Sálmabók

530a. Vertu, Guð faðir, faðir minn

Spila hljóðdæmi
0:00
0:00
hymn notes

1 Vertu, Guð faðir, faðir minn
í frelsarans Jesú nafni,
hönd þín leiði mig út og inn
svo allri synd ég hafni.

2 Höndin þín, Drottinn, hlífi mér
þá heims ég aðstoð missi
en nær sem þú mig hirtir hér
hönd þína' eg glaður kyssi.

3 Dauðans stríð af þín heilög hönd
hjálpi mér vel að þreyja,
meðtak þá, faðir, mína önd,
mun ég svo glaður deyja.

4 Minn Jesú, andlátsorðið þitt
í mínu hjarta' eg geymi,
sé það og líka síðast mitt
þá sofna' eg burt úr heimi.

  • THallgrímur Pétursson Ps. 44
  • LWormodsen 1539 – Thomissøn 1569 – Gr. 1594
    Gud Fader udi Himmerig / Lad vaje højt vort kongeflag
  • Sálmar með sama lagi
  • Tilvísun í annað lag
  • Eldra númer 373
  • Eldra númer útskýring T+L