Sálmabók

1 Vor Drottinn Kristur, dýrð sé þér,
dásöm og blessuð náð þín er.
Vor hugur, sál og tunga tignar þig.
Heilagur, heilagur, heilagur ert þú hæst í hæð.

2 Þig lofar allra engla kór,
uppheima sveitin björt og stór,
þig lofa kerúbar og serafar.
Heilagur, heilagur, heilagur ert þú hæst í hæð.

3 Þinn lýður, Kristur, lofar þig,
þín leysta brúður gleður sig
í fylgd með þér mót fegri jörð og sól.
Heilagur, heilagur, heilagur ert þú hæst í hæð.