2. nóvember 2020
Húsnæði kirkjunnar verði boðið
Merki (innsigli) biskupsembættisins - sr. Karl Sigurbjörnsson teiknaði - mynd: hshFram hefur komið í umræðum að þörf sé á auknu rými fyrir skólastarf vegna þess að sóttvarnareglur hafa verið hertar.
Af því tilefni skrifaði biskups Íslands, sr. Agnes M. Sigurðardóttir, prestum, djáknum og sóknarnefndum, bréf þar sem hún hvetur þau til að bjóða fram húsnæði kirkjunnar, safnaðarheimilin, undir skólastarf og hafi samband við skólastjórnendur í hverfum þeirra eftir því sem tök eru á.
Í bréfinu segir sr. Agnes:
Nú þurfum við öll að snúa bökum saman og þarna gætu sóknir kirkjunnar lagt dýrmætt lóð á vogaskálarnar í baráttunni við þessa vá, skólastarfinu til heilla og til þjónustu við börn þessa lands. Kirkja og skóli hafa í aldir verið samverkamenn í uppeldi og fræðslu komandi kynslóða.
Sr. Agnes hvetur til þess að strax verði haft samband við skólastjórnendur og þeim boðin þessi aðstaða þar sem því verður við komið.
Lesa má bréfið hér.
hsh
