Kirkjan og rafbíllinn

28. maí 2019

Kirkjan og rafbíllinn

Umhverfisstefna kirkjunnar

Á prestastefnu 2019 var samþykkt ítarleg umhverfistillaga sem greint var frá hér á kirkjan.is 4. maí s.l. Einnig skal bent á umhverfisstefnu þjóðkirkjunnar.

Á kirkjuráðsfundi 8. maí s.l. var lýst ánægju með samþykkt prestastefnu. Kirkjuráðsfundurinn samþykkti einnig að á þessu ári skyldi ráðist í að setja upp hleðslustöðvar fyrir rafbíla við Biskupsgarð í Reykjavík, í Skálholti og á Hólum, og við þjónustumiðstöð Biskupsstofu í Háteigskirkju. Kirkjuráð samþykkti einnig hvatningu til sóknarnefnda um að koma upp rafhleðsluútbúnaði við kirkjur og safnaðarheimili.

Þá samþykkti kirkjuþing unga fólksins 2019 tvær tillögur um umhverfismál. Annars vegar hvatningu til kirkjulegra yfirvalda að draga úr flugferðum starfsfólks eftir því sem kostur væri og kolefnisjafna þær ferðir sem farnar væru, og hins vegar áskorun til hins almenna kirkjuþings um að starfsemi þess verði pappírslaus. Nýliðið kirkjuþing unga fólksins var pappírslaust sem og nýliðinn héraðsfundur Reykjavíkurprófastsdæmis vestra.

Kirkjuþing 2017 samþykkti þingsályktun um umhverfisstefnu þjóðkirkjunnar, málið var flutt af kirkjuráði.

Hér má finna umhverfisstefnu þjóðkirkjunnar: 

Umhverfisstefna kirkjunnar
  • Forvarnir

  • Frétt

  • Samfélag

  • Skipulag

  • Samfélag

Biskup Íslands með nývígðum prestum, djákna og vígsluvottum

Hátíðleg stund í Dómkirkjunni í Reykjavík

25. ágú. 2025
...tveir prestar og einn djákni vígður
Dómkirkjan í Reykjavík - mynd: hsh

Prests og djáknavígsla á sunnudaginn

21. ágú. 2025
...í Dómkirkjunni í Reykjavík
Forsetahjónin og vígslubiskupshjónin við Hóladómkirkju

Afar vel sótt Hólahátíð

18. ágú. 2025
...forseti Íslands flutti Hólaræðuna