Kirkjuþing unga fólksins

Biskup Íslands boðar til kirkjuþings unga fólksins í samráði við forseta kirkjuþings.

Hlutverk

Hlutverk kirkjuþings unga fólksins er að ræða stöðu og hlutverk ungs fólks í Þjóðkirkjunni og í samfélagi kirkna um heim allan.

Kirkjuþing unga fólksins er vettvangur ungs fólks til að hafa áhrif á starfsemi kirkjunnar.

Kirkjuþing unga fólksins kýs einn fulltrúa á kirkjuþing með málfrelsi og tillögurétt.

Skipulag

Biskup Íslands skipar verkefnastjóra kirkjuþings unga fólksins að vori ár hvert og boðar til þingsins í samráði við forseta kirkjuþings hins almenna. Þingið skal haldið árlega að hausti og starfi í tvo daga yfir helgi.

Biskup annast undirbúning kirkjuþings unga fólksins í samvinnu við verkefnastjóra og starfandi svæðisstjóra æskulýðsmála

Á kirkjuþingi unga fólksins eiga sæti 21 fulltrúi prófastsdæmanna með málfrelsi, tillögu- og atkvæðisrétt. Fjöldi fulltrúa hvers prófastsdæmis er sem hér segir:

a. Reykjavíkurprófastsdæmi vestra, 3 fulltrúar

b. Reykjavíkurprófastsdæmi eystra, 3 fulltrúar

c. Kjalarnessprófastsdæmi, 3 fulltrúar

d. Vesturlandsprófastsdæmi, 2 fulltrúar

e. Vestfjarðaprófastsdæmi, 2 fulltrúar

f. Húnavatns- og Skagafjarðarprófastsdæmi, 2 fulltrúar

g. Eyjafjarðar- og Þingeyjarprófastsdæmi, 2 fulltrúar

h. Austurlandsprófastsdæmi, 2 fulltrúar

i. Suðurprófastsdæmi, 2 fulltrúar.

Að auki eiga tveir fulltrúar KFUM og KFUK á Íslandi seturétt á kirkjuþinginu með málfrelsi og tillögurétt.

Fulltrúar skulu vera á aldursbilinu 16 til 35 ára, skráð í þjóðkirkjuna og með tengsl við Þjóðkirkjuna í því kjördæmi sem þau sitja fyrir. Fulltrúar eru valdir til tveggja ára.