Sálmabók

1 Upp til fjalla ég augum lít,
ofan sem kemur hjálp mér nýt,
Jesú, minn blíði bróðir,
ómaklegan ei af þér slít,
ó, Jesú, Jesú góður.

2 Hversu veikur sem eg nú er
aldrei skal ég þó sleppa þér,
Jesú, minn blíði bróðir,
eilíf blessun svo auðnist mér,
ó, Jesú, Jesú góður.

3 Styttu nú minna stunda þraut,
stýrðu mér rétta sigurbraut,
Jesú, minn blíði bróðir,
inn í þíns friðar eilíft skaut,
ó, Jesú, Jesú góður.

4 Friðar mig tak í faðminn þinn,
friðarhöfðinginn, lausnari minn,
Jesú, minn blíði bróðir,
leið svo í lífið eilíft inn,
ó, Jesú, Jesú góður.