Sálmabók

1 Í upphafi var orðið fyrst,
það orð var Guði hjá.
Það játum vér um Jesúm Krist
er jörðu fæddist á.

2 Hann var það lífsins ljósið bjart
er lýsir upp hvern mann
en svo var manna myrkrið svart
að meðtók það ei hann.

3 Hann kom til sinna, kom með frið,
hann kom með líkn og náð
en þeir ei kannast vildu við
síns vinar líknarráð.

4 En hver sem tekur honum við
og hýsir Drottin sinn
fær náð og sigur, sæmd og frið
og síðast himininn.

5 Já, Guðs son kom í heiminn hér
og hann varð mönnum jafn
að Guðs börn aftur verðum vér
og vegsömum hans nafn.