Nýr prestur á Dalvík

16. maí 2019

Nýr prestur á Dalvík

Jónína Ólafsdóttir

Jónína Ólafsdóttir guðfræðingur hefur verið settur prestur í Dalvíkurprestakalli næsta vetur, frá 1. október til 31. mars 2020.

Jónína er fædd á Egilsstöðum 1984 og ólst upp í Þingeyjarsýslu frá fimm ára aldri. Hún lauk BA-prófi í íslenskum fræðum frá Háskóla Íslands 2008 og Mag. theol. 2017, diplómaprófi í sálgæslu 2019 og vinnur nú að lokaritgerð til MA-prófs í guðfræði á sviði kristinnar hjónabandssiðfræði.

Jónína hefur starfað sem aðstoðarmaður dr. Arnfríðar Guðmundsdóttur, prófessors. Þá hefur hún fengist við margvísleg störf í söfnuðum á höfuðborgarsvæðinu síðastliðin tólf ár. Í fyrra var hún kjörin fulltrúi leikmanna á kirkjuþing fyrir Reykjavíkurprófastsdæmi vestra, 1. kjördæmi leikra, og mun láta af þeim störfum þegar hún kemst í tölu vígðra þjóna.

Eiginmaður Jónínu er Eggert Þ. Þórarinsson, forstöðumaður í Seðlabanka Íslands, og eiga þau tvö börn.

Dalvíkurprestakall er myndað af Dalvíkur-, Miðgarða-, Möðruvallaklausturs-, Hríseyjar- og Stærra Árskógssóknum. Íbúar prestakallsins eru um 1.600 talsins.

Auk Jónínu sóttu um afleysingarþjónustuna á Dalvík þeir Mag. theol. Ingimar Helgason og Mag. theol. Sindri Geir Óskarsson.

  • Embætti

  • Frétt

Mari_a A_g.jpg - mynd

Nýr prófastur í Vesturlandsprófastsdæmi

15. okt. 2025
María Guðrúnar. Ágústsdóttir er nýr prófastur á Vesturlandi.
image0.jpg - mynd

Hilda María ráðin

10. okt. 2025
Hilda María hefur verið ráðin prestur við Stykkishólmsprestakall. Sex sóknir tilheyra prestakallinu.
b578676b-cfe9-48fa-a1b7-5534283b24dc.jpg - mynd

Samstaða og samhugur með Úkraínu

10. okt. 2025
Heimsókn biskupa norðurlandanna hafði djúpstæð áhrif á þau.