og sér ei háska búinn þér,
í svefninum þú gröf þér grefur 
og frafarbakkinn tæpur er.
Statt upp og gakk og gæt að því:
þú getur dáið syndum í,
(Valdimar Briem (Sálmabók 1886/1945))

Minnisvers vikunnar

09. október 2018

Morgunlestur: Jer 17.12-17

Hásæti dýrðarinnar er upp hafið frá öndverðu. <br/>
Það er helgistaður vor. <br/>

Kvöldlestur: Kól 3.5-11

Ljúgið ekki hvert að öðru því þið hafið afklæðst hinum gamla manni með gjörðum hans og íklæðst hinum nýja sem Guð er að skapa að nýju í sinni mynd til þess að þið fáið gjörþekkt hann. Þar er hvorki grískur maður né Gyðingur, umskorinn né óumskorinn, útlendingur, Skýti, þræll né frjáls maður, þar er Kristur allt og í öllum. 

Bæn dagsins

Drottinn þú sendir oss til að berjast góðu baráttunni. Þú þekkir veikleika vora. Þú veist hversu auðveldlega vér gefumst upp í freistingum og átökum þessa lífs. Hjálpa þú oss að vér styrkjum og styðjum hvert annað í þolinmæði og sönnum kærleika. Varðveit oss fyrir falskri ákefð. Varðveit oss fyrir eigingirni og vanheilagri bræði. Varðveit oss í náð þinni gagnvart hverskyns synd og villu. Ver þú oss leiðarljós. Ver oss borg friðarins. Ver með oss allar stundir þessa dags.

Sálmur (sb. )

Ef þú að borði Krits ert kropinn <br/>
og klökkur syndir minnist á, <br/>
Guðs náðarfaðmur er þér opinn, <br/>
og enn er næga hjálp að fá. <br/>
Statt upp og gakk og glaður ver, <br/>
því Guð vill fyrirgefa þér. <br/>
(Valdimar Briem (Sálmabók 1886/1945)) 

Minnisvers vikunnar

10. október 2018

Morgunlestur: Mík 7.18-20

Hver er slíkur Guð sem þú,
sem fyrirgefur misgjörðir
og sýknar af syndum
þá sem eftir eru af arfleifð þinni?
Reiði Guðs varir ekki að eilífu
því að hann hefur unun af að sýna mildi.

Kvöldlestur: Jóh 5.1-16

Þarna var maður nokkur sem hafði verið sjúkur í þrjátíu og átta ár. Jesús sá hann þar sem hann lá og vissi að hann hafði lengi verið sjúkur. Hann segir við manninn: "Viltu verða heill?"
Hinn sjúki svaraði honum: "Herra, ég hef engan til að láta mig í laugina þegar vatnið hrærist og meðan ég er á leiðinni fer annar ofan í á undan mér." 
Jesús segir við hann: "Statt upp, tak rekkju þína og gakk!" Jafnskjótt varð maðurinn heill, tók rekkju sína og gekk.

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir. (Gömul bæn)

Sálmur (sb. )

Og þú sem liggur lágt á beði
og lengur engan hefur frið,
ó, ber það allt með ljúfu geði,
því bráðum raust mun kveða við:
Statt upp og gakk á bjarta braut,
því búin er nú gjörvöll þraut.
(Valdimar Briem (Sálmabók 1886/1945))

Minnisvers vikunnar

11. október 2018

Morgunlestur: 4Mós 12.1-15

Þá steig Drottinn niður í skýstólpa, tók sér stöðu við tjalddyrnar og kallaði á Aron og Mirjam. Þau gengu þá bæði fram og hann sagði:
Hlýðið á orð mín.
Sé spámaður meðal yðar
birtist ég honum í sýn,
tala við hann í draumi.
Þannig fer ég ekki að við Móse, þjón minn,
sem er trúað fyrir allri þjóð minni.
Ég tala við hann augliti til auglitis
en ekki í gátum,
hann fær að sjá mynd Drottins.
Hvers vegna árædduð þið
að ásaka þjón minn, Móse?

Kvöldlestur: 1Mós 15.1-6

Eftir þessa atburði kom orð Drottins til Abrams í sýn: "Óttast þú ekki, Abram. Ég er skjöldur þinn. Laun þín munu mjög mikil verða." 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir. (Sigurbjörn Einarsson)

Sálmur (sb. )

Og er þú síðsta svefni blundar,
þú sefur vært og óttalaust,
til hinnar miklu morgunstundar,
þá mannsins sonar hljómar raust:
Statt upp og gakk fyr'ir Guðs þíns dóm,
því Guðs þú heyrir lúðurhljóm.
(Valdimar Briem (Sálmabók 1886/1945))

Minnisvers vikunnar

12. október 2018

Morgunlestur: 2Mós 15.22-27

Móse lét nú Ísrael leggja af stað frá Sefhafinu. Þeir héldu út í Súreyðimörkina og gengu í þrjá daga um hana án þess að finna vatn. Þegar þeir komu til Mara gátu þeir ekki drukkið vatnið þar því að það var rammt. Þess vegna nefnist staðurinn Mara. Þá möglaði fólkið gegn Móse og spurði: "Hvað eigum við að drekka?“ Hann hrópaði á hjálp til Drottins og Drottinn sýndi honum tré. Móse kastaði því í vatnið og þá varð það ferskt. 

Kvöldlestur: Jak 5.13-16

Líði nokkrum illa ykkar á meðal, þá biðji hann. Liggi vel á einhverjum, þá syngi hann lofsöng. Sé einhver sjúkur ykkar á meðal, þá kalli hann til sín öldunga safnaðarins og þeir skulu smyrja hann með olíu í nafni Drottins og biðja fyrir honum.

Bæn dagsins

Vísa mér veg þinn, Drottinn, og ger mig fúsan að fara hann. (Heilög Birgitta)

Sálmur (sb. )

Og er þú fyrir Drottins dómi
í dauðans angist krýpur lágt,
mun frelsarinn með friðar rómi
þér flytja grið og kalla hátt:
Statt upp og gakk í Guðs þíns sal.
Ég galt fyr'ir þig og kvitta skal.
(Valdimar Briem (Sálmabók 1886/1945))

Minnisvers vikunnar

13. október 2018

Morgunlestur: Júd 1.20-25

En þið elskuðu, byggið ykkur sjálf upp í helgustu trú ykkar. Biðjið í heilögum anda. Látið kærleika Guðs varðveita ykkur sjálf og bíðið eftir að Drottinn vor Jesús Kristur sýni ykkur náð og veiti ykkur eilíft líf. 

Kvöldlestur: 1Mós 9.8-17

Guð sagði við Nóa og syni hans sem með honum voru: "Ég stofna nú til sáttmála við ykkur og niðja ykkar og allar lifandi skepnur sem með ykkur eru, bæði við fugla, búfé og öll dýr merkurinnar með ykkur, við allt sem út úr örkinni gekk, það er öll dýr merkurinnar. Ég stofna til sáttmála við ykkur: Aldrei framar skal allt hold tortímast í vatnsflóði. Aldrei framar mun flóð koma og eyða jörðina."
Og Guð sagði: "Þetta er tákn sáttmálans fyrir allar ókomnar aldir sem ég stofna til milli mín og ykkar og allra lifandi skepna sem hjá ykkur eru. Boga minn hef ég sett í skýin. Hann skal vera tákn sáttmálans milli mín og jarðarinnar. 

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen. (Sigurbjörn Einarsson)

Sálmur (sb. 360)

Nú fagnar þú, fátæka hjarta,
já, fagna í Guði, mín önd,
og lauga þig ljósinu bjarta
frá lífsins og friðarins strönd.
Nú hverfur allt myrkur úr huga,
því hvað má þig lama og buga,
ef áttu Guðs hjarta og hönd?
(Sigurbjörn Einarsson)

Minnisvers vikunnar

14. október 2018

Morgunlestur: Matt 22.1-14

Síðan segir hann við þjóna sína: Brúðkaupsveislan er tilbúin en boðsgestirnir voru ekki verðugir. Farið því út á stræti og torg og bjóðið í brúðkaupið hverjum þeim sem þið finnið. Þjónarnir fóru út á vegina og söfnuðu öllum, sem þeir fundu, vondum og góðum, svo að brúðkaupssalurinn varð alskipaður gestum. 
 

Kvöldlestur: 2Mós 24.9-11

Þá gengu þeir Móse og Aron, Nadab og Abíhú og sjötíu af öldungum Ísraels upp á fjallið og þeir sáu Guð Ísraels. Undir fótum hans var eitthvað sem líktist safírhellum, tært eins og himinninn sjálfur. Hann rétti ekki út hönd sína gegn höfðingjum Ísraels og þeir horfðu á Drottin og átu og drukku. 

Bæn dagsins

Guð birtunnar. Þú sýnir okkur veginn sem við eigum að ganga. Og þegar við ákveðum og framkvæmum í samræmi við vilja þinn þá hjálpaðu okkur að ganga hann kjarkmiklum skrefum, fyrir Jesú Krist sem er upphaf og fullkomnun trúarinnar.

Sálmur (sb. 180)

Fyrst boðar Guð sitt blessað náðarorðið,
svo býður hann sitt ríka kærleiksborðið
og sendir einkason sinn til að kalla
til sinnar kvöldmáltíðar alla - alla.
(Matthías Jochumsson)

Minnisvers vikunnar

15. október 2018

Morgunlestur: Jóh 6.24-33

Jesús svaraði þeim: "Sannlega, sannlega segi ég yður: Þér leitið mín ekki af því að þér sáuð tákn, heldur af því að þér átuð af brauðunum og urðuð mettir. Aflið yður eigi þeirrar fæðu sem eyðist heldur þeirrar fæðu sem varir til eilífs lífs og Mannssonurinn mun gefa yður. Því að faðirinn, sjálfur Guð, hefur veitt honum vald sitt." 
 

Kvöldlestur: Mrk 6.32-44

Þegar Jesús steig á land sá hann þar margt manna og hann kenndi í brjósti um þá því að þeir voru sem sauðir er engan hirði hafa. Og hann kenndi þeim margt. Þá er mjög var áliðið dags komu lærisveinarnir að máli við Jesú og sögðu: "Hér er engin mannabyggð og langt á daginn liðið. Lát fólkið fara svo að það geti náð til býla og þorpa hér í kring og keypt sér eitthvað til matar." 
En Jesús svaraði þeim: "Gefið því sjálfir að eta."

Bæn dagsins

Guð, gef ég megi vera öðrum blessun frá þér. Amen.

Sálmur (sb. 180)

En fyrsti' og annar afsökunar biðja,
og eins fer fyrir boðsmanninum þriðja,
og það er kunngjört Herra hefðarríkum,
að heimsins börn ei sinni boðskap slíkum.
(Matthías Jochumsson)

Minnisvers vikunnar

16. október 2018

Morgunlestur: 2Mós 16.2-7a, 13-15

Þá sagði Drottinn við Móse: "Nú ætla ég að láta brauði rigna af himni handa ykkur. Fólkið á að ganga út og safna saman dag hvern því sem það þarf fyrir daginn. Þannig get ég reynt það og séð hvort það fylgir lögum mínum eða ekki. En þegar þeir mæla það sem þeir koma með heim á sjötta degi verður það helmingi meira en það sem þeir safna hina dagana." 

Kvöldlestur: 2Mós 16.16-30

Fyrirmælin, sem Drottinn hefur gefið, eru þessi: Safnið því sem hver þarf til matar, einum gómer á mann og skal hver um sig safna í samræmi við þann fjölda sem býr í tjaldi hans." Þetta gerðu Ísraelsmenn og söfnuðu sumir miklu en aðrir litlu. Þegar þeir mældu það í gómermáli gekk ekkert af hjá þeim sem miklu safnaði og þann sem litlu safnaði skorti ekkert. Sérhver hafði safnað því sem hann þurfti til matar. 

Bæn dagsins

Þakka þér þennan nýja dag, lát mig færa honum eitthvað gott. Lát mig gera úr honum eitthvað gott. Lát mig þiggja af honum eitthvað gott. Amen.

Sálmur (sb. 180)

Þá spyr hann að, hvort veikir ekki vilji,
hvort volaðir og blindir ekki skilji,
þá býður hann þeim bjargarlausu' og snauðu,
þeim breysku, særðu, föllnu týndu og dauðu.
(Matthías Jochumsson)

Minnisvers vikunnar

17. október 2018

Morgunlestur: Jóh 15.1-8

"Ég er hinn sanni vínviður og faðir minn er vínyrkinn. Hverja þá grein á mér sem ber ekki ávöxt sníður hann af og hverja þá sem ávöxt ber hreinsar hann svo að hún beri meiri ávöxt. Þér eruð þegar hrein vegna orðsins sem ég hef talað til yðar. Verið í mér, þá verð ég í yður. Greinin getur ekki borið ávöxt af sjálfri sér nema hún sé á vínviðnum. Eins getið þér ekki heldur borið ávöxt nema þér séuð í mér. 

Kvöldlestur: Post 20.7-12

Ungmenni eitt, Evtýkus að nafni, sat í glugganum. Seig á hann svefnhöfgi er Páll ræddi svo lengi og féll hann sofandi ofan af þriðja lofti og var tekinn upp andvana. Páll gekk ofan, varpaði sér yfir hann, tók utan um hann og sagði: "Verið stillt, það er líf með honum." Fór hann síðan upp, braut brauðið og neytti og talaði enn lengi, allt fram í dögun. Að svo búnu hélt hann brott. En menn fóru með sveininn lifandi og hugguðust mikillega. 

Bæn dagsins

Í svölum deginum mæti ég þér Guð. Legg lífið mitt í þínar hendur, fjölskyldu mína og ástvini. Fylgdu mér í ferð dagsins. Amen.

Sálmur (sb. 180)

Hvert orð er sterkast? Orðið hans, er kallar.
Sjá, einnig dauðir ganga lífs til hallar,
þeir koma' í hópum, heimurinn sem smáir,
en Herrann segir: "Þeir eru' enn of fáir".
(Matthías Jochumsson)

Minnisvers vikunnar

18. október 2018

Morgunlestur: 1Kor 10.14-22

Forðist þess vegna skurðgoðadýrkun, mín elskuðu. Ég tala til ykkar sem skynsamra manna. Metið sjálf það sem ég segi. Bikar blessunarinnar sem vér blessum, er hann ekki samfélag um blóð Krists? Og brauðið sem vér brjótum, er það ekki samfélag um líkama Krists? Af því að brauðið er eitt, erum vér hin mörgu einn líkami því að vér eigum öll hlutdeild í hinu eina brauði. 

Kvöldlestur: 2Kor 6.11-18

Ég tala frjálslega við ykkur, Korintumenn. Rúmt er um ykkur í hjarta mínu. Ekki er þröngt um ykkur hjá mér en í hjörtum ykkar er þröngt. En svo að sama komi á móti - ég tala eins og við börn mín - þá látið þið líka verða rúmgott hjá ykkur. 

Bæn dagsins

Kæri Guð. Hafsjór tilfinninga, gleði og kvíði fylgja komu nýs dags, vaktu yfir mér í erli dagsins, bæði í meðbyr og mótbyr. Amen.

Sálmur (sb. 180)

Hann býður ennþá: "Farið, laðið, leiðið,
og leitið, kallið, biðjið, þrýstið, neyðið,
mitt kærleiks djúp á himins víðar hallir,
í húsi mínu rúmast allir - allir".
(Matthías Jochumsson)

Minnisvers vikunnar

19. október 2018

Morgunlestur: 1Pét 2.5-10

Látið sjálf uppbyggjast sem lifandi steinar í andlegt hús til heilags prestdóms, til að bera fram andlegar fórnir fyrir Jesú Krist, Guði velþóknanlegar. Því að svo stendur í Ritningunni: 
Sjá, ég set hornstein í Síon,
valinn og dýrmætan.
Sá sem trúir á hann mun alls eigi verða til skammar.

Kvöldlestur: Opb 3.14-22

Engli safnaðarins í Laódíkeu skaltu rita: <br/>
Þetta segir hann sem er amen, votturinn trúi og sanni, upphaf sköpunar Guðs. Ég þekki verkin þín, þú ert hvorki kaldur né heitur. Betur að þú værir annaðhvort kaldur eða heitur. En af því að þú ert hálfvolgur og hvorki heitur né kaldur mun ég skyrpa þér út af munni mínum. 

Bæn dagsins

Kærleiksríki Guð. Í þögninni á ég engin orð aðeins hugsanir sem leita til þín. Þú einn þekkir hugsanir mínar. Þökk almáttugi Guð. Amen.

Sálmur (sb. 180)

Fyrst kallar Guð, en bregðist þú því boði,
þá biður Guð, og þó að hvorugt stoði,
þá þrýstir Guð, og það er síðsta orðið,
ef því er neitað, hræðstu sálar morðið!
(Matthías Jochumsson)

Minnisvers vikunnar

20. október 2018

Morgunlestur: Heb 7.23-28

Slíks æðsta prests höfðum við þörf sem er heilagur, svikalaus, óflekkaður, greindur frá syndurum og orðinn himnunum hærri. Hann þarf ekki daglega, eins og hinir æðstu prestarnir, fyrst að bera fram fórnir fyrir eigin syndir, síðan fyrir syndir lýðsins. Það gerði hann í eitt skipti fyrir öll er hann fórnfærði sjálfum sér. Lögmálið skipar breyska menn æðstu presta en eiðurinn, er kom á eftir lögmálinu, skipar æðsta prest sem er sonur, fullkominn að eilífu. 

Kvöldlestur: Opb 19.6-10

Engillinn segir við mig: "Rita þú: Sælir eru þeir sem boðið er í brúðkaupsveislu lambsins." Og hann segir við mig: "Þetta eru hin sönnu orð Guðs." Og ég féll fram fyrir fætur honum til að tilbiðja hann og hann segir við mig: "Varastu þetta! Ég er samþjónn þinn og systkina þinna sem hafa vitnisburð Jesú. Tilbið þú Guð. Vitnisburður Jesú er andi spádómsgáfunnar." 

Bæn dagsins

Þakka þér þennan nýja dag, lát mig færa honum eitthvað gott. Lát mig gera úr honum eitthvað gott. Lát mig þiggja af honum eitthvað gott. Amen.

Sálmur (sb. 180)

Ó, Drottinn, þú, sem býður, biður, neyðir,
ég blindur er, en sonur þinn mig leiðir
frá synd og hættum gegnum dauðans dalinn,
í dýrðar þinnar fagra gleðisalinn. 
(Matthías Jochumsson)

Minnisvers vikunnar

21. október 2018

Morgunlestur: Jóh 4.46-53

Jesús svaraði: "Far þú, sonur þinn lifir."
Maðurinn trúði því sem Jesús sagði við hann og fór af stað. En meðan hann var á leiðinni ofan eftir mættu honum þjónar hans og sögðu að sonur hans væri á lífi.
Hann spurði þá hvenær honum hefði farið að létta og þeir svöruðu: "Í gær upp úr hádegi fór hitinn úr honum." Þá sá faðirinn að það var á þeirri stundu þegar Jesús hafði sagt við hann: "Sonur þinn lifir." Og hann tók trú og allt hans heimafólk.

Kvöldlestur: Matt 12.22-30

En ef ég rek illu andana út með Guðs anda, þá er Guðs ríki þegar yfir yður komið.
Eða hvernig fær nokkur brotist inn í hús hins sterka og rænt eigum hans nema hann bindi áður hinn sterka, þá getur hann rænt hús hans.
Hver sem er ekki með mér er á móti mér og hver sem safnar ekki saman með mér, hann sundurdreifir.
 

Bæn dagsins

Drottinn Guð, þú lætur sól þína renna upp yfir góða og vonda og villt að við elskum óvini okkar og andstæðinga. Gef okkur anda þinn, að við sigrum hið illa með góðu og dveljum í friði þínum í hverskyns átökum, fyrir Jesú Krist.

Sálmur (sb. 199)

"Þinn sonur lifir," sagði Jesús forðum,
og sveininn græddi', er trúað var þeim orðum. 
Hin sömu orðin sár míns hjarta græða, 
er svíða' og blæða.
(Valdimar Briem)

Minnisvers vikunnar

22. október 2018

Morgunlestur: 1Kor 9.24-27

Vitið þið ekki að þeir sem keppa á íþróttavelli hlaupa að sönnu allir en einn fær sigurlaunin? Hlaupið þannig að þið fáið sigurlaun. Sérhver sem tekur þátt í kappleikjum leggur hart að sér. Þeir sem keppa gera það til þess að hljóta forgengilegan sigursveig en við óforgengilegan.

Kvöldlestur: Matt 10.34-39

Sá sem ann föður eða móður meir en mér er mín ekki verður og sá sem ann syni eða dóttur meir en mér er mín ekki verður. Hver sem tekur ekki sinn kross og fylgir mér er mín ekki verður. Sá sem ætlar að finna líf sitt týnir því og sá sem týnir lífi sínu mín vegna finnur það. 

Bæn dagsins

Ég þakka þér, Guð, fyrir hvíld liðinnar nætur, fyrir stundir svefns og drauma. Opna hug okkar og hjarta fyrir þeim sem við mætum í dag. Við erum eitt hvert með öðru. Hjálpa okkur að sjá það fólk sem okkur ber að sýna kærleika og það starf sem okkur ber að vinna. Gakktu með okkur, skref fyrir skref, sérhverja stund. Varðveittu okkur og vertu okkur skjól. Amen.

Sálmur (sb. 199)

Ó, hve ég gleðst, minn Guð og faðir blíði,
að gafstu mér þá trú í lífsins stríði,
að dauðanum vann son þinn sigur yfir:
Þinn sonur lifir.
(Valdimar Briem)

Minnisvers vikunnar

23. október 2018

Morgunlestur: 2Tím 2.1-5

Þú skalt og að þínu leyti illt þola eins og góður hermaður Krists Jesú. Enginn hermaður bendlar sig við önnur störf. Þá þóknast hann ekki þeim sem hefur tekið hann á mála. Sá sem keppir í íþróttum fær ekki sigursveiginn nema hann keppi löglega. 

Kvöldlestur: 2Kor 10.1-6

Ég brýt niður hugsmíðar og allt sem hreykir sér gegn þekkingunni á Guði og hertek hverja hugsun til hlýðni við Krist. Og ég er þess albúinn að refsa sérhverri óhlýðni þegar hlýðni ykkar er orðin fullkomin. 

Bæn dagsins

Kæri Guð. Hafsjór tilfinninga, gleði og kvíði fylgja komu nýs dags, vaktu yfir mér í erli dagsins, bæði í meðbyr og mótbyr. Amen.

Sálmur (sb. 199)

Ó, gef þú, að á mér það rætast megi,
að megi' eg vera þinn á nótt og degi
og lífs og dauðum sé það sagt mér yfir:
Þinn sonur lifir.
(Valdimar Briem)

Minnisvers vikunnar

24. október 2018

Morgunlestur: Róm 14.4-12

En þú, hví dæmir þú bróður þinn? Eða þá þú, hví fyrirlítur þú bróður þinn? Öll munum við verða að standa frammi fyrir dómstóli Guðs. Því að ritað er: "Svo sannarlega sem ég lifi, segir Drottinn, fyrir mér skal hvert kné beygja sig og sérhver tunga vegsama Guð." 
 

Kvöldlestur: Róm 14.13-21

Dæmum því ekki framar hvert annað. Hitt skuluð þið ákveða að verða trúsystkinum ykkar ekki til ásteytingar eða falls. Það veit ég með fullri vissu í trúnni á Drottin Jesú að ekkert er vanheilagt í sjálfu sér nema þá þeim sem heldur eitthvað vanheilagt, honum er það vanheilagt. 

Bæn dagsins

Góði Guð, það er auðveldara að trúa að þú sért hér þegar allt er hljótt. Hjálpaðu okkur að vita að þú ert hér, líka í ys og þys dagsins.

Sálmur (sb. 199)

Og þegar berast burt af tímans straumi
vor börn oss fjær í heimsins mikla glaumi,
þá seg við oss það, sem vér gleðjumst yfir:
Þinn sonur lifir. 
(Valdimar Briem)

Minnisvers vikunnar

25. október 2018

Morgunlestur: 1Kor 9.13-18

Þótt ég sé að boða fagnaðarerindið, þá gefur það mér enga ástæðu til að miklast af því. Ég er knúinn til þess. Vei mér ef ég boða það ekki. Geri ég þetta af frjálsum vilja ber mér að fá laun. En finni ég mig til þess knúinn hefur Guð falið mér ráðsmennsku. Hver eru þá laun mín? Þau að ég boða fagnaðarerindið án endurgjalds og hagnýti mér ekki það sem ég á rétt á. 
 

Kvöldlestur: Tít 2.1-10

En tala þú það sem sæmir hinni heilnæmu kenningu. Aldraðir karlmenn skulu vera bindindissamir, heiðvirðir, hóglátir, heilbrigðir í trúnni, kærleikanum og þolgæðinu. 

Bæn dagsins

Varðveit mig, Guð, þér treysti ég. Þú verndar mig.

Sálmur (sb. 199)

Og þegar blessuð börnin frá oss deyja,
í bæn og trú þá kenn þú oss að þreyja,
og seg við hvern, er sorgin þyrmir yfir:
Þinn sonur lifir.
(Valdimar Briem)

Minnisvers vikunnar

26. október 2018

Morgunlestur: Lúk 22.31-38

Símon, Símon, Satan krafðist að fá að sælda yður eins og hveiti svo að hismið kæmi í ljós. En ég hef beðið fyrir þér að trú þín þrjóti ekki. Og styrk þú trúsystkin þín þegar þú ert snúinn við."
En Símon sagði við hann: "Drottinn, ég er reiðubúinn að fylgja þér bæði í fangelsi og dauða." 
Jesús mælti: "Ég segi þér, Pétur: Áður en hani galar í dag munt þú þrisvar hafa neitað því að þú þekkir mig." 

Kvöldlestur: 2Tím 4.5-8

Ég hef barist góðu baráttunni, hef fullnað skeiðið, hef varðveitt trúna. Og nú er mér geymdur sveigur réttlætisins sem Drottinn, hinn réttláti dómari, mun gefa mér á þeim degi. Og ekki einungis mér heldur og öllum sem þráð hafa endurkomu hans. 
 

Bæn dagsins

Ég hef barist góðu baráttunni, hef fullnað skeiðið, hef varðveitt trúna. Og nú er mér geymdur sveigur réttlætisins sem Drottinn, hinn réttláti dómari, mun gefa mér á þeim degi. Og ekki einungis mér heldur og öllum sem þráð hafa endurkomu hans.

Sálmur (sb. 199)

Já, þegar sjálfir vér til heljar hnígum
og hinsta fetið lífsins þreyttir stígum,
í sjálfum dauða sagt það verði' oss yfir:
Þinn sonur lifir.
(Valdimar Briem)

Minnisvers vikunnar

27. október 2018

Morgunlestur: 1Kor 7.29-31

En það segi ég, systkin, tíminn er orðinn naumur. Hér eftir skulu jafnvel þau sem gift eru vera eins og þau væru það ekki, þau sem gráta eins og þau grétu ekki, þau sem fagna eins og þau fögnuðu ekki, þau sem kaupa eins og þau héldu ekki því sem þau keyptu, og þau sem njóta heimsins gæða eins og þau færðu sér þau ekki í nyt. Því að heimurinn í núverandi mynd líður undir lok, 

Kvöldlestur: 1Jóh 2.15-17

Elskið hvorki heiminn né það sem í heiminum er. Sá sem elskar heiminn elskar ekki föðurinn. Því að allt sem maðurinn girnist, allt sem glepur augað, allt oflæti vegna eigna er ekki frá föðurnum heldur frá heiminum. Og heimurinn fyrirferst og fýsn hans en sá sem gerir Guðs vilja varir að eilífu. 
 

Bæn dagsins

Góði Guð, um veturinn sjáum við veröldina í svörtu og hvítu. Verndaðu lífið, vermdu hið kalda, vertu mér hjá.

Sálmur (sb. 6)

Drottinn, ó, Drottinn vor,
dagarnir líða, 
allt er að breytast, en aldrei þú.
Ver þú oss veikum hjá,
vernda þína arfleifð.
Líknandi hendi, ó, leið oss nú.
(Níels Steingrímur Thorláksson)

Minnisvers vikunnar

28. október 2018

Morgunlestur: Matt 18.21-35

Þá gekk Pétur til hans og spurði: "Drottinn, hve oft á ég að fyrirgefa bróður mínum ef hann misgerir við mig? Svo sem sjö sinnum?" 
Jesús svaraði: "Ekki segi ég þér sjö sinnum heldur sjötíu sinnum sjö.

Kvöldlestur: Mík 6.6-8

Maður, þér hefur verið sagt hvað gott er
og hvers Drottinn væntir af þér:
þess eins að þú gerir rétt,
ástundir kærleika
og þjónir Guði í hógværð.

Bæn dagsins

Heilagi Guð, kærleikur þinn vinnur bug á valdi hins illa. Við biðjum þig: hjálpa okkur að breytast og batna, svo að við elskum hvert annað eins og þú elskar okkur, að við fyrirgefum hvert öðru, eins og þú fyrirgefur okkur, og styðjum hvert annað eins og þú styður okkur, til þess að fyrirgefningin megi móta heiminn. Þér sé lof að eilífu. Amen.

Sálmur (sb. 187)

Ó, skapari hvað skulda ég?
Ég skulda fyrir vit og mál. 
Mín skuld er stór og skelfileg, 
ég skulda fyrir líf og sál.

(Matthías Jochumsson)

Minnisvers vikunnar

29. október 2018

Morgunlestur: Matt 7.1-5

Dæmið ekki svo að þér verðið ekki dæmd. Því að með þeim dómi, sem þér dæmið, munuð þér dæmd verða og með þeim mæli, sem þér mælið, mun yður mælt verða. Hví sér þú flísina í auga bróður þíns en tekur ekki eftir bjálkanum í auga þínu?

Kvöldlestur: Mrk 11.24-25

Fyrir því segi ég ykkur: Ef þið biðjið Guð um eitthvað og treystið því að þið öðlist það, þá mun hann veita ykkur það. Og þegar þið eruð að biðja, þá fyrirgefið þeim sem hafa gert eitthvað á hlut ykkar til þess að faðir ykkar á himnum fyrirgefi einnig ykkur misgjörðir ykkar.

Bæn dagsins

Vertu, Drottinn, hirðir minn, hjálp mín og huggun. Í Jesú nafni. Amen.

Sálmur (sb. 187)

Ég skulda fyrir öll mín ár
og allar gjafir, fjör og dáð,
í skuld er lán, í skuld er tár,
í skuld er, Drottinn, öll þín náð.

(Matthías Jochumsson)

Minnisvers vikunnar

30. október 2018

Morgunlestur: 1Kor 5.9-13

Ég ritaði ykkur í bréfinu að þið skylduð ekki umgangast saurlífismenn. Átti ég þar ekki við saurlífismenn hér í heimi yfirleitt eða ásælna og ræningja eða hjáguðadýrkendur því að þá hefðuð þið orðið að fara úr heiminum. En nú rita ég ykkur að þið skuluð ekki umgangast nokkurn þann er nefnir sig bróður en er saurlífismaður eða ásælinn, skurðgoðadýrkandi eða lastmáll, ofdrykkjumaður eða ræningi. Þið skuluð jafnvel ekki sitja að borði með slíkum manni.

Kvöldlestur: Esr 9.5-9, 13-15

Vissulega erum vér ánauðug en Guð vor hefur ekki yfirgefið oss í ánauðinni heldur vakið velvild Persakonungs í vorn garð og veitt oss nýtt þrek til að endurbyggja hús Guðs vors og reisa það að nýju úr rústum og hann hefur veitt oss öruggt skjól í Júda og Jerúsalem. 

Bæn dagsins

Vissulega erum vér ánauðug en Guð vor hefur ekki yfirgefið oss í ánauðinni heldur vakið velvild Persakonungs í vorn garð og veitt oss nýtt þrek til að endurbyggja hús Guðs vors og reisa það að nýju úr rústum og hann hefur veitt oss öruggt skjól í Júda og Jerúsalem.

Sálmur (sb. 187)

Ó, skapari, hvað skulda ég?
Í skuld er, Guð, þín eigin mynd.
Ó, mikla skuld, svo skelfileg,
því skemmd er hún af minni synd.

(Matthías Jochumsson)

Minnisvers vikunnar

31. október 2018

Morgunlestur: Róm 14.4-12

En þú, hví dæmir þú bróður þinn? Eða þá þú, hví fyrirlítur þú bróður þinn? Öll munum við verða að standa frammi fyrir dómstóli Guðs. Því að ritað er: "Svo sannarlega sem ég lifi, segir Drottinn, fyrir mér skal hvert kné beygja sig og sérhver tunga vegsama Guð." 
 

Kvöldlestur: Róm 14.13-21

Dæmum því ekki framar hvert annað. Hitt skuluð þið ákveða að verða trúsystkinum ykkar ekki til ásteytingar eða falls. Það veit ég með fullri vissu í trúnni á Drottin Jesú að ekkert er vanheilagt í sjálfu sér nema þá þeim sem heldur eitthvað vanheilagt, honum er það vanheilagt. 

Bæn dagsins

Góði Guð, það er auðveldara að trúa að þú sért hér þegar allt er hljótt. Hjálpaðu okkur að vita að þú ert hér, líka í ys og þys dagsins.

Sálmur (sb. 199)

Og þegar berast burt af tímans straumi
vor börn oss fjær í heimsins mikla glaumi,
þá seg við oss það, sem vér gleðjumst yfir:
Þinn sonur lifir. <br/>
(Valdimar Briem)

Minnisvers vikunnar

01. nóvember 2018

Morgunlestur: 1Kor 9.13-18

Þótt ég sé að boða fagnaðarerindið, þá gefur það mér enga ástæðu til að miklast af því. Ég er knúinn til þess. Vei mér ef ég boða það ekki. Geri ég þetta af frjálsum vilja ber mér að fá laun. En finni ég mig til þess knúinn hefur Guð falið mér ráðsmennsku. Hver eru þá laun mín? Þau að ég boða fagnaðarerindið án endurgjalds og hagnýti mér ekki það sem ég á rétt á. 
 

Kvöldlestur: Tít 2.1-10

En tala þú það sem sæmir hinni heilnæmu kenningu. Aldraðir karlmenn skulu vera bindindissamir, heiðvirðir, hóglátir, heilbrigðir í trúnni, kærleikanum og þolgæðinu. 

Bæn dagsins

Eilífi, trúfasti Guð. Þú kallar okkur til samfélags hinna heilögu sem á öllum tímum og á öllum stöðum vegsama nafn þitt. Við þökkum þér að við fáum að standa fylkingu hinna trúuðu, saman tengd á grunni hinnar góðu játningar í glöðu trausti þess að við munum fá að sjá þig augliti til auglitis. Þér sé lof að eilífu. Amen.

Sálmur (sb. 201)

Sælir þeir, er sárt til finna
sinnar andans nektar hér,
þeir fá bætur þrauta sinna,
þeirra himnaríkið er.
(Sb. 201. Valdimar Briem)

Minnisvers vikunnar

02. nóvember 2018

Morgunlestur: Róm 7.14-25a

Vitað er að lögmálið er andlegt en ég er jarðneskt hold, í greipum syndarinnar. Ég skil ekki hvað ég aðhefst. Það sem ég vil geri ég ekki, hitt sem ég hata, það geri ég. Fyrst ég geri það sem ég vil ekki er ég samþykkur lögmálinu, að það sé gott. En þá er það ekki framar ég sjálfur sem geri þetta heldur syndin sem í mér býr. 

Kvöldlestur: Hlj 3.37-44, 55-57

Rannsökum breytni vora og prófum
og snúum aftur til Drottins.
Fórnum hjarta og höndum
til Guðs í himninum.

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir.

Sálmur (sb. 374)

Þú, Drottinn, átt það allt,
sem öðlumst vér á jörð.
Hver gjöf og fórn, sem færum vér,
er fátæk þakkargjörð.

(Sigurbjörn Einarsson)

Minnisvers vikunnar

03. nóvember 2018

Morgunlestur: 1Jóh 2.(7-11)12-17

Elskið hvorki heiminn né það sem í heiminum er. Sá sem elskar heiminn elskar ekki föðurinn. Því að allt sem maðurinn girnist, allt sem glepur augað, allt oflæti vegna eigna er ekki frá föðurnum heldur frá heiminum. Og heimurinn fyrirferst og fýsn hans en sá sem gerir Guðs vilja varir að eilífu. 

Kvöldlestur: 2Pét 3.13-18

En eftir fyrirheiti hans væntum við nýs himins og nýrrar jarðar þar sem réttlæti býr. <br/>
Með því að þið nú, þið elskuðu, væntið slíkra hluta, þá kappkostið að lifa í friði frammi fyrir honum, flekklaus og vammlaus. 

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir.

Sálmur (sb. 374)

Vor eign og allt vort lán 
þér einum heyrir til.
Þótt gætum vér það gefið allt,
vér gerðum engin skil.

(Sigurbjörn Einarsson)

Minnisvers vikunnar

04. nóvember 2018

Morgunlestur: Matt 22.15-22

Jesús þekkti illsku þeirra og sagði: "Hvers vegna leggið þið snöru fyrir mig, hræsnarar? Sýnið mér peninginn sem goldinn er í skatt."<br/>
Þeir fengu honum denar. Hann spyr: "Hvers mynd og nafn er á peningnum?"<br/>
Þeir svara: "Keisarans." Hann segir: "Gjaldið þá keisaranum það sem keisarans er og Guði það sem Guðs er."<br/>
Þegar þeir heyrðu þetta undruðust þeir, yfirgáfu hann og gengu burt.

Kvöldlestur: Dan 2.16-23

Daníel fór til konungs og bað hann að veita sér frest til að ráða draum hans.
Því næst fór Daníel heim í hús sitt til að greina þeim Hananja, Mísael og Asarja, félögum sínum, frá þessu svo að þeir gætu beðið Guð himnanna hjálpar við að ráða þennan leyndardóm og komist hjá að verða líflátnir með hinum vitringunum í Babýlon.

Bæn dagsins

Guð, þú sem einn ert Drottinn, gef okkur kjark til að fylgja kalli þínu og taka þá áhættu sem felst í frelsinu sem þú kallar okkur til, fyrir Jesú Krist, bróður okkar og Drottinn. Amen.

Sálmur (sb. 205)

Af heimi skattskrift heimtuð er, 
en hvað skal, Drottinn, gjalda þér?
Er annað til en eymd og sekt?
Er annað til en synd og nekt?

(Matthías Jochumsson)

Minnisvers vikunnar

05. nóvember 2018

Morgunlestur: Matt 10.1-10

Og Jesús kallaði til sín lærisveina sína tólf og gaf þeim vald til að reka út óhreina anda og lækna hvers kyns sjúkdóm og veikindi. Nöfn postulanna tólf eru þessi: Fyrstur Símon, sem kallast Pétur, og Andrés bróðir hans, þá Jakob Sebedeusson og Jóhannes bróðir hans, Filippus og Bartólómeus, Tómas og Matteus tollheimtumaður, Jakob Alfeusson og Taddeus, Símon vandlætari og Júdas Ískaríot, sá er sveik hann.
 

Kvöldlestur: 1Kon 18.21-40

Þá gekk Elía fram fyrir allt fólkið og hrópaði: "Hversu lengi ætlið þið að haltra til beggja hliða? Ef Drottinn er Guð, fylgið honum. En ef Baal er Guð, þá fylgið honum." En fólkið svaraði honum ekki einu orði. Þá sagði Elía við fólkið: "Ég er eini spámaður Drottins, sem eftir er, en spámenn Baals eru fjögur hundruð og fimmtíu. Færið okkur nú tvö naut. Þeir skulu velja annað nautið handa sér, lima það sundur og leggja á viðinn án þess að kveikja eld. Ég mun síðan búa hitt nautið til fórnar og leggja það á viðinn en ekki kveikja eld. Þið skuluð ákalla nafn guðs ykkar en ég mun ákalla nafn Drottins. Sá guð sem svarar með eldi, hann einn er Guð." Allt fólkið svaraði og sagði: "Þetta er vel mælt."
 

Bæn dagsins

Drottinn Guð, konungur lífsins, nú þegar ný vinnuvika hefst með amstri sínu og áhyggjum, biðjum vér þess að mega þjóna þér í öllu því sem vér gjörum og uppbyrjum. Leið oss rétta vegu og kenn oss að gjöra það sem er oss hjálpsamlegt. Amen.

Sálmur (sb. 205)

Þín grunnlaus elska sjálf það sá, 
þú sendir frelsið jörðu á,
að fyrra bragði' að bjóða grið
og boða líf og náð og frið.

(Matthías Jochumsson)

Minnisvers vikunnar

06. nóvember 2018

Morgunlestur: Matt 10.11-15

Hvar sem þér komið í borg eða þorp, spyrjist þá fyrir um hver þar sé verðugur og þar sé aðsetur yðar uns þér leggið upp að nýju. Þegar þér komið í hús þá árnið því góðs og sé það verðugt skal friður yðar koma yfir það en sé það ekki verðugt skal friður yðar aftur hverfa til yðar. Og taki einhver ekki við yður né hlýði á orð yðar, farið þá úr því húsi eða þeirri borg og hristið dustið af fótum yðar. Sannlega segi ég yður: Bærilegra mun landi Sódómu og Gómorru á dómsdegi en þeirri borg. 

Kvöldlestur: 1Sam 5.1-5

Þegar þeir fóru á fætur næsta morgun hafði Dagón enn fallið til jarðar og lá á grúfu fyrir framan örk Drottins. Höfuð og hendur höfðu brotnað af Dagón þegar hann féll á þröskuldinn, bolurinn einn var eftir. Þetta er ástæða þess að prestar Dagóns og aðrir, sem ganga í hús Dagóns, stíga aldrei á þröskuld Dagóns í Asdód allt til þessa dags.

Bæn dagsins

Góði Guð, vertu hjá mér í dimmunni, í dimmu myrkrar nætur og í dimmu sorgardagsins. Amen.

Sálmur (sb. 205)

Ó, Guð, minn Guð, ég gjarna vil
þér gjalda það, sem hef ég til,
mitt þakklátt hjarta, hreina sál,
minn huga, vilja, raust og mál.

(Matthías Jochumsson)

Minnisvers vikunnar

07. nóvember 2018

Morgunlestur: Matt 10.16-23

Ég sendi yður eins og sauði meðal úlfa. Verið því kænir sem höggormar og falslausir sem dúfur. Varið yður á mönnunum. Þeir munu draga yður fyrir dómstóla og húðstrýkja yður í samkundum sínum. Þér munuð leiddir fyrir landshöfðingja og konunga mín vegna til þess að bera vitni um mig fyrir þeim og heiðingjunum. En þá er menn draga yður fyrir rétt skuluð þér ekki hafa áhyggjur af því hvernig eða hvað þér eigið að tala. Yður verður gefið á sömu stundu hvað segja skal. Það eruð ekki þér sem talið heldur talar andi föður yðar í yður.
 

Kvöldlestur: Heb 3.1-6

Sérhvert hús hefur einhver gert en Guð er sá sem allt hefur gert. Móse var að sönnu trúr í öllu hans húsi eins og þjónn. Hann átti að vitna um það sem boðað skyldi síðar en Kristur er sonur og er trúað fyrir að ráða yfir húsi hans. Og hans hús erum við ef við höldum djörfunginni og voninni sem við miklumst af. 

Bæn dagsins

Góði Guð, vertu hjá mér í dimmunni, í dimmu myrkrar nætur og í dimmu sorgardagsins. Amen.

Sálmur (sb. 205)

Svo lengi sem ég lifi hér, 
ég lofa skatt að gjalda þér 
í heiðri, þökk og hreinni trú.
Það hjartans loforð meðtak þú.

(Matthías Jochumsson)

Minnisvers vikunnar

08. nóvember 2018

Morgunlestur: Matt 10.24-31

Óttist þá því eigi. Ekkert er hulið sem eigi verður opinbert, né leynt er eigi verður kunnugt. Það sem ég segi yður í myrkri skuluð þér tala í birtu og það sem þér heyrið hvíslað í eyra skuluð þér kunngjöra á þökum uppi. Hræðist ekki þá sem líkamann deyða en fá ekki deytt sálina. Hræðist heldur þann sem megnar að tortíma bæði sálu og líkama í helvíti. Eru ekki tveir spörvar seldir fyrir smápening? Og ekki fellur einn þeirra til jarðar án vitundar föður yðar. Á yður eru jafnvel höfuðhárin öll talin. Verið því óhræddir, þér eruð meira virði en margir spörvar. 

Kvöldlestur: 1Kor 1.10-17

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði.

Sálmur (sb. 205)

Minnisvers vikunnar

09. nóvember 2018

Morgunlestur: Matt 10.32-39

Sá sem ann föður eða móður meir en mér er mín ekki verður og sá sem ann syni eða dóttur meir en mér er mín ekki verður. Hver sem tekur ekki sinn kross og fylgir mér er mín ekki verður. Sá sem ætlar að finna líf sitt týnir því og sá sem týnir lífi sínu mín vegna finnur það. 

Kvöldlestur: 1Kor 3.11-15

Annan grundvöll getur enginn lagt en þann sem lagður er, sem er Jesús Kristur. En ef einhver byggir ofan á grundvöllinn gull, silfur, dýra steina, tré, hey eða hálm, þá mun koma í ljós hvernig verk hvers og eins er. Dagurinn mun leiða það í ljós af því að hann opinberast með eldi og eldurinn mun prófa hvílíkt verk hvers og eins er. Ef það fær staðist sem einhver byggir ofan á mun hann fá laun.

Bæn dagsins

Góði Guð, varðveit mig sem sjáldur augans, fel mig í skugga vængja þinna. Amen.

Sálmur (sb. 205)

Ég sjálfur ekkert á né hef. 
Af auðlegð þinni part mér gef, 
svo geti' eg meira goldið þér. 
Ó, Guð minn, sjálfur lifðu' í mér. 

(Matthías Jochumsson)

Minnisvers vikunnar

10. nóvember 2018

Morgunlestur: Matt 10.40-42

Sá sem tekur við yður tekur við mér og sá sem tekur við mér tekur við þeim er sendi mig. Sá sem tekur við spámanni, vegna þess að hann er spámaður, mun fá spámanns laun og sá sem tekur við réttlátum manni, vegna þess að hann er réttlátur, mun fá laun réttláts manns. Og hver sem gefur einum þessara smælingja svaladrykk vegna þess eins að hann er lærisveinn, sannlega segi ég yður, hann mun alls ekki missa af launum sínum."

Kvöldlestur: 1Kor 3.16-23

Vitið þið eigi að þið eruð musteri Guðs og að andi Guðs býr í ykkur? Ef nokkur eyðir musteri Guðs mun Guð eyða honum því að musteri Guðs er heilagt og þið eruð það musteri. Enginn dragi sjálfan sig á tálar. Ef nokkur ykkar þykist vitur í þessum heimi verði hann fyrst heimskur til þess að hann verði vitur. Því að speki þessa heims er heimska í augum Guðs. Ritað er:
Hann er sá sem sér við klækjum hinna vitru. 

Bæn dagsins

Góði Guð, láttu mig heyra þig hvísla í blíðum vindblænum. (1Kon 19.12)

Sálmur (sb. 205)

Sælir þeir, er sárt til finna 
sinnar andans nektar hér, 
þeir fá bætur þrauta sinna, 
þeirra himnaríkið er.

(Valdimar Briem)

Minnisvers vikunnar

11. nóvember 2018

Morgunlestur: Matt 9.18-26

Kona, sem hafði haft blóðlát í tólf ár, kom þá að baki Jesú og snart fald klæða
hans. Hún hugsaði með sér: "Ef ég fæ aðeins snert klæði hans mun ég heil verða."
Jesús sneri sér við og er hann sá hana sagði hann: "Vertu hughraust, dóttir, trú þín
hefur bjargað þér." Og konan varð heil frá þeirri stundu.

Kvöldlestur: Préd 3.1-14

Öllu er afmörkuð stund og sérhver hlutur undir himninum hefur sinn tíma. 
Að fæðast hefur sinn tíma og að deyja hefur sinn tíma, 
að gróðursetja hefur sinn tíma og að rífa upp hið gróðursetta hefur sinn tíma, 
að deyða hefur sinn tíma og að lækna hefur sinn tíma, 
að rífa niður hefur sinn tíma og að byggja upp hefur sinn tíma, 
að gráta hefur sinn tíma og að hlæja hefur sinn tíma, 

Bæn dagsins

Kristur, upprisinn frá dauðum, við þökkum þér að ekkert getur skilið okkur frá þér. Hjálpa okkur í óttanum við lífið. Hjálpa okkur frá óttanum við dauðann. Ekkert fær spillt lífi þínu eða eyðilagt það. Gef okkur hlutdeild í því, þú sem lifir og ríkir með Guði föður í heilögum anda í dýrð og heiðri að eilífu. Amen

Sálmur (sb. 207)

Sú trú, sem fjöllin flytur, 
oss fári þyngstu ver, 
ei skaða skeyti bitur, 
þann skjöld ef berum vér, 
í stormum lífs hún styður 
og styrkir hjörtu þreytt, 
í henni' er fólginn friður, 
sem fær ei heimur veitt. 

(Helgi Hálfdánarson)

Minnisvers vikunnar

12. nóvember 2018

Morgunlestur: Heb 11.1-7

Trúin er fullvissa um það sem menn vona, sannfæring um þá hluti sem eigi er auðið að sjá. Fyrir trú hlutu mennirnir fyrr á tíðum velþóknun Guðs. 
Fyrir trú skiljum við að Guð skapaði heimana með orði sínu og að hið sýnilega varð til af hinu ósýnilega. 

Kvöldlestur: Heb 11.8-16

Fyrir trú hlýddi Abraham, er hann var kallaður, og fór burt til staðar sem hann átti að fá til eignar. Hann fór burt og vissi ekki hvert leiðin lá. Fyrir trú settist hann að í hinu fyrirheitna landi eins og útlendingur og hafðist við í tjöldum ásamt Ísak og Jakobi sem Guð hafði heitið því sama og honum. Því að hann vænti þeirrar borgar sem hefur traustan grunn, þeirrar sem Guð hannaði og reisti. 

Bæn dagsins

Drottinn minn og Guð minn. Kenndu mér að lifa eftir þínum vilja, því að þú ert minn Guð. Láttu þinn góða anda leiða mig um réttan veg til eilífs lífs. Amen.

Sálmur (sb. 207)

Minn Jesús, lát ei linna 
í lífi trú mér hjá, 
svo faldi fata þinna 
ég fái þreifað á 
og kraftinn megi kanna, 
sem kemur æ frá þér 
til græðslu meinum manna 
og mesta blessun lér.

(Helgi Hálfdánarson)

Minnisvers vikunnar

13. nóvember 2018

Morgunlestur: 2Tím 1.6-12

Því að ekki gaf Guð okkur anda hugleysis heldur anda máttar og kærleiks og stillingar. 

Kvöldlestur: Jóh 3.16-21

Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf. Guð sendi ekki soninn í heiminn til að dæma heiminn heldur til þess að frelsa hann. 
Sá sem trúir á son Guðs dæmist ekki. Sá sem trúir ekki er þegar dæmdur því að hann hefur ekki trúað á nafn Guðs sonarins eina.

Bæn dagsins

Guð, gef mér ljósið þitt, kraft þinn og gleði, í Jesú nafni. Amen.

Sálmur (sb. 207)

Í trú mig styrk að stríða 
og standast eins og ber, 
í trú mig láttu líða, 
svo líki, Drottinn, þér. 
Er dauðans broddur bitur 
mér beiskri veldur þrá, 
þá trú, er fjöllin flytur, 
mig friða láttu þá.

(Helgi Hálfdánarson)

Minnisvers vikunnar

14. nóvember 2018

Morgunlestur: Matt 22.23-33

En Jesús svaraði þeim: „Þið villist því að þið þekkið ekki ritningarnar né mátt Guðs. Í upprisunni kvænast menn hvorki né giftast. Þeir eru sem englar á himni. En um upprisu dauðra ættuð þið að hafa lesið það sem Guð segir við ykkur: Ég er Guð Abrahams, Guð Ísaks og Guð Jakobs. Ekki er hann Guð dauðra heldur lifenda.“ 
 

Kvöldlestur: 1Kor 15.35-43

En nú kynni einhver að spyrja: „Hvernig rísa dauðir upp? Hvaða líkama hafa þeir þegar þeir koma?“ Heimskulega spurt! Það sem þú sáir lifnar ekki aftur nema það deyi. Og er þú sáir þá er það ekki sú jurt er vex upp síðar sem þú sáir, heldur bert frækornið, hvort sem það nú heldur er hveitikorn eða annað fræ. En Guð gefur því líkama eftir vild sinni og hverri sæðistegund sinn líkama.

Bæn dagsins

Guð. Í deginum búa væntingar og vonir okkar. Guð, gefðu okkur kjark og styrk svo væntingarnar verði að veruleika og vonir okkar alltaf Guði faldar. Amen.

Sálmur (sb. 201)

Sælir þeir, er sýta' og gráta. 
Sorgin beisk þó leggist á, 
Guð mun hugga, Guð mun láta 
gróa sár og þorna brá.

(Valdimar Briem)

Minnisvers vikunnar

15. nóvember 2018

Morgunlestur: 2Kor 2.14 -17

En Guði séu þakkir sem fer með mig í óslitinni sigurför Krists og lætur mig alls staðar breiða út þekkinguna um sig eins og þekkan ilm. Því að Guði til dýrðar er ég ilmur sem flyt Krist bæði til þeirra sem frelsast og til þeirra sem glatast.

Kvöldlestur: 2Kor 5.1-10

Við vitum að þótt jarðnesk tjaldbúð okkar verði rifin niður þá höfum við hús frá Guði, eilíft hús á himnum sem eigi er með höndum gert. Á meðan andvörpum við og þráum að íklæðast húsi okkar frá himnum. Þegar við íklæðumst því munum við ekki standa uppi nakin. En á meðan við erum í tjaldbúðinni stynjum við mædd. Við viljum ekki afklæðast forgengilegum líkama okkar heldur íklæðast óforgengilegum líkama til þess að dauðleg tilvera okkar umbreytist og verði eilíf. En það er Guð sem er að verki í okkur og gerir okkur þetta fært og hann hefur gefið okkur anda sinn sem tryggingu. 
 

Bæn dagsins

Í svölum deginum mæti ég þér Guð. Legg lífið mitt í þínar hendur, fjölskyldu mína og ástvini. Fylgdu mér í ferð dagsins. Amen.

Sálmur (sb. 201)

Sælir þeir, sem hógvært hjarta 
hafa' í líking frelsarans. 
Þeir, sem helst með hógværð skarta, 
hlutdeild fá í arfleifð hans. 

(Valdimar Briem)

Minnisvers vikunnar

16. nóvember 2018

Morgunlestur: Heb 11.17-22

Fyrir trú fórnfærði Abraham Ísak er hann var reyndur. Og Abraham, sem fengið hafði fyrirheitin, var reiðubúinn að fórnfæra einkasyni sínum. Við Abraham hafði Guð mælt: „Afkomendur Ísaks munu taldir verða niðjar þínir.“ Hann hugði að Guð væri þess jafnvel megnugur að vekja upp frá dauðum og hann heimti líka son sinn úr helju ef svo má að orði komast. 
 

Kvöldlestur: Heb 11.23-31

Fyrir trú leyndu foreldrar Móse honum í þrjá mánuði eftir fæðingu hans af því að þeir sáu að sveinninn var fríður og létu eigi skelfast af skipun konungsins. Fyrir trú hafnaði Móse því er hann var orðinn fulltíða maður að vera talinn dóttursonur faraós og kaus fremur að þola illt með lýð Guðs en njóta skammvinns unaðar af syndinni.

Bæn dagsins

Kæri Guð. Hafsjór tilfinninga, gleði og kvíði fylgja komu nýs dags, vaktu yfir mér í erli dagsins, bæði í meðbyr og mótbyr. Amen.

Sálmur (sb. 201)

Sælir þeir, sem þess hins rétta 
þorsta' og hungurs finna til. 
Þeim skal svala, þá skal metta, 
þeim skal snúast allt í vil.

(Valdimar Briem)

Minnisvers vikunnar

17. nóvember 2018

Morgunlestur: Opb 2.12-17

Engli safnaðarins í Pergamos skaltu rita: 
Þetta segir sá sem hefur sverðið tvíeggjaða og beitta: Ég veit að þú býrð þar sem hásæti Satans er. Samt hefur þú verið mér trúr og ekki afneitað trúnni á mig, jafnvel ekki á dögum Antípasar, míns trúa vottar, sem deyddur var hjá yður þar sem Satan býr. 

Kvöldlestur: Opb 21.1-7

Og ég sá nýjan himin og nýja jörð því að hinn fyrri himinn og hin fyrri jörð voru horfin og hafið var ekki framar til. Og ég sá borgina helgu, nýja Jerúsalem, stíga niður af himni frá Guði, búna sem brúði er skartar fyrir manni sínum. Og ég heyrði raust mikla frá hásætinu er sagði: „Sjá, tjaldbúð Guðs er meðal mannanna og hann mun búa hjá þeim og þeir munu vera fólk hans og Guð sjálfur mun vera hjá þeim, Guð þeirra. Og hann mun þerra hvert tár af augum þeirra. Og dauðinn mun ekki framar til vera, hvorki harmur né vein né kvöl er framar til. Hið fyrra er farið.“ 
 

Bæn dagsins

Kærleiksríki Guð. Í þögninni á ég engin orð aðeins hugsanir sem leita til þín. Þú einn þekkir hugsanir mínar. Þökk almáttugi Guð. Amen.

Sálmur (sb. 201)

Sælir þeir, sem vorkunn veita,
vægan dóm þeir skulu fá. 
Eins og þeir við aðra breyta 
aftur verður breytt við þá. 

(Valdimar Briem)

Minnisvers vikunnar

18. nóvember 2018

Morgunlestur: Matt 25.1-13

Meðan þær voru að kaupa kom brúðguminn og þær sem viðbúnar voru gengu með honum inn til brúðkaupsins og dyrum var lokað. 
Seinna komu hinar meyjarnar og sögðu: Herra, herra, ljúk upp fyrir oss. En hann svaraði: Sannlega segi ég yður, ég þekki yður ekki. 
Vakið því, þér vitið ekki daginn né stundina.

Kvöldlestur: Sef 3.14-17

Hrópaðu af gleði, Síonardóttir!
Fagnaðu hástöfum, Ísrael!
Þú skalt kætast og gleðjast af öllu hjarta,
dóttirin Jerúsalem.

Bæn dagsins

Drottinn, hjálpa mér að efast ekki um að þú ert Guð - að Jesús er frelsari minn - að þú ert hjá mér með heilögum anda þínum. Amen.

Sálmur (sb. 204)

Fyrir þá alla, er fá nú hvíld hjá þér, 
en forðum trúarstyrkir börðust hér, 
þér vegsemd, Jesús, þökk og heiður ber.
Hallelúja, hallelúja. 

(Valdimar V. Snævarr)

Minnisvers vikunnar

19. nóvember 2018

Morgunlestur: Lúk 19.11-28

Jesús sagði þeim sem höfðu hlýtt á hann aðra dæmisögu því að hann var í nánd við Jerúsalem og þeir ætluðu að Guðs ríki mundi þegar birtast. Hann sagði: "Maður nokkur tiginborinn fór í fjarlægt land til þess að taka við konungdómi og koma síðan aftur. Hann kallaði tíu þjóna sína, seldi þeim í hendur tíu pund og sagði við þá: Verslið með þetta þangað til ég kem. En landar hans hötuðu hann og gerðu sendimann á eftir honum til að segja: Við viljum ekki að þessi maður verði konungur yfir okkur. 
Nú kom hann aftur og hafði tekið konungdóm. Þá lét hann kalla fyrir sig þjóna þá er hann hafði selt féð í hendur til þess að vita hvað hver hefði grætt. 
Hinn fyrsti kom og sagði: Herra, pund þitt hefur ávaxtast um tíu pund. Konungur sagði við hann: Gott, þú góði þjónn, þú varst trúr í mjög litlu og því skaltu ráða fyrir tíu borgum. Annar kom og sagði: Pund þitt, herra, hefur gefið af sér fimm pund. Hann sagði eins við hann: Þú skalt og vera yfir fimm borgum. Enn kom einn og sagði: Herra, hér er pund þitt. Ég hef haft það geymt í dúki því að ég var hræddur við þig en þú ert maður strangur og tekur það út sem þú lagðir ekki inn og uppskerð það sem þú sáðir ekki. Konungur segir við hann: Illi þjónn, eftir orðum þínum dæmi ég þig. Þú vissir að ég er maður strangur, sem tek það út sem ég lagði ekki inn og uppsker það sem ég sáði ekki. Hvers vegna léstu þá ekki fé mitt í banka? Þá hefði ég fengið það með vöxtum er ég kom heim. 

Kvöldlestur: Lúk 16.1-9

Hann kallaði nú á skuldunauta húsbónda síns, hvern og einn. Við þann fyrsta sagði hann: Hve mikið skuldar þú húsbónda mínum? Hann svaraði: Hundrað kvartil viðsmjörs. Hann mælti þá við hann: Tak skuldabréf þitt, set þig niður og skrifa sem skjótast fimmtíu. Síðan sagði hann við annan: En hvað skuldar þú? Hann svaraði: Hundrað tunnur hveitis. Og hann sagði honum: Tak þú skuldabréf þitt og skrifa áttatíu. 
Og húsbóndinn hrósaði svikula ráðsmanninum fyrir að hafa breytt kænlega. Því að börn þessa heims eru kænni í skiptum við sína kynslóð en börn ljóssins. 
Og ég segi ykkur: Notið hinn rangláta mammón til þess að eignast vini sem taki við ykkur í eilífar tjaldbúðir þegar hann er uppurinn. 
Sá sem er trúr í því smæsta er einnig trúr í miklu og sá sem er ótrúr í því smæsta er og ótrúr í miklu.

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði. Amen.

Sálmur (sb. 204)

Þú varst þeim sjálfur varnarskjólið traust, 
á voðans stund þeir heyrðu þína raust, 
og geisli frá þér gegnum sortann braust.
Hallelúja, hallelúja. 

(Valdimar V. Snævarr)

Minnisvers vikunnar

20. nóvember 2018

Morgunlestur: 1Mós 19.12-29 (að vali)

Þá lét Drottinn rigna yfir Sódómu og Gómorru eldi og brennisteini frá Drottni af himni. Eyddi hann borgirnar og allt sléttlendið, ásamt þeim sem bjuggu í borgunum, og gróður jarðar. En kona Lots leit um öxl og varð að saltstólpa.
Snemma morguns varð Abraham gengið þangað sem hann hafði staðið frammi fyrir Drottni og hann horfði í átt til Sódómu og Gómorru og yfir allt sléttlendið. Sá hann þá hvar reykur steig upp af jörðinni, líkt og reykur úr bræðsluofni.
Guð minntist Abrahams er hann eyddi borgirnar á sléttlendinu og hann leiddi Lot úr eyðingunni þegar hann eyddi borgirnar sem Lot hafði búið í.

Kvöldlestur: Heb 10.26-31

Því að ef við syndgum af ásettu ráði, eftir að hafa öðlast þekkingu á sannleikanum, þá er úr því enga fórn að fá fyrir syndirnar heldur er það óttaleg bið eftir dómi og heitum eldi sem eyða mun andstæðingum Guðs. Sá er að engu hefur lögmál Móse verður vægðarlaust líflátinn ef tveir eða þrír vottar bera. Hve miklu þyngri hegning ætlið þið þá ekki að sá muni vera talinn verðskulda er fyrirlítur son Guðs og metur einskis blóðið, sem sáttmálinn var grundvallaður á, og smánar anda náðarinnar? 

Bæn dagsins

Drottinn, hjálpa mér að muna að ekkert það mun henda í dag sem þú og ég getum ekki ráðið við í félagi.

Sálmur (sb. 204)

Ó, mættum vér gegn heimi heyja stríð,
sem helgir vottar þínir fyrr og síð,
og öðlast krónu lífs, er lýkur hríð.
Hallelúja, hallelúja.

(Valdimar V. Snævarr)

Minnisvers vikunnar

21. nóvember 2018

Morgunlestur: Róm 2.1-11

Því hefur þú, maður, sem dæmir, enga afsökun hver sem þú ert. Um leið og þú dæmir annan dæmir þú sjálfan þig því að þú, sem dæmir, fremur hið sama. Við vitum að Guð dæmir þá með réttu sem slíkt fremja. Hyggur þú, maður, sem dæmir þá er þvílíkt fremja og gerir sjálfur hið sama, að þú munir umflýja dóm Guðs? Eða forsmáir þú hans miklu gæsku, þolinmæði hans og biðlund og lætur þér ekki skiljast að gæska Guðs vill leiða þig til afturhvarfs? En þverúð þín og fráhvarf hjartans frá Guði safnar að sjálfum þér reiði sem mætir þér á degi reiðinnar þegar Guð birtir réttlátan dóm sinn. 

Kvöldlestur: Lúk 13.1-9

Þá sagði Jesús þeim þessa dæmisögu: "Maður nokkur átti fíkjutré gróðursett í víngarði sínum. Hann kom og leitaði ávaxtar á því og fann ekki. Hann sagði þá við víngarðsmanninn: Í þrjú ár hef ég nú komið og leitað ávaxtar á fíkjutré þessu og ekki fundið. Högg það upp. Hví á það að vera engum til gagns? En hann svaraði honum: Herra, lát það standa enn þetta ár þar til ég hef grafið um það og borið að áburð. Má vera að það beri ávöxt síðan. Annars skaltu höggva það upp."
 

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 204)

Þótt hugdirfð bregðist, hjartans kólni glóð,
ó, heyr! Í fjarska óma sigurljóð,
sem hjörtun styrkja, hressa dapran móð.
Hallelúja, hallelúja.

(Valdimar V. Snævarr)

Minnisvers vikunnar

22. nóvember 2018

Morgunlestur: Sír 17.16-24

 Öll verk manna eru honum svo augljós sem sólin, 
án afláts hvíla augu hans á vegum þeirra. 
 Rangindi þeirra eru ekki hulin Drottni, 
syndir þeirra allar blasa við honum. 
 Drottinn er góður og þekkir þá sem hann skóp, 
hann sleppir þeim ekki, svíkur þá ekki, heldur miskunnar þeim. 
 Drottinn metur miskunnsemi manns sem innsiglishring, 
hann gætir góðvildar manns sem sjáaldurs augans. 

Kvöldlestur: Lúk 21.11-19

þá verða landskjálftar miklir og drepsóttir og hungur á ýmsum stöðum en ógnir og tákn mikil á himni.
En á undan öllu þessu munu menn leggja hendur á yður, ofsækja yður, færa yður fyrir samkundur og í fangelsi og draga yður fyrir konunga og landshöfðingja sakir nafns míns. Þetta veitir yður tækifæri til að bera mér vitni. 

Bæn dagsins

Vertu, Guð faðir, faðir minn, í frelsarans Jesú nafni. Hönd þín leiði mig út og inn, svo allri synd ég hafni. Amen.

Sálmur (sb. 204)

Í vestri kvöldsins bjarmi boðar frið, 
og brátt fær hvíld hið þreytta, trúa lið,
og Paradísar heilagt opnast hlið.
Hallelúja, hallelúja.

(Valdimar V. Snævarr)

Minnisvers vikunnar

23. nóvember 2018

Morgunlestur: Opb 2.8-11

Engli safnaðarins í Smyrnu skaltu rita:
Þetta segir sá fyrsti og síðasti, sá sem dó og varð aftur lifandi: Ég þekki þrengingu þína og fátækt - en þú ert samt auðugur. Ég veit hvernig þú ert hrakyrtur af þeim sem segja sjálfa sig vera Gyðinga en eru það ekki heldur samkunda Satans. 

Kvöldlestur: 2Þess 1.3-10

Skylt er okkur, bræður og systur, og maklegt að þakka Guði ætíð fyrir ykkur því að trú ykkar eykst stórum og kærleiki ykkar allra hvers til annars fer vaxandi. Því get ég miklast af ykkur í söfnuðum Guðs fyrir þolgæði ykkar og trú í öllum ofsóknum ykkar og þrengingum þeim er þið þolið. 

