Róm heimsækir Skálholt

15. júlí 2020

Róm heimsækir Skálholt

Listaverk í Skálholti eftir Rósu Gísladóttur

Listsýning í tengslum við Skálholtshátíð verður opnuð formlega á laugardaginn kl. 11.30 í Skálholti. Sýningin mun standa yfir til 30. ágúst.

Listakonan Rósa Gísladóttir sýnir þar verk sín við kirkjuna og skólann.

Sýningin ber yfirskriftina Tilfærsla - Displacement - Róm í Skálholti

Hvers konar verk eru þetta? Þetta eru stór geómetrísk og samhverf form úr hvítu gifsefni (Jesmonite) og verkið Spegill tímans, hringsjá úr endurunnu áli sem speglar umhverfið. Öll vísa verkin til umhverfisins á Keisaratorgunum í Róm sem er einn merkasti fornminjagarður Evrópu.

Verkin hafa áður verið sýnd á Íslandi, í Hörpu sumarið 2013, Tilfærsla / Displacement – Róm / Reykjavík, og í Listasafni Árnesinga sama ár, Skúlptúr – Rósa Gísladóttir.

Auga Rómar og auga Skálholts Gestir í Skálholti á sumardögum hafa gott tækifæri til að skoða hin mjög svo áhugaverðu listaverk og velta fyrir sér fornum og nýjum tengslum Skálholts og Rómaborgar. Þess má geta að kirkjur í Skálholti á kaþólskri tíð voru helgaðar Pétri postula - fiskimanninum, eða fyrsta páfanum.

Það er svo sannarlega vel til fundið að setja sýninguna upp í Skálholti þar sem saga kristni og menningar tvinnast saman.

Orð listakonunnar um sýninguna „Aðstæður gætu þó ekki verið ólíkari: annars vegar 2000 ára gamlar rómverskar fornminjar í fornri heimsborg; hins vegar höfuðstaður kristni á Íslandi, biskupssetur í íslenskri sveit og menningarleg þungamiðja á Suðurlandi. Í list minni leita ég fanga í sögulegri arfleifð vestrænnar formhugsunar, sem á rætur í forngrískri og rómverskri menningu. Í þeim skilningi er myndlist mín eins konar fornleifarannsókn á sögu klassískra forma.“

Eggert Gunnarsson gerði heimildarmynd um sýninguna í Róm í samstarfi við RÚV og var hún endursýnd í sjónvarpinu 10. júní 2020.

Þess má geta að Rósa Gísladóttir sigraði fyrir skömmu í samkeppni um listskreytingu í nýbyggingu Byggðastofnunar á Sauðárkróki. Verk Rósu ber nafnið Eldflaugin og Demanturinn.

Um listakonuna - arkiv.is - gagnagrunnur um íslenska myndlistarmenn

Heimasíða listakonunnar

hsh

  • List og kirkja

  • Menning

  • Samfélag

  • Samstarf

  • Trúin

  • Viðburður

  • Frétt

S og Þ 5.JPG - mynd
07
ágú.

Ein saga – eitt skref

...lært af sögu misréttis gagnvart hinsegin fólki innan kirkjunnar...
Lundinn er víða vinsæll enda fallegur og virðulegur
07
ágú.

HÍB á Twitter, Instagram og Facebook

...býsna öflugt þó gamalt sé
Skálholtskirkja er miðpunktur umhverfismála þjóðkirkjunnar
06
ágú.

Trú og umhverfismál í Skálholti

Ráðstefna í Skálholti í október: „Trú og aðgerðir fyrir náttúruna“