Amen.is aukið og endurbætt
Tíðasöngur í Hallgrímskirkju í Saurbæ, frá vinstri: Benedikt Kristjánsson og sr. Kristján Valur Ingólfsson - mynd: Margrét BóasdóttirAmen.is er fjölbreyttur bænavefur sem finna má meðal annars á vef kirkjunnar, kirkjan.is.
Sjón er vissulega sögu ríkari sem og heyrn. Nú hefur verið bætt við vefinn upptökum af tíðasöng sem og nótum á pdf: Morguntíð, miðmorguntíð, aftansöngur og náttsöngur. Það eru þeir feðgar, sr. Kristján Valur Ingólfsson, fyrrum vígslubiskup í Skálholti, og Benedikt Kristjánsson, tenórsöngvari, sem flytja tíðirnar. Upptakan fór fram í Hallgrímskirkju í Saurbæ og það var Ríkisútvarpið sem sá um þær. Söngmálastjóri þjóðkirkjunnar, Margrét Bóasdóttir, hafði frumkvæði að verkinu. Tíðirnar byggjast á bók Glúms Gylfasonar, Íslenskur tíðasöngur, útgefin 1998, og frumkvöðulsstarfi þeirra dr. Róbert Abraham Ottóssyni og sr. Sigurði Pálssyni í þessum efnum.
Hann er guðsþjónusta til að helga stundir dagsins. Sungnir eru Davíðssálmar, biblíulegir lofsöngvar og lestrar úr Ritningunni. Í kaþólskri tíð voru bænastundirnar átta talsins en Marteinn Lúther lagði til að þeim yrði fækkað. Auk þess skyldi latneskur texti tíðanna sunginn. Þetta olli því að tíðasöngurinn náði ekki fótfestu meðal almennings í lútherskri kirkju. Upp úr 1950 kynntu þeir dr. Róbert Abraham Ottósson og sr. Sigurður Pálsson, tíðasönginn til sögunnar.
Form tíðagerðar er lofgjörð, íhugun, bæn, Biblíutexti. Yfir tíðagerðinni er kyrrð og ró, yfirvegun og hvíld.
Þau sem eru áhugasöm um þennan forna trúar- og menningararf kristninnar geta æft sig í tíðagerðinni með því að hlýða á sönginn.
hsh
