Sálmabók

1 Í miskunn, Guð, vor minnstu nú,
veit milda blessun þína,
þitt auglit blítt og orð lát þú
til eilífs lífs oss skína.
Þinn helgan veg og hjálparráð
gef heimur allur sjái
og Herrans Jesú heilög náð
til hverrar þjóðar nái
og alla frelsað fái.

2 Þig lofi, Guð, þín himnesk hjörð,
þér heiður mannkyn rómi.
Því fagni sérhvert fólk á jörð
með fögrum söngvahljómi
að réttinn hönd þín voldug ver
og valdi syndar eyðir
en líf og kraftur orð þitt er
sem öllum veginn greiðir
á réttar lífsins leiðir.