Kirkjan og sjómenn

02. júní 2019

Kirkjan og sjómenn

Gísli Hallberg Hallbjörnsson heiðraður

Í morgun fór fram sjómannamessa á Akranesi en þar var slík messa fyrst haldin árið 1925. Sr. Þráinn Haraldsson, þjónaði og prédikaði. Kirkjukór Akraneskirkju söng og við orgelið var Árni Heiðar Karlsson. Guðsþjónustan var vel sótt.

Eftir prédikun sr. Þráins var sjómaðurinn Gísli Hallberg Hallbjörnsson, heiðraður fyrir sjómannsstörf sín og fékk gullmerki sjómannadagsins. Sr. Þráinn rakti sjómennskuferil Gísla í stórum dráttum en frá mörgu var að segja. Hann er fæddur í Bolungarvík árið 1943 og hefur verið á sjó frá því hann var ungur maður enda blundaði sjómennskan ætíð í honum. Gísli lauk vélstjóraprófi árið 1961. Hann flutti á Akranes árið 1970. Sjómennskuár hans voru farsæl.

Að lokinni guðsþjónustu var gengið fylktu liði út á Akratorg og blómsveigur lagður að minnismerki sjómanna. Sr. Þráinn fór þar með bæn.

Víða voru guðsþjónustur á sjómannadaginn og er það vel að þeim góða sið sé haldið við á sem flestum stöðum.

  • Frétt

  • Messa

  • Samfélag

  • Viðburður

  • Samfélag

Einar Áskell fæst við smíðar
23
ágú.

Boðið í leikhús í kirkju

...daglegt líf verður ævintýri líkast
Helga Kolbeinsdóttir, tilvonandi æskulýðsprestur
23
ágú.

Prestsvígsla í Skálholti

...æskulýðsprestur í Digraness- og Hjallasóknum...
María, Hildur Björk og Sigfús munu kynna þjónustumiðstöðina
22
ágú.

Lífleg kynning á kirkjutorgi

Öllum sem vinna á kirkjulegum vettvangi er boðið til kirkjutorgsins