Kirkjuþing kemur saman

Þingsalurinn í Katrínartúni 4 - aukakirkjuþingið 2022 verður haldið í gegnum fjarfundabúnað og því hætt við að stólarnir í salnum verði auðir - mynd: hsh

Forseti kirkjuþings, Drífa Hjartardóttir, hefur boðað til níunda fundar kirkjuþings 2021-2022, laugardaginn 26. mars kl. 10.00. Fundað verður í Katrínartúni 4, húsakynnum biskupsstofu.

Búist er við því að þingstörfum ljúki um kvöldið og þeim verði svo haldið áfram sunnudaginn 27. mars kl. 9.00. Fundastörf munu og fara fram á mánudeginum 28. mars og stefnt að því að ljúka þeim kl. 17.00 en takist það ekki verður störfum lokið á þriðjudeginum. Streymt verður frá fundum þingsins.

Áformað er að halda lokafund kirkjuþings 2021-2022 og slíta síðan kirkjuþinginu, í lok apríl mánaðar nk.

Nýtt kirkjuþing kemur svo saman í haust en framboðsfrestur til þess er nýlega runnin út. Kirkjuþingskosningar verða 12. -17. maí. Þær eru rafrænar.

Kirkjan.is mun greina frá störfum þingsins.

hsh