Sett prestur í Patreksfjarðarprestakalli

6. nóvember 2019

Sett prestur í Patreksfjarðarprestakalli

Bryndís Svavarsdóttir

Biskup Íslands auglýsti eftir presti eða guðfræðingi til að sinna prestsþjónustu í Patreksfjarðarprestakalli, Vestfjarðarprófastsdæmi. Um tímabundna setningu er að ræða, frá 1. nóvember til 31. mai  2020.

Biskup Íslands hefur sett Bryndísi Svavarsdóttur til prestsþjónustunnar.

Bryndís er fædd 30. nóvember 1956 í Hafnarfirði.

Bryndís hefur fengist við ýmis störf á almennum vinnumarkaði. Vann sem fiskvinnslukona í Hafnarfirði, starfskona á Kópavogshælinu og Hrafnistu. Starfaði sem læknaritari, bankastarfsmaður og við afgreiðslustörf.

Í rúma tvo áratugi var hún heimavinnandi húsmóðir.

Bryndís lauk stúdentsprófi frá Menntaskólanum Hraðbraut 2005, BA-prófi í guðfræði frá Háskóla Íslands 2008 og cand. theol.-prófi frá sama skóla 2012.

Bryndís hefur margvíslega reynslu úr kirkjulegu starfi. Hún var sjálfboðaliði í æskulýðsstarfi og sunnudagaskóla Ástjarnarkirkju með námi í guðfræðideildinni. Síðar æskulýðsfulltrúi Ástjarnarkirkju; sá einnig um æskulýðsstarf í Kálfatjarnarkirkju. Þá var hún æskulýðsstarfsmaður í Víðistaðakirkju og einnig í Digraneskirkju.

Hún er mikil útvistarkona og hefur verið skemmtiskokkari frá 1991.

Eiginmaður Bryndísar er Lúther Þorgeirsson, sjómaður. Þau eiga fjögur uppkomin börn.

Bryndís verður vígð 17. nóvember n. k.


  • Biskup

  • Embætti

  • Frétt

  • Samfélag

  • Umsókn

  • Biskup

  • Samfélag

Sr. Agnes með grímu frá Lútherska heimssambandinu

Kirkjan og kórónuveiran

11. ágú. 2020
Andlitsgríma og góð málefni
Ásta Guðrún Beck

Nýr starfsmaður

10. ágú. 2020
Ásta Guðrún Beck
Kirkjan.logo  - það besta.jpg - mynd

Laust starf - öflugur bókari

08. ágú. 2020
Umsóknarfrestur til 24. ágúst