Aukakirkjuþing 2021
Aukakirkjuþing 2021 verður haldið í Katrínartúni 4 í þessum sal sem kallast Þingvellir - mynd: hshDrífa Hjartardóttir, forseti kirkjuþings, hefur boðað til aukakirkjuþings í Katrínartúni 4, húsakynnum Biskupsstofu, mánudaginn 21. júní.
Þingfundur mun hefjast kl. 13.00. Þeir þingfulltrúar sem það kjósa geta setið fundinn í gegnum fjarfundabúnað. Streymt verður frá fundinum.
Dagskrá liggur ekki fyrir í aðalatriðum.
Kirkjuþing hefst með ritningarlestri og bæn sem biskup flytur. Síðan setur forseti þingið og að því búnu verður gengið til dagskrár.
Kynntur verður kjarasamningur Prestafélags Íslands og kjaranefndar þjóðkirkjunnar.
Farið verður yfir nýju þjóðkirkjulögin sem taka gildi 1. júlí n.k.
Dr. Bjarni Snæbjörn Jónsson mun kynna stöðu stefnumótunarvinnunnar og skipulagsmála.
Þá mun fara fram umræða um fjármál þjóðkirkjunnar.
Ráðgert er að þinginu ljúki síðdegis sama dag.
Kirkjuþing mun svo koma saman í haust.
hsh
