Leikmannastefna 2020 blásin af
Skreyting í Laugarneskirkju eftir Gretu og Jón BjörnssonKórónuveirufaraldurinn hefur margvísleg áhrif á kirkjustarf eins og fram hefur komið hér á kirkjan.is. Fermingarstarf raskaðist og fermingum var frestað og um tíma voru kirkjur lokaðar. Og streymiskirkjan átti sviðið um stund.
Framhaldsfundi kirkjuþings 2019 var frestað í tvígang, átti fyrst að vera 20. mars og svo 12. júní. Nú verður hinn tvífrestaði fundur kirkjuþings 2019 haldinn 10. september á Grand Hótel í Reykjavík, en ekki í höfðustöðvum kirkjunnar, Katrínartúni 4, þar sem ekki hefði verið hægt að framfylgja tveggja metra fjarlægðarreglunni. Strax að loknum framhaldsfundinum verður kirkjuþing 2020 sett á sama stað.
Margir fundir hafa verið haldnir með fjarfundabúnaði og fólk þurft að setja sig inn í tæknimál og tekist bara býsna vel. Þannig hefur veiran truflað allt kirkjustarf sem og gert margt þyngra fyrir fæti í samfélaginu eins og öllum er kunnugt um
Þá var og prestastefna blásin af. Og nú leikmannastefnan.
Leikmannastefna er gjarnan haldin að hausti. Nú hefur verið ákveðið að leikmannastefna 2020 verði ekki haldin. Ástæðan er kórónuveirufaraldurinn.
Á leikmannastefnu kemur saman kirkjufólk til að ræða málefni kirkjunnar. Stefnan er mikilvægur vettvangur sem styrkir allt kirkjustarf á landsvísu.
Formaður Leikmannaráðs er Ágúst Victorsson, sem er fulltrúi úr Reykjavíkurprófastsdæmi eystra, en með honum í ráðinu eru:
Sigríður Klara Árnadóttir, Kjalarnessprófastsdæmi
Reynir Sveinsson, Kjalarnessprófastsdæmi
Jón Oddgeir Guðmundsson, Eyjafjarðar- og Þingeyjarprófastsdæmi
Guðný Guðnadóttir, Suðurprófastsdæmi
Jónas Þór Jóhannsson, Austurlandsprófastsdæmi
Framkvæmdastjóri Leikmannastefnunnar er Magnhildur Sigurbjörnsdóttir.
Í starfsreglum um leikmannaráð segir meðal annars:
Starfsreglur um leikmannastefnu.
hsh