Bæn dagsins

Góði Guð, varðveit mig sem sjáldur augans, fel mig í skugga vængja þinna. Amen.

Sálmur (sb. 204)

Og sjá - þá aftur dýrri dagur skín,
er Drottinn kallar trúu börnin sín
til lífs í sælu, sem ei framar dvín.
Hallelúja, hallelúja.

(Valdimar V. Snævarr)

Minnisvers vikunnar

24. nóvember 2018

Morgunlestur: Opb 20.11-15

Og ég sá mikið hvítt hásæti og þann sem í því sat. Frá augliti hans flúðu himinn og jörð en fundu engan stað. Og ég sá þá dauðu, stóra og smáa, standa frammi fyrir hásætinu og bókunum var lokið upp. Þá var annarri bókinni lokið upp, það var lífsins bók. Og hinir dauðu voru dæmdir eftir verkum sínum eins og ritað var í bókunum. Og hafið skilaði hinum dauðu sem í því voru og dauðinn og hel skiluðu þeim dauðu sem í þeim voru og sérhver hlaut dóm eftir verkum sínum. Og dauðanum og helju var kastað í eldsdíkið. Eldsdíki er hinn annar dauði. 

Kvöldlestur: 2Kor 5.1-10

Ég er því ávallt hughraustur þótt ég viti að meðan ég lifi á jörðinni er ég að heiman frá Drottni því að við lifum í trú án þess að sjá. Já, ég er hughraustur og mig langar öllu fremur til að hverfa burt úr líkamanum og vera heima hjá Drottni. Þess vegna kosta ég kapps um, hvort sem ég er heima eða að heiman, að vera honum þóknanlegur. 

Bæn dagsins

Ó, Guð allra. Þú sem skapaðir allar þjóðir í þinni mynd með stórkostlegri fjölbreytni í tungumálum og menningu. Frelsa okkur frá fordómum og ótta svo að við fáum séð andlit þitt í andlitum fólks um heim allan. Fyrir Jesús Krist, Amen. (Koinonia)

Sálmur (sb. 302)

Frá heimskauti einu til annars það nær,
þótt önnur tré falli, þá sífellt það grær,
þess greinar ná víðar og víðar um heim,
uns veröldin öll fær sitt skjól undir þeim.

(Valdimar Briem)

Minnisvers vikunnar

25. nóvember 2018

Morgunlestur: Matt 25.31-46

Þá munu þeir réttlátu segja: Drottinn, hvenær sáum vér þig hungraðan og gáfum þér að eta eða þyrstan og gáfum þér að drekka? Hvenær sáum vér þig gestkominn og hýstum þig, nakinn og klæddum þig? Og hvenær sáum vér þig sjúkan eða í fangelsi og komum til þín? Konungurinn mun þá svara þeim: Sannlega segi ég yður: Allt sem þér gerðuð einum minna minnstu bræðra, það hafið þér gert mér.

Kvöldlestur: Dan 7.2, 13-14

greinir Daníel svo frá:
Í nætursýn minni sá ég hvernig himinvindarnir fjórir ýfðu hafið mikla.

Ég horfði á í nætursýnum
og sá þá einhvern koma á skýjum himins,
áþekkan mannssyni.
Hann kom til Hins aldna
og var leiddur fyrir hann.
Honum var falið valdið,
tignin og konungdæmið
og allir menn, þjóðir og tungur
skyldu lúta honum.
Veldi hans er eilíft
og líður aldrei undir lok,
á konungdæmi hans verður enginn endir.

Bæn dagsins

Eilífi Guð, þegar þú kemur til dóms munu orð okkar og verk verða að engu. Von okkar er Kristur. Af því að hann hefur fórnað sér fyrir okkur og tekið á sig refsingu okkar biðjum við: Lít til hans en ekki okkar og sýkna okkur hans vegna, við tilbiðjum hann ásamt þér og heilögum anda að eilífu. Amen.

Sálmur (sb. 64)

Vakna, Síons verðir kalla
ó, vakna, hljómar röddin snjalla.
Þú Jerúsalem, borg Guðs brátt. 
Hyggin vert og hugsa eigi,
að hér til hvíldar bjóða megi,
þótt yfir standi aldimm nátt.
Sjá, Herrann kemur nær,
kom, brúður, honum nær.
Blys lát brenna
og gleðst í lund,
á Guðs þíns fund 
hann leiðir þig við ljúfa mund.

(Stefán Thorarensen)

Minnisvers vikunnar

26. nóvember 2018

Morgunlestur: Lúk 12.42-48, Tób 13.10-22

Drottinn mælti: "Hver er sá trúi og hyggni ráðsmaður sem húsbóndinn setur yfir hjú sín að gefa þeim skammtinn á réttum tíma? Sæll er sá þjónn er húsbóndinn finnur breyta svo er hann kemur. Ég segi yður með sanni: Hann mun setja hann yfir allar eigur sínar.

Kvöldlestur: Lúk 12.35-40

Verið vel tygjaðir og látið ljós yðar loga og verið líkir þjónum er bíða þess að húsbóndi þeirra komi úr brúðkaupi og þeir geti lokið upp fyrir honum um leið og hann kemur og knýr dyra. Sælir eru þeir þjónar sem húsbóndinn finnur vakandi er hann kemur. Sannlega segi ég yður, hann mun búa sig, láta þá setjast að borði og koma og þjóna þeim. 

Bæn dagsins

Þakka þér þennan nýja dag, lát mig færa honum eitthvað gott. Lát mig gera úr honum eitthvað gott. Lát mig þiggja af honum eitthvað gott. Amen.

Sálmur (sb. 64)

Síon hljóminn helga nemur, 
sig hún skyndi býr og kemur 
og ástvin breiðir arma mót. 
Sjá, hann birtist, son Guðs fríður, 
í sannleiksvaldi, náðarblíður, 
sú morgunstjarna´og meinabót. 
þú, Herra´, ens hæsta son, 
vor huggun, gleði´og von. 
Hósíanna! 
Með fögnuð vér
nú fylgjum þér
í himnadýrð, sem eilíf er.

(Stefán Thorarensen)

Minnisvers vikunnar

27. nóvember 2018

Morgunlestur: Heb 12.12-17

Réttið því úr máttvana höndum og magnþrota knjám. Látið fætur ykkar feta beinar brautir til þess að hið fatlaða vindist ekki úr liði en verði heilt.
Stundið frið við alla menn og heilagt líferni því að án þess fær enginn litið Drottin. Hafið gát á að enginn missi af náð Guðs, að engin beiskjurót renni upp sem truflun valdi og margir saurgist af. 

Kvöldlestur: Lúk 13.22-30

"Kostið kapps um að komast inn um þröngu dyrnar því að margir, segi ég yður, munu reyna að komast inn og ekki geta. Þegar húsbóndinn stendur upp og lokar dyrum og þér takið þá að standa fyrir utan og knýja á dyr og segja: Herra, ljúk þú upp fyrir oss! mun hann svara yður: Ég veit ekki hvaðan þér eruð.

Bæn dagsins

Góði Guð, það er auðveldara að trúa að þú sért hér þegar allt er hljótt. Hjálpaðu okkur að vita að þú ert hér, líka í ys og þys dagsins.

Sálmur (sb. 64)

Eilíft lof með einum rómi
þér inna skal, Guðs dýrðarljómi, 
með englum sælum uppi þar,
þar sem lífsins geislar glitra
frá guðdómstóli hins alvitra,
sem með sér ann oss eilífðar.
Hvað auga aldrei sá.
og eyra mátti' ei ná,
vér nú sjáum.
Ó, Herra, þér,
sem hjörtum sér, 
um eilífð syngjum vegsemd vér. 

(Stefán Thorarensen)

Minnisvers vikunnar

28. nóvember 2018

Morgunlestur: Heb 12.22-29

Gætið þess að þið hafnið ekki þeim sem talar. Þeir sem höfnuðu þeim er gaf guðlega bendingu á jörðu komust ekki undan. Miklu síður munum við komast undan ef við gerumst fráhverf honum er gefur guðlega bendingu frá himnum.

Kvöldlestur: Mrk 13.3-37

En Jesús tók að segja þeim: "Varist að láta nokkurn leiða yður í villu. Margir munu koma í mínu nafni og segja: Það er ég! og marga munu þeir leiða í villu. En þegar þér spyrjið hernað og ófriðartíðindi þá skelfist ekki. Þetta á að verða en endirinn er ekki þar með kominn. Þjóð mun rísa gegn þjóð og ríki gegn ríki, þá verða landskjálftar á ýmsum stöðum og hungur. Þetta er upphaf fæðingarhríðanna. 

Bæn dagsins

Úr þeim yndisheimi, sem enginn maður sér, andinn helgi líður lýsir mér og þér.

Sálmur (sb. 310)

Nú stendur yfir mín náðartíð,
nauðsyn er þess ég gætti.
Líður mig Drottins biðlund blíð,
brot mín svo kvittast mætti.

(Hallgrímur Pétursson (Ps. 8))

Minnisvers vikunnar

29. nóvember 2018

Morgunlestur: Esk 43.1-7a

Dýrð Drottins fór inn í húsið um hliðið sem snýr í austur. En andinn hóf mig upp og fór með mig inn í innri forgarðinn. Þá sá ég að húsið var fullt af dýrð Drottins. 

Kvöldlestur: Heb 4.3-11

Hefði Jósúa leitt þá til hvíldar þá hefði Guð ekki síðar meir talað um annan dag. Enn stendur þá til boða sabbatshvíld fyrir lýð Guðs. Því að sá sem gengur inn til hvíldar hans fær hvíld frá verkum sínum eins og Guð hvíldist eftir sín verk. Kostum því kapps um að ganga inn til þessarar hvíldar til þess að enginn óhlýðnist eins og þeir og falli. 

Bæn dagsins

Varðveit mig, Guð, þér treysti ég. Þú verndar mig.

Sálmur (sb. 310)

Ef ég þá tíð, sem Guð mér gaf, 
gálaus forsóma næði, 
Drottins tími þá tekur af 
tvímælin öll í bræði.

(Hallgrímur Pétursson (Ps. 8))

Minnisvers vikunnar

30. nóvember 2018

Morgunlestur: 1Pét 4.12-19

Þið elskuðu, látið ykkur ekki undra eldraunina, sem yfir ykkur er komin, eins og eitthvað áður óþekkt hendi ykkur. Gleðjist heldur er þið takið þátt í píslum Krists til þess að þið megið einnig gleðjast og fyllast fögnuði þegar dýrð hans birtist. Sæl eruð þið þegar menn smána ykkur vegna nafns Krists. Andi dýrðarinnar, andi Guðs, hvílir þá yfir ykkur. 

Kvöldlestur: Opb 21.9-27

Nú kom einn af englunum sjö, sem héldu á skálunum sjö, sem fullar voru af síðustu plágunum sjö, og talaði við mig og sagði: "Kom hingað og ég mun sýna þér brúðina, eiginkonu lambsins." Og hann flutti mig í anda upp á mikið og hátt fjall og sýndi mér borgina helgu, Jerúsalem, sem steig niður af himni frá Guði. Hún hafði dýrð Guðs. Ljómi hennar var líkur dýrasta steini, sem jaspissteinn kristalskær.

Bæn dagsins

Svara mér, Guð minn, minntu mig á umhyggju þína, því ég treysti þér. Vísa mér veg þinn.

Sálmur (sb. 310)

Guðs vegna að þér gá, mín sál,
glæpum ei lengur safna,
gjörum iðrun, því meir en mál
mun vera synd að hafna.

(Hallgrímur Pétursson (Ps. 8))

Minnisvers vikunnar

01. desember 2018

Morgunlestur: 2Pét 3.3-13

Ekki er Drottinn seinn á sér með fyrirheitið þótt sumir álíti það seinlæti, heldur er hann langlyndur við ykkur þar eð hann vill ekki að neinn glatist heldur að allir komist til iðrunar. 

Kvöldlestur: Opb 22.1-5

Engin bölvun mun framar til vera. Og hásæti Guðs og lambsins mun vera í borginni og þjónar hans munu þjóna honum. Þeir munu sjá ásjónu hans og nafn hans mun vera á ennum þeirra. Nótt mun ekki framar til vera og þeir þurfa hvorki lampaljós né sólarljós því að Drottinn Guð skín á þá og þeir munu ríkja um aldir alda. 

Bæn dagsins

Góði Guð, um veturinn sjáum við veröldina í svörtu og hvítu. Verndaðu lífið, vermdu hið kalda, vertu mér hjá.

Sálmur (sb. 119)

Þótt holdið liggi lágt og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

01. desember 2018

Morgunlestur: 2Pét 3.3-13

Ekki er Drottinn seinn á sér með fyrirheitið þótt sumir álíti það seinlæti, heldur er hann langlyndur við ykkur þar eð hann vill ekki að neinn glatist heldur að allir komist til iðrunar. 

Kvöldlestur: Opb 22.1-5

Engin bölvun mun framar til vera. Og hásæti Guðs og lambsins mun vera í borginni og þjónar hans munu þjóna honum. Þeir munu sjá ásjónu hans og nafn hans mun vera á ennum þeirra. Nótt mun ekki framar til vera og þeir þurfa hvorki lampaljós né sólarljós því að Drottinn Guð skín á þá og þeir munu ríkja um aldir alda. 

Bæn dagsins

Góði Guð, um veturinn sjáum við veröldina í svörtu og hvítu. Verndaðu lífið, vermdu hið kalda, vertu mér hjá.

Sálmur (sb. 119)

Þótt holdið liggi lágt og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

01. desember 2018

Morgunlestur: 2Pét 3.3-13

Ekki er Drottinn seinn á sér með fyrirheitið þótt sumir álíti það seinlæti, heldur er hann langlyndur við ykkur þar eð hann vill ekki að neinn glatist heldur að allir komist til iðrunar. 

Kvöldlestur: Opb 22.1-5

Engin bölvun mun framar til vera. Og hásæti Guðs og lambsins mun vera í borginni og þjónar hans munu þjóna honum. Þeir munu sjá ásjónu hans og nafn hans mun vera á ennum þeirra. Nótt mun ekki framar til vera og þeir þurfa hvorki lampaljós né sólarljós því að Drottinn Guð skín á þá og þeir munu ríkja um aldir alda. 

Bæn dagsins

Góði Guð, um veturinn sjáum við veröldina í svörtu og hvítu. Verndaðu lífið, vermdu hið kalda, vertu mér hjá.

Sálmur (sb. 119)

Þótt holdið liggi lágt og læst í dróma,
fær andinn hafist hátt
í himinljóma.
Hann fylgir Drottni
fjalls á tindinn bjarta,
þar fögur útsjón er,
Guðs undradjúp þar sér
hið hreina hjarta.
(Valdimar Briem)

Minnisvers vikunnar

02. desember 2018

Morgunlestur: Lúk 4.16-21

Jesús kom til Nasaret, þar sem hann var alinn upp, og fór að vanda sínum á hvíldardegi í samkunduna og stóð upp til að lesa. Var honum fengin bók Jesaja spámanns. Hann lauk upp bókinni og fann staðinn þar sem ritað er:
Andi Drottins er yfir mér 
af því að hann hefur smurt mig.

Kvöldlestur: Jer 33.14-16

Á þeim dögum mun Júda bjargað og Jerúsalem verða óhult. Þetta nafn verður henni gefið: Drottinn er réttlæti vort.

Bæn dagsins

Undursamlegi Guð sem kemur til okkar í syni þínum Jesú Kristi auðmjúkur og allslaus, en ekki í valdi og krafti, og ert þó sterkari en alt vald á jörðu. Gef öllum mönnum og þjóðum náð til að þekkja þig og að taka á móti syni þínum þegar hann kemur, svo að nótt okkar verði björt eins og dagur í ljósi hans. Amen.

Sálmur (sb. 57)

Slá þú hjartans hörpu strengi,
hrær hvern streng sem ómað fær.
Hljómi skært og hljómi lengi
hósíanna nær og fjær.
Hvert þitt innsta æðarslag
ómi' af gleði þennan dag.
Konungurinn konunganna
kemur nú til sinna manna. 

(Valdimar Briem)

Minnisvers vikunnar

03. desember 2018

Morgunlestur: Lúk 1.67-79

En Sakaría faðir hans fylltist heilögum anda og mælti af spámannlegri andagift:
Lofaður sé Drottinn, Guð Ísraels,
því að hann hefur vitjað lýðs síns og búið honum lausn.

Kvöldlestur: Heb 2.1-4

Guð bar jafnframt vitni með þeim með táknum og undrum og margs konar kraftaverkum og með gjöfum heilags anda sem hann deildi út eftir vilja sínum.

Bæn dagsins

Faðir minn á himnum, þú veist hvaða verkefni ég á í vændum í dag. Þótt ég kunni að gleyma þér, þá gleymdu mér ekki. (Gömul bæn)

Sálmur (sb. 57)

Ríki hans um allar álfur 
ómælanda geimsins nær. 
Hásætið er himinn sjálfur, 
hallarprýði sólin skær, 
fótskör hans hin fagra jörð, 
fylgdin hans er englahjörð. 
Skrúða ljóssins skrýddur er hann, 
skíra lífsins krónu ber hann. 

(Valdimar Briem)

Minnisvers vikunnar

04. desember 2018

Morgunlestur: Mík 2.1-5, 12-13

Vei þeim sem efna til ranginda,  
hyggja á ill verk í hvílu sinni  
og vinna þau þegar dagur rennur,  
því að þess eru þeir megnugir 

Kvöldlestur: Kól 1.9-14

Frá þeim degi, er ég heyrði þetta, hef ég því ekki látið af að biðja fyrir ykkur. Ég bið þess að Guð láti anda sinn auðga ykkur að þekkingu á vilja sínum með allri speki og skilningi svo að þið breytið eins og Guði líkar og þóknist honum á allan hátt, að þið berið ávöxt með hvers kyns góðum verkum og vaxið að þekkingu á Guði.

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir. (Gömul bæn)

Sálmur (sb. 57)

Hann, þótt æðst í hátign ljómi, 
hógvær kemur als staðar. 
Hjarta þitt að helgidómi 
hann vill gjöra' og búa þar. 
Opna glaður hjartans hús,
hýs hinn tigna gestinn fús. 
Getur nokkuð glatt þig fremur: 
Guð þinn sjálfur til þín kemur. 

(Valdimar Briem)

Minnisvers vikunnar

05. desember 2018

Morgunlestur: Opb 22.12-13, 17.20-21

Sjá, ég kem skjótt og launin hef ég með mér til að gjalda hverjum og einum eins og verk hans er. Ég er Alfa og Ómega, hinn fyrsti og hinn síðasti, upphafið og endirinn. 

Kvöldlestur: 1Mós 49.8-10

Júda er ljónshvolpur,
þú hefur snúið heim frá bráðinni, sonur minn.
Sem ljón leggst hann niður og hvílist
og sem ljónynja, hver þorir að vekja hann?

Bæn dagsins

Drottinn, ef ég má biðja um eitt kraftaverk, gjör mig þá að góðum manni. (Ansgar)

Sálmur (sb. 57)

Líknarár hann enn þá gefur, 
ár, sem háð ei breyting er,
ár, er sumar ávallt hefur,
ávöxt lífs að færa þér.
Vetur, sumar, vor og haust
votti þakkir endalaust
konunginum konunganna,
krýndum vegsemd. Hósíanna.

(Valdimar Briem)

Minnisvers vikunnar

06. desember 2018

Morgunlestur: Heb 10.19-23

Vegna þess að Jesús úthellti blóði sínu megum við nú, systkin, með djörfung ganga inn í hið heilaga. Þangað vígði hann okkur veginn, nýjan veg lífsins inn í gegnum fortjaldið sem er líkami hans. Við höfum mikinn prest yfir húsi Guðs. Göngum því fram fyrir Guð með einlægum hjörtum, í öruggu trúartrausti, með hjörtum sem hreinsuð hafa verið og eru laus við meðvitund um synd, og með líkömum sem laugaðir hafa verið í hreinu vatni.

Kvöldlestur: Heb 10.23-25

Gefum gætur hvert að öðru og hvetjum hvert annað til kærleika og góðra verka. Vanrækið ekki safnaðarsamkomur ykkar eins og sumra er siður heldur uppörvið hvert annað og það því fremur sem þið sjáið að dagurinn færist nær. 

Bæn dagsins

Guð gef mér æðruleysi til að sætta mig við það sem ég fæ ekki breytt, kjark til að breyta því sem ég get breytt og vit til að greina þar á milli.

Sálmur (sb. 58)

Þú, brúður Kristi kær, 
ó, kom, þín heill er nær. 
Þig nálgast góður gestur, 
þinn Guð og vinur bestur. 
Hósanna, dýrð sé Drottni, 
hans dýrðin aldrei þrotni. 

(Páll J. Vídalín - Stefán Thorarensen)

Minnisvers vikunnar

07. desember 2018

Morgunlestur: Jóh 18.33-38

Þá segir Pílatus við hann: "Þú ert þá konungur?"
Jesús svaraði: "Rétt segir þú. Ég er konungur. Til þess er ég fæddur og til þess er ég kominn í heiminn að ég beri sannleikanum vitni. Hver sem er sannleikans megin heyrir mína rödd." 

Kvöldlestur: Matt 23.34-39

Jerúsalem, Jerúsalem! Þú sem líflætur spámennina og grýtir þá sem sendir eru til þín! Hversu oft vildi ég safna börnum þínum, eins og hænan safnar ungum sínum undir vængi sér, og þér vilduð eigi? Guð mun yfirgefa musteri yðar og það verður lagt í rúst. Ég segi yður: Héðan af munuð þér eigi sjá mig fyrr en þér segið: Blessaður sé sá sem kemur í nafni Drottins." 

Bæn dagsins

Drottinn minn og Guð minn. Ég þakka þér að þú hefur leyft mér að lifa enn einn dag. Ég fel þér hann og allt mitt líf og hagi alla. Blessa það allt, Drottinn. Nú vil ég minnast fyrir augliti þínu allra sem þjást og allra sem líða. Ver huggun þeirra og styrkur, Drottinn. Lát þjáning þeirra ekki verða þeim um megn. Amen.

Sálmur (sb. 58)

Frá inni út þér flýt
og elskhuga þinn lít.
Veit lávarð þínum lotning
með lofgjörð, Síons drottning.
Hósanna dýrð sé drottni,
hans dýrðin aldrei þrotni.

(Páll J. Vídalín - Stefán Thorarensen)

Minnisvers vikunnar

08. desember 2018

Morgunlestur: Opb 5.1-4

Og ég grét stórum af því að enginn reyndist maklegur að ljúka henni upp og líta í hana. En einn af öldungunum segir við mig: "Grát þú eigi! Sjá, sigrað hefur ljónið af Júda ættkvísl, rótarkvistur Davíðs. Hann getur lokið upp bókinni og rofið innsigli hennar sjö."

Kvöldlestur: Ef 3.14-17

Mættuð þið því geta skilið það með öllum heilögum hvílík er víddin og lengdin, hæðin og dýptin í kærleika Krists og fá að sannreyna hann, sem gnæfir yfir alla þekkingu, og ná að fyllast allri Guðs fyllingu. 

Bæn dagsins

Guð þú laðar oss í kærleika þínum til að trúa því að þú sért vor sanni faðir og vér þín sönnu börn. Gef að vér biðjum þig í öryggi og trausti sem elskuleg börn elskulegan föður. Fyrir son þinn, Jesú Krist, Drottin vorn. Amen. (M. Lúther)

Sálmur (sb. 58)

Í hjarta hógværð býr, 
hann hóglega' að þér snýr 
og gjafir helgar hefur, 
er heitmey sinni' hann gefur. 
Hósanna, dýrð sé Drottni, 
hans dýrðin aldrei þrotni. 

(Páll J. Vídalín - Stefán Thorarensen)

Minnisvers vikunnar

09. desember 2018

Morgunlestur: Lúk 3.1-9 (10-14) 15-18

Rödd hrópanda í eyðimörk:  
Greiðið veg Drottins, 
gerið beinar brautir hans. 
Öll gil skulu fyllast, 
öll fell og hálsar jafnast, 
bugður verða beinar 
og óvegir sléttar götur. 
Og allir munu sjá hjálpræði Guðs. 

Kvöldlestur: Jes 40.9-11

Sjá, Guð yðar kemur í mætti  
og ríkir með máttugum armi.  
Sjá, sigurlaun hans eru með honum  
og fengur hans fer fyrir honum.  
Eins og hirðir mun hann halda hjörð sinni til haga,  
taka unglömbin í faðm sér  
og bera þau í fangi sínu  
en leiða mæðurnar. 

Bæn dagsins

Drottinn Jesús Kristur, í heiminum er ótti og þjáning. Við þráum réttlæti og frið. Kom þú skjótt, endurnýja sköpun þína, svo að að óp örvæntingarinnar og stunur hræðslunnar megi breytast í lofsöng. Um það biðjum við og á þig vonum við um tíma og eilífð. Amen.

Sálmur (sb. 62)

Sól og tungl mun sortna hljóta, 
sérhver blikna stjarna skær, 
öldur hafs í æði þjóta, 
angist ríkja fjær og nær, 
alls kyns neyð og eymdir rísa, 
enginn þeirri býsn kann lýsa. 
Svo fer dagur dóms í hönd, 
dynur skelfing yfir lönd. 

(Valdimar Briem)

Minnisvers vikunnar

10. desember 2018

Morgunlestur: Matt 11.11-15

Sannlega segi ég yður: Enginn er sá af konu fæddur sem meiri sé en Jóhannes skírari. En hinn minnsti í himnaríki er honum meiri. 

Kvöldlestur: Lúk 1.5-25

Birtist honum þá engill Drottins sem stóð hægra megin við reykelsisaltarið. Sakaría varð hverft við sýn þessa og ótta sló á hann. En engillinn sagði við hann: "Óttast þú eigi, Sakaría, því að bæn þín er heyrð. Elísabet kona þín mun fæða þér son og þú skalt láta hann heita Jóhannes. Og þér mun veitast gleði og fögnuður og margir munu gleðjast vegna fæðingar hans því að hann mun verða mikill fyrir augliti Drottins. Aldrei mun hann drekka vín né áfengan drykk en fyllast heilögum anda þegar frá móðurlífi. 

Bæn dagsins

Guð, við þökkum þér að við fáum að horfa fram til jóla og fæðingarhátíðar frelsarans Krists. Gjör okkur opin og móttækileg fyrir návist þinni er þú veitir okkur af náð. Lát kærleika þinn verma hjörtu okkar, svo að við sjáum hvert annað og hversu háð við erum hvert öðru. Lát kærleika þinn verða líf í lífi okkar. Amen. (KS)

Sálmur (sb. 62)

En er kraftar himna hrærast, 
heilög sjón mun ljóma brátt, 
hún á skýjum skjótt mun færast 
skærri sól um loftið blátt. 
Hátign með og miklu veldi 
mannsins son, er dauðann felldi, 
kemur degi dómsins á 
dýrðarsölum himins frá. 

(Valdimar Briem)

Minnisvers vikunnar

11. desember 2018

Morgunlestur: Matt 3.1-12

Á þeim dögum kemur Jóhannes skírari fram og prédikar í óbyggðum Júdeu með þessum orðum: "Takið sinnaskiptum, himnaríki er í nánd."

Kvöldlestur: Opb 3.1-6

Vakna þú og styrk það sem eftir er og að dauða komið. Því margt hef ég fundið í fari þínu sem ekki stenst fyrir Guði mínum. Minnst þú þess sem þú hefur numið og heyrt og varðveit það og bæt ráð þitt. Ef þú vakir ekki mun ég koma eins og þjófur og þú munt alls ekki vita á hverri stundu ég kem yfir þig.

Bæn dagsins

Láttu aðventu og jólaljósin bera mér birtu frá þér og minna á ljósið og gleðina sem framundan er þegar ríkið þitt kemur og vilji þinn verður, lifandi Drottinn. Amen.

Sálmur (sb. 62)

Lítið upp sem lútið niður,  
lítið upp er slíkt að ber, 
skelfi neyð þá engin yður, 
yðar lausn því nálæg er. 
Horfið upp frá höfum nauða, 
horfið upp frá gröfum dauða, 
horfið upp frá harmi og sorg, 
horfið upp í lífsins borg. 

(Valdimar Briem)

Minnisvers vikunnar

12. desember 2018

Morgunlestur: Lúk 3.1-4

í æðstapreststíð Annasar og Kaífasar, kom orð Guðs til Jóhannesar Sakaríasonar í óbyggðinni. Og hann fór um alla Jórdanbyggð og boðaði mönnum að taka sinnaskiptum og láta skírast til fyrirgefningar synda,

Kvöldlestur: Lúk 3.15-20

Allir voru nú fullir eftirvæntingar og hugsuðu með sjálfum sér hvort Jóhannes kynni að vera Kristur. En Jóhannes svaraði öllum og sagði: "Ég skíri ykkur með vatni en sá kemur sem mér er máttugri og er ég ekki verður að leysa skóþveng hans. Hann mun skíra ykkur með heilögum anda og eldi. 

Bæn dagsins

Góði Guð, öllum áhyggjum mínum vil ég varpa á þig, sem berð umhyggju fyrir mér, í Jesú nafni. Amen.

Sálmur (sb. 62)

Aftur sé ég unga rísa 
endurborna jörðu þá, 
aftur sé ég ljósin lýsa 
ljóssins skæru hvelfing á, 
Endurleyst er allt úr dróma, 
endurreist í nýjum blóma, 
nýjan himin, nýja jörð 
nú má byggja Drottins hjörð.  

(Valdimar Briem)

Minnisvers vikunnar

13. desember 2018

Morgunlestur: Bar 5.1-9

Með ljósi dýrðar sinnar  
og með miskunn sinni og réttlæti  
mun Guð leiða Ísrael fagnandi heim. 

Kvöldlestur: Hós 14.6-10

Hver er svo vitur að hann skilji þetta,  
svo glöggur að hann játi það?  
Vegir Drottins eru beinir,  
réttlátir fara þá  
en syndarar hrasa á þeim. 

Bæn dagsins

Guð, gef að ljós og hljómar aðventu og jóla veki í mér von og gleði og löngun til að lifa í þér, frelsari minn og Drottinn. Amen.

Sálmur (sb. 62)

Sól og tungl mun sortna hljóta 
sérhver blikna stjarna skær. 
Aldrei slokkna, aldrei þrjóta 
orðsins ljós, er Guð oss ljær. 
Jörð og himinn fyrirfarast 
fyrr en nokkur maður varast. 
Orðsins ljós þó aldrei dvín, 
eilíft það í heiði skín. 

(Valdimar Briem)

Minnisvers vikunnar

14. desember 2018

Morgunlestur: Mrk 1.14-15

Þegar Jóhannes hafði verið tekinn höndum kom Jesús til Galíleu, prédikaði fagnaðarerindi Guðs og sagði: "Tíminn er fullnaður og Guðs ríki í nánd. Takið sinnaskiptum og trúið fagnaðarerindinu." 

Kvöldlestur: 2Tím 4.5-8

En ver þú algáður í öllu, þol illt, ger verk fagnaðarboða, fullna þjónustu þína. Nú er svo komið að mér verður fórnfært og tíminn er kominn að ég taki mig upp. Ég hef barist góðu baráttunni, hef fullnað skeiðið, hef varðveitt trúna. Og nú er mér geymdur sveigur réttlætisins sem Drottinn, hinn réttláti dómari, mun gefa mér á þeim degi. Og ekki einungis mér heldur og öllum sem þráð hafa endurkomu hans. 

Bæn dagsins

Guð, láttu friðinn þinn, sem er æðri öllum skilningi, varðveita hjarta mitt og hugsanir í Kristi Jesú, Drottni mínum. Amen.

Sálmur (sb. 539)

Opnið kirkjur allar! 
Opnið huga minn! 
Kristur til mín kallar: 
Kom þú hingað inn! 
Hér í helgidómi 
hans ég návist finn. 
Breytir brag og hljómi 
blíður lausnarinn. 

(Gylfi Gröndal)

Minnisvers vikunnar

15. desember 2018

Morgunlestur: Lúk 7.29-35

Og allir sem á hlýddu, jafnvel tollheimtumenn, viðurkenndu að hér var Guð að verki og létu skírast af Jóhannesi. En farísear og lögvitringar gerðu að engu áform Guðs um þá og létu Jóhannes ekki skíra sig. 

Kvöldlestur: Jes 45.1-8

Ég geng sjálfur á undan þér  
og jafna fjöllin.  
Ég mun brjóta eirhliðin  
og mölva slagbranda úr járni,  
gefa þér hulda fjársjóði  
og falin auðæfi  
svo að þú skiljir að ég er Drottinn  
sem kalla þig með nafni,  
ég, Guð Ísraels. 

Bæn dagsins

Guð, tendra ljós öllum sem eru í myrkri. (Martin Lönnebo)

Sálmur (sb. 539)

Opnið kirkjur allar!  
Opnið nýja sýn! 
Þegar Kristur kallar, 
kvíðinn óðar dvín. 
Lýkur lífsins flótta 
lausnin frelsarans. 
Eyðir hjartans ótta 
örugg leiðsögn hans. 

(Gylfi Gröndal)

Minnisvers vikunnar

16. desember 2018

Morgunlestur: Jóh 3.22-36

Nú varð deila um hreinsun milli lærisveina Jóhannesar og Gyðings eins. Þeir komu til Jóhannesar og sögðu við hann: "Rabbí, sá sem var hjá þér handan Jórdanar og þú barst vitni um, hann er að skíra og allir koma til hans." 
Jóhannes svaraði þeim: "Enginn getur tekið neitt nema Guð gefi honum það. Þið getið sjálfir vitnað um að ég sagði: Ég er ekki Kristur heldur er ég sendur á undan honum. Sá er brúðguminn sem á brúðina en vinur brúðgumans, sem stendur hjá og hlýðir á hann, gleðst mjög við rödd hans. Þessi gleði er nú mín að fullu. Hann á að vaxa en ég að minnka."

Kvöldlestur: 5Mós 18.15-19

Þá sagði Drottinn við mig: "Það sem þeir segja er rétt. Fyrir þá mun ég láta fram koma spámann slíkan sem þú ert úr hópi bræðra þeirra. Ég mun leggja honum orð mín í munn og hann mun boða þeim allt sem ég býð honum. Og hvern þann sem ekki hlýðir á þau orð, sem spámaðurinn flytur í mínu nafni, mun ég sjálfur draga til ábyrgðar. 
 

Bæn dagsins

Drottinn Guð. Þú ert á leiðinni til okkar. Við viljum koma til móts við þig og mæta þér þegar þú kemur, en það er svo margt í veginum sem truflar ferð hins góða til þín. Sigra það sem skilur okkur frá þér svo að við megum mæta þér. Um það biðjum við þig, sem kemur til okkar í Jesú Kristi og vilt vera hjá okkur með anda þínum að eilífu. Amen.

Sálmur (sb. 69)

Upp, gleðjist allir, gleðjist þér, 
í Guði vorum fagna ber, 
vort hjálpráð nú er nærri, 
Ó, heyrið blíðan boðskap þann, 
að borinn er í manndóm hann, 
sem Guð er, himnum hærri. 

(Helgi Hálfdánarson)

Minnisvers vikunnar

17. desember 2018

Morgunlestur: Matt 11.11-15

Sannlega segi ég yður: Enginn er sá af konu fæddur sem meiri sé en Jóhannes skírari. En hinn minnsti í himnaríki er honum meiri. 

Kvöldlestur: Lúk 1.5-25

Birtist honum þá engill Drottins sem stóð hægra megin við reykelsisaltarið. Sakaría varð hverft við sýn þessa og ótta sló á hann. En engillinn sagði við hann: "Óttast þú eigi, Sakaría, því að bæn þín er heyrð. Elísabet kona þín mun fæða þér son og þú skalt láta hann heita Jóhannes. Og þér mun veitast gleði og fögnuður og margir munu gleðjast vegna fæðingar hans því að hann mun verða mikill fyrir augliti Drottins. Aldrei mun hann drekka vín né áfengan drykk en fyllast heilögum anda þegar frá móðurlífi. 

Bæn dagsins

Guð, við þökkum þér að við fáum að horfa fram til jóla og fæðingarhátíðar frelsarans Krists. Gjör okkur opin og móttækileg fyrir návist þinni er þú veitir okkur af náð. Lát kærleika þinn verma hjörtu okkar, svo að við sjáum hvert annað og hversu háð við erum hvert öðru. Lát kærleika þinn verða líf í lífi okkar. Amen. (KS)

Sálmur (sb. 69)

Burt, hryggð, úr allra hjörtum nú, 
kom, heilög gleði, svo í trú 
vér Jesú faðmað fáum, 
og elskan heit af hjartans rót 
þeim himingesti taki mót 
með lofsöngs hljómi háum. 

(Helgi Hálfdánarson)

Minnisvers vikunnar

18. desember 2018

Morgunlestur: Lúk 3.1-9 (10-14) 15-18

Rödd hrópanda í eyðimörk:  
Greiðið veg Drottins, 
gerið beinar brautir hans. 
Öll gil skulu fyllast, 
öll fell og hálsar jafnast, 
bugður verða beinar 
og óvegir sléttar götur. 
Og allir munu sjá hjálpræði Guðs.

Kvöldlestur: Jes 40.9-11

Sjá, Guð yðar kemur í mætti
og ríkir með máttugum armi.
Sjá, sigurlaun hans eru með honum
og fengur hans fer fyrir honum.
Eins og hirðir mun hann halda hjörð sinni til haga,
taka unglömbin í faðm sér
og bera þau í fangi sínu
en leiða mæðurnar.

Bæn dagsins

Drottinn Guð, þú kemur til okkar. Þú ert á leiðinni. Við viljum koma til móts við þig og mæta þér þegar þú kemur, en það er svo margt í veginum sem truflar ferð hins góða til þín.

Sálmur (sb. 69)

Ó, virstu, góði Guð, þann frið, 
sem gleðin heims ei jafnast við, 
í allra sálir senda, 
og loks á himni lát oss fá 
að lifa jólagleði þá, 
sem tekur aldrei enda. 

(Helgi Hálfdánarson)

Minnisvers vikunnar

19. desember 2018

Morgunlestur: Lúk 3.1-4

í æðstapreststíð Annasar og Kaífasar, kom orð Guðs til Jóhannesar Sakaríasonar í óbyggðinni. Og hann fór um alla Jórdanbyggð og boðaði mönnum að taka sinnaskiptum og láta skírast til fyrirgefningar synda,

Kvöldlestur: Lúk 3.15-20

Allir voru nú fullir eftirvæntingar og hugsuðu með sjálfum sér hvort Jóhannes kynni að vera Kristur. En Jóhannes svaraði öllum og sagði: "Ég skíri ykkur með vatni en sá kemur sem mér er máttugri og er ég ekki verður að leysa skóþveng hans. Hann mun skíra ykkur með heilögum anda og eldi. 

Bæn dagsins

Góði Guð, öllum áhyggjum mínum vil ég varpa á þig, sem berð umhyggju fyrir mér, í Jesú nafni. Amen.

Sálmur (sb. 539)

Opnið kirkjur allar! 
Opnið huga minn! 
Kristur til mín kallar: 
Kom þú hingað inn! 
Hér í helgidómi 
hans ég návist finn. 
Breytir brag og hljómi 
blíður lausnarinn. 

(Gylfi Gröndal)

Minnisvers vikunnar

20. desember 2018

Morgunlestur: Bar 5.1-9

Með ljósi dýrðar sinnar 
og með miskunn sinni og réttlæti 
mun Guð leiða Ísrael fagnandi heim. 

Kvöldlestur: Hós 14.6-10

Hver er svo vitur að hann skilji þetta,  
svo glöggur að hann játi það?  
Vegir Drottins eru beinir,  
réttlátir fara þá  
en syndarar hrasa á þeim.

Bæn dagsins

Guð, gef að ljós og hljómar aðventu og jóla veki í mér von og gleði og löngun til að lifa í þér, frelsari minn og Drottinn. Amen.

Sálmur (sb. 539)

Opnið kirkjur allar!  
Opnið nýja sýn! 
Þegar Kristur kallar, 
kvíðinn óðar dvín. 
Lýkur lífsins flótta 
lausnin frelsarans. 
Eyðir hjartans ótta 
örugg leiðsögn hans. 

(Gylfi Gröndal)

Minnisvers vikunnar

21. desember 2018

Morgunlestur: Mrk 1.14-15

Þegar Jóhannes hafði verið tekinn höndum kom Jesús til Galíleu, prédikaði fagnaðarerindi Guðs og sagði: "Tíminn er fullnaður og Guðs ríki í nánd. Takið sinnaskiptum og trúið fagnaðarerindinu." 

Kvöldlestur: 2Tím 4.5-8

En ver þú algáður í öllu, þol illt, ger verk fagnaðarboða, fullna þjónustu þína. Nú er svo komið að mér verður fórnfært og tíminn er kominn að ég taki mig upp. Ég hef barist góðu baráttunni, hef fullnað skeiðið, hef varðveitt trúna. Og nú er mér geymdur sveigur réttlætisins sem Drottinn, hinn réttláti dómari, mun gefa mér á þeim degi. Og ekki einungis mér heldur og öllum sem þráð hafa endurkomu hans. 

Bæn dagsins

Guð, láttu friðinn þinn, sem er æðri öllum skilningi, varðveita hjarta mitt og hugsanir í Kristi Jesú, Drottni mínum. Amen.

Sálmur (sb. 539)

Opnið kirkjur allar! 
Opnið huga minn! 
Kristur til mín kallar: 
Kom þú hingað inn! 
Kom þú, kvíðans maður, 
kirkjan griðland er. 
Far svo frjáls og glaður. 
Friður sé með þér. 

(Gylfi Gröndal)

Minnisvers vikunnar

22. desember 2018

Morgunlestur: Lúk 7.29-35

Og allir sem á hlýddu, jafnvel tollheimtumenn, viðurkenndu að hér var Guð að verki og létu skírast af Jóhannesi. En farísear og lögvitringar gerðu að engu áform Guðs um þá og létu Jóhannes ekki skíra sig. 

Kvöldlestur: Jes 45.1-8

Ég geng sjálfur á undan þér  
og jafna fjöllin.  
Ég mun brjóta eirhliðin  
og mölva slagbranda úr járni,  
gefa þér hulda fjársjóði  
og falin auðæfi  
svo að þú skiljir að ég er Drottinn  
sem kalla þig með nafni,  
ég, Guð Ísraels. 

Bæn dagsins

Guð, tendra ljós öllum sem eru í myrkri. (Martin Lönnebo)

Sálmur (sb. 70)

Hér leggur skip að landi, 
sem langt af öllum ber, 
en mest ber frá um farminn, 
sem fluttur með því er.  

(Sigurbjörn Einarsson)

Minnisvers vikunnar

23. desember 2018

Morgunlestur: Matt 24.42-47

Vakið því, þér vitið eigi hvaða dag Drottinn yðar kemur. Það skiljið þér að húsráðandi vekti og léti ekki brjótast inn í hús sitt ef hann vissi á hvaða stundu nætur þjófurinn kæmi. Verið þér og viðbúin því að Mannssonurinn kemur á þeirri stundu sem þér ætlið eigi. 
Hver er sá trúi og hyggni þjónn sem húsbóndinn hefur sett yfir hjú sín að gefa þeim mat á réttum tíma? Sæll er sá þjónn er húsbóndinn finnur breyta svo er hann kemur. Sannlega segi ég yður: Hann mun setja hann yfir allar eigur sínar. 

Kvöldlestur: Jes 62.1-3, 10-12

Þú verður vegleg kóróna í hendi Drottins  
og konunglegt höfuðdjásn í hendi Guðs þíns. 

Bæn dagsins

Miskunnsami Guð, lít í náð þinni til kirkju þinnar hér á jörðu. Styrk söfnuð þinn og gef kirkjunni eindrægni og frið. Kenn leiðtogum kirkjudeildanna að taka saman höndum yfir hindranir og múra. Leiðbein þeim sem freistast og vísa villráfandi á rétta leið. Styrk með huggun þinni þau sem líða skort til lífs eða sálar.Lát söfnuð þinn undirbúa í einlægni og trúartrausti hina helgu hátíð er þú kemur til mannanna lítið barn á jólum. Þess biðjum við í nafni Jesú Krists. Amen.

Sálmur (sb. 67)

Nú kemur heimsins hjálparráð,  
helgasta líf í duftið sáð. 
Soninn Guðs eina, sannan mann, 
sælust María fæða vann. 

(Ambrosius - Sb. 1589
1. og 3. v. endurkveðið Sigurbjörn Einarsson)

Minnisvers vikunnar

24. desember 2018

Morgunlestur: Róm 5.12-15b, 17-18, 21

Syndin kom inn í heiminn með einum manni og dauðinn með syndinni. Þannig er dauðinn runninn til allra manna því að allir syndguðu þeir. Víst var syndin í heiminum áður en lögmálið kom til en synd verður ekki metin til sektar ef ekkert er lögmál. Samt ríkti dauðinn frá Adam til Móse, einnig yfir þeim sem höfðu ekki syndgað á sömu lund og Adam en hann er fyrirmyndan Krists sem koma átti. 

Kvöldlestur: Lúk 2.1-14

"Verið óhræddir, því, sjá, ég boða yður mikinn fögnuð sem veitast mun öllum lýðnum: Yður er í dag frelsari fæddur, sem er Kristur Drottinn, í borg Davíðs. Og hafið þetta til marks: Þér munuð finna ungbarn reifað og liggjandi í jötu."

Bæn dagsins

Drottinn Guð, gjafari allra góðra hluta, og upphaf gleðinnar. Með fæðingu Jesúbarnsins sendir þú bjartan geisla inn í myrkur jarðar. Gef að þetta ljós lýsi einnig hjá okkur. Lát það geisla í öllu sem við gerum, svo að við megum tigna þig og tilbiðja að eilífu. Amen.

Sálmur (sb. 73)

Í Betlehem er :,: barn oss fætt. :,: 
Því fagni gjörvöll Adams ætt.
:,: Hallelúja. :,:

(Valdimar Briem)

Minnisvers vikunnar

25. desember 2018

Morgunlestur: Jes 62.10-12

Gangið út, já, gangið út um hliðin,  
greiðið götu þjóðarinnar.  
Leggið, leggið braut,  
ryðjið grjótinu burt,  
reisið merki fyrir þjóðirnar.  
Sjá, Drottinn hefur kunngjört  
allt til endimarka jarðar:  
"Segið dótturinni Síon,  
sjá, hjálpræði þitt kemur.  
Sjá, sigurlaun hans fylgja honum  
og fengur hans fer fyrir honum." 

Kvöldlestur: Jóh 1.1-14 (eða Lúk 2.1-14)

Í upphafi var Orðið og Orðið var hjá Guði og Orðið var Guð. Hann var í upphafi hjá Guði. Allt varð til fyrir hann, án hans varð ekki neitt sem til er. Í honum var líf og lífið var ljós mannanna. Ljósið skín í myrkrinu og myrkrið tók ekki á móti því.
 

Bæn dagsins

Guð, sem ert ljós í myrkri. Þetta er dagurinn sem þú hefur gjört. Dagur hinnar miklu gleði. Þú kemur á móti okkur þar sem við þreifum okkur áfram í myrkrinu, og sýnir okkur Jesú Krist sem er fagnaðarboði þessa heims og ljós huggunarinnar augum okkar að eilífu. Amen.

Sálmur (sb. 82)

Heims um ból helg eru jól,  
signuð mær son Guðs ól, 
frelsun mannanna, frelsisins lind, 
frumglæði ljóssins, en gjörvöll mannkind 
:,:meinvill í myrkrunum lá. :,:  

(Sveinbjörn Egilsson)

Minnisvers vikunnar

26. desember 2018

Morgunlestur: Jes 9.1-7

Sú þjóð, sem í myrkri gengur,  
sér mikið ljós.  
Yfir þá sem búa í landi náttmyrkranna  
skín ljós.  
 

Kvöldlestur: Matt 1.18-25

Allt varð þetta til þess að rætast skyldi það sem Drottinn lét spámanninn boða: "Sjá, yngismær mun þunguð verða og fæða son og lætur hann heita Immanúel," það þýðir: Guð með oss. 
Þegar Jósef vaknaði gerði hann eins og engill Drottins hafði boðið honum og tók konu sína til sín. Hann kenndi hennar ekki fyrr en hún hafði alið son. Og hann gaf honum nafnið JESÚS. 

Bæn dagsins

Drottinn Jesús Kristur þú ert hið sanna ljós sem lýsir öllum þjóðum. Lát birtu þess einnig ljóma inn í hjörtu okkar og huga, svo að í okkur verði ljós af þínu ljósi til að lýsa upp myrkur þessa heims. Því að þú lifir og ríkir með Guði föður í einingu heilags anda að eilífu. Amen.

Sálmur (sb. 78)

Í dag er glatt í döprum hjörtum, 
því Drottins ljóma jól. 
Í niðamyrkrum nætursvörtum 
upp náðar rennur sól. 
Er vetrar geisar stormur stríður, 
þá stendur hjá oss friðarengill blíður 
og þegar ljósið dagsins dvín, 
:,: oss Drottins birta kringum skín. :,:

(Valdimar Briem)

Minnisvers vikunnar

27. desember 2018

Morgunlestur: 1Jóh 1.1-10

Og þetta er boðskapurinn sem við höfum heyrt af honum og boðum ykkur: "Guð er ljós og myrkur er alls ekki í honum." Ef við segjum: "Við höfum samfélag við hann," og göngum þó í myrkrinu, þá ljúgum við og iðkum ekki sannleikann. En ef við göngum í ljósinu, eins og hann sjálfur er í ljósinu, þá höfum við samfélag hvert við annað og blóð Jesú, sonar hans, hreinsar okkur af allri synd. 

Kvöldlestur: 1Jóh 2.21-25

Ég hef ekki skrifað ykkur vegna þess að þið þekkið ekki sannleikann heldur af því að þið þekkið hann og af því að engin lygi getur komið frá sannleikanum. 

Bæn dagsins

Guð sem elskar. Þú sem lést son þinn Jesú Krist verða mannsbarn á jörð, og hefur með orðum Jóhannesar guðspjallamanns kynnt hann sem ljós heimsins: Gef að einmitt það ljós renni upp í hjörtum okkar, líkt og þegar sólin rís að morgni og gefur birtu og yl og glæðir lífið, svo að við getum með Jóhannesi borið vitni um ljós heimsins. Þess biðjum við í nafni þess sama sonar þíns Jesú Krists, bróður okkar og Drottins. Amen.

Sálmur (sb. 93)

Í upphafi var orðið fyrst,
það orð var Guði hjá.
Það játum vér um Jesú Krist,
:,: er jörðu fæddist á. :,: 
(Valdimar Briem)

Minnisvers vikunnar

28. desember 2018

Morgunlestur: Matt 2.13-18

Þegar vitringarnir voru farnir þá vitrast engill Drottins Jósef í draumi og segir: "Rís upp, tak barnið og móður þess og flý til Egyptalands. Þar skaltu vera uns ég segi þér því að Heródes mun leita barnsins til að fyrirfara því."
Jósef vaknaði, tók barnið og móður þess um nóttina og fór til Egyptalands. Þar dvöldust þau þangað til Heródes var allur. Það átti að rætast sem Drottinn lét spámanninn segja: "Frá Egyptalandi kallaði ég son minn." 
 

Kvöldlestur: Jer 31.15-17

Svo segir Drottinn:  
Hættu að gráta,  
haltu aftur af tárum þínum  
því að þú færð umbun erfiðis þíns,  
segir Drottinn:  
Þeir snúa aftur heim úr landi fjandmannanna. 

Bæn dagsins

Guð, við biðjum um kraftaverk endurnýjunnarinnar á þessum myrkasta tíma ársins. Við biðjum um von og traust á sigur ljóssins þegar skammdegið virðiist ríkja. Við biðjum um hugrekki til að leita leiða friðar og sátta. Við bðjum um hjálp til að trúa á sigur hins varnarlausa kærleika, þegar friður og réttlæti ráða. Við biðjum um opna hugi frammi fyrir undri jólanna -að þú kemur í nýfæddu barni sem í varnarleysi sínu er frelsari og friðarhöfðingi, vonartáknið þeim heimi sem þú elskar, Guð. Ger okkur að fulltrúum ríkis jólanna, í trú, von og kærleika. Amen. (K.G. Hammar)

Sálmur (sb. 72)

Nóttin var sú ágæt ein,  
í allri veröld ljósið skein, 
það er nú heimsins þrautarmein 
að þekkja' hann ei sem bæri. 
:,: Með vísnasöng ég vögguna þína hræri. :,: 

(Einar Sigurðsson)

Minnisvers vikunnar

29. desember 2018

Morgunlestur: Jóh 3.16 -21

Því svo elskaði Guð heiminn að hann gaf einkason sinn til þess að hver sem á hann trúir glatist ekki heldur hafi eilíft líf. Guð sendi ekki soninn í heiminn til að dæma heiminn heldur til þess að frelsa hann.  
Sá sem trúir á son Guðs dæmist ekki. Sá sem trúir ekki er þegar dæmdur því að hann hefur ekki trúað á nafn Guðs sonarins eina. En þessi er dómurinn: Ljósið er komið í heiminn en menn elskuðu myrkrið fremur en ljósið því að verk þeirra voru vond. Hver sem illt gerir hatar ljósið og kemur ekki til ljóssins svo að verk hans verði ekki uppvís. En sá sem iðkar sannleikann kemur til ljóssins svo að augljóst verði að verk hans eru í Guði gerð." 

Kvöldlestur: Jóh 3.31-36

En sá sem hefur tekið á móti vitnisburði hans hefur staðfest að Guð sé sannorður. Sá sem Guð sendi talar Guðs orð því ómælt gefur Guð andann. Faðirinn elskar soninn og hefur lagt allt í hönd honum. Sá sem trúir á soninn hefur eilíft líf en sá sem óhlýðnast syninum mun ekki öðlast líf heldur varir reiði Guðs yfir honum. 

Bæn dagsins

Guð, í lotningu og tilbeiðslu lútum við höfðum fyrir barninu í jötunni og færum því gjafir okkar. Við berum fram reynslu okkar, minningar, sorgir og sársauka og biðjum um blessun, og að við fáum að verða til blessunar.

Sálmur (sb. 78)

Oss öllum mikinn fögnuð flytur 
sá friðarengill skær: 
Sá Guð, er hæst á himni situr, 
er hér á jörð oss nær. 
Sá Guð, er ræður himni háum, 
hann hvílir nú í dýrastalli lágum, 
sá Guð, er öll á himins hnoss, 
varð hold á jörð og býr með oss. 
(Valdimar Briem)

Minnisvers vikunnar

30. desember 2018

Morgunlestur: Lúk 2.22-33

Þá var í Jerúsalem maður er Símeon hét. Hann var réttlátur og guðrækinn og vænti þess að Guð frelsaði Ísrael. Heilagur andi var yfir honum og hafði hann vitrað honum að hann skyldi ekki deyja fyrr en hann hefði séð Krist Drottins. Að leiðsögn andans kom hann í helgidóminn.

Kvöldlestur: Jes 49.13-16

Lofsyngið himnar, fagna þú jörð, 
þér fjöll, hefjið gleðisöng  
því að Drottinn hughreystir þjóð sína  
og sýnir miskunn sínum þjáðu. 

Bæn dagsins

Eilífi Guð, miskunnsami faðir, þú leyfðir öldungnum Símeoni að sjá frelsarann og kenndir honum eins og ekkjunni Önnu orð til að lofa lausnarann. Opna augu okkar, að við sjáum geislandi birtu kærleika þíns í syni þínum Jesú Kristi sem með þér og heilögum anda lifir og ríkir að eilífu. Amen.

Sálmur (sb. 421)

Brátt líður lífs á daginn,  
mín lífssól dregst í æginn, 
er varir mig þess minnst. 
Dagsmörkin ég veit eigi. 
Mun eigi halla degi 
og komið nærri kvöldið hinst.? 
 
(Stefán Thorarensen)

Minnisvers vikunnar

31. desember 2018

Morgunlestur: Róm 8.32a-39

Nei, í öllu þessu vinnum við fyllsta sigur í krafti hans sem elskaði okkur. Því að ég er þess fullviss að hvorki dauði né líf, englar né tignir, hvorki hið yfirstandandi né hið ókomna, hvorki kraftar, hæð né dýpt né nokkuð annað skapað muni geta gert okkur viðskila við kærleika Guðs sem birtist í Kristi Jesú, Drottni vorum. 

Kvöldlestur: Lúk 13.6-9

Hann sagði þá við víngarðsmanninn: Í þrjú ár hef ég nú komið og leitað ávaxtar á fíkjutré þessu og ekki fundið. Högg það upp. Hví á það að vera engum til gagns? En hann svaraði honum: Herra, lát það standa enn þetta ár þar til ég hef grafið um það og borið að áburð. Má vera að það beri ávöxt síðan. Annars skaltu höggva það upp." 

Bæn dagsins

Eilífi, almáttugi Guð og faðir, þú sem leiðir þennan dag til lykta og hylur hinn ókomna, og af náð þinni gefur oss aðeins eitt andartak í senn. Vér þökkum þér árið sem senn er liðið, fyrir gleði þess og sorgir, allt sem það gaf og tók. Fyrirgef oss vorar skuldir, synd, afbrot, vanrækslu alla. Lát engan líða vor vegna, heldur opna fyrir oss leiðir til að bæta fyrir það sem vér hörum gert rangt, eða látið ógert. Leys oss frá gremju yfir því sem að baki er og kvíða fyrir komandi degi. Kenn oss að nota rétt hverja stund sem þú gefur. í þínar hendur felum vér árið liðna og í trausti til handleiðslu þinnar höldum vér inn um dyr hins nýja. Vísa oss vegu þína, Drottinn, og leið oss gegnum skammdegi lífsins, að vér námum því marki sem þú hefur sett jarðlífsgöngu vorri. (O. Krook)

Sálmur (sb. 98)

Nú árið er liðið í aldanna skaut 
og aldrei það kemur til baka, 
nú gengin er sérhver þess gleði og þraut, 
það gjörvallt er runnið á eilífðar braut, 
en minning þess víst skal þó vaka.  

(Valdimar Briem)

Minnisvers vikunnar

01. janúar 2019

Morgunlestur: Jóh 2.23-25

Meðan hann var í Jerúsalem á páskahátíðinni fóru margir að trúa á hann því þeir sáu þau tákn sem hann gerði. En Jesús gaf þeim ekki trúnað sinn því hann þekkti alla. Hann þurfti þess ekki að neinn bæri öðrum manni vitni. Hann vissi sjálfur hvað í manni býr.

Kvöldlestur: Post 10.42-43

Og hann bauð okkur að prédika fyrir alþjóð og vitna að hann er sá sem Guð hefur skipað dómara lifenda og dauðra. Honum bera allir spámennirnir vitni að sérhver sem trúir á hann fái vegna hans fyrirgefningu syndanna." 

Bæn dagsins

Guð, um aldir hefur ljósið þitt ljómað af ásjónu nýfædds barns í Betlehem sem tákn elsku þinnar og návistar mitt í ógn og illsku heimsins. Við biðjum þig: Látttu ljósið þitt lýsa okkur enn. Leið okkur frá dauða til lífs, frá lygi til sannleika, frá vanmætti til vonar, frá ótta til trausts, frá hatri til kærleika, frá stríði til friðar. Hjálpa okkur að tendra ljós fremur en að formæla myrkrinu og lát frið þinn fylla hjörtu okkar, allra manna, alheims. Í Jesú nafni. Amen. (Mitt i församlingen)

Sálmur (sb. 105)

Í Jesú nafni áfram enn  
með ári nýju, kristnir menn, 
það nafn um árs- og ævispor 
sé æðsta gleði' og blessun vor. 

(Valdimar Briem)

Minnisvers vikunnar

02. janúar 2019

Morgunlestur: Matt 2.19-23

Þegar Heródes var dáinn þá vitrast engill Drottins Jósef í draumi í Egyptalandi og segir: "Rís upp, tak barnið og móður þess og far til Ísraelslands. Nú eru þeir dánir sem sátu um líf barnsins." Jósef tók sig upp og fór til Ísraelslands með barnið og móður þess. 

Kvöldlestur: 2Mós 2.1-10

Þegar hún opnaði körfuna sá hún grátandi dreng í henni. Hún vorkenndi honum og sagði: "Þetta er einn af hebresku drengjunum." Þá spurði systir hans dóttur faraós: "Á ég að fara og kalla á hebreska brjóstmóður fyrir þig?" Dóttir faraós svaraði: "Já, gerðu það." Stúlkan fór og kallaði á móður drengsins. Dóttir faraós sagði við hana: "Farðu með þennan dreng og hafðu hann á brjósti fyrir mig og ég skal launa þér það." Konan fór með drenginn og hafði hann á brjósti. 

Bæn dagsins

Guð minn, fyrir allt sem var - takk. Við öllu sem verður - Já! (Dag Hammerskjöld)

Sálmur (sb. 105)

Í nafni hans æ nýtt er ár, 
því nafni', er græðir öll vor sár, 
í nafni hans fá börnin blíð 
Guðs blessun fyrst á ævitíð. 

(Valdimar Briem)

Minnisvers vikunnar

03. janúar 2019

Morgunlestur: Jes 43.16-19

Minnist hvorki hins liðna  
né hugleiðið það sem var.  
Nú hef ég nýtt fyrir stafni,  
nú þegar vottar fyrir því,  
sjáið þér það ekki?  
Ég geri veg um eyðimörkina  
og fljót í auðninni. 

Kvöldlestur: 5Mós 33.26-29

Síðan bjó Ísrael óhultur,  
lind Jakobs ein sér  
í landi auðugu af korni og víni  
þar sem himinninn lætur dögg drjúpa.

Bæn dagsins

Drottinn minn og Guð minn. Kenndu mér að lifa eftir þínum vilja, því að þú ert minn Guð. Láttu þinn góða anda leiða mig um réttan veg til eilífs lífs. Amen. (Gömul íslensk bæn)

Sálmur (sb. 105)

Í nafni hans sé niður sáð  
með nýju vori' í þiðnað láð, 
í nafni hans Guðs orði á 
á æskuvori snemma' að sá. 
 
(Valdimar Briem)

Minnisvers vikunnar

04. janúar 2019

Morgunlestur: 2Kor 6.14-16

Dragið ekki ok með vantrúuðum. Hvað er sameiginlegt með réttlæti og ranglæti eða með ljósi og myrkri? Hvað eiga Kristur og Belíar sameiginlegt? Hvað eiga trúaðir sameiginlegt með vantrúuðum? 

Kvöldlestur: 4Mós 13 og 14

Drottinn talaði til Móse og sagði: 
"Sendu menn til að kanna Kanaansland sem ég er í þann veginn að gefa Ísraelsmönnum. Þið skuluð senda einn mann frá hverjum ættbálki og skal hver þeirra vera höfðingi meðal Ísraelsmanna." 

Bæn dagsins

Drottinn minn og Guð minn, þú ferð fyrir mér og gengur á eftir mér, þú ert mér til beggja handa, þú umlykur mig, verndar og styður, þú býrð í hjarta mínu, og þú elskar mig. Ég lofa þig og þakka þér, Jesús minn. Amen (Lövås)

Sálmur (sb. 105)

Í nafni hans sé starf og stríð, 
er stendur hæst um sumartíð, 
í nafni hans sé lögð vor leið 
um lífsins starfs- og þroskaskeið. 

(Valdimar Briem)

Minnisvers vikunnar

05. janúar 2019

Morgunlestur: Fil 4.10-20

Ég gleðst mjög og þakka Drottni fyrir að hagur ykkar hefur loks batnað svo aftur að þið gátuð hugsað til mín. Að sönnu hafið þið hugsað til mín en gátuð ekki sýnt það í verki. Ekki segi ég þetta vegna þess að ég hafi liðið skort því að ég hef lært að láta mér nægja það sem ég hef. Ég kann að búa við lítinn kost, ég kann einnig að hafa allsnægtir. Ég er fullreyndur orðinn í öllum hlutum, að vera mettur og hungraður, að hafa allsnægtir og líða skort. Allt megna ég fyrir hjálp hans sem mig styrkan gerir. 

Kvöldlestur: Heb 13.8-9b

Jesús Kristur er í gær og í dag hinn sami og um aldir.

Bæn dagsins

Horfum ekki um öxl í reiði eða fram á veg með kvíða, horfum heldur kringum okkur hér og nú í árvekni. Drottinn Guð, þú sem kallar oss með nafni. Yfirgef oss eigi. Amen.

Sálmur (sb. 105)

Í nafni hans, þótt haust sé kalt,<br/>
vér horfum glaðir fram á allt,<br/>
í nafni hans, er þróttur þver,<br/>
vér þráum líf, sem betra er.<br/>

(Valdimar Briem)

Minnisvers vikunnar

06. janúar 2019

Morgunlestur: Matt 2.1-12

Þegar Jesús var fæddur í Betlehem í Júdeu á dögum Heródesar konungs komu vitringar frá Austurlöndum til Jerúsalem og sögðu: "Hvar er hinn nýfæddi konungur Gyðinga? Við sáum stjörnu hans renna upp og erum komnir að veita honum lotningu."

Kvöldlestur: Jes 60. 1-6

Statt upp, skín þú, því að ljós þitt kemur 
og dýrð Drottins rennur upp yfir þér. 
Myrkur grúfir yfir jörðinni 
og sorti yfir þjóðunum 
en Drottinn er runninn upp yfir þér 
og dýrð hans birtist yfir þér. 
Þjóðir munu stefna á ljós þitt 
og konungar á ljómann sem rennur upp yfir þér. 

Bæn dagsins

Drottinn Guð, þú sem lést stjörnu vísa vitringunum um langan veg að jötu sonar þíns. Öll viska mannanna, já, trú og siðir, verða um síðir að lúta honum, sem kom til að frelsa heiminn. Gef að allar þjóðir, allir menn, fái að heyra um hann og lúta honum í trú og kærleika, Jesú Kristi, frelsara mínum og Drottni. Amen. (Karl Sigurbjörnsson)

Sálmur (sb. 568)

Með gleðiraust og helgum hljóm  
þig herra Jesú Kristi, 
heiðri fagnandi' og hvellum róm  
hópur þinn endurleysti; 
úr himnadýrð þú ofan stést 
á jörð til vor, því sunginn best 
sé þínu nafni sóminn, 
það von og fögnuð góðan gaf, 
gjörvallt mannkynið syndum af 
að frelsa ertu kominn. 
 
(Hjort - Magnús Stephensen)

Minnisvers vikunnar

07. janúar 2019

Morgunlestur: Mrk 1.1-8

En Jóhannes var í klæðum úr úlfaldahári, með leðurbelti um lendar sér og át engisprettur og villihunang. Hann prédikaði svo: "Sá kemur eftir mig sem mér er máttugri og er ég ekki verður þess að krjúpa niður og leysa skóþveng hans. Ég hef skírt ykkur með vatni en hann mun skíra ykkur með heilögum anda." 
 

Kvöldlestur: 1Jóh 4.9-16a

Í því birtist kærleikur Guðs til okkar að Guð hefur sent einkason sinn í heiminn til þess að hann skyldi veita okkur nýtt líf. Þetta er kærleikurinn: Ekki að við elskuðum Guð heldur að hann elskaði okkur og sendi son sinn til að vera friðþæging fyrir syndir okkar. 
 

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 250)

Vor Jesús börnin blíður 
að brjósti leggur sér 
og þeim hið besta býður, 
það borgarréttur er, 
með himins helgri þjóð, 
hann erfð þeim æðsta veitir 
og allri sælu heitir 
sitt fyrir blessaða blóð.
(Helgi Hálfdánarson)

Minnisvers vikunnar

07. janúar 2019

Morgunlestur: Mrk 1.1-8

En Jóhannes var í klæðum úr úlfaldahári, með leðurbelti um lendar sér og át engisprettur og villihunang. Hann prédikaði svo: "Sá kemur eftir mig sem mér er máttugri og er ég ekki verður þess að krjúpa niður og leysa skóþveng hans. Ég hef skírt ykkur með vatni en hann mun skíra ykkur með heilögum anda." 
 

Kvöldlestur: 1Jóh 4.9-16a

Í því birtist kærleikur Guðs til okkar að Guð hefur sent einkason sinn í heiminn til þess að hann skyldi veita okkur nýtt líf. Þetta er kærleikurinn: Ekki að við elskuðum Guð heldur að hann elskaði okkur og sendi son sinn til að vera friðþæging fyrir syndir okkar. 
 

