Sameining prestakalla í vændum

3. mars 2019

Sameining prestakalla í vændum

Kirkjuþing samþykkti tillögu um sameiningu prestakalla í Austurlands- og Vestfjarðaprófastsdæmum.

Hólmavíkur- og Reykhólaprestaköll í Vestfjarðaprófastsdæmi verða sameinuð í eitt prestakall sem mun bera heitið Breiðafjarðar- og Strandaprestakall. Auk þess munu Djúpavogs-, Heydala-, Kolfreyjustaðar-, Eskifjarðar- og Norðfjarðarprestaköll í Austurlandsprófastsdæmi sameinast í eitt prestakall sem mun bera heitið Austfjarða-prestakall.

Í greinargerð með tillögunum kom fram að tillögurnar séu hluti af stefnu biskupafundar um nýskipan prestakalla á landsvísu sem unnið hafi verið að. Felist í þeirri stefnu að horfið verði frá einmenningsprestaköllum, þar sem því verði við komið.

Einnig var samþykkt að leggja niður Saurbæjarprestakall í Vesturlandsprófastsdæmi.

  • Frétt

Barnakór 2.png - mynd

Barnakór Fossvogs í Bústaðakirkju með nýju sniði

27. feb. 2024
.....í samstarfi við Tónlistarskóla Grafarvogs
Lágafellskirkja

Barnakór Lágafellskirkju tekur virkan þátt í samfélaginu

26. feb. 2024
....eldri- og yngri barnakór