Sálmabók
750a. Upp hef ég augu mín
Spila hljóðdæmi
0:00
0:00
1 Upp hef ég augu mín,
alvaldi Guð, til þín.
Náð þinni' er ljúft að lýsa,
lofa þitt nafn og prísa.
2 Allt er að þakka þér
það gott sem hljótum vér
um allar aldaraðir,
eilífi ljóssins faðir.
3 Vér erum gleymskugjörn,
gálaus og fávís börn,
en þú, sem aldrei sefur,
á öllum gætur hefur.
4 Eg veit að aldrei dvín
ástin og mildin þín,
því fel ég mig og mína,
minn Guð, í umsjá þína.
- THerdís Andrésdóttir – Sb. 1945
- LWeisse 1531 – Sb. 1589Vater im höchsten Thron
- Sálmar með sama lagi
- Eldra númer 32
- Eldra númer útskýring T+L