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 250)

Vor Jesús börnin blíður 
að brjósti leggur sér 
og þeim hið besta býður, 
það borgarréttur er, 
með himins helgri þjóð, 
hann erfð þeim æðsta veitir 
og allri sælu heitir 
sitt fyrir blessaða blóð.
(Helgi Hálfdánarson)

Minnisvers vikunnar

08. janúar 2019

Morgunlestur: Mrk 1.9-15

Svo bar við á þeim dögum að Jesús kom frá Nasaret í Galíleu og Jóhannes skírði hann í Jórdan. Um leið og hann sté upp úr vatninu sá hann himnana ljúkast upp og andann stíga niður yfir sig eins og dúfu. Og rödd kom af himnum: "Þú ert minn elskaði sonur, á þér hef ég velþóknun." 
 

Kvöldlestur: Mrk 1.21-28

Þeir komu til Kapernaúm. Og hvíldardaginn gekk Jesús í samkunduna og kenndi. Menn urðu mjög snortnir af orðum hans því að hann kenndi þeim eins og sá er vald hefur og ekki eins og fræðimennirnir. 
 

Bæn dagsins

Umlyk mig á allar hliðar. Leyf mér að hvíla í hendi þinni. Amen.

Sálmur (sb. 250)

Til Krists því koma látið, 
þér kristnir, börnin smá 
og hæsta heill það játið 
að hans þau fundi ná. 
Ó, berið börn til hans, 
hann virðist við þeim taka 
þau voði má ei saka 
í faðmi frelsarans.
(Helgi Hálfdánarson)

Minnisvers vikunnar

08. janúar 2019

Morgunlestur: Mrk 1.9-15

Svo bar við á þeim dögum að Jesús kom frá Nasaret í Galíleu og Jóhannes skírði hann í Jórdan. Um leið og hann sté upp úr vatninu sá hann himnana ljúkast upp og andann stíga niður yfir sig eins og dúfu. Og rödd kom af himnum: "Þú ert minn elskaði sonur, á þér hef ég velþóknun." 
 

Kvöldlestur: Mrk 1.21-28

Þeir komu til Kapernaúm. Og hvíldardaginn gekk Jesús í samkunduna og kenndi. Menn urðu mjög snortnir af orðum hans því að hann kenndi þeim eins og sá er vald hefur og ekki eins og fræðimennirnir. 
 

Bæn dagsins

Umlyk mig á allar hliðar. Leyf mér að hvíla í hendi þinni. Amen.

Sálmur (sb. 250)

Til Krists því koma látið, 
þér kristnir, börnin smá 
og hæsta heill það játið 
að hans þau fundi ná. 
Ó, berið börn til hans, 
hann virðist við þeim taka 
þau voði má ei saka 
í faðmi frelsarans.
(Helgi Hálfdánarson)

Minnisvers vikunnar

09. janúar 2019

Morgunlestur: Jóh 1.35-42

Daginn eftir var Jóhannes þar aftur staddur og tveir lærisveinar hans. Hann sér Jesú á gangi og segir: "Sjá, Guðs lamb." Lærisveinar hans tveir heyrðu orð hans og fóru á eftir Jesú.

Jesús sneri sér við, sá þá koma á eftir sér og sagði við þá: "Hvers leitið þið?"

Þeir svara: "Rabbí, hvar dvelst þú?" en Rabbí þýðir meistari. 

Kvöldlestur: Jóh 1.43- 51

Jesús sá Natanael koma til sín og sagði við hann: "Hér er sannur Ísraelíti sem engin svik eru í."
Natanael spyr: "Hvaðan þekkir þú mig?"
Jesús svarar: "Ég sá þig undir fíkjutrénu áður en Filippus kallaði á þig."
Þá segir Natanael: "Rabbí, þú ert sonur Guðs, þú ert konungur Ísraels." 

Bæn dagsins

Drottinn minn og Guð minn. þú veist hvað bíður mín á þessum degi. Allt það fel ég þér í trausti til náðar þinnar og handleiðslu. Gef mér þann styrk sem ég þarfnast til að mæta því sem að höndum ber og vinna störf mín af alúð og gleði. Upplýs mig, að ég sjái þig í þeim sem á vegi mínum verða í dag, og geti orðið þeim lífsmark frá þér. Og Drottinn, þótt ég í önnum dagsins gleymi þér, gleymdu þá ekki mér. Vernda og blessa hvert fótmál mitt, andartak og æðaslag. Fyrir Jesú Krist, Drottin minn og frelsara. Amen.

Sálmur (sb. 251)

Andi Guðs sveif áður fyr 
yfir vatna djúpi. 
Upp þá lukust ljóssins dyr, 
létti' af myrkra hjúpi. 
Upp reis jörðin ung og ný, 
árdags geislum böðuð í, 
þá úr dimmu djúpi. 
(Valdimar Briem)

Minnisvers vikunnar

09. janúar 2019

Morgunlestur: Jóh 1.35-42

Daginn eftir var Jóhannes þar aftur staddur og tveir lærisveinar hans. Hann sér Jesú á gangi og segir: "Sjá, Guðs lamb." Lærisveinar hans tveir heyrðu orð hans og fóru á eftir Jesú.

Jesús sneri sér við, sá þá koma á eftir sér og sagði við þá: "Hvers leitið þið?"

Þeir svara: "Rabbí, hvar dvelst þú?" en Rabbí þýðir meistari. 

Kvöldlestur: Jóh 1.43- 51

Jesús sá Natanael koma til sín og sagði við hann: "Hér er sannur Ísraelíti sem engin svik eru í."
Natanael spyr: "Hvaðan þekkir þú mig?"
Jesús svarar: "Ég sá þig undir fíkjutrénu áður en Filippus kallaði á þig."
Þá segir Natanael: "Rabbí, þú ert sonur Guðs, þú ert konungur Ísraels." 

Bæn dagsins

Drottinn minn og Guð minn. þú veist hvað bíður mín á þessum degi. Allt það fel ég þér í trausti til náðar þinnar og handleiðslu. Gef mér þann styrk sem ég þarfnast til að mæta því sem að höndum ber og vinna störf mín af alúð og gleði. Upplýs mig, að ég sjái þig í þeim sem á vegi mínum verða í dag, og geti orðið þeim lífsmark frá þér. Og Drottinn, þótt ég í önnum dagsins gleymi þér, gleymdu þá ekki mér. Vernda og blessa hvert fótmál mitt, andartak og æðaslag. Fyrir Jesú Krist, Drottin minn og frelsara. Amen.

Sálmur (sb. 251)

Andi Guðs sveif áður fyr 
yfir vatna djúpi. 
Upp þá lukust ljóssins dyr, 
létti' af myrkra hjúpi. 
Upp reis jörðin ung og ný, 
árdags geislum böðuð í, 
þá úr dimmu djúpi. 
(Valdimar Briem)

Minnisvers vikunnar

10. janúar 2019

Morgunlestur: Matt 4.12-17

Þegar Jesús heyrði að Jóhannes hefði verið tekinn höndum hélt hann til Galíleu. Hann fór frá Nasaret og settist að í Kapernaúm við vatnið í byggðum Sebúlons og Naftalí. Þannig rættist það sem Jesaja spámaður mælti: 
 

Kvöldlestur: Matt 4.18-25

Jesús gekk með fram Galíleuvatni og sá tvo bræður, Símon, sem kallaður var Pétur, og Andrés, bróður hans, vera að kasta neti í vatnið en þeir voru fiskimenn. Hann sagði við þá: "Komið og fylgið mér og mun ég láta ykkur menn veiða."

Bæn dagsins

Guð, styrkur þeirra sem treysta á þig: Gef oss trú til að leggja allt í þínar hendur og lát oss minnast þess í öllum vandræðum og erfiðleikum, að þeim sem þig elska, samverkar allt til góðs. Fyrir Jesú Krist, Drottin vorn. Amen (Handbók kirkjunnar)

Sálmur (sb. 251)

Andi Guðs sveif annað sinn 
yfir vatni köldu, 
þegar lét sig lausnarinn 
lauga' í Jórdans öldu. 
Opnast himinn, eins og nýtt 
upp rann náðarljósið blítt 
dauða' úr djúpi köldu. 
(Valdimar Briem)

Minnisvers vikunnar

11. janúar 2019

Morgunlestur: Heb 2 .14-18

Sjálfur hefur hann þjáðst og hans verið freistað. Þess vegna er hann fær um að hjálpa þeim er verða fyrir freistingu. 
 

Kvöldlestur: Jóh 10.31-38

Jesús svaraði þeim: "Er ekki skrifað í lögmáli yðar: Ég hef sagt: Þér eruð guðir? – og ritningin verður ekki felld úr gildi. Ef lögmálið nefnir þá guði sem Guðs orð kom til segið þér þá við mig, sem faðirinn helgaði og sendi í heiminn, að ég guðlasti af því ég sagði: Ég er sonur Guðs? Ef ég vinn ekki verk föður míns skuluð þér ekki trúa mér en ef ég vinn þau þá trúið verkunum þótt þér trúið mér ekki svo að þér skiljið og vitið að faðirinn er í mér og ég í föðurnum." 

Bæn dagsins

Drottinn, kenn oss að skilja, að eins og stjörnur himins sjást aðeins í kyrrð næturinnar, þannig er það aðeins í kyrrð sálarinnar sem undur þín birtast. Gef að vér í kyrrð hjartans getum séð hið minnsta strá í alheimsgeimi umlukt elsku þinni. (Frá Indlandi)

Sálmur (sb. 251)

Andinn svífur enn sem fyr 
yfir vatni tæru, 
opnast himins dýrðardyr 
Drottins börnum kæru. 
Eftir skírnar blessað bað 
blómið upp vex nýdöggvað 
lífs í ljósi skæru. 
(Valdimar Briem)

Minnisvers vikunnar

12. janúar 2019

Morgunlestur: Jóh 5.19-24

Sannlega, sannlega segi ég yður: Sá sem heyrir orð mitt og trúir þeim sem sendi mig hefur eilíft líf og kemur ekki til dóms heldur er hann stiginn yfir frá dauðanum til lífsins.

Kvöldlestur: Lúk 10.21-24

Á sömu stundu fylltist Jesús af fagnandi gleði heilags anda og sagði: "Ég vegsama þig, faðir, Drottinn himins og jarðar, að þú hefur hulið þetta spekingum og hyggindamönnum en opinberað það smælingjum. Já, faðir, svo var þér þóknanlegt. 
 

Bæn dagsins

Guð minn, kom til mín í myrkrinu og umlyk mig náð. Þú ert mitt skjól, óbifanlegt athvarf í heiminum. Hjá þér er ég aftur barn, sem borið er hverja stund. Hugsanirnar hljóðna hjá þér og hjartað finnur hvíld. (M.Melin)

Sálmur (sb. 253)

Guð faðir sé vörður og verndari þinn, 
svo veröld ei megi þér granda, 
hvert fet þig hann leiði við föðurarm sinn 
og feli þig sér milli handa. 
(Valdimar Briem)

Minnisvers vikunnar

13. janúar 2019

Morgunlestur: Ef 6.1-4

Börn, hlýðið foreldrum ykkar vegna Drottins því að það er rétt. 
"Heiðra föður þinn og móður" – það er hið fyrsta boðorð með fyrirheiti: "til þess að þér vegni vel og þú verðir langlífur á jörðinni".
Og feður, reitið ekki börn ykkar til reiði heldur alið þau upp með aga og fræðslu um Drottin. 

Kvöldlestur: Mrk 10.13-16

Menn færðu börn til Jesú að hann snerti þau en lærisveinarnir átöldu þá. Þegar Jesús sá það sárnaði honum og hann mælti við þá: "Leyfið börnunum að koma til mín, varnið þeim eigi því að slíkra er Guðs ríki. Sannlega segi ég ykkur: Hver sem tekur ekki við Guðs ríki eins og barn mun aldrei inn í það koma." Og Jesús tók þau sér í faðm, lagði hendur yfir þau og blessaði þau.

Bæn dagsins

Guð ljóssins, við þökkum þér fyrir komu Jesú Krists í heiminn, hann sem er ljós heimsins takmark þess sem leitar, og vegvísir hins villta. Við þökkum þér að við megum koma til hans með börnin okkar og okkur sjálf, og þiggja blessun hans í heilagri skírn, hlýða á hann og fylgja honum að eilífu Amen.

Sálmur (sb. 250)

Til mín skal börnin bera, 
svo býður lausnarinn, 
þeim athvarf vil ég vera 
og veita kærleik minn. 
Ég fæddist fátækt í 
sem barn, að börn þess njóti 
og blessun alla hljóti 
af ástarundri því. 

(Helgi Hálfdánarson)

Minnisvers vikunnar

14. janúar 2019

Morgunlestur: Mrk 1.1-8

En Jóhannes var í klæðum úr úlfaldahári, með leðurbelti um lendar sér og át engisprettur og villihunang. Hann prédikaði svo: "Sá kemur eftir mig sem mér er máttugri og er ég ekki verður þess að krjúpa niður og leysa skóþveng hans. Ég hef skírt ykkur með vatni en hann mun skíra ykkur með heilögum anda." 

Kvöldlestur: 1Jóh 4.9-16a

Í því birtist kærleikur Guðs til okkar að Guð hefur sent einkason sinn í heiminn til þess að hann skyldi veita okkur nýtt líf. Þetta er kærleikurinn: Ekki að við elskuðum Guð heldur að hann elskaði okkur og sendi son sinn til að vera friðþæging fyrir syndir okkar. 
 

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 250)

Vor Jesús börnin blíður 
að brjósti leggur sér 
og þeim hið besta býður, 
það borgarréttur er, 
með himins helgri þjóð, 
hann erfð þeim æðsta veitir 
og allri sælu heitir 
sitt fyrir blessaða blóð. 

(Helgi Hálfdánarson)

Minnisvers vikunnar

15. janúar 2019

Morgunlestur: Mrk 1.9-15

Svo bar við á þeim dögum að Jesús kom frá Nasaret í Galíleu og Jóhannes skírði hann í Jórdan. Um leið og hann sté upp úr vatninu sá hann himnana ljúkast upp og andann stíga niður yfir sig eins og dúfu. Og rödd kom af himnum: "Þú ert minn elskaði sonur, á þér hef ég velþóknun."

Kvöldlestur: Mrk 1.21-28

Jesús hastaði þá á hann og mælti: "Þegi þú og far út af honum."
Þá teygði óhreini andinn manninn, rak upp hljóð mikið og fór út af honum. Sló felmtri á alla og hver spurði annan: "Hvað er þetta? Hann kennir á nýjan hátt. Það er eins og hann búi yfir guðlegum mætti! Hann skipar jafnvel óhreinum öndum og þeir hlýða honum." Og orðstír hans barst þegar um alla Galíleu. 

Bæn dagsins

Umlyk mig á allar hliðar. Leyf mér að hvíla í hendi þinni. Amen.

Sálmur (sb. 250)

Til Krists því koma látið, 
þér kristnir, börnin smá 
og hæsta heill það játið 
að hans þau fundi ná. 
Ó, berið börn til hans, 
hann virðist við þeim taka 
þau voði má ei saka 
í faðmi frelsarans. 
 
(Helgi Hálfdánarson) 

Minnisvers vikunnar

16. janúar 2019

Morgunlestur: Jóh 1.35-42

Annar þessara tveggja, sem heyrðu orð Jóhannesar og fóru á eftir Jesú, var Andrés, bróðir Símonar Péturs. Hann finnur fyrst bróður sinn, Símon, og segir við hann: "Við höfum fundið Messías!" en Messías þýðir Kristur, Hinn smurði. Hann fór með hann til Jesú. Jesús horfði á hann og sagði: "Þú ert Símon Jóhannesson, þú skalt heita Kefas," en Kefas, Pétur, þýðir klettur. 

Kvöldlestur: Jóh 1.43-51

Þá segir Natanael: "Rabbí, þú ert sonur Guðs, þú ert konungur Ísraels."
Jesús spyr hann: "Trúir þú af því að ég sagði við þig: Ég sá þig undir fíkjutrénu? Þú munt sjá það sem þessu er meira." Og hann segir við hann: "Sannlega, sannlega segi ég yður: Þér munuð sjá himininn opinn og engla Guðs stíga upp og stíga niður yfir Mannssoninn." 
 

Bæn dagsins

Drottinn minn og Guð minn. þú veist hvað bíður mín á þessum degi. Allt það fel ég þér í trausti til náðar þinnar og handleiðslu. Gef mér þann styrk sem ég þarfnast til að mæta því sem að höndum ber og vinna störf mín af alúð og gleði. Upplýs mig, að ég sjái þig í þeim sem á vegi mínum verða í dag, og geti orðið þeim lífsmark frá þér. Og Drottinn, þótt ég í önnum dagsins gleymi þér, gleymdu þá ekki mér. Vernda og blessa hvert fótmál mitt, andartak og æðaslag. Fyrir Jesú Krist, Drottin minn og frelsara. Amen.

Sálmur (sb. 251)

Andi Guðs sveif áður fyr 
yfir vatna djúpi. 
Upp þá lukust ljóssins dyr, 
létti' af myrkra hjúpi. 
Upp reis jörðin ung og ný, 
árdags geislum böðuð í, 
þá úr dimmu djúpi. 
 
(Valdimar Briem) 

Minnisvers vikunnar

17. janúar 2019

Morgunlestur: Matt 4.12-17

Sú þjóð sem í myrkri gengur sér mikið ljós. Yfir þau sem búa í skuggalandi dauðans skín ljós. 

Kvöldlestur: Matt 4.18-25

Jesús gekk með fram Galíleuvatni og sá tvo bræður, Símon, sem kallaður var Pétur, og Andrés, bróður hans, vera að kasta neti í vatnið en þeir voru fiskimenn. Hann sagði við þá: "Komið og fylgið mér og mun ég láta ykkur menn veiða." Og þegar í stað yfirgáfu þeir netin og fylgdu honum. 

Bæn dagsins

Guð, styrkur þeirra sem treysta á þig: Gef oss trú til að leggja allt í þínar hendur og lát oss minnast þess í öllum vandræðum og erfiðleikum, að þeim sem þig elska, samverkar allt til góðs. Fyrir Jesú Krist, Drottin vorn. Amen. (Handbók kirkjunnar)

Sálmur (sb. 251)

Andi Guðs sveif annað sinn 
yfir vatni köldu, 
þegar lét sig lausnarinn 
lauga' í Jórdans öldu. 
Opnast himinn, eins og nýtt 
upp rann náðarljósið blítt 
dauða' úr djúpi köldu. 
 
(Valdimar Briem) 

Minnisvers vikunnar

18. janúar 2019

Morgunlestur: Heb 2.14-18

Þar sem nú börnin eru af holdi og blóði þá varð hann sjálfur maður, til þess að hann með dauða sínum gæti að engu gert þann sem hefur mátt dauðans, það er að segja djöfulinn, og frelsað alla þá sem lifðu allan sinn aldur undir ánauðaroki af ótta við dauðann. Því að víst er um það að ekki tekur hann að sér englana en hann tekur að sér niðja Abrahams.

Kvöldlestur: Jóh 10.31-38

Jesús svaraði þeim: "Er ekki skrifað í lögmáli yðar: Ég hef sagt: Þér eruð guðir? – og ritningin verður ekki felld úr gildi. Ef lögmálið nefnir þá guði sem Guðs orð kom til segið þér þá við mig, sem faðirinn helgaði og sendi í heiminn, að ég guðlasti af því ég sagði: Ég er sonur Guðs? Ef ég vinn ekki verk föður míns skuluð þér ekki trúa mér en ef ég vinn þau þá trúið verkunum þótt þér trúið mér ekki svo að þér skiljið og vitið að faðirinn er í mér og ég í föðurnum."

Bæn dagsins

Drottinn, kenn oss að skilja, að eins og stjörnur himins sjást aðeins í kyrrð næturinnar, þannig er það aðeins í kyrrð sálarinnar sem undur þín birtast. Gef að vér í kyrrð hjartans getum séð hið minnsta strá í alheimsgeimi umlukt elsku þinni. (Frá Indlandi)

Sálmur (sb. 251)

Andinn svífur enn sem fyr 
yfir vatni tæru, 
opnast himins dýrðardyr 
Drottins börnum kæru. 
Eftir skírnar blessað bað 
blómið upp vex nýdöggvað 
lífs í ljósi skæru. 
 
(Valdimar Briem)

Minnisvers vikunnar

19. janúar 2019

Morgunlestur: Jóh 5.19-24

Þessu svaraði Jesús og sagði við þá: "Sannlega, sannlega segi ég yður: Ekkert getur sonurinn gert af sjálfum sér. Hann gerir það eitt sem hann sér föðurinn gera. Því hvað sem hann gerir, gerir sonurinn einnig. Faðirinn elskar soninn og sýnir honum allt sem hann gerir sjálfur. Hann mun sýna honum meiri verk en þessi svo að þér verðið furðu lostnir.

Kvöldlestur: Lúk 10.21-24

Á sömu stundu fylltist Jesús af fagnandi gleði heilags anda og sagði: "Ég vegsama þig, faðir, Drottinn himins og jarðar, að þú hefur hulið þetta spekingum og hyggindamönnum en opinberað það smælingjum. Já, faðir, svo var þér þóknanlegt. <br/>
Allt hefur faðir minn falið mér og enginn veit hver sonurinn er nema faðirinn né hver faðirinn er nema sonurinn og sá sem sonurinn vill opinbera hann."

Bæn dagsins

Guð minn, kom til mín í myrkrinu og umlyk mig náð. Þú ert mitt skjól, óbifanlegt athvarf í heiminum. Hjá þér er ég aftur barn, sem borið er hverja stund. Hugsanirnar hljóðna hjá þér og hjartað finnur hvíld. (M.Melin)

Sálmur (sb. 253)

Guð faðir sé vörður og verndari þinn, 
svo veröld ei megi þér granda, 
hvert fet þig hann leiði við föðurarm sinn 
og feli þig sér milli handa. 

(Valdimar Briem) 

Minnisvers vikunnar

20. janúar 2019

Morgunlestur: 2. sunnudagur eftir þrettánda

Ég fyrirverð mig ekki fyrir fagnaðarerindið. Það er kraftur Guðs sem frelsar hvern þann mann sem trúir, Gyðinginn fyrst og aðra síðan. Réttlæti Guðs opinberast í því fyrir trú til trúar eins og ritað er: Hinn réttláti mun lifa fyrir trú. 
 

Kvöldlestur: Lúk 19.1-10

Hann flýtti sér ofan og tók á móti honum glaður. Þeir er sáu þetta létu allir illa við og sögðu: "Hann þiggur boð hjá bersyndugum manni." 
En Sakkeus sneri sér til Drottins og sagði við hann: "Drottinn, helming eigna minna gef ég fátækum og hafi ég haft nokkuð af nokkrum gef ég honum ferfalt aftur." 
Jesús sagði þá við hann: "Í dag hefur hjálpræði hlotnast húsi þessu enda ert þú líka niðji Abrahams. Því að Mannssonurinn er kominn að leita að hinu týnda og frelsa það." 

Bæn dagsins

Miskunnsami Guð í kærleika þínum er kraftur til umbreytingar. Leyfðu okkur að komast að raun um, að þú getur látið gleði vaxa upp úr sorginni, frið og sátt verða milli þeirra sem deila, öruggt traust fæðast í vonleysinu og fyrirgefningu í sektinni. Gef okkur styrk trúarinnar að við treystum því að líf okkar beri ávöxt. Þess biðjum við í nafni Jesú Krists sem vitjar barna sinna. Amen.

Sálmur (sb. 113)

Hve sælt hvert hús, er sinna meðal gesta
þér sífellt býður heim, ó, Jesús kær. 
Í húsi því er hátíð æ hin besta, 
er heimsókn þína dag hvern öðlast fær. 
(Helgi Hálfdánarson)

Minnisvers vikunnar

21. janúar 2019

Morgunlestur: Mrk 2.18-22

Lærisveinar Jóhannesar og farísear héldu nú föstu. Þá koma menn til Jesú og spyrja hann: "Hví fasta lærisveinar Jóhannesar og lærisveinar farísea en þínir lærisveinar fasta ekki?"
Jesús svaraði þeim: „Hvort geta brúðkaupsgestir fastað meðan brúðguminn er hjá þeim? Alla þá stund sem brúðguminn er hjá þeim geta þeir ekki fastað. En koma munu þeir dagar er brúðguminn verður frá þeim tekinn, þá munu þeir fasta á þeim degi. 

Kvöldlestur: Jer 14.2-9

Þó að syndir vorar vitni gegn oss,
láttu samt til þín taka vegna nafns þíns, Drottinn. 
Svik vor eru margvísleg, 
vér höfum syndgað gegn þér. 
Þú, von Ísraels, 
frelsari hans á neyðartímum. 
Hvers vegna ertu eins og aðkomumaður í landinu, 
eins og ferðamaður sem tjaldar til einnar nætur? 
Hvers vegna ertu eins og ruglaður maður, 
eins og hermaður sem ekki getur sigrað? 
Þú ert þó sjálfur á meðal vor, 
Drottinn, vér erum kenndir við þig, 
yfirgef oss ekki.

Bæn dagsins

Drottinn, sem gafst sjálfan þig á krossi til að sameina mannkynið, við afneitum þín vegna rangsnúnu eðli okkar, eigingirni, hroka, hégóma og reiði. Drottinn, gleym ekki þeim kúguðu, þeim sem þjáðir eru af margkonar ofbeldi, reiði og hatri, fórnarlömb kaldhæðinnar sannfæringar og andstæðra hugmyndakerfa. Drottinn, kom til okkar með samúð og berðu umhyggju fyrir fólki þínu, svo að við megum njóta friðar og gleði sem er fólgin í skikkan sköpunar þinnar. Drottinn, lát allt kristið fólk vinna saman með því að koma á réttlæti þínu frekar en okkar. Veit okkur kjark til að bera krossinn með öðrum frekar en að leggja okkar kross á þeirra herðar. Drottinn, kenndu okkur af visku þinna að umgangast óvini okkar með kærleika í stað haturs. Amen.

Sálmur (sb. 113)

Hve sælt hvert hús, ef hjón þar saman búa 
í helgri trú og von og kærleik eitt 
og sífellt augum sálna til þín snúa, 
um samfylgd þína biðja þrátt og heitt. 

(Helgi Hálfdánarson)

Minnisvers vikunnar

22. janúar 2019

Morgunlestur: Mrk 3.1-6

Öðru sinni gekk Jesús í samkunduhús. Þar var maður með visna hönd og höfðu þeir nánar gætur á Jesú hvort hann læknaði hann á hvíldardegi. Þeir hugðust kæra hann. Og Jesús segir við manninn með visnu höndina: „Statt upp og kom hér fram!“ Síðan spyr hann þá: „Hvort er heldur leyfilegt að gera gott eða gera illt á hvíldardegi, bjarga lífi eða deyða?“
En þeir þögðu.

Kvöldlestur: Jer 17.24-27

En ef þér hlýðið á mig með athygli, segir Drottinn, og flytjið ekkert inn um hlið þessarar borgar á hvíldardegi, heldur haldið hann heilagan með því að vinna ekkert verk, þá munu konungar, sem sitja í hásæti Davíðs, koma inn um hlið þessarar borgar. Þeir koma akandi í vögnum og ríðandi á hestum, þeir sjálfir og hirðmenn þeirra, Júdamenn og Jerúsalembúar. Þá verður þessi borg ævinlega í byggð.

Bæn dagsins

Réttláti Guð, hér í heimi eru staðir með gnægtir matar en aðrir þar sem er skortur, þar eru margir hungraðir og sjúkir. Friðarins Guð, hér eru þeir sem auðgast á ofbeldi og stríði en aðrir sem vegna stríðs og ofbeldis eru neyddir til að leggja á flótta frá heimilum sínum. Miskunnsami Guð, hjálpa okkur að skilja að við lifum ekki á peningum einum saman, heldur gefur orðið þitt líf. Við biðjum í nafni Jesús Krists, Drottins okkar. Amen.

Sálmur (sb. 113)

Hve sælt hvert hús, er ber á bænarörmum 
sín börn til þín í hjartans ást og trú 
og felur þínum faðmi kærleiksvörmum 
þau fögur vorblóm, svo þeim hjúkrir þú. 

(Helgi Hálfdánarson) 

Minnisvers vikunnar

23. janúar 2019

Morgunlestur: Matt 19.3-9

Þeir segja við Jesú: „Hvers vegna bauð Móse þá að gefa konu skilnaðarbréf og skilja svo við hana?“ 
Hann svarar: „Móse leyfði ykkur að skilja við konur ykkar vegna þverúðar ykkar en frá upphafi var þetta eigi þannig. Ég segi ykkur: Sá sem skilur við konu sína, nema sakir hórdóms, og kvænist annarri drýgir hór.“ 

Kvöldlestur: Matt 17.24-27

Pétur kvað svo vera. 
En er hann kom inn tók Jesús fyrr til máls og mælti: "Hvað líst þér, Símon? Af hverjum heimta konungar jarðarinnar toll eða skatt? Af börnum sínum eða vandalausum?" 
"Af vandalausum," sagði Pétur. 
Jesús mælti: "Þá þurfa börnin ekki að greiða skatt. En til þess við hneykslum þá ekki skaltu fara niður að vatni og renna öngli, taktu síðan fyrsta fiskinn, sem þú dregur, opna munn hans og muntu finna pening. Tak hann og greið þeim fyrir mig og þig."
 

Bæn dagsins

Guð, skapari okkar, heimurinn var skapaður með orði þínu og þú sást að hann var góður. Í dag völdum við dauða og eyðileggingu á umhverfi okkar. Gef að við iðrumst græðgi okkar. Hjálpa okkur að bera umhyggju fyrir öllu sem þú hefur skapað. Saman þráum við að vernda sköpunarverk þitt. Amen.

Sálmur (sb. 113)

Hve sælt hvert hús, er lætur unga læra 
þitt lífsins orð, sem næring sálar er, 
og kennir þeim þér hlýðnisfórn að færa 
og fagurt lof af ást að gjalda þér. 

(Helgi Hálfdánarson) 

Minnisvers vikunnar

24. janúar 2019

Morgunlestur: Matt 5.17-20

Ætlið ekki að ég sé kominn til að afnema lögmálið eða spámennina. Ég kom ekki til að afnema heldur uppfylla. Sannlega segi ég yður: Þar til himinn og jörð líða undir lok mun ekki einn smástafur eða stafkrókur falla úr lögmálinu uns allt er komið fram. Hver sem því brýtur eitt af þessum minnstu boðum og kennir öðrum það mun kallast minnstur í himnaríki en sá sem heldur þau og kennir mun mikill kallast í himnaríki.

Kvöldlestur: 5Mós 5.5-13

Þá stóð ég á milli Drottins og ykkar til að flytja ykkur ræðu Drottins því að þið höfðuð ekki gengið á fjallið af ótta við eldinn. Drottinn sagði:
"Ég er Drottinn, Guð þinn, sem leiddi þig út úr Egyptalandi, út úr þrælahúsinu. 

Bæn dagsins

Drottinn, hjálpaðu okkur til að koma auga á óréttlæti og útilokun sem skemmir samfélag okkar. Beindu sjónum okkar að eigin fordómum og leiðbeindu okkur í átt til umburðarlyndis. Kenndu okkur að vísa freistingum á bug og skynja gleðina í því að lifa í einingu samfélagsins. Amen.

Sálmur (sb. 113)

Hve sælt hvert húsið, þar sem athöfn alla 
þér allir helga' og gjörvallt dagfar sitt. 
Þú síðar þá til samvistar munt kalla 
í sæluríka dýrðarhúsið þitt. 

(Helgi Hálfdánarson)

Minnisvers vikunnar

25. janúar 2019

Morgunlestur: 1Kor 2.1-5

Þegar ég kom til ykkar, systkin, og boðaði ykkur leyndardóm Guðs gerði ég það ekki með háfleygri mælsku eða spekiorðum. Þegar ég var með ykkur ásetti ég mér að hafa ekkert í huga annað en Jesú Krist og hann krossfestan.

Kvöldlestur: 1Kor 2.6-10

Ég tala speki meðal hinna fullkomnu, þó ekki speki þessarar aldar eða höfðingja þessarar aldar sem eiga að líða undir lok, heldur tala ég leynda speki Guðs sem hulin hefur verið en Guð hefur frá eilífð fyrirhugað okkur til dýrðar sinnar.

Bæn dagsins

Drottinn, hjálpaðu okkur til að koma auga á óréttlæti og útilokun sem skemmir samfélag okkar. Beindu sjónum okkar að eigin fordómum og leiðbeindu okkur í átt til umburðarlyndis. Kenndu okkur að vísa freistingum á bug og skynja gleðina í því að lifa í einingu samfélagsins. Amen.

Sálmur (sb. 114)

Hjartað bæði og húsið mitt 
heimili veri, Jesús, þitt, 
hjá mér þigg hvíld hentuga, 
þó þú komir með krossinn þinn, 
kom þú blessaður til mín inn, 
fagna' ég þér fegins huga. 

(Hallgrímur Pétursson)

Minnisvers vikunnar

26. janúar 2019

Morgunlestur: Róm 3.19-22

Við vitum að allt, sem lögmálið segir, er þeim ætlað sem fengu lögmálið til þess að sérhver munnur þagni og allur heimur verði að svara til saka fyrir Guði. Enginn maður réttlætist fyrir Guði með verkum í hlýðni við lögmálið en lögmálið kennir hvað sé synd. 

Kvöldlestur: Heb 12.12-25a

Réttið því úr máttvana höndum og magnþrota knjám. Látið fætur ykkar feta beinar brautir til þess að hið fatlaða vindist ekki úr liði en verði heilt. 

Bæn dagsins

Guð, heyrðu fólkið sem hrópar til þín í þjáningunni. Mættu hinir hraustu þakka þér heilsu sína og þjóna hinum sjúku með kærleik í hjarta og mildi með höndum sínum.Guð, gefðu að við mættum öll lifa í þinni náð og umhyggju og verða líknandi samfélag þar sem við lofum þig einum huga og einni sál. Amen.

Sálmur (sb. 115)

Ef þú vilt mig hreinsa, Herra, hindra kann þig 
ekki neinn, sár mín þarftu' ei sjálfur þerra, 
seg þú aðeins: "Vertu hreinn." Bjóð með einu 
orði, Herra, ef þú vilt, mun spilling þverra. 

(Valdimar Briem)

Minnisvers vikunnar

27. janúar 2019

Morgunlestur: Heb 11.1-3, 6

Ógerlegt er að þóknast Guði án trúar því að sá sem vill nálgast Guð verður að trúa því að hann sé til og að hann umbuni þeim er leita hans. 

Kvöldlestur: Lúk 17.5-10

Postularnir sögðu við Drottin: „Auk oss trú!“ 
En Drottinn sagði: „Ef þér hefðuð trú eins og mustarðskorn gætuð þér sagt við mórberjatré þetta: Ríf þig upp með rótum og fest rætur í sjónum, og það mundi hlýða yður.

Bæn dagsins

Drottin Guð, við þökkum þér fyrir viskuna sem við eigum í þínu orði. Gefðu okkur kjark til að opna hjörtu okkar og huga gagnvart þeim sem tilheyra öðrum kristnum söfnuðum og öðrum trúarbrögðum; náð til að sigrast á hindrunum sem felast í því að vera ólík, gegn fordómum og hatri; von um hina síðustu daga þegar kristnir geta gengið til móts við hina eilífu veislu þegar tár og smán okkar verður afmáð í kærleika. Amen.

Sálmur (sb. 207)

Sú, trú, sem fjöllin flytur, 
oss fári þyngstu ver, 
ei skaða skeyti bitur, 
þann skjöld ef berum vér, 
í stormum lífs hún styður 
og styrkir hjörtun þreytt, 
í henni' er fólginn friður, 
sem fær ei heimur veitt.  

(Helgi Hálfdánarson)

Minnisvers vikunnar

28. janúar 2019

Morgunlestur: Jes 19.19-25

Á þeim degi verður altari handa Drottni í Egyptalandi miðju og minningarsteinn Drottins við landamæri þess. Hann skal vera tákn og vitni Drottins allsherjar í Egyptalandi: Þegar þeir hrópa til Drottins undan kúgurum sínum mun hann senda þeim bjargvætt sem mun berjast og bjarga þeim.

Kvöldlestur: Post 10.1-20

Hann starði á engilinn, varð óttasleginn og sagði: „Hvað er það, herra?“ 
Engillinn svaraði: „Bænir þínar og ölmusur eru stignar upp til Guðs og hann minnist þeirra. Send þú nú menn til Joppe og lát sækja Símon nokkurn er kallast Pétur. Hann gistir hjá Símoni nokkrum sútara sem á hús við sjóinn.“ 

Bæn dagsins

Náðarríki og eilífi Guð, þú vakir yfir okkur mitt í þjáningunni og óreiðu heimsins. Hjálpaðu okkur til að fyllast von, lifa eftir boðum þínum og þjóna þeirri einingu sem þú þráir okkur til handa. Amen.

Sálmur (sb. 207)

Minn Jesús, lát ei linna 
í lífi trú mér hjá, 
svo faldi fata þinna 
ég fái þreifað á 
og kraftinn megi kanna, 
sem kemur æ frá þér 
til græðslu meinum manna 
og mesta blessun lér. 

(Helgi Hálfdánarson) 

Minnisvers vikunnar

29. janúar 2019

Morgunlestur: Post 10.21-35

Þá tók Pétur til máls og sagði: „Sannlega skil ég nú að Guð fer ekki í manngreinarálit. Hann tekur opnum örmum hverjum þeim sem óttast hann og ástundar réttlæti, hverrar þjóðar sem er.

Kvöldlestur: Jóh 4.46-54

Hann spurði þá hvenær honum hefði farið að létta og þeir svöruðu: „Í gær upp úr hádegi fór hitinn úr honum.“ Þá sá faðirinn að það var á þeirri stundu þegar Jesús hafði sagt við hann: „Sonur þinn lifir.“ Og hann tók trú og allt hans heimafólk. 
Þetta var annað táknið sem Jesús gerði þegar hann kom frá Júdeu til Galíleu. 

Bæn dagsins

Guð, vertu hjá mér í dag. Gættu mín og minna. Amen.

Sálmur (sb. 207)

Í trú mig styrk að stríða 
og standast eins og ber, 
í trú mig láttu líða, 
svo líki, Drottinn, þér. 
Er dauðans broddur bitur 
mér beiskri veldur þrá, 
þá trú, er fjöllin flytur, 
mig friða láttu þá. 

(Helgi Hálfdánarson)

Minnisvers vikunnar

30. janúar 2019

Morgunlestur: Jóh 4.5-14

Samversk kona kemur að sækja vatn. Jesús segir við hana: „Gef mér að drekka.“ En lærisveinar hans höfðu farið inn í borgina að kaupa vistir. 
Þá segir samverska konan við hann: „Hverju sætir að þú, sem ert Gyðingur, biður mig um að drekka, samverska konu?“ [En Gyðingar hafa ekki samneyti við Samverja. 
Jesús svaraði henni: „Ef þú þekktir gjöf Guðs og vissir hver sá er sem segir við þig: Gef mér að drekka, þá mundir þú biðja hann og hann gæfi þér lifandi vatn.“ 

Kvöldlestur: Jóh 4.15-26

Jesús segir við hana: „Trú þú mér, kona. Sú stund kemur að þið munuð hvorki tilbiðja föðurinn á þessu fjalli né í Jerúsalem. Þið tilbiðjið það sem þið þekkið ekki. Við tilbiðjum það sem við þekkjum því hjálpræðið kemur frá Gyðingum. En sú stund kemur, já, hún er nú komin, er hinir sönnu tilbiðjendur munu tilbiðja föðurinn í anda og sannleika. Faðirinn leitar slíkra tilbiðjenda. Guð er andi og þeir sem tilbiðja hann eiga að tilbiðja í anda og sannleika.“ 

Bæn dagsins

Guð minn, gef mér að þiggja sem gjöf frá þér það allt sem dagurinn geymir mér. Amen.

Sálmur (sb. 208)

Ó, faðir minn, heyr þjóninn þinn, 
er þökk af hjarta færir 
þér, líknin há, er ljósin smá 
af ljósi þínu nærir. 
Þitt hulda ráð þú hefur skráð 
í hjörtum barna þinna, 
er veraldar ei vitringar 
með visku kunna finna. 

(Valdimar Briem)

Minnisvers vikunnar

31. janúar 2019

Morgunlestur: Jóh 4.27-42

Jesús sagði við þá: „Minn matur er að gera vilja þess sem sendi mig og fullna verk hans. Segið þið ekki: Enn eru fjórir mánuðir, þá kemur uppskeran? En ég segi ykkur: Lítið upp og horfið á akrana, þeir eru fullþroskaðir til uppskeru. Sá sem upp sker tekur þegar laun og safnar ávexti til eilífs lífs. Þá getur sá sem sáir samfagnað þeim sem upp sker. Hér sannast orðtakið: Einn sáir og annar upp sker. Ég sendi ykkur að skera upp það sem þið hafið ekki unnið við. Aðrir hafa erfiðað en þið njótið erfiðis þeirra.“ 

Kvöldlestur: Post 13.42-52

Þegar Páll og Barnabas gengu út báðu menn um að mál þetta yrði rætt við þá aftur næsta hvíldardag. Og er samkomunni var slitið fylgdu margir Gyðingar og guðræknir menn, sem tekið höfðu trú Gyðinga, þeim Páli og Barnabasi. En þeir töluðu við þá og brýndu fyrir þeim að halda sér fast við náð Guðs. 

Bæn dagsins

Góði Guð, ég vil hvíla í hendi þinni, ég í þér og þú í mér, þú sem ert allt í öllu, eilífi, góði Guð. Amen.

Sálmur (sb. 208)

Ég trúi' á þig, en tel ei mig 
í tölu spekinganna, 
og nóg er mér, ef mitt ég er 
á meðal smælingjanna, 
er Jesú Krist sinn finna fyrst 
og friðarboð hans þiggja 
og allt sitt traustið efalaust 
á orði Drottins byggja. 

(Valdimar Briem)

Minnisvers vikunnar

01. febrúar 2019

Morgunlestur: Lúk 4.22-30

En Jesús sagði við fólkið: „Eflaust munuð þér minna mig á orðtakið: Læknir, lækna sjálfan þig! Vér höfum heyrt um allt sem gerst hefur í Kapernaúm. Ger nú hið sama hér í ættborg þinni.“ Enn sagði Jesús: „Sannlega segi ég yður, engum spámanni er vel tekið í landi sínu. En satt segi ég yður að margar voru ekkjur í Ísrael á dögum Elía þegar himinninn var luktur í þrjú ár og sex mánuði og mikið hungur í öllu landinu og þó var Elía til engrar þeirra sendur heldur aðeins til ekkju í Sarepta í Sídonlandi. Og margir voru líkþráir í Ísrael á dögum Elísa spámanns og enginn þeirra var hreinsaður heldur aðeins Naaman Sýrlendingur.“ 

Kvöldlestur: Jes 45.18-25

Ég hef ekki talað í leynum,  
ekki einhvers staðar í myrku landi, 
ég hef ekki sagt við niðja Jakobs: 
„Leitið mín í tóminu.“ 
Ég er Drottinn og segi það sem satt er, 
skýri frá því sem rétt er. 

Bæn dagsins

Guð minn, þakka þér þennan dag. Ég veit ekki hvað bíður mín, en ég vil treysta þér í Jesú nafni. Amen.

Sálmur (sb. 208)

Ég kem til þín og þú til mín, 
ó, því er sælt að taka. 
Ég dvel hjá þér og þú hjá mér, 
og þá mun ekki saka. 
Ég ok ber þitt og þú ber mitt 
í þessum harmadölum, 
og ég er þinn og þú ert minn 
í þínum gleðisölum. 

(Valdimar Briem)

Minnisvers vikunnar

02. febrúar 2019

Morgunlestur: Róm 11.13-22

En við ykkur, heiðingjar, segi ég: Nú er ég einmitt postuli heiðingja og þá þjónustu vegsama ég. Vera mætti að ég gæti vakið afbrýði hjá ættmennum mínum og frelsað einhverja þeirra. Fyrst það varð sáttargjörð fyrir heiminn að þeim var hafnað, hvað verður þá upptaka þeirra annað en líf af dauðum? Ef frumgróðinn er heilagur er einnig deigið það. Og ef rótin er heilög eru einnig greinarnar það. 

Kvöldlestur: Róm 15.14-21

Fyrir mitt leyti er ég sannfærður um að sjálf eruð þið, góð systkin, svo rík að góðgirni og auðguð alls konar þekkingu að þið eruð fær um að leiðbeina hvert öðru. Ég hef þó ritað ykkur, sums staðar í djarfara lagi, til þess að minna ykkur á sitthvað. Það hef ég gert af því að Guð hefur gefið mér þá náð að gegna heilagri þjónustu við Krist Jesú hjá heiðingjum, vera prestur fyrir fagnaðarerindi Guðs til þess að heiðingjar mættu verða Guði velþóknanleg fórn, helguð af heilögum anda. 

Bæn dagsins

Ég fel mig þér og allt sem mér mætir á þessum degi, minn góði Guð, geymdu mig, og leiddu á ljóssins vegi. Amen.

Sálmur (sb. 209)

Þá þú gengur í Guðs hús inn, 
gæt þess vel, sál mín fróma, 
hæð þú þar ekki Herrann þinn 
með hegðun líkamans tóma. 
Beygðu holdsins og hjartans kné, 
heit bæn þín ástarkveðja sé, 
hræsnin mun síst þér sóma. 

(Hallgrímur Pétursson)

Minnisvers vikunnar

03. febrúar 2019

Morgunlestur: Matt 14.22-33

Pétur svaraði honum: „Ef það ert þú, Drottinn, þá bjóð mér að koma til þín á vatninu.“ 
Jesús svaraði: „Kom þú!“ Og Pétur sté úr bátnum og gekk á vatninu til hans. En er hann sá ofviðrið varð hann hræddur og tók að sökkva. Þá kallaði hann: „Drottinn, bjarga þú mér!“ 
Jesús rétti þegar út höndina, tók í hann og sagði: „Trúlitli maður, hví efaðist þú?“ 

Kvöldlestur: Jes 51.9-16

Varst það ekki þú sem þurrkaðir upp hafið, 
vötnin í hinu mikla frumdjúpi, 
sem gerðir hafdjúpið að vegi 
svo að hinir endurleystu kæmust yfir? 

Bæn dagsins

Guð, þú skipar storminum fyrir og gjörir kyrrð. Feyk í burtu skýjum efans og óttans. Gef okkur börnum þínum öllum styrk trúarinnar fyrir Jesú Krist sem leiðir okkur í hverskyns stormum. Amen.

Sálmur (sb. 571)

Þótt æði stormar heims um haf, 
ei háski granda má oss, 
þeir bát vorn fært ei fá í kaf, 
því frelsarinn er hjá oss. 
Ei öldur skaða' oss hót, því hann, 
er haf og vinda stöðva kann, 
þeim bægir burtu frá oss. 
(Helgi Hálfdánarson)

Minnisvers vikunnar

03. febrúar 2019

Morgunlestur: Matt 14.22-33

Pétur svaraði honum: „Ef það ert þú, Drottinn, þá bjóð mér að koma til þín á vatninu.“ 
Jesús svaraði: „Kom þú!“ Og Pétur sté úr bátnum og gekk á vatninu til hans. En er hann sá ofviðrið varð hann hræddur og tók að sökkva. Þá kallaði hann: „Drottinn, bjarga þú mér!“ 
Jesús rétti þegar út höndina, tók í hann og sagði: „Trúlitli maður, hví efaðist þú?“ 

Kvöldlestur: Jes 51.9-16

Varst það ekki þú sem þurrkaðir upp hafið, 
vötnin í hinu mikla frumdjúpi, 
sem gerðir hafdjúpið að vegi 
svo að hinir endurleystu kæmust yfir? 

Bæn dagsins

Guð, þú skipar storminum fyrir og gjörir kyrrð. Feyk í burtu skýjum efans og óttans. Gef okkur börnum þínum öllum styrk trúarinnar fyrir Jesú Krist sem leiðir okkur í hverskyns stormum. Amen.

Sálmur (sb. 571)

Þótt æði stormar heims um haf, 
ei háski granda má oss, 
þeir bát vorn fært ei fá í kaf, 
því frelsarinn er hjá oss. 
Ei öldur skaða' oss hót, því hann, 
er haf og vinda stöðva kann, 
þeim bægir burtu frá oss. 
(Helgi Hálfdánarson)

Minnisvers vikunnar

04. febrúar 2019

Morgunlestur: 1Mós 8.1-12

Að liðnum fjörutíu dögum lauk Nói upp glugga arkarinnar sem hann hafði gert og sendi út hrafn. Hann flaug fram og aftur uns vatnið þornaði á jörðinni. Þá sendi hann frá sér dúfu til að gæta að því hvort vatnið væri þorrið á jörðinni. En dúfan gat hvergi tyllt sér og hvarf aftur til hans í örkina því að vatn var enn yfir jörðinni allri. Hann rétti út hönd sína og tók dúfuna til sín í örkina. Enn beið hann í sjö daga en sendi þá dúfuna öðru sinni úr örkinni. Dúfan kom aftur til hans undir kvöld og var þá með grænt ólífuviðarblað í nefinu. Þá vissi Nói að vatnið var þorrið af jörðinni. 

Kvöldlestur: 4Mós 22.21-35

Þá lauk Drottinn upp augum Bíleams svo að hann sá engil Drottins standa á veginum með brugðið sverð í hendi. Hann laut honum og féll fram á ásjónu sína. 
Engill Drottins spurði hann: „Hvers vegna hefurðu slegið ösnuna þína þrisvar? Ég gekk fram til að hindra þig því að leiðin, sem þú ferð, er hættuleg að mínum dómi. Asnan sá mig og vék þrisvar úr vegi fyrir mér. Hefði hún ekki vikið úr vegi fyrir mér hefði ég þegar í stað drepið þig en gefið henni líf.“ 

Bæn dagsins

Faðir vor, Guð lausnar og frelsis, til komi þitt ríki, svo að þekkja megi nafn þitt og vilja meðal vor og allra þjóða, og að vér reiðum oss á orð þitt og lifum með þér nú og að eilífu. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 571)

Þótt vantrú sjái' af hættum her 
og hugsi: "Drottinn sefur," 
og hræðslan kveini: "Hjálpin þver, 
oss Herrann yfirgefur" - 
ég þreyja vil í traustri trú 
og treysta, Jesús minn, að þú 
mig örmum verndar vefur. 
(Helgi Hálfdánarson)

Minnisvers vikunnar

04. febrúar 2019

Morgunlestur: 1Mós 8.1-12

Að liðnum fjörutíu dögum lauk Nói upp glugga arkarinnar sem hann hafði gert og sendi út hrafn. Hann flaug fram og aftur uns vatnið þornaði á jörðinni. Þá sendi hann frá sér dúfu til að gæta að því hvort vatnið væri þorrið á jörðinni. En dúfan gat hvergi tyllt sér og hvarf aftur til hans í örkina því að vatn var enn yfir jörðinni allri. Hann rétti út hönd sína og tók dúfuna til sín í örkina. Enn beið hann í sjö daga en sendi þá dúfuna öðru sinni úr örkinni. Dúfan kom aftur til hans undir kvöld og var þá með grænt ólífuviðarblað í nefinu. Þá vissi Nói að vatnið var þorrið af jörðinni. 

Kvöldlestur: 4Mós 22.21-35

Þá lauk Drottinn upp augum Bíleams svo að hann sá engil Drottins standa á veginum með brugðið sverð í hendi. Hann laut honum og féll fram á ásjónu sína. 
Engill Drottins spurði hann: „Hvers vegna hefurðu slegið ösnuna þína þrisvar? Ég gekk fram til að hindra þig því að leiðin, sem þú ferð, er hættuleg að mínum dómi. Asnan sá mig og vék þrisvar úr vegi fyrir mér. Hefði hún ekki vikið úr vegi fyrir mér hefði ég þegar í stað drepið þig en gefið henni líf.“ 

Bæn dagsins

Faðir vor, Guð lausnar og frelsis, til komi þitt ríki, svo að þekkja megi nafn þitt og vilja meðal vor og allra þjóða, og að vér reiðum oss á orð þitt og lifum með þér nú og að eilífu. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 571)

Þótt vantrú sjái' af hættum her 
og hugsi: "Drottinn sefur," 
og hræðslan kveini: "Hjálpin þver, 
oss Herrann yfirgefur" - 
ég þreyja vil í traustri trú 
og treysta, Jesús minn, að þú 
mig örmum verndar vefur. 
(Helgi Hálfdánarson)

Minnisvers vikunnar

05. febrúar 2019

Morgunlestur: Mrk 1.21-28

Þar var í samkundu þeirra maður haldinn óhreinum anda. Hann æpti: „Hvað vilt þú okkur, Jesús frá Nasaret? Ert þú kominn að tortíma okkur? Ég veit hver þú ert, hinn heilagi Guðs.“ 
Jesús hastaði þá á hann og mælti: „Þegi þú og far út af honum.“ 
Þá teygði óhreini andinn manninn, rak upp hljóð mikið og fór út af honum. Sló felmtri á alla og hver spurði annan: „Hvað er þetta? Hann kennir á nýjan hátt. Það er eins og hann búi yfir guðlegum mætti! Hann skipar jafnvel óhreinum öndum og þeir hlýða honum.“ 

Kvöldlestur: Matt 14.22-33

En er langt var liðið næturkom Jesús til þeirra, gangandi á vatninu. Þegar lærisveinarnir sáu hann ganga á vatninu varð þeim bilt við. Þeir sögðu: „Þetta er vofa,“ og æptu af hræðslu.
En Jesús mælti jafnskjótt til þeirra: „Verið hughraustir, það er ég, verið óhræddir.“ 

Bæn dagsins

Faðir vor, Guð allrar speki, verði þinn vilji svo á jörðu sem á himnum, svo við lútum vilja þínum, og leggjum allt í þínar hendur, og þú ónýtir öll ill ráð og allan illan vilja í veröldinni. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 571)

Mitt hjarta, Jesús, vantrú ver, 
þótt volki heims ei linni, 
en þá mig hels að boða ber, 
þú bjarga sálu minni, 
þá virstu hasta' á vind og sjó, 
og veittu mér í sælli ró 
að lenda í lífshöfn þinni. 
(Helgi Hálfdánarson)

Minnisvers vikunnar

05. febrúar 2019

Morgunlestur: Mrk 1.21-28

Þar var í samkundu þeirra maður haldinn óhreinum anda. Hann æpti: „Hvað vilt þú okkur, Jesús frá Nasaret? Ert þú kominn að tortíma okkur? Ég veit hver þú ert, hinn heilagi Guðs.“ 
Jesús hastaði þá á hann og mælti: „Þegi þú og far út af honum.“ 
Þá teygði óhreini andinn manninn, rak upp hljóð mikið og fór út af honum. Sló felmtri á alla og hver spurði annan: „Hvað er þetta? Hann kennir á nýjan hátt. Það er eins og hann búi yfir guðlegum mætti! Hann skipar jafnvel óhreinum öndum og þeir hlýða honum.“ 

Kvöldlestur: Matt 14.22-33

En er langt var liðið næturkom Jesús til þeirra, gangandi á vatninu. Þegar lærisveinarnir sáu hann ganga á vatninu varð þeim bilt við. Þeir sögðu: „Þetta er vofa,“ og æptu af hræðslu.
En Jesús mælti jafnskjótt til þeirra: „Verið hughraustir, það er ég, verið óhræddir.“ 

Bæn dagsins

Faðir vor, Guð allrar speki, verði þinn vilji svo á jörðu sem á himnum, svo við lútum vilja þínum, og leggjum allt í þínar hendur, og þú ónýtir öll ill ráð og allan illan vilja í veröldinni. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 571)

Mitt hjarta, Jesús, vantrú ver, 
þótt volki heims ei linni, 
en þá mig hels að boða ber, 
þú bjarga sálu minni, 
þá virstu hasta' á vind og sjó, 
og veittu mér í sælli ró 
að lenda í lífshöfn þinni. 
(Helgi Hálfdánarson)

Minnisvers vikunnar

06. febrúar 2019

Morgunlestur: Jer 5.20-22

Óttist þér mig eigi? segir Drottinn, 
skjálfið þér eigi fyrir augliti mínu? 
Ég setti hafinu skorður með fjörusandinum, 
varanleg mörk sem það fer eigi yfir. 
Þótt öldurnar æði fær það engu áorkað, 
þótt þær drynji kemst það eigi yfir þau. 

Kvöldlestur: Dan 6.1-10

Þá sögðu mennirnir: "Ekki tekst okkur að finna neitt saknæmt um Daníel þennan nema vera kynni að einhver sök leyndist í átrúnaði hans." 
Þessir yfirhöfðingjar og héraðshöfðingjar skunduðu nú á konungs fund og sögðu: "Daríus konungur, megir þú lifa að eilífu. Allir yfirhöfðingjar ríkisins, landstjórar, héraðshöfðingjar, ráðgjafar og landshöfðingjar hafa komið sér saman um að gefin skuli út konungsskipun til staðfestingar því að hverjum þeim skuli varpað í ljónagryfju sem í þrjátíu daga snýr bænum sínum til nokkurs guðs eða manns annars en þín, konungur.

Bæn dagsins

Faðir vor, lífsins Guð, gef oss í dag vort daglegt brauð, svo að allir fái það sem þeir þarfnast til líkama og sálar, og að við miðlum öðrum með okkur með gleði gjöfum þínum. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 292)

Gegnum hættur, gegnum neyð 
göngum, Krists menn, vora leið. 
Hvorki blöskri böl né kross, 
brauðið lífsins styrkir oss. 
(Stefán Thorarensen)

Minnisvers vikunnar

06. febrúar 2019

Morgunlestur: Jer 5.20-22

Óttist þér mig eigi? segir Drottinn, 
skjálfið þér eigi fyrir augliti mínu? 
Ég setti hafinu skorður með fjörusandinum, 
varanleg mörk sem það fer eigi yfir. 
Þótt öldurnar æði fær það engu áorkað, 
þótt þær drynji kemst það eigi yfir þau. 

Kvöldlestur: Dan 6.1-10

Þá sögðu mennirnir: "Ekki tekst okkur að finna neitt saknæmt um Daníel þennan nema vera kynni að einhver sök leyndist í átrúnaði hans." 
Þessir yfirhöfðingjar og héraðshöfðingjar skunduðu nú á konungs fund og sögðu: "Daríus konungur, megir þú lifa að eilífu. Allir yfirhöfðingjar ríkisins, landstjórar, héraðshöfðingjar, ráðgjafar og landshöfðingjar hafa komið sér saman um að gefin skuli út konungsskipun til staðfestingar því að hverjum þeim skuli varpað í ljónagryfju sem í þrjátíu daga snýr bænum sínum til nokkurs guðs eða manns annars en þín, konungur.

Bæn dagsins

Faðir vor, lífsins Guð, gef oss í dag vort daglegt brauð, svo að allir fái það sem þeir þarfnast til líkama og sálar, og að við miðlum öðrum með okkur með gleði gjöfum þínum. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 292)

Gegnum hættur, gegnum neyð 
göngum, Krists menn, vora leið. 
Hvorki blöskri böl né kross, 
brauðið lífsins styrkir oss. 
(Stefán Thorarensen)

Minnisvers vikunnar

07. febrúar 2019

Morgunlestur: Jer 5.20-22

Óttist þér mig eigi? segir Drottinn, 
skjálfið þér eigi fyrir augliti mínu? 
Ég setti hafinu skorður með fjörusandinum, 
varanleg mörk sem það fer eigi yfir. 
Þótt öldurnar æði fær það engu áorkað,
þótt þær drynji kemst það eigi yfir þau. 

Kvöldlestur: Dan 6.1-10

Þá sögðu mennirnir: „Ekki tekst okkur að finna neitt saknæmt um Daníel þennan nema vera kynni að einhver sök leyndist í átrúnaði hans.“ 
Þessir yfirhöfðingjar og héraðshöfðingjar skunduðu nú á konungs fund og sögðu: „Daríus konungur, megir þú lifa að eilífu. Allir yfirhöfðingjar ríkisins, landstjórar, héraðshöfðingjar, ráðgjafar og landshöfðingjar hafa komið sér saman um að gefin skuli út konungsskipun til staðfestingar því að hverjum þeim skuli varpað í ljónagryfju sem í þrjátíu daga snýr bænum sínum til nokkurs guðs eða manns annars en þín, konungur.

Bæn dagsins

Faðir vor, lífsins Guð, gef oss í dag vort daglegt brauð, svo að allir fái það sem þeir þarfnast til líkama og sálar, og að við miðlum öðrum með okkur með gleði gjöfum þínum. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 292)

Gegnum hættur, gegnum neyð 
göngum, Krists menn, vora leið. 
Hvorki blöskri böl né kross, 
brauðið lífsins styrkir oss. 
(Stefán Thorarensen)

Minnisvers vikunnar

07. febrúar 2019

Morgunlestur: Jer 5.20-22

Óttist þér mig eigi? segir Drottinn, 
skjálfið þér eigi fyrir augliti mínu? 
Ég setti hafinu skorður með fjörusandinum, 
varanleg mörk sem það fer eigi yfir. 
Þótt öldurnar æði fær það engu áorkað,
þótt þær drynji kemst það eigi yfir þau. 

Kvöldlestur: Dan 6.1-10

Þá sögðu mennirnir: „Ekki tekst okkur að finna neitt saknæmt um Daníel þennan nema vera kynni að einhver sök leyndist í átrúnaði hans.“ 
Þessir yfirhöfðingjar og héraðshöfðingjar skunduðu nú á konungs fund og sögðu: „Daríus konungur, megir þú lifa að eilífu. Allir yfirhöfðingjar ríkisins, landstjórar, héraðshöfðingjar, ráðgjafar og landshöfðingjar hafa komið sér saman um að gefin skuli út konungsskipun til staðfestingar því að hverjum þeim skuli varpað í ljónagryfju sem í þrjátíu daga snýr bænum sínum til nokkurs guðs eða manns annars en þín, konungur.

Bæn dagsins

Faðir vor, lífsins Guð, gef oss í dag vort daglegt brauð, svo að allir fái það sem þeir þarfnast til líkama og sálar, og að við miðlum öðrum með okkur með gleði gjöfum þínum. Því að þitt er ríkið, mátturinn og dýrðin að eilífu. Amen. (Eftir fræðum Lúthers)

Sálmur (sb. 292)

Gegnum hættur, gegnum neyð 
göngum, Krists menn, vora leið. 
Hvorki blöskri böl né kross, 
brauðið lífsins styrkir oss. 
(Stefán Thorarensen)

Minnisvers vikunnar

08. febrúar 2019

Morgunlestur: Dan 6.20-28

Hann kom að ljónagryfjunni og kallaði þá á Daníel dapurri röddu. Konungur tók til máls og sagði: „Daníel, þjónn hins lifandi Guðs, hefur Guð þinn, sá sem þú vegsamar án afláts, megnað að frelsa þig undan ljónunum?“ Þá sagði Daníel við konung: „Konungur, megir þú lifa að eilífu. Guð sendi engil sinn og hann lokaði gini ljónanna svo að þau unnu mér ekkert mein. Gagnvart honum hef ég reynst saklaus og í engu hef ég brotið gegn þér, konungur.“

Kvöldlestur: Post 4.8-12

Jesús er 
steinninn sem þér, húsasmiðirnir, virtuð einskis, 
hann er orðinn að hyrningarsteini. 
Ekki er hjálpræðið í neinum öðrum og ekkert annað nafn er mönnum gefið um víða veröld sem getur frelsað okkur.“ 

Bæn dagsins

Drottinn, hvert get ég flúið frá anda þínum og hvert flúið frá augliti þínu? Þótt ég stigi upp í himininn, þá ertu þar, þótt ég gjörði undirheima að hvílu minni, sjá, þú ert þar. Miskunna þú mér, í Jesú nafni. Amen. (Salm 139)

Sálmur (sb. 292)

Hugprúð gleðjist, hjörtu mædd, 
herskrúðanum Drottins klædd. 
Berjumst hart, ei hríð er löng, 
hún mun enda' í gleðisöng. 
(Stefán Thorarensen)

Minnisvers vikunnar

08. febrúar 2019

Morgunlestur: Dan 6.20-28

Hann kom að ljónagryfjunni og kallaði þá á Daníel dapurri röddu. Konungur tók til máls og sagði: „Daníel, þjónn hins lifandi Guðs, hefur Guð þinn, sá sem þú vegsamar án afláts, megnað að frelsa þig undan ljónunum?“ Þá sagði Daníel við konung: „Konungur, megir þú lifa að eilífu. Guð sendi engil sinn og hann lokaði gini ljónanna svo að þau unnu mér ekkert mein. Gagnvart honum hef ég reynst saklaus og í engu hef ég brotið gegn þér, konungur.“

Kvöldlestur: Post 4.8-12

Jesús er 
steinninn sem þér, húsasmiðirnir, virtuð einskis, 
hann er orðinn að hyrningarsteini. 
Ekki er hjálpræðið í neinum öðrum og ekkert annað nafn er mönnum gefið um víða veröld sem getur frelsað okkur.“ 

Bæn dagsins

Drottinn, hvert get ég flúið frá anda þínum og hvert flúið frá augliti þínu? Þótt ég stigi upp í himininn, þá ertu þar, þótt ég gjörði undirheima að hvílu minni, sjá, þú ert þar. Miskunna þú mér, í Jesú nafni. Amen. (Salm 139)

Sálmur (sb. 292)

Hugprúð gleðjist, hjörtu mædd, 
herskrúðanum Drottins klædd. 
Berjumst hart, ei hríð er löng, 
hún mun enda' í gleðisöng. 
(Stefán Thorarensen)

Minnisvers vikunnar

09. febrúar 2019

Morgunlestur: Jes 51.4-6

Hefjið augu yðar til himins 
og virðið fyrir yður jörðina hér niðri. 
Himinninn mun leysast sundur sem reykur, 
jörðin fyrnast sem fat 
og íbúar hennar deyja sem mý. 
En hjálpræði mitt er ævarandi 
og réttlæti mitt líður ekki undir lok. 

Kvöldlestur: Ef 1.15-23

Allt hefur hann lagt undir fætur honum og gefið hann kirkjunni sem höfuðið yfir öllu. En kirkjan er líkami hans og fyllist af honum sem sjálfur fyllir allt í öllu. 

Bæn dagsins

Faðir vor, frelsa oss frá illu, svo að vér getum frelsast frá öllum skaða og tjóni á líkama og sálu, og að vér þegar stundin kemur fáum kvatt þennan heim í friði og sátt. Því að þitt er ríkið, mátturinn og dýrðinað eilífu. Amen. (Úr Fræðum Lúthers)

Sálmur (sb. 292)

Áfram því með dug og dáð, 
Drottins studdir ást og náð. 
Sé hann með oss, ekkert er 
óttalegt. Þá sigrum vér. 
(Stefán Thorarensen)

Minnisvers vikunnar

09. febrúar 2019

Morgunlestur: Jes 51.4-6

Hefjið augu yðar til himins 
og virðið fyrir yður jörðina hér niðri. 
Himinninn mun leysast sundur sem reykur, 
jörðin fyrnast sem fat 
og íbúar hennar deyja sem mý. 
En hjálpræði mitt er ævarandi 
og réttlæti mitt líður ekki undir lok. 

Kvöldlestur: Ef 1.15-23

Allt hefur hann lagt undir fætur honum og gefið hann kirkjunni sem höfuðið yfir öllu. En kirkjan er líkami hans og fyllist af honum sem sjálfur fyllir allt í öllu. 

Bæn dagsins

Faðir vor, frelsa oss frá illu, svo að vér getum frelsast frá öllum skaða og tjóni á líkama og sálu, og að vér þegar stundin kemur fáum kvatt þennan heim í friði og sátt. Því að þitt er ríkið, mátturinn og dýrðinað eilífu. Amen. (Úr Fræðum Lúthers)

Sálmur (sb. 292)

Áfram því með dug og dáð, 
Drottins studdir ást og náð. 
Sé hann með oss, ekkert er 
óttalegt. Þá sigrum vér. 
(Stefán Thorarensen)

Minnisvers vikunnar

10. febrúar 2019

Morgunlestur: Slm 89.2-9

Um náðarverk Drottins vil ég syngja að eilífu  
og kunngjöra trúfesti þína með munni mínum frá kyni til kyns. 
Því að ég segi: Náð þín er traust að eilífu, 
trúfesti þín grundvölluð á himni. 

