Háskóli og kirkja
Kapella Háskóla Íslands - prestsefni æfa þar messusöng og fleiraNýlega var auglýst laus lektorsstaða í kennimannlegri guðfræði, við Guðfræði- og trúarbragðafræðideild á Hugvísindasviði Háskóla Íslands.
Kennimannleg guðfræði fjallar um það er lýtur að starfi presta, kennimanna, á vettvangi kirkju og safnaða. Segja má að greinin snúist um það hvernig guðfræði sem fræðigrein hríslar sig um í verki úti í söfnuðunum – að brúin sé heil þar á milli en ekki með álnarlöngum bilum hér og þar.
Lektorinn á að sinna kennslu og rannsóknum í kennimannlegri guðfræði ásamt öðru.
Milli guðfræði- og trúarbragðadeildar Háskóla Íslands og þjóðkirkjunnar er í gildi samningur um meðal annars kennslu í kennimannlegum fræðum.
Það kemur ekki á óvart að í auglýsingunni segi að æskilegt sé að umsækjendur hafi prestsreynslu.
En aðrar hæfniskröfur eru:
Doktorspróf í guðfræði.
Æskilegt er að umsækjendur búi yfir kennslureynslu á háskólastigi.
Kunnátta og reynsla til að sinna kennslu á sem flestum sviðum kennimannlegrar guðfræði.
Áhersla er lögð á að viðkomandi sé virkur rannsakandi og hafi víðtæka þekkingu á nýjustu, alþjóðlegu rannsóknum á sviði kennimannlegrar guðfræði.
Samstarfs- og samskiptahæfni.
Góð kunnátta í íslensku er skilyrði.
hsh
.png?proc=NewsImageSmall)
