Fjölskylduþjónustan við símann

Listaverkið Fýkur yfir hæðir, eftir Ásmund Sveinsson, við Seljakirkju

Fjölskylduþjónusta kirkjunnar sinnir mikilvægu starfi og umfangsmiklu. Starfsfólkið er alla jafna í mikilli nánd við skjólstæðinga sína eins og gefur að skilja.

Breyttar aðstæður í samfélaginu vegna kórónufaraldursins kalla á breytt verklag þar sem hugsað er um öryggi beggja aðila, þeirra sem veita þjónustuna og hinna sem hana þiggja. Það er öllum til góðs.

Þess vegna hafa félagsráðgjafar Fjölskylduþjónustu kirkjunnar tekið þá ákvörðun að veita einungis þjónustu símleiðis. Þannig er komið til móts við skjólstæðinga Fjölskylduþjónustunnar á einkar erfiðum tímum.