Kvöldlestur: Mrk 9.2-9

Eftir sex daga tekur Jesús með sér þá Pétur, Jakob og Jóhannes og fer með þá upp á hátt fjall að þeir væru einir saman. Þar ummyndaðist hann fyrir augum þeirra og klæði hans urðu fannhvít og skínandi og fær enginn bleikir á jörðu svo hvítt gert. Og Elía og Móse birtust þeim og voru þeir á tali við Jesú. Þá tekur Pétur til máls og segir við Jesú: "Meistari, gott er að við erum hér. Gerum þrjár tjaldbúðir, þér eina, Móse eina og Elía eina." Hann vissi ekki hvað hann átti að segja enda urðu þeir mjög skelfdir.  
Þá kom ský og skyggði yfir þá og rödd kom úr skýinu: "Þessi er minn elskaði sonur, hlýðið á hann!" Og jafnskjótt litu lærisveinarnir í kringum sig og sáu engan framar hjá sér nema Jesú einan.

Bæn dagsins

Drottinn Jesús Kristur, send ljóma dýrðar þinnar í hjörtu okkar svo að við getum borið vitni um ljós þitt í miðju myrkri þessa heims. Því að þú lifir og ríkir með föður og anda og hefur á öllu vald til eilífðar. Amen.

Sálmur (sb. 119)

Þótt holdið liggi lágt og læst í dróma, 
fær andinn hafist hátt 
í himinljóma. 
Hann fylgir Drottni 
fjalls á tindinn bjarta, 
þar fögur útsjón er, 
Guðs undradjúp þar sér 
hið hreina hjarta. 
 
(Valdimar Briem)

Minnisvers vikunnar

11. febrúar 2019

Morgunlestur: Slm 89.2-9

Um náðarverk Drottins vil ég syngja að eilífu  
og kunngjöra trúfesti þína með munni mínum frá kyni til kyns. 
Því að ég segi: Náð þín er traust að eilífu, 
trúfesti þín grundvölluð á himni. 

Kvöldlestur: Mrk 9.2-9

Eftir sex daga tekur Jesús með sér þá Pétur, Jakob og Jóhannes og fer með þá upp á hátt fjall að þeir væru einir saman. Þar ummyndaðist hann fyrir augum þeirra og klæði hans urðu fannhvít og skínandi og fær enginn bleikir á jörðu svo hvítt gert. Og Elía og Móse birtust þeim og voru þeir á tali við Jesú. Þá tekur Pétur til máls og segir við Jesú: "Meistari, gott er að við erum hér. Gerum þrjár tjaldbúðir, þér eina, Móse eina og Elía eina." Hann vissi ekki hvað hann átti að segja enda urðu þeir mjög skelfdir.  
Þá kom ský og skyggði yfir þá og rödd kom úr skýinu: "Þessi er minn elskaði sonur, hlýðið á hann!" Og jafnskjótt litu lærisveinarnir í kringum sig og sáu engan framar hjá sér nema Jesú einan.

Bæn dagsins

Drottinn Jesús Kristur, send ljóma dýrðar þinnar í hjörtu okkar svo að við getum borið vitni um ljós þitt í miðju myrkri þessa heims. Því að þú lifir og ríkir með föður og anda og hefur á öllu vald til eilífðar. Amen.

Sálmur (sb. 119)

Þótt holdið liggi lágt og læst í dróma, 
fær andinn hafist hátt 
í himinljóma. 
Hann fylgir Drottni 
fjalls á tindinn bjarta, 
þar fögur útsjón er, 
Guðs undradjúp þar sér 
hið hreina hjarta. 
 
(Valdimar Briem)

Minnisvers vikunnar

12. febrúar 2019

Morgunlestur: Jóh 12.34-41

Mannfjöldinn svaraði honum: "Lögmálið segir okkur að Kristur muni verða til eilífðar. Hvernig getur þú sagt að Mannssonurinn eigi að verða upp hafinn? Hver er þessi Mannssonur?"<br/>
Þá sagði Jesús: "Skamma stund er ljósið enn á meðal yðar. Gangið meðan þér hafið ljósið svo að myrkrið hremmi yður ekki. Sá sem gengur í myrkri veit ekki hvert hann fer. Trúið á ljósið meðan þér hafið ljósið svo að þér verðið börn ljóssins." 

Kvöldlestur: Post 26.1-3, 12-23

Þá er ég var á leið til Damaskus slíkra erinda með vald og umboð frá æðstu prestunum sá ég, konungur, á veginum um miðjan dag ljós af himni sólu bjartara leiftra um mig og þá sem mér voru samferða. Við féllum allir til jarðar og ég heyrði rödd er sagði við mig á hebresku: Sál, Sál, hví ofsækir þú mig? Erfitt verður þér að spyrna móti broddunum. En ég sagði: Hver ert þú, herra? Og Drottinn sagði: Ég er Jesús sem þú ofsækir. Rís nú upp og statt á fætur. Ég birtist þér til þess að þú þjónir mér og segir frá því að þú hefur séð mig bæði nú og síðar er ég mun birtast þér.

Bæn dagsins

Leið mig, ljóssins faðir, í ljósi þínu, í birtu dags og myrkri nætur. Í Jesú nafni. Amen.

Sálmur (sb. 119)

Hér niðri' í djúpum dal 
er dimman svarta, 
þar uppi' í svölum sal 
skín sólin bjarta. 
Þar er svo bjart, 
að birtast huldir vegir, 
í gegnum grafarhúm, 
í gegnum tíma' og rúm 
þá augað eygir.
(Valdimar Briem)

Minnisvers vikunnar

13. febrúar 2019

Morgunlestur: Jóh 1.43-51

Jesús spyr hann: "Trúir þú af því að ég sagði við þig: Ég sá þig undir fíkjutrénu? Þú munt sjá það sem þessu er meira." Og hann segir við hann: "Sannlega, sannlega segi ég yður: Þér munuð sjá himininn opinn og engla Guðs stíga upp og stíga niður yfir Mannssoninn." 

Kvöldlestur: 2Mós 13.20-22

Drottinn gekk fyrir þeim í skýstólpa á daginn til að vísa þeim veginn og í eldstólpa um nætur til að lýsa þeim svo að þeir gætu ferðast nótt sem dag. Skýstólpinn vék hvorki úr augsýn fólksins á daginn né eldstólpinn um nætur. 

Bæn dagsins

Vertu, Drottinn, hirðir minn, hjálp mín og huggun. Í Jesú nafni. Amen.

Sálmur (sb. 119)

Ó, hér er hark og stríð 
og hávær glaumur, 
en þar er þögn svo blíð 
sem þögull draumur. 
Þar er svo hljótt, 
að hverfur tímans niður, 
Guðs hjarta heyrist slá, 
í hjarta mínu þá 
býr fró og friður.  
(Valdimar Briem)

Minnisvers vikunnar

14. febrúar 2019

Morgunlestur: 2Mós 24.1-2, 9-11, 15-18

Guð sagði við Móse: "Gakk upp til Drottins, þú sjálfur, Aron, Nadab, Abíhú og sjötíu af öldungum Ísraels. Þið skuluð falla fram álengdar. Móse einn skal nálgast Drottin en hinir skulu ekki nálgast hann og fólkið má ekki fara upp með honum." 

Kvöldlestur: Kól 1.24-29

Guð vildi opinbera þeim hvílíkan dýrðarríkdóm heiðnar þjóðir eiga í þessum leyndardómi sem er Kristur meðal ykkar, von dýrðarinnar. 
Hann boða ég, áminni og fræði hvern mann með allri speki að ég megi leiða alla fram fullkomna í Kristi.

Bæn dagsins

Guð minn, þakka þér þennan dag. Ég veit ekki hvað bíður mín, en ég vil treysta þér í Jesú nafni. Amen.

Sálmur (sb. 119)

Þar tignartindi á 
ég tjald vil gera, 
þar góðum Guði hjá 
er gott að vera 
og ummyndast 
og búast björtum klæðum 
og öðlast eilíft skart, 
með andlit sólarbjart, 
á helgum hæðum. 
(Valdimar Briem)

Minnisvers vikunnar

15. febrúar 2019

Morgunlestur: Matt 16.24-28

Þá mælti Jesús við lærisveina sína: "Hver sem vill fylgja mér afneiti sjálfum sér, taki kross sinn og fylgi mér. Því að hver sem vill bjarga lífi sínu mun týna því og hver sem týnir lífi sínu mín vegna mun finna það. Hvað stoðar það manninn að eignast allan heiminn og glata sálu sinni? Eða hvað gæti maður látið til endurgjalds fyrir sálu sína?

Kvöldlestur: Jóh 7.25-30

Þá sögðu nokkrir Jerúsalembúar: "Er þetta ekki sá sem þeir sitja um að lífláta? Og nú er hann að tala á almannafæri og þeir segja ekkert við hann. Skyldu nú höfðingjarnir hafa komist að raun um að hann sé Kristur? Nei, við vitum hvaðan þessi maður er. Þegar Kristur kemur veit enginn hvaðan hann er." 

Bæn dagsins

Góði Guð, ég vil hvíla í hendi þinni, ég í þér og þú í mér, þú sem ert allt í öllu, eilífi, góði Guð. Amen.

Sálmur (sb. 119)

Ég bjart lít blika ský 
á banadegi, 
raust heyri eg þar í: 
“Minn elskulegi"! 
Þá skyggir dauðans 
ský á lífsins blóma, 
mig enginn ótti slær, 
mér einn er Jesús nær 
í ljóssins ljóma. 
(Valdimar Briem)

Minnisvers vikunnar

16. febrúar 2019

Morgunlestur: Fil 3.20–4.1

En föðurland okkar er á himni og frá himni væntum við frelsarans, Drottins Jesú Krists. Hann mun breyta veikum og forgengilegum líkama okkar svo að hann fái sömu mynd og dýrðarlíkami hans því hann hefur kraftinn til að leggja allt undir sig. 

Kvöldlestur: Opb 1.9-18

Þegar ég sá hann féll ég fyrir fætur honum sem dauður væri. Og hann lagði hægri hönd sína yfir mig og sagði: Vertu ekki hræddur, ég er hinn fyrsti og hinn síðasti og hinn lifandi. Ég dó en nú lifi ég um aldir alda og ég hef lykla dauðans og heljar.

Bæn dagsins

Guð minn, gef mér að þiggja sem gjöf frá þér það allt sem dagurinn geymir mér. Amen.

Sálmur (sb. 1)

Sé Drottni lof og dýrð, 
hans dásemd öllum skýrð, 
hann lofi englar allir 
og æðstu ljóssins hallir, 
hann lofi hnatta hjólin 
og heiðri tungl og sólin. 
(Matthías Jochumsson)

Minnisvers vikunnar

17. febrúar 2019

Morgunlestur: 1Kor 3.10-15

Sem vitur byggingameistari hef ég lagt grundvöll eftir þeirri náð sem Guð hefur veitt mér en annar hefur byggt ofan á. En sérhver athugi hvernig hann byggir. Annan grundvöll getur enginn lagt en þann sem lagður er, sem er Jesús Kristur. En ef einhver byggir ofan á grundvöllinn gull, silfur, dýra steina, tré, hey eða hálm, þá mun koma í ljós hvernig verk hvers og eins er.

Kvöldlestur: Matt 25.14-30

Löngu síðar kom húsbóndi þessara þjóna og lét þá gera skil. Sá með fimm talenturnar gekk þá fram, færði honum aðrar fimm og sagði: Herra, fimm talentur seldir þú mér í hendur, hér hef ég grætt aðrar fimm. Húsbóndi hans sagði við hann: Gott, þú góði og trúi þjónn. Yfir litlu varstu trúr, yfir mikið mun ég setja þig. Gakk inn í fögnuð herra þíns. 
Þá gekk fram sá með tvær talenturnar og mælti: Herra, tvær talentur seldir þú mér í hendur, hér hef ég grætt aðrar tvær. Og húsbóndi hans sagði við hann: Gott, þú góði og trúi þjónn, yfir litlu varstu trúr, yfir mikið mun ég setja þig. Gakk inn í fögnuð herra þíns.

Bæn dagsins

Drottinn Guð, í mildi þinni gefur þú okkur meir en við höfum til unnið. Því biðjum við þig: Hjálpa okkur að vera góðgjörn eins og þú og gleðjast yfir því sem þú gefur öðrum. Þess biðjum við í nafni bróður okkar Jesú Krists. Amen.

Sálmur (sb. 121)

Lærdómstími ævin er.  
Ó, minn drottinn, veit ég geti, 
numið allt sem þóknst þér, 
þína speki dýrast meti. 
Gef ég sannleiks gulli safni, 
gef í visku og náð ég dafni. 
(Helgi Hálfdánarson)

Minnisvers vikunnar

18. febrúar 2019

Morgunlestur: 1Sam 15.35b-16.13

Samúel hryggðist vegna Sáls því að Drottin hafði iðrað þess að hafa gert Sál að konungi yfir Ísrael.

Kvöldlestur: Matt 9.9-13

Nú bar svo við er Jesús sat að borði í húsi hans að margir tollheimtumenn og bersyndugir komu og settust þar með honum og lærisveinum hans. Þegar farísear sáu það sögðu þeir við lærisveinana: "Hvers vegna etur meistari ykkar með tollheimtumönnum og bersyndugum?" 
Jesús heyrði þetta og sagði: "Ekki þurfa heilbrigðir læknis við heldur þeir sem sjúkir eru. Farið og nemið hvað þetta merkir: Miskunnsemi vil ég, ekki fórnir. Ég er ekki kominn til að kalla réttláta heldur syndara." 

Bæn dagsins

Vertu, Drottinn, hirðir minn, hjálp mín og huggun. Í Jesú nafni. Amen.

Sálmur (sb. 121)

Vinnutími ævin er. 
Ár og síð á lifstíð minni. 
Drottinn minn, til dýrðar þér 
dyggilega gef ég vinni. 
Gef mín störf til góðs æ leiði, 
gef þau út þitt ríki breiði. 
(Helgi Hálfdánarson) 

Minnisvers vikunnar

19. febrúar 2019

Morgunlestur: Fil 1.27-30

En hvað sem öðru líður, þá hegðið ykkur eins og samboðið er fagnaðarerindinu um Krist. Hvort sem ég kem og heimsæki ykkur eða ég er fjarverandi vil ég fá að heyra um ykkur að þið standið stöðug í einum anda, berjist með einni sál fyrir trúnni á fagnaðarerindið og látið aldrei mótstöðumenn skelfa ykkur í neinu.

Kvöldlestur: Róm 9.14-24

Hvað skal um þetta segja? Er Guð óréttvís? Fjarri fer því. Hann segir við Móse: "Ég miskunna þeim sem ég vil miskunna og líkna þeim sem ég vil líkna." Það er því ekki komið undir vilja manns eða áreynslu heldur Guði sem miskunnar. 

Bæn dagsins

Við þökkum þér fyrir lífið. Fyll hvern dag af kærleika. Hjálpa okkur að sinna störfum okkar dag hvern - í dag, á morgun og árið á enda. Amen.

Sálmur (sb. 121)

Reynslutími ævin er. 
Ó, minn Guð, mig veikan leiddu, 
gegnum böl sem mætir mér, 
mína leið til heilla greiddu. 
Veit í trú ég vakað fái, 
veit ég sigri góðum nái. 
(Helgi Hálfdánarson) 

Minnisvers vikunnar

20. febrúar 2019

Morgunlestur: 1Mós 6.9-22

Þetta er saga Nóa: 
Nói var réttlátur og vandaður maður á sinni tíð. Hann gekk með Guði. 
Nóa fæddust þrír synir, Sem, Kam og Jafet. 
Jörðin var spillt í augum Guðs og full ranglætis. Og Guð sá að hún var spillt því að allir menn á jörðinni höfðu spillt líferni sínu.
Og Guð sagði við Nóa: "Ég hef ákveðið endalok allra manna á jörðinni því að jörðin er full orðin af ranglæti þeirra vegna. Nú eyði ég þeim ásamt jörðinni. En þú skalt gera þér örk af góferviði. Hafðu vistarverur í örkinni og bikaðu hana utan og innan. 

Kvöldlestur: Matt 19.27-30

Og hver sem hefur yfirgefið heimili, bræður eða systur, föður eða móður, börn eða akra sakir nafns míns, mun fá allt hundraðfalt aftur og öðlast eilíft líf. En margir hinir fyrstu verða síðastir og hinir síðustu fyrstir." 

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 121)

Náðartími ævin er. 
Að því, Drottinn, lát mig hyggja, 
sú að nauðsyn mest er mér 
miskunn þína í tíma að þiggja. 
Yfirbótar unn mér, Herra, 
ævidagar fyrr en þverra. 
(Helgi Hálfdánarson) 

Minnisvers vikunnar

21. febrúar 2019

Morgunlestur: 1Kor 3.5-10

Hvað er þá Apollós? Já, hvað er þá Páll? Þjónar sem hafa leitt ykkur til trúar og það eins og Drottinn hefur gefið hvorum um sig. Ég gróðursetti, Apollós vökvaði en Guð gaf vöxtinn. Þannig skiptir það engu hver gróðursetur eða hver vökvar. Það er Guð sem skiptir máli, hann gefur vöxtinn.

Kvöldlestur: Róm 4.1-5

Sá sem vinnur verk fær ekki laun fyrir það af náð. Hann fær það sem hann á rétt á. En sá hins vegar sem engu afkastar en treystir þeim sem réttlætir óguðlegan fær trú sína metna sér til réttlætis.

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki.

Sálmur (sb. 122)

Það er svo oft í dauðans skuggadölum, 
að dregur myrkva fyrir lífsins sól, 
mér sýnist lokað ljóssins gleðisölum, 
öll lokin sund og fokið hvert í skjól. 
Ó, Guð, lát enn þó ætíð skína 
mér opinn himin þinn, að dýrð ég sjái þína. 
(Valdimar Briem) 

Minnisvers vikunnar

22. febrúar 2019

Morgunlestur: Matt 10.38-42

Sá sem ætlar að finna líf sitt týnir því og sá sem týnir lífi sínu mín vegna finnur það. 

Kvöldlestur: 1Mós 7.17-24

Flóðið stóð í fjörutíu daga á jörðinni og vötnin jukust og lyftu örkinni svo hún hófst hátt yfir jörðina. Vötnin mögnuðust og jukust stórum á jörðinni en örkin flaut á vatninu. Vötnin uxu enn á jörðinni og huldu öll hin háu fjöll sem eru undir himninum. Vötnin stigu enn um fimmtán álnir og huldu öll fjöll. Þá fórust öll dýr sem hreyfast á jörðinni, fuglar, búfénaður, dýr merkurinnar og allt sem jörðin er kvik af og mannkyn allt.

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir.

Sálmur (sb. 122)

Það er svo oft á þröngum lífsins brautum, 
að þróttinn vantar til að hjálpa sér, 
ég kemst ei fram úr freistingum og þrautum, 
ég fell, ég hníg, ef þú ei bjargar mér. 
Ó, Guð, lát andann ofan stíga 
og anda styrkja minn, þá niður vill hann hníga. 
(Valdimar Briem) 

Minnisvers vikunnar

23. febrúar 2019

Morgunlestur: Lúk 17.7-10

Hafi einhver yðar þjón, er plægir eða hirðir fénað, segir hann þá við hann þegar hann kemur inn af akri: Kom þegar og set þig til borðs? Segir hann ekki fremur við hann: Bú þú mér kvöldverð, tak þig til og þjóna mér meðan ég et og drekk, síðan getur þú etið og drukkið.

Kvöldlestur: Mal 3.13-4.2a

Þið farið hörðum orðum um mig, segir Drottinn. Þið spyrjið: "Hvað höfum við sagt um þig?" Þið segið: "Það er til einskis að þjóna Guði. Hvaða ávinning höfum við af að hlýða boðum hans og ganga í sorgarklæðum frammi fyrir Drottni hersveitanna? Við teljum hrokagikkina sæla, óguðlegum vegnar vel. Þeir freista Guðs en sleppa við hegningu." 

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir.

Sálmur (sb. 122)

Það er svo oft í háum heimsins glaumi, 
að heyrist ekki lífsins friðar mál. 
Það heyrist ógnar ys í tímans straumi, 
en engin rödd, er friði hrellda sál. 
Ó, Guð, lát hljóm þinn hærra gjalla, 
að heyri' eg þína raust mig elsku barn þitt kalla.  
(Valdimar Briem) 
 

Minnisvers vikunnar

24. febrúar 2019

Morgunlestur: Jes 40.6-8

Einhver segir: "Kalla þú,"  
og ég spyr: "Hvað á ég að kalla?" 
"Allt hold er gras 
og allur yndisleikur þess sem blóm vallarins. 
Grasið visnar, blómin fölna 
þegar Drottinn andar á þau. 

Kvöldlestur: Mrk 4.26-32

Þá sagði Jesús: "Svo er Guðs ríki sem maður sái sæði í jörð. Hann sefur síðan og vakir, nætur og daga, en sæðið grær og vex, hann veit ekki með hverjum hætti. Sjálfkrafa ber jörðin ávöxt, fyrst stráið, þá axið og síðan fullvaxið hveiti í axinu. En þá er ávöxturinn er fullþroska lætur hann þegar bera út sigðina því að uppskeran er komin."

Bæn dagsins

Eilífi Guð, Leiddu mig að vinjum þíns eilífa Orðs. Leiddu mig út úr eyðimörk örlaga og böls. Hjálpa mér að vera vakandi í þolinmæði og trúfesti. Kenndu mér tungumálið svo að ég skilji hvað þú segir mér. Leiddu mig til baka að vinjum orðs þíns, svo að ég sé hjá þér og lofi þig að eilífu.

Sálmur (sb. 117)

Góðan ávöxt Guði berum, 
gróður settir hans af náð 
þessa heims í akri erum, 
æðra lífs þó til var sáð. 
Góðan jarðveg gaf oss Drottinn, 
góð svo jurt hér yrði sprottin. 
(Valdimar Briem) 

Minnisvers vikunnar

25. febrúar 2019

Morgunlestur: Matt 13.10-17

Þá komu lærisveinarnir til hans og spurðu: "Hvers vegna talar þú til fólksins í dæmisögum?"<br/>
Hann svaraði: "Ykkur er gefið að þekkja leynda dóma himnaríkis, öðrum er það ekki gefið. Því að þeim sem hefur mun gefið verða og hann mun hafa gnægð en frá þeim sem eigi hefur mun tekið verða jafnvel það sem hann hefur. Þess vegna tala ég til þeirra í dæmisögum að sjáandi sjá þau ekki og heyrandi heyra þau ekki né skilja.

Kvöldlestur: 5Mós 32.44-47

sagði hann: "Leggið ykkur á hjarta öll þau orð sem ég hef flutt ykkur í dag. Brýnið fyrir börnum ykkar að halda öll ákvæði þessara laga og framfylgja þeim. Þau eru ekki innantóm orð sem engu skipta, þau eru sjálft líf ykkar því að sakir þessara orða verðið þið langlíf í landinu sem þið haldið nú inn í yfir Jórdan til að taka það til eignar."

Bæn dagsins

Drottinn, hjálpa mér að efast ekki um að þú ert Guð - að Jesús er frelsari minn - að þú ert hjá mér með heilögum anda þínum. Amen.

Sálmur (sb. 117)

Lífdögg hann oss sendi sína:<br/>
sinnar skírnar vatnið tært.<br/>
Ljósið sitt hann lét oss skína:<br/>
lífsins orða blysið skært.<br/>
Náðargeisla himins hlýja<br/>
hann oss jafnan sendi nýja.<br/>
(Valdimar Briem)<br/>

Minnisvers vikunnar

26. febrúar 2019

Morgunlestur: Mrk 11.15-19

Þeir komu til Jerúsalem og Jesús gekk í helgidóminn og tók að reka út þá sem voru að selja þar og kaupa og hratt um borðum víxlaranna og stólum dúfnasalanna. Og engum leyfði hann að bera neitt um helgidóminn. Og hann kenndi þeim og sagði: "Er ekki ritað: Hús mitt á að vera bænahús fyrir allar þjóðir? En þið hafið gert það að ræningjabæli." 

Kvöldlestur: Mrk 11.27-33

Jesús sagði við þá: "Ég vil leggja eina spurningu fyrir ykkur. Svarið henni og ég mun segja ykkur með hvaða valdi ég geri þetta. Hver fól Jóhannesi að skíra, var það Guð eða voru það menn? Svarið mér!"

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 117)

Góðan ávöxt Guði berum, 
góðan ávöxt sjálfum oss, 
eigi lengur visnir verum, 
vöxum upp við Jesú kross. 
Lát oss þar við lífstréð rétta, 
lífsins faðir, ávallt spretta.  
(Valdimar Briem)

Minnisvers vikunnar

27. febrúar 2019

Morgunlestur: Mrk 6.1-6

Þá sagði Jesús: "Hvergi er spámaður minna metinn en í landi sínu, með frændfólki sínu og heimamönnum." Og hann gat ekki gert þar neitt kraftaverk nema hann lagði hendur yfir nokkra sjúka og læknaði þá. Og hann undraðist vantrú þeirra. 
Jesús fór nú um þorpin þar í kring og kenndi. 

Kvöldlestur: Matt 13.31-35

Aðra dæmisögu sagði Jesús þeim: "Líkt er himnaríki mustarðskorni sem maður tók og sáði í akur sinn. Smæst er það allra sáðkorna en nær það vex er það öllum jurtum meira, það verður tré, og fuglar himins koma og hreiðra sig í greinum þess." 
Aðra dæmisögu sagði Jesús þeim: "Líkt er himnaríki súrdeigi er kona tók og fól í þrem mælum mjöls uns það sýrðist allt." 

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði. Amen.

Sálmur (sb. 118)

Minn Jesús, kunnugt það er þér, 
hve þrátt sá óvin ræðst að mér, 
er vill í glötun svíkja sál, 
frá sannleiks orðum beygja mál, 
frá verki réttu hefta hönd 
og hneppa líf í synda bönd. 
(Helgi Hálfdánarson)

Minnisvers vikunnar

28. febrúar 2019

Morgunlestur: Mrk 4.26-29

Þá sagði Jesús: "Svo er Guðs ríki sem maður sái sæði í jörð. Hann sefur síðan og vakir, nætur og daga, en sæðið grær og vex, hann veit ekki með hverjum hætti. Sjálfkrafa ber jörðin ávöxt, fyrst stráið, þá axið og síðan fullvaxið hveiti í axinu. En þá er ávöxturinn er fullþroska lætur hann þegar bera út sigðina því að uppskeran er komin." 

Kvöldlestur: Post 16.8-15

Hvíldardaginn gengum við út fyrir hliðið að á einni en þar hugðum við vera bænastað. Settumst við niður og töluðum við konurnar sem voru þar saman komnar. Kona nokkur úr Þýatíruborg, sem sótti samkundu Gyðinga, Lýdía að nafni, er verslaði með purpura, hlýddi á. Opnaði Drottinn hjarta hennar og hún tók við því sem Páll sagði. Hún var skírð og heimili hennar og hún bað okkur: "Gangið inn í hús mitt og dveljist þar fyrst þið teljið mig trúa á Drottin." Þessu fylgdi hún fast fram. 

Bæn dagsins

Drottinn, hjálpa mér að muna að ekkert það mun henda í dag sem þú og ég getum ekki ráðið við í félagi.

Sálmur (sb. 118)

Lát hann ei geta hindrað mig, 
ó, herra, frá að lofa þig, 
lát aldrei því fá hamlað hann, 
að heyrt ég geti sannleikann, 
lát hann ei blekkja sálarsjón 
og svik hans önd ei búa tjón. 
(Helgi Hálfdánarson)

Minnisvers vikunnar

01. mars 2019

Morgunlestur: 2Kor 12.1-10

Ég verð að halda áfram að hrósa mér þótt það komi að litlu gagni. En ég mun nú snúa mér að vitrunum og opinberunum sem Drottinn hefur birt mér. Ég þekki kristinn mann. Fyrir fjórtán árum var hann hrifinn burt allt til þriðja himins. Hvort það var í líkamanum eða utan líkamans veit ég ekki. Guð veit það.

Kvöldlestur: Heb 3.12-4.1

Gætið þess, bræður og systur, að hafa ekkert illt í hjarta og láta engar efasemdir bægja ykkur frá lifanda Guði. Uppörvið heldur hvert annað hvern dag á meðan enn heitir "í dag", til þess að enginn forherðist af táli syndarinnar.

Bæn dagsins

Drottinn, vér biðjum ekki um friðsæld eða að andstreymið hverfi, vér biðjum um anda þinn og um kærleika þinn, að þú veitir oss styrk og náð til að sigrast á mótlætinu. Amen.

Sálmur (sb. 118)

Ef fellir hann mig, fljótt mig reis, 
ef fjötrar hann mig, brátt mig leys, 
ef villir hann mig, blítt mér bend, 
ef blindar hann mig, ljós mér send, 
ef skelfir hann mig, legg mér lið, 
ef lokkar hann mig, þú mig styð. 
(Helgi Hálfdánarson)

Minnisvers vikunnar

02. mars 2019

Morgunlestur: Heb 6.4-8

Ef menn hafa eitt sinn verið upplýstir og notið hinnar himnesku gjafar, fengið hlutdeild í heilögum anda, reynt Guðs góða orð og fundið krafta komandi aldar en hafa síðan fallið frá, er ógerlegt að láta þá snúa við og iðrast. Þeir eru að krossfesta son Guðs að nýju og smána hann fyrir allra augum. 

Kvöldlestur: Jes 28.23-29

Plægir bóndinn allan daginn til að sá,  
ristir hann í sífellu akur sinn og herfar? 
Nei, þegar hann hefur sléttað akurinn 
sáir hann sólselju og dreifir kúmeni, 
hann sáir hveiti og byggi 
og setur speldi í jaðar akursins. 
Guð hans segir honum vel til verka 
og leiðbeinir honum. 

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 105)

Ó, lækna, Jesús, líf mitt allt, 
ó, lát það vermast, sem er kalt, 
það vökva fá, sem visna fer, 
það verða hreint, sem flekkað er, 
það auðgast, sem er aumt og snautt, 
það endurlifna, sem er dautt. 
(Helgi Hálfdánarson)

Minnisvers vikunnar

03. mars 2019

Morgunlestur: Lúk 18.31-34

Jesús tók þá tólf til sín og sagði við þá: "Nú förum við upp til Jerúsalem og mun allt það koma fram sem spámennirnir hafa skrifað um Mannssoninn. Hann verður framseldur heiðingjum. Þeir munu hæða hann, misþyrma honum og hrækja á hann. Þeir munu húðstrýkja hann og lífláta en á þriðja degi mun hann upp rísa."

Kvöldlestur: Jes 50.4–11

Drottinn Guð hefur gefið mér lærisveinatungu 
svo að ég lærði að styrkja hinn þreytta með orðum. 
Á hverjum morgni vekur hann eyra mitt 
svo að ég hlusti eins og lærisveinn. 
Drottinn Guð opnaði eyra mitt 
og ég streittist ekki á móti, 
færðist ekki undan. 
Ég bauð bak mitt þeim sem börðu mig 
og vanga mína þeim sem reyttu skegg mitt, 
huldi ekki andlit mitt fyrir háðung og hrákum. 
En Drottinn Guð hjálpar mér, 
þess vegna verð ég ekki niðurlægður. 
Því gerði ég andlit mitt hart sem tinnu 
og veit að ég verð ekki til skammar. 

Bæn dagsins

Miskunnsami Guð, þú sýndir öllum heimi kærleika þinn og gjörðist hluttakandi í þjáningu heimsins þegar sonur þinn Drottinn Jesús Kristur gaf sjálfan sig til dauða á krossi Við biðjum þig: Opna þú augu okkar að við sjáum leyndardóminn bak við þjáningu hans og dauða. Gef okkur kraft til að fylgja honum í hlýðni og í kærleika í þjónustunni við þau sem hungrar og þyrstir eftir réttlæti og eftir lausn frá böli og þunga í sínu daglega lífi. Fyrir þann sama Son þinn Jesú, bróður okkar og frelsara. Amen.

Sálmur (sb. 130)

Upp, upp, mín sál og allt mitt geð, 
upp mitt hjarta og rómur með, 
hugur og tunga hjálpi til, 
Herrans pínu ég minnast vil.  
(Hallgrímur Pétursson (Ps. 1))

Minnisvers vikunnar

04. mars 2019

Morgunlestur: Lúk 13.31-35

Á þeirri stundu komu nokkrir farísear og sögðu við Jesú: "Far þú og hald á brott héðan því að Heródes vill drepa þig."
Og Jesús sagði við þá: "Farið og segið ref þeim: Í dag og á morgun rek ég út illa anda og lækna og á þriðja degi mun ég marki ná. En mér ber að halda áfram ferð minni í dag og á morgun og næsta dag því að eigi hæfir að spámaður bíði dauða annars staðar en í Jerúsalem. 

Kvöldlestur: Mrk 4.21-25

Og Jesús sagði við þá: "Ekki bera menn inn ljós og setja það undir mæliker eða bekk. Er það ekki sett á ljósastiku? Því að ekkert er hulið að það verði eigi gert opinbert né leynt að það komi ekki í ljós. Ef einhver hefur eyru að heyra, hann heyri!" 

Bæn dagsins

Vertu, Guð faðir, faðir minn, í frelsarans Jesú nafni. Hönd þín leiði mig út og inn, svo allri synd ég hafni. Amen.

Sálmur (sb. 130)

Ljúfan Jesú til lausnar mér
langaði víst að deyja hér. 
Mig skyldi' og lysta að minnast þess 
mínum Drottni til þakklætis. 
(Hallgrímur Pétursson (Ps. 1))

Minnisvers vikunnar

05. mars 2019

Morgunlestur: Lúk 5.33-39

En farísearnir og fræðimennirnir sögðu við Jesú: "Lærisveinar Jóhannesar fasta oft og fara með bænir og eins lærisveinar okkar en þínir eta og drekka."<br/>
Jesús sagði við þá: "Hvort getið þið ætlað brúðkaupsgestum að fasta meðan brúðguminn er hjá þeim? En koma munu þeir dagar er brúðguminn verður frá þeim tekinn, þá munu þeir fasta á þeim dögum." 

Kvöldlestur: Matt 11.16-19

Jóhannes kom, át hvorki né drakk, og menn segja: Hann hefur illan anda. Mannssonurinn kom, át og drakk, og menn segja: Hann er mathákur og vínsvelgur, vinur tollheimtumanna og bersyndugra! En spekin sannast af verkum sínum." 

Bæn dagsins

Guð þú laðar oss í kærleika þínum til að trúa því að þú sért vor sanni faðir og vér þín sönnu börn. Gef að vér biðjum þig í öryggi og trausti sem elskuleg börn elskulegan föður. Fyrir son þinn, Jesú Krist, Drottin vorn. Amen.

Sálmur (sb. 130)

Innra mig loksins angrið sker, 
æ, hvað er lítil rækt í mér, 
Jesús er kvalinn í minn stað, 
of sjaldan hef ég minnst á það. 
(Hallgrímur Pétursson (Ps. 1))

Minnisvers vikunnar

06. mars 2019

Morgunlestur: 2Kor 5.20b-6.2

Ég bið í orðastað Krists: Látið sættast við Guð. Guð dæmdi Krist, sem þekkti ekki synd, sekan í okkar stað til þess að hann gerði okkur réttlát í Guðs augum.

Kvöldlestur: Matt 6.16-21

Þegar þér fastið þá verið ekki döpur í bragði eins og hræsnarar. Þeir afmynda andlit sín svo að engum dyljist að þeir fasta. Sannlega segi ég yður, þeir hafa tekið út laun sín. En þegar þú fastar þá smyr höfuð þitt og þvo andlit þitt svo að menn verði ekki varir við að þú fastir heldur faðir þinn sem er í leynum. Og faðir þinn, sem sér í leynum, mun umbuna þér.

Bæn dagsins

Guð, skapari og Drottinn tímans og allra tíma. Þegar tími hins glaðlega kæruleysis er liðinn verður okkur ljóst hvað það er sem gerir líf okkar erfitt. Þjáning og dauði, raunir og freistingar, vonbrigði og vinslit vitja okkar. Gef okkur styrk á dimmum stundum með birtu vonarinnar um framtíð með þér, fyrir Jesú Krist, bróður okkar og frelsara. Amen.

Sálmur (sb. 309)

Ó, Jesús að mér snú <br/>
ásjónu þinni.<br/>
Sjá þú mig særðan nú<br/>
á sálu minni.<br/>
(Hallgrímur Pétursson (PS 12))

Minnisvers vikunnar

07. mars 2019

Morgunlestur: Sak 7.1-13

Orð Drottins kom þá til Sakaría: Svo segir Drottinn allsherjar: 
Fellið réttláta dóma 
og sýnið hver öðrum miskunnsemi og samúð. 
Níðist hvorki á ekkjum, munaðarleysingjum, 
aðkomumönnum né fátæklingum 
og hyggið ekki á ill ráð 
hver gegn öðrum í hjarta yðar. 

Kvöldlestur: Kól 3.5-11

Ljúgið ekki hvert að öðru því þið hafið afklæðst hinum gamla manni með gjörðum hans og íklæðst hinum nýja sem Guð er að skapa að nýju í sinni mynd til þess að þið fáið gjörþekkt hann. Þar er hvorki grískur maður né Gyðingur, umskorinn né óumskorinn, útlendingur, Skýti, þræll né frjáls maður, þar er Kristur allt og í öllum. 

Bæn dagsins

Drottinn Guð, þú skapaðir oss í þinni mynd og tókst inn í sáttmála náðar þinnar í heilagri skírn, til þess að við mættum vera þín börn og erfingjar fyrirheita þinna. Vér þökkum þér fyrir undur miskunanr þinnar og biðjum þig: Stjórna oss með anda þínum svo að vér þekkjum þig réttilega, elskum þig af öllu hjarta og þjónum þér í friði þínum, uns vér fullkomnumst fyrir augliti þinu, eins og þú hefur heitið oss.

Sálmur (sb. 309)

Þegar ég hrasa hér, 
hvað mjög oft sannast, 
bentu í miskunn mér 
svo megi ég við kannast. 
(Hallgrímur Pétursson (PS 12))

Minnisvers vikunnar

08. mars 2019

Morgunlestur: Jóh 8.21-30

En hann sagði við það: "Þér eruð neðan að, ég er ofan að. Þér eruð af þessum heimi, ég er ekki af þessum heimi. Þess vegna sagði ég yður að þér munduð deyja í syndum yðar. Því ef þér trúið ekki að ég sé sá sem ég er munuð þér deyja í syndum yðar."
Fólkið spurði hann þá: "Hver ert þú?" Jesús svaraði því: "Sá sem ég hef sagt yður frá upphafi. Margt hef ég um yður að tala og fyrir margt að dæma. En sá sem sendi mig er sannorður og það sem ég heyrði hjá honum, það tala ég til heimsins." 

Kvöldlestur: Róm 7.14-25a

Vitað er að lögmálið er andlegt en ég er jarðneskt hold, í greipum syndarinnar. Ég skil ekki hvað ég aðhefst. Það sem ég vil geri ég ekki, hitt sem ég hata, það geri ég. Fyrst ég geri það sem ég vil ekki er ég samþykkur lögmálinu, að það sé gott. En þá er það ekki framar ég sjálfur sem geri þetta heldur syndin sem í mér býr. 

Bæn dagsins

Vér biðjum fyrir öllum þeim sem bera kross og þrautir vegna nafns þíns. Vér felum þér þau öll sem þjást undir byrði síns eigin lífs. Vér felum þér þau sem eru sjúk, sorgmædd og deyjandi. Minnstu þeirra sem eru einmana, yfirgefin og uppgefin, og þeirra sem stríða við freistingar og óvissu. Sýn þeim öllum hjálpræðið í krossi þínum og gef þeim frið þinn.

Sálmur (sb. 309)

Oft lít ég upp til þín, 
augum grátandi, 
líttu því ljúft til mín, 
svo leysist vandi. 
(Hallgrímur Pétursson (PS 12))

Minnisvers vikunnar

09. mars 2019

Morgunlestur: Dan 5.1-7, 17-30

En þú, Belsassar, sonur hans, hefur ekki auðmýkt hjarta þitt þótt þú vissir þetta allt, heldur hefurðu storkað Drottni himnanna, látið færa þér kerin úr húsi hans og þú og hefðarmenn þínir, konur þínar og hjákonur hafa drukkið vín úr þeim. Þú hefur vegsamað guði úr silfri, gulli, eir, járni, tré og steini sem ekkert sjá, ekkert heyra og ekkert vita. En þann Guð sem ræður lífsanda þínum og öllum vegum þínum, hann hefur þú ekki vegsamað. Þess vegna lét hann höndina birtast og letra þetta. Þetta er það sem ritað var: mene, mene, tekel ufarsin. Merking orðanna er þessi: mene, Guð hefur talið stjórnarár þín til enda; tekel, þú ert veginn á vogarskálum og léttvægur fundinn; peres, ríki þitt er klofið og afhent Medum og Persum." 

Kvöldlestur: 5Mós 8.11-18

Gæt þess þá að þú gleymir ekki Drottni, Guði þínum, og hættir að hlýða boðum hans, ákvæðum og lögum sem ég set þér í dag.
Þegar þú hefur etið og ert orðinn mettur og hefur reist glæsileg hús og hefur komið þér fyrir og þegar nautpeningi þínum og sauðfé fjölgar og þér græðist gull og silfur og allar eigur þínar margfaldast, gæt þess þá að fyllast ekki ofmetnaði og gleyma Drottni, Guði þínum, sem leiddi þig út úr Egyptalandi, út úr þrælahúsinu.

Bæn dagsins

Vér felum þér öll hin einmana og yfirgefnu, hin þreyttu og uppgefnu og þau sem bera þungar byrðar lífs síns. Fyll þau öll með von eilífs lífs og hjálpa þeim að bíða í rósemi dags þíns.

Sálmur (sb. 254)

Til þín ég leita, lausnarinn minn góði, 
sem leystir mig með þínu hjartablóði 
og mínar syndir vildir burtu bera, 
svo barn þitt ég um eilífð mætti vera. 
(Kristján A. Hjartarson)

Minnisvers vikunnar

10. mars 2019

Morgunlestur: Jak 1.12-16

Sæll er sá maður sem stenst freistingu og reynist hæfur. Guð mun veita honum kórónu lífsins sem hann hefur heitið þeim er elska hann. Enginn má segja er hann verður fyrir freistingu: "Guð freistar mín." Hið illa getur eigi freistað Guðs og sjálfur freistar hann einskis manns. Það er eigin girnd sem freistar sérhvers manns og dregur hann og tælir. Þegar girndin síðan er orðin þunguð elur hún synd og þegar syndin er orðin fullþroskuð leiðir hún til dauða. 
Villist ekki, elskuð systkin.
 

Kvöldlestur: Lúk 22.24-32

Og þeir fóru að metast um hver þeirra væri talinn mestur. En Jesús sagði við þá: "Konungar þjóða drottna yfir þeim og valdhafar þeirra kallast velgjörðamenn. En eigi sé yður svo farið heldur sé hinn mesti yðar á meðal sem væri hann yngstur og foringinn sem þjónn. Því hvort er sá meiri sem situr til borðs eða hinn sem þjónar? Er það ekki sá sem situr til borðs? Samt er ég meðal yðar eins og þjónninn. 

Bæn dagsins

Órannsakanlegi Guð. Vilji þinn og vegur þinn er okkur einatt ókunnugur. Þú gerir okkur oft erfitt fyrir þegar við leitum sannleikans. Gefðu okkur skíra sjón og skarpan skilning til þekkja það sem er rétt og kjark til að hafna því sem er rangt og falskt. Þú sendir son þinn í heiminn til að sigra vald hins illa. Láttu ekki viðgangast að við forðumst að taka ákvarðanir og afstöðu. Leiðbeindu okkur á þinum vegi að takmarkinu sem þú setur. Lofaður sért þú að eilífu. Amen.

Sálmur (sb. 124)

Við freistingum gæt þín og falli þig ver, 
því freisting hver unnin til sigurs þig ber. 
Gakk öruggur rakleitt mót ástríðu her, 
en ætíð haf Jesú í verki með þér. 
(Palmer - Sb. 1886 - Matthías Jochumsson)

Minnisvers vikunnar

11. mars 2019

Morgunlestur: 1Jóh 3.7-11

Hver sem af Guði er fæddur syndgar ekki því að það sem Guð hefur í hann sáð varir í honum. Hann getur ekki syndgað af því að hann er fæddur af Guði. Af þessu má greina að börn Guðs og börn djöfulsins. Sá sem iðkar ekki réttlæti og elskar ekki bróður sinn heyrir ekki Guði til. 
Því að þetta er sá boðskapur sem þið hafið heyrt frá upphafi: Við eigum að elska hvert annað.

Kvöldlestur: Jóh 8.37-45

Menn sögðu við hann: "Við erum ekki hórgetnir. Einn föður eigum við, Guð." 
Jesús svaraði: "Ef Guð væri faðir yðar munduð þér elska mig því að frá Guði er ég út genginn og kominn. Ekki hef ég sent mig sjálfur. Það er hann sem sendi mig. Hví skiljið þér ekki mál mitt? Af því að þér getið ekki hlustað á orð mitt. Þér eigið djöfulinn að föður og viljið gera það sem faðir yðar girnist. Hann var manndrápari frá upphafi og hefur aldrei þekkt sannleikann því í honum finnst enginn sannleikur. Þegar hann lýgur fer hann að eðli sínu því hann er lygari og lyginnar faðir. En af því að ég segi sannleikann trúið þér mér ekki.

Bæn dagsins

Hve hár ert þú í upphæðum, hve djúpur í djúpunum! Og aldrei snýr þú þér frá oss, og þó er oss tregt að snúa til þín. Kom þú, Drottinn, vinn þitt verk, vek oss og kalla oss aftur, tendra og hríf, fyll oss glóð þinni og gleði! Lát oss elska, hverfa án dvalar til þín. (Ágústínus)

Sálmur (sb. 124)

"Hinn vonda soll varast, en vanda þitt mál, 
og geymdu nafn Guðs þíns í grandvarri sál, 
ver dyggur, ver sannur, því Drottinn þig sér,  
haf daglega Jesú í verki með þér. " 
(Palmer - Sb. 1886 - Matthías Jochumsson)

Minnisvers vikunnar

12. mars 2019

Morgunlestur: Job 1.1-22

Þá reis Job á fætur, reif klæði sín og skar hár sitt. Því næst lét hann fallast á jörðina og baðst fyrir með þessum orðum: 
Nakinn kom ég af móðurskauti 
og nakinn hverf ég þangað aftur, 
Drottinn gaf og Drottinn tók, 
lofað veri nafn Drottins. 
Þrátt fyrir allt þetta syndgaði Job ekki og álasaði Guði ekki. 

Kvöldlestur: Mrk 14.17-31

Þegar þeir höfðu sungið lofsönginn fóru þeir til Olíufjallsins. Og Jesús sagði við þá: "Þið munuð allir hafna mér því að ritað er:
Ég mun slá hirðinn 
og sauðirnir munu tvístrast. 
En eftir að ég er upp risinn mun ég fara á undan ykkur til Galíleu." 
Þá sagði Pétur: "Þótt allir hafni þér geri ég það aldrei." 
Jesús sagði við hann: "Sannlega segi ég þér: Nú í nótt, áður en hani galar tvisvar, muntu afneita mér þrisvar." 
En Pétur kvað enn fastar að: "Þó að ég ætti að deyja með þér þá mun ég aldrei afneita þér." 
Eins töluðu þeir allir. 

Bæn dagsins

Lát mig minnast, góði Guð, að ekkert fær skilið mig frá kærleika þínum. þú sem ert skapari minn og frelsari heldur heimi öllum í hendi þér.

Sálmur (sb. 124)

"Hver sá, er hér sigrar, skal sigurkrans fá, 
í trúnni vér vinnum, þótt verði margt á, 
því sá, er oss hjálpar, við hrösun oss ver.  
Ó, hafðu þinn Jesú í verki með þér." 
(Palmer - Sb. 1886 - Matthías Jochumsson)

Minnisvers vikunnar

13. mars 2019

Morgunlestur: 1Kor 10.9-13

Sá er hyggst standa gæti því vel að sér að hann falli ekki. Þið hafið ekki reynt nema það sem menn geta þolað. Guð er trúr og lætur ekki reyna ykkur um megn fram heldur mun hann, þegar hann reynir ykkur, einnig sjá um að þið fáið staðist. 

Kvöldlestur: 1Sam 18.6-12

Þegar herinn sneri heim, eftir að Davíð hafði fellt Filisteann, fóru konur úr öllum borgum Ísraels á móti Sál konungi. Þær sungu og dönsuðu fagnandi og léku á bumbur og symbala. Konurnar léku og sungu:  
Sál felldi sín þúsund 
en Davíð sín tíu þúsund. 
Sál mislíkaði þetta kvæði, reiddist mjög og sagði: "Þær eigna Davíð tíu þúsund en mér aðeins eitt þúsund. Nú vantar hann aðeins konungdóminn." Upp frá þessu leit Sál Davíð jafnan öfundaraugum. 

Bæn dagsins

Algóði faðir á himnum, vér þökkum þér að þú tengir oss saman í kærleika þínum. Vér þökkum þér fyrir þau öll sem þú hefur trúað oss fyrir og gjört oss dýrmæt. Vér þökkum þér að vér megum þjóna hvert öðru. Helga ástina sem vér berum í brjósti. Helga þjónustu vora. Hjálpa oss að vísa hvert öðru til vegar svo að vér verðum sendiboðar sannleika þíns. Lát ást vora vera vitnisburð vorn um þitt heilaga nafn.

Sálmur (sb. 125)

Víst er ég veikur að trúa, 
veistu það, Jesús, best, 
frá syndum seinn að snúa, 
svoddan mig angrar mest. 
Þó framast það ég megna 
þínum orðum ég vil 
treysta og gjarnan gegna, 
gef þú mér náð þar til. 
(Hallgrímur Pétursson)

Minnisvers vikunnar

14. mars 2019

Morgunlestur: Jak 4.1-10

Þið ótrúu, vitið þið ekki að vinátta við heiminn er fjandskapur gegn Guði? Hver sem því vill vera vinur heimsins, hann gerir sig að óvini Guðs. Eða haldið þið að ritningin fari með hégóma sem segir: "Þráir Guð ekki með afbrýði andann sem hann gaf bústað í okkur?" En því meiri er náðin sem hann gefur. Þess vegna segir Ritningin: "Guð stendur í gegn dramblátum en auðmjúkum veitir hann náð."

Kvöldlestur: 1Þess 3.1-8

En nú er Tímóteus aftur kominn til mín frá ykkur og hefur borið mér gleðifregn um trú ykkar og kærleika. Hann segir að þið minnist mín ávallt með hlýjum hug og ykkur langi til að sjá mig, eins og mig líka til að sjá ykkur. Sökum þessa hef ég, systkin, hlotið huggun í neyð minni og þrengingu vegna trúar ykkar. Nú lifi ég fyrst þið standið stöðug í trúnni á Drottin.

Bæn dagsins

Guð, gef ég megi vera öðrum blessun frá þér. Amen.

Sálmur (sb. 130)

Sál mín, skoðum þá sætu fórn, 
sem hefur oss við Guð, Drottin vorn, 
fordæmda aftur forlíkað, 
fögnuður er að hugsa um það. 
(Hallgrímur Pétursson (Ps. 1))

Minnisvers vikunnar

15. mars 2019

Morgunlestur: Heb 2.11-18

Því að sá sem helgar og þau sem helguð verða eru öll frá einum komin. Þess vegna telur hann sér eigi vanvirðu að kalla þau systkin er hann segir: 
Ég mun gera nafn mitt kunnugt systkinum mínum, 
ég mun syngja þér lof mitt í söfnuðinum. 
Og aftur:
Ég mun treysta á hann. 
Og enn fremur: 
Hér er ég og börnin er Guð gaf mér. 

Kvöldlestur: Róm 6.12-18

Eða hvað? Eigum við að syndga fyrst við erum ekki undir lögmálinu heldur náðinni? Fjarstæða! Vitið þið ekki að ef þið gerist ánauðug þý einhvers eruð þið nauðbeygð að hlýða honum? Annaðhvort hlýðið þið syndinni sem leiðir til dauða eða Guði sem leiðir til lífs í réttlæti. En þökk sé Guði. Þið, sem voruð þrælar syndarinnar, urðuð af hjarta hlýðin þeirri kenningu sem ykkur var gefin. Nú eruð þið leyst frá syndinni og bundin réttlætinu,

Bæn dagsins

Andspænis illsku og ranglæti vil ég ekki missa móðinn, heldur vil ég rísa upp og standa með því sem er rétt og satt, og ég vil horfast í augu við framtíðina með hugrekki, friði og gleði.

Sálmur (sb. 130)

Hvað stillir betur hjartans böl 
en heilög Drottins pína' og kvöl? 
Hvað heftir framar hneyksli' og synd 
en Herrans Jesú blóðug mynd? 
(Hallgrímur Pétursson (Ps. 1))

Minnisvers vikunnar

16. mars 2019

Morgunlestur: Opb 20.1-6

Og ég sá engil stíga niður af himni. Hann hélt á lykli undirdjúpsins og stórum fjötri í hendi sér. Og hann tók drekann, þann gamla höggorm, sem er djöfull og Satan, og batt hann um þúsund ár. Hann kastaði honum í undirdjúpið, læsti því og setti innsigli yfir svo að hann leiddi ekki framar þjóðirnar afvega uns þúsund ár væru liðin. Eftir það á hann að vera leystur um stuttan tíma.

Kvöldlestur: 1Sam 4.1-11

Þegar sáttmálsörk Drottins kom inn í herbúðirnar lustu Ísraelsmenn upp slíku fagnaðarópi að jörðin skalf. Filistear heyrðu ópið og sögðu: "Hvers vegna eru þessi miklu fagnaðaróp í herbúðum Hebrea?" Þá fréttu Filistear að örk Drottins væri komin í herbúðirnar. Þeir urðu felmtri slegnir og sögðu: "Guð er kominn í herbúðirnar," og þeir hrópuðu: "Vei okkur! Annað eins hefur aldrei gerst. Vei okkur! Hver getur bjargað okkur úr höndum þessara voldugu guða? Þetta eru guðirnir sem sigruðu Egypta með alls kyns plágum í eyðimörkinni. Verið hughraustir, Filistear, og sýnið karlmennsku svo að þið verðið ekki þrælar Hebrea eins og þeir voru þrælar ykkar. Sýnið nú karlmennsku og berjist."

Bæn dagsins

Góði Guð, varðveit mig sem sjáldur augans, fel mig í skugga vængja þinna. Amen.

Sálmur (sb. 130)

Hvar fær þú glöggvar, sál mín, séð 
sanna Guðs ástar hjartageð, 
sem faðir gæskunnar fékk til mín, 
framar en hér í Jesú pín? 
(Hallgrímur Pétursson (Ps. 1))

Minnisvers vikunnar

17. mars 2019

Morgunlestur: Mrk 10.46-52

Þeir kalla á blinda manninn og segja við hann: "Vertu hughraustur, statt upp, hann kallar á þig." 
Blindi maðurinn kastaði frá sér yfirhöfn sinni, spratt á fætur og kom til Jesú. 
Jesús spurði hann: "Hvað vilt þú að ég geri fyrir þig?" 
Blindi maðurinn svaraði honum: "Rabbúní, að ég fái aftur sjón." 
Jesús sagði við hann: "Far þú, trú þín hefur bjargað þér." 
Jafnskjótt fékk hann sjónina og fylgdi honum á ferðinni.

Kvöldlestur: 2Mós 33.12-13

Móse sagði við Drottin: "Þú sagðir við mig: Leiddu þetta fólk upp eftir. En þú hefur ekki sagt mér hvern þú ætlar að senda með mér. Samt sagðir þú sjálfur: Ég þekki þig með nafni og þú hefur fundið náð fyrir augum mínum. Hafi ég nú fundið náð fyrir augum þínum skýrðu mér þá frá vegum þínum svo að ég megi þekkja þig og hljóta náð fyrir augum þínum. Minnstu þess að þetta fólk er þjóð þín."

Bæn dagsins

Drottinn Guð, minnstu miskunnar þinnar sem þú hefur auðsýnt börnum þínum frá upphafi. Lát okkur eigi gjalda þess er við treystum á eigin mátt og gleymum þér. Opna eyru okkar svo að við heyrum þegar þú talar og kunngjörum verk þín til björgunar sem þú sýnir okkur í syni þínum Jesú Kristi sem tekur að sér málefni okkar nú og að eilífu.

Sálmur (sb. 191)

Hvar lífs um veg þú farinn fer, 
þú finnur ávallt marga, 
er eigi megna sjálfum sér 
úr sinni neyð að bjarga. 
Þótt fram hjá gangi fjöldi manns, 
þú fram hjá skalt ei ganga, 
lát þig langa 
að mýkja meinin hans, 
er mæðu líður stranga.  
(Sb. 1886 - Valdimar Briem)

Minnisvers vikunnar

18. mars 2019

Morgunlestur: Heb 11.8-10

Fyrir trú hlýddi Abraham, er hann var kallaður, og fór burt til staðar sem hann átti að fá til eignar. Hann fór burt og vissi ekki hvert leiðin lá. Fyrir trú settist hann að í hinu fyrirheitna landi eins og útlendingur og hafðist við í tjöldum ásamt Ísak og Jakobi sem Guð hafði heitið því sama og honum. Því að hann vænti þeirrar borgar sem hefur traustan grunn, þeirrar sem Guð hannaði og reisti. 

Kvöldlestur: Jóh 7.14-18

Er hátíðin var þegar hálfnuð fór Jesús upp í helgidóminn og tók að kenna. Menn urðu undrandi og sögðu: Hvernig getur þessi maður verið svona lærður? Hann hefur ekki notið fræðslu."  
Jesús svaraði þeim: "Kenning mín er ekki mín heldur hans er sendi mig. Sá sem vill gera vilja hans mun komast að raun um hvort kenningin er frá Guði eða ég tala af sjálfum mér. Sá sem talar af sjálfum sér leitar eigin heiðurs, en sá sem leitar heiðurs þess er sendi hann er sannorður og í honum ekkert ranglæti.

Bæn dagsins

Góði Guð, láttu mig heyra þig hvísla í blíðum vindblænum.

Sálmur (sb. 191)

Hvar sem þú einhvern auman sér, 
hann aðstoð máttu' ei svipta. 
Hvort sem hann vin eða' óvin er, 
það engu lát þig skipta. 
Þið eruð báðir börnin hans, 
er báða skapað hefur 
vernd og vefur, 
og limir lausnarans, 
er líf hann báðum gefur. 
(Sb. 1886 - Valdimar Briem)

Minnisvers vikunnar

19. mars 2019

Morgunlestur: Job 2.1-10

Dag nokkurn bar svo til að synir Guðs komu og gengu fyrir Drottin og kom Satan einnig með þeim og gekk fyrir Drottin. Drottinn spurði Satan: "Hvaðan kemur þú?" Satan svaraði Drottni og sagði: "Ég var á ferðalagi um jörðina." Þá spurði Drottinn Satan: "Veittir þú athygli Job, þjóni mínum? Enginn maður á jörðinni er jafnráðvandur og réttlátur og hann. Hann óttast Guð og forðast illt. Hann er staðfastur í ráðvendni sinni þó að þú hafir að tilefnislausu egnt mig gegn honum til að gera út af við hann." Satan svaraði Drottni og sagði: "Nær er skinnið en skyrtan. Menn láta allt sem þeir eiga fyrir líf sitt. En réttu út hönd þína og snertu hold hans og bein. Þá mun hann vissulega formæla þér upp í opið geðið." Þá sagði Drottinn við Satan: "Hann er í þínum höndum en þú skalt þyrma lífi hans."

Kvöldlestur: Mrk 14.32-42

Þá gekk Jesús lítið eitt áfram, féll til jarðar og bað að þessi stund færi fram hjá sér ef þess væri kostur. Hann sagði: "Abba, faðir! allt megnar þú. Tak þennan kaleik frá mér! Þó ekki sem ég vil heldur sem þú vilt." 
Jesús kemur aftur og finnur þá sofandi. Þá sagði hann við Pétur: "Símon, sefur þú? Gastu ekki vakað eina stund? Vakið og biðjið svo að þið fallið ekki í freistni. Andinn er reiðubúinn en holdið veikt."

Bæn dagsins

Eilifi almáttugi Guð.Við biðjum fyrir kirkju þinni og fyrir þjóðum heims , fyrir góðum og vondum, fyrir réttlátum og óréttlátum , fyrir þeim sem lúta þér í lotningu og fyrir þeim sem ekkert er heilagt. Drottinn, miskunna þú oss. Amen.

Sálmur (sb. 191)

Þú getur sífellt alveg eins  
í ólán ratað líka, 
þér getur orðið margt til meins, 
að miskunn þurfir slíka. 
Vilt þú þá ei, að aðrir menn 
því úr að bæta reyni 
mæðu meini? 
Þeir fara fram hjá enn, 
þó flýr ei burt sá eini. 
(Sb. 1886 - Valdimar Briem)

Minnisvers vikunnar

20. mars 2019

Morgunlestur: Jóh 8.21-30

Fólkið spurði hann þá: "Hver ert þú?" Jesús svaraði því: "Sá sem ég hef sagt yður frá upphafi. Margt hef ég um yður að tala og fyrir margt að dæma. En sá sem sendi mig er sannorður og það sem ég heyrði hjá honum, það tala ég til heimsins." 
Fólkið skildi ekki að hann var að tala við þá um föðurinn. Því sagði Jesús: "Þegar þér hefjið upp Mannssoninn munuð þér skilja að ég er sá sem ég er og að ég geri ekkert einn og sér heldur tala ég það eitt sem faðirinn hefur kennt mér. Og sá sem sendi mig er með mér. Hann hefur ekki látið mig einan því ég geri ætíð það sem honum þóknast." Þegar hann mælti þetta fóru margir að trúa á hann. 

Kvöldlestur: Post 5.17-29

Nú kom æðsti presturinn og hans menn, kölluðu saman ráðið, alla öldunga Ísraels, og sendu þjóna til fangelsisins að sækja postulana. Þeir komu í fangelsið og fundu þá ekki, sneru aftur og skýrðu svo frá: "Fangelsið fundum við að öllu tryggilega læst og varðmennirnir stóðu fyrir dyrum en er við lukum upp fundum við engan inni." Þegar varðforingi helgidómsins og æðstu prestarnir heyrðu þetta urðu þeir ráðþrota og skildu ekki hvað var að gerast. En þá kom maður og bar þeim þessa frétt: "Mennirnir, sem þið settuð í fangelsið, standa í helgidóminum og eru að kenna fólkinu." Þá fór varðforinginn með þjónunum og sótti þá. Beittu þeir samt ekki hörku því þeir óttuðust að fólkið grýtti þá.

Bæn dagsins

Guð. Við biðjum fyrir hinum voldugu og miklu þessarar jarðar sem láta þjóðirnar skelfast og eru þó aðeins duft eitt sem aðrir. Lát þau minnast þess eins og ábyrgðar sinnar. Drottinn, miskunna þú oss. Amen.

Sálmur (sb. 191)

Sá eini', er hvergi fram hjá fer, 
er frelsarinn vor blíði. 
Hvert mein hann veit, hvert sár hann sér, 
er svellur lífs í stríði. 
Hann sjálfur bindur sárin öll 
og særðum heimför greiðir, 
eymdum eyðir, 
og loks í himnahöll 
til herbergis oss leiðir.  
(Sb. 1886 - Valdimar Briem)

Minnisvers vikunnar

21. mars 2019

Morgunlestur: 2Kor 13.3-6

Rannsakið hvort trú ykkar kemur fram í breytni ykkar, prófið ykkur sjálf. Gerið þið ykkur ekki grein fyrir að Jesús Kristur lifir í ykkur? Það skyldi vera að þið stæðust ekki prófið. En ég vona að þið komist að raun um að ég hef staðist prófið.

Kvöldlestur: Jes 49.7-13

Lofsyngið himnar, fagna þú jörð, 
þér fjöll, hefjið gleðisöng 
því að Drottinn hughreystir þjóð sína 
og sýnir miskunn sínum þjáðu.

Bæn dagsins

Miskunnsami Guð. Við biðjum fyrir hinum ofsóttu og fyrir þeim sem ofsækja, fyrir hinum píndu og fyrir þeim sem pína, fyrir öllum sem hæðast að, spotta og lastmæla og fyrir þeim sem verða fyrir áreitni þeirra. Drottinn, miskunna þú oss. Amen.

Sálmur (sb. 130)

Ó, Jesús, gef þinn anda mér,
allt svo verði til dýrðar þér 
upp teiknað, sungið, sagt og téð, 
síðan þess aðrir njóti með. 
(Hallgrímur Pétursson (Ps. 1))

Minnisvers vikunnar

22. mars 2019

Morgunlestur: Gal 4.12-20

Ég bið ykkur, bræður mínir og systur: Verðið eins og ég því að ég er orðinn eins og þið. Í engu hafið þið gert á hluta minn. Þið vitið að sjúkleiki minn varð tilefni til þess að ég fyrst boðaði ykkur fagnaðarerindið. En þið létuð ekki líkamsásigkomulag mitt verða ykkur til ásteytingar og óvirtuð mig ekki né sýnduð mér óbeit, heldur tókuð þið á móti mér eins og engli Guðs, eins og Kristi Jesú sjálfum. Hvað er nú orðið úr blessunarbænum ykkar? Það vitni ber ég ykkur að augun hefðuð þið stungið úr ykkur og gefið mér ef auðið hefði verið. Er ég þá orðinn óvinur ykkar vegna þess að ég segi ykkur sannleikann?

Kvöldlestur: Heb 5.4-10

Á dögum jarðvistar sinnar bar Jesús með sárum andvörpum og tárum bænir fram fyrir þann sem megnaði að frelsa hann frá dauða og hann var bænheyrður sakir trúar sinnar. Þótt hann væri sonur Guðs lærði hann að hlýða með því að þjást. Þegar hann hafði fullnað allt varð hann öllum, sem honum fylgja, sá sem gefur eilíft hjálpræði, af Guði nefndur æðsti prestur að hætti Melkísedeks. 

Bæn dagsins

Drottinn Guð, við biðjum fyrir þeim sem líða hungur og þorsta, hungrar eftir brauði, þyrstir í kærleika, þyrstir í frelsi. Við biðjum fyrir heimilislausum og flóttamönnum , fyrir þeim sem tapað hafa virðingu sinni og verið gjörð ærulaus og fyrir þeim sem njóta ekki mannréttinda. Drottinn, miskunna þú oss. Amen.

Sálmur (sb. 217)

Sunnudagur Drottins er <br/>
dagur lífs til hvíldar mönnum,<br/>
lífsins orð hann blessuð ber,<br/>
boðin Jesú vinum sönnum.<br/>
Drottins kirkja' um veröld víða<br/>
vill þann dag með lofsöng prýða.<br/>
(Grundtvig - Sb. 1945
Friðrik Friðriksson)

Minnisvers vikunnar

23. mars 2019

Morgunlestur: Matt 12.38-42

Jesús svaraði þeim: "Vond og ótrú kynslóð heimtar tákn en eigi verður henni annað tákn gefið en tákn Jónasar spámanns. Jónas var í kviði stórhvelisins þrjá daga og þrjár nætur og eins mun Mannssonurinn vera þrjá daga og þrjár nætur í skauti jarðar. Nínívemenn munu koma fram í dóminum ásamt kynslóð þessari og sakfella hana því að þeir tóku sinnaskiptum við prédikun Jónasar og hér er meira en Jónas. Drottning Suðurlanda mun rísa upp í dóminum ásamt þessari kynslóð og sakfella hana því að hún kom frá endimörkum jarðar að heyra speki Salómons og hér er meira en Salómon." 

Kvöldlestur: Jóh 8.46-59

Jesús svaraði: "Sannlega, sannlega segi ég yður: Áður en Abraham fæddist er ég." 
Þá tóku menn upp steina til að grýta Jesú. En hann duldist og hvarf úr helgidóminum.

