Sálmabók

1 Ég gleðst af því ég Guðs son á,
hann gaf mér sig og allt um leið
er bæta fátækt mína má
og minni létta sálarneyð.

2 Ég gleðst af því ég Guðs son á.
Hvað gjört fær mér nú heimurinn?
Minn ástvin Jesús er mér hjá
með allan mátt og kærleik sinn.

3 Ég gleðst af því ég Guðs son á,
nú grandað fær ei dauðinn mér
því brodd hans hefur brotið sá
sem bróðir minn og vinur er.

4 Ég gleðst af því ég Guðs son á,
hann gefa vill mér himin sinn
og þangað leiða þrautum frá
í þreyða friðinn anda minn.

5 Ég gleðst af því ég Guðs son á,
ég gleðst, ó, Jesú minn, í þér
og vil þér aldrei víkja frá
en vak þú, Drottinn, yfir mér.