Messuþjónahátíð í Reykjavík

22. maí 2018

Messuþjónahátíð í Reykjavík

Messuþjónahátíð í Reykjavík – messuþjónar velkomnir!

Prófastar Reykjavíkurprófastsdæma eystra og vestra bjóða messuþjónum til hátíðar þriðjudaginn 29. maí nk. sbr. boðið hér fyrir neðan:

Til messuþjóna í Reykjavíkurprófastsdæmum:

Verið öll hjartanlega velkomin á messuþjónahátíð í Safnaðarheimili Háteigskirkju þriðjudaginn 29. maí kl. 20 – 22.

Við munum beina sjónum að söng, lofgjörð og útgáfu nýju sálmabókarinnar á þessu kvöldi. Ingibjörg Fríða Helgadóttir, Steinar Logi Helgason og séra Jón Helgi Þórarinsson munu fjalla um efnið.

Gítarinn verður tekinn fram, rykið dustað af hristunum og píanóið sett í gang, sungið og klappað.

Góðar veitingar verða fram bornar í boði prófastsdæmanna.

Við viljum hvetja ykkur til að koma og hitta messuþjóna úr öðrum kirkjum og eiga saman uppbyggilega og gleðilega kvöldstund.

Við prófastarnir hlökkum til að sjá ykkur og viljum með þessari samveru láta í ljós örlítinn þakklætisvott fyrir trúfasta messuþjónustu ykkar.

Gísli Jónasson
Helga Soffía Konráðsdóttir

  • Auglýsing

  • Viðburður

Biskup Íslands með nývígðum prestum, djákna og vígsluvottum

Hátíðleg stund í Dómkirkjunni í Reykjavík

25. ágú. 2025
...tveir prestar og einn djákni vígður
Dómkirkjan í Reykjavík - mynd: hsh

Prests og djáknavígsla á sunnudaginn

21. ágú. 2025
...í Dómkirkjunni í Reykjavík
Forsetahjónin og vígslubiskupshjónin við Hóladómkirkju

Afar vel sótt Hólahátíð

18. ágú. 2025
...forseti Íslands flutti Hólaræðuna