Þau þekkja vel til allra mála

16. nóvember 2020

Þau þekkja vel til allra mála

Sr. Vigfús Bjarni Albertsson, og Salbjörg Á. Bjarnadóttir

Öllum er ljóst að kórónuveirufaraldurinn hefur valdð víðtækum breytingum á samfélaginu. hann hefur ekki aðeins valdið þungum efnahagslegum búsifjum heldur og félagslegum. Hvort tveggja glímir samfélagið við eftir því sem það fær við ráðið.

Kórónuveirufaraldurinn rekur yfirvöld til að loka samfélaginu að vissu marki til þess að stemma stigu við útbreiðslu veirunnar. Það sé enda allra hagur.

Lokun samfélagsins hefur áhrif á fólk.

Sumt fólk aðlagast breytingum furðu fljótt meðan annað á í erfiðleikum með það.

Venjubundinn taktur er horfinn og sumir eru óttaslegnir því að eins og við öll vitum er hversdagslegur taktur tilverunnar einn mikilvægasti takturinn. Rútínan, sem svo er kölluð. Eða ramminn utan um lífið.

Takturinn horfinn, rútínan á braut og ramminn skekktur. Og þú með grímu og tveggja metra nálægðartakmörkun á hreinu.

Atvinna, skóli, heimilislíf, tómstundir, ræktun andans og líkamans. Allt er á hverfanda hveli. Og svo er það hin óþreyjufulla bið eftir bóluefni og opnun samfélagsins.

Allt hefur þetta áhrif á andlega líðan fólks.

Hvað er þá til ráða?

Þau sr. Vigfús Bjarni Albertsson, sjúkrahúsprestur, og Salbjörg Á. Bjarnadóttir, geðhjúkrunarfræðingur hjá embætti Landlæknis, eru í hópi þeirra sem sinna heilbrigðis- og sálgæsluþætti samfélagsins á tíma kórónuveirufaraldurs. Þau þekkja vel til allra mála og ræða saman hér í myndbandinu fyrir neðan um samfélag og líðan fólks á tíma heimsfaraldurs.

Fræðslu- og kærleiksþjónustusvið Biskupsstofu lét framleiða myndbandið. 

hsh


  • Kærleiksþjónusta

  • Menning

  • Sálgæsla

  • Skipulag

  • Trúin

  • Frétt

Skútustaðakirkja - sr. Örnólfur leikur á flautu - skjáskot

Streymt á aðventu

30. nóv. 2020
...ótrúlegt streymi...
Þátturinn Aðventa, fyrsti þáttur á morgun, frá vinstri: sr. Guðrún Karls Helgudóttir, stjórnandi þáttarins, og Rósa Björg Brynjarsdóttir, sem stýrir Skjólinu, dagsetri fyrir heimilislausar konur í Grensáskirkju

Aðventa á Hringbraut

28. nóv. 2020
...innihaldsríkir þættir
Guðspjall 1. sunnudags í aðventu er í Markúsi 11.1-11

Aðventan gengur í garð

28. nóv. 2020
...margt í boði ...