Orgelin hljóma

30. apríl 2022

Orgelin hljóma

Orgel Dómkirkjunnar er eitt þeirra orgela sem hljóma í myndbandinu - mynd: hsh

Í nýju myndbandi sem Björn Steinar Sólbergsson, organisti í Hallgrímskirkju og skólastjóri Tónskóla þjóðkirkjunnar, hefur staðið að er áhorfendum boðið inn í allar kirkjur - alls níu - í Reykjavíkurprófastsdæmi vestra til að hlýða á ellefu orgelleikara flytja orgelverkið Was Gott tut, das ist wohlgetan, sálmalag og 9 tilbrigði eftir Johann Pachelbel. Þeir skipta verkinu á milli sín. Sálmalagið er nr. 214 í sálmabók kirkjunnar og heitir Gakk inn í Herrans helgidóm sem er yfirskrift myndbandsins. Það var sr. Valdimar Briem (1848-1930) sem þýddi sálminn.

Áhorfendur fá að kynnast orgelum kirknanna og organistunum sem leika jafnan á þau.

Björn Steinar segir að upprunalega hugmyndin komi frá Nils-Henrik Asheim sem er organisti tónlistarhússins í Stavanger í Noregi.

„Síðastliðið haust hitti ég organistana og fleiri til að kynna þessa skemmtilegu hugmynd,“ segir Björn Steinar. „Allar kirkjur Reykjavíkurprófastsdæmis vestra eru með.“ Hann segist vonast til að myndbandið verði öðrum hvatning til að gera slíkt hið sama eða eitthvað í svipuðum dúr til að kynna orgelið og undraveröld þess og fegurð.

„Þorgrímur Þorsteinsson, tónmeistari, sá um upptökur og hljóðstjórn,“ segir Björn Steinar, „og gerir þetta listavel, vinna hans var hrífandi.“

Áhorfendum gefst ekki aðeins tækifæri til að hlusta á organista heldur og að svipast ögn um inni í kirkjunum sjálfum. Myndefnið allt er líka mjög vel heppnað. Myndbandið er tæpar tíu mínútur að lengd.

Upptökur fóru fram vorið 2022.

Um orgel og organista

Sálmalag
Langholtskirkja, organisti: Magnús Ragnarsson. Orgel: The Noack Organ Company 1999, III/Ped/35. 

Tilbrigði I
Langholtskirkja, organisti: Magnús Ragnarsson. Orgel: The Noack Organ Company 1999, III/Ped/35.

Hallgrímskirkja, organisti : Steinar Logi Helgason. Orgel: Frobenius Orgelbyggeri 1985, II/Ped/10. 

Tilbrigði II
Grensáskirkja, organisti: Ásta Haraldsdóttir. Orgel: Bruno Christensen & Sönner 1988, III/Ped/18.

Bústaðakirkja, organisti: Jónas Þórir. Orgel: Frobenius 1990, III/Ped/33. 

Tilbrigði III
Laugarneskirkja, organisti: Elísabet Þórðardóttir. Orgel: Björgvin Tómasson, orgelsmiður, 2002, II/Ped/28. 

Tilbrigði IV
Áskirkja, organisti: Bjartur Logi Guðnason. Orgel: P. Bruhn & Søn Orgelbyggeri 1993, II/Ped/18. 

Tilbrigði V
Hallgrímskirkja, organisti: Björn Steinar Sólbergsson. Orgel: Orgelbau Klais Bonn 1992, IV/Ped/72. 

Tilbrigði VI
Seltjarnarneskirkja, organisti: Friðrik Vignir Stefánsson. Orgel: Björgvin Tómasson, orgelsmiður, 1999, II/Ped/18. 

Tilbrigði VII
Háteigskirkja, organisti: Guðný Einarsdóttir. Orgel: Karl Schuke Berliner Orgelbauwerkstatt 1973, II/Ped/7. 

Tilbrigði VIII
Dómkirkjan, organisti: Kári Þormar. Orgel: Karl Schuke Berliner Orgelbauwerkstatt 1985, III/Ped/31. 

Tilbrigði IX
Neskirkja, organisti: Lára Bryndís Eggertsdóttir. Orgel: The Noack Organ Company 1999, II/Ped/33.

hsh

 


  • List og kirkja

  • Menning

  • Tónlist

  • Frétt

Að sjálfsögðu var farið í kapelluna í Vatnaskógi, frá vinstri: sr. Magnús Björn og Ársæll - mynd: Vigdís V. Pálsdóttir

Safnaðarferðir

16. maí 2022
...nú er tíminn
Frá vinstri: Sigurbjörn Þorkelsson og Jóhann Helgason - mynd: hsh

Lifi lífið!

15. maí 2022
...nýr geisladiskur
Blessunarguðsþjónustan í Vídalínskirkju - börnin blessuð af prestum og djákna - mynd: Vídalínskirkja

Nýjung í Garðasókn

14. maí 2022
...blessunarguðsþjónusta