Bæn dagsins

Heilagi Guð, vér biðjum fyrir öllum þeim sem eru óttaslegin og áhyggjufull, fyrir þeim sem óttast um líf ástvinar eða sakna látins, fyrir öllum þeim sem sofnuð eru og fyrir oss öllum á hinstu stundu lífs vors . Drottinn, miskunna þú oss. Amen.

Sálmur (sb. 217)

Yfir vatna ógnageim 
orð Guðs leið á sunnudegi: 
"Verði ljós!" - og vítt um heim 
varð þá bjart sem elding fleygi 
fram úr myrkra heljar hjúpi, 
hrærast tók þá líf í djúpi. 
(Grundtvig - Sb. 1945
Friðrik Friðriksson)

Minnisvers vikunnar

24. mars 2019

Morgunlestur: Jóh 8.42-51

Jesús svaraði: "Ef Guð væri faðir yðar munduð þér elska mig því að frá Guði er ég út genginn og kominn. Ekki hef ég sent mig sjálfur. Það er hann sem sendi mig. Hví skiljið þér ekki mál mitt? Af því að þér getið ekki hlustað á orð mitt. Þér eigið djöfulinn að föður og viljið gera það sem faðir yðar girnist. Hann var manndrápari frá upphafi og hefur aldrei þekkt sannleikann því í honum finnst enginn sannleikur. Þegar hann lýgur fer hann að eðli sínu því hann er lygari og lyginnar faðir. En af því að ég segi sannleikann trúið þér mér ekki. Hver yðar getur sannað á mig synd? Ef ég segi sannleikann, hví trúið þér mér ekki? Sá sem er af Guði heyrir Guðs orð. Þér heyrið ekki vegna þess að þér eruð ekki af Guði."

Kvöldlestur: Matt 19.16-26

En Jesús sagði við lærisveina sína: "Sannlega segi ég ykkur: Torvelt verður auðmanni inn að ganga í himnaríki. Enn segi ég: Auðveldara er úlfalda að fara gegnum nálarauga en auðmanni að komast inn í Guðs ríki." 
Þegar lærisveinarnir heyrðu þetta urðu þeir steini lostnir og sögðu: "Hver getur þá orðið hólpinn?" 
Jesús horfði á þá og sagði: "Menn hafa engin ráð til þess en Guði er ekkert um megn."

Bæn dagsins

Guð, uppspretta ljóssins. Þú opnar augu okkar svo að við getum séð í gegn um hið óútskýrða og þorum að trúa þrátt fyrir allt óöryggið. Hjálpa þú okkur að taka eftir ljósinu sem lýsir okkur í Jesú Kristi og hrekur hverkyns nótt á brott. Því að hann er ljósið okkar að eilífu.

Sálmur (sb. 198)

Ó, Herra, Guð, lát hjá oss mætast 
þitt heilagt orð og rétta trú, 
en sérhvern upp þann ávöxt rætast, 
sem eigi gróðursettir þú. 
Á burt hvern lygalærdóm hrek, 
en líf í sannleik hjá oss vek. 
(Landstad - Sb. 1886 - Helgi Hálfdánarson)

Minnisvers vikunnar

25. mars 2019

Morgunlestur: 1Pét 1.13-21

Gerið því hugi ykkar viðbúna og verið vakandi. Bindið alla von ykkar við þá náð sem ykkur mun veitast við opinberun Jesú Krists. Verið eins og hlýðin börn og látið líferni ykkar ekki framar mótast af þeim girndum er þið áður létuð stjórnast af í vanvisku ykkar. Verðið heldur sjálf heilög í öllu dagfari ykkar eins og sá er heilagur sem ykkur hefur kallað. Ritað er: "Verið heilög því ég er heilagur."

Kvöldlestur: Jóh 1.29-37

Daginn eftir sér Jóhannes Jesú koma til sín og segir: "Sjá, Guðs lamb sem ber synd heimsins. Þar er sá er ég sagði um: Eftir mig kemur maður sem er mér fremri því hann var til á undan mér. Sjálfur þekkti ég hann ekki. En til þess kom ég og skíri með vatni að hann opinberist Ísrael." 

Bæn dagsins

Guð faðir á himnum. Í dag bið ég fyrir hinum ungu í blóma lífs síns og fyrir hinum öldnu sem þroskast til uppskerutímans. Ég bið fyrir öllum dögum og stundum sem Drottinn gefur mér að lifa og að ég læri að helga honum tíma minn. Drottinn, miskunna þú oss. Amen.

Sálmur (sb. 298)

Lát svikaspár ei sálir villa 
frá sannleiksbraut á myrka leið, 
ei fyrir hjörtum huggun spilla, 
er hlotnast þeim af Jesú deyð, 
lát byrgjast voðans breiða djúp, 
rek burt hvern úlf í sauðahjúp.  
(Landstad - Sb. 1886 - Helgi Hálfdánarson)

Minnisvers vikunnar

26. mars 2019

Morgunlestur: Mrk 6.7-13

Og hann kallaði þá tólf til sín, tók að senda þá út, tvo og tvo, og gaf þeim vald yfir óhreinum öndum. Hann bauð þeim að taka ekkert til ferðarinnar annað en staf, ekki brauð, mal né peninga í belti. Þeir skyldu hafa skó á fótum en ekki tvo kyrtla. 

Kvöldlestur: Post 8.1-8

Á þeim degi hófst mikil ofsókn gegn söfnuðinum í Jerúsalem. Allir nema postularnir dreifðust út um byggðir Júdeu og Samaríu. Guðræknir menn greftruðu Stefán og höfðu sorgarathöfn mikla. En Sál gerði sér allt far um að uppræta söfnuðinn. Hann óð inn í hvert hús, dró þaðan bæði karla og konur og lét setja í varðhald. 

Bæn dagsins

Ef fellir hann mig, fljótt mig reis, ef fjötrar hann mig, brátt mig leys, ef villir hann mig, blítt mér bend, ef blindar hann mig, ljós mér send, ef skelfir hann mig, legg mér lið, ef lokkar hann mig, þú mig styð.

Sálmur (sb. 298)

Að þitt nú, Drottinn, orð vér eigum, 
það ávann þinna votta blóð. 
Ó, hversu það vér þakka megum, 
að þessi perla dýr og góð, 
sem týnd var, fundin aftur er 
og ávallt nú sinn ljóma ber. 
(Landstad - Sb. 1886 - Helgi Hálfdánarson)

Minnisvers vikunnar

27. mars 2019

Morgunlestur: Mrk 14.43-52

Svikarinn hafði sagt þeim þetta til marks: "Sá sem ég kyssi, hann er það. Takið hann höndum og færið brott í tryggri vörslu." 
Hann kemur, gengur beint að Jesú og segir: "Meistari!" og kyssti hann. En hinir lögðu hendur á hann og tóku hann fastan. Einn þeirra, er hjá stóðu, brá sverði, hjó til þjóns æðsta prestsins og sneið af honum eyrað. Þá sagði Jesús við þá: "Eruð þið að fara að mér með sverðum og bareflum eins og gegn ræningja til að handtaka mig? Daglega var ég hjá ykkur í helgidóminum og kenndi og þið tókuð mig ekki höndum. En ritningarnar hljóta að rætast." 

Kvöldlestur: Job 7.11-21

Hví fyrirgefurðu ekki synd mína 
og tekur burt sekt mína? 
Því að nú leggst ég til hvíldar í mold, 
leitir þú mín er ég ekki framar til.

Bæn dagsins

Algóði Guð. Við biðjum þig fyrir þeim sem mikið hafa orðið að reyna , fyrir þeim sem lífið er þraut, fyrir þeim sem áttu draum sem ekki rættist og grófu vonir sínar, og fyrir þeim sem eiga þrá en enga von , að þau verði ekki beisk og harðúðug. Drottinn, miskunna þú oss. Amen.

Sálmur (sb. 133)

Jesús eymd vora alla sá, 
ofan kom til vor jörðu á, 
hæðum himna upprunninn af, 
undir lögmálið sig hann gaf. 
(Hallgrímur Pétursson (Ps. 43))

Minnisvers vikunnar

28. mars 2019

Morgunlestur: Lúk 4.38-44

Um sólsetur komu allir þeir er höfðu á sínum vegum sjúklinga haldna ýmsum sjúkdómum og færðu þá til Jesú. En hann lagði hendur yfir hvern þeirra og læknaði þá. Þá fóru og illir andar út af mörgum og æptu: "Þú ert sonur Guðs." En Jesús hastaði á þá og bannaði þeim að tala því að þeir vissu að hann var Kristur. 

Kvöldlestur: Post. 18.1-11

En Drottinn sagði við Pál um nótt í sýn: "Óttast þú eigi, haltu ótrauður áfram að tala, þagna ekki. Ég er með þér. Enginn skal ráðast að þér og vinna þér mein því að ég á margt fólk í þessari borg." Hann var þar um kyrrt þrjú misseri og kenndi þeim orð Guðs. 

Bæn dagsins

Almáttugi Guð. Við biðjum fyrir hinum sterku sem hafa stjórn á lífi sínu og virðast ráða örlögum sínum, fyrir þeim sem eru heppin og ná árangri og fyrir þeim sem eru eitthvað sérstakt sjálfum sér og öðrum , og fyrir sálu þeirra að hún spillist ekki. Drottinn, miskunna þú oss. Amen.

Sálmur (sb. 133)

Viljuglega í vorn stað gekk, 
var sú framkvæmdin Guði þekk, 
föðurnum hlýðni fyrir oss galt, 
fullkomnaði svo lögmálið allt. 
(Hallgrímur Pétursson (Ps. 43)) 

Minnisvers vikunnar

29. mars 2019

Morgunlestur: 1Kor 4.9-16

Mér virðist Guð hafa sett okkur postulana sísta allra því að við erum orðnir heiminum að augnagamni, bæði englum og mönnum.
Við erum heimskir sökum Krists en þið vitur vegna samfélags ykkar við Krist! Við erum veikir en þið sterk, þið eruð í hávegum höfð en við óvirtir. Allt til þessarar stundar þolum við hungur, þorsta og klæðleysi, okkur er misþyrmt, við höfum engan samastað. Við stöndum í erfiði og verðum að vinna með eigin höndum. Hrakyrtir blessum við, ofsóttir umberum við. Þegar við erum rægðir uppörvum við. Við erum orðnir eins og sorp heimsins, afhrak allra allt til þessa. 

Kvöldlestur: Jer 11.18-20

Drottinn skýrði mér frá því svo að ég vissi það. Þú gerðir mér ljóst hvað þeir höfðu fyrir stafni. Sjálfur var ég eins og grunlaust lamb sem er leitt til slátrunar. Ég skildi ekki að þeir brugguðu ráð gegn mér: "Vér skulum eyða trénu í blóma þess. Vér skulum eyða honum úr landi lifenda svo að nafns hans verði ekki minnst framar." 

Bæn dagsins

Guð, þú sem hlustar. Við treystum því að þú heyrir bænir okkar. Hjálpa þú okkur að taka það alvarlega sem við biðjum um. Kenndu okkur að ganga fram fyrir auglit þitt í hógværð og einlægni og einurð. Í Jesú nafni. Amen.

Sálmur (sb. 133)

Fullkomnað lögmál fyrir þig er,  
fullkomnað gjald til lausnar þér, 
fullkomnað allt, hvað fyrir var spáð, 
fullkomna skaltu eignast náð.  
(Hallgrímur Pétursson (Ps. 43))

Minnisvers vikunnar

30. mars 2019

Morgunlestur: Jes 49.1-6

Hlýðið á mig, eylönd, 
hyggið að, fjarlægu þjóðir. 
Drottinn hefur kallað mig allt frá móðurlífi, 
nefnt mig með nafni frá því ég var í móðurkviði.

Kvöldlestur: Opb 5.11-14

Þá heyrði ég að allt sem skapað er á himni og jörðu, undir jörðunni og á hafinu, og allt sem í þeim er, tók undir og sagði: 
Honum, sem í hásætinu situr, og lambinu, 
sé lof og heiður, dýrð og kraftur um aldir alda.

Bæn dagsins

Heilagi Guð. Við biðjum fyrir samstarfsfólki og vinnufélögum og fyrir öllum þeim sem vinna að sömu málum og við. Sérstaklega biðjum við fyrir öllum þeim sem eru á leið til gleðistunda eða sorgarstunda og eru þó alein því að enginn hirðir um annan í sjálfselsku sinni. Drottinn, miskunna þú oss. Amen.

Sálmur (sb. 133)

Herra Jesús, ég þakka þér,  
þvílíka huggun gafstu mér,  
ófullkomleika allan minn 
umbætti guðdómskraftur þinn. 
(Hallgrímur Pétursson (Ps. 43)) 

Minnisvers vikunnar

31. mars 2019

Morgunlestur: Jóh 6.47-51

Sannlega, sannlega segi ég yður: Sá sem trúir hefur eilíft líf. Ég er brauð lífsins. Feður ykkar átu manna í eyðimörkinni en þeir dóu. Þetta er brauðið sem niður stígur af himni. Sá sem etur af því deyr ekki. Ég er hið lifandi brauð sem steig niður af himni. Hver sem etur af þessu brauði mun lifa að eilífu. Og brauðið er líkami minn sem ég gef heiminum til lífs."

Kvöldlestur: Jes 52.7-10

Hefjið upp fagnaðarsöng allar í einu, 
rústir Jerúsalem, 
því að Drottinn hefur huggað þjóð sína, 
endurleyst Jerúsalem. 
Drottinn hefur afhjúpað heilagan armlegg sinn 
í augsýn allra þjóða 
og allt til endimarka jarðar 
munu menn sjá hjálpræði Guðs vors.

Bæn dagsins

Gleðjast skulu þau öll í þér, Drottinn Guð, þau sem tilheyra þér. Gef þú okkur saðningu með brauði lífsins, svo að við lifum í krafti sonar þíns og mætum hvert öðru í kærleika. Þess biðjum við í nafni Jesú Krists. Amen.

Sálmur (sb. 46)

Vor Drottinn Jesús, dýrð sé þér,  
þig Drottinn Jesús, lofum vér. 
Til hjálpar oss í heim komst þú, 
til hjálpar oss þú ríkir nú, 
þú styrkir oss í stríði og neyð, 
þú styður oss á sorgarleið, 
þú leiðir oss til lífs í deyð.
(Helgi Hálfdánarson)

Minnisvers vikunnar

01. apríl 2019

Morgunlestur: Jóh 6.22-29

Jesús svaraði þeim: "Sannlega, sannlega segi ég yður: Þér leitið mín ekki af því að þér sáuð tákn, heldur af því að þér átuð af brauðunum og urðuð mettir. Aflið yður eigi þeirrar fæðu sem eyðist heldur þeirrar fæðu sem varir til eilífs lífs og Mannssonurinn mun gefa yður. Því að faðirinn, sjálfur Guð, hefur veitt honum vald sitt." 
Þá sögðu þeir við hann: "Hvað eigum við að gera svo að við vinnum verk Guðs?" 
Jesús svaraði þeim: "Það er verk Guðs að þér trúið á þann sem hann sendi." 

Kvöldlestur: 2Mós 16.2-7a, 13-15

Þá sagði Drottinn við Móse: "Nú ætla ég að láta brauði rigna af himni handa ykkur. Fólkið á að ganga út og safna saman dag hvern því sem það þarf fyrir daginn. Þannig get ég reynt það og séð hvort það fylgir lögum mínum eða ekki. En þegar þeir mæla það sem þeir koma með heim á sjötta degi verður það helmingi meira en það sem þeir safna hina dagana."

Bæn dagsins

Guð, vertu hjá mér í dag. Gættu mín og minna. Amen.

Sálmur (sb. 46)

Með lotning sérhvað lýtur þér  
sem lífs á himni og jörðu er. 
Þótt veröld kall vald þitt hátt, 
það veikt er æ og þrýtur brátt, 
en ríkið þitt ei raskast má, 
það rétti og sannleik byggt er á, 
og aðeins þar er frelsi að fá. 
(Helgi Hálfdánarson)

Minnisvers vikunnar

02. apríl 2019

Morgunlestur: 1Kon 19.1-8

Akab sagði Jesebel frá öllu sem Elía hafði gert og að hann hefði drepið alla spámennina með sverði. Jesebel sendi þá mann til Elía með þessi skilaboð: "Guðirnir geri mér hvað sem þeir vilja, nú og héðan í frá, hafi ég ekki um þetta leyti á morgun farið með líf þitt líkt og líf eins af spámönnunum." Elía varð hræddur, bjó sig til ferðar og flýði til að bjarga lífi sínu. Er hann kom til Beerseba í Júda skildi hann þjón sinn þar eftir. 

Kvöldlestur: Jóh 6.55-65

En hér á meðal eru nokkrir sem ekki trúa." Jesús vissi frá upphafi hverjir þeir voru sem trúðu ekki og hver sá var sem mundi svíkja hann. Og hann bætti við: "Vegna þess sagði ég við yður: Enginn getur komið til mín nema faðirinn veiti honum það." 

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 46)

Vorn óstyrk Drottinn þekkir þú 
og það, hve oft vor dofnar trú. 
Æ, veit oss styrk, svo veröld flá 
ei villt oss geti sannelik frá, 
lát hjört vor svo helgast þér, 
að heilags friðar njótum vér 
og hreppum arf, sem aldrei þver. 
(Helgi Hálfdánarson)

Minnisvers vikunnar

03. apríl 2019

Morgunlestur: Gal 4.4-7

En þegar fylling tímans kom sendi Guð son sinn, fæddan af konu, fæddan undir lögmáli - til þess að hann keypti lausa þá sem voru undir lögmáli og við yrðum börn Guðs. En þar eð þið eruð börn, þá hefur Guð sent anda sonar síns í hjörtu okkar sem hrópar: "Abba, faðir!" Þú ert þá ekki framar þræll heldur barn. En ef þú ert barn, þá hefur Guð líka gert þig erfingja. 

Kvöldlestur: Lúk 1.26-38

En María varð hrædd við þessi orð og hugleiddi hvað þessi kveðja ætti að merkja. Og engillinn sagði við hana: "Óttast þú eigi, María, því að þú hefur fundið náð hjá Guði. Þú munt þunguð verða og son ala og þú skalt láta hann heita JESÚ. Hann mun verða mikill og kallaður sonur Hins hæsta. Drottinn Guð mun gefa honum hásæti Davíðs föður hans og hann mun ríkja yfir ætt Jakobs að eilífu og á ríki hans mun enginn endir verða." 
Þá sagði María við engilinn: „Hvernig má þetta verða þar eð ég hef ekki karlmanns kennt?“

Bæn dagsins

Fegurð Guðs lýsi veginn þinn. Kristur gangi með þér og beri kvíða þinn. Andinn blási eftir þér og fótspor þín verði létt, og hin unga María syngi þér söngva trúarinnar. (Martin Lönnebo)

Sálmur (sb. 572)

Lofsöngur ómar svo heyra má heimur 
heilagan óðinn af vörum Guðs móður, 
andsvarið hennar við himinsins boðum: 
Mín önd dásamar Drottin, 
hans miskunn varir um eilíf ár 
með öllum þeim, sem elska hans nafn. 
Hallelúja, hallelúja. 
(Ellingsen - Sigurbjörn Einarsson)

Minnisvers vikunnar

04. apríl 2019

Morgunlestur: 5Mós 8.2-3

Hafðu hugfast hvernig Drottinn, Guð þinn, leiddi þig alla leiðina þessi fjörutíu ár í eyðimörkinni. Hann gerði það til að beygja þig og reyna þig, til þess að komast að raun um hvað þú hafðir í huga, hvort þú hygðist halda boðorð hans. Hann auðmýkti þig með hungri en gaf þér síðan manna að eta sem hvorki þú né forfeður þínir þekktu. Hann vildi gera þér ljóst að maðurinn lifir ekki á einu saman brauði heldur hverju því sem fram gengur af munni Drottins. 

Kvöldlestur: Jóh 6.47-51

Sannlega, sannlega segi ég yður: Sá sem trúir hefur eilíft líf. Ég er brauð lífsins. Feður ykkar átu manna í eyðimörkinni en þeir dóu. Þetta er brauðið sem niður stígur af himni. Sá sem etur af því deyr ekki. Ég er hið lifandi brauð sem steig niður af himni. Hver sem etur af þessu brauði mun lifa að eilífu. Og brauðið er líkami minn sem ég gef heiminum til lífs." 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir.

Sálmur (sb. 572)

Samstillt í trúnni með systrum og bræðrum 
syngjum vér orð, sem María gaf vængi, 
fagnandi hlýðin Guðs heilaga anda. 
Mín önd dásamar Drottin, 
hans miskunn varir um eilíf ár 
með öllum þeim, sem elska hans nafn. 
Hallelúja, hallelúja.
(Ellingsen - Sigurbjörn Einarsson)

Minnisvers vikunnar

05. apríl 2019

Morgunlestur: Jóh 12.22-26

Jesús svaraði þeim: "Stundin er komin að dýrð Mannssonarins verði opinber. Sannlega, sannlega segi ég yður: Ef hveitikornið fellur ekki í jörðina og deyr verður það áfram eitt. En ef það deyr ber það mikinn ávöxt. Sá sem elskar líf sitt glatar því en sá sem hatar líf sitt í þessum heimi mun varðveita það til eilífs lífs. Sá sem þjónar mér fylgi mér eftir og hvar sem ég er, þar mun og þjónn minn vera. Þann sem þjónar mér mun faðirinn heiðra. 
 

Kvöldlestur: 2Kor 4.11-15

Ég veit að Guð, sem vakti upp Drottin Jesú, mun einnig uppvekja mig ásamt Jesú og leiða mig fram ásamt ykkur. Allt er þetta ykkar vegna til þess að náðin verði sem mest og láti sem flesta flytja þakkargjörð Guði til dýrðar. 

Bæn dagsins

Guð birtunnar. Þú sýnir okkur veginn sem við eigum að ganga. Og þegar við ákveðum og framkvæmum í samræmi við vilja þinn þá hjálpaðu okkur að ganga hann kjarkmiklum skrefum, fyrir Jesú Krist sem er upphaf og fullkomnun trúarinnar.

Sálmur (sb. 572)

Orðið varð maður, það undur vér tignum. 
Andi þinn, Guð, sem Maríu var gefinn, 
veki oss lofsöng, er varir um eilífð. 
Mín önd dásamar Drottin, 
hans miskunn varir um eilíf ár 
með öllum þeim, sem elska hans nafn. 
Hallelúja, hallelúja. 
(Ellingsen - Sigurbjörn Einarsson)

Minnisvers vikunnar

06. apríl 2019

Morgunlestur: Am 8.11-12

Sjá, þeir dagar koma, segir Drottinn Guð, 
að ég sendi hungur til landsins, 
hvorki hungur eftir brauði né þorsta eftir vatni, 
heldur eftir orði Drottins. 

Kvöldlestur: Mrk 8.1-9

Þá bauð Jesús fólkinu að setjast á jörðina, tók brauðin sjö, gerði þakkir og braut þau og gaf lærisveinum sínum að þeir bæru þau fram. En þeir báru þau fram fyrir fólkið. Þeir höfðu og fáeina smáfiska. Hann bað Guð að blessa þá og bauð að einnig þeir skyldu bornir fram. Menn neyttu og urðu mettir. Síðan tóku lærisveinarnir saman leifarnar, sjö körfur. En þar voru um fjögur þúsund manns. Síðan lét hann fólkið fara.

Bæn dagsins

Þú sendir oss til sérhvers þess sem þú gjörir að náunga vorum. Gef oss augnatillit kærleikans, hið rétta orð, og hjálpandi hönd. Hjálpa oss til að gefa hvert öðru það sem vér þörfnumst og gagnkvæma þjónustu eins og hið daglega brauð. Amen.

Sálmur (sb. 126)

Þú, sem andinn yfirskyggði, 
unga mærin, forðum daga, 
og á Drottins orði byggðir, 
eilíf blessun varð þín saga. 
Heil vert þú, sem nýtur náðar Guðs. 
(Sigurjón Guðjónsson)

Minnisvers vikunnar

07. apríl 2019

Morgunlestur: Lúk 1.46-56

Og María sagði: 
Önd mín miklar Drottin 
og andi minn gleðst í Guði, frelsara mínum. 
Því að hann hefur litið til ambáttar sinnar í smæð hennar, 
héðan af munu allar kynslóðir mig sæla segja.

Kvöldlestur: 1Mós 12.1-4a

Drottinn sagði við Abram: "Far þú burt úr landi þínu, frá ættfólki þínu og úr húsi föður þíns til landsins sem ég mun vísa þér á. Ég mun gera þig að mikilli þjóð og blessa þig og gera nafn þitt mikið. Blessun skalt þú vera. Ég mun leiða blessun yfir þá sem blessa þig og bölvun yfir þann sem formælir þér. Allar ættkvíslir jarðarinnar munu af þér blessun hljóta." 

Bæn dagsins

Eilífi Guð, þú sem kallar í þína þjónustu karla og konur og framkvæmir með þeim verk þitt á jörðu. Við biðjum þig: Opna þú eyru okkar og hjörtu, að við heyrum þegar þú kallar og fylgjum honum sem þú sendir, Jesú Kristi, sem er bróðir okkar og Drottinn, og lifir og ríkir með þér og heilögum Anda frá eilífð til eilífðar.

Sálmur (sb. 297)

Ó, Herra Jesús, hjá oss ver, 
því heims á vegum dimma fer, 
þitt orðaljósið lát oss hjá 
með ljóma hreinum skinið fá. 
(Helgi Hálfdánarson)

Minnisvers vikunnar

08. apríl 2019

Morgunlestur: Heb 7.24-27

Slíks æðsta prests höfðum við þörf sem er heilagur, svikalaus, óflekkaður, greindur frá syndurum og orðinn himnunum hærri. Hann þarf ekki daglega, eins og hinir æðstu prestarnir, fyrst að bera fram fórnir fyrir eigin syndir, síðan fyrir syndir lýðsins. Það gerði hann í eitt skipti fyrir öll er hann fórnfærði sjálfum sér.

Kvöldlestur: Heb 8.1-4. 6-13

Höfuðinntak þess sem sagt hefur verið er þetta: Við höfum þann æðsta prest er settist til hægri handar við hásæti hátignarinnar á himnum. Hann þjónar sem prestur í helgidóminum, hinni sönnu tjaldbúð sem Drottinn reisti en eigi maður. Sérhver æðsti prestur er skipaður til þess að bera fram bæði gjafir og fórnir. Þess vegna er nauðsynlegt að þessi æðsti prestur hafi líka eitthvað fram að bera. 

Bæn dagsins

Hjálpsami Guð. Þú kennir okkur að biðja fyrir öllum. Á fyrsta degi þessarar vinnuviku biðjum við fyrir öllu vinnandi fólki, að það haldi vinnunni, hafi góða verkstjóra og ánægju af starfi sínu.

Sálmur (sb. 573)

Ein kyrrlát mær þá kveðju fær, 
sem kætir bæði' og hræðir, 
að hennar sonur hjartakær, 
er hún á síðan fæðir, 
það veldi fær, er voldugt nær 
um víðar heimsins álfur 
og hærra' en himinn sjálfur. 
(Valdimar Briem þýddi)

Minnisvers vikunnar

09. apríl 2019

Morgunlestur: 4Mós 21.4-9

Ísraelsmenn héldu frá Hórfjalli í átt til Sefhafsins til þess að sneiða hjá Edómslandi. En þolinmæði fólksins þraut á leiðinni og það tók að tala gegn Guði og Móse: "Hvers vegna leidduð þið okkur upp frá Egyptalandi til að deyja í eyðimörkinni? Hér er hvorki brauð né vatn og okkur býður við þessu léttmeti." 

Kvöldlestur: Jer 15.10, 15-20

Þegar orð þín komu gleypti ég þau, 
orð þín urðu gleði mín. 
Hjarta mitt fagnaði 
því að ég er kenndur við þig, 
Drottinn, Guð hersveitanna.

Bæn dagsins

Vísa mér veg þinn, Drottinn, lát mig ganga í sannleika þínum. Gef mér heilt hjarta, að ég tigni nafni þitt. Amen.

Sálmur (sb. 573)

Við mey þá engill mæla réð: 
"Þú munt af himnum þiggja 
Guðs anda gjöf; þig mun þar með 
Guðs máttur yfirskyggja. 
Og lífs þíns von, þinn ljúfa son, 
þú lausnara skalt kalla, 
hann endurleysir alla."
(Valdimar Briem þýddi)

Minnisvers vikunnar

10. apríl 2019

Morgunlestur: Mrk 14.66-72

En Pétur sór og sárt við lagði: "Ég þekki ekki þennan mann sem þið talið um." 
Um leið gól haninn annað sinn og Pétur minntist þess er Jesús hafði mælt við hann: "Áður en hani galar tvisvar muntu afneita mér þrisvar." Þá fór hann að gráta. 

Kvöldlestur: Job 19.21-27

Ég veit að lausnari minn lifir 
og hann mun síðastur ganga fram á foldu. 
Eftir að þessi húð mín er sundurtætt 
og allt hold er af mér mun ég líta Guð. 
Ég mun líta hann mér til góðs, 
augu mín munu sjá hann og engan annan. 
Hjartað brennur af þrá í brjósti mér. 

Bæn dagsins

Drottinn minn og Guð minn. Kenndu mér að lifa eftir þínum vilja, því að þú ert minn Guð. Láttu þinn góða anda leiða mig um réttan veg til eilífs lífs. Amen.

Sálmur (sb. 573)

Lát kraft þinn, Jesús, Jesús minn, 
mig jafnan yfirskyggja, 
og lát þitt orð og anda þinn 
mér æ í hjarta byggja, 
svo ég sé þinn og þú sért minn 
og þinn æ minn sé vilji 
og ekkert okkur skilji. 
(Valdimar Briem þýddi)

Minnisvers vikunnar

11. apríl 2019

Morgunlestur: 2Kor 1.3-11

Lofaður sé Guð og faðir Drottins vors Jesú Krists, faðir miskunnsemdanna og Guð allrar huggunar sem hughreystir mig í sérhverri þrenging minni svo að ég geti hughreyst alla aðra í þrengingum þeirra á sama hátt og hann hughreystir mig. Eins og ég tek í ríkum mæli þátt í þjáningum Krists, þannig uppörvar Kristur mig einnig í ríkum mæli. En ef ég sæti þrengingum, þá er það til þess að þið öðlist kjark og frelsist og ef ég er vongóður, þá er það til þess að þið verðið vongóð og öðlist kjark og kraft til að standast þær þjáningar sem ég einnig líð.

Kvöldlestur: Heb 9.16-21

Arfleiðsluskrá tekur ekki gildi fyrr en sá er dáinn sem gerði hana. Hún er óhagganleg þegar um látna er að ræða en er í engu gildi meðan arfleiðandi lifir. Þess vegna var ekki heldur hinn fyrri sáttmáli settur án blóðs. 

Bæn dagsins

Guð. Í deginum búa væntingar og vonir okkar. Guð gefðu okkur kjark og styrk svo væntingarnar verði að veruleika og vonir okkar alltaf Guði faldar. Amen.

Sálmur (sb. 573)

Þitt himnaríki' í hjarta mér 
þinn helgur andi búi, 
svo hafni' eg því, sem holdlegt er, 
en hjarta til þín snúi, 
uns englum jafnt þitt Jesúnafn 
fæ ég með þeim að róma 
hjá þér í lífsins ljóma. 
(Valdimar Briem þýddi)

Minnisvers vikunnar

12. apríl 2019

Morgunlestur: Jóh 11.47-54

Þess vegna er hann meðalgangari nýs sáttmála. Hann dó og bætti að fullu fyrir afbrotin undir fyrri sáttmálanum til þess að þau sem Guð hafði kallað mættu öðlast hina eilífu arfleifð sem heitið var. 

Kvöldlestur: Heb 9.15, 24-28

Þess vegna er hann meðalgangari nýs sáttmála. Hann dó og bætti að fullu fyrir afbrotin undir fyrri sáttmálanum til þess að þau sem Guð hafði kallað mættu öðlast hina eilífu arfleifð sem heitið var. 

Bæn dagsins

Kæri Guð. Hafsjór tilfinninga, gleði og kvíði fylgja komu nýs dags, vaktu yfir mér í erli dagsins, bæði í meðbyr og mótbyr. Amen.

Sálmur (sb. 293)

Þín kirkja, góði Guð, 
þú gef að standi 
um aldir óbifuð 
af öllu grandi 
og orðið þitt til enda heims að megi 
til Jesú lýsa lýð 
sem leiðarstjarna blíð 
á vorum vegi. 
(Kingo - Sb. 1751 - Helgi Hálfdánarson)

Minnisvers vikunnar

13. apríl 2019

Morgunlestur: Heb 10.1-10

Fyrst segir hann: "Fórnir og gjafir og brennifórnir og syndafórnir hefur þú eigi viljað og eigi geðjaðist þér að þeim." En það eru einmitt þær sem fram eru bornar samkvæmt lögmálinu. Síðan segir hann: „Sjá, ég er kominn til að gera vilja þinn.“ Hann afnemur hið fyrra og staðfestir hið síðara. Þannig gerði hann það sem Guð vildi og þess vegna erum við helguð orðin að hann fórnaði sjálfum sér í eitt skipti fyrir öll. 

Kvöldlestur: Heb 10.11-18

Þetta er sáttmálinn er ég mun gera við þá 
eftir þá daga, segir Drottinn. 
Lög mín vil ég leggja í hjörtu þeirra 
og í hugskot þeirra vil ég rita þau. 
Síðan segir hann: 
Ég mun aldrei framar minnast synda þeirra eða lögmálsbrota. 
En þar sem syndirnar eru fyrirgefnar þarf ekki framar fórn fyrir synd.

Bæn dagsins

Kærleiksríki Guð. Í þögninni á ég engin orð aðeins hugsanir sem leita til þín Þú einn þekkir hugsanir mínar. Þökk almáttugi Guð. Amen.

Sálmur (sb. 293)

Lát byggðir blóma ná 
og blessun hljóta, 
lát réttinn framgang fá 
og frið ei þrjóta, 
lát sannleiks sól oss sífellt öllum lýsa 
og rétta lífs á leið 
um lífdaganna skeið 
oss veginn vísa. 

(Kingo - Sb. 1751 - Helgi Hálfdánarson)

Minnisvers vikunnar

14. apríl 2019

Morgunlestur: Jes 49.13-16

Hvort fær kona gleymt brjóstbarni sínu 
að hún miskunni eigi lífsafkvæmi sínu? 
Og þó að þær gætu gleymt 
þá gleymi ég þér samt ekki. 

Kvöldlestur: Jóh 17.1-8

"Faðir, stundin er komin. Ger son þinn dýrlegan til þess að sonurinn geri þig dýrlegan. Þú gafst honum vald yfir öllum mönnum að hann gefi eilíft líf öllum þeim sem þú hefur gefið honum. En það er hið eilífa líf að þekkja þig, hinn eina sanna Guð, og þann sem þú sendir, Jesú Krist. 

Bæn dagsins

Drottinn Jesús Kristur. Fólkið kom á móti þér með fagnaðarópum og hyllti þig. Samt skildi það þig eftir einan svo að þú yrðir pyntaður og deyddur. Við erum hrædd við dökku hliðarnar á mannlífinu, hrædd við skuggana, hrædd við möguleika illskunnar í mannfólkinu, og í okkur sjálfum. Gefðu okkur náð til að þekkja okkur sjálf og að sjá hvað í okkur sjálfum býr. Hjálpa þú okkur að koma með það allt til þín að þú blessir það og bætir það með kærleika þínum. Amen.

Sálmur (sb. 128)

Ó, kom í hátign, Herra minn. 
Þér heilsar allur lýðurinn 
og klæðum lagða braut þér býr, 
með blessun þér á móti snýr. 
(Milman - Sb. 1871)

Minnisvers vikunnar

15. apríl 2019

Morgunlestur: Mrk 14.3-9

Jesús var í Betaníu, í húsi Símonar líkþráa, og sat að borði. Þá kom þar kona og hafði alabastursbuðk með ómenguðum, dýrum nardussmyrslum. Hún braut buðkinn og hellti yfir höfuð honum. En þar voru nokkrir er gramdist þetta og þeir sögðu sín á milli: "Til hvers er þessi sóun á smyrslum? Þessi smyrsl hefði mátt selja fyrir meira en þrjú hundruð denara og gefa fátækum." Og þeir atyrtu hana. 
En Jesús sagði: "Látið hana í friði! Hvað eruð þið að angra hana? Gott verk gerði hún mér. Fátæka hafið þið jafnan hjá ykkur og getið gert þeim gott nær þið viljið en mig hafið þið ekki ávallt.

Kvöldlestur: Jer 17.13-17

Lækna mig, Drottinn, svo að ég verði heill,  
hjálpa mér svo að ég bjargist 
því að þú ert lofsöngur minn. 

Bæn dagsins

Eilífi Guð. Sonur þinn Jesús Kristur gaf sig í dauðann á krossi af því að hann elskaði þennan heim. Leyfðu okkur að dvelja í elsku hans og sækja þangað kraft og líf. Við biðjum þig í nafni Jesú Krists, bróður okkar og Drottins. Amen.

Sálmur (sb. 133)

Jesús eymd vora alla sá, 
ofan kom til vor jörðu á, 
hæðum himna upprunninn af, 
undir lögmálið sig hann gaf. 
(Hallgrímur Pétursson (Ps. 43))

Minnisvers vikunnar

16. apríl 2019

Morgunlestur: Jóh 12.27-33

Faðir, ger nafn þitt dýrlegt!“ 
Þá kom rödd af himni: "Ég hef gert það dýrlegt og mun enn gera það dýrlegt." 
Mannfjöldinn, sem hjá stóð og hlýddi á, sagði að þruma hefði riðið yfir. En aðrir sögðu: "Engill var að tala við hann." 
Jesús svaraði: "Þessi rödd kom ekki mín vegna heldur yðar vegna. Nú gengur dómur yfir þennan heim. Nú skal höfðingja þessa heims út kastað. Og þegar ég verð hafinn upp frá jörðu mun ég draga alla til mín." Þetta sagði hann til að gefa til kynna með hvaða hætti hann ætti að deyja

Kvöldlestur: Job 38.1-11, 42.1-6

Nú skil ég að þú getur allt, 
ekkert, sem þú vilt, er þér um megn. 
Hver myrkvar ráðsályktunina án þekkingar? 
Ég hef talað af skilningsleysi 
um undursamleg kraftaverk. 
Hlustaðu, nú ætla ég að tala, 
ég ætla að spyrja, þú skalt svara. 
Ég þekkti þig af afspurn 
en nú hefur auga mitt litið þig.

Bæn dagsins

Miskunnsami, eilífi Guð. Þú gafst son þinn í dauða á krossi fyrir okkur öll. Gef að við megum meðtaka þann boðskap af öllu hjarta og bregðast aldrei í nokkurri freistni heldur standast fyrir kraft trúarinnar. Þess biðjum við í nafni Jesú Krist, bróður okkar og Drottins. Amen.

Sálmur (sb. 143)

Ég kveiki á kertum mínum 
við krossins helga tré. 
Í öllum sálmum sínum 
hinn seki beygir kné. 
Ég villtist oft af vegi. 
Ég vakti oft og bað. 
Nú hallar helgum degi 
á Hausaskeljastað. 
(Sb. 1945 - Davíð Stefánsson frá Fagraskógi)

Minnisvers vikunnar

17. apríl 2019

Morgunlestur: Mrk 15.1-15

Þegar að morgni gerðu æðstu prestarnir samþykkt með öldungunum, fræðimönnunum og öllu ráðinu. Þeir létu binda Jesú og færa brott og framseldu hann Pílatusi. Pílatus spurði hann: "Ert þú konungur Gyðinga?" 
Jesús svaraði: "Það eru þín orð."

Kvöldlestur: Mrk 15.20-39

Þegar þeir höfðu spottað hann færðu þeir hann úr purpuraskikkjunni og í hans eigin klæði. Þá leiddu þeir Jesú út til að krossfesta hann. 
En maður nokkur átti leið þar hjá og var að koma utan úr sveit. Hann neyða þeir til að bera kross Jesú. Það var Símon frá Kýrene, faðir þeirra Alexanders og Rúfusar. 

Bæn dagsins

Guð gæskunnar og miskunnsemdanna. Sonur þinn Jesús Kristur þoldi þjáningu og dauða til þess að við mættum eignast hlutdeild í þínu lífi. Gef okkur að hugleiða fórn hans á þessum dögum kyrruvikunnar og styrkjast í samfélaginu við hann , sem er bróðir okkar og Drottinn. Amen.

Sálmur (sb. 41)

Víst ertu, Jesús, kóngur klár,  
kóngur dýrðar um eilíf ár, 
kóngur englanna, kóngur vor, 
kóngur almættis tignarstór. 
(Hallgrímur Pétursson (Ps. 27))

Minnisvers vikunnar

18. apríl 2019

Morgunlestur: Jóh 13.1-15, (34-35)

Þegar hann hafði þvegið fætur þeirra, tekið yfirhöfn sína og sest aftur niður sagði hann við þá: "Skiljið þér hvað ég hef gert við yður? Þér kallið mig meistara og Drottin og þér mælið rétt því það er ég. Fyrst ég, sem er herra og meistari, hef nú þvegið yður um fæturna, þá ber yður einnig að þvo hver annars fætur. Ég hef gefið yður eftirdæmi að þér breytið eins og ég breytti við yður.

Kvöldlestur: Matt 26.36-46

Þá kemur Jesús með þeim í garð er heitir Getsemane og hann segir við lærisveinana: "Setjist hér meðan ég fer og biðst fyrir þarna." Hann tók með sér þá Pétur og báða sonu Sebedeusar. Og nú setti að honum hryggð og angist. Hann segir við þá: "Sál mín er hrygg allt til dauða. Bíðið hér og vakið með mér." 
Þá gekk Jesús lítið eitt lengra, féll fram á ásjónu sína, baðst fyrir og sagði: "Faðir minn, ef verða má þá fari þessi kaleikur fram hjá mér. Þó ekki sem ég vil heldur sem þú vilt." 

Bæn dagsins

Jesús Kristur, brauð lífsins. Í brauði og víni gefur þú okkur hlutdeild í guðlegum leyndardómi lífs þíns, yfirbugar aðskilnaðinn sem synd okkar veldur og tekur okkur með þína leið, þinn veg, fórnar og þjáningar til eilífs lífs svo að við séum hjá þér eins og þú ert hjá okkur að eilífu. Amen.

Sálmur (sb. 228)

Tunga mín af hjarta hljóði 
helgan leyndardóm um þann, 
líkam Krists og blessað blóðið, 
bót sem öllum heimi vann, 
konungs þjóða þá hins góða 
það á krossi' úr æðum rann. 
(Aquinas - Sb. 1589 - Stefán Thorarensen)

Minnisvers vikunnar

19. apríl 2019

Morgunlestur: 1Pét 2.19-25

Hann bar sjálfur syndir okkar á líkama sínum upp á tréð, til þess að við skyldum deyja frá syndunum og lifa réttlætinu. Fyrir hans benjar eruð þið læknuð. Þið voruð sem villuráfandi sauðir en nú hafið þið snúið ykkur til hans sem er hirðir og biskup sálna ykkar. 

Kvöldlestur: Jóh 19.38-42

Þeir tóku nú líkama Jesú og sveipuðu hann línblæjum með ilmjurtunum eins og Gyðingar búa lík til greftrunar. En á staðnum, þar sem hann var krossfestur, var grasgarður og í garðinum ný gröf sem enginn hafði enn verið lagður í. Þar lögðu þeir Jesú því það var aðfangadagur Gyðinga og gröfin var nærri. 

Bæn dagsins

Jesús Kristur, ég virði fyrir mér krossinn þinn, tákn neyðarinnar, tákn óréttlætisins, tákn eyðileggingarinnar, í skelfingu en um leið í undrun, því að vegur þinn endar ekki þar. Krossinn þinn er tákn um von og sigur, af þvi að þú lifir og ríkir um eilífð. Amen.

Sálmur (sb. 145)

Ó, höfuð dreyra drifið, 
er drúpir smáð og pínt, 
af höndum þræla þrifið 
og þyrnum sárum krýnt, 
ó, heilagt höfuð fríða, 
er himnesk lotning ber, 
en háðung hlaust að líða, 
mitt hjarta lýtur þér. 
(Löwen - Gerhardt - Sb. 1886)

Minnisvers vikunnar

20. apríl 2019

Morgunlestur: Matt 27.57-66

Næsta dag, hvíldardaginn, gengu æðstu prestarnir og farísearnir saman fyrir Pílatus og sögðu: "Herra, við minnumst þess að svikari þessi sagði í lifanda lífi: Eftir þrjá daga rís ég upp. Bjóð því að grafarinnar sé vandlega gætt allt til þriðja dags, ella gætu lærisveinar hans komið og stolið honum og sagt fólkinu: Hann er risinn frá dauðum. Þá verða síðari svikin verri hinum fyrri."

Kvöldlestur: 1Pét 3.18-22

Í henni frelsuðust fáeinar - það er átta - sálir í vatni. Þetta er fyrirmyndan skírnarinnar sem nú frelsar ykkur. Hún er ekki hreinsun óhreininda á líkamanum heldur bæn til Guðs um góða samvisku fyrir upprisu Jesú Krists sem steig upp til himna, situr Guði á hægri hönd, og englar, völd og kraftar eru undir hann lagðir.

Bæn dagsins

Drottinn Jesús Kristur, þú sem ert dáinn og grafinn fyrir okkur. Þú ert stiginn niður til Heljar, niður í ríki dauðans, til sigra dauðann að eilífu. Við sem erum skírð til dauða þíns. biðjum þig : Ver þú kraftur í okkur til þess hið spillta, synduga eðli deyji daglega og megum fyrir gröf þína og dauða þinn megum eignast með þér sigur upprisinnar. Þig lofum við að eilífu. Amen.

Sálmur (sb. 278)

Góði Jesús, fyrir greftran þín 
gefðu síðasta útför mín 
verði friðsöm og farsæl mér, 
frelsuð sál nái dýrð hjá þér. 
(Hallgrímur Pétursson (Ps. 49))

Minnisvers vikunnar

21. apríl 2019

Morgunlestur: Matt 28.1-8

En engillinn mælti við konurnar: "Þið skuluð eigi óttast. Ég veit að þið leitið að Jesú hinum krossfesta. Hann er ekki hér. Hann er upp risinn, eins og hann sagði. Komið og sjáið staðinn þar sem hann lá. Farið í skyndi og segið lærisveinum hans: Hann er upp risinn frá dauðum, hann fer á undan ykkur til Galíleu. Þar munuð þið sjá hann. Þetta hef ég sagt ykkur."

Kvöldlestur: Slm 118.14-24

Drottinn er styrkur minn og lofsöngur, 
hann varð mér til hjálpræðis. 
Fagnaðar- og siguróp kveða við í tjöldum réttlátra: 
"Hægri hönd Drottins vinnur máttarverk, 
hægri hönd Drottins er upphafin, 
hægri hönd Drottins vinnur stórvirki." 
Ég mun eigi deyja heldur lifa 
og kunngjöra dáðir Drottins. 

Bæn dagsins

Lifandi Drottinn, með upprisu Sonar þíns hefur þú tekið allan mátt frá dauðanum, og lætur kunngjöra öllum heimi fagnaðarboðskapinn um hjálpræðið í Jesú Kristi. Sendu okkur styrk og kraft trúarinnar og sigra efann. Leyfðu okkur öllum að taka með fögnuði undir lofsöng páskanna,með öllum þeim sem bera vitni um að Kristur er risinn upp frá dauðum og lifir og ríkir að eilífu. Amen.

Sálmur (sb. 148)

Í austri rís upp ársól skær, 
í austri sólin, Jesús kær, 
úr steinþró djúpri stígur, 
sú páskasólin björt og blíð, 
er birtist öllum kristnum lýð 
og aldrei aftur hnígur. 
Jesús, Jesús, 
sigu'r er unninn, sól upp runnin 
sannrar gleði 
vina þinna grátnu geði. 
(Sb. 1886 - Valdimar Briem)

Minnisvers vikunnar

22. apríl 2019

Morgunlestur: Lúk 24.13-35

Þeir nálguðust nú þorpið sem þeir ætluðu til en hann lét sem hann vildi halda lengra. Þeir lögðu þá fast að honum og sögðu: "Vertu hjá okkur því að kvölda tekur og degi hallar." Og hann fór inn til að vera hjá þeim. Og svo bar við, er hann sat til borðs með þeim, að hann tók brauðið, þakkaði Guði, braut það og fékk þeim. Þá opnuðust augu þeirra og þeir þekktu hann en hann hvarf þeim sjónum. Og þeir sögðu hvor við annan: "Brann ekki hjartað í okkur meðan hann talaði við okkur á veginum og lauk upp fyrir okkur ritningunum?" 

Kvöldlestur: Jes 25.8-9

Á þeim degi verður sagt: 
Þessi er Guð vor sem vér höfum vonað á 
og hann mun frelsa oss. 
Þessi er Drottinn sem vér höfum vonað á, 
fögnum og gleðjumst yfir hjálp hans 

Bæn dagsins

Guð, þú ert grundvöllurinn og styrkurinn, Hjá þér getum við hrasað og dottið, og þú grípur okkur. Uggur og ótti, ógn og kvíði halda okkur oft í greipum sér. Þau beygja okkur og slá okkur með blindu og málhelti, eins og við værum líflaus og önduð. Hjá þér, Guð, breytist allt, þú lífgar hið dauða, þú gefur nýtt líf, þú, Guð, sem ert grundvöllur og styrkur, og gefur líf í miðjum dauða. Í brauði og víni við borð þitt, er Jesús Kristur, lífgjöf þín. Amen.

Sálmur (sb. 147)

Sigurhátíð sæl og blíð  
ljómar nú og gleði gefur, 
Guðs son dauðann sigrað hefur, 
nú er blessuð náðartíð. 
Nú er fagur dýrðardagur, 
Drottins hljómar sigurhrós, 
nú vor blómgast náðarhagur, 
nú sér trúin eilíft ljós. 
(Sb. 1871 - Páll Jónsson)

Minnisvers vikunnar

23. apríl 2019

Morgunlestur: 1Kor 5.7-8

Hreinsið burt gamla súrdeigið til þess að þið séuð nýtt deig enda eruð þið ósýrð brauð. Því að páskalambi okkar er slátrað sem er Kristur. Höldum því hátíð, ekki með gömlu súrdeigi eða súrdeigi illsku og vonsku heldur með ósýrðum brauðum hreinleikans og sannleikans. 

Kvöldlestur: Lúk 24.36-45

Nú voru þau að tala um þetta og þá stendur hann sjálfur meðal þeirra og segir við þau: "Friður sé með yður!" 
En þau skelfdust og urðu hrædd og hugðust sjá anda. Hann sagði við þau: "Hví eruð þið óttaslegin og hvers vegna vakna efasemdir í hjarta ykkar? Lítið á hendur mínar og fætur að það er ég sjálfur. Þreifið á mér og gætið að. Ekki hefur andi hold og bein eins og þið sjáið að ég hef." 

Bæn dagsins

Drottinn Guð, varðveit ætíð líkams og sálarheill barna þinna. Frelsa oss frá áhyggjum og sorgum yfirstandandi lífs fyrir mátt upprisunnar, og veit oss gleðina eilífu fyrir hinn upprisna son þinn, Jesú Krist Drottin vorn. Amen. (Frá Taizé).

Sálmur (sb. 147)

Ljósið eilíft lýsir nú 
dauðans nótt og dimmar grafir. 
Drottins miklu náðargjafir, 
sál mín, auðmjúk þakka þú. 
Fagna, Guð þér frelsi gefur 
fyrir Drottin Jesú Krist 
og af náð þér heitið hefur 
himnaríkis dýrðarvist. 
(Sb. 1871 - Páll Jónsson)

Minnisvers vikunnar

24. apríl 2019

Morgunlestur: 2Tím 2.8-13

Minnst þú Jesú Krists, hans sem er risinn upp frá dauðum, af kyni Davíðs, eins og boðað er í fagnaðarerindi mínu. Fyrir það líð ég illt og það jafnvel að vera í fjötrum eins og illvirki. En orð Guðs verður ekki fjötrað. 

Kvöldlestur: Jóh 20.1-10

Fyrsta dag vikunnar kemur María Magdalena til grafarinnar svo snemma að enn var myrkur og sér steininn tekinn frá gröfinni. Hún hleypur því og kemur til Símonar Péturs og hins lærisveinsins sem Jesús elskaði og segir við þá: "Þeir hafa tekið Drottin úr gröfinni og við vitum ekki hvar þeir hafa lagt hann." 

Bæn dagsins

Drottinn Jesús Kristur, sem reist upp frá dauðum árla hinn fyrsta dag vikunnar og sigraðir allt vald myrkursins. Þér sé lof og dýrð og þakkargjörð. Gef kirkju þinni gleði yfir upprisusigri þínum, fullvissu um návist þína og hlutdeild í eilífu upprisulífi þínu.

Sálmur (sb. 147)

Drottinn Jesús, líf og ljós 
oss þín blessuð elska veitir, 
öllu stríði loks þú breytir 
sæluríkt í sigurhrós. 
Mæðu' og neyð þín miskunn sefi, 
með oss stríði kraftur þinn. 
Sigur þinn oss sigur gefi,  
sigurhetjan, Jesús minn. 
(Sb. 1871 - Páll Jónsson)

Minnisvers vikunnar

25. apríl 2019

Morgunlestur: Post 17.22-34

Þá sté Páll fram á miðri Aresarhæð og tók til máls: "Aþeningar, þið komið mér svo fyrir sjónir að þið séuð í öllum greinum miklir trúmenn því að ég gekk hér um og hugði að helgidómum ykkar og fann þá meðal annars altari sem á er ritað: Ókunnum guði. Þetta sem þið nú dýrkið og þekkið ekki, það boða ég ykkur. Guð, sem skóp heiminn og allt sem í honum er, hann, sem er herra himins og jarðar, býr ekki í musterum sem með höndum eru gerð. Ekki verður honum heldur þjónað með höndum manna, eins og hann þyrfti nokkurs við, þar sem hann sjálfur gefur öllum líf og anda og alla hluti.

Kvöldlestur: Kól 1.15-18

Hann er ímynd hins ósýnilega Guðs, 
frumburður allrar sköpunar. 
Enda var allt skapað í honum 
í himnunum og á jörðinni, 
hið sýnilega og hið ósýnilega, 
hásæti og herradómar, tignir og völd. 
Allt er skapað fyrir hann og til hans.

Bæn dagsins

Guð minn lát mig líkjast ljúfum sumardegi. (Martin Lönnebo)

Sálmur (sb. 479)

Þú unga tíð, þú unaðsvor, 
sem ísköld máir dauðans spor 
og lætur lífið glæðast, 
vorn hjartans kulda' og klaka þíð 
og kenn þú öllum Drottins lýð 
í anda' að endurfæðast 
 
Sb. 1886 - Valdimar Briem

Minnisvers vikunnar

26. apríl 2019

Morgunlestur: 1Kor 15.35-49

En Guð gefur því líkama eftir vild sinni og hverri sæðistegund sinn líkama. Ekki eru allir líkamir eins heldur hafa mennirnir sinn, kvikféð annan, fuglarnir sinn og fiskarnir annan. Til eru himneskir líkamir og jarðneskir líkamir. En vegsemd hinna himnesku er eitt og hinna jarðnesku annað. Eitt er ljómi sólarinnar, annað ljómi tunglsins og enn annað ljómi stjarnanna því að stjarna ber af stjörnu í ljóma. 

Kvöldlestur: Jóh 21.1-14

Hann sagði: "Kastið netinu hægra megin við bátinn og þið munuð verða varir." Þeir köstuðu og nú gátu þeir ekki dregið netið, svo mikill var fiskurinn. Lærisveinninn, sem Jesús elskaði, segir við Pétur: "Þetta er Drottinn." Þegar Símon Pétur heyrði að það væri Drottinn brá hann yfir sig flík - hann var fáklæddur - og stökk út í vatnið. En hinir lærisveinarnir komu á bátnum, enda voru þeir ekki lengra frá landi en svo sem tvö hundruð álnir, og drógu netið með fiskinum. 

Bæn dagsins

Drottinn Jesús Kristur, sem reist upp frá dauðum árla hinn fyrsta dag vikunnar og sigraðir allt vald myrkursins. Þér sé lof og dýrð og þakkargjörð. Gef kirkju þinni gleði yfir upprisusigri þínum, fullvissu um návist þína og hlutdeild í eilífu upprisulífi þínu.

Sálmur (sb. 49)

Prestur hinn æðsti, sem fyrir oss færðir 
fórnina dýrstu, þitt heilaga líf, 
gef þú, að allir af syndunum særðir 
sér til þín snúi, þú volaðra hlíf. 
Bið fyrir öllum, að brot sín þeir gráti, 
bið fyrir öllum, að frelsast þeir láti. 
(Neander - Sb. 1886 - Helgi Hálfdánarson)

Minnisvers vikunnar

27. apríl 2019

Morgunlestur: 1Kor 15.50-58

Sjá, ég segi ykkur leyndardóm: Við munum ekki öll deyja en öll munum við umbreytast, í einni svipan, á einu augabragði, við hinn síðasta lúður. Því lúðurinn mun gjalla og þá munu dauðir upp rísa óforgengilegir og við munum umbreytast. Forgengilegir og dauðlegir líkamir okkar eiga að breytast í óforgengilega líkami sem dauðinn nær ekki til. 

Kvöldlestur: Lúk 24.1-12

Þessar konur voru þær María Magdalena, Jóhanna og María móðir Jakobs og hinar sem voru með þeim. Þær sögðu postulunum frá þessu. En þeir töldu orð þeirra markleysu eina og trúðu þeim ekki. Pétur stóð þó upp og hljóp til grafarinnar, skyggndist inn og sá þar líkklæðin ein. Fór hann heim síðan og undraðist það sem við hafði borið. 

Bæn dagsins

Almáttugi Guð, faðir Drottins míns Jesú Krists, sem hefur tekið mig að þér sem barn í heilagri skírn og gjört mig að erfindja eilífs lífs, lát mig stöðugan standa í skírnarnáð þinni mér til sáluhjálpar. Amen.

Sálmur (sb. 49)

Konungur æðsti, sem kristninni stýrir, 
kraft henni veit þú að heyja gott stríð. 
Gef þú, að ávextir dyggðanna dýrir 
daglega vaxi hjá kirkjunnar lýð. 
Lát þinnar verndar og líknar oss njóta, 
lát þér til dýrðar oss sigurinn hljóta. 
(Neander - Sb. 1886 - Helgi Hálfdánarson)

Minnisvers vikunnar

28. apríl 2019

Morgunlestur: Jóh 21.1-14

Jesús segir við þá: "Komið og matist." En enginn lærisveinanna dirfðist að spyrja hann: "Hver ert þú?" Enda vissu þeir að það var Drottinn. Jesús kemur og tekur brauðið og gefur þeim, svo og fiskinn. Þetta var í þriðja sinn sem Jesús birtist lærisveinum sínum upp risinn frá dauðum.

Kvöldlestur: Slm 116.1-9

Snörur dauðans umkringdu mig, 
angist heljar kom yfir mig, 
ég mætti nauðum og harmi. 
Þá ákallaði ég nafn Drottins: 
„Drottinn, bjarga lífi mínu.“ 
Náðugur er Drottinn og réttlátur 
og Guð vor er miskunnsamur.

Bæn dagsins

Drottinn Jesús Kristur, þegar við mætum þér lýkst upp fyrir okkur, að meira að segja hlið heljar eru ekki lokuð lengur, því að þú opnaðir dauðraríkið þegar þú reist upp frá dauðum og settir líf í stað dauða. Og við sem vorum þreytt og uppgefin, orðlaus og vonlaus eins og mörg þeirra sem fylgdu þér forðum, við fengum nýjan kraft. Við réttum úr okkur og horfðum glöð fram á veginn, þegar þú snertir okkur með kærleika þínum og með anda þínum, og við fundum hið nýja líf sem vex og dafnar og sáum og heyrðum að vonin breiðist út, því að þú ert sá sem hjálpar og frelsar, alltaf og allsstaðar. Amen.

Sálmur (sb. 159)

Að luktum dyrum kom lausnarinn 
til lærisveinanna forðum 
og bar þeim miskunnarboðskap sinn 
með blessuðum friðarorðum. 
Um læstar dyr kemst lausnarinn enn, 
Guðs lög þótt standi' í skorðum.  
(Sb. 1886 - Valdimar Briem)

Minnisvers vikunnar

29. apríl 2019

Morgunlestur: 1Pét 1.22-25

Með því að hlýða sannleikanum hafið þið hreinsað ykkur og getið því borið hræsnislausa elsku hvert til annars. Haldið því áfram að elska hvert annað af heilu hjarta.

Kvöldlestur: Kól 2.12-15

Hann afmáði skuldabréfið sem þjakaði okkur með ákvæðum sínum. Hann tók það burt með því að negla það á krossinn. Hann fletti vopnum tignirnar og völdin og leiddi þau fram opinberlega til háðungar þegar hann fór sína sigurför í Kristi.

Bæn dagsins

Faðir minn á himnum, þú veist, hvaða verkefni ég á í vændum í dag. Þótt ég kunni að gleyma þér, þá gleymdu mér ekki.

Sálmur (sb. 159)

Í Eden forðum var lokuð leið 
að lífsins blómguðum viði. 
Kerúb með sveipanda sverð þar beið 
með sínu himneska liði. 
Um læstar dyr kom þar lausnarinn 
og lauk upp því gullna hliði.  
(Sb. 1886 - Valdimar Briem)

Minnisvers vikunnar

30. apríl 2019

Morgunlestur: 2Tím 1.6-10

Fyrir þá sök minni ég þig á að glæða hjá þér þá náðargjöf sem Guð gaf þér við yfirlagningu handa minna. Því að ekki gaf Guð okkur anda hugleysis heldur anda máttar og kærleiks og stillingar. 

Kvöldlestur: 1Jóh 2.12-17

Ég rita ykkur, börnin mín, af því að Guð hefur fyrirgefið ykkur syndir ykkar vegna Jesú Krists. Ég rita ykkur, foreldrar, af því að þið þekkið hann sem er frá upphafi. Ég rita ykkur, unglingar, af því að þið hafið sigrað hinn vonda. 

Bæn dagsins

Eilífi Guð og faðir. þú hefur skapað mig og annast mig frá móðurlífi, við hvert fótmál og andartak, í vöku og svefni, er hönd þín yfir mér, skapandi, hjálpsöm og góð. Lát líf mitt lofa þig. Fyrirgef allt sem ég brýt gegn þér. Ég fel mig miskunn þinni og bið þig að lýsa mér, þegar ég vaki og varðveita mig er ég sef, svo að ég sé þinn á nóttu sem degi, í lífi og dauða. Fyrir Jesú Krist, Drottin minn og frelsara. Amen.

Sálmur (sb. 159)

Og enn er þó harðlæst hjarta manns 
og harðlega móti stríðir 
og guðdómsraust eigi gegnir hans, 
er gjörvöll náttúran hlýðir. 
Um læstar dyr kemur lausnarinn 
og lýkur þó upp um síðir.  
(Sb. 1886 - Valdimar Briem)

Minnisvers vikunnar

01. maí 2019

Morgunlestur: Mrk 16.9-20

Jesús sagði við þá: "Farið út um allan heim og prédikið fagnaðarerindið öllu mannkyni. Sá sem trúir og skírist mun hólpinn verða en sá sem trúir ekki mun dæmdur verða. En þessi tákn munu fylgja þeim er trúa: Í mínu nafni munu þeir reka út illa anda, tala nýjum tungum, taka upp höggorma og þó að þeir drekki eitthvað banvænt mun þeim ekki verða meint af. Yfir sjúka munu þeir leggja hendur og þeir verða heilir." 

Kvöldlestur: 1Pét 2.1-10

Segið því skilið við alla vonsku og alla pretti, hræsni, öfund og allt baktal. Sækist eins og nýfædd börn eftir hinni andlegu, ómenguðu mjólk til þess að þið af henni getið dafnað til hjálpræðis enda "hafið þið smakkað hvað Drottinn er góður". 
Komið til hans, hins lifanda steins, sem menn höfnuðu en er í augum Guðs útvalinn og dýrmætur. 

Bæn dagsins

Vér lofum þig, Drottinn, er birtir af degi, þig sem ert endurlausnari allrar sköpunarinnar. Gef oss af miskunn þinni nýjan dag, fylltan friði þínum. Fyrirgef oss syndir vorar. Lát von vora ekki bila. Byrg ekki auglit þitt fyrir oss. Í umhyggju og kærleika ber þú oss og leiðir, yfirgef oss aldrei. þú sem þekkir veikleika vorn, Drottinn yfirgef oss eigi. Fyrir Jesú Krist, Drottin vorn og frelsara. Amen.

Sálmur (sb. 159)

Og eitt sinn grafar hið dimma djúp 
yfi'r dauðum oss lykjast tekur. 
Þar blundum vér allir bleikum hjúp! 
uns básúnan löndin skekur. 
Um læstar dyr kemur lausnarinn 
og lúður hans alla vekur.  
(Sb. 1886 - Valdimar Briem)

Minnisvers vikunnar

02. maí 2019

Morgunlestur: Lúk 17.11-19

Jesús sá þá og sagði við þá: "Farið og sýnið yður prestunum." Þeir héldu af stað og nú brá svo við að þeir urðu hreinir. En einn þeirra sneri aftur er hann sá að hann var heill orðinn og lofaði Guð hárri raustu. Hann féll fram að fótum Jesú og þakkaði honum. En hann var Samverji. Jesús sagði: "Urðu ekki allir tíu hreinir? Hvar eru hinir níu? Urðu engir til þess að snúa aftur að gefa Guði dýrðina nema þessi útlendingur?" Síðan mælti Jesús við hann: "Statt upp og far leiðar þinnar. Trú þín hefur bjargað þér."

Kvöldlestur: Slm 104.1-14

Lofa þú Drottin, sála mín. 
Drottinn, Guð minn, þú ert harla mikill. 
Þú ert skrýddur dýrð og hátign, 
sveipaður ljósi sem skikkju. 
Þú þenur út himininn eins og tjalddúk, 
reftir sal þinn ofar skýjum.

Bæn dagsins

Guð minn lát mig líkjast ljúfum sumardegi. (Martin Lönnebo)

Sálmur (sb. 479)

Þú unga tíð, þú unaðsvor, 
sem ísköld máir dauðans spor 
og lætur lífið glæðast, 
vorn hjartans kulda' og klaka þíð 
og kenn þú öllum Drottins lýð 
í anda' að endurfæðast.
(Sb. 1886 - Valdimar Briem)

Minnisvers vikunnar

03. maí 2019

Morgunlestur: Opb 7.9-17

Þess vegna eru þeir frammi fyrir hásæti Guðs og þjóna honum dag og nótt í musteri hans og sá sem í hásætinu situr mun búa hjá þeim. Þá mun hvorki hungra né þyrsta framar og eigi mun heldur sól brenna þá né nokkur breyskja vinna þeim mein. Því að lambið, sem er fyrir miðju hásætinu, mun vera hirðir þeirra og leiða þá til vatnslinda lífsins. Og Guð mun þerra hvert tár af augum þeirra."

Kvöldlestur: 1 Jóh 5.4-10a

Andinn og vatnið og blóðið og þeim þremur ber saman. Við tökum manna vitnisburð gildan en vitnisburður Guðs er meiri. Þetta er vitnisburður Guðs sem hann hefur vitnað um son sinn. Sá sem trúir á son Guðs hefur vitnisburðinn innra með sér.

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 210)

Ó, syng þínum Drottni, Guðs safnaðar hjörð. 
Syngið nýjan söng, 
þér englanna herskarar, himinn og jörð. 
Öll veröldin vegsami Drottin! 
(Sl 96 - Sb. 1886 - Valdimar Briem)

Minnisvers vikunnar

04. maí 2019

Morgunlestur: Sír 17.21-18.5

Drottinn er góður og þekkir þá sem hann skóp, 
hann sleppir þeim ekki, svíkur þá ekki, heldur miskunnar þeim. 
Drottinn metur miskunnsemi manns sem innsiglishring, 
hann gætir góðvildar manns sem sjáaldurs augans. 

