Haustnámskeið Vestfjörðum
Gleði og ánægja sveif yfir vötnumÞjónustusvið Biskupsstofu gekkst fyrir námskeiðum í síðustu viku á Ísafirði fyrir presta og starfsfólk Vestfjarðarprófastsdæmis um nýjungar í helgihaldi og safnaðarstarfi á Ísafirði.
Meðal annar var haldið námskeið um „Familiy ministry“ og „Messy Church“. Námskeiðinu lauk á „Kirkjubralls-messu“ (Messy church) og í henni tóku þátt prestar, organistar og starfsfólk Ísafjarðar, Þingeyrar, Bolungarvíkur-, og Holtsprestakalla.
„Messan hlaut góðar viðtökur og allar kynslóðir skemmtu sér vel saman,“ segir sr. Hildur Björk Hörpudóttir, verkefnastóri á fræðslu- og kærleiksþjónustu Biskupsstofu. „Þátttakendur unnu með biblíutexta og skoðuðu þá út frá nýjum hliðum, sungu sálmana og ræddu efni þeirra,“ bætir sr. Hildur Björk við og segir að fólkið hafi upplifað kirkjuna sína á nýjan og öðruvísi hátt en áður.
Og árangurinn lætur ekki á sér standa. Prestaköllin hafa ákveðið að halda saman tvær messur með þessu sniði á haustönn og tvær á vorönn og því hefur verið fagnað.
Augljóst er að námskeið bera árangur!
Mynd með frétt: Kátt kirkjufólk, frá vinstri: Jón Gunnar Biering Margeirsson, organisti, sr. Fjölnir Ásbjörnssson, Tuuli Rähni, organisti, sr. Hildur Inga Rúnarsdóttir, sr. Magnús Erlingsson, sr. Hildur Björk Hörpudóttir, og sr. Ásta Ingibjörg Pétursdóttir.
