Fréttatilkynning

Fréttatilkynning

Reykjavík 30. júlí 2020

Í ljósi hertra aðgerða ríkisstjórnar Íslands vegna kórónaveirunnar sem herjar á landið og heimsbyggðina, og kynntar voru fyrr í dag, er eftirfarandi tilkynningu komið á framfæri.

Þjóðkirkjan leggur nú sem áður ríka áherslu á að hlíta reglum sóttvarnarlæknis og vera umfram allt samverkamaður yfirvalda í baráttunni gegn þessum vágesti. Allt starf kirkjunnar verður sniðið eftir þeim reglum sem lúta að takmörkunum á samkomuhaldi, samskiptum og nálægð.

Ljóst er athafnir sem hafa mikla þýðingu fyrir fólk, s.s. útfarir, hjónavígslur og skírnir munu þurfa að fara fram með þeim takmörkunum sem þessar hertu aðgerðir hafa í för með sér. Mikill lærdómur ávannst hjá kirkjunni s.l. vetur sem mun vafalaust koma að góðum notum nú.

Það skal tekið fram að fermingar fara fram í haust eins og áætlað var, með því sniði sem reglur og tilmæli almannavarna kveða á um.

Frekari upplýsingar gefur undirritaður.

Pétur G. Markan
Samskiptastjóri biskupsstofu
petur@biskup.is / 6984842