Kvöldlestur: 1Mós 32.23-32

Jakob varð síðan einn eftir og maður nokkur glímdi við hann uns dagur rann. Þegar honum varð ljóst að hann gæti ekki sigrað Jakob sló hann á mjöðm hans svo að hann gekk úr augnakörlunum er þeir glímdu. "Slepptu mér," sagði maðurinn, "því að dagur rennur." „Ég sleppi þér ekki nema þú blessir mig,“ svaraði Jakob. "Hvað heitir þú?" spurði maðurinn. "Jakob," svaraði hann. Þá mælti hann: "Ekki skaltu lengur heita Jakob heldur Ísrael því að þú hefur glímt við Guð og menn og unnið sigur." 

Bæn dagsins

Algóði Guð, ég fel mig þinni föðurvernd og legg mig allan á þitt vald, líkama minn og sál, vilja min og áform, hugsun mína og gjörðir, lán mitt og líf. Ég fel þér ástvini mína og og bið þig að gæta þeirra og blessa þá. Ver þú mér og þeim eilíft athvarf, náðugur og miskunnsamur faðir í lífi og dauða. Sakir sonar þíns, Jesú Krists. Amen.

Sálmur (sb. 210)

Ó, syng þínum skapara lofgjörðarlag. 
Syngið nýjan söng, 
og kunngjörið hjálpráð hans dag eftir dag. 
Öll veröldin vegsami Drottin! 
(Sl 96 - Sb. 1886 - Valdimar Briem)

Minnisvers vikunnar

05. maí 2019

Morgunlestur: Jóh 21.15-19

Hann svaraði: "Drottinn, þú veist allt. Þú veist að ég elska þig." 
Jesús segir við hann: "Gæt þú sauða minna.

Kvöldlestur: Esk 34.11-16, 31

Því að svo segir Drottinn Guð: Nú ætla ég sjálfur að leita sauða minna og líta eftir þeim. Eins og hirðir lítur eftir hjörð sinni þegar hún er á dreif í kringum hann mun ég fylgjast með mínu fé. Ég mun bjarga sauðum mínum frá öllum þeim stöðum sem þeir dreifðust til á hinum dimma og drungalega degi.

Bæn dagsins

Drottinn Jesús Kristur, þú ert góði hirðirinn sem leiðir okkur á þínum vegum og lætur okkur ekkert skorta. Þú yfirgefur okkur aldrei, þú ert hjá okkur allan æviveginn, frá vöggu til grafar, þegar við fæðumst og þegar við deyjum. Við biðjum þig. Halt þú utan um okkur, hjörðina þína, eins og góður hirðir, haltu áfram að leita að þeim týndu, og safna þú þeim saman sem villast frá og vernda þú þau sérstaklega sem eru ekki af þínu sauðahúsi eða er bara ekki kunnugt um það. Gakk í veg fyrir þau sem eins og blóðþyrstir úlfar ráðast á hjörðina, meiða og deyða, og snú þeim frá, og gef líf og lækningu hinu særða og mædda, þú sem lifir og ríkir að eilífu. Amen.

Sálmur (sb. 161)

Hirðisraust þín, Herra blíði, 
hljómi skært í eyrum mér, 
svo ég gjarna heyri' og hlýði 
hennar kalli' og fylgi þér, 
þér, sem vegna þinna sauða 
þitt gafst sjálfur líf í dauða, 
þér, sem ert mín hjálp og hlíf, 
huggun, von og eilíft líf.  
(Sb. 1886 - Björn Halldórsson)

Minnisvers vikunnar

06. maí 2019

Morgunlestur: 5Mós 18.15-19

Þá sagði Drottinn við mig: "Það sem þeir segja er rétt. Fyrir þá mun ég láta fram koma spámann slíkan sem þú ert úr hópi bræðra þeirra. Ég mun leggja honum orð mín í munn og hann mun boða þeim allt sem ég býð honum. Og hvern þann sem ekki hlýðir á þau orð, sem spámaðurinn flytur í mínu nafni, mun ég sjálfur draga til ábyrgðar. 

Kvöldlestur: Jóh 10.1-11

"Sannlega, sannlega segi ég yður: Sá sem kemur ekki um dyrnar inn í sauðabyrgið heldur fer yfir annars staðar, hann er þjófur og ræningi en sá sem kemur inn um dyrnar er hirðir sauðanna. Dyravörðurinn lýkur upp fyrir honum og sauðirnir heyra raust hans og hann kallar á sína sauði með nafni og leiðir þá út. Þegar hann hefur látið út alla sauði sína fer hann á undan þeim og þeir fylgja honum af því að þeir þekkja raust hans.

Bæn dagsins

Guð, styrkur þeirra sem treysta á þig: Gef oss trú til að leggja allt í þínar hendur og lát oss minnast þess í öllum vandræðum og erfiðleikum, að þeim sem þig elska, samverkar allt til góðs. Fyrir Jesú Krist, Drottin vorn. Amen.

Sálmur (sb. 161)

Herra minn og hirðir góði, 
hjarta mitt skal prísa þig, 
því ég veit, að þú með blóði 
þínu hefur frelsað mig. 
Undir hirðishendi þinni 
hólpið æ er sálu minni, 
og þú glatar aldrei mér, 
ef ég hlýðinn fylgi þér. 
(Sb. 1886 - Björn Halldórsson)

Minnisvers vikunnar

07. maí 2019

Morgunlestur: Matt 26.31-35

Þá segir Jesús við þá: "Á þessari nóttu munuð þið allir hafna mér því að ritað er: Ég mun slá hirðinn og sauðir hjarðarinnar munu tvístrast. En eftir að ég er upp risinn mun ég fara á undan ykkur til Galíleu." 
Þá segir Pétur: "Þótt allir hafni þér skal ég aldrei hafna þér." 

Kvöldlestur: 4Mós 17.1-11

Eleasar prestur tók þá eirpönnurnar sem bornar höfðu verið fram af þeim sem brunnu. Þær voru síðan hamraðar og altarið klætt með þeim. Þær voru Ísraelsmönnum áminning um það að enginn óviðkomandi, sem ekki er af ætt Arons, má ganga fram og brenna reykelsi fyrir augliti Drottins svo að ekki fari eins fyrir honum og Kóra og söfnuði hans. Eleasar gerði það sem Drottinn hafði boðað fyrir munn Móse. 

Bæn dagsins

Drottinn Kristur, frelsa mig frá skeytingarleysinu og tilfinningadoðanum andspænis neyð hinna snauðu. þegar þjáður og smáður verður á vegi mínum, sýn mér þá hvernig ég get satt hungur þitt, svalað þorsta þinn, boðið þér inn til mín. Sýn mér hvernig ég get þjónað þér í þínum minnstu bræðrum. (M. Theresa)

Sálmur (sb. 162)

Minn Herra Jesús, hvert fer þú? 
ei hryggur þarf ég spyrja nú, 
ég veit þú fórst til föður heim 
og fagna nú af boðskap þeim. 
(Sb. 1886 - Valdimar Briem)

Minnisvers vikunnar

08. maí 2019

Morgunlestur: Jóh 21.15-19

Hann segir við hann í þriðja sinn: "Símon Jóhannesson, elskar þú mig?"  
Pétur hryggðist við að hann skyldi spyrja hann þriðja sinni: "Elskar þú mig?" Hann svaraði: "Drottinn, þú veist allt. Þú veist að ég elska þig." 
Jesús segir við hann: "Gæt þú sauða minna.

Kvöldlestur: Matt 18.10-14

Varist að forsmá nokkurn þessara smælingja. Ég segi yður að englar þeirra á himnum njóta jafnan návistar míns himneska föður. [Því að Mannssonurinn er kominn að frelsa hið týnda.] 

Bæn dagsins

Vísa mér veg þinn, Drottinn, lát mig ganga í sannleika þínum. Gef mér heilt hjarta, að ég tigni nafni þitt.

Sálmur (sb. 162)

En hins má spyrja: Hvert fer þú, 
sem heyrir raust þíns Drottins nú? 
Hvort ferðast þú á ferli þeim, 
til föður þíns er liggur heim? 
(Sb. 1886 - Valdimar Briem)

Minnisvers vikunnar

09. maí 2019

Morgunlestur: 1Pét 5.1-4

Öldungana ykkar á meðal hvet ég sem einnig er öldungur og vottur písla Krists og einnig á hlutdeild í þeirri dýrð sem mun opinberast: Verið hirðar þeirrar hjarðar sem Guð hefur falið ykkur. Gætið hennar ekki nauðugir heldur af fúsu geði eins og Guð vill, ekki af gróðafíkn heldur fúslega. Þið skuluð ekki drottna yfir söfnuðunum heldur vera fyrirmynd hjarðarinnar.

Kvöldlestur: Esk 34.23-31

Ég mun gera sáttmála við þá þeim til heilla og eyða rándýrum úr landinu. Þá munu þeir búa óhultir í eyðimörkinni og sofa í skógunum. Ég læt þá og umhverfi hæðar minnar bera blessun og ég mun senda regn á réttum tíma, regn til blessunar. Trén á sléttunni skulu bera ávöxt og landið gefa af sér og þeir verða óhultir í landi sínu. Þeir munu skilja að ég er Drottinn þegar ég brýt okið af þeim og frelsa þá úr greipum þeirra sem þrælka þá.

Bæn dagsins

Guð, styrkur þeirra sem treysta á þig: Gef oss trú til að leggja allt í þínar hendur og lát oss minnast þess í öllum vandræðum og erfiðleikum, að þeim sem þig elska, samverkar allt til góðs. Fyrir Jesú Krist, Drottin vorn. Amen.

Sálmur (sb. 162)

Ó, hvert fer þú, mitt barnið blítt, 
er brosir nú svo milt og hlýtt? 
Ó, Guð veit, hvar þín liggur leið, 
hann leiði þig um æviskeið. 
(Sb. 1886 - Valdimar Briem)

Minnisvers vikunnar

10. maí 2019

Morgunlestur: Heb 13.12-16

Þess vegna leið Jesús fyrir utan hliðið, til þess að hann helgaði lýðinn með blóði sínu. Göngum því til hans út fyrir herbúðirnar og berum vanvirðu hans. Því að hér höfum við ekki borg er stendur heldur leitum við hinnar komandi.

Kvöldlestur: Heb 13.17-21

Guð friðarins, sem leiddi Drottin vorn, Jesú, hinn mikla hirði sauðanna, upp frá dauðum með blóði eilífs sáttmála, styrki yður í öllu góðu í hlýðni við vilja sinn. Láti hann allt það verða í oss sem honum er þóknanlegt fyrir Jesú Krist. Honum sé dýrð um aldir alda. Amen. 

Bæn dagsins

Drottinn, kenn oss að skilja, að eins og stjörnur himins sjást aðeins í kyrrð næturinnar, þannig er það aðeins í kyrrð sálarinnar sem undur þín birtast. Gef að vér í kyrrð hjartans getum séð hið minnsta strá í alheimsgeimi umlukt elsku þinni.

Sálmur (sb. 162)

Og hvert fer þú, sem hraðar þér 
og hart í lífsins kappleik fer? 
Ó, keppstu hnoss að höndla það, 
er himins dyrum leiðir að. 
(Sb. 1886 - Valdimar Briem)

Minnisvers vikunnar

11. maí 2019

Morgunlestur: Post 20.17-38

Ég þjónaði Drottni í allri auðmýkt með tárum og í raunum sem að mér hafa steðjað af launráðum Gyðinga. Þið vitið að ég dró ekkert undan sem ykkur mátti að gagni verða heldur boðaði ykkur það og kenndi opinberlega og í heimahúsum og brýndi fyrir Gyðingum og Grikkjum að snúa sér til Guðs og trúa á Drottin vorn Jesú. 

Kvöldlestur: Jóh 10.27-30

Mínir sauðir heyra raust mína og ég þekki þá og þeir fylgja mér. Ég gef þeim eilíft líf og þeir skulu aldrei að eilífu glatast og enginn skal slíta þá úr hendi minni. Faðir minn, sem hefur gefið mér þá, er meiri en allir og enginn getur slitið þá úr hendi föðurins. Ég og faðirinn erum eitt." 

Bæn dagsins

Guð, ljósið þitt lýsir mér á jörðu og á himni. Ljósið þitt upplýsir mig, orðið þitt leitar mín og tekur sér bústað í hjarta mínu. Þannig sendir þú mér anda þinn sem leiðir mig. Vert þú með okkur, svo að við séum með þér í dag og alla tíð. Amen.

Sálmur (sb. 162)

Og hvert fer þú, sem langa leið 
um lífsins hefur runnið skeið? 
Ef röngum vegi ertu á, 
tak aðra betri stefnu þá. 
(Sb. 1886 - Valdimar Briem)

Minnisvers vikunnar

12. maí 2019

Morgunlestur: Jóh 14.1-11

"Hjarta yðar skelfist ekki. Trúið á Guð og trúið á mig. Í húsi föður míns eru margar vistarverur. Væri ekki svo hefði ég þá sagt yður að ég færi burt að búa yður stað? Þegar ég er farinn burt og hef búið yður stað kem ég aftur og tek yður til mín svo að þér séuð einnig þar sem ég er. Veginn þangað sem ég fer þekkið þér."

Kvöldlestur: Jóh 15.1-10

"Ég er hinn sanni vínviður og faðir minn er vínyrkinn. Hverja þá grein á mér sem ber ekki ávöxt sníður hann af og hverja þá sem ávöxt ber hreinsar hann svo að hún beri meiri ávöxt. Þér eruð þegar hrein vegna orðsins sem ég hef talað til yðar. Verið í mér, þá verð ég í yður. Greinin getur ekki borið ávöxt af sjálfri sér nema hún sé á vínviðnum. Eins getið þér ekki heldur borið ávöxt nema þér séuð í mér. Ég er vínviðurinn, þér eruð greinarnar. Sá ber mikinn ávöxt sem er í mér og ég í honum en án mín getið þér alls ekkert gert.

Bæn dagsins

Drottinn Guð, skapari alls sem er, eins og þú vekur náttúruna alla til nýs lífs á hverju vori,og endurnýjar ásjónu jarðar, þannig viltu einnig endurnýja okkur og gjöra nýja jörð og nýjan himinn þar sem réttlætið ríkir. Lífga okkur, börn þín, og vek okkur af svefndrunganum, gef okkur kraft og kjark trúarinnar, svo að við þorum að trúa, og rísum upp til nýs lífs með þér, fyrir Drottin Jesú Krist, bróður okkar og frelsara. Amen.

Sálmur (sb. 408)

Þú einn í ljós er leiddir 
það líf er aldrei dvín 
og sjálfan dauðann deyddir, 
ó, Drottinn minn, til þín 
ég leita lífs í mæðum, 
því líf og sál er þreytt, 
æ, send mér hjálp af hæðum, 
er huggun fái veitt. 
(Sb. 1886 - Þorsteinn Þorkelsson)

Minnisvers vikunnar

13. maí 2019

Morgunlestur: Ef 4.17-24

Þetta segi ég þá og vitna í nafni Drottins: Þið megið ekki framar hegða ykkur eins og heiðingjarnir hegða sér. Hugsun þeirra er allslaus,  þeirra blindaður og þeir eru fjarlægir lífi Guðs vegna vanþekkingarinnar, sem þeir lifa í, og síns harða hjarta. Þeir eru tilfinningalausir og hafa ofurselt sig lostalífi svo að þeir fremja alls konar siðleysi af græðgi. skilningur

Kvöldlestur: Gal 4.22-31

En þið, bræður mínir og systur, eruð börn Guðs eins og Ísak af því að hann gaf fyrirheit um ykkur. En eins og sá sem fæddur var á náttúrulegan hátt ofsótti forðum þann sem fæddur var á undursamlegan hátt, svo er það og nú. En hvað segir ritningin? "Rektu burt ambátt þessa og son hennar því að ekki skal ambáttarsonurinn taka arf með syni frjálsu konunnar." Þess vegna, bræður mínir og systur, erum við ekki ambáttar börn heldur börn frjálsu konunnar. 

Bæn dagsins

Leita vil ég þín, Drottinn, með því að ákalla þig, og ákalla þig vil ég í trú á þig. því að þú ert oss kunngjörður orðinn. þig ákallar, Drottinn, trúa mín, sem þú hefur gefið mér, sem þú hefur blásið mér í brjóst, sakir manndómstekju sonar þíns, sakir þjónustu boðanda þíns.

Sálmur (sb. 408)

Þitt lífsins ljósið bjarta, 
æ, lát þú, Drottinn minn, 
í mínum hug og hjarta 
æ hafa bústað sinn, 
á friðar leið það lýsi 
um lífsins sporin myrk 
og réttan veg mér vísi 
með von um trúarstyrk. 
(Sb. 1886 - Þorsteinn Þorkelsson)

Minnisvers vikunnar

14. maí 2019

Morgunlestur: Job 38.31-38

Þekkir þú lög himinsins, 
ákveður þú vald hans á jörðinni? 
Hefur þú rödd þína upp til skýja 
svo að vatnsflaumur hylji þig? 
Sendirðu eldingar frá þér svo að þær þjóta af stað 
og segja við þig: "Hér erum vér"?

Kvöldlestur: Róm 1.18-25

Þeir þekktu Guð en hafa samt ekki tignað hann sem Guð né þakkað honum heldur fylltu þeir hugann af hégiljum og skynlaust hjarta þeirra hjúpaðist myrkri. Þeir þóttust vera vitrir en urðu heimskingjar. Í stað þess að tilbiðja dýrlegan, eilífan Guð hafa þeir tilbeðið myndir af dauðlegum mönnum, fuglum, ferfætlingum og skriðkvikindum. 

Bæn dagsins

Drottinn, kenn oss að skilja, að eins og stjörnur himins sjást aðeins í kyrrð næturinnar, þannig er það aðeins í kyrrð sálarinnar sem undur þín birtast.

Sálmur (sb. 538)

Heilagi Guð á himni og jörð 
hljómi þér lof og þakkargjörð! 
Blessað sé vald og viska þín! 
Vegsemd þér kveði tunga mín. 
(Becker - Helgi Hálfdanarson)

Minnisvers vikunnar

15. maí 2019

Morgunlestur: 2Kor 4.16-18

Fyrir því læt ég ekki hugfallast. Jafnvel þótt minn ytri maður hrörni þá endurnýjast dag frá degi minn innri maður. Þrenging mín er skammvinn og léttbær og aflar mér eilífrar dýrðar sem stórum yfirgnæfir allt. Ég horfi ekki á hið sýnilega heldur hið ósýnilega. Hið sýnilega er stundlegt en hið ósýnilega eilíft. 

Kvöldlestur: Lúk 20.27-39

Þá komu nokkrir saddúkear, en þeir neita því að upprisa sé til, og sögðu við Jesú: "Meistari, Móse segir okkur í ritningunum að deyi maður kvæntur en barnlaus skuli bróðir hans ganga að eiga ekkjuna og vekja honum niðja. Nú voru sjö bræður. Sá fyrsti tók sér konu og dó barnlaus. Gekk þá annar bróðirinn og síðan hinn þriðji að eiga hana og eins allir sjö og létu þeir engin börn eftir sig er þeir dóu. Síðast dó og konan. Kona hvers þeirra verður hún í upprisunni? Allir sjö höfðu þeir átt hana." 

Bæn dagsins

Drottinn, gef að vér í kyrrð hjartans getum séð hið minnsta strá í alheimsgeimi umlukt elsku þinni.

Sálmur (sb. 538)

Skaparans dýrð og dulin ráð 
dvelja minn hug í lengd og bráð; 
máttarverk Drottins dásamleg 
daglega skoða' og undrast ég. 
(Becker - Helgi Hálfdanarson)

Minnisvers vikunnar

16. maí 2019

Morgunlestur: Post 17.22-34

Þá sté Páll fram á miðri Aresarhæð og tók til máls: "Aþeningar, þið komið mér svo fyrir sjónir að þið séuð í öllum greinum miklir trúmenn því að ég gekk hér um og hugði að helgidómum ykkar og fann þá meðal annars altari sem á er ritað: Ókunnum guði. Þetta sem þið nú dýrkið og þekkið ekki, það boða ég ykkur. Guð, sem skóp heiminn og allt sem í honum er, hann, sem er herra himins og jarðar, býr ekki í musterum sem með höndum eru gerð. Ekki verður honum heldur þjónað með höndum manna, eins og hann þyrfti nokkurs við, þar sem hann sjálfur gefur öllum líf og anda og alla hluti.

Kvöldlestur: Kól 1.15-18

Hann er ímynd hins ósýnilega Guðs, 
frumburður allrar sköpunar. 
Enda var allt skapað í honum 
í himnunum og á jörðinni, 
hið sýnilega og hið ósýnilega, 
hásæti og herradómar, tignir og völd. 
Allt er skapað fyrir hann og til hans.

Bæn dagsins

Vísa mér veg þinn, Drottinn, lát mig ganga í sannleika þínum. Gef mér heilt hjarta, að ég tigni nafni þitt.

Sálmur (sb. 538)

Með glöðum söng og hörpuhljóm<br/>
hylli ég líf og skapadóm.<br/>
Fagnandi hjörtu' og hvelin víð<br/>
heiðri þig, Drottinn, ár og síð!<br/>
(Becker - Helgi Hálfdanarson)

Minnisvers vikunnar

17. maí 2019

Morgunlestur: Gal 6.14-18

En það sé fjarri mér að hrósa mér af öðru en krossi Drottins vors Jesú Krists. Sakir hans er ég krossfestur heiminum og heimurinn mér. Umskurn eða yfirhúð skipta engu, heldur að vera ný sköpun. Og yfir öllum þeim sem fylgja þessari reglu sé friður og miskunn og yfir Ísrael Guðs. 

Kvöldlestur: Kól 1.19-23

Því að í honum þóknaðist Guði að láta alla fyllingu sína búa 
og láta hann koma öllu í sátt við sig, 
öllu bæði á jörðu og himnum, 
með því að semja frið með blóði sínu úthelltu á krossi. 

Bæn dagsins

Guð, þú sem hefur sett oss öll í þetta samhengi jarðlífsins, gef oss náð til þess að skilja hvernig líf vort er jafnan háð hugrekki, iðni, heiðarleika og trúmennsku annarra, að vér séum ávallt vakandi og hugulsöm gagnvart þörfum þeirra og þakklát fyrir trúfesti þeirra, trú og ábyrg í lífi og störfum. Fyrir Jesú Krist. Amen.

Sálmur (sb. 42)

Vér stöndum á bjargi, sem bifast ei má, 
hinn blessaði frelsari lifir oss hjá, 
hans orð eru líf vort og athvarf í neyð, 
hans ást er vor kraftur í lífi' og í deyð. 
(Sb. 1945 - Friðrik Friðriksson)

Minnisvers vikunnar

18. maí 2019

Morgunlestur: Gal 5.1-6, 13-15

Til frelsis frelsaði Kristur okkur. Standið því stöðug og látið ekki aftur leggja á ykkur ánauðarok.
Takið eftir því sem ég, Páll, segi ykkur: Ef þið látið umskerast, þá gagnar Kristur ykkur ekkert. Og enn legg ég ríka áherslu á að sérhver sem lætur umskerast er skyldur til að halda allt lögmálið. Þið eruð orðin viðskila við Krist, þið sem ætlið að réttlætast með lögmáli. Þið eruð fallin úr náðinni.

Kvöldlestur: Jóh 16.16-23a

Jesús vissi að þeir vildu spyrja hann og sagði við þá: „Eruð þér að spyrjast á um það að ég sagði: Innan skamms sjáið þér mig ekki og aftur innan skamms munuð þér sjá mig? Sannlega, sannlega segi ég yður: Þér munuð gráta og kveina en heimurinn mun fagna. Þér munuð hryggjast en hryggð yðar mun snúast í fögnuð. Þegar konan fæðir er hún í nauð því stund hennar er komin. Þegar hún hefur alið barnið minnist hún ekki framar þrauta sinna af fögnuði yfir því að maður er í heiminn borinn. Eins eruð þér nú hryggir en ég mun sjá yður aftur og hjarta yðar mun fagna og enginn tekur fögnuð yðar frá yður.

Bæn dagsins

Skapari himins og jarðar, öll verk þín lofa þig. Kenndu okkur að standa ekki þögul hjá þegar öll sköpunin syngur þér lof, heldur gef af mildi þinni að líf okkar allt sé lofsöngur um miskunn þína og máttarverk þín. Kenndu okkur aftur nýtt lag við ljóðið um vonina sem í okkur býr. Amen.

Sálmur (sb. 42)

Þótt himinninn farist og hrynji vor storð 
og hrapi hver stjarna, þá varir hans orð, 
þótt eygló hver slokkni við aldanna hrun, 
hans eilífa loforð ei bregðast þó mun. 
(Sb. 1945 - Friðrik Friðriksson)

Minnisvers vikunnar

19. maí 2019

Morgunlestur: Jóh 15.12-17

Þetta er mitt boðorð, að þér elskið hvert annað eins og ég hef elskað yður. Enginn á meiri kærleik en þann að leggja líf sitt í sölurnar fyrir vini sína.

Kvöldlestur: Jes 12.1-6

Sjá, Guð er hjálp mín, 
ég er öruggur og óttast ekki. 
Því að Drottinn er vörn mín og lofsöngur, 
hann kom mér til hjálpar. 
Þér munuð með fögnuði vatni ausa 
úr lindum hjálpræðisins.

Bæn dagsins

Skapari himins og jarðar, öll verk þín lofa þig. Kenndu okkur að standa ekki þögul hjá þegar öll sköpunin syngur þér lof, heldur gef af mildi þinni að líf okkar allt sé lofsöngur um miskunn þína og máttarverk þín. Kenndu okkur aftur nýtt lag við ljóðið um vonina sem í okkur býr. Amen.

Sálmur (sb. 45)

Þú, Jesús, ert vegur til himinsins heim, 
í heimkynnið sælunnar þreyða. 
Æ, lát oss ei villast frá veginum þeim 
á veginn til glötunar breiða. 
(Sb. 1886 - Helgi Hálfdánarson)

Minnisvers vikunnar

20. maí 2019

Morgunlestur: Jak 1.17-21

Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami. Hann ákvað að láta orð sannleikans vekja okkur til lífs til þess að við skyldum vera frumgróði sköpunar hans. 

Kvöldlestur: Post 16.23-34

Þegar þeir höfðu lostið þá mörg högg vörpuðu þeir þeim í fangelsi og buðu fangaverðinum að gæta þeirra vandlega. Þegar hann hafði fengið slíka skipun varpaði hann þeim í innsta fangelsið og felldi stokk á fætur þeim. 
Um miðnætti báðust þeir Páll og Sílas fyrir og lofsungu Guði en bandingjarnir hlustuðu á þá. Þá varð skyndilega landskjálfti mikill svo að grunnur fangelsisins riðaði. Jafnskjótt opnuðust allar dyr og fjötrarnir féllu af öllum.

Bæn dagsins

Guð, gef mér hlutverk að vinna uns lífi mínu lýkur og líf uns hlutverki mínu er lokið.

Sálmur (sb. 45)

Þú, Jesús, ert sannleikur, lát oss fá lært 
ei lyginnar röddum að hlýða, 
en veit, að oss öllum sé indælt og kært 
af alhug þitt sannleiksorð blíða. 
(Sb. 1886 - Helgi Hálfdánarson)

Minnisvers vikunnar

21. maí 2019

Morgunlestur: Jóh 6.66-69

Upp úr þessu hurfu margir af lærisveinum hans frá og voru ekki framar með honum. Þá sagði Jesús við þá tólf: "Ætlið þið að fara líka?" 
Símon Pétur svaraði honum: "Drottinn, til hvers ættum við að fara? Þú hefur orð eilífs lífs og við trúum og vitum að þú ert hinn heilagi Guðs." 

Kvöldlestur: Opb 15.2-4

Hver skyldi ekki óttast þig, Drottinn, og vegsama nafn þitt? 
Því að þú einn ert heilagur, 
allar þjóðir munu koma og tilbiðja frammi fyrir þér 
því að réttlátir dómar þínir eru opinberir orðnir.

Bæn dagsins

Ó, Guð, sem ert eilífur friður, þú hefur kennt oss að friðflytjendur sé þín börn. Kom með frið þinn í hjörtu vor, svo að óeining og tvídrægni hverfi úr söfnuði þínum. Gef að allt sem friðinn eflir verði oss ljúft og kært, nú og ávallt.

Sálmur (sb. 45)

Þú, Jesús, ert lífið, sem dauðann fær deytt, 
lát dauðann úr sálunum víkja, 
en lífið, sem eilífan unað fær veitt, 
með almættiskrafti þar ríkja. 
(Sb. 1886 - Helgi Hálfdánarson)

Minnisvers vikunnar

22. maí 2019

Morgunlestur: Lúk 19.37-40

Þegar Jesús var að koma þar að, sem farið er ofan af Olíufjallinu, hóf allur flokkur lærisveina hans að lofa Guð fagnandi hárri raustu fyrir öll þau kraftaverk, er þeir höfðu séð, og segja: "Blessaður sé konungurinn sem kemur í nafni Drottins. Friður á himni og dýrð í hæstum hæðum!" 

Kvöldlestur: Matt 21.14-17

Blindir og haltir komu til Jesú í helgidóminum og hann læknaði þá. Æðstu prestarnir og fræðimennirnir sáu dásemdarverkin sem hann gerði og heyrðu börnin hrópa í helgidóminum: "Hósanna syni Davíðs!" Þeir urðu gramir við og sögðu við Jesú: "Heyrir þú hvað þau segja?" 
Jesús svaraði þeim: "Já, hafið þið aldrei lesið þetta: Af munni barna og brjóstmylkinga býrð þú þér lof?" 

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 333)

Þín heilög rækja lát oss lög 
og lífsins orð þín girnast mjög, 
að hug til himna snúum. 
Ó, góði faðir, gef þá náð, 
að gjörðir, mál og allt vort ráð 
þér hrós og heiður tjái. 
Æ, ver þú hjálp og hjástoð vor, 
að hver og einn í Jesú spor 
um lífstíð fetað fái. 
(Zwick - Sb. 1589 - Helgi Hálfdánarson)

Minnisvers vikunnar

23. maí 2019

Morgunlestur: Tob 13.1-9

Þegar þér snúið yður til hans 
af öllu hjarta og allri sálu 
og gerið rétt fyrir augliti hans 
mun hann snúa sér að yður 
og ekki framar hylja ásjónu sína fyrir yður. 
Sjáið hvað hann hefur gert fyrir yður 
og þakkið honum hástöfum. 
Lofið Drottin réttlætisins, 
vegsamið konung eilífðarinnar.

Kvöldlestur: 2Mós 14.10-14, 19-20, 30-31, 15.1-3

Er það ekki einmitt þetta sem við sögðum við þig í Egyptalandi: Láttu okkur í friði. Við viljum þræla fyrir Egypta því að það er skárra fyrir okkur að þræla fyrir Egypta en að deyja úti í eyðimörkinni." Móse svaraði fólkinu: "Óttist ekki. Standið kyrr og horfið á þegar Drottinn bjargar ykkur í dag því að þið munuð aldrei framar sjá Egypta eins og þið munuð sjá þá í dag. Drottinn mun sjálfur berjast fyrir ykkur en þið skuluð ekkert að hafast." 

Bæn dagsins

Guð, þú sem hefur sett oss öll í þetta samhengi jarðlífsins, gef oss náð til þess að skilja hvernig líf vor er jafnan háð hugrekki, iðni, heiðarleika og trúmennsku annarra, að vér séum ávallt vakandi og hugulsöm gagnvart þörfum þeirra og þakklát fyrir trúfesti þeirra, trú og ábyrg í lífi og störfum. Fyrir Jesú Krist. Amen.

Sálmur (sb. 535)

Þér lof vil ég ljóða, 
þú, lausnarinn þjóða, 
er gafst allt hið góða 
af gæsku og náð. 
Þá miskunn og mildi 
ég miklaði' ei sem skyldi, 
þótt vegsama' æ ég vildi 
þá visku og dáð. 
(Bjarni Eyjólfsson)

Minnisvers vikunnar

24. maí 2019

Morgunlestur: 1Kor 2.6-10

Ég tala speki meðal hinna fullkomnu, þó ekki speki þessarar aldar eða höfðingja þessarar aldar sem eiga að líða undir lok, heldur tala ég leynda speki Guðs sem hulin hefur verið en Guð hefur frá eilífð fyrirhugað okkur til dýrðar sinnar. Enginn af höfðingjum þessa heims þekkti hana. Hefðu þeir þekkt hana hefðu þeir ekki krossfest Drottin dýrðarinnar. 
 

Kvöldlestur: Opb 5.6-14

Og þeir sungu nýjan söng: 
Verður ert þú að taka við bókinni 
og rjúfa innsigli hennar 
því að þér var slátrað 
og með blóði þínu keyptir þú Guði til handa menn 
af sérhverri kynkvísl og tungu, lýð og þjóð. 
Og þú gerðir þá að konungum og prestum Guði vorum til handa. 
Og þeir munu ríkja á jörðunni.

Bæn dagsins

Algóði Guð, ég fel mig þinni föðurvernd og legg mig allan á þitt vald, líkama minn og sál, vilja min og áform, hugsun mína og gjörðir, lán mitt og líf. Ég fel þér ástvini mína og og bið þig að gæta þeirra og blessa þá. Ver þú mér og þeim eilíft athvarf, náðugur og miskunnsamur faðir í lífi og dauða. Sakir sonar þíns, Jesú Krists. Amen.

Sálmur (sb. 535)

Er líkn þína lít ég, 
þá lofa þig hlýt ég, 
því náðar æ nýt ég, 
sem ný er hvern dag. 
Nú heyri ég hljóma 
þá helgu leyndardóma, 
sem englaraddir óma 
við eilífðarlag: 
(Bjarni Eyjólfsson)

Minnisvers vikunnar

25. maí 2019

Morgunlestur: 1Sam 16.14-23

Andi Drottins hafði þá yfirgefið Sál en illur andi frá Drottni var tekinn að þjaka hann. Þjónar Sáls sögðu þá við hann: "Það er illur andi frá Guði sem sífellt þjakar þig. Herra okkar þarf ekki annað en nefna það, þá skulu þjónar þínir, sem bíða frammi fyrir þér, leita að einhverjum sem kann að leika á hörpu. Hann getur leikið á hljóðfærið og þá líður þér betur þegar illi andinn frá Guði kemur yfir þig." 

Kvöldlestur: Jes 57.15-21

Því að svo segir hinn hái og upphafni
sem ríkir ævinlega og ber nafnið Heilagur: 
Ég bý á háum og helgum stað 
en einnig hjá iðrunarfullum og þjökuðum í anda 
til að glæða þrótt hinna lítillátu 
og styrkja hjarta þjakaðra.

Bæn dagsins

Drottinn, meistari og frelsari minn, þú ert hinn sami og þá þú gekkst um kring í Galíleu forðum. þú ert okkur hjá alla daga, allar stundir. þú ert sigurvegarinn, ekki að hluta, heldur alls. þú reisir mig. þú leggur hönd þína á höfuð mér og lætur lífsins lindir streyma yfir mig, hreinsandi, nýskapandi. Ég þakka þér af öllu hjarta og bið: Fullkomna einnig í dag vilja föður míns í mér. Amen.

Sálmur (sb. 535)

"Sjá, lof allra lýða 
og landa og tíða 
þér ber, lamb Guðs blíða, 
frá blóðdrifnum stig. 
Frá djöfli og dauða, 
frá dómi syndanauða, 
þú leystir lýði snauða, 
því lofum vér þig." 
(Bjarni Eyjólfsson)

Minnisvers vikunnar

26. maí 2019

Morgunlestur: 1Tím 2.1-6a

Fyrst af öllu hvet ég til að biðja og ákalla Guð og bera fram fyrirbænir og þakkir fyrir alla menn. Biðjið fyrir konungum og öllum þeim sem hátt eru settir til þess að við fáum lifað friðsamlegu og rólegu lífi í guðsótta og siðprýði.

Kvöldlestur: 2Mós 32.7-14

Þá sagði Drottinn við Móse: "Farðu niður eftir því að þjóð þín, sem þú leiddir út af Egyptalandi, hefur steypt sér í glötun. Skjótt hafa þeir vikið af þeim vegi sem ég bauð þeim. Þeir hafa steypt sér kálf, fallið fram fyrir honum, fært honum sláturfórnir og sagt: Þetta er guð þinn, Ísrael, sem leiddi þig út af Egyptalandi." 

Bæn dagsins

Guð, við áköllum þig og þráum áheyrn þína eins og kona með hríðir þráir að barnið fæðist. Gefðu okkur kjark til að bíða og kraft til að þrýsta á, þar til trúin í okkur fær líf. Gef þá að við megum vera verkfærin sem bera frið þinn og fögnuð þinn inn í heiminn. Á þig vonum við um tíma og eilífð. Amen.

Sálmur (sb. 163)

Biðjið - og þá öðlist þér, 
eftir Jesú fyrirheiti. 
Hans í nafni biðja ber, 
bænin svo þér fullting veiti. 
Bænin sé þér indæl iðja, 
öðlast munu þeir, sem biðja. 
(Valdimar Briem)

Minnisvers vikunnar

27. maí 2019

Morgunlestur: 1Kon 3.5-15

Gefðu því þjóni þínum vilja til að hlýða þér svo að ég geti stjórnað þjóð þinni og greint gott frá illu. Hver getur stjórnað þessari miklu þjóð þinni?" 
Drottni féll vel að Salómon bað þessarar bónar. Þá sagði Guð við hann: "Af því að þú baðst um þetta, en baðst ekki um langlífi þér til handa eða auðlegð eða líf óvina þinna, heldur baðst um vitsmuni til að skynja hvað rétt er í málum manna, þá vil ég veita þér bæn þína. Ég gef þér hyggið og skynugt hjarta svo að þinn líki hefur ekki verið á undan þér og mun ekki koma eftir þig.

Kvöldlestur: Matt 6.5-15

Þegar þér biðjist fyrir skuluð þér ekki fara með fánýta mælgi eins og heiðingjarnir. Þeir hyggja að þeir verði bænheyrðir fyrir mælgi sína. Líkist þeim ekki. Faðir yðar veit hvers þér þurfið áður en þér biðjið hann. En þannig skuluð þér biðja: 
Faðir vor, þú sem ert á himnum. 
Helgist þitt nafn, 
til komi þitt ríki, 
verði þinn vilji, svo á jörðu sem á himni.

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 163)

Leitið - og þér finnið fljótt  
frið í yðar mæddu hjörtum. 
Drottinn gegnum dimma nótt 
dreifir náðargeislum björtum. 
Hann mun frið og frelsi veita, 
finna munu þeir, sem leita.
(Valdimar Briem)

Minnisvers vikunnar

28. maí 2019

Morgunlestur: Kól 4.2-6

Verið stöðug í bæninni, vakið og biðjið með þakkargjörð. Biðjið jafnframt fyrir mér að Guð opni mér dyr fyrir orðið og ég geti boðað leyndardóm Krists. Hans vegna er ég nú í böndum. Biðjið að ég megi birta hann eins og mér ber að tala. 

Kvöldlestur: Jak 5.16-18

Játið því hvert fyrir öðru syndir ykkar og biðjið hvert fyrir öðru til þess að þið verðið heilbrigð. Kröftug bæn réttláts manns megnar mikið. 

Bæn dagsins

Guð, þú þekktir mig og minntist mín áður en vitund mín vaknaði. Í skírninni kallaðir þú mig með nafni. Gef að nafnið mitt mætti jafnan vera á lífsins bók, og gef að þú og allt gott fólk muni ávallt gleðjast yfir nafni mínu, yfir mér. Þú þekkir mig eins og ég er, og gleymir mér aldrei. Ég er þinn. þökk sé þér. Amen.

Sálmur (sb. 163)

Knýið á, - þá opnar sig 
ástríkt Drottins föðurhjarta 
og við dauðans dimma stig 
dýrðarinnar höllin bjarta. 
Í Guðs náðar arma flýið, 
upp mun lokið, þá þér knýið. 
(Valdimar Briem)

Minnisvers vikunnar

29. maí 2019

Morgunlestur: Lúk 11.1-13

Og ég segi yður: Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar og fyrir þeim sem á knýr mun upp lokið verða.

Kvöldlestur: Jóh 17.1-26

Og ég hef gefið þeim þá dýrð sem þú gafst mér svo að þeir séu eitt, eins og við erum eitt, ég í þeim og þú í mér svo að þeir verði fullkomlega eitt til þess að heimurinn viti að þú hefur sent mig og að þú hefur elskað þá, eins og þú hefur elskað mig. 

Bæn dagsins

Drottinn, ég er ekki verður þess að þú gangir inn undir þak mitt, en seg aðeins eitt orð og mun sál mín heil verða.

Sálmur (sb. 164)

Að biðja sem mér bæri 
mig brestur stórum á. 
Minn Herra, Kristur kæri, 
æ, kenn mér íþrótt þá. 
Gef yndi mitt og iðja 
það alla daga sé 
með bljúgum hug að biðja 
sem barn við föður kné. 
(Björn Halldórsson)

Minnisvers vikunnar

30. maí 2019

Morgunlestur: Lúk 24.44-53

En það varð, meðan hann var að blessa þau, að hann skildist frá þeim og var upp numinn til himins. En þau féllu fram og tilbáðu hann og sneru aftur til Jerúsalem með miklum fögnuði. Og þau voru stöðugt í helgidóminum og lofuðu Guð.

Kvöldlestur: 1Kon 8.(6-14), 22-24, 26-28

Býr Guð þá í raun og veru á jörðinni? Nei, jafnvel himinninn og himnar himnanna rúma þig ekki, hvað þá þetta hús sem ég hef byggt. Gefðu gaum að ákalli þjóns þíns og bæn hans, Drottinn Guð. Heyr ákallið og bænina sem ég, þjónn þinn, ber fram fyrir þig í dag. 

Bæn dagsins

Jesús Kristur, himininn stendur opinn – þú sýnir okkur jörðina. Þú ert hjá Guði – þú ert nálægt okkur. Þú hefur himinn og jörð í höndum þínum – þú heldur á okkur.

Sálmur (sb. 170)

Vér horfum allir upp til þín, 
í eilíft ljósið Guði hjá, 
þar sem að dásöm dýrð þín skín, 
vor Drottinn Jesús, himnum á. 
(Páll Jónsson)

Minnisvers vikunnar

31. maí 2019

Morgunlestur: Opb 1.4-8

Og hann gerði oss að konungum og prestum, Guði sínum og föður til handa. Hans er dýrðin og mátturinn um aldir alda. Amen.
Sjá, hann kemur í skýjunum og hvert auga mun sjá hann, jafnvel þeirra sem stungu hann, og allar kynkvíslir jarðarinnar munu kveina yfir honum. Vissulega, amen. 

Kvöldlestur: Jóh 18.33-38

Jesús svaraði: "Mitt ríki er ekki af þessum heimi. Væri mitt ríki af þessum heimi hefðu þjónar mínir barist svo ég yrði ekki framseldur Gyðingum. En nú er ríki mitt ekki þaðan." 
Þá segir Pílatus við hann: "Þú ert þá konungur?" 

Bæn dagsins

Drottinn, þú gefur sanna gleði. þú býður mér að gleðjast. Störfin ein og skyldurnar geta ekki fullnægt mér. þessvegna hefur þú gefið mér þrá og hæfileika til að gleðjast, að njóta hátíðar og leikja og skemmtana, listiðkunar og sköpunar, og þess að njóta þess sem fagurt er og skemmtilegt í samneyti við fólk sem mér þykir vænt um, sem þarfnast návistar minnar og þess að ég auðgi og auki gleði þess. Drottinn, þú býður mér að gleðjast, fullkomna gleði mína í þér. Amen.

Sálmur (sb. 170)

Vorn huga, Drottinn, drag til þín 
í dýrðarljómann jörðu frá, 
því ekkert hnoss í heimi skín, 
sem hjartað friða' og gleðja má.
(Páll Jónsson)

Minnisvers vikunnar

01. júní 2019

Morgunlestur: Dan 7.2-14

Honum var falið valdið, 
tignin og konungdæmið 
og allir menn, þjóðir og tungur 
skyldu lúta honum. 
Veldi hans er eilíft 
og líður aldrei undir lok, 
á konungdæmi hans verður enginn endir. 

Kvöldlestur: Opb 4.1-11

Verður ert þú, Drottinn vor og Guð, 
að fá dýrðina og heiðurinn og máttinn 
því að þú hefur skapað alla hluti 
og að þínum vilja urðu þeir til og voru skapaðir.

Bæn dagsins

Drottinn, hjálpa mér að efast ekki um að þú ert Guð - að Jesús er frelsari minn - að þú ert hjá mér með heilögum anda þínum. Amen.

Sálmur (sb. 170)

Og ekkert löngun hjartans hér 
af heimsins gæðum seðja má. 
Vér þráum líf, sem eilíft er, 
og ætíð þér að vera hjá.
(Páll Jónsson)

Minnisvers vikunnar

02. júní 2019

Morgunlestur: Jóh 17.9-17

Heilagi faðir, varðveit þá í þínu nafni, því nafni sem þú hefur gefið mér, svo að þeir verði eitt eins og við. Meðan ég var hjá þeim varðveitti ég þá í nafni þínu sem þú hefur gefið mér, og gætti þeirra og enginn þeirra glataðist nema sonur glötunarinnar svo að ritningin rættist. Nú kem ég til þín.

Kvöldlestur: Jer 31.31-34

Þannig er sáttmálinn sem ég mun gera við Ísraelsmenn þegar þessir dagar eru liðnir, segir Drottinn: Ég legg lögmál mitt þeim í brjóst og rita það á hjörtu þeirra. Ég verð Guð þeirra og þeir verða lýður minn. Enginn mun framar þurfa að kenna landa sínum og bróður og segja: Þekkið Drottin. Allir munu þekkja mig, bæði stórir og smáir, segir Drottinn. Ég mun fyrirgefa þeim sekt þeirra og minnist ekki framar syndar þeirra. 

Bæn dagsins

Guð, ljósið þitt lýsir mér á jörðu og á himni. Ljósið þitt upplýsir mig, orðið þitt leitar mín og tekur sér bústað í hjarta mínu. Þannig sendir þú mér anda þinn sem leiðir mig. Vert þú með okkur, svo að við séum með þér í dag og alla tíð. Amen.

Sálmur (sb. 330)

Ó, Guð, mér anda gefðu þinn 
er glæðir kærleik, von og trú, 
og veit hann helgi vilja minn, 
svo vilji' eg það, sem elskar þú.
(Páll Jónsson)

Minnisvers vikunnar

03. júní 2019

Morgunlestur: Jóh 14.15-19

Ef þér elskið mig munuð þér halda boðorð mín. Ég mun biðja föðurinn og hann mun gefa yður annan hjálpara sem verður hjá yður að eilífu, anda sannleikans. Heimurinn getur ekki tekið á móti honum því hann sér hann ekki né þekkir. Þér þekkið hann því hann er hjá yður og verður í yður.

Kvöldlestur: Jes 41.8-14

Því að ég, Drottinn, er Guð þinn, 
ég held í hægri hönd þína 
og segi við þig: "Óttast eigi, 
ég bjarga þér."

Bæn dagsins

Drottinn, ég er oft svo veikur að trúa. Lærisveinar þínir voru líka efagjarnir og áttu erfitt með að trúa á ósýnilega návist þína. þótt ég sjái þig ekki, þá ertu hjá mér. Hjálpa mér að efast ekki um það. Amen.

Sálmur (sb. 330)

Æ, lát hann stjórna lífi' og sál, 
að lifi' eg eins og kristnum ber, 
og öll mín hugsun, athöfn, mál, 
til æviloka helgist þér.  
(Páll Jónsson)

Minnisvers vikunnar

04. júní 2019

Morgunlestur: Lúk 12.8-12

En ég segi yður: Hvern þann sem kannast við mig fyrir mönnum mun og Mannssonurinn kannast við fyrir englum Guðs.

Kvöldlestur: Matt 10.16-20

Ég sendi yður eins og sauði meðal úlfa. Verið því kænir sem höggormar og falslausir sem dúfur. Varið yður á mönnunum. Þeir munu draga yður fyrir dómstóla og húðstrýkja yður í samkundum sínum. 

Bæn dagsins

Góði Guð, ég hef svo mikið að gera, að ég kemst ekki yfir það. Kenn mér að greina á milli þess sem máli skiptir og hins sem ekki er mikilvægt. Gef mér þann sálarstyrk sem ég þarfnast til að sinna verkum mínum. þá verður sérhver stund blessuð.

Sálmur (sb. 330)

Þig, sem hið góða gefur allt, 
ó, Guð, af hjarta bið ég nú: 
Við ótta þinn mér ætíð halt 
við elsku þína' og sanna trú. 
(Páll Jónsson)

Minnisvers vikunnar

05. júní 2019

Morgunlestur: 1Kor 2.12-16

Jarðbundinn maður hafnar því sem andi Guðs boðar, honum er það heimska. Hann getur ekki skilið það af því að andinn veitir skilninginn. En sá sem hefur andann dæmir um allt en enginn getur dæmt um hann. Því að hver hefur þekkt huga Drottins að hann geti frætt hann? En við höfum huga Krists. 

Kvöldlestur: Róm 8.26 -30

Eins hjálpar andinn okkur í veikleika okkar. Við vitum ekki hvers við eigum að biðja eins og ber en sjálfur andinn biður fyrir okkur með andvörpum sem engum orðum verður að komið. En hann sem hjörtun rannsakar veit hver hyggja andans er, að hann biður fyrir heilögum samkvæmt Guðs vilja. 

Bæn dagsins

Ég veit, Drottinn, að örlög mannsins eru ekki á hans valdi né það á færi manns að stýra skrefum sínum. En allir vegir þínir eru elska og trúfesti. því vil ég fela þér vegu mína og treysta þér. þú munt vel fyrir sjá. Sála mín heldur sér fast við þig og hönd þín styður mig. gjör mig fúsan að fylgja þér. Kenn mér að gjöra vilja þinn, því að þú ert minn Guð. þinn góði andi leiði mig. Amen.

Sálmur (sb. 330)

Minn greiði veg þín gæskan blíð, 
svo geti' eg trúr mitt runnið skeið, 
en þegar lyktar lífsins stríð, 
mér líkna þú í dauðans neyð.  
(Páll Jónsson)

Minnisvers vikunnar

06. júní 2019

Morgunlestur: Jóh 7.37-39

Síðasta daginn, hátíðardaginn mikla, stóð Jesús þar og kallaði: "Ef nokkurn þyrstir þá komi hann til mín og drekki. Frá hjarta þess sem trúir á mig munu renna lækir lifandi vatns, eins og ritningin segir."

Kvöldlestur: 4Mós 20.2-12

Síðan stefndu þeir Móse og Aron söfnuðinum saman fyrir framan klettinn og Móse sagði við þá: "Hlýðið nú á, þverúðugu menn. Getum við látið vatn renna úr þessum kletti handa ykkur?" Því næst lyfti Móse hendi sinni og sló tvisvar á klettinn með staf sínum. Þá streymdi út mikið vatn svo að bæði söfnuðurinn fékk að drekka og fé hans. 

Bæn dagsins

Góði Guð, þú hefur sett manninn til að vera samverkamann og ráðsmann þinn hér á jörð. Glæð með oss lotningu fyrir lífinu. Lát oss ekki gefast upp andspænis vaxandi mengun og umhverfisspjöllum heldur leita leiða til að vernda og hlúa að því sem lifir, andar, grær. Hjálpa oss að gefa gaum að liljum vallarins og fuglum himinsins og styrk oss í trú á forsjón þína og fúsleik að fylgja þér í Jesú nafni. Amen.

Sálmur (sb. 330)

Að ég sé blessað barnið þitt, 
ég bið þinn andi vitni þá. 
Æ, heyr þú hjartans málið mitt, 
vor mildi faðir himnum á. 
(Páll Jónsson)

Minnisvers vikunnar

07. júní 2019

Morgunlestur: Heb 11.32-40

En þó að allir þessir menn fengju góðan vitnisburð fyrir trú sína fengu þeir þó ekki að sjá fyrirheitið rætast. Guð hafði séð okkur fyrir því sem betra var: Án okkar skyldu þeir ekki fullkomnir verða.

Kvöldlestur: Esk 11.14-20

Þá mun ég gefa þeim eindrægt hjarta og leggja þeim nýjan anda í brjóst. Ég mun fjarlægja steinhjartað úr líkama þeirra og gefa þeim hjarta úr holdi svo að þeir fylgi lögum mínum og haldi reglur mínar og framfylgi þeim. Þá skulu þeir verða mín þjóð og ég skal vera þeirra Guð.

Bæn dagsins

Góði Guð, lát oss ekki vísa hugsunarlaust á bug því sem vér skiljum ekki. Gef oss kjark til að mæta því sem er nýtt, þolinmæði að leitast við að skilja það sem er framandi og visku til að taka á móti og þiggja hið góða, sem er að finna þar sem síst er að vænta. Hjálpa oss að virða allan góðan vilja og viðleitni. Og ef vér vísum á bug skoðunum einhvers, forða oss þá frá því að hafna honum sjálfum. Amen.

Sálmur (sb. 26)

Nú gjaldi Guði þökk 
hans gjörvöll barnahjörðin, 
um dýrð og hátign hans 
ber himinn vott og jörðin. 
Frá æsku vorri var 
oss vernd og skjól hans náð, 
og allt vort bætti böl 
hans blessað líknarráð. 
(Helgi Hálfdánarson)

Minnisvers vikunnar

08. júní 2019

Morgunlestur: Jes 41.17-20

Ég læt ár spretta fram á gróðurvana hæðum  
og vatnslindir í dölunum. 
Ég geri eyðimörkina að tjörnum 
og þurrlendið að uppsprettum.

Kvöldlestur: 5Mós 34.1-8

Síðan sagði Drottinn við hann: "Þetta er landið sem ég hét Abraham, Ísak og Jakobi er ég sagði: Niðjum þínum gef ég það. Ég hef leyft þér að sjá það með eigin augum en þú munt ekki komast þangað yfir um." 
Móse, þjónn Drottins, andaðist þar í Móabslandi eins og Drottinn hafði sagt.

Bæn dagsins

Þetta eitt er eftir: að treysta fyrirheitum þínum, allt til þess er dagar og morgunstjarnan rennur upp. þú hefur fyllt nóttina návist þinni, gjört angist mína að þinni, einsemd mína að einsemd þinni, andvörp mín að þínum andvörpum. Ég trúi því ekki af því að ég finni það, heldur af því að þú hefur heitið því.

Sálmur (sb. 26)

Vor Guð, sem gjörvallt á, 
oss gefi snauðum mönnum 
í hjörtun æðstan auð 
af andans gæðum sönnum, 
í náð og sátt við sig 
oss seka taki hann 
og leiði loks til sín 
í ljóss og dýrðar rann. 
(Helgi Hálfdánarson)

Minnisvers vikunnar

09. júní 2019

Morgunlestur: Jóh 14.22-29

Ef þér elskið mig munuð þér halda boðorð mín. Ég mun biðja föðurinn og hann mun gefa yður annan hjálpara sem verður hjá yður að eilífu, anda sannleikans.

Kvöldlestur: 4Mós 11.11-12, 14-17, 24-25

Drottinn sagði við Móse: 
„Veldu fyrir mig sjötíu menn úr hópi öldunga Ísraels sem þú veist að eru öldungar þjóðarinnar og eftirlitsmenn hennar. Þú skalt leiða þá að samfundatjaldinu og þar skulu þeir taka sér stöðu með þér. Þá stíg ég niður og tala þar við þig og tek dálítið af andanum sem er yfir þér og legg yfir þá. Síðan skulu þeir bera þunga þjóðarinnar með þér svo að þú þurfir ekki að bera hann einn.

Bæn dagsins

Huggunar-andi og eldur Guðs, lífskraftur alls hins skapaða, í þér mætum við Guði. Þú safnar saman hinum villuráfandi, birtir þeim sannleikann og lætur þau skilja hvert annað. Þökk sé þér fyrir það. Amen.

Sálmur (sb. 724)

Leiftra þú, sól, þér heilsar hvítasunna, 
heilaga lindin alls, sem birtu færir 
hann, sem hvern geisla alheims á og nærir, 
eilífur faðir ljóssins skín á þig, 
andar nú sinni elsku yfir þig.  
(Sigurbjörn Einarsson)

Minnisvers vikunnar

10. júní 2019

Morgunlestur: 1Kor 12.7-13

Þannig birtist andinn sérhverjum manni til þess að hann geri öðrum gagn. Einum gefur andinn gáfu að mæla af speki, öðrum gefur sami andi kraft að mæla af þekkingu. Sami andi veitir einum trú, öðrum lækningagáfu og öðrum kraft til að framkvæma undur. Einn fær spádómsgáfu, annar hæfileika að sannreyna anda, einn að tala tungum og annar að útleggja tungutal. 

Kvöldlestur: Jóh 7.37-39

Frá hjarta þess sem trúir á mig munu renna lækir lifandi vatns, eins og ritningin segir." Þarna átti hann við andann er þau skyldu hljóta sem á hann trúa. Því enn var andinn ekki gefinn þar eð Jesús var ekki enn dýrlegur orðinn. 

Bæn dagsins

Andi sannleikans, þú sem heimurinn fær aldrei skilið vek upp hjörtu okkar í ótta við komu þína, gef okkur þrá eftir friði þínum og tendra í okkur löngun til að mæla þitt máttuga orð Heyr þá bæn í Jesú nafni. Amen.

Sálmur (sb. 579)

Í öllum ljóma logar sólin  
og lýsir gullinn náðarstólinn. 
Ó, kom þú, hvítasunna' í söng 
með sumardægrin björt og löng. 
Nú Drottins mikla máttarorð 
oss mönnum reiðir nægtaborð. 
(Heimir Steinsson)

Minnisvers vikunnar

11. júní 2019

Morgunlestur: Post 2.22-23, 32-33, 36-39

Ísraelsmenn, heyrið þessi orð: Jesús frá Nasaret var maður sem kom til ykkar frá Guði. Guð sannaði ykkur það með því að láta hann gera kraftaverk, undur og tákn meðal ykkar eins og þið vitið sjálfir.

Kvöldlestur: Esk 36.22a, 23-28

Ég mun gefa ykkur nýtt hjarta og leggja ykkur nýjan anda í brjóst. Ég mun taka steinhjartað úr líkama ykkar og gefa ykkur hjarta af holdi. Ég mun leggja ykkur anda minn í brjóst svo að þið farið að boðum mínum og haldið reglur mínar og framfylgið þeim. 

Bæn dagsins

Drottinn þú sendir oss til að berjast góðu baráttunni. Þú þekkir veikleika vora. Þú veist hversu auðveldlega vér gefumst upp í freistingum og átökum þessa lífs. Hjálpa þú oss að vér styrkjum og styðjum hvert annað í þolinmæði og sönnum kærleika. Varðveit oss fyrir falskri ákefð. Varðveit oss fyrir eigingirni og vanheilagri bræði. Varðveit oss í náð þinni gagnvart hverskyns synd og villu. Ver þú oss leiðarljós. Ver oss borg friðarins. Ver með oss allar stundir þessa dags.

Sálmur (sb. 579)

Um gullna óttu áin niðar 
og árnar hverju lífi friðar. 
Í kliði hennar Kristur er 
að kalla mig að fylgja sér. 
Í draumi lít ég Drottin minn. 
Í dögun flyt ég lofsönginn.  
(Heimir Steinsson)

Minnisvers vikunnar

12. júní 2019

Morgunlestur: Post 10.34a, 36-43

Þið vitið hvað gerst hefur um alla Júdeu en hófst í Galíleu eftir skírnina sem Jóhannes prédikaði. Það er sagan um Jesú frá Nasaret, hvernig Guð smurði hann heilögum anda og krafti. Hann gekk um, gerði gott og græddi alla sem djöfullinn undirokaði því að Guð var með honum.

Kvöldlestur: Post 10.44-48

Hinir trúuðu Gyðingar, sem komið höfðu með Pétri, urðu furðu lostnir að Guð hefði einnig gefið heiðingjunum heilagan anda því þeir heyrðu þá tala tungum og mikla Guð. Þá mælti Pétur: "Hver getur varnað þess að þeir verði skírðir í vatni? Þeir hafa fengið heilagan anda sem við."

Bæn dagsins

Heilagi Guð, vér biðjum þig: Heyr í mildi þinni grátbeiðni vora og rétt út hægri hönd þína gegn öllu því sem ógnar oss, fyrir Drottin vorn Jesú Krist, sem með þér og heilögum anda lifir og ríkir um aldir alda.

Sálmur (sb. 579)

Nú dregur arnsúg ofar tindum. 
Guðs andi fer í sumarvindum 
um heiðageim, um fjöll og fjörð 
að frjóvga landsins ríku jörð. 
En lífsins elfur leikur sér 
sem lækur tær við fætur mér. 
(Heimir Steinsson)

Minnisvers vikunnar

13. júní 2019

Morgunlestur: Post 4.8-21

Þá sagði Pétur við þá, fylltur heilögum anda: "Höfðingjar þjóðar okkar og öldungar, með því að við eigum í dag að svara til saka vegna góðverks við sjúkan mann og gera grein fyrir því hvernig hann sé orðinn heill, þá sé ykkur öllum kunnugt og öllum Ísraelslýð að í nafni Jesú Krists frá Nasaret, þess er þið krossfestuð en Guð uppvakti frá dauðum, í hans nafni stendur þessi maður heilbrigður fyrir augum ykkar. Jesús er 
steinninn sem þér, húsasmiðirnir, virtuð einskis, 
hann er orðinn að hyrningarsteini.

Kvöldlestur: Post 4.23-31

Rétt þú út hönd þína til að lækna og lát tákn og undur verða fyrir nafn Jesú, þíns heilaga þjóns." 
Þegar menn höfðu beðist fyrir hrærðist staðurinn þar sem þeir voru saman komnir og þeir fylltust allir heilögum anda og töluðu orð Guðs af djörfung. 

Bæn dagsins

Góði Guð, faðir minn. Gef mér hvíld samviskunnar í fullvissunni um fyrirgefningu syndanna. Gef mér hvíld hugsananna í fullvissunni um það að hagur minn er ekki hulinn fyrir þér. Gef mér hvíld hjartans í fullvissu þess að ekkert megnar að skilja mig frá kærleika þínum í Kristi Jesú, Drotni mínum og frelsara.

Sálmur (sb. 579)

Hér er það Guð, sem öllu ræður. 
Vér erum hans, ó, systur, bræður. 
Já, endurfædd af anda hans 
vér elskum guðsmynd sérhvers manns 
í nafni Krists, sem kom á jörð 
með kærleik Guðs og sáttargjörð. 
(Heimir Steinsson)

Minnisvers vikunnar

14. júní 2019

Morgunlestur: Gal 3.1-5

Eruð þið svo óskynsamir að byrja í heilögum anda og ætla svo að fullna það í eigin mætti? Hafið þið til einskis reynt svo mikið? - ef það þá er til einskis. Veitir Guð ykkur andann og lætur máttarverk gerast meðal ykkar vegna þess að þið haldið lögmálið eða vegna þess að þið heyrið og trúið? 

Kvöldlestur: Ef 4.11-16

Og frá honum er sú gjöf komin að sumir eru postular, sumir spámenn, sumir trúboðar, sumir hirðar og kennarar. Þeir eiga að fullkomna hin heilögu og láta þeim þjónustu í té, líkama Krists til uppbyggingar, þangað til við verðum öll einhuga í trúnni og þekkingunni á syni Guðs, verðum fullþroska og náum vaxtartakmarki Krists fyllingar. 

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 579)

Ó, vertu ei lengur veill né hálfur. 
Nei, vittu' að Guð er hjá þér sjálfur. 
Já, safnist þúsund þjóða mál 
í þakkarsöngsins fórnarskál. 
Nú syngi öll hans sveit á jörð 
með sama rómi lofsöngsgjörð. 
(Heimir Steinsson)

Minnisvers vikunnar

15. júní 2019

Morgunlestur: Post 8.14-25

Þeir fóru norður þangað og báðu Guð um að veita þeim heilagan anda því að enn var andinn ekki kominn yfir neinn þeirra. Þeir voru aðeins skírðir til nafns Drottins Jesú. Nú lögðu þeir hendur yfir þá og fengu þeir heilagan anda. 

Kvöldlestur: Sak 4.1-14

Og enn talaði ég og spurði hann: "Hverjar eru þessar tvær ólífugreinar við gullrennurnar tvær? Gullin olía rennur sjálfkrafa úr þeim í gullrennurnar tvær."
Hann svaraði og sagði: "Veistu ekki hvað þetta er?" En ég sagði: "Nei, herra." 
Þá svaraði hann: "Þetta eru hinir tveir smurðu sem standa hjá Drottni gjörvallrar jarðarinnar." 

Bæn dagsins

Kristur minn, þú sem ert hið lifandi brauð sem ofan komst af himni að gefa heiminum líf. Kom Einnig til mín með lífgjöf þína og ódauðleika.

Sálmur (sb. 579)

Við nafn hans lít ég loga brenna 
og leika á vörum. - Saman renna 
nú allra þjóða móðurmál 
í mannssonarins fórnarskál. 
Í einu nafni ómar hér 
um eilífð: "Jesú, lof sé þér." 
(Heimir Steinsson)

Minnisvers vikunnar

16. júní 2019

Morgunlestur: Jóh 15.12-17

Þetta er mitt boðorð, að þér elskið hvert annað eins og ég hef elskað yður. Enginn á meiri kærleik en þann að leggja líf sitt í sölurnar fyrir vini sína.

Kvöldlestur: Jes 6.1-13

Hann snerti munn minn með kolinu og sagði: 
"Þetta hefur snortið varir þínar, 
sekt þín er frá þér tekin 
og friðþægt er fyrir synd þína." 
Þá heyrði ég rödd Drottins sem spurði: 
"Hvern skal ég senda? 
Hver vill reka erindi vort?" 
Ég svaraði: "Hér er ég. Send þú mig."

Bæn dagsins

Heilaga þrenning, á þig trúum við, þig tignum við, þig játum við í leyndardómi hátignar þinnar. Styrk þú trúna hjá börnum þínum öllum, og varðveit okkur fyrir öllu því sem ógnar henni. Þér sé lof að eilífu, Faðir, Sonur og Heilagur Andi. Amen.

Sálmur (sb. 4)

Dýrð í hæstum hæðum, 
himna Guð, þér syngja 
allir þínir englar og öll þín hólpin hjörð. 
Jörð það endurómar, 
allar klukkur hringja, 
fagnandi hjörtu færa þakkargjörð.  
(Friðrik Friðriksson)

Minnisvers vikunnar

17. júní 2019

Morgunlestur: Matt 7.7-12

Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar, og fyrir þeim sem á knýr mun upp lokið verða.

Kvöldlestur: 1Tím 2.1-4

Fyrst af öllu hvet ég til að biðja og ákalla Guð og bera fram fyrirbænir og þakkir fyrir alla menn. Biðjið fyrir konungum og öllum þeim sem hátt eru settir til þess að við fáum lifað friðsamlegu og rólegu lífi í guðsótta og siðprýði.

Bæn dagsins

Guð vors lands, vér þökkum þér fyrir landið, sem þú hefur gefið oss. Vér þökkum þér auðlegð landsins gæða, frjósama mold og fengsæl mið, tign og fegurð í stormum vetrar og blíðu sumars, ægikrafta elds og ísa, manndóm og menningu íslenskrar þjóðar. Vér þökkum þér að þú hefur vakað yfir þjóð vorri um aldir og gefið oss frelsi og fullveldi. Blessa oss gjafir þínar, hjálpa oss að varðveita þær og ávaxta oss til blessunar og niðjum vorum til heilla, í trúmennsku og ábyrgð. Ver þú ávallt Guð vors lands og faðir og frelsari allra landsins barna, í frelsarans Jesú nafni. Amen. (Karl Sigurbjörnsson)

Sálmur (sb. 519)

Upp, þúsund ára þjóð, 
með þúsund radda ljóð. 
Upp allt, sem er og hrærist 
og allt, sem lífi nærist. 
Upp, harpa Guðs, þú heimur. 
Upp, haf og landageimur. 
(Matthías Jochumsson)

Minnisvers vikunnar

18. júní 2019

Morgunlestur: Okv 1.20-28

Hve lengi ætlið þér, fávísu menn, að elska fávísina  
og hinir háðgjörnu að hafa yndi af háði  
og heimskingjar að amast við þekkingu?  
Látið skipast við umvöndun mína,  
ég læt anda minn streyma yfir yður  
og kunngjöri yður orð mín. 

