Sálmur 262
- Ó, himnafaðir, hjá oss ver,
- og hjónin ungu tak að þér,
- er vinna glöð sín heilög heit,
- þeim hjálp og styrk og gæfu veit.
- Hér tengjast sálir, hendi hönd,
- ó, helga þeirra tryggðabönd.
- Gef þeim að starfa í elsku eitt,
- þú einn þá blessun getur veitt.
- Og bústað þeirra blessa þú,
- ó, besti faðir, auk þeim trú.
- Þinn andi vaki yfir þeim
- um alla tíma og leiði heim.
- Og þú, sem átt á öllu ráð,
- og ómælt veitir þína náð,
- lát helgast sérhvert hjónaband
- til heilla fyrir þjóð og land.
Runeberg - Sigurjón Guðjónsson
