Sálmur

Sálmur 476

  • Nýja skrúðið nýfærð í
  • náttúran sig gleður,
  • skepnan öll sem orðin ný
  • upp rís Jesú meður.
  • Dauða vaknað allt er af,
  • allt um loft og jörð og haf
  • sannar sigur lífsins.
  • Brosir dagur, brosir nótt,
  • blíða' og ylur vaka,
  • skepnur fyllast fjöri' og þrótt,
  • fuglar glaðir kvaka,
  • döggin blikar, grundin grær,
  • gjörvallt segir fjær og nær:
  • Sjáið sigur lífsins.
  • Lífið hefur dauðann deytt,
  • döpru manna geði
  • aftur nú er indæl veitt
  • Edens horfna gleði.
  • Kristur galt hið krafða verð,
  • kerúb hefur slíðrað sverð,
  • greidd er leið til lífsins.
  • Adam frá St. Victor - Sb. 1886
Helgi Hálfdánarson