1. Hver er kjörgengur?
Svar:
a) Hver vígður einstaklingur, prestur eða djákni, sem á kosningarrétt skv. 3. gr. starfsreglna um kjör til kirkjuþings.
b) Hver leikmaður sem skírður er, hann eða hún verður að vera í þjóðkirkjunni, og hafa náð 18 ára aldri – verða sömuleiðis að hafa meðmæli sóknarnefndar sinnar.
c) Þá verða öll þau er fullnægja þessum skilyrðum að hafa óflekkað mannorð eins og segir í 2.-3. mgr. 7. gr. reglna um kjör til kirkjuþings.

2. Hvað eiga þau að gera sem hafa ákveðið að gefa kost á sér?
Svar:
Þetta gildir um alla frambjóðendur:
a) Tilkynna kjörstjórn framboð sitt skriflega í síðasta lagi 15. mars 2022: Nafn, kennitala, heimilisfang, netfang, símanúmer. Senda skal tilkynninguna í Katrínartún 4, 105 Reykjavík, eða í tölvupósti á kirkjan@kirkjan.is – gott er að senda ljósmynd með sem verður á kjörseðli.
b) Skila inn sakavottorði. Það er hægt að sækja á vefinn hér.
c) Vera í þjóðkirkjunni en biskupsstofa staðfestir að frambjóðandi sé skráður í þjóðkirkjuna.

Leikmenn sem ekki hafa setið á kirkjuþingi:
a) Skila inn fæðingarvottorði/skírnarvottorði. Þjóðskrá gefur út fæðingarvottorð með skírnardegi skráðum inn á vottorðið en biðja þarf sérstaklega um það. Fæðingarvottorð með skráðum skírnardegi dugar. Sótt hér. - Hægt er að fá vottorðið rafrænt gegnum island.is eða semja um öðruvísi afhendingu.
b) Skírnarvottorð fæst hjá presti í þeirri kirkjusókn sem skírn fór fram.

Allir leikmenn:
a) Fá meðmæli sóknarnefndar. Skrifleg yfirlýsing frá sóknarnefndarformanni um meðmæli sóknarnefndar með framboði viðkomandi frambjóðanda.
b) Sóknarnefndarformaður sendir meðmælin á: kirkjan@kirkjan.is Sjá einnig hér undir flipanum: Frambjóðendur.

3. Hvar kemur kirkjuþing saman?
Svar: Kirkjuþing hefur komið saman á ýmsum stöðum. Hin síðari ár einkum í Katrínartúni 4, þá í safnaðarheimilum – og svo í gegnum fjarfundabúnað á kórónuveirutíð

4. Hvar get ég lesið mig til um kirkjuþing?
Svar: Starfsreglur sem segja til um störf þingsins (þingskapareglur). Þjóðkirkjulög, 7. -9. gr.

5. Fyrir hvaða kjördæmi á ég að bjóða mig fram?
Svar: Kjördæmi fyrir vígt fólk eru þrjú og níu fyrir þau sem ekki eru vígð. Sjá hér 2. gr. starfsreglna um kjör til kirkjuþings. Þú þarft að vita í hvaða prófastsdæmi sókn þín er í og fá svo meðmæli frá sóknarnefnd þinni.

6. Er mikil vinna í því að vera fulltrúi á kirkjuþingi?
Svar: Þingið fundar oft eina viku í einni lotu, stundum skemur og þá í fleiri lotum. Það fer eftir því hvaða mál eru til umfjöllunar. Yfirleitt er reynt að halda fund um helgar og fram í vikuna þar á eftir. Auðvitað þurfa fulltrúar að kynna sér mál, lesa þau og setja sig inn í þau.

7. Er greitt fyrir að sitja á kirkjuþingi?
Svar: Já, það er svokallað þingfararkaup. Um 50.000 kr. fyrir hvern dag og svo þóknun fyrir að sitja nefndarfundi milli þingfunda.

8. Hver veitir nánari upplýsingar?
Svar: Ragnhildur Benediktsdóttir, starfsmaður kjörstjórnar: ragnhildurbe@kirkjan.is

9. Hvenær verður kosið?
Svar: Fimmtudaginn 12. maí frá kl. 12.00 til kl. 12.00 þriðjudaginn 17. maí.

10. Hvenær kemur svo nýkjörið þing saman?
Svar: Í haust.