Sálmabók

1 Ó, blessuð sýn er Herrans hjörð
til himins komin er
frá öllum þjóðum, allri jörð,
sá endurleysti her.

2 Hve blessuð sýn er safnast heim
hans sendimenn af storð
og skarinn mikli með af þeim
er mátu þeirra orð.

3 Ó, blessuð sýn er sigurljóð
í söng og þakkargjörð
þar duna' um himins dýrðarslóð
frá Drottins sælu hjörð.

4 Hve mikil, Guð, þín miskunn er
sem milt mig laðar heim.
Ó, lát mig standa' í helgra her
á hjálpardegi þeim.