3. júlí 2019
Bænatré í Seyðisfjarðarkirkju
BænatréYfir sumartímann koma skemmtiferðaskip oft í viku til Seyðisfjarðar.
Þá er margt um að vera í bænum og ferðamenn margir. Yfir háannatímann koma um 2000 manns í kirkjuna á dag.
Það eru engir kertastjakar fyrir bænakerti í Seyðisfjarðarkirkju, en starfsfólk kirkjunnar hafa komið sér upp bænatré fyrir gesti og gangandi. Það er mjög mikið notað og bænir og önnur skilaboð á ótal tungumálum hengd á tréð, einnig hafa nokkrar origami-trönur fundið sér þar bústað.
Ef þið eigið leið um Seyðisfjörð kíkið endilega við í kirkjunni. Notið tækifærið og bætið bænarefnum ykkar við flóruna.