Kvöldlestur: Heb 2.1-4

Þess vegna ber okkur að gefa því enn betur gaum er við höfum heyrt svo að við berumst eigi afleiðis. Fyrst orðið, sem englar fluttu, hefur reynst stöðugt og þau sem brutu gegn því og hlýddu ekki hlutu réttláta refsingu, hvernig fáum við þá komist undan ef við vanmetum slíkt hjálpræði? Drottinn flutti það fyrst og þau sem heyrðu það staðfestu það fyrir okkur. 

Bæn dagsins

Guð minn, kom til mín í myrkrinu og umlyk mig náð. þú ert mitt skjól, óbifanlegt athvarf í heiminum. Hjá þér er ég aftur barn, sem borið er hverja stund. Hugsanirnar hljóðna hjá þér og hjartað finnur hvíld.

Sálmur (sb. 4)

Dýrð í hæstum hæðum. 
Hingað oss þú sendir 
soninn þinn að sýkna hinn seka lýð á jörð. 
Síðan hátt til himna 
hann með krossi bendir, 
sigur hann gefur sinni barnahjörð. 
(Friðrik Friðriksson)

Minnisvers vikunnar

19. júní 2019

Morgunlestur: Ef 4.1-6

Ég, bandinginn vegna Drottins, áminni ykkur þess vegna um að hegða ykkur svo sem samboðið er þeirri köllun sem þið hafið hlotið. Verið í hvívetna lítillát og hógvær. Verið þolinmóð, langlynd, umberið og elskið hvert annað. Kappkostið að varðveita einingu andans í bandi friðarins.

Kvöldlestur: 2Kor 13.11-13

Að öðru leyti, bræður mínir og systur, verið glöð. Verið fullkomin, áminnið hvert annað, verið samhuga, lifið saman í friði. Þá mun Guð kærleikans og friðarins vera með ykkur.

Bæn dagsins

Drottinn. þú vilt, að vér komum til þín í bæn og hefur sjálfur skipað oss að gera það. þess vegna kem ég fram fyrir þig í trausti til velþóknunar þinnar og bið þig að fyrirgefa mér og taka burt frá mér allar syndir, sem liggja þungt á mér. Lát þær ekki hindra mig í að nálgast þig í bæn. Amen.

Sálmur (sb. 4)

Dýrð í hæstum hæðum, 
hljómar þér um aldir, 
þyrnikrýndur, krossi píndur 
kóngur lífs og hels. 
Lýtur þér og lofar lýður, sem þú valdir, 
lýsandi' á jörð sem ljómi fagrahvels. 
(Friðrik Friðriksson)

Minnisvers vikunnar

20. júní 2019

Morgunlestur: Jes 44.21-23

Ég feykti burt afbrotum þínum eins og skýi, 
syndum þínum líkt og þoku.  
Hverf aftur til mín því að ég hef endurleyst þig.

Kvöldlestur: 1Kor 12.1-6

Mismunur er á náðargjöfum en andinn er hinn sami, mismunur er á þjónustustörfum en Drottinn hinn sami. Mismunur er á framkvæmdum en Guð hinn sami sem öllu kemur til leiðar í öllum.

Bæn dagsins

Drottinn, hvar er ríki þitt í þessum heimi? Ég sé það ekki. Hvar er það innra með mér? Ég finn það ekki. Hjálpa mér að gefast ekki upp fyrir því sem ég sé. Opna augu mín og lát mig finna hvað þú sérð og gerir, því þar sem þú huggar og læknar, þar vex ríki þitt.

Sálmur (sb. 4)

Dýrð í hæstum hæðum. Heilagri þrenning, 
föður, syni' og friðaranda, 
færum lofgjörð vér, 
göfgi þig með gleði 
gjörvöll jarðarmenning, 
Guð einn og þrennur, þökk þér einum ber. 
(Friðrik Friðriksson)

Minnisvers vikunnar

21. júní 2019

Morgunlestur: Ef 1.3-14

Hann vildi að vér yrðum til vegsemdar dýrð hans og náð  
sem hann hefur gefið oss í sínum elskaða syni. 
Í honum, fyrir hans blóð, eigum vér endurlausnina  
og fyrirgefningu afbrota vorra. 
Svo auðug er náð hans sem hann gaf oss ríkulega  
með hvers konar vísdómi og skilningi.

Kvöldlestur: Jóh 5.17-23

Þessu svaraði Jesús og sagði við þá: "Sannlega, sannlega segi ég yður: Ekkert getur sonurinn gert af sjálfum sér. Hann gerir það eitt sem hann sér föðurinn gera. Því hvað sem hann gerir, gerir sonurinn einnig. Faðirinn elskar soninn og sýnir honum allt sem hann gerir sjálfur. Hann mun sýna honum meiri verk en þessi svo að þér verðið furðu lostnir.

Bæn dagsins

Guð, gef mér hlutverk að vinna uns lífi mínu lýkur og líf uns hlutverki mínu er lokið.

Sálmur (sb. 178)

Nú ljómar dýrðardagur,
hin dimma nótt er liðin hjá, 
og friðarbogi fagur 
Guðs föðurhimni blikar á. 
Um dauðans dimmar álfur 
nú dýrleg birta skín, 
Guðs sonur, Jesús sjálfur, 
er sól og unun mín. 
Nú leynist enginn lengur 
á lausnara síns fund, 
en frjáls og glaður gengur 
til Guðs á helgri stund. 
(Valdimar Briem)

Minnisvers vikunnar

22. júní 2019

Morgunlestur: 1Tím 3.16

Og víst er leyndardómur trúarinnar mikill: 
Hann birtist í manni, 
sannaðist í anda, 
opinber englum, 
var boðaður þjóðum, 
trúað í heimi, 
hafinn upp í dýrð. 

Kvöldlestur: Esk 1.4-6, 22-28

Þá sá ég hvassviðri koma úr norðri, mikið ský og eldglæringar. Um það lék ljómi og úr honum miðjum leiftraði sem af hvítagulli. Úr ljómanum miðjum birtist eitthvað sem líktist fjórum lifandi verum. Þannig litu þær út: Á þeim var mannsmynd

Bæn dagsins

Drottinn, meistari og frelsari minn, þú ert hinn sami og þá þú gekkst um kring í Galíleu forðum. þú ert okkur hjá alla daga, allar stundir. þú ert sigurvegarinn, ekki að hluta, heldur alls. þú reisir mig. þú leggur hönd þína á höfuð mér og lætur lífsins lindir streyma yfir mig, hreinsandi, nýskapandi. Ég þakka þér af öllu hjarta og bið: Fullkomna einnig í dag vilja föður míns í mér. Amen. (E. Pauli)

Sálmur (sb. 178)

Til Jesú Krists míns kæra
ég kem um nótt og bjartan dag, 
hans orð er ljúft að læra,
mig langar hans í samfélag.
Ég feginn enn vil fræðast, 
minn frelsari' ástargjarn, 
hve eg má endurfæðast 
og aftur verða barn: 
sem barn með bljúgu sinni, 
sem barn í hreinni trú, 
sem barn, er blessun finni,
er börnum heitir þú.
(Valdimar Briem)

Minnisvers vikunnar

23. júní 2019

Morgunlestur: Lúk 12.13-21

Einn úr mannfjöldanum sagði við Jesú: "Meistari, seg þú bróður mínum að skipta með mér arfinum."
Hann svaraði honum: "Maður, hver hefur sett mig dómara eða skiptaráðanda yfir ykkur?" Og hann sagði við þá: "Gætið ykkar og varist alla ágirnd. Enginn þiggur líf af eigum sínum þótt auðugur sé."

Kvöldlestur: 5Mós 6.4-9

Heyr, Ísrael. Drottinn, Guð vor, Drottinn er einn. Þú skalt elska Drottin, Guð þinn, af öllu hjarta þínu, allri sálu þinni og af öllum mætti þínum. 

Bæn dagsins

Mikli Guð, sem himnarnir rúma ekki, en kemur þó til okkar og ert okkur nálægur í orði þínu, við biðjum þig. Allt í kringum okkur eru orð. Hjálpa þú okkur að heyra þína rödd meðal allra þeirra sem tala til okkar og vilja hafa áhrif á okkur, svo að líf okkar megi tilheyra þér og að það sé borið uppi og mótað af kærleika þínum sem við mætum í Jesú Kristi. Þér sé lof og dýrð að eilífu. Amen.

Sálmur (sb. 179)

Hvað stoðar þig allt heimsins góss og gæði 
og gull og silfur, skart og dýrleg klæði, 
er ber þú utan á þitt dauðlegt hold? 
Hvar liggur það, þá líkaminn er dauður 
og langt frá öllu prjáli hvílir snauður 
í myrkri mold? 
(Valdimar Briem)

Minnisvers vikunnar

24. júní 2019

Morgunlestur: Lúk 1.57-67, (68-75), 76-80

Nú kom sá tími að Elísabet skyldi verða léttari og ól hún son. Og nágrannar hennar og ættmenn heyrðu hversu mikla miskunn Drottinn hafði auðsýnt henni og samfögnuðu henni.
Á áttunda degi komu þeir að umskera sveininn og vildu þeir láta hann heita Sakaría í höfuðið á föður sínum. Þá mælti móðir hans: "Eigi skal hann svo heita heldur Jóhannes."

Kvöldlestur: Jes 40.1-8

"Allt hold er gras
og allur yndisleikur þess sem blóm vallarins. 
Grasið visnar, blómin fölna 
þegar Drottinn andar á þau. 
Sannlega eru mennirnir gras. 
Grasið visnar, blómin fölna 
en orð Guðs vors varir að eilífu."

Bæn dagsins

Guð, huggun kirkju þinnar. Þú lést Jóhannes skírara undirbúa veginn fyrir komu sonar þíns Jesú Krists. Hjálpa þú okkur að fylgja dæmi hans og hlýða kalli hans til að fylgja vegi hjálpræðisins, fyrir Jesú Krist bróður okkar og Drottin. Amen.

Sálmur (sb. )

Eilífum Föður öll hans hjörð 
af hjarta syngi þakkargjörð, 
með sinnar náðar sætu orð 
sendi Jóhannes oss á jörð. 

(Jónsmessuhymni úr Hólabókinni 1589. Philipp Melanchthon)

Minnisvers vikunnar

25. júní 2019

Morgunlestur: Jón 1.1-10

Skipverjar sögðu nú hver við annan: "Við skulum varpa hlutkesti til þess að komast að raun um hver eigi sök á því að þessi ósköp hafa yfir okkur dunið." Þeir vörpuðu hlutkesti og hlutur Jónasar kom upp. Þeir sögðu þá við hann: "Segðu okkur: Í hvaða erindagjörðum ertu? Hvaðan kemurðu? Frá hvaða landi? Af hvaða þjóð?" Hann svaraði: "Ég er Hebrei og tilbið Drottin, Guð himinsins, sem skapaði bæði sjó og land." Skipverjarnir urðu skelfingu lostnir og spurðu: "Hvað hefur þú gert?" Þeir vissu að hann var á flótta frá Drottni því að hann hafði sagt þeim frá því.

Kvöldlestur: Sal (Speki Salomós) 15.1-3

En þú, Guð, ert góður og sannur, þolinmóður og stjórnar öllu með miskunnsemi. Þótt vér syndgum erum vér þínir því að vér þekkjum mátt þinn. En vér munum ekki syndga þar sem vér vitum að vér teljumst þín eign. Að þekkja þig er fullkomið réttlæti, að þekkja mátt þinn upphaf ódauðleika.

Bæn dagsins

Drottinn, ég þakka þér, sem veittir mér vernd og hvíld í nótt og vekur mig til nýs dags. Vek þú hug minn og hjarta til trúar, vonar og kærleika, svo að ég verði barn þess morguns, sem lýsir af Jesú Kristi, frelsara mínum, og fái liðinn að fagna ljósi þíns eilífa dags. Amen.

Sálmur (sb. 179)

Vor auðlegð sé að eiga himnaríki, 
vor upphefð breytni sú, er Guði líki, 
vort yndi' að feta' í fótspor lausnarans, 
vor dýrðarskrúði dreyrinn Jesú mæti, 
vor dýrlegasti fögnuður og kæti 
sé himinn hans. 
(Valdimar Briem)

Minnisvers vikunnar

26. júní 2019

Morgunlestur: Jón 2.1-11

Vötnin luktu um mig og ætluðu að sálga mér, hyldýpið umkringdi mig, höfði mínu var faldað með marhálmi. Ég steig niður að grundvöllum fjallanna, slagbrandar jarðarinnar voru lokaðir á eftir mér að eilífu. Þá færðir þú líf mitt upp úr gröfinni, Drottinn, Guð minn!

Kvöldlestur: Jóh 5.39-47

Ég þigg ekki heiður af mönnum, en ég þekki yður að þér hafið ekki í yður kærleika Guðs. Ég er kominn í nafni föður míns, og þér takið ekki við mér. Ef annar kæmi í sínu eigin nafni, tækjuð þér við honum. Hvernig getið þér trúað, þegar þér þiggið heiður hver af öðrum, en leitið ekki þess heiðurs, sem er frá einum Guði?

Bæn dagsins

Hjálpa mér, Guð minn, að nota þennan dag. Blessa hverja stund, skyldur og störf, hvíld og gleði. Blessa verk handa minna, hugsanir hjarta míns, mál munns míns. Lát mig lifa þennan dag fyrir augliti þínu og þér til dýrðar, og til blessunar þeim sem á vegi mínum verða. Amen.

Sálmur (sb. 343)

Skín, Guðdóms sól, á hugarhimni mínum, 
sem hjúpar allt í kærleiksgeislum þínum. 
Þú, Drottinn Jesús, lífsins ljósið bjarta, 
ó, lýs nú mínu trúarveika hjarta. 
(Ólína Andrésdóttir)

Minnisvers vikunnar

27. júní 2019

Morgunlestur: Matt 9.35-38

En er Jesús sá mannfjöldann kenndi hann í brjósti um hann því menn voru hrjáðir og umkomulausir eins og sauðir er engan hirði hafa. Þá sagði hann við lærisveina sína: "Uppskeran er mikil en verkamenn fáir. Biðjið því Drottin uppskerunnar að senda verkamenn til uppskeru sinnar."
 

Kvöldlestur: Matt 10.1-7

Og Jesús kallaði til sín lærisveina sína tólf og gaf þeim vald til að reka út óhreina anda og lækna hvers kyns sjúkdóm og veikindi. Nöfn postulanna tólf eru þessi: Fyrstur Símon, sem kallast Pétur, og Andrés bróðir hans, þá Jakob Sebedeusson og Jóhannes bróðir hans, Filippus og Bartólómeus, Tómas og Matteus tollheimtumaður, Jakob Alfeusson og Taddeus, Símon vandlætari og Júdas Ískaríot, sá er sveik hann. 

Bæn dagsins

Guð, þú sem hefur sett oss öll í þetta samhengi jarðlífsins, gef oss náð til þess að skilja hvernig líf vor er jafnan háð hugrekki, iðni, heiðarleika og trúmennsku annarra, að vér séum ávallt vakandi og hugulsöm gagnvart þörfum þeirra og þakklát fyrir trúfesti þeirra, trú og ábyrg í lífi og störfum. Fyrir Jesú Krist. Amen.

Sálmur (sb. 343)

Þú varst mér það, sem vatn er þyrstum manni, 
þú varst mitt frelsi' í dimmum fangaranni 
og vængjalyfting vona barni lágu 
og vorsól ylrík trúarblómi smáu. 
(Ólína Andrésdóttir)

Minnisvers vikunnar

28. júní 2019

Morgunlestur: Jer 15.10, 15-21

Þegar orð þín komu gleypti ég þau, 
orð þín urðu gleði mín. 
Hjarta mitt fagnaði 
því að ég er kenndur við þig, 
Drottinn, Guð hersveitanna. 

Kvöldlestur: Esk 3.22-27

En þegar ég tala við þig mun ég ljúka upp munni þínum og þú skalt segja við þá: Svo segir Drottinn Guð. Sá sem heyra vill, hann heyri, en sá sem ekki vill hlusta láti það ógert því að þeir eru þverúðugt fólk.
 

Bæn dagsins

Algóði Guð, ég fel mig þinni föðurvernd og legg mig allan á þitt vald, líkama minn og sál, vilja min og áform, hugsun mína og gjörðir, lán mitt og líf. Ég fel þér ástvini mína og og bið þig að gæta þeirra og blessa þá. Ver þú mér og þeim eilíft athvarf, náðugur og miskunnsamur faðir í lífi og dauða. Sakir sonar þíns, Jesú Krists. Amen.

Sálmur (sb. 343)

Þú ert það lyf, sem lífsins græðir sárin, 
sú ljúfa mund, sem harma þerrar tárin, 
minn hugarstyrkur, hjartans meginmáttur 
og minnar sálar hreini andardráttur. 
(Ólína Andrésdóttir)

Minnisvers vikunnar

29. júní 2019

Morgunlestur: Préd 12.1-8

Mundu eftir skapara þínum á unglingsárum þínum, 
áður en vondu dagarnir koma 
og þau árin nálgast er þú segir um: "Mér líka þau ekki," 
áður en sólin myrkvast og ljósið 
og tunglið og stjörnurnar, 
áður en skýin koma aftur eftir regnið, 

Kvöldlestur: Sír 41.1-7

Börnin formæla guðlausum föður  
því að sakir hans munu þau smánuð. 

Bæn dagsins

Guð, Skapari himins og jarðar, gefðu að við með og dýrunum, grösunum, loftinu og vatninu tökuð á móti náðarorði þínu. Sendu okkur spámenn sem eins og Jóhannes kenna okkur að lífa í réttlætinu. Þakka þér fyrir regnbogann á himninum, tákn vonarinnar, sem sýnir að þú berð umhyggju fyrir öllu lífi. Í Jesú nafni. Amen.

Sálmur (sb. 343)

Þú ert það lyf, sem lífsins græðir sárin, 
sú ljúfa mund, sem harma þerrar tárin, 
minn hugarstyrkur, hjartans meginmáttur 
og minnar sálar hreini andardráttur. 
(Ólína Andrésdóttir)

Minnisvers vikunnar

30. júní 2019

Morgunlestur: Lúk 9.51-62

Jesús svaraði: "Lát hina dauðu jarða sína dauðu en far þú og boða Guðs ríki." 
Enn annar sagði: "Ég vil fylgja þér, Drottinn, en leyf mér fyrst að kveðja fólk mitt heima." 
En Jesús sagði við hann: "Enginn sem leggur hönd á plóginn og horfir aftur er hæfur í Guðs ríki."

Kvöldlestur: Lúk 14.16-24

Þjónninn kom og tjáði herra sínum þetta. Þá reiddist húsbóndinn og sagði við þjón sinn: Far þú fljótt út á stræti og götur borgarinnar og leið inn hingað fátæka, örkumla, blinda og halta. Og þjónninn sagði: Herra, það er gert sem þú bauðst og enn er rúm. Þá sagði húsbóndinn við þjóninn: Far þú út um stíga og vegi og þrýstu á menn að koma inn svo að hús mitt fyllist. Því ég segi ykkur að enginn þeirra sem fyrst voru boðnir mun smakka kvöldmáltíð mína." 

Bæn dagsins

Trúfasti Guð, í syni þínum Jesú Kristi hefur þú upplokið hjarta þínu fyrir okkur og gefið okkur hann að bróður. Þú býður okkur til þín heim. Við þökkum þér að við megum eiga heima í kirkjunni þinni. Hjálpa okkur að vaxa í trúnni og styrkjast í orði þínu. Gefðu okkur samfélag hvert við annað við borð þitt, hjálpa okkur að bera vitni um gæsku þína, hvar sem við erum, í öllu því sem við gerum og erum. Í Jesú nafni. Amen.

Sálmur (sb. 384)

Vort líf er oft svo örðug för 
og andar kalt í fang, 
og margur viti villuljós 
og veikum þungt um gang. 
En Kristur segir: Kom til mín, 
og krossinn tekur vegna þín. 
Hann ljær þér bjarta sólarsýn, 
þótt syrti' um jarðarvang. 
(Kristján Einarsson frá Djúpalæk)

Minnisvers vikunnar

01. júlí 2019

Morgunlestur: Préd 4.17, 5.1-6

Þegar þú gerir Guði heit frestaðu þá ekki að efna það því að hann hefur ekki velþóknun á heimskingjum. Efndu það sem þú lofar. Betra er að þú heitir engu en að þú heitir og efnir ekki. Leyfðu ekki munni þínum að baka líkama þínum sekt og segðu ekki við sendiboðann: Það var fljótfærni. Hvers vegna á Guð að reiðast orðum þínum og skemma verk handa þinna? Því að þar sem mikið er um drauma og orð, þar er og mikill hégómi. Óttastu heldur Guð. 

Kvöldlestur: Jóh 4.4-14

Hún segir við hann: "Herra, þú hefur enga skjólu að ausa með og brunnurinn er djúpur. Hvaðan hefur þú þetta lifandi vatn? Ertu meiri en Jakob forfaðir okkar sem gaf okkur brunninn og drakk sjálfur úr honum og synir hans og fénaður?" 
Jesús svaraði: "Hvern sem drekkur af þessu vatni mun aftur þyrsta en hvern sem drekkur af vatninu er ég gef honum mun aldrei þyrsta að eilífu. Því vatnið, sem ég gef honum, verður í honum að lind sem streymir fram til eilífs lífs."

Bæn dagsins

Kenn oss, góði Guð, að þjóna þér eins og oss ber að þjóna, að gefa án þess að hugsa um, hvað það kostar, og berjast góðu baráttunni, án þess að líta á sárin, að erfiða, án þess að leita hvíldar, að vinna án þess að biðja um önnur laun en þau að vita, að vér höfum gjört vilja þinn. Fyrir Jesú Krist, Drottin vorn. Amen.

Sálmur (sb. 384)

Og hafi eitthvað angrað þig 
og að þér freisting sótt, 
þá bið þú hann að hjálpa þér, 
og hjálpin kemur skjótt. 
Hans ljós á vegum lýðsins brann. 
Hann leiða þig til sigurs kann. 
Hin eina trausta hjálp er hann 
á harmsins myrku nótt. 
(Kristján Einarsson frá Djúpalæk)

Minnisvers vikunnar

02. júlí 2019

Morgunlestur: Matt 10.7-15

Farið og prédikið: Himnaríki er í nánd. Læknið sjúka, vekið upp dauða, hreinsið líkþráa, rekið út illa anda. Gefins hafið þér fengið, gefins skuluð þér láta í té. Takið ekki gull, silfur né eir í belti, eigi mal til ferðar né tvo kyrtla og hvorki skó né staf. Verður er verkamaðurinn fæðis síns. 

Kvöldlestur: Lúk 1.5-25

Sakaría sagði við engilinn: "Hvernig get ég vitað þetta? Ég er gamall og kona mín hnigin að aldri." <br/>
En engillinn svaraði honum: "Ég er Gabríel sem stend frammi fyrir Guði og Guð sendi mig til að tala við þig og flytja þér þessa gleðifregn. En nú verður þú mállaus og getur ekki talað til þess dags er þetta kemur fram vegna þess að þú trúðir ekki orðum mínum. En þau munu rætast á sínum tíma." 

Bæn dagsins

Guð, þú þekktir mig og minntist mín áður en vitund mín vaknaði. Í skírninni kallaðir þú mig með nafni. Gef að nafnið mitt mætti jafnan vera á lífsins bók, og gef að þú og allt gott fólk muni ávallt gleðjast yfir nafni mínu, yfir mér. Þú þekkir mig eins og ég er, og gleymir mér aldrei. Ég er þinn. þökk sé þér. Amen.

Sálmur (sb. 384)

Já, mundu' að hann á mátt og náð, 
þú maður efagjarn, 
sem aldrei bregst, þótt liggi leið 
þíns lífs um auðn og hjarn. 
Frá syndum frelsuð sál þín er, 
því sjálfur Kristur merkið ber 
hvert fótmál lífsins fyrir þér. 
Ó, fylg þú honum, barn. 
(Kristján Einarsson frá Djúpalæk)

Minnisvers vikunnar

03. júlí 2019

Morgunlestur: 1Kor 14.1-3, 20-25

Keppið eftir kærleikanum. Sækist eftir gáfum andans, en einkum eftir spádómsgáfu. Því að sá, sem talar tungum, talar ekki við menn, heldur við Guð. Enginn skilur hann, í anda talar hann leyndardóma. En spámaðurinn talar til manna, þeim til uppbyggingar, áminningar og huggunar.

Kvöldlestur: Post 20.7-12

Ungmenni eitt, Evtýkus að nafni, sat í glugganum. Seig á hann svefnhöfgi, er Páll ræddi svo lengi, og féll hann sofandi ofan af þriðja lofti. Hann var liðinn, þegar hann var tekinn upp. Páll gekk ofan, varpaði sér yfir hann, tók utan um hann og sagði: Verið stilltir, það er líf með honum. Fór hann síðan upp, braut brauðið og neytti og talaði enn lengi, allt fram í dögun. Að svo búnu hélt hann brott. En þeir fóru með sveininn lifandi og hugguðust mikillega.

Bæn dagsins

Við þökkum þér, Guð, fyrir dagleg störf. Lát okkur skilja að við vinnum ekki aðeins fyrir okkur sjálf, heldur allan heiminn , sem þú hefur skapað. Gef okkur gleði og kraft og færni í störfum okkar öllum.

Sálmur (sb. 113)

Hve sælt hvert hús, er sinna meðal gesta 
þér sífellt býður heim, ó, Jesús kær. 
Í húsi því er hátíð æ hin besta, 
er heimsókn þína dag hvern öðlast fær. 
(Helgi Hálfdánarson)

Minnisvers vikunnar

04. júlí 2019

Morgunlestur: Post 13.15-25

Guð hét því að senda Ísrael frelsara af kyni hans og það er Jesús. En áður en hann kom fram boðaði Jóhannes öllum Ísraelsmönnum að taka sinnaskiptum og láta skírast. Þegar Jóhannes var að enda skeið sitt sagði hann: Hvern hyggið þið mig vera? Ekki er ég hann. Annar kemur eftir mig og er ég eigi verður þess að leysa skóna af fótum honum. 

Kvöldlestur: 1Pét 1.8b-12

Þið hafið hann ekki nú fyrir augum ykkar en trúið samt á hann og fagnið með óumræðilegri og dýrlegri gleði þegar þið eruð að ná takmarki trúar ykkar, frelsun sálna ykkar. <br/>
Þessa frelsun könnuðu spámennirnir og rannsökuðu vandlega þegar þeir töluðu um þá náð sem ykkur mundi hlotnast. Þeir rannsökuðu til hvers eða hvílíks tíma andi Krists, sem í þeim bjó, benti þá er hann vitnaði fyrir fram um píslir Krists og dýrðina þar á eftir. 

Bæn dagsins

Það var svo gaman að vakna í sól. Birtan og raddirnar sem vöktu mig, var eins og lífsmark frá þér, bros til mín frá þér. Ég þakka þér, skapari minn, gjafari allra góðra hluta. Láttu þá þökk og gleði lýsa mér í dag. Líka þegar sólin hverfur bak við ský og raddir dagsins hljóðna. Og láttu mig bera einhverjum bros frá þér í dag, vísbendingu þess að þú ert til, góður Guð, sem elskar sköpun þína og alla menn. Amen.

Sálmur (sb. 113)

Hve sælt hvert hús, ef hjón þar saman búa 
í helgri trú og von og kærleik eitt 
og sífellt augum sálna til þín snúa, 
um samfylgd þína biðja þrátt og heitt. 
(Helgi Hálfdánarson)

Minnisvers vikunnar

05. júlí 2019

Morgunlestur: Jón 3.1-10

Orð Drottins kom öðru sinni til Jónasar:  „Legg þú af stað og far til Níníve, hinnar miklu borgar, og prédikaðu fyrir henni þann boðskap sem ég mun greina þér frá.“

Kvöldlestur: 1Jóh 3.13-18

Af því þekkjum við kærleikann að Jesús lét lífið fyrir okkur. Svo eigum við og að láta lífið hvert fyrir annað. Ef sá sem hefur heimsins gæði horfir á bróður sinn eða systur[ vera þurfandi og lýkur aftur hjarta sínu fyrir þeim, hvernig getur kærleikur til Guðs verið stöðugur í honum? Börnin mín, elskum ekki með tómum orðum heldur í verki og sannleika.

Bæn dagsins

Guð minn, gef mér orð, aðeins eitt orð, sem lifir og lífgar og gefur þrek að halda áfram í trú og trausti. Guð minn, gef mér orðið, sem bragð á tungu og hræring innra með mér. Gef mér að það ummyndi mig og snúi hag mínum til heilla mér og hjálpar öðrum mönnum. Gef mér það orð, það orð sem ert þú, Drottinn minn og Guð minn. (Karl Sigurbjörnsson)

Sálmur (sb. 113)

Hve sælt hvert hús, er ber á bænarörmum 

sín börn til þín í hjartans ást og trú

og felur þínum faðmi kærleiksvörmum 

þau fögur vorblóm, svo þeim hjúkrir þú. 

(Helgi Hálfdánarson)

Minnisvers vikunnar

06. júlí 2019

Morgunlestur: Jer 3.14-17

Ég mun fá yður hirða sem eru mér að skapi og þeir munu gæta yðar með skynsemi og hyggindum. Þegar yður fjölgar og þér verðið frjósamir í landinu, segir Drottinn, verður ekki lengur talað um sáttmálsörk Drottins. Hún mun ekki koma neinum í hug, enginn mun minnast hennar, enginn sakna hennar og engin önnur verður gerð.

Kvöldlestur: Opb 22.12-17

Sjá, ég kem skjótt og launin hef ég með mér til að gjalda hverjum og einum eins og verk hans er. Ég er Alfa og Ómega, hinn fyrsti og hinn síðasti, upphafið og endirinn. Sælir eru þeir sem þvo skikkjur sínar. Þeir fá aðgang að lífsins tré og mega ganga um hliðin inn í borgina.

Bæn dagsins

Á sama hátt og þú lætur vera að brjóta til mergjar orð ástvinar þíns, og tekur þau eins og þau eru sögð við þig, án fyrirvara, eins skaltu taka orð ritningarinnar og hugleiða þau í hjarta þínu eins og María gerði. Það er allt og sumt. Þetta er íhugun orðsins. (Bonhoeffer)

Sálmur (sb. 113)

Hve sælt hvert hús, er lætur unga læra 

þitt lífsins orð, sem næring sálar er, 

og kennir þeim þér hlýðnisfórn að færa

og fagur lof af ást að gjalda þér. 

(Helgi Hálfdánarson)

Minnisvers vikunnar

07. júlí 2019

Morgunlestur: Lúk 15.11-32

Þá reiddist eldri bróðirinn og vildi ekki fara inn. En faðir hans fór út og bað hann koma. En hann svaraði föður sínum: Nú er ég búinn að þjóna þér öll þessi ár og hef aldrei breytt út af boðum þínum og mér hefur þú aldrei gefið kiðling að ég gæti glatt mig með vinum mínum. En þegar hann kemur, þessi sonur þinn sem hefur sóað eigum þínum með skækjum, þá slátrar þú alikálfinum fyrir hann. Faðirinn sagði þá við hann: Barnið mitt, þú ert alltaf hjá mér og allt mitt er þitt. En nú varð að halda hátíð og fagna því að hann bróðir þinn, sem var dauður, er lifnaður aftur, hann var týndur og er fundinn.“

Kvöldlestur: Slm 145.8-13

Náðugur og miskunnsamur er Drottinn,
þolinmóður og mjög gæskuríkur.
Drottinn er öllum góður
og miskunn hans hvílir yfir allri sköpun hans.

Bæn dagsins

Drottinn Jesús Kristur, þú gleðst yfir því týnda sem þú finnur aftur. Við tökum þátt í gleði þinni, og þiggjum boðið til veislu þinnar, nú og hér og að eilífu. Amen.

Sálmur (sb. 181)

Heyr þú mínar hjartans bænir,
hjartakæri faðir minn.
Vonaraugum á þig mænir
aumur, týndur sonur þinn.

(Valdimar Briem)

Minnisvers vikunnar

08. júlí 2019

Morgunlestur: Matt 9.1-8

Þá sté Jesús í bát og hélt yfir um og kom til borgar sinnar. Þar færa menn honum lama mann sem lá í rekkju. Þegar Jesús sá trú þeirra sagði hann við lama manninn: „Vertu hughraustur, barnið mitt, syndir þínar eru fyrirgefnar.“

Kvöldlestur: Mrk 2.13-17

Aftur fór Jesús út og gekk með fram vatninu. Allur mannfjöldinn kom til hans og hann kenndi þeim. Og er hann gekk þar sá hann Leví Alfeusson sitja hjá tollbúðinni og Jesús segir við hann: „Fylg þú mér!“ Og hann stóð upp og fylgdi honum.

Bæn dagsins

Jesús, kom og ver hjá mér. (Georg Weissel)

Sálmur (sb. 181)

Ég hef villst af vegum þínum
vondan út á lasta stig,
gengið eftir girndum mínum,
Guð minn, sjaldan minnst á þig.

(Valdimar Briem)

Minnisvers vikunnar

09. júlí 2019

Morgunlestur: Dóm 10.6-16

Þá hrópuðu Ísraelsmenn til Drottins og sögðu: "Við höfum syndgað gegn þér því að við höfum yfirgefið Guð okkar og dýrkað Baala." En Drottinn sagði við Ísraelsmenn: "Hafa ekki Egyptar, Amorítar, Ammónítar, Filistear, Sídoningar, Amalekítar og Midíanítar kúgað ykkur? Þá hrópuðuð þið til mín og ég frelsaði ykkur úr höndum þeirra.

Kvöldlestur: 1Jóh 2.1-6

En hver sem varðveitir orð Guðs, hann elskar sannarlega Guð á fullkominn hátt. Þannig þekkjum við að við erum í honum. Þeim sem segist vera í honum ber sjálfum að breyta eins og Jesús Kristur breytti. 

Bæn dagsins

Drottinn, ég þakka þér að þú hefur í dag varðveitt mig, stutt og blessað. Vak yfir mér í nótt og vernda mig fyrir öllum háska. Og lát mig, þegar hinsta kvöld mitt kemur, sofna í þínum friði og vakna í eilífu ljósi hjá þér. Fyrir Jesú Krist, frelsara minn. Amen. (Sigurbjörn Einarsson)

Sálmur (sb. 181)

Nú vil eg þó aftur snúa,
elsku faðir, heim til þín.
Ó, að mætti’ eg aftur búa
ætíð hjá þér, lífgjöf mín.
(Valdimar Briem)

Minnisvers vikunnar

10. júlí 2019

Morgunlestur: Lúk 15.11-24

Enn sagði Jesús: "Maður nokkur átti tvo sonu. Sá yngri þeirra sagði við föður sinn: Faðir, lát mig fá þann hluta eignanna sem mér ber. Og faðirinn skipti með þeim eigum sínum. Fáum dögum síðar kom yngri sonurinn eigum sínum í verð og fór burt í fjarlægt land. Þar sóaði hann fé sínu í óhófsömum lifnaði.

Kvöldlestur: Lúk 15.25-32

En eldri sonur hans var á akri. Þegar hann kom og nálgaðist húsið heyrði hann hljóðfæraslátt og dans. Hann kallaði á einn piltanna og spurði hvað um væri að vera. Hann svaraði: Bróðir þinn er kominn og faðir þinn hefur slátrað alikálfinum af því að hann heimti hann heilan heim. 

Bæn dagsins

Eilífi Guð og faðir. Þú hefur skapað mig og annast mig frá móðurlífi, við hvert fótmál og andartak, í vöku og svefni, er hönd þín yfir mér, skapandi, hjálpsöm og góð. Lát líf mitt lofa þig. Fyrirgef allt sem ég brýt gegn þér. Ég fel mig miskunn þinni og bið þig að lýsa mér þegar ég vaki og varðveita mig er ég sef, svo að ég sé þinn á nóttu sem degi, í lífi og dauða. Fyrir Jesú Krist, Drottin minn og frelsara. Amen. (Sigurbjörn Einarsson)

Sálmur (sb. 181)

Ég að vísu veit, að eigi
verður framar þess ég er,
að sem barn ég búa megi,
besti faðir minn, hjá þér.
(Valdimar Briem)

Minnisvers vikunnar

11. júlí 2019

Morgunlestur: Lúk 19.1-10

En Sakkeus sneri sér til Drottins og sagði við hann: "Drottinn, helming eigna minna gef ég fátækum og hafi ég haft nokkuð af nokkrum gef ég honum ferfalt aftur." 
Jesús sagði þá við hann: "Í dag hefur hjálpræði hlotnast húsi þessu enda ert þú líka niðji Abrahams. Því að Mannssonurinn er kominn að leita að hinu týnda og frelsa það." 

Kvöldlestur: 2Mós 25.17-22

Þú skalt leggja lokið ofan á örkina og setja sáttmálstáknið, sem ég fæ þér, í örkina. Þarna mun ég mæta þér og ofan af lokinu milli beggja kerúbanna, sem eru yfir örkinni með sáttmálstákninu, mun ég tala við þig um allt sem ég býð þér að flytja Ísraelsmönnum. 

Bæn dagsins

Góði Guð, faðir minn. Þú hefur verndað mig og leitt á þessum degi. Ég þakka þér fyrir það. Hjálpa mér nú að hvílast í þér og treysta fyrirheitum þínum. Gef mér hvíld samviskunnar í fullvissunni um fyrirgefningu syndanna. Gef mér hvíld hugsananna í fullvissunni um það að hagur minn er ekki hulinn fyrir þér. Gef mér hvíld hjartans í fullvissu þess að ekkert megnar að skilja mig frá kærleika þínum í Kristi Jesú, Drottni mínum og frelsara. Í þeirri vissu fel ég mig og allt mitt þér í nafni hans. Amen. (Britt Hallquist)

Sálmur (sb. 181)

Faðir, faðir, Guð minn góður,
get ég aftur sæst við þig?
Ó, hve þú ert þolinmóður,
þú í sátt vilt taka mig.
(Valdimar Briem)

Minnisvers vikunnar

12. júlí 2019

Morgunlestur: Jón 3.10, 4.1-11

Þá sagði Drottinn: "Þú kennir í brjósti um rísínusrunnann sem þú hefur hvorki haft erfiði af né komið upp. Hann óx á einni nóttu og visnaði á einni nóttu. Ætti ég ekki að sjá aumur á Níníve, hinni miklu borg, þar sem meira en hundrað og tuttugu þúsundir manna búa, sem þekkja vart hægri höndina frá þeirri vinstri, og að auki fjöldi dýra?

Kvöldlestur: 2Mós 32.30-34

Farðu nú og leiddu fólkið þangað sem ég hef sagt þér. Engill minn mun ganga á undan þér. Þegar dagur reikningsskilanna kemur mun ég draga þá til ábyrgðar vegna synda þeirra." 

Bæn dagsins

Drottinn minn og Guð minn. Ég þakka þér að þú hefur leyft mér að lifa enn einn dag. Ég fel þér hann og allt mitt líf og hagi alla. Blessa það allt, Drottinn. Nú vil ég minnast fyrir augliti þínu allra sem þjást og allra sem líða. Ver huggun þeirra og styrkur, Drottinn. Lát þjáning þeirra ekki verða þeim um megn. Lít í náð til þeirra sem ég nefni nú frammi fyrir þér … Vak yfir þeim og varðveit þau frá öllu illu. (Karl Sigurbjörnsson)

Sálmur (sb. 181)

Þú mér kærleiks opnar arma
og mig kallar barnið þitt,
þerrar tárum þrungna hvarma,
þyngsta græðir bölið mitt.
(Valdimar Briem)

Minnisvers vikunnar

13. júlí 2019

Morgunlestur: Jóh 6.37-40

Allt sem faðirinn gefur mér mun koma til mín og þann sem til mín kemur mun ég alls eigi brott reka. Ég er stiginn niður af himni, ekki til að gera vilja minn heldur vilja þess er sendi mig. En sá er vilji þess sem sendi mig að ég glati engu af öllu því sem hann hefur gefið mér heldur reisi það upp á efsta degi.

Kvöldlestur: Jes 43.22-28

Ég afmái afbrot þín
sjálfs mín vegna, ég einn,
og minnist ekki synda þinna.
Stefndu mér, við skulum eigast lög við,
verðu þig svo að þú getir réttlætt þig.

Bæn dagsins

Drottinn minn og Guð minn. Ég þakka þér að þú hefur leitt mig til loka þessarar viku. Ég þakka þér allt sem þú hefur gefið mér til blessunar, já og allt sem ég hef þegið úr hendi þinni. Gef mér nú hvíld næturinnar, og hvíldardag að morgni. Hjálpa mér að minnast þín á þínum degi. Blessa kirkju þína og alla kristna menn. Blessa guðsþjónustur helgidagsins, orðið sem boðað er, bænirnar sem berast í hæðir til þín. Blessa ... Gef að ég fái um síðir að fagna ásamt með öllum þeim sem þú hefur endurleyst í hinni eilífu hvíld og gleði eilífðardagsins, sem þú hefur heitið börnum þínum. Fyrir Jesú Krist, frelsara minn og Drottin. Amen.

Sálmur (sb. 181)

Heyrðar eru hjartans bænir,
hjartakæri faðir minn.
Trúaraugum á þig mænir
endurfundinn sonur þinn.
(Valdimar Briem)

Minnisvers vikunnar

14. júlí 2019

Morgunlestur: Lúk 6.36-42

Þá sagði Jesús þeim og líkingu: "Hvort fær blindur leitt blindan? Munu ekki báðir falla í gryfju? Ekki er lærisveinn meistaranum fremri en hver sem er fullnuma verður eins og meistari hans. Hví sérð þú flísina í auga bróður þíns en tekur ekki eftir bjálkanum í auga þínu? Hvernig færð þú sagt við bróður þinn: Bróðir, lát mig draga flísina úr auga þér, en sérð ekki bjálkann í þínu auga? Hræsnari, drag fyrst bjálkann úr auga þér og þá sérðu glöggt til að draga flísina úr auga bróður þíns.

Kvöldlestur: 1Mós 50.15-21

Þá komu bræður hans sjálfir og féllu fram fyrir honum og sögðu: "Við erum þrælar þínir." En Jósef sagði við þá: "Óttist ekki því að ekki kem ég í Guðs stað. Þið ætluðuð að gera mér illt en Guð sneri því til góðs. Hann vildi gera það sem nú er orðið og þannig varðveita líf margra manna. Verið því óhræddir, ég skal annast ykkur og börn ykkar." Síðan hughreysti hann þá og talaði vingjarnlega til þeirra.

Bæn dagsins

Miskunnsami Guð, hvert ættum við að leita ef skilningur og fyrirgefning væru ekki til, heldur aðeins kuldi og harka og afskiptaleysi? Gefðu okkur hlutdeild í hjartagæsku þinni. Láttu okkur finna miskunnsemi, og lifa í henni og iðka hana, eins og þú sýndir okkur í Jesú Kristi. Amen.

Sálmur (sb. 711)

Drottinn, Guðs sonur, sem duftið mitt bar, 
dó til að lífga mitt fölskvaða skar, 
reis upp af gröf, svo að gæti hann mér 
gefið sitt eilífa ríki með sér. 
(Sigurbjörn Einarsson)

Minnisvers vikunnar

15. júlí 2019

Morgunlestur: Jak 1.17-21

Sérhver góð gjöf og sérhver fullkomin gáfa er ofan að, frá föður ljósanna. Hjá honum er engin umbreyting né flöktandi skuggar. Hann er ávallt hinn sami. Hann ákvað að láta orð sannleikans vekja okkur til lífs til þess að við skyldum vera frumgróði sköpunar hans. 

Kvöldlestur: Post 16.23-34

Þegar þeir höfðu lostið þá mörg högg vörpuðu þeir þeim í fangelsi og buðu fangaverðinum að gæta þeirra vandlega. Þegar hann hafði fengið slíka skipun varpaði hann þeim í innsta fangelsið og felldi stokk á fætur þeim. 
Um miðnætti báðust þeir Páll og Sílas fyrir og lofsungu Guði en bandingjarnir hlustuðu á þá. Þá varð skyndilega landskjálfti mikill svo að grunnur fangelsisins riðaði. Jafnskjótt opnuðust allar dyr og fjötrarnir féllu af öllum.

Bæn dagsins

Guð, gef mér hlutverk að vinna uns lífi mínu lýkur og líf uns hlutverki mínu er lokið.

Sálmur (sb. 45)

Þú, Jesús, ert sannleikur, lát oss fá lært 
ei lyginnar röddum að hlýða, 
en veit, að oss öllum sé indælt og kært 
af alhug þitt sannleiksorð blíða. 
(Sb. 1886 - Helgi Hálfdánarson)

Minnisvers vikunnar

16. júlí 2019

Morgunlestur: 2Kor 2.5-11

Því ættuð þið nú öllu heldur að fyrirgefa honum og uppörva hann til þess að hann sökkvi ekki niður í allt of mikla hryggð. Þess vegna bið ég ykkur að sýna honum kærleika í reynd.

Kvöldlestur: Jak 1.19-27

Vitið þetta, elskuð systkin. Hver maður skal vera fljótur til að heyra, seinn til að tala, seinn til reiði. Því að reiði manns ávinnur ekki það sem rétt er í augum Guðs. Leggið því af hvers konar saurugleik og alla vonsku og takið með hógværð á móti hinu gróðursetta orði er frelsað getur sálir ykkar. 

Bæn dagsins

Drottinn, ég er oft svo veikur að trúa. Lærisveinar þínir voru líka efagjarnir og áttu erfitt með að trúa á ósýnilega návist þína. Þótt ég sjái þig ekki, þá ertu hjá mér. Hjálpa mér að efast ekki um það. Amen.

Sálmur (sb. 711)

Þú hefur játast mér eins og ég er, 
augað þitt heilaga þekkir og sér 
hjarta mitt, vafið í villu og tál, 
vilja minn blindan og flekkaða sál. 
(Sigurbjörn Einarsson)

Minnisvers vikunnar

17. júlí 2019

Morgunlestur: Jak 3.13-18

En sú speki sem að ofan er, hún er í fyrsta lagi hrein, því næst friðsöm, ljúfleg, sáttgjörn, full miskunnar og góðra ávaxta, óhlutdræg, hræsnislaus. En friðflytjendur uppskera réttlæti og frið. 

Kvöldlestur: 1Pét 3.8-17

Sá sem vill elska lífið  
og sjá góða daga 
haldi tungu sinni frá vondu 
og vörum sínum frá svikatali. 
Hann sneiði hjá illu og geri gott, 
ástundi frið og keppi eftir honum. 

Bæn dagsins

Góði Guð, ég hef svo mikið að gera, að ég kemst ekki yfir það. Kenn mér að greina á milli þess sem máli skiptir og hins sem ekki er mikilvægt. Gef mér þann sálarstyrk sem ég þarfnast til að sinna verkum mínum. Þá verður sérhver stund blessuð.

Sálmur (sb. 711)

Samt viltu eiga mig, allsvana barn, 
eigrandi skugga um vegalaust hjarn, 
sekt minni gleyma, þótt særði ég þig, 
sýkna og lækna og umskapa mig. 
(Sigurbjörn Einarsson)

Minnisvers vikunnar

18. júlí 2019

Morgunlestur: 1Kor 14.26-30

Hvernig er það þá, kæri söfnuður? Þegar þið komið saman þá hefur hver sitt fram að færa: sálm, kenningu, opinberun, tungutal, útlistun. Allt skal miða til uppbyggingar. 

Kvöldlestur: Róm 12.17-2

Gjaldið engum illt fyrir illt. Stundið það sem fagurt er fyrir sjónum allra manna. Hafið frið við alla menn að því leyti sem það er unnt og á ykkar valdi.

Bæn dagsins

Ég veit, Drottinn, að örlög mannsins eru ekki á hans valdi né það á færi manns að stýra skrefum sínum. En allir vegir þínir eru elska og trúfesti. því vil ég fela þér vegu mína og treysta þér. Þú munt vel fyrir sjá. Sála mín heldur sér fast við þig og hönd þín styður mig. Gjör mig fúsan að fylgja þér. Kenn mér að gjöra vilja þinn, því að þú ert minn Guð. Þinn góði andi leiði mig. Amen.

Sálmur (sb. 711)

Trúin mín sér þig og sólin mér skín, 
sála mín fagnar og brosir til þín, 
vaknar sem blómið, þá veturinn fer, 
vegsamar lífið, sem kemur með þér. 
(Sigurbjörn Einarsson)

Minnisvers vikunnar

19. júlí 2019

Morgunlestur: Róm 15.1-7

Skylt er okkur, hinum styrku, að bera veikleikann með hinum óstyrku og hugsa ekki aðeins um sjálf okkur. Sérhvert okkar hugsi um náunga sinn, það sem honum er til góðs og til uppbyggingar. Kristur hugsaði ekki um sjálfan sig heldur eins og ritað er: "Lastyrði þeirra sem löstuðu þig lentu á mér." 

Kvöldlestur: Post 7.54-59

Þegar ráðsherrarnir heyrðu þetta trylltust þeir og gnístu tönnum gegn Stefáni. En hann horfði til himins, fullur af heilögum anda og leit dýrð Guðs og Jesú standa til hægri handar Guði og sagði: "Ég sé himnana opna og Mannssoninn standa til hægri handar Guði."
 

Bæn dagsins

Góði Guð, þú hefur sett manninn til að vera samverkamann og ráðsmann þinn hér á jörð. Glæð með oss lotningu fyrir lífinu. Lát oss ekki gefast upp andspænis vaxandi mengun og umhverfisspjöllum heldur leita leiða til að vernda og hlúa að því sem lifir, andar, grær. Hjálpa oss að gefa gaum að liljum vallarins og fuglum himinsins og styrk oss í trú á forsjón þína og fúsleik að fylgja þér í Jesú nafni. Amen.

Sálmur (sb. 711)

Frelsari heimsins, mitt hjarta er þitt, 
hugsun mín, vilji og allt, sem er mitt, 
lofi og kunngjöri kærleika þinn, 
konungur, bróðir og lífgjafi minn. 
(Sigurbjörn Einarsson)

Minnisvers vikunnar

20. júlí 2019

Morgunlestur: Jes 30.18-22

Já, þú þjóð á Síon,  
sem býrð í Jerúsalem,  
þú skalt ekki gráta lengur.  
Hann verður þér náðugur.  
Þegar þú hrópar á hjálp 
mun hann bænheyra þig. 

Kvöldlestur: Opb 22.1-5

Og hann sýndi mér móðu lífsvatnsins, skæra sem kristall. Hún rann frá hásæti Guðs og lambsins eftir miðju stræti borgarinnar. Beggja vegna móðunnar var lífsins tré sem ber tólf sinnum ávöxt. Í hverjum mánuði ber það ávöxt sinn. Blöð trésins eru til lækningar þjóðunum. Engin bölvun mun framar til vera. Og hásæti Guðs og lambsins mun vera í borginni og þjónar hans munu þjóna honum. 

Bæn dagsins

Góði Guð, lát oss ekki vísa hugsunarlaust á bug því sem vér skiljum ekki. Gef oss kjark til að mæta því sem er nýtt, þolinmæði að leitast við að skilja það sem er framandi og visku til að taka á móti og þiggja hið góða, sem er að finna þar sem síst er að vænta. Hjálpa oss að virða allan góðan vilja og viðleitni. Og ef vér vísum á bug skoðunum einhvers, forða oss þá frá því að hafna honum sjálfum. Amen.

Sálmur (sb. 356)

Þú, Guð, sem veist og gefur allt,  
mitt geð er hvikult, blint og valt 
og hugur snauður hjartað kalt - 
þó vil ég vera þinn. 
Og þú ert ríkur, þitt er allt, 
og þú ert faðir minn. 
(Sigurbjörn Einarsson)

Minnisvers vikunnar

21. júlí 2019

Morgunlestur: Matt 16.13-26

Hann spyr: "En þið, hvern segið þið mig vera?" 
Símon Pétur svarar: "Þú ert Kristur, sonur hins lifanda Guðs." 

Kvöldlestur: 1Mós 12.1-4a

Drottinn sagði við Abram: "Far þú burt úr landi þínu, frá ættfólki þínu og úr húsi föður þíns til landsins sem ég mun vísa þér á. Ég mun gera þig að mikilli þjóð og blessa þig og gera nafn þitt mikið. Blessun skalt þú vera.

Bæn dagsins

Eilífi Guð, þú sem kallar í þína þjónustu karla og konur og framkvæmir með þeim verk þitt á jörðu. Við biðjum þig: Opna þú eyru okkar og hjörtu, að við heyrum þegar þú kallar og fylgjum honum sem þú sendir, Jesú Kristi, sem er bróðir okkar og Drottinn, og lifir og ríkir með þér og heilögum Anda frá eilífð til eilífðar.

Sálmur (sb. 289)

Mig Kristur kallað hefur 
í kirkju sína inn 
og þar allt það mér gefur, 
sem þarfnast andi minn. 
Þá blessun þar hann býður mér, 
sem æðri er og betri 
en allt, sem heimur lér. 
(Helgi Hálfdánarson)

Minnisvers vikunnar

22. júlí 2019

Morgunlestur: Lúk 14.25-33

Þannig getur enginn yðar verið lærisveinn minn nema hann segi skilið við allt sem hann á. <br/>
Saltið er gott en ef saltið sjálft dofnar með hverju á þá að krydda það? Hvorki er það hæft á tún né taðhaug. Því er fleygt. Hver sem eyru hefur að heyra, hann heyri." 

Kvöldlestur: Esk 2.3-8a

Ég sendi þig til barna sem eru hörð á svip og hafa forhert hjarta. Þú skalt segja við þau: Svo segir Drottinn Guð. Hvort sem þeir hlusta eða neita að hlusta, því að þeir eru þverúðugt fólk, skulu þeir játa að spámaður hefur verið á meðal þeirra. En þú, mannssonur, skalt ekki óttast þá né hræðast orð þeirra þó að þyrnar umlyki þig og þú sitjir á sporðdrekum. Þú skalt ekki óttast orð þeirra og ekki hræðast fyrir augliti þeirra því að þeir eru þverúðugir. Þú skalt flytja þeim orð mín hvort sem þeir hlusta á þau eða gefa þeim engan gaum því að þeir eru þverúðugir.

Bæn dagsins

Sál mín er sem svefndrukkin maður, sem vill beita öllum kröftum til að rísa á fætur, en liggur þó kyrr. Gríp mig, Drottinn, hristu mig, vek mig úr doðanum. Áreynsla mín dugar ekki, ég sekk strax aftur í dvalann. Ég þrái að verða frjáls, en þrá mín leysir mig ekki. Vinn verk þitt í mér. Vek mig á þann hátt sem þú vilt, aðeins að ég vakni til þín. Flýt þér áður en ég sofna svefni dauðans. Reis mig á fætur, Drottinn, lát mig verða vakandi mann.

Sálmur (sb. 289)

Hann baðið lét hið besta 
mér búið standa þar, 
að blessun skyldi' ei bresta, 
er barn ég lítið var. 
Þar opnuð var sú erfðaskrá, 
er himnasæld mér heitir, 
ef hann ég trúi á. 
(Helgi Hálfdánarson)

Minnisvers vikunnar

23. júlí 2019

Morgunlestur: Lúk 9.51-56

En Jesús sneri sér við og ávítaði þá [og sagði: "Ekki vitið þið hvaða andi býr í ykkur. Mannssonurinn er ekki kominn til að tortíma mannslífum heldur til að frelsa."] Og þeir fóru í annað þorp. 

Kvöldlestur: 2Þess 3.1-5

En trúr er Drottinn og hann mun styrkja ykkur og vernda fyrir hinum vonda. En ég ber það traust til ykkar vegna Drottins að þið bæði gerið og munið gera það sem ég legg fyrir ykkur. 
En Drottinn leiði hjörtu ykkar til kærleika Guðs og þolgæðis Krists.

Bæn dagsins

Ég veit ekki hvert þú ert að leiða mig. Ég veit ekki einu sinni hvað næsta klukkuslag færir mér, næsti dagur, komandi vika. Er ég leitast við að hafa opnar hendur treysti ég þér að þú takir í hönd mína og leiðir mig heim. Þökk sér þér fyrir kærleika þinn. Amen. (Nouwen)

Sálmur (sb. 289)

Þar saðning sálu minni 
og svölun veitir hann 
með sælli máltíð sinni, 
að synda hverfi bann. 
Að brjósti hans ég hallast þar, 
er harða þolað hefur 
þá hegning sem mér bar. 
(Helgi Hálfdánarson)

Minnisvers vikunnar

24. júlí 2019

Morgunlestur: 2Kor 8.10-15

Ljúkið nú við það og sýnið viljann í verki og gefið það sem efnin leyfa. Því að ef viljinn er góður þá er hver metinn eftir því sem hann á og ekki eftir því sem hann á ekki til. Ekki svo að þrengt sé að ykkur til þess að aðrir hafi það gott heldur er það til þess að jöfnuður verði. Nú sem stendur bætir gnægð ykkar úr skorti hinna til þess að einnig gnægð hinna geti bætt úr skorti ykkar og þannig verði jöfnuður

Kvöldlestur: Róm 13.8-10

Skuldið ekki neinum neitt nema það eitt að elska hvert annað því að sá sem elskar náunga sinn hefur uppfyllt lögmálið. 

Bæn dagsins

Ráð þú, Drottinn, í öllu, sem vér áformum, óskum og gjörum, svo að allt verði það í þér hafið, framið og fullnað og vér sakir miskunnar þinnar lifum þér til dýrðar og öðlumst af náð þinni eilíft líf. Fyrir Jesú Krist, Drottin vorn. Amen.

Sálmur (sb. 289)

Hann lætur mér þar lýsa 
það ljósið bjart, er má 
hinn besta veg mér vísa, 
svo voða sneiði' eg hjá. 
Það ljósið blítt hans orðið er, 
sem huggar best í hörmum  
og hnoss er dýrast mér.  
(Helgi Hálfdánarson)

Minnisvers vikunnar

25. júlí 2019

Morgunlestur: 1Kon 19.19-21

Elísa yfirgaf nautin þegar í stað, hljóp á eftir Elía og sagði: "Leyfðu mér fyrst að minnast við föður minn og móður. Síðan kem ég og fylgi þér." Elía svaraði: "Farðu heim en mundu hvað ég hef gert þér." 

Kvöldlestur: Gal 1.11-24

En þegar Guði, sem hafði útvalið mig frá móðurlífi og af náð sinni kallað, þóknaðist að opinbera mér son sinn til þess að ég boðaði heiðingjunum fagnaðarerindið um hann, þá ráðgaðist ég ekki við neinn mann. Ekki fór ég heldur upp til Jerúsalem til þeirra sem voru postular á undan mér, heldur fór ég jafnskjótt til Arabíu og sneri svo aftur til Damaskus. 

Bæn dagsins

Guð, ég er svo þakklátur fyrir að þú hefur gefið okkur kirkju þína. þar talar þú til mín. þar gefur þú mér fyrirgefningu syndanna, hvíld og frið. það er mér auðveldara að biðja, þakka og lofsyngja. Í altarisgöngunni gefur sonur þinn sig mér. þar á ég samfélag við hann og þá sem nú eru með mér að lífsveginum, og þá sem löngu eru horfnir af heimi. þar er mér lyft upp úr þrengingum tilveru minnar inn í eilíft samhengi lífsins eilífa. þetta allt þakka ég þér heilu hjarta, Guð minn.

Sálmur (sb. 289)

Ó, þökk sé þér, minn Herra,  
er þína náð við mig 
lést aldrei, aldrei þverra 
um ævi minnar stig. 
Ó, lát mig henni halda fast 
og þér, minn ástvin æðsti, 
um eilífð sameinast.  
(Helgi Hálfdánarson)

Minnisvers vikunnar

26. júlí 2019

Morgunlestur: Lúk 9.18-26

Eitt sinn er Jesús var einn á bæn og lærisveinarnir hjá honum spurði hann þá: "Hvern segir fólkið mig vera?"
Þeir svöruðu: "Jóhannes skírara, aðrir Elía og aðrir að einn hinna fornu spámanna sé risinn upp." 
Og Jesús sagði við þá: "En þið, hvern segið þið mig vera?"
Pétur svaraði: "Krist Guðs."

Kvöldlestur: Jóh 1.35-42

Daginn eftir var Jóhannes þar aftur staddur og tveir lærisveinar hans. Hann sér Jesú á gangi og segir: "Sjá, Guðs lamb." Lærisveinar hans tveir heyrðu orð hans og fóru á eftir Jesú. 
Jesús sneri sér við, sá þá koma á eftir sér og sagði við þá: "Hvers leitið þið?"
Þeir svara: "Rabbí, hvar dvelst þú?" en Rabbí þýðir meistari. 

Bæn dagsins

Drottinn, styrk oss til að þjóna þér, oss sem höfum tekið við heilögum leyndardómi sakramentisins. Drottinn, lát þær hlustir sem heyrðu lofsöng þinn ávallt bergmála hann. Lát þær tungur, sem sungu "Heilagur, heilagur" aldrei mæla svik. Lát þau augu sem litu kærleika þinn ætíð ljóma af honum. Lát þá fætur, sem gengið hafa um forgarða þína aldrei víkja af ljóssins vegi.

Sálmur (sb. 444)

Lofgjörð, já, lof ég segi, 
lifandi Drottinn, þér 
á helgum hvíldardegi, 
hver enn nú birtist mér. 
Þín hjartagæskan hreina 
hlífði mér vel í nótt 
frá ógnum allra meina, 
angist, voða og sótt. 
(Hallgrímur Pétursson)

Minnisvers vikunnar

27. júlí 2019

Morgunlestur: Matt 19.27-30

Og hver sem hefur yfirgefið heimili, bræður eða systur, föður eða móður, börn eða akra sakir nafns míns, mun fá allt hundraðfalt aftur og öðlast eilíft líf. En margir hinir fyrstu verða síðastir og hinir síðustu fyrstir." 

Kvöldlestur: Matt 13.47-52

Enn er himnaríki líkt neti sem lagt er í sjó og safnar alls kyns fiski. Þegar það er fullt draga menn það á land, setjast við og safna þeim góðu í ker en kasta þeim óætu burt. Svo mun verða þegar veröld endar: Englarnir munu koma, skilja vonda menn frá réttlátum og kasta þeim í eldsofninn. Þar verður grátur og gnístran tanna. 

Bæn dagsins

Drottinn, vér biðjum fyrir kirkju þinni. Lífga hana og endurnýja með heilögum anda þínum. Gjör hana djúpa og tæra í boðuninni, auðmjúka og djarfa, staðfasta og sveigjanlega, baráttuglaða og friðflytjandi. Gjör hana virka í kærleika, vakandi fyrir neyð fólksins og úrræðagóða , fúsa og viðbragðsfljóta til hjálpar.

Sálmur (sb. 444)

Umliðna viku alla 
áhyggju fyrir mér barst, 
svo máttu' ei mein til falla, 
mildur og góður varst. 
Ei hefndir illsku minnar, 
oft þó ég styggði þig, 
naut ég því náðar þinnar, 
nákvæm var hún við mig.
(Hallgrímur Pétursson)

Minnisvers vikunnar

28. júlí 2019

Morgunlestur: Matt 5.17-19

Ætlið ekki að ég sé kominn til að afnema lögmálið eða spámennina. Ég kom ekki til að afnema heldur uppfylla. Sannlega segi ég yður: Þar til himinn og jörð líða undir lok mun ekki einn smástafur eða stafkrókur falla úr lögmálinu uns allt er komið fram.

Kvöldlestur: Esk 36.25-28

Ég mun gefa ykkur nýtt hjarta og leggja ykkur nýjan anda í brjóst. Ég mun taka steinhjartað úr líkama ykkar og gefa ykkur hjarta af holdi. Ég mun leggja ykkur anda minn í brjóst svo að þið farið að boðum mínum og haldið reglur mínar og framfylgið þeim.

Bæn dagsins

Trúfasti Guð, þú sem í heilagri skírn gjörðir okkur að þínum börnum, og kallaðir okkur með nafni til að vera þín eign. Leyfðu okkur að ganga í gleði og trúfesti vegu lífsins, og að reyna að ekkert getur gjört okkur viðskila við kærleika þinn, sem þú gafst okkur í Jesú Kristi, þínum kæra syni og bróður okkar. Amen.

Sálmur (sb. 255)

Ég grundvöll á, sem get ég treyst, 
því Guð minn lagt hann hefur 
af elsku' og náð, sem ei fær breyst 
og óverðskuldað gefur. 
Að boði hans ég borinn var 
að bjartri laug og skírður þar 
af orði hans og anda. 
(Bjarni Eyjólfsson)

Minnisvers vikunnar

29. júlí 2019

Morgunlestur: 1Mós 7.1-5, 10,12, 21-22, 8.1-3, 6-11, 20

Drottinn sagði við Nóa: "Gakktu inn í örkina og allt þitt fólk því að í mínum augum ert þú eini réttláti maðurinn af þessari kynslóð. Taktu til þín sjö og sjö, karldýr og kvendýr, af öllum hreinum dýrum en tvö og tvö af þeim sem ekki eru hrein, karldýr og kvendýr, og einnig sjö og sjö, karlkyns og kvenkyns, af fuglum himins til þess að viðhalda lífsstofni á allri jörðinni.

Kvöldlestur: 5Mós 7.6-12

Vita skaltu: Drottinn, Guð þinn, hann einn er Guð, hinn trúfasti Guð sem heldur sáttmálann og veitir þeim heill í þúsund ættliði sem elska hann og halda boðorð hans.

Bæn dagsins

Drottinn, ég get séð sól þína speglast í forarpolli, forina glitra í ljósi sólar. þetta er huggun mín. Í lífi mínu er svo margt óhreint og gruggugt. Fullvissa mig í aflausninni að þú fyrirgefir alla synd og óhreinleika. Frelsari minn, lát mig fá að veita ást þinni viðtöku í kvöldmáltíðinni, já, gjör mér ljóst hve hjálpræði mitt kostaði þig. Faðir, lát helgan anda þinn verka í mér svo að einhver geti vegsamað þig mín vegna, í Jesú nafni. Amen.

Sálmur (sb. 255)

Á höfuð mitt og hjarta var 
hans helgi kross þá ristur 
sem augljóst tákn þess, að mig þar 
til eignar tæki Kristur, 
því keypt hann hefði' á krossi mig 
og knýtt með þeirri fórn við sig 
og nú á ný mig fæddi. 
(Bjarni Eyjólfsson)

Minnisvers vikunnar

30. júlí 2019

Morgunlestur: 2Mós 14.9, 15-18, 21-23, 26-29, 31

Drottinn sagði við Móse: „Hvers vegna hrópar þú til mín? Segðu Ísraelsmönnum að halda af stað. En þú skalt reiða upp staf þinn og rétta hönd þína út yfir hafið og kljúfa það svo að Ísraelsmenn geti gengið á þurru í gegnum hafið. 

Kvöldlestur: Post 10.34-48a

Þá tók Pétur til máls og sagði: "Sannlega skil ég nú að Guð fer ekki í manngreinarálit. Hann tekur opnum örmum hverjum þeim sem óttast hann og ástundar réttlæti, hverrar þjóðar sem er.

Bæn dagsins

Hve hár ert þú í upphæðum, hve djúpur í djúpunum! Og aldrei snýr þú þér frá oss, og þó er oss tregt að snúa til þín. Kom þú, Drottinn, vinn þitt verk, vek oss og kalla oss aftur, tendra og hríf, fyll oss glóð þinni og gleði! Lát oss elska, hverfa án dvalar til þín.

