Norræn sálmastefna í Skálholti

Nordhymn í Skálholti

Í gær lauk haustfundi Nordhymn í Skálholti en hann hófst s.l. mánudag.

Nordhymn er norrænt samstarfsverkefni í sálmafræði.

Kynnt eru rannsóknarverkefni sem þátttakendur hafa unnið í fræðigreininni og ný verkefni mótuð. Fundir eru haldnir tvisvar á ári, að vori í háskólanum í Lundi í Svíþjóð og að hausti til skiptis í löndunum.

Í þetta sinn kom til fundarins gestur frá Suður-Afríku, Elsabe Kloppers sem talaði um mikilvægi þess þegar trúartextar frá öðrum kirkjum eru þýddir, að kynna sér líka bakgrunn og tengsl sálmsins við samfélagið svo upprunaleg merking haldi sér inn á nýjan vettvang.

Margrét Bóasdóttir, söngmálastjóri þjóðkirkjunnar, sá um undirbúning og framkvæmd fundarins.

Auk þátttakenda frá Finnlandi, Svíþjóð, Noregi og Danmörku.

Þá voru þessi erindi flutt:

Guðný Einarsdóttir ræddi um tónlistina í nýju sálmabókinni.
Árni Heimir Ingólfsson fjallaði um rannsókn sína á mismunandi uppskriftum af Grallaranum.
Bjarki Sveinbjörnsson talaði um dönsk áhrif á sálmasöngbækur okkar og sögu kirkjuorgela á Íslandi.

Þátttakendur voru flestir að koma í fyrsta sinn til landsins. Þeir nýttu tækifærið til að skoða helstu staði í nágrenni Skálholts og hlýddu á stutta tónleika hjá Skálholtskórnum og Jóni Bjarnasyni, organista.

Hér er vefur Nordhymn.

Nordhymn - sálmastefna í Skálholti - nokkrir þátttakenda