Sálmabók

1 Lát þitt ríki, ljóssins Herra,
ljóma skært um jörð og sjá,
láttu meinin þjóða þverra,
þerrðu tár af hverri brá.
Sannleiksorðið sigurbjart
sigri villumyrkrið svart,
syndafár og fjötrar víki
fyrir þínu náðarríki.

2 Tendra þjóðum eld í anda,
efldu Jesú Kristí hjörð,
láttu hana styrka standa
stríð þótt herji víða jörð.
Orðsins þjónum auk þú hlíf,
afl og fjör og heilagt líf,
anda Krists og elsku heita
ótal sálum hjálp að veita.