Hvað er prjónamessa? En plokkmessa?

28. apríl 2019

Hvað er prjónamessa? En plokkmessa?

Í sumum söfnuðum eru hópar sem koma saman og prjóna. Það eru einkum konur sem sitja með prjóna í höndum, spjalla saman og njóta samvista. Stundum eru þessir hópar tengdir söfnuðum eins og t.d. prjónahópurinn í Brautarholtssókn á Kjalarnesi sem hittist nokkuð reglulega – sóknin býður upp á húsnæðið. Eins hefur kraftmikill prjónahópur verið starfandi í Grafarvogskirkju og þar hefur verið haldin prjónamessa.

Í Gerðubergi í Breiðholti kemur fólk saman og prjónar. Afrakstur prjónavinnunnar hefur verið gefinn til ýmissa félagasamtaka sem sinna ýmsum góðgerðarmálum.
Nú hyggst prjónahópurinn í Gerðubergi gefa afrakstur sinn til Hjálparstarfs kirkjunnar.

Prjónamessa var auglýst í Fella- og Hólakirkju sunnudaginn 28. apríl þar sem þau sr. Jón Ómar Gunnarsson og Kristín Kristjánsdóttir, djákni, þjónuðu. Þar var starfsemi hópsins í Gerðubergi kynnt og á bekkjum kirkjunnar sátu margar konur með prjónana sína sem gengu ótt og títt. Prjónatifið hafði góð og róandi áhrif í kirkjunni.
Í prjónamessu er öllum velkomið að koma með prjónana sína. Prjónamessur eru gott dæmi um grasrótaranga í kirkjulegu starfi sem fleiri söfnuðir mættu taka upp. Nýjar leiðir í kirkjulegu starfi eru margar og það sem tekst vel upp með verður að kynna.

En hvað er plokkmessa?
Hún getur falist í því að virkja söfnuðinn einn sunnudag eða fleiri í að fara um sóknina og tína rusl. Síðan mætti halda guðsþjónustu í lokin – eða á undan – og þakka fyrir hreint umhverfi, góða sköpun Guðs, og heilbrigð augu sem sjá rusl hér og þar. Einnig mætti nema staðar öðru hvoru og lesa t.d. sköpunartexta úr Biblíunni. En auðvitað gæti hver söfnuður búið sér til sitt form og það gæti meira að segja verið hluti af undirbúningi plokkmessunnar.

Þá má benda á að plokkmessa fellur ljómandi vel að umhverfisstefnu þjóðkirkjunnar.

  • Frétt

Hallgrímskirkja í Saurbæ á Hvalfjarðarströnd - aðrar  kirkjur í Garða- og Saurbæjarprestakalli eru á Akranesi, Leirá og Innra-Hólmi
19
feb.

Tvær ráðnar

Garða- og Hvalfjarðarstrandarprestakall fullskipað
Sr. Agnes talaði við heimilisfólkið á dvalarheimilinu í Ólafsvík
19
feb.

Biskup meðal barna og skólafólks, eldri borgara og bæjarstjórnarmanna

Víða farið um Ólafsvíkur- og Ingjaldshólsprestakall og Setbergsprestakall
Merki-þjóðkirkjunnar.png - mynd
18
feb.

Guð elskar okkur eins og við erum - Ákall um íslenskt dvalarleyfi fyrir Maní Shahidi

Við, undirritaðir biskupar þjóðkirkjunnar, hvetjum dómsmálaráðherra til að koma í veg fyrir að fjölskyldunni verði vísað úr landi á forsendum mannúðar og kærleika.