Síðustu tvö fimmtudagskvöld í ágústmánuði verður tónleikaröðin Einu sinni á ágústkvöldi í Þingvallakirkju. Tónleikarnir hefjast klukkan 20:00 og eru öllum opnir og ókeypis.

Fimmtudagskvöldið 27. ágúst verða Spilmenn Ríkínis.

Spilmenn Rikinis - „Þjóðlög og tónar úr handritum fyrri alda“. Dulmagnaðir tónar úr þjóðararfinum og sungið og leikið á langspil, symfón, hörpu og fleiri forn hljóðfæri. Spilmennirnir kveða líka að gömlum sið.

 

Takmörkuð bílastæði eru við Þingvallakirkju en mælt er til þess að lagt sé við Flosagjá / Peningagjá (P4) en þaðan er um fimm mínútna gönguleið að Þingvallakirkju