Sálmabók

1 Í dagsins dýrðarmynd
er dimmblá fjallalind,
minn hugur leitar í hæðir til þín
í dagsins dýrðarmynd.

2 Er sumarsólin skín
og sýnir verkin þín
þá þakkar allt sem andar og grær
er sumarsólin skín.

3 Ég lofa land og haf,
það líf sem Guð mér gaf,
í vorsins yl og vetrarins byl
ég lofa land og haf.

4 Sem barn með bæn í sál
ég bind þá ósk í mál
að allur heimur finni þinn frið
sem barn með bæn í sál.

5 Þín gleðin hlý og góð
mér gefi falleg ljóð
sem vitni öll um einlæga trú,
þín gleðin hlý og góð.