150 ungmenni á febrúarmóti ÆSKR í Vatnaskógi

Febrúarmót ÆSKR fyrir æskulýðsfélög kirkjunnar var haldið um liðna helgi í Vatnaskógi.

Að þessu sinni tóku þátt um 150 ungmenni í 8.-10. bekk. Starfsfólk og þátttakendur fylltu húsakost á staðnum. Mótið tókst vel í alla staði og þátttakendur nutu sín í leik og fræðslu í frábæru umhverfi frá föstudegi til sunnudags. Sérlega góður andi vináttu og kærleika ríkti alla helgina.

Æskulýðsfélögin kepptu í leikjum, spurningakeppni og skemmtiatriðakeppni. Erna Kristín Stefánsdóttir hélt uppbyggjandi fræðsluerindi um jákvæða sjálfs- og líkamsímynd ungmenna sem eru undir stöðugum þrýstingi frá samfélagsmiðlum.

Stjórn ÆSKR þakkar öllum þátttakendum og starfsfólki fyrir frábæra helgi!

Fyrir þá sem ekki vita þá stendur ÆSKR fyrir Æskulýðssamband kirkjunnar í Reykjavíkurprófastsdæmunum.