Sálmur (sb. 255)

Hve gott að eiga grundvöll þann, 
þá guðlaus vantrú hræðir, 
að sjálfur Drottinn verkið vann, 
sem veikan endurfæðir. 
Ég, allslaust barn, gat ekki neitt, 
en eilíft líf af náð var veitt, 
mitt nafn í lífsbók letrað. 
(Bjarni Eyjólfsson)

Minnisvers vikunnar

31. júlí 2019

Morgunlestur: Post 8.26-39

Filippus tók þá til orða, hóf máls á ritningu þessari og boðaði honum fagnaðarerindið um Jesú. Þegar þeir fóru áfram veginn komu þeir að vatni nokkru. Þá mælti hirðmaðurinn: "Hér er vatn, hvað hamlar mér að skírast?" [Filippus sagði: "Ef þú trúir af öllu hjarta er það heimilt." Hirðmaðurinn svaraði honum: "Ég trúi að Jesús Kristur sé sonur Guðs."] Hann lét stöðva vagninn og stigu báðir niður í vatnið, Filippus og hirðmaðurinn, og Filippus skírði hann. En er þeir stigu upp úr vatninu hreif andi Drottins Filippus burt. Hirðmaðurinn sá hann ekki framar og fór fagnandi leiðar sinnar.

Kvöldlestur: Gal 3.26-29

Með því að trúa á Krist Jesú eruð þið öll Guðs börn. Þið öll, sem eruð skírð til samfélags við Krist, hafið íklæðst Kristi. Hér er hvorki Gyðingur né annarrar þjóðar maður, þræll né frjáls maður, karl né kona. Þið eruð öll eitt í Kristi Jesú.

Bæn dagsins

Lát mig minnast, góði Guð, að ekkert fær skilið mig frá kærleika þínum. Þú sem ert skapari minn og frelsari heldur heimi öllum í hendi þér.

Sálmur (sb. 183)

Kom þú ei með heift í huga  
helgidómi Guðs þíns nær, 
ef þú kannt ei yfirbuga 
alla reiði, stattu fjær, 
Guðs á vegi ertu eigi, 
auglit hans þú séð ei fær. 
(Valdimar Briem)

Minnisvers vikunnar

01. ágúst 2019

Morgunlestur: 1Pét 2.2-10

En þið eruð "útvalin kynslóð, konunglegur prestdómur, heilög þjóð, eignarlýður, til þess að þið skuluð víðfrægja dáðir hans," sem kallaði ykkur frá myrkrinu til síns undursamlega ljóss. Þið sem áður voruð ekki lýður eruð nú orðin "Guðs lýður". Þið sem "ekki nutuð miskunnar" hafið nú "miskunn hlotið". 

Kvöldlestur: Mrk 16.14-18

En þessi tákn munu fylgja þeim er trúa: Í mínu nafni munu þeir reka út illa anda, tala nýjum tungum, taka upp höggorma og þó að þeir drekki eitthvað banvænt mun þeim ekki verða meint af. Yfir sjúka munu þeir leggja hendur og þeir verða heilir." 

Bæn dagsins

Ég þakka þér, Guð minn, að ég er skírður. þú kallaðir mig og útvaldir mig áður en ég gat sjálfur hugsað, skilið, ályktað. Nú er ég barn þitt. Ég er þinn. Hjálpa mér að lifa samkvæmt því. Gjör mig staðfastan í bæninni og trúan orði þínu, svo að ég læri að þekkja þig betur. Í öllum umbreytingum lífsins við ég halda fast við þetta eina örugga og vissa: Ég er skírður í Jesú nafni. Amen.

Sálmur (sb. 183)

Ef þú nokkurn óvin hefur, 
áður far og sæst við hann, 
áður en þú Guði gefur, 
gjör þú rétt við náungann. 
Mildur vertu, sáttgjarn sértu, 
síðan minnst við frelsarann.  
(Valdimar Briem)

Minnisvers vikunnar

02. ágúst 2019

Morgunlestur: Kól 2.6-10, 12-13

Þið hafið tekið á móti Kristi, Drottni Jesú. Lifið því í honum. Verið rótfest í honum og byggð á honum, staðföst í trúnni, eins og ykkur hefur verið kennt, og auðug að þakklátsemi. 
Gætið þess að láta engan hertaka ykkur með marklausu, villandi spekitali sem byggist á mannasetningum og er komið frá heimsvættunum en ekki frá Kristi.

Kvöldlestur: 1Pét 3.18-22

Þetta er fyrirmyndan skírnarinnar sem nú frelsar ykkur. Hún er ekki hreinsun óhreininda á líkamanum heldur bæn til Guðs um góða samvisku fyrir upprisu Jesú Krists sem steig upp til himna, situr Guði á hægri hönd, og englar, völd og kraftar eru undir hann lagðir. 

Bæn dagsins

Drottinn dýrðarinnar, Jesús Kristur. Ég hef verið á fótskör hásætis þíns, af því að þú steigst niður til þess að nálgast mig í duftinu og lækna meinin mín, hreinsa hjarta mitt, svala sálu minni. Ég lofa þig, allt, sem í mér er, skal lofa þitt heilaga nafn. Hjálpa mér, að ég sleppi þér ekki, vertu hjá mér og blessaðu mig. Lát mig hungra og þyrsta eftir réttlæti þínu, tigna þig og tilbiðja með allri breytni minni, svo að líkami minn og sál vegsami þig fyrir mönnum og englum, á jörðu og himni, um tíma og eilífð. Amen.

Sálmur (sb. 183)

Meðan enn þú ert á vegi 
öðrum með, þú sæst við þá. 
Húmið nálgast, hallar degi, 
hjörðin skilja bráðum á. 
Styttist leiðin, renni reiðin 
röðli með í djúpan sjá.  
(Valdimar Briem)

Minnisvers vikunnar

03. ágúst 2019

Morgunlestur: Opb 3.1-6

Minnst þú þess sem þú hefur numið og heyrt og varðveit það og bæt ráð þitt. Ef þú vakir ekki mun ég koma eins og þjófur og þú munt alls ekki vita á hverri stundu ég kem yfir þig.

Kvöldlestur: Tít 3.3-7

En er gæska Guðs, frelsara vors, birtist og elska hans til mannanna, þá frelsaði hann okkur, ekki vegna réttlætisverkanna, sem við höfðum unnið, heldur frelsaði hann okkur af miskunn sinni. Það gerði hann í þeirri laug endurfæðingar og endurnýjunar heilags anda sem hann lét ríkulega yfir okkur streyma sakir Jesú Krists, frelsara vors. Þannig erum við réttlætt fyrir náð hans og urðum í voninni erfingjar eilífs lífs. 

Bæn dagsins

Drottinn minn, ég er ekki verður, að þú gangir undir þak mitt. Samt þarfnast ég þín og þrái hjálp þína og náð. því kem ég borði þínu, af því að þú hefur boðið mér. Ég er ekki verður, en þú hefur fullvissað mig um, að ég fái fyrirgefningu allra synda, er ég neyti líkama þíns og blóðs, sem þú gefur mér í sakramentinu. Ég treysti orði þínu, Drottinn, því að það er sannleikur. Amen. Verði mér eftir orði þínu. Amen.

Sálmur (sb. 183)

Jesú, vininn vorn hinn besta, 
vera hjá oss biðjum enn, 
ást og tryggð og trúnað festa 
tökum þegar allir senn. 
Sáttir þreyjum, sáttir deyjum 
síðan loks við Guð og menn.  
(Valdimar Briem)

Minnisvers vikunnar

04. ágúst 2019

Morgunlestur: Jóh 6.30-35

Jesús sagði við þá: "Sannlega, sannlega segi ég yður: Móse gaf yður ekki brauðið af himni heldur gefur faðir minn yður hið sanna brauð af himni. Brauð Guðs er sá sem stígur niður af himni og gefur heiminum líf." 
Þá sögðu þeir við hann: "Drottinn, gef okkur ætíð þetta brauð." 
Jesús sagði þeim: "Ég er brauð lífsins. Þann mun ekki hungra sem til mín kemur og þann aldrei þyrsta sem á mig trúir. 

Kvöldlestur: Post 2.41-47

Daglega komu menn saman með einum huga í helgidóminum, brutu brauð í heimahúsum, neyttu fæðu saman í fögnuði og einlægni hjartans. Þeir lofuðu Guð og höfðu vinsældir af öllum. En Drottinn bætti daglega við í hópinn þeim er frelsast létu.

Bæn dagsins

Drottin dýrðarinnar, þú sem gefur okkur allt sem við þörfnumst til að lifa, og gefur okkur Jesú Krist, son þinn, hann sem er brauð lífsins. Opna hjörtu okkar og huga svo að við meðtökum hversu ríkulega gæsku þú sýnir öllum mönnum í Jesú Kristi, bróður okkar og Drottni. Amen.

Sálmur (sb. 229)

Lát ei, Síon, lofgjörð bresta, 
leiðtogann og hirðinn besta, 
Jesú, lýða lausnarann, 
heiðra þú með hljómi snjöllum, 
hugfest þó, að langt er öllum 
manna lofstír meiri hann.
(Helgi Hálfdánarson)

Minnisvers vikunnar

05. ágúst 2019

Morgunlestur: 2Mós 16.32-35

Móse sagði: "Þetta er það sem Drottinn hefur boðið: Fullt gómermál af þessu skal varðveitt fyrir komandi kynslóðir svo að þær geti séð brauðið sem ég gaf ykkur að eta í eyðimörkinni þegar ég leiddi ykkur út úr Egyptalandi." Síðan sagði Móse við Aron: "Taktu krukku, fylltu hana með einum gómer af manna og settu hana fyrir auglit Drottins. Hún skal varðveitt fyrir komandi kynslóðir."

Kvöldlestur: Heb 9.1-12

Nú hafði fyrri sáttmálinn líka fyrirskipanir um þjónustuna og jarðneskan helgidóm. Tjaldbúð var gerð og í fremri hluta hennar voru bæði ljósastikan, borðið og skoðunarbrauðin og heitir hún "hið heilaga". En bak við annað fortjaldið var tjaldbúð sem hét „hið allra helgasta". Þar var reykelsisaltari úr gulli og sáttmálsörkin sem öll var gulli búin. Í henni var gullkerið með manna í, stafur Arons sem laufgast hafði og sáttmálsspjöldin. 

Bæn dagsins

Góði Guð. Af orði þínu veit ég, að sú bæn mín, sem ég bið í nafni þíns elskaða sonar Jesú Krists, er þér þóknanleg. því treysti ég bænheyrslu þinni og segi af hjarta: Amen. Já, já, svo skal verða. Amen. (Lúther)

Sálmur (sb. 229)

Þitt í dag sé þakkarefni 
þjóðum náðarpantur gefni, 
blessað lífsins brauðið það, 
er hann knúður kærleik hreinum 
klökkur býtti lærisveinum, 
síðst er borði sat hann að.  
(Helgi Hálfdánarson)

Minnisvers vikunnar

06. ágúst 2019

Morgunlestur: 2Mós 19.3-8

en Móse gekk upp til Guðs.  
Drottinn hrópaði til hans af fjallinu og sagði: "Segðu svo við niðja Jakobs og kunngjörðu Ísraelsmönnum: Þið hafið séð hvernig ég hef farið með Egypta og hvernig ég hef borið ykkur á arnarvængjum og flutt til mín.

Kvöldlestur: Jóh 6.30-35

Jesús sagði við þá: "Sannlega, sannlega segi ég yður: Móse gaf yður ekki brauðið af himni heldur gefur faðir minn yður hið sanna brauð af himni. Brauð Guðs er sá sem stígur niður af himni og gefur heiminum líf."  
Þá sögðu þeir við hann: "Drottinn, gef okkur ætíð þetta brauð." 

Bæn dagsins

Vísa mér veg þinn, Drottinn, og ger mig fúsan að fara hann. (Heilög Birgitta)

Sálmur (sb. 229)

Ástar hreinu skrúði skarta 
skyldugt væri hverju hjarta 
þessum degi dýrum á, 
og með hásöng helgra ljóða 
höfundinum, Kristi góða, 
náðarmáltíð þakka þá. 
(Helgi Hálfdánarson)

Minnisvers vikunnar

07. ágúst 2019

Morgunlestur: Fil 2.1-4

Gerið ekkert af eigingirni eða hégómagirnd. Verið lítillát og metið hvert annað meira en ykkur sjálf. Lítið ekki aðeins á eigin hag heldur einnig annarra.

Kvöldlestur: Lúk 14.7-11

Far þú heldur er þér er boðið og set þig í ysta sæti svo að sá sem bauð þér segi við þig þegar hann kemur: Vinur, flyt þig hærra upp! Mun þér þá virðing veitast frammi fyrir öllum er sitja til borðs með þér. Því að hver sem upp hefur sjálfan sig mun auðmýktur verða en sá sem lítillækkar sjálfan sig mun upp hafinn verða." 

Bæn dagsins

Jesús Kristur, Guðs Sonur, vertu mér syndugum líknsamur. (Jesúbænin úr Austurkirkjunni)

Sálmur (sb. 229)

Kristur veitist allur öllum 
ævinlega, þá vér föllum 
fram við blessað borðið hans. 
Kristur eyðist ei né þrýtur, 
alla blessun hver einn hlýtur, 
þó að neyti þúsund manns.  
(Helgi Hálfdánarson)

Minnisvers vikunnar

08. ágúst 2019

Morgunlestur: 1Kor 10.16-17

Bikar blessunarinnar sem vér blessum, er hann ekki samfélag um blóð Krists? Og brauðið sem vér brjótum, er það ekki samfélag um líkama Krists? Af því að brauðið er eitt, erum vér hin mörgu einn líkami því að vér eigum öll hlutdeild í hinu eina brauði. 

Kvöldlestur: Lúk 9.10-17

En Jesús sagði við þá: "Gefið þeim sjálfir að eta." 
Þeir svöruðu: "Við eigum ekki meira en fimm brauð og tvo fiska nema við förum og kaupum vistir handa öllu þessu fólki." En þar voru um fimm þúsund karlmenn. 
Hann sagði þá við lærisveina sína: "Látið þá setjast í hópa, um fimmtíu í hverjum." 
Þeir gerðu svo og létu alla setjast. En hann tók brauðin fimm og fiskana tvo, leit upp til himins, þakkaði Guði, braut þau og gaf lærisveinunum til að bera fram fyrir mannfjöldann. Allir neyttu og urðu mettir. En leifarnar eftir þá voru teknar saman, tólf körfur brauðbita. 
 

Bæn dagsins

Faðir minn á himnum, þú veist, hvaða verkefni ég á í vændum í dag. þótt ég kunni að gleyma þér, þá gleymdu mér ekki. (Gömul bæn)

Sálmur (sb. 229)

Allir, sem til Guðs borðs ganga, 
gæti' að halda rannsókn stranga 
högum sálar sinnar á. 
Krists með trú og tárum leiti, 
til þess sér til lífs þeir neyti 
og hans friður faðmi þá. 
(Helgi Hálfdánarson)

Minnisvers vikunnar

09. ágúst 2019

Morgunlestur: Jóh 6.47-51

Þetta er brauðið sem niður stígur af himni. Sá sem etur af því deyr ekki. Ég er hið lifandi brauð sem steig niður af himni. Hver sem etur af þessu brauði mun lifa að eilífu. Og brauðið er líkami minn sem ég gef heiminum til lífs." 
 

Kvöldlestur: Opb 7.9-17

Þá mun hvorki hungra né þyrsta framar og eigi mun heldur sól brenna þá né nokkur breyskja vinna þeim mein. Því að lambið, sem er fyrir miðju hásætinu, mun vera hirðir þeirra og leiða þá til vatnslinda lífsins. Og Guð mun þerra hvert tár af augum þeirra." 

Bæn dagsins

„Þess vegna eruð þið ekki framar gestir og útlendingar heldur eruð þið samþegnar hinna heilögu og heimamenn Guðs.“ (Ef 2.19)

Sálmur (sb. 230)

Heyri' eg um þig, minn Herra, rætt 
í hjálpræðisorði þínu, 
allt sýnist mér þá búið og bætt 
bölið í hjarta mínu. 
Í sakramentinu sé ég þig, 
svo sem í líking skærri, 
með náð mér nærri. 
Ó, hvað gleður sú ásýnd mig, 
engin finnst huggun stærri. 
(Hallgrímur Pétursson)

Minnisvers vikunnar

10. ágúst 2019

Morgunlestur: 2Kor 5.1-9

Ég er því ávallt hughraustur þótt ég viti að meðan ég lifi á jörðinni er ég að heiman frá Drottni því að við lifum í trú án þess að sjá. Já, ég er hughraustur og mig langar öllu fremur til að hverfa burt úr líkamanum og vera heima hjá Drottni. Þess vegna kosta ég kapps um, hvort sem ég er heima eða að heiman, að vera honum þóknanlegur.

Kvöldlestur: Opb 19.6-10

Engillinn segir við mig: "Rita þú: Sælir eru þeir sem boðið er í brúðkaupsveislu lambsins." Og hann segir við mig: "Þetta eru hin sönnu orð Guðs." Og ég féll fram fyrir fætur honum til að tilbiðja hann og hann segir við mig: "Varastu þetta! Ég er samþjónn þinn og systkina þinna sem hafa vitnisburð Jesú. Tilbið þú Guð. Vitnisburður Jesú er andi spádómsgáfunnar." 
 

Bæn dagsins

Drottinn, ef ég má biðja um eitt kraftaverk, gjör mig þá að góðum manni. (Ansgar)

Sálmur (sb. 231)

Sú náð, það líf, sem eilíft er, 
til allra, Jesú minn, frá þér 
við blessað borð þitt streymir. 
Þín sæla návist seður þar 
þá sál, er þyrst og hungruð var. 
Þín elskan engum gleymir. 
(Björn Halldórsson)

Minnisvers vikunnar

11. ágúst 2019

Morgunlestur: Matt 7.24-29

Hver sem heyrir þessi orð mín og breytir eftir þeim, sá er líkur hyggnum manni er byggði hús sitt á bjargi. Nú skall á steypiregn, vatnið flæddi, stormar blésu og buldu á því húsi en það féll eigi því það var grundvallað á bjargi.

Kvöldlestur: 1Jóh 4.1-6

Af þessu getið þið þekkt anda Guðs: Sérhver andi, sem játar að Jesús sé Kristur kominn sem maður, er frá Guði. En sérhver andi sem ekki játar Jesú er ekki frá Guði. Hann er andkristsins andi sem þið hafið heyrt um að komi og nú þegar er hann í heiminum. 

Bæn dagsins

Drottinn Guð, þú sem heldur öllu til haga með kærleika þínum og vísdómi, við komum til þín full trúnaðartrausts og biðjum þig: Haltu frá okkur öllu því sem skaðar okkur og spillir, og veit okkur það eitt sem þjónar til blessunar og hjálpar. Fyrir Drottin Jesú Krist, sem er bróðir okkar og frelsari, og lifir og ríkir með þér og heilögum Anda frá eilífð til eilífðar. Amen.

Sálmur (sb. 186)

Ó, hve sæll er sá, er treysti 
sínum Guði hverja tíð, 
hann á bjargi hús sitt reisti, 
hræðist ekki veðrin stríð. 
Hann í allri segir sorg: 
Sjálfur Drottinn mín er borg, 
Náð og fullting hans mig hugga, 
hans ég bý í verndar skugga. 
(Björn Halldórsson)

Minnisvers vikunnar

12. ágúst 2019

Morgunlestur: Róm 6.19-23

En nú eruð þið leyst frá syndinni og bundin Guði. Það ber ávöxt til helgunar og eilífs lífs að lokum. Því að laun syndarinnar er dauði en náðargjöf Guðs er eilíft líf í Kristi Jesú, Drottni vorum. 

Kvöldlestur: Jak 2.14-26

Og ritningin rættist sem segir: "Abraham trúði Guði og það var honum til réttlætis reiknað," og hann var kallaður vinur Guðs. Þið sjáið að maðurinn réttlætist af verkum en ekki af trúnni einni saman. 
Svo var og um skækjuna Rahab. Réttlættist hún ekki af verkum er hún tók við sendimönnunum og lét þá fara burt aðra leið?
Eins og líkaminn er dauður án anda, eins er og trúin dauð án verka. 

Bæn dagsins

Guð gefi mér guðlega að lifa, þolinmóðlega að þreyja, kristilega að deyja, og gleðilega til eilífs lífs upp að vakna. Fyrir Jesú Krist. Amen (Gömul kvöldbæn)

Sálmur (sb. 186)

Í það skjól vér flýjum, faðir, 
fyrst oss þangað boðið er, 
veginn áfram göngum glaðir, 
glaðir, því vér treystum þér. 
Ein er vonin allra best, 
á þér sjálfum byggð og fest, 
að þú sleppir engu sinni 
af oss kærleikshendi þinni. 
(Björn Halldórsson)

Minnisvers vikunnar

13. ágúst 2019

Morgunlestur: Gal 6.7-10

Þreytumst ekki að gera það sem gott er því að á sínum tíma munum við uppskera ef við gefumst ekki upp. Þess vegna skulum við, meðan tími er til, gera öllum gott og einkum trúsystkinum okkar.

Kvöldlestur: Matt 12.33-37

Annaðhvort er tréð gott og ávöxturinn góður eða tréð vont og ávöxturinn vondur. Því af ávextinum þekkist tréð. Þér nöðrukyn, hvernig getið þér, sem eruð vond, talað gott? Af gnægð hjartans mælir munnurinn. Góður maður ber gott fram úr góðum sjóði en vondur maður ber vont fram úr vondum sjóði. 
 

Bæn dagsins

Drottinn minn og Guð minn. Kenndu mér að lifa eftir þínum vilja, því að þú ert minn Guð. Láttu þinn góða anda leiða mig um réttan veg til eilífs lífs. Amen. (Gömul íslensk bæn)

Sálmur (sb. 231)

Þar er oss borin gjöfin góð, 
þitt guðdómlega hold og blóð, 
og sæll er sá þess neytir 
með hjartans þrá og hreinni trú, 
því honum æðstri blessun þú 
á himnum með þér heitir. 
(Björn Halldórsson)

Minnisvers vikunnar

14. ágúst 2019

Morgunlestur: Kól 1.3-11

Frá þeim degi, er ég heyrði þetta, hef ég því ekki látið af að biðja fyrir ykkur. Ég bið þess að Guð láti anda sinn auðga ykkur að þekkingu á vilja sínum með allri speki og skilningi svo að þið breytið eins og Guði líkar og þóknist honum á allan hátt, að þið berið ávöxt með hvers kyns góðum verkum og vaxið að þekkingu á Guði. Hann styrki ykkur á allar lundir með dýrðarmætti sínum svo að þið fyllist þolgæði í hvívetna og umburðarlyndi og getið með gleði

Kvöldlestur: Jóh 9.1-7, (8-12)

Á leið sinni sá Jesús mann sem var blindur frá fæðingu. Lærisveinar hans spurðu hann: "Rabbí, hvort hefur þessi maður syndgað eða foreldrar hans fyrst hann fæddist blindur?" 
Jesús svaraði: "Hvorki er það af því að hann hafi syndgað eða foreldrar hans heldur til þess að verk Guðs verði opinber á honum. Okkur ber að vinna verk þess er sendi mig meðan dagur er. Það kemur nótt þegar enginn getur unnið. Meðan ég er í heiminum er ég ljós heimsins." 

Bæn dagsins

Almáttugi Guð, faðir Drottins míns Jesú Krists, sem hefur tekið mig að þér sem þitt barn í heilagri skírn og gjört mig að erfingja eilífs lífs. Lát mig stöðugan standa í skírnarnáð þinni mér til sáluhjálpar. Amen.

Sálmur (sb. 190)

Lát opnast augu mín, 
minn ástvin himnum á, 
svo ástarundur þín 
mér auðnist skýrt að sjá: 
hið fríða foldarskraut, 
hinn fagra stjarnaher 
á loftsins ljómabraut 
og ljóssins dýrð hjá þér. 
(Valdimar Briem)

Minnisvers vikunnar

15. ágúst 2019

Morgunlestur: Matt 7.13-21

Gangið inn um þrönga hliðið. Því að vítt er hliðið og vegurinn breiður sem liggur til glötunar og margir þeir sem þar fara inn. Hve þröngt er það hlið og mjór sá vegur er liggur til lífsins og fáir þeir sem finna hann. 

Kvöldlestur: 1Kor 12.27-13.3

Þið eruð líkami Krists og limir hans hvert um sig. Guð hefur gefið öllum sitt hlutverk í kirkjunni: Fyrst hefur hann sett postula, í öðru lagi spámenn, í þriðja lagi kennara, sumum hefur hann veitt gáfu að gera kraftaverk, lækna, vinna líknarstörf, stjórna og tala tungum. 

Bæn dagsins

Drottinn Jesús Kristur. Ég lifi þér, ég dey þér. Hvort sem ég lifi eða dey, þá er ég þinn. Amen. (Lúther)

Sálmur (sb. 190)

Lát opnast eyru mín, 
minn ástafaðir kær, 
svo eilíf orðin þín 
ég ávallt heyri skær: 
þíns lögmáls hvellan hljóm, 
þín heilög boð, ei ströng, 
þíns guðspjalls ástaróm 
og engla helgan söng. 
(Valdimar Briem)

Minnisvers vikunnar

16. ágúst 2019

Morgunlestur: 1Kor 6.9-14, 18-20

Allt er mér leyfilegt en ekki er allt gagnlegt. Allt er mér leyfilegt en ég má ekki láta neitt fá vald yfir mér. Maturinn er fyrir magann og maginn fyrir matinn en Guð mun hvort tveggja gera að engu. En líkaminn er ekki fyrir saurlífi heldur fyrir Drottin og Drottinn fyrir líkamann. Guð hefur uppvakið Drottin með mætti sínum og mun á sama hátt uppvekja okkur.

Kvöldlestur: Fil 2.14-18

Gerið allt án þess að mögla og hika til þess að þið verðið óaðfinnanleg og hrein, flekklaus Guðs börn meðal rangsnúinnar og gerspilltrar kynslóðar sem þið skínið hjá eins og ljós í heiminum. Haldið fast við orð lífsins mér til hróss á degi Krists. Þá hef ég ekki hlaupið til einskis né erfiðað til ónýtis.

Bæn dagsins

Guð gef mér æðruleysi til að sætta mig við það sem ég fæ ekki breytt, kjark til að breyta því sem ég get breytt, og vit til að greina þar á milli.

Sálmur (sb. 190)

Lát opnast munninn minn, 
svo mál hans, Drottinn kær, 
þitt vald og vísdóm þinn 
æ votti nær og fjær. 
Veit mér að mikla þig, 
á meðan æðar slá, 
já, lengur lát þú mig 
þig lofa himnum á. 
(Valdimar Briem)

Minnisvers vikunnar

17. ágúst 2019

Morgunlestur: Fil 1.6-11

Ég fulltreysti einmitt því að hann, sem byrjaði í ykkur góða verkið, muni fullkomna það allt til dags Jesú Krists. 
Víst er það rétt fyrir mig að bera þennan hug til ykkar allra. Ég hef ykkur í hjarta mínu og þið eigið öll hlutdeild með mér í náðinni, bæði í fjötrum mínum og eins er ég er að verja fagnaðarerindið og sannfæra menn um gildi þess.

Kvöldlestur: Opb 14.14-20

Og ég sá, og sjá: Hvítt ský og á skýinu einhvern sitja líkan mannssyni. Hann hafði gullkórónu á höfði og beitta sigð í hendi. Og annar engill kom út úr musterinu. Hann kallaði hárri röddu til þess sem á skýinu sat: "Beittu sigð þinni og skerðu upp því að kominn er uppskerutíminn, kornið er þroskað." Og sá sem á skýinu sat brá sigð sinni á jörðina og uppskeran var færð í hlöðu. 

Bæn dagsins

Guð minn, þú hefur skapað mig, þinn er ég, hjálpa þú mér, almáttugi faðir. (Gömul bæn)

Sálmur (sb. 190)

Lát opnast harðlæst hús 
míns hjarta, Drottinn minn, 
svo hýsi' eg hjartans fús 
þar helgan anda þinn. 
Lát friðmál frelsarans 
þar föstum bústað ná 
og orð og anda hans 
mér ætíð búa hjá. 
(Valdimar Briem)

Minnisvers vikunnar

18. ágúst 2019

Morgunlestur: 2Tím 4.5-8

En ver þú algáður í öllu, þol illt, ger verk fagnaðarboða, fullna þjónustu þína. Nú er svo komið að mér verður fórnfært og tíminn er kominn að ég taki mig upp. Ég hef barist góðu baráttunni, hef fullnað skeiðið, hef varðveitt trúna.

Kvöldlestur: Lúk 12.42-48

Drottinn mælti: "Hver er sá trúi og hyggni ráðsmaður sem húsbóndinn setur yfir hjú sín að gefa þeim skammtinn á réttum tíma? Sæll er sá þjónn er húsbóndinn finnur breyta svo er hann kemur. Ég segi yður með sanni: Hann mun setja hann yfir allar eigur sínar. En ef sá þjónn segir í hjarta sínu: Það dregst að húsbóndi minn komi, og tekur að berja þjóna og þernur, eta og drekka og verða ölvaður, þá mun húsbóndi þess þjóns koma á þeim degi er hann væntir ekki, á þeirri stundu er hann veit ekki, höggva hann og láta hann fá hlut með ótrúum.

Bæn dagsins

Drottinn Guð, gjafari allra góðra hluta, við erum oft óróleg í þessum heimi þar sem gróði eða tap virðast skipta svo miklu máli og verðum hrædd um að tapa. Gefðu okkur kjark til að reikna með þér. Gefðu okkur hlutdeild í auðlegð réttlætis þíns, svo að við eignumst lífið fyrir Jesú Krist.

Sálmur (sb. 361)

Starfa, því nóttin nálgast, 
nota vel æviskeið, 
ekki þú veist, nær endar 
ævi þinnar leið. 
Starfa, því aldrei aftur 
ónotuð kemur stund, 
ávaxta því með elju 
ætíð vel þín pund. 
(Jón Helgason)

Minnisvers vikunnar

19. ágúst 2019

Morgunlestur: 1Kon 3.16-28

Þá sagði konungur: "Önnur ykkar segir: Það er sonur minn sem er á lífi en sonur þinn sem er dáinn. En hin segir: Þinn sonur er dáinn en minn er á lífi." Og hann hélt áfram: "Færið mér sverð.“ Þegar sverð hafði verið sótt sagði konungur: „Höggvið barnið, sem lifir, í tvennt og fáið hvorri sinn helming." Þá sagði konan, sem átti lifandi barnið, við konunginn því að móðurástin brann í brjósti hennar: "Æ, herra minn! Fáðu henni barnið sem lifir, láttu ekki deyða það." En hin sagði: "Það er best að hvorki ég né þú fáir það. Höggvið barnið í tvennt."
Konungur svaraði og sagði: "Fáið hinni konunni barnið sem lifir og deyðið það ekki því að hún er móðir þess." 

Kvöldlestur: Préd 9.13-18

Orð viturra manna, sem hlustað er á í næði,  
eru betri en óp valdhafans meðal heimskingjanna.  
Viska er betri en hervopn  
en einn syndari spillir mörgu góðu.

Bæn dagsins

Frelsa oss, Drottinn, meðan vér vökum, varðveit þú oss er vér sofum, svo að vér vökum með Kristi og megum hvíla í friði. (Fornt andstef)

Sálmur (sb. 361)

Starfa, því nóttin nálgast, 
notaðu dag hvern vel, 
starfa með ugg og ótta, 
arðinn Drottni fel. 
Starfa, þú stendur eigi 
styrkvana' í heimi hér. 
Vanti þig ekki viljann, 
vís er hjálpin þér. 
(Jón Helgason)

Minnisvers vikunnar

20. ágúst 2019

Morgunlestur: Okv 8.12-21

Ég elska þá sem mig elska  
og þeir finna mig sem leita mín.  
Auður og sæmd eru hjá mér,  
varanlegir sjóðir og velgengni.  
Ávextir mínir eru betri en gull og gimsteinar  
og afrakstur minn betri en hreint silfur.  
Ég geng á götu réttlætisins  
og stigum réttsýninnar.  
Ég færi þeim sanna auðlegð sem elska mig  
og fylli sjóði þeirra.

Kvöldlestur: Lúk 16.10-13

Enginn þjónn getur þjónað tveimur herrum. Annaðhvort hatar hann annan og elskar hinn eða þýðist annan og afrækir hinn. Þér getið ekki þjónað Guði og mammón." 

Bæn dagsins

Guð minn, þú fyrirgefur allar misgjörðir mínar og læknar öll mín mein. Varðveit hjarta mitt, vernda mig frá synd, hreinsa huga minn, miskunnsami faðir. (Sigurbjörn Einarsson)

Sálmur (sb. 361)

Starfa, því nóttin nálgast, 
nóg hér að vinna er, 
Guð þér af gnægtum sinnar 
gæsku kraftinn lér. 
Starfa með bæn og biðlund, 
blessast þá allt þitt ráð, 
víst mun þeim, vel er biður, 
veitast allt af náð. 
(Jón Helgason)

Minnisvers vikunnar

21. ágúst 2019

Morgunlestur: 1Pét 4.7-11

Umfram allt hafið brennandi kærleika hvert til annars því að kærleikur hylur fjölda synda. Verið gestrisin hvert við annað án þess að mögla. Sérhvert ykkar hefur fengið náðargáfu. Notið þær og þjónið hvert öðru eins og góðir ráðsmenn margvíslegrar náðar Guðs. 

Kvöldlestur: 1Pét 3.1-6

Skart ykkar sé ekki ytra skraut, hárgreiðslur, gullskraut og viðhafnarbúningur heldur hinn huldi maður hjartans, búinn óforgengilegri fegurð hógværs og hljóðláts anda. Þetta er dýrmætt í augum Guðs.

Bæn dagsins

Jesús Kristur, Drottinn minn, þú gjörðist bróðir minn, leiðst saklaus fyrir syndir mínar og sigraðir dauðann fyrir mig. Ég vil elska þig og fylgja þér. Hjálpa mér til þess, frelsari minn og Drottinn. (Sigurbjörn Einarsson)

Sálmur (sb. 361)

Starfa, því nóttin nálgast, 
niðdimm, er hvílist hold 
dauðans í dróma bundið 
djúpt í kaldri mold. 
Starfa í trú, þá styður 
sterk þig og voldug hönd. 
Herranum Jesú hæstum 
helga líf og önd. 
(Jón Helgason)

Minnisvers vikunnar

22. ágúst 2019

Morgunlestur: Esk 3.17-19

"Mannssonur, ég hef gert þig að verði Ísraelsmanna. Þegar þú heyrir orð af munni mínum átt þú að vara þá við í mínu nafni. 

Kvöldlestur: 1Tím 4.12-16

Lát engan líta smáum augum á æsku þína en ver fyrirmynd trúaðra í orði og hegðun, í kærleika, trú og hreinlífi. 
 

Bæn dagsins

Heilagi andi, lífgjafi minn og Drottinn, þú hefur endurfætt mig í skírn minni, fætt mig til eilífs ríkis himnanna og gjört líkama minn að musteri þínu. Lýs þú mér og helga, svo að ég hryggi þig ekki né styggi, heldur varðveitist í trúnni, styrkist í voninni og eflist í kærleikanum. Hjálpa mér, leið þú mig, heilagi Drottinn minn.

Sálmur (sb. 384)

Vort líf er oft svo örðug för 
og andar kalt í fang,   
og margur viti villuljós 
og veikum þungt um gang. 
En Kristur segir: Kom til mín, 
og krossinn tekur vegna þín. 
Hann ljær þér bjarta sólarsýn, 
þótt syrti' um jarðarvang. 
(Kristján Einarsson frá Djúpalæk)

Minnisvers vikunnar

23. ágúst 2019

Morgunlestur: Jer 1.11-19

Í dag geri ég þig að víggirtri borg,  
að járnsúlu, að virkisvegg úr eir  
gegn konungunum í Júda  
og höfðingjum þar,  
gegn prestunum í Júda og stórbændunum.  
Þeir munu ráðast gegn þér  
en ekki sigra þig  
því að ég er með þér til að bjarga þér, segir Drottinn.

Kvöldlestur: Matt 13.44-46

Enn sagði Jesús: "Líkt er himnaríki fjársjóði sem fólginn var í jörðu og maður fann og leyndi. Í fögnuði sínum fór hann, seldi allar eigur sínar og keypti akur þann.

Bæn dagsins

Guð minn, ég þakka þér, þinn er ég. Hjálpa þú mér, skapari minn, frelsari minn, lífgjafi minn. Dýrð sé þér, Guð minn, faðir og sonur og heilagur andi. Amen. (Sigurbjörn Einarsson)

Sálmur (sb. 384)

Og hafi eitthvað angrað þig 
og að þér freisting sótt, 
þá bið þú hann að hjálpa þér, 
og hjálpin kemur skjótt. 
Hans ljós á vegum lýðsins brann. 
Hann leiða þig til sigurs kann. 
Hin eina trausta hjálp er hann 
á harmsins myrku nótt.   
(Kristján Einarsson frá Djúpalæk)

Minnisvers vikunnar

24. ágúst 2019

Morgunlestur: Matt 7.24-27

Hver sem heyrir þessi orð mín og breytir eftir þeim, sá er líkur hyggnum manni er byggði hús sitt á bjargi. Nú skall á steypiregn, vatnið flæddi, stormar blésu og buldu á því húsi en það féll eigi því það var grundvallað á bjargi. 
 

Kvöldlestur: Lúk 12.54-59

Jesús sagði og við fólkið: "Þá er þér sjáið ský draga upp í vestri segið þér jafnskjótt: Nú fer að rigna. Og svo verður. Og þegar vindur blæs af suðri segið þér: Nú kemur hiti. Og svo fer. Hræsnarar, útlit lofts og jarðar kunnið þér að ráða. Hvers vegna kunnið þér ekki að meta það sem nú er að gerast? 

Bæn dagsins

Drottinn, varðveiti inngöngu mína og útgöngu héðan í frá og að eilífu. Amen. (eftir Slm 121)

Sálmur (sb. 384)

Já, mundu' að hann á mátt og náð,  
þú maður efagjarn, 
sem aldrei bregst, þótt liggi leið 
þíns lífs um auðn og hjarn. 
Frá syndum frelsuð sál þín er, 
því sjálfur Kristur merkið ber 
hvert fótmál lífsins fyrir þér. 
Ó, fylg þú honum, barn. 
(Kristján Einarsson frá Djúpalæk)

Minnisvers vikunnar

25. ágúst 2019

Morgunlestur: Matt 11.16-24

Við hvað á ég að líkja þessari kynslóð? Lík er hún börnum sem á torgum sitja og kallast á: Vér lékum fyrir yður á flautu og ekki vilduð þér dansa. Vér sungum yður sorgarljóð og ekki vilduð þér syrgja. Jóhannes kom, át hvorki né drakk, og menn segja: Hann hefur illan anda. Mannssonurinn kom, át og drakk, og menn segja: Hann er mathákur og vínsvelgur, vinur tollheimtumanna og bersyndugra! En spekin sannast af verkum sínum."
 

Kvöldlestur: Jes 5.1-7

Ástvinur minn átti víngarð 
á frjósamri hæð. 
Hann stakk upp garðinn, tíndi úr honum grjótið, 
gróðursetti gæðavínvið. 
Hann reisti turn í honum miðjum 
og hjó þar þró til víngerðar. 
Hann vonaði að garðurinn bæri vínber 
en hann bar muðlinga. 

Bæn dagsins

Trúfasti Guð, þú sem gjörðist maður í Jesú Kristi, meðal gyðinganna, og til hjálpar öllum heimi. Þú varst trúr þeim lýð er þú valdir, en þú raufst múrana og opnaðir öllum þjóðum og öllum mönnum, leið til þín, og þú kallar alla til að fylgja þér. Styrk þú löngun okkar eftir ríki þínu þar sem kristnir menn og gyðingar munu sameinast og lofa þig um eilífð. Amen.

Sálmur (sb. 709)

Þú heyrir spurt: Er hjálp að fá 
og hvar er ljós og dag að sjá? 
Ef hjartað týnir sjálfu sér 
hvar sé ég leið, hver bjargar mér?  
(Sigurbjörn Einarsson)

Minnisvers vikunnar

26. ágúst 2019

Morgunlestur: Róm 11.1-15

En við ykkur, heiðingjar, segi ég: Nú er ég einmitt postuli heiðingja og þá þjónustu vegsama ég. Vera mætti að ég gæti vakið afbrýði hjá ættmennum mínum og frelsað einhverja þeirra. Fyrst það varð sáttargjörð fyrir heiminn að þeim var hafnað, hvað verður þá upptaka þeirra annað en líf af dauðum? 

Kvöldlestur: Neh 4.1-15

Sérhver sem vann að viðgerð múrsins var gyrtur sverði um lendar sér og vann þannig. 
Ég hafði lúðurþeytarann við hlið mér þegar ég ávarpaði aðalsmennina, embættismennina og hitt fólkið: "Verkið er mikið og margvíslegt. Við erum dreifðir á borgarmúrnum og langt hver frá öðrum. Þið skuluð safnast saman þar sem þið heyrið lúðurinn gjalla. Guð okkar mun berjast fyrir okkur." 

Bæn dagsins

Nú er ég klæddur og kominn á ról, Kristur Jesús veri mitt skjól, Í guðsóttanum gef þú mér að ganga í dag svo líki þér.

Sálmur (sb. 709)

Þú heyrir svar ef hlustar þú 
af hjartans þörf, í barnsins trú 
því Kristur Jesús þekkir þig 
og þú ert hans, hann gaf þér sig. 
(Sigurbjörn Einarsson)

Minnisvers vikunnar

27. ágúst 2019

Morgunlestur: 1Kor 10.1-13

Sá er hyggst standa gæti því vel að sér að hann falli ekki. Þið hafið ekki reynt nema það sem menn geta þolað. Guð er trúr og lætur ekki reyna ykkur um megn fram heldur mun hann, þegar hann reynir ykkur, einnig sjá um að þið fáið staðist. 

Kvöldlestur: 5Mós 32.7-12

Hvers vegna viljið þið letja Ísraelsmenn að fara inn í landið sem Drottinn hefur gefið þeim? Feður ykkar fóru eins að þegar ég sendi þá frá Kades Barnea til þess að skoða landið. Þá fóru þeir upp í Eskóldal og skoðuðu landið, síðan löttu þeir Ísraelsmenn svo að þeir fóru ekki inn í landið sem Drottinn hafði gefið þeim.

Bæn dagsins

Vertu, Guð faðir, faðir minn, í frelsarans Jesú nafni. Hönd þín leiði mig út og inn, svo allri synd ég hafni. (Hallgrímur Pétursson)

Sálmur (sb. 709)

Hve margur sár og meiddur spyr 
við myrkvuð sund og luktar dyr. 
En hlusta nú, þú heyrir svar 
og heilög miskunn talar þar.  
(Sigurbjörn Einarsson)

Minnisvers vikunnar

28. ágúst 2019

Morgunlestur: 1Kon 21.1-16

Því næst sendu þeir Jesebel þessi boð: „Nabót hefur verið grýttur og er dáinn." Þegar Jesebel frétti að Nabót hefði verið grýttur í hel sagði hún við Akab: "Nú skaltu kasta eign þinni á víngarð Nabóts frá Jesreel, sem hann vildi ekki selja þér fyrir peninga, því að Nabót lifir ekki lengur heldur er hann dauður." Þegar Akab heyrði að Nabót væri dáinn fór hann niður í víngarð Nabóts frá Jesreel til þess að kasta eign sinni á hann. 

Kvöldlestur: 1.Kon 21.17-29

Drottins kom til Elía frá Tisbe: "Haltu af stað og farðu til fundar við Akab Ísraelskonung sem ríkir í Samaríu. Hann er nú í víngarði Nabóts og er þangað kominn til þess að kasta eign sinni á hann. Segðu við hann: Svo segir Drottinn: Hefur þú framið morð og nú þegar tekið arfinn? Segðu enn fremur við hann: Svo segir Drottinn: Á sama stað og hundarnir sleiktu blóð Nabóts skulu hundar einnig sleikja þitt blóð." 

Bæn dagsins

Vertu yfir og allt um kring með eilífri blessun þinni. sitji Guðs englar saman í hring sænginni yfir minni. (Sigurður Jónsson)

Sálmur (sb. 709)

Þú heyrir svar ef hlustar þú 
af hjartans þörf, í barnsins trú 
því Kristur Jesús þekkir þig 
og þú ert hans, hann gaf þér sig. 
(Sigurbjörn Einarsson)

Minnisvers vikunnar

29. ágúst 2019

Morgunlestur: Jer 16.14-17

Þeir dagar munu því koma, segir Drottinn, að ekki verður lengur sagt: "Svo sannarlega sem Drottinn lifir sem leiddi Ísraelsmenn frá Egyptalandi," heldur verður sagt: "Svo sannarlega sem Drottinn lifir sem leiddi Ísraelsmenn frá landinu í norðri og öllum öðrum löndum sem hann hafði hrakið þá til." Ég flyt þá aftur til heimalands síns sem ég gaf feðrum þeirra. 

Kvöldlestur: Jer 7.1-15

Svo segir Drottinn hersveitanna, Guð Ísraels: Bætið breytni yðar og verk, þá mun ég búa á meðal yðar hér á þessum stað. Treystið ekki lygaræðum þegar sagt er: "Þetta er musteri Drottins, musteri Drottins, musteri Drottins." 

Bæn dagsins

Algóði Guð, ég fel mig þinni föðurvernd og legg mig allan á þitt vald, líkama minn og sál, vilja min og áform, hugsun mína og gjörðir, lán mitt og líf. Ég fel þér ástvini mína og og bið þig að gæta þeirra og blessa þá. Ver þú mér og þeim eilíft athvarf, náðugur og miskunnsamur faðir í lífi og dauða. Sakir sonar þíns, Jesú Krists. Amen. (Sigurbjörn Einarsson)

Sálmur (sb. 709)

Já, Kristur segir: Kom til mín, 
ég kominn er að vitja þín 
og lækna þig og lýsa þér 
til lífs og sigurs: Fylg þú mér. 
(Sigurbjörn Einarsson)

Minnisvers vikunnar

30. ágúst 2019

Morgunlestur: Hlj 1.1-6, 10-12

Hún grætur sáran um nætur 
og tárin streyma ofan vanga hennar. 
Af öllum ástmönnum hennar 
er enginn til að hugga hana. 
Allir vinir hennar brugðust henni, 
þeir eru orðnir óvinir hennar.

Kvöldlestur: Jóh 2.13-22

Nú fóru páskar Gyðinga í hönd og Jesús hélt upp til Jerúsalem. Þar sá hann í helgidóminum þá er seldu naut, sauði og dúfur og víxlarana sem sátu þar. Þá gerði hann sér svipu úr köðlum og rak alla út úr helgidóminum, líka sauðina og nautin. Hann steypti niður peningum víxlaranna og hratt um borðum þeirra og við dúfnasalana sagði hann: "Burt með þetta héðan. Gerið ekki hús föður míns að sölubúð." Lærisveinum hans kom í hug að ritað er: "Vandlæting vegna húss þíns mun tæra mig upp." 

Bæn dagsins

Almáttugi Guð, þú skapaðir jörðina fyrir manninn og oss þér til dýrðar, veit oss af náð þinni, að jörðin gefi ávöxt sinn, og að vér megum nota og skipta þeim gjöfum af sanngirni nafni þínu til dýrðar og náunganum til blessunar, fyrir Jesú Krist, Drottin vorn. Amen. (úr Book of Common Prayer)

Sálmur (sb. 709)

Þú heyrir svar ef hlustar þú 
af hjartans þörf, í barnsins trú 
því Kristur Jesús þekkir þig 
og þú ert hans, hann gaf þér sig. 
(Sigurbjörn Einarsson)

Minnisvers vikunnar

31. ágúst 2019

Morgunlestur: Matt 23.34-39

Jerúsalem, Jerúsalem! Þú sem líflætur spámennina og grýtir þá sem sendir eru til þín! Hversu oft vildi ég safna börnum þínum, eins og hænan safnar ungum sínum undir vængi sér, og þér vilduð eigi? Guð mun yfirgefa musteri yðar og það verður lagt í rúst. Ég segi yður: Héðan af munuð þér eigi sjá mig fyrr en þér segið: Blessaður sé sá sem kemur í nafni Drottins." 

Kvöldlestur: Róm 9.1-5, 31-10.4

Ég tala sannleika í Kristi, ég lýg ekki, samviska mín, upplýst af heilögum anda, vitnar það með mér að ég hef mikla hryggð og sífellda kvöl í hjarta mínu og gæti óskað að mér væri sjálfum útskúfað frá Kristi ef það yrði til heilla fyrir bræður mína og ættmenn, Ísraelsmenn. Þeir eiga frumburðarréttinn, dýrðina, sáttmálana, löggjöfina, helgihaldið og fyrirheitin. Þeirra eru ættfeðurnir og af þeim er Kristur kominn sem maður, hann sem er yfir öllu, Guð, blessaður að eilífu. Amen. 

Bæn dagsins

Drottinn, vér biðjum þig fyrir öllum sem standa í stríði við freistingar og hugleysi, fyrir öllum sem syrgja og þjást, fyrir öllum sem eiga í baráttu við efasemdir, fyrir öllum sem vér höfum brotið gegn, fyrir öllum sem gjört hafa á hluta vorn, fyrir öllum sem líða vegna ranglætis. Miskunna þú oss öllum, Drottinn, sakir eilífrar náðar þinnar í Jesú Kristi. Amen. (Hanns Lilje)

Sálmur (sb. 192)

Á meðan engin mætir neyð, 
á meðan slétt er ævileið, 
vér göngum þrátt með létta lund 
og leitum ei á Jesú fund. 
(Valdimar Briem)

Minnisvers vikunnar

01. september 2019

Morgunlestur: Slm 32.1-7 (-11)

Biðji þig þess vegna sérhver trúaður 
meðan þig er að finna. 
Þótt vatnsflóðið komi 
nær það honum eigi. 
Þú ert skjól mitt, 
verndar mig í þrengingum, 
bjargar mér, umlykur mig fögnuði.

Kvöldlestur: 1Jóh 1.5-10

Hið sanna ljós, sem upplýsir hvern mann, kom nú í heiminn. Hann var í heiminum og heimurinn var orðinn til fyrir hann en heimurinn þekkti hann ekki.

Bæn dagsins

Drottinn Guð. Þú þekkir okkur. Þú veist að sjálfsmat okkar er oft brenglað. Ýmist metum við okkur of hátt, eða of lágt. Sýndu okkur hver við erum í raun. Láttu okkur standast prófið, svo að við getum örugg staðið frami fyrir þér. Við biðjum þig, vertu nálægur okkur með frelsi þitt og frið, er við biðjum og syngjum, hlustum og tölum, fyrir Jesú Krist, bróður okkar og Drottin.

Sálmur (sb. 349)

Guðdóms elskueðlið djúpa, 
inn til þín ég mæni klökk. 
Ó, ég þarf að krjúpa, krjúpa, 
koma til þín heitri þökk.
(Ólöf Sigurðardóttir)

Minnisvers vikunnar

02. september 2019

Morgunlestur: Mrk 9.33-37

Hann settist niður, kallaði á þá tólf og sagði við þá: "Hver sem vill vera fremstur sé síðastur allra og þjónn allra." Og hann tók lítið barn, setti það meðal þeirra, tók það sér í faðm og sagði við þá: "Hver sem tekur við einu slíku barni í mínu nafni tekur við mér og hver sem tekur við mér tekur ekki aðeins við mér heldur og við þeim er sendi mig." 

Kvöldlestur: Matt 23.1-12

Þá talaði Jesús til mannfjöldans og lærisveina sinna: "Á stóli Móse sitja fræðimenn og farísear. Því skuluð þér gera og halda allt sem þeir segja yður en eftir breytni þeirra skuluð þér ekki fara því þeir breyta ekki sem þeir bjóða.

Bæn dagsins

Vér lofum þig, Drottinn, er birtir af degi, þig sem ert endurlausnari allrar sköpunarinnar. Gef oss af miskunn þinni nýjan dag, fylltan friði þínum. Fyrirgef oss syndir vorar. Lát von vora ekki bila. Byrg ekki auglit þitt fyrir oss. Í umhyggju og kærleika ber þú oss og leiðir, yfirgef oss aldrei. þú sem þekkir veikleika vorn, Drottinn yfirgef oss eigi. Fyrir Jesú Krist, Drottin vorn og frelsara. Amen. (Austursýrlenska kirkjan)

Sálmur (sb. 349)

Ekki neitt ég átti skilið. 
Innst í mér þín birta skín. 
Hvernig fórstu' að brúa bilið, 
bilið milli þín og mín?  
(Ólöf Sigurðardóttir)

Minnisvers vikunnar

03. september 2019

Morgunlestur: 1Sam 17.38-51

Filisteinn hélt af stað og gekk fram gegn Davíð. Hann hljóp hratt á móti honum í áttina að herfylkingunni, stakk hendinni í töskuna, tók úr henni stein og slöngvaði og hæfði Filisteann í ennið. Grófst steinninn í enni Filisteans sem féll á grúfu til jarðar. Þannig sigraði Davíð Filisteann með slöngvu og steini. Hann felldi hann og drap án þess að hafa sverð í hendi. 

Kvöldlestur: Lúk 7.36-50

Símon svaraði: "Sá hygg ég sem hann gaf meira upp." 
Jesús sagði við hann: "Þú ályktaðir rétt." Síðan sneri hann sér að konunni og sagði við Símon: "Sér þú konu þessa? Ég kom í hús þitt og þú gafst mér ekki vatn á fætur mína en hún vætti fætur mína tárum sínum og þerraði með hári sínu. Ekki gafst þú mér koss en hún hefur ekki látið af að kyssa fætur mína allt frá því ég kom. Ekki smurðir þú höfuð mitt olíu en hún hefur smurt fætur mína með smyrslum. Þess vegna segi ég þér: Hinar mörgu syndir hennar eru fyrirgefnar enda elskar hún mikið en sá elskar lítið sem lítið er fyrirgefið." 

Bæn dagsins

Guð, faðir á himnum. Lof og þökk sé þér fyrir hvíld næturinnar. Lof og þökk sé þér fyrir nýjan dag. Lof og þökk sé þér fyrir alla ást þína, alla gæfu og trúfesti sem ég nýt í lífi mínu. þú hefur gefið mér svo margt gott, láttu mig einnig þiggja hið erfiða úr hendi þinni. þú leggur ekki meira á mig en ég fæ borið. þú lætur allt samverka börnum þínum til góðs. (Bonhoeffer)

Sálmur (sb. 349)

Ekki neitt ég átti skilið, 
ekkert, sem ég bað þig um, 
en nú sé ég, að breiða bilið 
brúað er með þjáningum.  
(Ólöf Sigurðardóttir)

Minnisvers vikunnar

04. september 2019

Morgunlestur: Lúk 7.1-10

Jesús fór með þeim. Þegar hann átti skammt til hússins sendi hundraðshöfðinginn vini sína til hans og lét segja við hann: "Ómaka þig ekki, Drottinn, því að ég er ekki verður þess að þú gangir inn undir þak mitt. Þess vegna hef ég ekki heldur talið sjálfan mig verðan þess að koma til þín. En mæl þú eitt orð og mun sveinn minn heill verða.

Kvöldlestur: Matt 21.28-32

Hvor þeirra gerði vilja föðurins?“ 
Þeir svara: "Sá fyrri." 
Þá mælti Jesús: "Sannlega segi ég ykkur: Tollheimtumenn og skækjur verða á undan ykkur inn í Guðs ríki. Því að Jóhannes kom til ykkar og vísaði ykkur á réttan veg og þið trúðuð honum ekki en tollheimtumenn og skækjur trúðu honum. Það sáuð þið en tókuð samt ekki sinnaskiptum og trúðuð honum." 

Bæn dagsins

Drottinn, hjálpa mér að standa í dag þér við hlið í baráttunni gegn hinu illa í veröldinni og mannlífinu. Lát á góðan vilja minn og ásetning, en ekki mistök mín og synd. Styrk mig í gleðinni, reis mig upp er ég missi móðinn. Drottinn, lát mig fá að sjá þig skýrar, færast þér nær, elska þig innilegar í Jesú nafni. Amen (Umritað eftir C.Krook)

Sálmur (sb. 349)

Án þín hefði' eg gæfu glatað, 
Guð, sem vakir yfir mér. 
Án þín hefði' eg aldrei ratað, 
og þó gat ég vantreyst þér.  
(Ólöf Sigurðardóttir)

Minnisvers vikunnar

05. september 2019

Morgunlestur: Post 12.18-25

Á tilsettum degi klæddist Heródes konungsskrúða, settist í hásæti og flutti þeim ræðu. En fólkið kallaði: "Guðs rödd er þetta en eigi manns." Jafnskjótt laust engill Drottins hann sökum þess að hann gaf ekki Guði dýrðina. Hann var étinn upp af ormum og dó.<br/>
En orð Guðs efldist og breiddist út.

Kvöldlestur: Gal 2.16-21

En við vitum að maðurinn réttlætist ekki af lögmálsverkum heldur fyrir trú á Jesú Krist. Og við tókum trú á Krist Jesú til þess að við réttlættumst af trú á Krist en ekki af lögmálsverkum. Enda réttlætist enginn lifandi maður af lögmálsverkum.

Bæn dagsins

Guð, sem veitir þolgæðið og huggunina, gef oss góðan vilja, svo að vér elskum og þjónum þér og systkinum vorum af fúsleik hjartans og með hugarfar Krists í hjörtum vorum byrjum þannig að lifa lífi himnananna á jörðu og æfast í því allt til þess að himinninn, heimur kærleikans, verður oss ekki lengur fjarlægur og framandi, fyrir Jesú Krist. Amen. (Chr. Rossetti, Bænab. JB)

Sálmur (sb. 349)

Ó, að trúa, treysta mega, 
treysta þér sem vini manns, 
Drottinn Guð, að elska' og eiga 
æðstu hugsjón kærleikans. 
(Ólöf Sigurðardóttir)

Minnisvers vikunnar

06. september 2019

Morgunlestur: Lúk 22.24-30

Og þeir fóru að metast um hver þeirra væri talinn mestur. En Jesús sagði við þá: „Konungar þjóða drottna yfir þeim og valdhafar þeirra kallast velgjörðamenn. En eigi sé yður svo farið heldur sé hinn mesti yðar á meðal sem væri hann yngstur og foringinn sem þjónn. Því hvort er sá meiri sem situr til borðs eða hinn sem þjónar? Er það ekki sá sem situr til borðs? Samt er ég meðal yðar eins og þjónninn. 

Kvöldlestur: 2Sam 16.5-14

Konungurinn svaraði: "Gætið að sjálfum ykkur, þið Serújusynir. Ef hann formælir og Drottinn hefur sagt við hann: Formæltu Davíð, hver getur þá spurt: Hvers vegna gerir þú þetta?“ Og enn fremur sagði Davíð við Abísaí og alla þjóna sína: „Hvernig er hægt að búast við öðru af þessum Benjamíníta þegar jafnvel sonur minn, hold mitt og blóð, sækist eftir lífi mínu. Látið hann formæla. Drottinn hefur sjálfsagt skipað honum það. Ef til vill sér Drottinn eymd mína og veitir mér heill í staðinn fyrir formælingar hans í dag." 

Bæn dagsins

Ó, Drottinn lífsins, styð oss með anda þínum. Forða oss frá lífslygi, frá því að lofa hið háa en ástunda hið lága, frá því að hugsa háleitar hugsandir en breyta auvirðulega. Vernda oss fyrir lítilmótlegu hugleysi en lát oss vondjörf þreyta vort skeið. Fyrir Drottin vorn, Jesú Krist. Amen (bænab.JB)

Sálmur (sb. 189)

Í Guðs hús forðum gengu tveir, 
sinn Guð að biðja fóru þeir. 
Um laun bað annar, sagðist sýkn, 
hinn sekur kvaðst og bað um líkn. 
Í herrans geng ég hús sem þeir, 
en hvorum þeirra' eg líkist meir? 
(Valdimar Briem)

Minnisvers vikunnar

07. september 2019

Morgunlestur: Esk 17.22-24

Svo segir Drottinn Guð: Ég mun sjálfur svipta burt efstu greinunum á hinu háa sedrustré. Ég mun brjóta af efsta brumkvistinum og sjálfur gróðursetja hann á háu og gnæfandi fjalli. Ég mun gróðursetja hann á hæsta fjalli Ísraels og hann mun skjóta greinum og bera ávöxt og verða voldugt sedrustré. Hvers kyns fuglar munu setjast að í því og alls kyns vængjuð dýr finna sér skjól í skugga greina þess.

Kvöldlestur: 1Jóh 4.1-6

Við erum af Guði. Hver sem þekkir Guð hlýðir á okkur. Sá sem ekki er af Guði hlýðir ekki á okkur. Af þessu þekkjum við andann sem flytur sannleikann og andann sem fer með lygar. 

Bæn dagsins

Almáttugi og miskunnsami Guð, uppspretta allrar gæsku. Þú þekkir hugsanir hjartna vorra. Fyrirgef oss syndir vorar og reis oss upp, og snú oss til þín. þú eilífa ljós, lýs inn í hjörtu vor. þú eilífi sannleikur, rjúf myrkur vanþekkingar vorrar. þú eilífa gæska, frelsa oss frá illu. Ó, eilífi máttur, ver styrkur vor. Veit oss af óendanlegri náð þinni að vér í dag og alla daga fylgjum í fótspor þíns blessaða sonar og fáum að lokum að ganga inn þeirrar gleði sem þú hefur fyrirbúið oss. Fyrir Jesú Krist, Drottin vorn og frelsara. Amen. (Alquin)

Sálmur (sb. 189)

Sem Farísei' eg einatt er, 
og oft ég sjálfur hrósa mér, 
og þó ei neitt ég hrósvert hef, 
ó, Herra Guð minn, fyrirgef, 
og gef mér hreinna hugarfar, 
sem hins, er stóð þar álengdar. 
(Valdimar Briem)

Minnisvers vikunnar

08. september 2019

Morgunlestur: Slm 40.2-6

Stöðugt vonaði ég á Drottin 
og hann laut niður að mér og heyrði ákall mitt. 
Hann dró mig upp úr glötunargröfinni, 
upp úr fúafeni, 
veitti mér fótfestu á kletti 
og gerði mig styrkan í gangi. 

Kvöldlestur: Matt 12.31-37

Annaðhvort er tréð gott og ávöxturinn góður eða tréð vont og ávöxturinn vondur. Því af ávextinum þekkist tréð. Þér nöðrukyn, hvernig getið þér, sem eruð vond, talað gott? Af gnægð hjartans mælir munnurinn. Góður maður ber gott fram úr góðum sjóði en vondur maður ber vont fram úr vondum sjóði.

Bæn dagsins

Guð, þú sem ert smyrsl sálarinnar, lækna sár okkar sem ekki gróa og sárin sem við höfum valdið öðrum. Verði vilji þinn að eilífu. Í Jesú nafni. Amen.

Sálmur (sb. 356)

Þú, Guð, sem veist og gefur allt, 
mitt geð er hvikult, blint og valt 
og hugur snauður hjartað kalt - 
þó vil ég vera þinn. 
Og þú ert ríkur, þitt er allt, 
og þú ert faðir minn.  
(Sigurbjörn Einarsson)

Minnisvers vikunnar

09. september 2019

Morgunlestur: Mrk 8.22-26

Hann tók í hönd hins blinda, leiddi hann út úr þorpinu, skyrpti í augu hans, lagði hendur yfir hann og spurði: "Sérðu nokkuð?" 
Hann leit upp og mælti: "Ég sé menn, ég greini þá líkt og tré, þeir ganga." 
Þá lagði Jesús aftur hendur yfir augu hans og nú sá hann skýrt, varð albata og gat greint allt.

Kvöldlestur: Matt 12.9-21

Þar var maður með visna hönd. Og þeir spurðu Jesú: "Er leyfilegt að lækna á hvíldardegi?" Þeir hugðust kæra hann.<br/>
Hann svarar þeim: "Nú á einhver ykkar eina sauðkind og hún fellur í gryfju á hvíldardegi. Mundi hann ekki taka hana og draga upp úr? Hve miklu er þó maðurinn sauðkindinni fremri! Það er því leyfilegt að gera góðverk á hvíldardegi."

Bæn dagsins

Eilífi Guð og faðir. þú hefur skapað mig og annast mig frá móðurlífi, við hvert fótmál og andartak, í vöku og svefni, er hönd þín yfir mér, skapandi, hjálpsöm og góð. Lát líf mitt lofa þig. Fyrirgef allt sem ég brýt gegn þér. Ég fel mig miskunn þinni og bið mig að lýsa mér, þegar ég vaki og varðveita mig er ég sef, svo að ég sé þinn á nóttu sem degi, í lífi og dauða. Fyrir Jesú Krist, Drottin minn og frelsara. Amen. (Sigurbjörn Einarsson)

Sálmur (sb. 356)

Þú þekkir allan heimsins harm, 
hvert hjarta grætur þér við barm, 
þú vegur á þinn ástararm 
hvert afbrot manns og böl. 
Við krossins djúpa, hreina harm 
þú helgar alla kvöl.  
(Sigurbjörn Einarsson)

Minnisvers vikunnar

10. september 2019

Morgunlestur: Post 14.8-18

"Menn, hví gerið þið þetta? Við erum menn eins og þið, og flytjum ykkur þann fagnaðarboðskap að þið skulið hverfa frá þessum fánýtu goðum til lifanda Guðs sem skapaði himin, jörð og haf og allt sem í þeim er.

Kvöldlestur: Mrk 1.21-28

Þar var í samkundu þeirra maður haldinn óhreinum anda. Hann æpti: "Hvað vilt þú okkur, Jesús frá Nasaret? Ert þú kominn að tortíma okkur? Ég veit hver þú ert, hinn heilagi Guðs." 
Jesús hastaði þá á hann og mælti: "Þegi þú og far út af honum." 
Þá teygði óhreini andinn manninn, rak upp hljóð mikið og fór út af honum.

Bæn dagsins

Drottinn minn, lýstu mér nú er ég skal halda áfram ferð minni, svo að ég fái séð hvað þú vilt að ég geri eða láti ógert. Gef mér kraft til að vera fúsan til þjónustu við þig í dag. Blessa lífsköllun mína og alla umgengi við annað fólk. Ég bið ekki aðeins um að þú verndir mig frá illu, og frá því að verða til ills, helur umfram allt að þú í dag viljir nota mig öðrum til gagns, gæfu og gleði. Beindu Drottinn, lífsfleyi mínu inn í himininn til þín. Fyrir Jesú Krist, Drottin minn og frelsara. Amen. (M.F. Roos)

Sálmur (sb. 356)

Þú átt mitt líf, þú leystir mig, 
þú lést mig blindan finna þig 
af þeirri náð, er söm við sig 
hvern dag mig dæmdan ber. 
Þú, Kristur, bróðir, blessar mig 
og biður fyrir mér.  
(Sigurbjörn Einarsson)

Minnisvers vikunnar

11. september 2019

Morgunlestur: Post 3.1-10

Pétur sagði: "Silfur og gull á ég ekki en það sem ég hef, það gef ég þér: Í nafni Jesú Krists frá Nasaret, statt upp og gakk!" Og hann tók í hægri hönd honum og reisti hann upp. Jafnskjótt urðu fætur hans og ökklar styrkir, hann spratt upp, stóð í fætur og tók að ganga. Hann fór inn með þeim í helgidóminn, gekk um og stökk og lofaði Guð. Allt fólkið sá hann ganga um og lofa Guð.

Kvöldlestur: Post 9.31-42

En Pétur lét alla fara út, féll á kné og baðst fyrir. Síðan sneri hann sér að líkinu og sagði: "Tabíþa, rís upp." En hún opnaði augun, sá Pétur og settist upp. Og hann rétti henni höndina og reisti hana á fætur, kallaði síðan á hina heilögu og ekkjurnar og leiddi hana fram lifandi. Þetta barst út um alla Joppe og margir tóku trú á Drottin

Bæn dagsins

Guð, þú býður oss að leita þín og þú ert oss hjá, áður en vér hrópum. Ég bið þig í auðmýkt að vera hjá mér og ríkja í mér, og að gjöra hjarta mitt að dvalarstað þínum. Að njóta þín er að eiga konungsríki, og að lofa þig er gleði og sæla sálarinnar. Minnst þess að þrá mín til þín er verk þitt. Viðhald þeirri þrá og svala henni dag eftir dag. Ó, þú vort sanna líf, lát oss finna þig. Varðveit oss hjá þér hér og allsstaðar, nú og ávallt, já og að eilífu. Amen. (Ágústínus)

Sálmur