Kveðja til Seyðfirðinga frá biskupi Íslands

Seyðfirðingar ganga nú í gegnum miklar raunir. Fjölskyldur og einstaklingar hafa misst heimili sín vegna þeirra náttúruhamfara sem nú ganga yfir. Hjarta landsmanna slær með Seyðfirðingum.

Ég sendi Seyðfirðingum hugheilar kveðjur, baráttuanda og bið fyrir bæjarbúum og björgunarfólki. Öll getum við lagt það að mörkum að bera hvert annað á bænarörmum.

Prestar kirkjunnar á Austurlandi og starfsfólk eru til taks og hefur hópslysanefnd þjóðkirkjunnar sett sig í samband við heimamenn.

Guð sem er allar stundir nærri varðveiti ykkur og blessi.

Agnes M. Sigurðardóttir, biskup Íslands